「長期活動」一起分享夢想與夢境^^

883516

題目: 一起分享夢想與夢境

大家可以講下自己既夢想同發夢所發生既情境,
總之係夢,就無任歡迎 :)

寫作要求:
- 書面語/口話化 皆可。
- 字數限制*
- 不能含有任何粗口, 或其他相關字詞。 (如諧音﹑符號)
- 基本準則請參看本版版規

字數限制: 50字或以上

活動日期: 2009年5月28日 --- 2999年5月28日

獎項及獎勵:

優異獎(2位): 50分

凡參加者不論名次每人加10分，總之夠字數。

如參加者人數少於10人, 只設1名優異獎項。

只要夠50字就有１０分！同埋一日可以玩一次，姐係一個月可以玩３０次，大家要多多支持啊！


評判: 本版兩位版主



其他:  遞交作文後不接受修改, 如發現該回覆有『編輯』紀錄,
         將會被取消資格。 所以請先在其他地方完成作品校對才參加:)  
         若有任何問題請PM兩位版主。
         (注意此帖不接受任何非遞文之回覆)。

[版主及管理員保留最終決定權]

業爺是也

我的夢想
夢想是一團火，它是我心中的亮光，也是我內心的動力
我希望,我的家人都會信主耶穌基督,那麼我們死後也可以到天國相聚了
我希望,我有一天能夠在一條小的村莊開設一間小的診所,為平民們醫治病痛
我希望,我的人生的路不會曲折離奇,可以順利地渡過
我希望,有2,3年能在外國居留,體驗外國的生活和學好英語
我希望,有一天我能夠娶一個愛吻我的老婆.為我生兒育女,和她一同回到鄉下裹,屋前有一個大草原,讓我可以和兒女躺臥在一起看雲,旁邊有幾塊田,可以給我種植蔬菜,自給自足
希望有一天我的希望可以達到

★狼刃

其實我呢個夢已經係好耐之前發既
但係十分之深刻
我記得我果陣既夢想係做個警察
仲記得,我果陣發左個夢
夢係講我上左1個山頂,個山頂係我屋企附近既
我都成日上去玩,
但係係個夢入面,個山頂變曬
多左個遊樂場,無左個草地足球場
上到去,我叫到有幾個同我差唔多年紀既小朋友
我就同佢地一齊玩,但唔知點解玩玩下
無端端嗌起交=.=
之後我,唔知係邊度拎左把手槍出黎= =
我就開槍射死左果個小朋友
但係佢突然間,起番左,之後成身既皮甩曬
之後變左個令人覺得好嘔心既樣出黎
之後我就驚,跌左落地下
跟住我阿爸就叫左我起身,我比阿爸叫左起身果陣,我眼兩邊都有眼淚.....
跟住果幾日我都叫阿爸陪我訓,因為個樣真係好恐怖= =

蕃茄冰`

夢境.
夢中夢見自己剛醒.
發現自己雙眼看的與實際不成比例.
轉身看看,
看見自己身是黑色的一團團,
頭上兩條觸鬚,
才發覺自己變成螞蟻了,
心中害怕便第一剎那想起爸爸,
辛辛苦苦花幾小時,
猶如攀山涉水般的困難,
終於....
出了房間了,
怎料,,
到了大廳,
抬頭一看,
看見一個黑暗圈子,
冷靜看過上面,
才知是爸爸的腳板,
發現後已太遲,
呯!
巨人般的聲音結束了我的生命...

三月x酷

-.-話說前幾日發生左個好奇怪既夢
首先...唔知咩事我係小學學校到
跟住見返我小學老師--李老師 仲同佢傾計
傾傾下唔知點解動畫d角色走出黎
唔定係我小學d同學變左動畫d角色
跟住最後唔知做乜被逼比d同學拖走左去公園玩
最後....-.-係無結局既 因為我被鬧鍾嘈醒左...

