抱歉，不會出文的了。

藍羽臣

抱歉，各位，我搞錯左神比我既啟示，雖然無神比既啟示我一樣可以作呢個小說，但係我知道如果無神參與在其中既話我一定會堅持唔住，所以係未開始之前我不如唔好開始，免得自己又再次開坑。

其實我自己係好鍾意寫小說，但係因為個人學識淺薄，寫唔出好既小說，自己睇番都覺得好好笑，所以都係等我搵度新既創作靈感先再開始寫小說啦，要寫宗教為題材既小說我真係無咁既資格去寫，自問對聖經既認識又不深，一陣曲解左聖經原意只會誤人子弟。

有好多事情原來想像原意係好，但係到實質出左黎係咪如你所想咁好就真係值得深思，都係果句啦，做事之前都係要深思熟慮清楚先好行，係度向大家講聲「對唔住」，好唔好意思，要大家白等，如果我真係要創作新故事，我諗我呢次唔會再事事但但咁推出黎，多數會作好晒成個故事先推出啦，唔想再有頭無尾啦。

F91西布朗

不管是什麼樣的路，堅持走到底你總會明白什麼來著。

儘管失去所有，但信念應當存在，最少在你失意傍惶之際，上帝總會成為你最後的依靠，所以做什麼也好，放心做吧！上帝就在你的心中，一直與你我同在，心靈疲憊時他就會張開雙手，成為你的依靠。

藍羽臣

我得到的夢是這樣的，我係夢入面見度一d字，係我唔識既，背景我無留意，係果行字之中有一個字係我明既，仲特寫鏡頭埋去比我睇，係一個「作」字，發完呢個夢我就醒左，我就諗，唔通係神比我既啟示？於是我就自己解啦，有一堆我唔識既文字，我解釋成「文」的意思，加上我唯一睇度既「作」字，就成為「作文」啦，咁我諗到呢度就好開心啦，唔通神要我作小說？
於是我就開始構思一個與聖經切合既題材寫小說啦，諗諗下就彈左《星之魂》出黎，之後我又諗，唔通神叫我完成番呢個故事？
但係到左琴日，我去查經堂查考聖經既時候，我問我地教會個傳導人，我發呢個夢點解，佢都話佢唔係但以理，唔識解夢，但都比左d答案我，咁有個可能就是「作」字，意思就係工作，而我唔識既文字可能代表一d我唔識做既工作，意思係叫我就算幾難做，唔識做既工作都要去「作」，咁岩我無啦啦辭左份工，呢個解釋都行得通，我就接受左啦，之後我就諗，嗄，點解我成日都咁衝動，辭工又係，寫小說又係，唔問清楚人地意見就自把自為去做，可能呢個就係神要我學習既功課，做事之前要思前想後，諗過度過先好做，於是我就公開話比大家知我唔再寫呢個文啦，就係咁樣。
我真係好鍾意寫文架，但係好多時堅持唔到底，得三分鐘熱度，無人氣，無人回就放棄，我究竟係為左麥野而寫文呢？為左得到人家稱讚？定係為左自己開心？我明明係好鍾意寫文架嘛，我鍾意幻想，又幻想自己係呢個世界既主角，寫小說咪可以滿足度我既方面既慾望囉，但係點解我又要在意人地點睇我篇文呢？
有時候我真係好憎自己，做事堅持唔到底，得三分鐘熱度，成日諗埋d歪野，好野又唔諗，我既人生難道就要咁樣到尾？我真係無得改？有！

但難！

靠著神就可以了，我要相信神先得，信神係我唯一一樣做得岩既事黎，一個我咁樣既人都可以得到神既愛，神真係好有愛既神，神啊，我愛你。