修羅刀分析，用法，克制方法

chankinnam

相信自從修羅刀推出後，很多人對這套路都又愛又恨，愛者用之pk往往遇神殺神，恨者恨不早點入手。
本文會談談其普遍連法及破解之法。

套路優點: 破防快，超強控，超痛怒招，怒招完美接套路

套路弱點: 單衝鋒，霸體技CD長，太強人人都買


技能描述我唔多講，網上好易搵到，先講連法，主要有兩種:

1. 黃霸暈起手

暈--破防--夜叉--衝鋒

強制連而言，之後就冇得接落去，呢個時候
因應對手習性可以a)擋b)雁行走c)黃霸群技走人

呢種連法既好處係好易就連到，因為起呢個九九雙衝鋒盛行既世代，主動
搶攻(不論衝鋒還是破防)既大有人在，一般人見你唔係衝鋒既實招，
多數都唔會擋，好易會俾你暈到。而即使識擋，唔了解修羅刀既人
一般都唔會擋晒三下，好多時佢地會沉唔住氣而中第三下暈。
呢個連法既壞處就係後續短，連完之後好易俾人衝鋒反擊。

2. 破防起手

破防--黃霸擊飛--破防--夜叉--衝鋒--(黃霸暈)--破防--夜叉--(怒)

破防連法係修羅刀最可怕既地方，一般而言如果破到防，對手就有
十幾秒咩都做唔到，睇住行血冇左大半，更有可能連埋怒就咁一套帶走。
括號括住黃霸暈，因為呢個位未必暈到，除非網速超快。但有趣既位係，呢度出暈既成功率好大，因為對手俾你連左咁多下，正常人都會好憤怒地狂
㩒衝鋒，好少人識冷靜地擋或者雁走，所以大家不防起呢度試下暈，
對手一衝鋒必被暈中。
由冇怒到連一次上面既招，一般都差一兩下先夠怒出大，
所以最後怒都括住，如果唔夠怒，可以雁行過去(對手岩岩被夜叉
打飛)補多下破防先走人。

以上係最基本既連法，冇咩技巧可言。

修羅刀既技巧在於心理戰(其實所有破防快既套路都係)

同人pk，我好鍾意一倒數完就雁行上去破防，因為
多數人自然反應都係打死都擋住先，所以呢個位好好破。
而如果第一次破到，下一次就唔好破防，雁行過去黃霸暈，
一般人九成都會中招。總之對手會起擋同唔擋之間爭扎，你要做
既就係不停變，令對手無所適從。
另一個小技巧係善用雁行: 雁走，再立即雁行番去埋身出暈或者破防。
多數人都會亂，一亂多數都係擋，咁又係破防好時光。
而面對d遠攻型既對手例如鬼爪，應該點做呢?
好簡單，埋佢身。修羅刀既黃霸擊飛技可以完美地做到呢樣野。
一路黃霸一路雁行過去再暈(破防都得，但擊飛技CD中，冇
得長連)
另外最近成班狗公用狗公劍橫行，其實修羅刀一d都唔怕。
對法就係一直擋，引佢埋身破你防，佢一埋身就暈佢。
擋既原因係狗公劍有個超遠程15米倒地定身技，一定唔可以中，
而只要你擋到呢招，你就可以衝上去屈佢機，近身一定唔會輸。

最後，就係講下面對修羅刀應該點做，破法好簡單，所以
其實修羅刀都唔係完全屈機。。。

原則一: 唔好擋格，打死都唔好擋

你一俾修羅刀破到防就必死。佢得一個衝鋒，中一下一d都唔使驚

原則二: 避暈

"唔擋?咁佢衝埋黎暈我點算" 雁行避開，就係咁簡單

總之唔可以擋! 第一，人地衝埋黎唔一定係暈，可能破防呢?
你永遠都估唔到。第二，修羅招暈一d都唔快，雁行九成避到。

而只要一空左個暈，修羅刀就係一把廢刀，呢把廢刀
起CD內可以做既就係破防，企圖敗中求勝。
咁既情況你仲擋的話我冇野好講。。。衝上去狂打佢啦仲擋!

小弟第一次post心得，請多多指教，希望之後可以寫多d類似既野:-)

小鐵@

回覆 chankinnam 的帖子

修羅刀對追魂爪時利用黃霸擊飛技埋身有自殺成份，要知道呢招舞成五秒，即係叫人用白骨定你身，好危險

realhmy

對住毒蟾功就連唔到招

大君小VY

支持技術..版主放入精華吧

黑薔薇

只要你唔係破防之下用黃霸擊飛,九宮劍落完地陣再暈你連一套都綽綽有餘

chankinnam

回樓上 , 對九宮只需要保持一小段距離同擋就冇問題 , 一般擋完陣同暈修羅刀就可以上去打

當然唔係話修羅一定打WIN九宮,只係對唔同套路有唔同應對方法而已。

打九宮 , 鬼爪更佳

☆無賴★

我都係覺得九宮劍勁D
九宮劍拉距離落陣
如果佢破防  即刻倒地啦  但如果係 暈  就要捉好D時間 霸體一完就落地陣
跟住又係連一套   
所以我都認同  #1 果句   拉距離   一直雁行避

chankinnam

回樓上

其實如果都識玩的話好常會出現一個幾embarrasing既情況,就係大家都擋,大家都等對方出招

如果唔用其他套路,修羅刀對九宮時最佳出擊時機就只有: 擋左陣同暈之後

而實戰上若果有其他輔助套路(如風雷杖)的話 , 擋到第4下就可以強開連一套

始終九宮冇強大快速既破防, 以之為起手套路未必有壓倒性優勢，但若果

以其他無縫套路連九宮的話就真心無解了

dirtychung

認同~~~~~~

逆風屮流魂

其實呢- -    我就認為  紙上談兵作用係不大  你落場實戰  千變萬化  真係要識得隨機應變先得  萬一對手適應左你既出技次序 如果係咁 你都係一成不變 結果只會輸

chankinnam

先多謝樓上指出多變既重要性

岩岩玩玩下又發現破防後既另一種小變化:

就係霸體擊飛破防夜叉補傷後，唔接衝鋒，

直接霸體暈再補傷之後走人，呢個連法

既好處係可以全身而退，防備某d紅霸

反擊。大家如果起呢個千變萬化既戰場上

有咩心得都可以分享出黎

chankinnam

長氣再講多少少九宮

倒地陣CD15秒，持續10，而遠程暈

起無陣既情況下暈唔到人。姐係擋完陣

擋多十秒(中間當然可以秒放一下手休息下)

就已經可以雁行上前埋身打。

對九宮劍玩家而言，個陣中唔中係整個連法既核心，要小心用，不然等你的就是十五秒的不知所措

帥乂隨風乂

我覺得9宮,娘娘動,修羅刀係99最強

大衛柯柏文

修羅刀個破防係硬傷