本帖最後由 djdennislai 於 12-4-5 05:08 AM 編輯
前言:
由於v團及f團的核心隊員因某些原因, 已甚少在紫國出現
而眼看紫國暫未有一些團隊可帶領紫國人民走出現時的陰霾,
故此, 我想將我在v團的日子和經歷, 和大家分享一下, 希望可以讓大家對v團多些認識, 也可讓一些新玩的朋友知道fez的樂趣......
v團並不是大團, 但v團的而且確是一個有實力的團,
源於佢地有一個很好的管理和訓練制度, 國戰意識. (如閣下睇到呢句後感到反感的話, 請按上一頁離開)
數年前, 當我開始玩fez時候, 曾加入了幾個細團,
但因為同啲團友去打國戰, 幾乎場場都輸,
再加上, 團員之間甚少技術交流, 幾乎都是喜歡吹水聊天,
曾經有一次活動(過三關)時, 我方團員更因為被v團踢出場(主要係話佢箭雨破冰)而在黃頻與v團嘈交,
我就開始覺得, fez, 都冇咩特別好玩啫, 又冇咩嘢可以學到ge,
咪又係小朋友嘴炮亂打自high的一個遊戲....
我將我呢個諗法, 講左俾我的一個朋友知,
佢就同我講, 想學嘢, 就入v團啦(佢並不是v團人),
於是, 我就膽粗粗自薦入v團, 當時, 我仲要俾舊團員鬧: "入其他團都好過入v團啦".......我無理佢地, 照入......
v團, 改寫左我對fez的睇法
當我入團之後, 並唔係只係好似以前咁, 日日只係識得去打國戰,
首先, 幾乎每日, 都需要我去教學戰場接受1vs1或2vs2的基本技術訓練,
以我玩雙手戰為例, 要學習個人連技技術及與隊友連技技巧, 以及在戰場上的正規國戰意識,
例如: 不要巨龍打冰/暈人, 要等集火秒殺, 不要亂出巨龍蓋技......等等.
當掌握到一定的個人技術後, 就會入訓練場或競技場玩團隊訓練, 作為上戰場時的磨練,
跟住, 就要開始學卡位跳山, v團團網有一個龐大的資料庫,
除左可以睇教學片之外, 仲要求你一定要學識在任何地圖都要知道點樣卡位跳山....
噢! 正! 真係好多嘢學呀....
之後, 開始入戰場了!
入戰場, 會有兩個選擇: 學習正規擴建出召和打前線, 而我就比較貪心少少, 所以兩樣我都去學,
我相信, 無人會否認, v團的擴建是絕對有一手的, 直到今時今日, 只要明白, 擴建做得好, 上去打前線就會更加輕鬆.
開始的時候, 新人係唔會被帶去打主線的,
v團會有專人帶去打副線, 學習意識, 配合等等,
直到自己了解和糾正一些很容易犯的錯誤後, 就可以直接上前去打主線, 享受打國戰的樂趣,
亦成為我今日仍然繼續玩fez的原因.
尾聲: 上面講左咁多嘢, 只係想帶出一個重點, 搞團容易, 但要真正留住啲新手玩家, 係需要有管理同埋有嘢俾佢地學, 唔好話踢新手出場就係會令新手放棄玩fez, 個新手玩國戰玩到場場都輸又學唔到嘢, 俾著我, 我都會玩其他game啦, 係咪? |