[《保持愛你》觀後感] 留言區

御劍軒〤魚蛋○

本人覺得呢套電影有驚喜，亦有失望。
先講失望，我覺得Stephy今次既戲份比前三部少左好多，加上個故事我覺得一般，好在Stephy既演技搭救，佢扮演既係一個弱聽少女，要飾演呢個角色唔容易，應該事前做左好多資料搜集同探訪活動，加上佢好努力學手語，值得加分。而今次葉念森嘗試用5段愛情做一個故事，但我覺得太多，搞到一個故事好似好短咁，冇左之前跟主線直落果種感覺，同埋有時睇睇下d感動位果陣特然轉左去搞笑既，好似Kay喊住教Stephy講對白果Part，睇到想喊果陣特然轉個鏡頭去i love you boy'z，搞到想喊又喊唔出咁。
其他既都冇咩問題，係唐素琪把聲唔係個個接受到。-______-"

今次反而係Kay俾到好大驚喜我，第一次拍電影既佢可以做得咁自然，表情做得咁足，特別係喊果陣，因為佢真係喊嫁，Stephy話佢拍完呢幕果陣仲喊左好耐，我都深深俾佢感動左，五段愛情故事中，Kay果段我覺得最感動，故事中梁祖堯送俾Kay既果支筆成為左故事連接既核心，呢個亦都係葉生一慣既做法，好似我的最愛入面方力申呃返黎，之後送俾Stephy果隻介指咁。講返Stephy，飾演呢d咁難演既角色，但仍能夠保持已往既水準，可見今次佢真係好努力，佢重覆鬧側田：你走呀！我唔想再見到你呀！　果幕，觀眾可以感受到佢想愛但怕對方介意自己天生有缺憾果種悲慘，場內好多人都喊左出黎，證明Stephy既努力係好成功既(Stephy話過愛情片最難係感動到人喊)。講返個故事，葉生仍舊保留住事實既真相，到最後先講返出黎，而個結局令人意想不到。劇情發展到最後先知故事同故事中原來有關連，呢個我覺得比較特別，入場睇左就明我講乜了，而且戲中仲有唔少搞笑場面，最重要係成套戲都冇乜悶場，中意睇愛情故事既就一定要入場睇了，推介～！

(純個人感受)
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
請大家買飛入場，支持Stephy，支持《保持愛你》。


其他睇完《保持愛你》既朋友對套戲有任何意見或感想，請係呢個post發表。

寫得好會加分

[ 本帖最後由 御劍軒〤魚蛋○ 於 2009-2-18 08:10 PM 編輯 ]