p.s.李老師佢係我小學最鍾意既老師
佢而家已經無係到教 我已經搵唔返佢

huteson

每個人都有自己夢想 而夢境,有時亦對我有幫助
我發現 由細細個開始 有時發夢夢中情境
偶然在現實生活中屢次出現
如 在夢境中我以角色身份 生存在某套電影中
隔幾日後 在現實當中看見那段情節 和我夢境出現一樣時
便有一種莫名其妙感覺 難道是日有所思 夜有所夢?
還是有預知能力?(可能性較低吧)
然而 發夢對我有幫助的..就是
有幾次睡過龍時, 當自己發夢中-會突然變成一些恐佈情節
而這些情節會危害到你(在夢境中) 面臨死亡的時候
便變會現實世界(族語所講既嚇醒),
望一望鬧鐘 慘了 剩下30分鐘..便遲到
但最後都成功趕到~
因此夢與我就像天藍與白雲般 很難分開 亦很難分得清楚

♂文仔﹏

我記得係我細細個訓緊教果陣發過1個夢

我係沙發睇緊電視  因為我地個木門係開住,,突然間有個男人衝左入我老豆間房,打開我老豆個"櫃桶"拎左隻金錶走 我家人想阻止都阻止唔到 佢就走左,,當時我好無奈咁睇住佢既所作所為,,

chilie2004

講起夢想...我好細個已經有諗
可能係溫室長大既關係
我受到過份保護,冇嘜點受過傷害
對愛情充滿憧憬
我既夢想只係想搵一個我愛佢,佢又愛我既人
跟住結婚生bb,一齊返工一齊餋大d bb
做一個好老婆,好媽媽,如果可以既話
緊係仲想做個好心抱喇...不過一定好難
自從受過幾次傷害之後
我開始對愛情漸漸地失去信心
可能只有朋友先可以係永恆

pkplpok

兒時有著當太空人的夢想
一想到宇宙這個無限大的新天地
便很想去一次
人是喜歡追尋新事物的
人之所以能進步,皆因我們的好奇心
究竟世界被什麼帶領著
我們的誕生,地球.宇宙的形成又是什麼..
這都是我們所追求的
-------------------------
但要成為太空人的夢想
決不能心想著便能成功
須要的才能和技能太大.太多了
不能實現的夢想亦只能緬懷
------------------------
夢與夢想
兒時喜歡看超人卡通片
記得曾經有一個夢
自己變成超人,
站在高高在上的地球表面
看著星星和星球
興高采烈到不得了呢haha
完

fai5566

我的夢境:
一天個晴天的上午
我在班房上緊課,這一課是會計課
陣陣清風吹到面上,十分涼快
窗外的風景又如中學上課時一樣
回味無盡,感覺什麼都聽不入腦
看不入腦就睡了
夢中看見我開車
想起一路向北的歌詞:
后視鏡里的世界
越來越遠的道別
你轉身向背 側臉還是很美
我用眼光去追 竟聽見你的淚
在車窗外面排徊
是我錯失的機會
你站的方位 跟我中間隔著淚
街景一直在后退 你的崩潰在窗外零碎

我一路向北 離開有你的季節
你說你好累 已無法再愛上誰
風在山路吹 過往的畫面全都是我不對
細數慚愧 我傷你幾回
想起我最愛周杰倫的歌
一再回味

chilie2004

唔知道係咪睇得武俠片太多
成日發夢都會識武功=0=
我仲要係師父個女,有好多個師兄
可能我係佢地師父個女既關係
個個都好錫我,所以我成日都會整估佢地
又發佢地脾氣,唔聽佢地講既野
唔知點解我身體好差
我要去邊佢地都會做我保鏢保護我
去親d武林大會見到個個都好靚仔
發親哩d夢都好開心架><

櫻想

我的夢境內
我幻想自己是一個成績優良的10a 生
受到朋友的認同,不會被人無視的人.可惜這只是幻想,不是真的
也有想像過自己的未來會如何,天天也在發同樣的夢
而我的夢想就是普普通通的!!想做個努力向學的生學!!沒有什麼的希望
天天也在想著要努力努力!!! 雖然夢境內的是假的,但是也有令到快樂的感覺
但我不會因而滿足,我要真正地去實踐

