隨櫻花之城新增的任務9個~魔鬼版主出品

失去法力的魔鬼

上一次同大家介紹左6月23日既更新之後~
相信都有唔小人已經入左櫻花之城嫁喇@@
不過無論你係入左 定係未入都好 以下既攻略應該都會幫倒你嫁:)3
我會同大家講解大約９個任務~ 包括
１)櫻花的烙印(進入櫻花之城任務)
２)來寫報告(建立皇家戰團任務)
３)進入戰爭平原任務
４)進入饑餓荒地任務
５)進入冰花山谷任務
６a)櫻之傳送站
６b喵喵的收集
７)考古學家的委託
８)冒險者公會
９)機甲升級任務
入番正題喇@@首先講解任務:櫻花的烙印啦

１）櫻花的烙印
依個任務係需要等級30或以上先可以觸發嫁~
首先去到星之湖入面既星之眼搵一位叫做松下大叔既Npc


佢老人家聽覺衰退~講左幾次先聽倒我講乜跟住佢就會問你點解想去櫻花之城~
答完佢之後佢就會同你講叫你去皇城境內的山洞搵下一隻叫做品格之蛋既怪物~
打倒品格之蛋就會有機會得到 智仁勇3粒晶石既其中1粒~齊晒3粒就可以去搵一塊刻有櫻花烙印的岩石~
聽倒大叔咁講~我當然二話不說就走左去流星之河既星河地洞(新開既洞穴)啦~
一入到去(x:4350y:2560)就見倒品格之蛋喇~~(我打親都係得同一隻 同人交換係最快既做法)
到最後終於都儲齊3粒喇~咁我就去搵刻有櫻花烙印的岩石啦~


搵倒舊石之後~放左3粒晶石上去~跟住就係痛苦既時刻
佢整左個櫻花既烙印係我隻右手上面呀～嗚 做完任務之後就可以自由出入櫻花之城嫁喇

[ Last edited by 失去法力的魔鬼 on 2005-8-29 at 07:00 PM ]

[ 本帖最後由 失去法力的魔鬼 於 2006-8-9 10:38 AM 編輯 ]

失去法力的魔鬼

２）建立皇家戰團
依個任務係需要到達櫻花之城搵一位Npc先可以觸發~所以等級限制都會係30等級或以上:)3
入到去櫻花之城之後~直行就見倒一棵好靚既櫻花樹　樹前面企左一位Npc叫做皇家戰團申請員~


佢問我係唔係想建立皇家戰團~係既話就要俾２萬蚊佢先可以申請..諒佢都唔敢呃我掛..好就信住佢先啦
俾左２萬蚊佢之後~佢就會俾左３本書我~

睇完３本書之後大約明白到係需要３個唔同種族既玩家去完成嫁~未搵倒人幫手~咁唯有做左人族果份先啦
人族本書提到需要用到~出現係流星之河下遊的靈感獸既血黎寫ｄ份企劃書~
去到之後果然發現靈感獸~殺左佢之後就得到靈感獸的血~用左滴血之後就會完成人族既企劃書嫁喇~


跟住就要搵米古族既朋友幫手喇~首先要將米古既推薦報告交易俾佢~跟住再俾30粒精靈石‧２級俾佢
叫佢幫你轉交俾米古既長老阿當~阿當收左精靈石之後~就係推薦報告上面隨便簽左個名就完左喇~


爭最後一本ja~今次要勞煩機動靈既朋友幫下手喇~首先依位機動靈既朋友要去騎城搵一位軍師叫做阿爾士
阿爾士會叫你俾５千蚊佢~跟住佢就會俾一支靈感之筆你~用支筆既條件係~
你要係機動靈同埋要係滿魔力既狀態之下~用左之後就可以完成份報告嫁喇:)3


完成晒３本書之後就可以去尼尼亞皇城搵皇家戰團管理員~


交左３本書之後就可以幫個皇家戰團改名喇

[ 本帖最後由 失去法力的魔鬼 於 2006-8-9 11:24 AM 編輯 ]

