某些人唔喜歡狗狗既.造成.....不知道誰對誰錯,麻煩大家幫睇睇下

`★βaβy×小豬

今日如常帶3隻寶貝落街散步,大哥(金毛) 2哥(金毛)3弟(貴婦).因我住呢度要帶狗散步,必須要坐lift,到2樓平台.岩先落到2樓平台時,剛好有個小妹妹沖佐出lift,我3隻狗狗突然吠佢,呬到我妹妹好驚.(佢媽咪唔知係邊).轉頭間,佢喊住口返去同佢媽咪講話我幾隻狗狗咬到佢個女.係度發晒火.又話咬到佢個女隻腳黑晒,我明明見到無咬到,仲差成米遠.佢媽咪跟住話,無咬到點解佢個女對腳會黑晒.根住我叫佢報警,(佢自己又叫埋白車),醫生來到問個小妹妹係咪咬到佢,佢話係.但我明明見無咬到 我有拉住佢地既.後來差佬來到又問,我照事實講一定無咬到,跟住小妹妹既老豆又黎到,1來無問咩事就鬧,仲問邊隻狗嚇佢個女,1來到踼腳我大仔.話係咪呢隻死野仔咬我個女,我打畀我老公,來到問醫生係咪咬佐.真係咬佐我一定畀錢佢睇醫生,跟住個差人行埋黎同我講,佢媽咪太跨.醫生都話唔似畀狗咬.如果係咬就有牙印,依家佢果度就黑佐1點.跟住我老公話畀5百蚊佢去驗傷.佢老婆馬上係度哭,,如果我個女有咩事,一定要你地死.我真係好好聲氣問佢,佢係甘發脾氣,我講佐句唔知岩唔岩,佢老公又踢多腳我隻大仔,(我講佐:就算係第2個人無啦啦係我身邊跑過,我隻狗都會吠你),佢踢第2腳果時,我老公見到沖佐上去打佢老公,跟住落案到依家先返.好想大家幫忙平下,你地係第3者比我清

斤欠

醫生都話唔似比狗咬 (E句KO左果個媽咪啦)
依家係佢老公踢你隻狗喎 你有影住 就可以告佢啦
對住D惡人要惡D 5係?哈 D人恰番你轉頭
5百蚊比佢去驗傷(做得好)
証明左5係ge話 你仲可以串番佢轉頭tim! 爽吧!

你隻狗冇咬到人都算好啦 我隻狗咬過3次人
洗左好多錢

下次帶狗繩出街啦

kenneth02

我覺得對方好無理囉,係咪佢唔中意狗仔就可以甘話D狗???
如果果隻狗係你個女,佢比人踢你個心會點呀??
哩D人惡有惡報,仲要係度教壞個女!!!

kristalltang

未傷喇佢！
莫講話金毛係一隻溫純既狗，咬人可能性低
就算係狗咬，傷口都冇咁快黑喇，係都係紅紫色先喇
頌要係大範圍，而唔係一點
頌有，大狗咬人會扯住唔放，又點會只係黑一點咁小事？

相反，個o靚妹個老豆踢你隻狗
就告得佢喇

`★βaβy×小豬

到今日為止佢都仲日日來煩我,鬧又鬧過佢了,報警都報佐2次,呢排收工日日見到佢都煩,搞到我憩酒店畀佢地出去住成個月,心都痛埋,超唔捨得

oldtree1

最憎d人唔搞清楚就鬼殺咁嘈 又打又殺.......
係比大狗咬既話你個女仲可以站到起身都算奇蹟
其實仲可以告番佢虐畜賠湯藥費啦
btw樓主帶狗出街都有責任要睇實隻狗,仲有都唔可以怪得晒佢,雖然我都好鐘意狗但比狗吠真係會驚驚地
(p.s. 試過比狗追,都怪個仆街主人未綁狗帶就放隻狗出黎 .......好心為隻狗好就睇好d啦 到最後出事隻狗隨時人道毀滅就真係多得你唔小)

KiT80111

道理係你個邊
樓主唔洗理呢d人
唔建議用錢解決問題
有理何需怕?