023166

夢想和夢都係映射冇法實現ge願望~
所以我經常將尼個夢想投射入我ge夢境入面
係夢入面我經常扮演一位冒險家
我鍾意旅遊~我對新奇ge事物都抱有興趣
經常將現實接觸唔到,或者係科幻世界出現ge野映射入我ge夢入面
我係夢入面~總係想成為英雄~成位一位強者
但係夢都唔係有意識控制~我係夢入面都會受傷
都會受到挫折~但係總覺得比起人生ge路易走
我唔討厭我尼位冇用ge冒險家身份~
因為佢係証明我仲有夢想ge象徵~
所以我日日都係度冒險~無論係我ge人生定係我ge夢!

枯葉

一起分享夢想與夢境
在我年紀很少的時候,就很想當一位受萬民敬仰的太空人。因為太空人可以擺脫地心吸力,自由自在地太空在飛舞,更可以觀賞整個地球,令人如痴如醉。
不知道是不是『日有所思夜有所夢』呢?在晚上睡覺,總會夢見自己身處太空。從遠遠的太空俯視地球,海洋與陸地分佈自然,當地球一轉,便會看到那條巨龍躺在中國大陸上,遠遠都能感受中國的強大。
有時更會夢見自己與外星生物做朋友,就如一些卡通片或電影情節一樣,保衛地球。
縱使只是一場夢,但是卻令人至身於現場。為我每天帶來原動力,促使我努力讀書,成為太空人的這個夢想。

pkplpok

人總希望自己抱有夢想
有夢想的人,會朝著自己的人生目標進法
不過人總之無知的
有些人不曾有夢想
活著時不知自己生存著應有的目的和抱負
這些人不會為任何事而努力
每天只有幻想....夢
做事只會''想'',不會找出實踐夢想的行動
究竟人是什麼樣的生物!?

幻~＊

頭先玩緊打仗game(aoc),玩玩下好眼訓,就訓左落床休息一下,點知就
訓左,我夢見自己做左隻game入面既村民,特然比人捉左去當兵原來敵
國就快打到入城,跟住叮噹亂入,將我變做不死身既人,我單人匹馬沖入敵
軍軍營亂斬,特然叮噹又送左一舊''惡魔果實--黑喑''比我,我將全地球吸
左,點知因為太多,放唔番出來,,呢個時候,有一道強光!???:WellWell
Well,我就問;邊個?!,,,,,,跟住就起左身上2000fun

櫻想

我的夢想是為了什麼!!
我近日發現夢想要去實踐,是必須付出很大的努力
而不是只是努力幾小時就可以,而是要從多方面去努力
還有我昨晚的夢提醒了我,人生還有其他更有意義的東西
不單只是有學業,還有家人和朋友!!
這令我得到很大的啟發!! 昨晚我整晚也睡不到
心裹在煩惱著exam的事,天天也在想,要用多些時間去溫書!!
這句話已經我心中重複了很多次!令我很大壓力
但是我也要去而對它!! 我決定放鬆心情去應付它

wyz1301c2920

今朝早發左個夢=.=
夢境好似係一個森林裡面,
無啦啦好似有人叫我咁...
佢叫"小糖果,小糖果!!"
我下意識地應左佢一下...
我睇睇自己...
嘩...攪咩!!!
我變左粒糖果,
身上面好多包裝袋...
跟住我就醒左,
因為太驚嚇了

pkplpok

今日唔洗返工
訓晏左
琴晚發左個夢
不過唔記得左haha.但係知道好正
腦海中的記憶不會消失,但是會遺忘
是你的記憶,總有一天能想起
夢是組織一天所發生事情的處理
透過夢境,多多少少能知這天發生了好事還是壞事
所以呢,發惡夢的話,那天遇著什麼樣的壞事?

sunnydoll

今朝發左個夢...但係同心中所想既..一模一樣
夢見生日果日...晴真係親口打黎講聲生日快樂
果一刻真係感動到喊左..
之後就醒左囉..
哈哈..雖然黎緊好期待會真的發生..
但係都冇乜可能架啦