失去法力的魔鬼

３）戰爭平原
依個任務係需要等級30或以上,功勳１千以上仲有完成左正職任務先可以觸發嫁~
進入櫻花之城後~就去搵療傷隊隊長~佢話戰爭平原既空氣太污濁~
叫我地試下去騎城搵依比研究長~佢有機會幫倒我地:O.o


去到騎城之後~見倒依比研究長(佢個樣有ｄ熟口面喎)佢就二話不說　就俾左個氧氣我地喇


拎住氧氣番去搵療場隊隊長~佢就會批准我地進入戰爭平原嫁喇

[ 本帖最後由 失去法力的魔鬼 於 2007-6-9 12:01 AM 編輯 ]

失去法力的魔鬼

４）饑餓荒地
依個任務係需要等級30或以上,功勳１千以上仲有完成左正職任務先可以觸發嫁~
進入櫻花之城後~就去搵荒地救濟隊~佢話饑餓荒地太多難民好危險


除非我可以幫佢搵ｄ野食番黎救濟下ｄ難民~咁就可以得到進入饑餓荒地既資格喇~
荒地救濟隊叫我地去尼尼亞盆地搵慈善農夫拎小麥粉~仲有去絲蘭森林搵牧童拎牛奶


去到尼尼亞盆地搵倒慈善農夫~佢要我俾５百蚊佢:O.o咁都叫慈善
跟住再去絲蘭森林搵牧童拎埋牛奶~就可以番去搵荒地救濟隊喇~
完成任務就會得到進入饑餓荒地既資格喇

[ Last edited by 失去法力的魔鬼 on 2005-8-29 at 06:56 PM ]

失去法力的魔鬼

５）冰花山谷
依個任務係需要等級４0或以上,功勳１千以上仲有完成左正職任務先可以觸發嫁~
進入櫻花之城後~就去搵國民健康長做身體檢查~

做完檢查之後佢就問我怕唔怕凍話唔怕就呃你既姐~
佢俾左粒藥丸我之後就叫我去機械之城搵科學院醫生~
科學院醫生話我地既體質唔適合進入冰花山谷~
佢再叫我地去搵軍火研究員~因為佢研製緊燃燒彈~:O.o


搵倒軍火研究員之後拎左個燃燒彈~佢搵我做佢既測試對象
唔理得咁多~測試就測試啦~拎燃燒彈番去搵科學院醫生~

科學院醫生幫我地製成小火球~　拎住小火球去搵國民健康長
佢就會檢查小火球岩唔岩用~之後就叫我地食左佢:O.o
食完就完成任務　可以進入冰花山谷喇

[ Last edited by 失去法力的魔鬼 on 2005-8-29 at 06:57 PM ]

失去法力的魔鬼

６a）櫻之傳送站
係櫻花之城入面有一位叫做櫻姬既傳送師~
而尼尼亞皇城就有一位叫做尼娜既傳送師~
只要係櫻花之城搵櫻姬登記過(需要1千蚊星幣)
就可以係尼尼亞皇城搵尼娜直接傳送去櫻花之城嫁喇(需要4千蚊星幣):)3
相反亦都可以~即係可以搵尼娜登記再用4千蚊搵佢送你去櫻花之城嫁



６b）喵喵的收集(等級限制Lv35或以上)
咪咪係尼尼亞皇城既生意太好喇~
所以係新開既櫻花之城開設分店~由喵喵去睇舖

今次喵喵收集既係冰花的花瓣~每次收集既數量係１００個~
有機會抽倒唔同既頭飾~同尼尼亞皇城果ｄ唔同嫁



[ Last edited by 失去法力的魔鬼 on 2005-8-29 at 07:23 PM ]

