08季後賽賽後感想發表區

問鼎天

恭喜BOSTON拎冠軍
有咩想發表既都可以係度講架@.@
精彩既文章可獲加分

浩=〕

整體黎講BOSTON打得好好
恭喜kg終於都拎到冠軍指環
PP都打得唔錯,特別係game 1
ray gun好平均
湖人輸係輸防守..睇佢打6場..d補位-_-
期待出年kobe既表現

love5and2

唉, 湖人輸成甘真係好令人失望...可能game4 的主場 輸波 之後..就係比bos打沉..就昨game5 贏到..我都覺得贏得好危險... 但估5到 last game湖人仲打得甘差...除左第一節咬得緊d 之外, 其他都好似訓未醒甘... 所以輸波係第二節之後已經決定左啦..可能高比真係未夠成熟去拎多隻介指...final 的mvp都未到佢拎..
anyway..bos真係打到場好波..好的防守同果斷的進攻...令唔少人大跌眼鏡....特別係 pp的發揮...簡直超水準.... 今次mvp應該係佢啦掛=

花無缺!

波士的確好勁..kg既防守,allen既3分,pp既進攻同3分-.-
湖人就麻麻..係主場有2場明明贏人2x分,比人追返轉頭..係頭1-2節打得好,如果果2場主場贏左就唔係咁講啦..不過都過去啦
湖人報仇心應該好大- -下年一定變得更勁..
allen表現真係超級好-o-"好鍾意佢空哂射3分- -"
湖人如果有個好既pg同c位,相信唔會差咁遠

三分球神射手

bos防守簡直無懈可擊- -
pp拎mvp亦都係意料中事
見到佢地3個辛苦左咁多年終於有呢隻指環
真係睇到都高興
比賽尾段都見到打籃球應有既風度

※野喵※

湖人教練-___-唉

唔知佢想點

kobe上場難得射到著晒火(一開波)

即刻換返佢出黎

真係唔知點

小蝦米~賢

唉...本來支持湖人可以追到3:3
但今場....可以話無眼睇

吹水王

其實我覺得湖人打得算係咁,奈何塞爾特人防守係好勁同埋波士頓每位隊員對冠軍指環o既喝望...呢隻指環佢地係應得o既

屠一

kobe成日都係第一節好,,之後就隱形咁,,點解會咁既,,會唔會係體力既問題丫??真係唔明,,
今日既boston真係凸別勁,,
空位既3分多數都入,,後備又勁,,湖人冇得比,,
主力得分力平均比較好,,總比得kobe一個得分力強好,,賈素好唔穩定,,可能對手係kg
boston係時候創造新皇朝啦

『腸仔包。﹏

成個總決賽,湖人方面好似幾個都跌哂watt
好似odom gasol咁 幾場冇貨交
如果唔係都唔會係主場輸一場
kobe係最後1場又唔知做咩
係咁射3分 又唔入 仲要係咁俾人偷波
相反 綠人場場都有奇兵
外星人呀 possey呀 randon呀 powe呀
加上3巨頭輪流發惡
攞總冠軍都係實至名歸
最後 恭喜boston
希望LA下年再來過啦

《Ｈuｒt》

除左三巨頭外 表現最值得讚既 我覺得係朗度
今場見佢好夠膽起手 分波分得唔錯 最正個球偷波就係偷kobe同Gasol個下
籃板方面真係boston今日真係強姦籃板
最值得一讚既除左朗度仲有Posey
防odom同kobe防得唔錯
三分方面炮火隱定
支持一班boston球員為boston創造新王朝!

千人斬 鬼眼 狂

湖人打到咁算好...但佢地防守咁差...我希望下年要換d防守專家入黎..同埋我個人認為應該要換走奧當..因為佢作用唔大..同埋法馬更要學下防守'.如果做到咁..下年可能有機會拎.如果再唔換d人入黎..高比下年好大機會走...(個人認為)"

大埔既hunter

本來支持湖人
不過佢地輸左主場之後
漸漸失去信心

春＊﹏”

恭喜波士頓嬴到冠軍
皮雅斯淋利華士果度睇到o 左咀...

zxccy2006

-0-"um- -講下湖人..感覺上...佢地太過依懶高比...
..仲有- -我覺得班友真係好俾心機...好似有場波...odom狂抄..入得幾分...到左跟住戈場..
odom就係咁入波...仲入左球3分添^^..我覺得佢有俾心機去練習...

加素就未夠...其實我覺得..佢可以利用..左右手都上到..呢個優勢....

費沙...有時都幾準...但3分..太冇信心...都有時偷到d關鍵波^^..
高比就...我覺得佢如果得既話...盡量減少用d高難度既動作入波..咁會好哂體力...

馬xxx-_-戈個SF....佢playoff開頭真係打得極差...連我都覺得佢唔識打波咁...
之後...突然主動左...得分能力好左...唔知咩事啦-.-""不過都做得幾好...

班後備..法馬同華查石都ok...3分幾好...其他-.-少見.....

um-.-希望..佢地下年再入準決賽...打win bos...

[ 本帖最後由 zxccy2006 於 2008-6-18 08:25 PM 編輯 ]

Mr.TIM

先講下湖人
雖然我唔係湖人fan屎,但係我一直都好睇好佢
自gasol來左之後,實力大增左唔少
一開季打起左既拜林仔令我刮目相看.可惜傷左-.-"
final之前,佢地既表現一直都好好
更加係西岸決賽,落後馬刺2x分既情況反勝
真是好強
但係唔知點解,一來到final,個個好似死晒火咁.
上兩場都試過一開頭大比數領先boston
但係去到第二三節,就比人追番晒,唉~
希望佢地加油啦!!

之於boston...
聯盟排名第一,但係竟然要同鷹隊打足七場!!
依樣我本身都好驚訝.
當佢地同騎士血戰七場之後.
有唔少都人話,boston過到騎士都過唔到活塞啦!!
我自己都好認同.因為係頭兩個系列賽到
佢地作客全部輸晒.
尤其3巨頭ray allen打唔起...
之後更加比活塞打破主場不敗身
個刻我覺得boston會唔會真係過唔到活塞呢??
幸好,佢地之後終於取得第一場playoff作客勝利
後來更加越打越順...真好

雖然我唔係兩隊既死忠fan屎
但係我都好欣賞佢地既努力,
加油呀湖人~下年都打過呢.
見到kb24喊我自己其實都唔係好好過
boston好波!!實至名歸~

【Ｐ‧字‧頭】

3巨頭終於拎到ring 好開心

開不了口

雖然想KOBE贏黎證明自己
但打到咁..
算啦 等派分先

魚紋

Boston冇得頂
我雖然第一年睇NBA
不過Boston真系有實力
攻守兼備...總冠軍實至名歸
KG既來臨,實在幫左Boston好大忙..RAY AIIEN都很好的
PAUL PIERCE系Boston等左成10年- -
終於等到今日總冠軍同又囉埋MvP..
我都(鄧)佢地開心^V^"

笨蛋﹏然

湖人表現真的有點失望 ..
由其係球員既狀態時好時壞..如果可以改善下呢個問題更好
湖人班波仲後生 , 有排打 ..

Boston真係冇得彈 ..
唔止三巨頭 .. 我真係想讚後備..
我敢講一句..
唔係後備既表現比湖人出色禁多..
真係好可能輸埋 ..

boston 班波真係好波 , 防守真係好強 ... 意識很好 ..
抵拎