話說琴日在下因為要等人既關系,百無聊賴下,就走左去黃埔附近既奇趣天地度睇下野咁,
點知一去,已經听到1把極高昂既女高音同埋1把好雄厚既男聲向度唔知嘈緊的咩,再行前幾步,
就見到1男1女 + 2個警察向度圍住個櫃位,好奇心之下,我就向度扮睇電腦用品,順便行埋去听下啦,
點知其間比我听到的對話..令我發覺原來香港仲有咁既野蠻人生存向度的.....
先講一講我理解到既背景先,個1男1女,應該係夫妻來的(听到佢地互相既稱呼),
好..入正題..相信大家睇前奏都睇到悶了...因為我遲左入去,所以開頭無听到,只係開始紀錄我听到既部份直到完場...
男人 : 個陣買個陣又話錯左有得換,而家又話唔比換,算係點, 本身唔火滾都比你激到火滾
女人 : 我唔理咁多,話左有得換又唔比換,而家我條氣唔順,我覺得比人玩,我唔甘心比人玩,八婆,你同我叫你上司出黎
店員 : .....(無出聲)
警察 : 小姐你講野尊重下人(對個女人講)
女人 : 而家我比人玩呀,條氣唔順,總之你唔搵你上司黎,我就唔會走
男人 : (對個店員講)錢我冇咩,我地都向度幫襯左幾年,會唔會旨在個一百幾十呀,如果你地一開始話買錯冇得換既,咁我咪當垃圾唔要lor,
但係而家係你地話有得換架
女人 : 唔同你講咁多,你快的叫你上司出黎呀,八婆
之後個店員見佢打左個電話,之後個女人搶左黎听...因為係電話既關系..我听唔到對方既內容,只係隱約听到個女人講左的咩..
女人 : 當初買既時候,係你地話買錯有得換既,我先會一次買咁多,而家你地話唔比換,玩我呀
女人 : 下,咩日期呀,要換野又關買左幾耐咩事,我邊撚度記得咁多日子呀
(最記得係呢2句..總之後佢講電話講左好耐..我唔太記得...)..
最後個女人比番電話個店員,個店員听完,就退番錢比個1男1女,點知個女人仲要玩野..
女人 : 你而家退幾多錢比我呀,你乜撚野態度呀(個店員由頭到尾都冇講過乜野)
警察 : 佢退左$ xx.x比你呀,小姐
呢個時候,個店員出聲..
店員 : 而家退左錢,唔該請你地離開,阿sir,唔好意思
個女人听完呢句,唔知又發咩神經..
女人 : 屌你老母,而家我地唔識自己行呀,請乜撚野呀請,八婆,你係唔係要玩野呀
之後個女人企向人地門口,係咁大叫"呢間係黑店黎架,唔撚好幫襯呀,買錯野冇得退架",叫左差唔多5分鐘
呢個時候,有個5x歲左右既大嬸睇唔過眼,行埋個女人身邊同個女人講..
大嬸 : 小姐,人地肯退錢就算啦
點知一直行埋一邊冇出聲既男人,突然一支箭咁標出黎,一手推落個大嬸度..仲講
男人 : 你做乜撚野呀,而家關你撚事呀,講還講,你郁我老婆做乜呀,信唔信我告埋你襲擊呀
警察 : 先生你冷靜的呀
(個大嬸由頭到尾都冇掂到個女人的)
之後個大嬸都冇乜點還口,只係講左句"你地好野,你地夠惡"
個店員之後講左句 : 而家唔係惡就大晒既,咁我都相信呢個世界有因果報應,希望唔好報向你地身上啦
女人 : 你講乜野呀,八婆,報都報向你身上呀
店員 : 希望係咁啦
女人 : 又向度大叫"呢間係黑店黎架,唔撚好幫襯呀,買錯野冇得退架"..
阿sir呢個時候都同個店員講 : 你唔好理佢地啦..
之後再轉頭同個2夫妻講,你地肯離開未?
個2夫妻本來都唔想走,但係愈黎愈多人睇唔過眼,都指住佢地黎鬧(因為睇左個幾鐘,都見到係個女人不斷侮辱人地)
正當佢地走個陣,呢個時候,我剛好有朋友打比我問我向邊,我好大聲講左句"睇緊戲呀,有潑婦睇,好睇過家有喜事呀"
見個女人啤一啤我就走左去XD"...
事後,個阿sir同個店員傾番,原來個2夫妻,係2006年買錯野,而家話要拎番黎換(但係張單寫到明七日內包換的)
同埋個阿sir都講左句話個2公婆好野蠻XD"..原完唔講道理
[ 本帖最後由 『恆』 於 2009-2-1 12:59 AM 編輯 ] |
發表於 09-1-30 11:52 AM
發表於 09-1-30 03:31 PM
發表於 09-1-30 09:30 PM
