[兩岸] 隔牆有耳：澳門睇國寶超抵 $10入場

冷凌風

2011年01月11日   蘋果日報



阿爺上個月送咗一對國寶大熊貓「開開」、「心心」畀澳門，恭賀回歸 11周年。澳門政府噚日公佈票價，成年人入場費每位只係 10蚊， 12歲以下嘅小朋友或 65歲以上長者，仲免費入場，認真老少咸宜。

澳門政府話，門票收益會全部撥作大熊貓保育基金，但暫時未定開放日期。開開、心心舊年 12月中由四川運到澳門，住喺路環石排灣新落成嘅大熊貓館，計埋要先接受一個月時間隔離檢疫，到農曆新年應該可以公開亮相。

八方好羨慕澳門朋友，事關要喺香港睇國寶，一定要去海洋公園同先畀成人 250蚊入場費至得，真係可以考慮加多幾十蚊買來回船飛睇梳打埠嘅國寶兼夾澳門一日遊。