★∮ 了解１２星座的好朋友 ∮★ - 星座命理

2000FUN論壇 › 綜合論壇 › 星座命理 › ★∮ 了解１２星座的好朋友 ∮★

查看: 4590\|回覆: 19	go [星座排行] ★∮ 了解１２星座的好朋友 ∮★ [複製鏈接]

鋒．嵐＊

二轉會員

Rank: 7 Rank: 7 Rank: 7 Rank: 7 Rank: 7 Rank: 7 Rank: 7

UID: 683012
帖子: 12546
積分: 18668
Good: 468
註冊時間: 06-7-2
在線時間: 3810 小時

十週年勳章(賀詞) 十週年勳章(截圖)

1^#

發表於 07-9-7 07:19 PM |只看該作者 |倒序瀏覽 |打印

★白羊座：

佢一向好鬼忠於自己，無論到底呢個諗法係唔係正確，同佢溝通唔需要太過上心，而且千其咪嘗試改變佢的諗法；另外霸道同自我中心亦係佢特色之一，所以同佢一齊記住畀多兩分面子佢，一旦成為好朋友，白羊座係會願意為你赴湯蹈火！

★金牛座：

性格親切、斯斯文文，鍾意玩冷眼旁觀，成日一副無乜所謂的表情，都幾受人觀迎，不過呢，骨子裡面好鬼固執同小器，有時唔覺意講錯句說話，佢會有可能從心裡面嬲你一世，所以同佢相處最緊要坦誠，鍾意唔鍾意都要講畀佢知，肉麻點都唔緊要！

★雙子座：

雖然佢好似係人都講得兩咀，夠晒交遊廣闊，其實大多數同佢都係點頭之交，因為佢唔會輕易畀人見晒佢雙重性格嘅兩面；再加上佢一向都係神神化化兼好多神經質，所以要同佢做老友首先一定要頂得住佢嘅情緒化，同埋果種「事不關己、己不勞心」的態度。

★巨蟹座：

媽媽型的巨蟹座基本上係好容易交到朋友，不過一旦熟絡之後就會發現佢有些陋習都幾難攪，首先係佢幾自我保護，有起事佢會顧住自己先，佢鍾意貪小便宜，又好多苦水吐，只要你包容得到，要同佢做好朋友冇難度！

★獅子座：

老實講，以佢呢種勁自我中心，兼又要人認同的星座，真係好少人頂得住，不過同白羊座唔同，佢自我中心之餘亦有少少包容別人，只要你頂得住佢認為自己樣樣都係最好同最叻，每日讚佢醒，久而久之大家就可以建立到感情，佢亦會好鬼重視你！

★處女座：

係人都知處女座難相處，唔係因為佢挑剔，而係佢成日覺得自己無錯，全部都係人哋錯，同佢講道理，一唔想聽佢就會發癲，有憤世嫉俗的傾向！所以要同佢做朋友，最緊要唔好同佢斤斤計較，由佢講你唔好講，就算有錯都唔好篤爆佢，總之以靜制動啦！

★天秤座：

天秤座係好鬼受人歡迎，雖然唔係屬於社交圈子入面嘅重心人物，不過永遠佢都係團體活動中出席者的必然之選；受歡迎原因當然係因為佢份人成日都無乜所謂啦，不過有時過份得滯變成冇乜主見同好鬼依賴，同佢做朋友要多多包涵佢嘅優柔寡斷。

★天蠍座：

無可否認呢，天蠍座確實係一個城府甚深的星座，而且佢鍾意玩神秘，所以講到做朋友，唔係話你想做就可以埋到佢身；所以如果講到做朋友，都係要由天蠍座呢方話事，而且千祈唔好太過行入佢的「安全網」底線，唔係講到幾老友都係假！翻硬臉！

★人馬座：

人馬座係最相識滿天下，因為無論男或者女嘅人馬座都係一個活潑開朗、有趣嘅人，大家都樂於同佢一齊，不過呢，佢鬼馬嘅另一面係佢嘅獨斷自我有時都幾難頂，尤其係佢本身嘅價值觀，同佢做朋友千祈咪直斥佢，仲一定要認同佢嘅似是以非的觀點。

★山羊座：

單係睇山羊座個樣都已經係一副凍冰冰、拒人千里之外咁款，而佢本身亦都絕對唔係好客嗰種人；而且佢識朋友係重質不重量，其實只要一旦成為老友，佢會好珍惜呢份感情；同佢做老友最緊要唔好太計較，因為佢隨時一年先主動打兩三次電話畀你。

★水瓶座：

重視朋友係水瓶座的特點之一，佢唔會好似獅子座咁浮誇做畀人睇，而係傾向用個心去錫朋友，尤其係當發生患難時一定會見到佢嘅真情；不過要留意係佢較鍾意玩君子之交淡如水，而且對人成日都好似冷冷淡淡咁，這些怪癖就要包容一下啦！

★雙魚座：

為人溫柔再加上對人親切，令到佢在朋友圈子中都幾吃得開，不過呢，一旦大家相處耐一點，就會畀佢糊糊塗塗的性格嚇親，成日撞板不止，有時連約會都唔記得；另外，其實佢亦都唔係好似想像之中咁簡單同傻，想同佢做朋友要有心理準備呀！

讚0 噓0

回覆引用

關閉 安全驗證

[星座排行] ★∮ 了解１２星座的好朋友 ∮★ [複製鏈接]

關閉安全驗證