失去法力的魔鬼

7)考古學家的委託 (等級限制25級或以上)
係櫻花之城有一位考古學家叫做古古魯~


佢為左要研究古化戰爭既資料~
就想我地幫佢係戰爭平原收集唔同部份既古代裝備~
如果一件件交俾古古魯呢~就30蚊一件~
一套5件既話呢~就可以換倒250蚊嫁~


不過對於等級40既玩家黎講好似小左D:)
我諗可能遲d會再調整任務既獎勵掛:)3

失去法力的魔鬼

８)冒險者公會(等級限制40級或以上)
同大家介紹完考古學家之後~仲有一個人係需要同大家介紹嫁
佢身處係櫻花之城~療傷隊隊長隔黎既屋仔入面~佢叫做尼可~


只要有足夠條件~再去搵尼可既話佢就會邀請你加入冒險者公會~
只要儲夠10個冒險者遺物就可以加入冒險者公會嫁喇:)3
成功加入就會得到１級會員証~然後大家就可以每次用50個冒險者之章換取冒險者積分~
冒險者積分可以用黎換你現在會員等級既禮物　或者　換取更高等級既會員証~
有更高等級既會員証就自然可以換更多既禮物啦~
可換取既禮物如下:

一級會員可用50分換取以下物品：　　　二級會員可用100分換取以下物品：
‧2級會員証　　　　　　　　　　　　  ‧3級會員証
‧黃金大眼立普卡　　　　　　　　　    ‧黃金水藍立普卡
‧超級魔法藥水50支　　　　　　　　　 ‧超級魔法藥水120支


三級會員可用200分換取以下物品：　　  四級會員可用300分換取以下物品：
‧4級會員証　　　　　　　　　　　　　‧5級會員証
‧小蛋糕帽　　　　　　　　　　　　　  ‧春日草帽
‧超級魔法藥水300支　　　　　　　　   ‧黃金冰地鳥獸卡

五級會員可用400分換取以下物品：          六級會員可用500分換取以下物品：
‧6級會員証　　　　　　　　　　　　　 ‧黃金鳥獸人卡
‧黃金紫冰龍甲獸卡



由於張圖既位置有限~所以我將ｄ強化卡既資料打出黎啦:)
黃金大眼立普卡:     等限限制17   生命上限+65    魔力上限+41     防禦、魔防+2   命中、迴避+17   
黃金水藍立普卡:     等限限制22   生命上限+98    魔力上限+57     防禦、魔防+3   命中、迴避+22
金冰地鳥獸卡:        等限限制26   生命上限+139  魔力上限+73     防禦、魔防+4   命中、迴避+27  
黃金紫冰龍甲獸卡:  等限限制30   生命上限+167  魔力上限+92     防禦、魔防+5   命中、迴避+30
黃金鳥獸人卡:        等限限制34   生命上限+210  魔力上限+113   防禦、魔防+6   命中、迴避+34   攻擊距離+20

[ Last edited by 失去法力的魔鬼 on 2005-8-29 at 06:59 PM ]

失去法力的魔鬼

9)機甲升級任務(需完成坐騎牌照任務)
係機械之城有一位叫做果醬博士既人~

佢可以幫大家將20Lv既機甲~升級做40Lv~
                            40Lv既機甲~升級到60lv~
當然玩家齊需要有一定等級先可以觸發任務啦@@
只要玩家40Lv或以上&機甲20Lv就可以用300個精靈石．4級　將機甲升級到40Lv
       玩家60Lv或以上&機甲40Lv就可以用300個精靈石．6級　將機甲升級到60Lv嫁喇~



[ Last edited by 失去法力的魔鬼 on 2006-1-3 at 01:19 PM ]

meeo

魔版好正呀>v<"d任務
要後果個最正

online@game

[size=-2][size=-2][size=-2]魔版你可唔可以開個戰鬥裝備資料全集

kwong1012

嘩板主你幾lv家咁勁

失去法力的魔鬼

Originally posted by online@game at 2005-10-3 08:00 PM
[size=-2][size=-2][size=-2]魔版你可唔可以開個戰鬥裝備資料全集

有難度=o=有排整
不如索性出番本魔鬼版主攻略啦

+翼之騎士+

26lv>_<好難升lv ar

+翼之騎士+

餅主頭一個任完左就禁塊石就入到??

[ Last edited by +翼之騎士+ on 2005-12-20 at 06:07 PM ]

yammy_law

魔版好正呀>v<"d任務

drtmswd

冰花的花瓣係咪打冰花立普呀??????

yatmingyang

唔一定,但上游個山洞可以打到

0o幻滅o0

嘩,好正好索既攻略阿
官方攻略本都無咁齊

Uranus→浩

蛋蛋幾多lv架?~~