11/9更新 見到大家又有一身頹意 希望可以令大家享受玩童話

另一個深坑

我係一個由童話一開始就玩到而家既人 大部分時間都係同家人一齊玩
忽然有一日 有個朋友話想一齊玩 唔可以用外掛 同埋先前所有既資訊
心諗 咪玩啦 點玩到丫
但係其實個心都好想可以再一次經歷呢個遊戲
咁我第一日就set左2個目標比自己


第一: 可以拎到火虫起手
哇呢隻火蟲真係考起我 玩開童話既人會知道  如果冇火蟲起手玩係幾咁慘既一件事
咁我就係為左佢而重開左1次...2次....3次....4次....5次.....已經唔記得左幾多次新人
行黎行去 行黎行去咁   大概用左2個鍾左右  終於終於拎到啦!!!!!!超開心  呢個感覺真係好耐冇感覺到
為左一隻新手寵用左2個鍾 諗起有dd kai 但係真係好開心  my baby 甲蟲ahahah


第二  要捉到一隻黑羊
當我去到大概9lv左右 我就剛好儲夠錢去買一粒 一級封印石 (唔做任真係唔夠$$)
做任大約用左1個半鍾左右啦.....之後去左個肚好大既夢想仙子度 飛飛飛....去左金銀城寵物店(我靜係熟呢間haha)
入手左粒一石之後 就即刻飛返去綠伕村度捉
每當我見到黑羊果陣 個心都會卜卜 卜卜咁跳
好低能地 每次出封印石果陣時 我都跟 人類 既施法動作  大叫一聲 !!!捉!!!!捉!!!捉!!!--->最多都係爆粗
大概捉左3個鍾左右啦....終於捉到啦!!! haha
如果真實係咁 我一定攬住佢


或者 玩童話就係咁單純既快樂  至少今日玩得好happy haha
希望可以見到吉恩村--屎洞 唔會係得自己一個啦

a473991811

另一個深坑

第2天童話
今日最矛盾既事情就係童話既活動  究竟用唔用好呢? 拎去賣? 咁就有$$買藥啦
但係最後覺得 如果係咁又違背左自己既諗法 所以最後都係決定唔用活動既資訊


今日終於齊人啦
有我一個有原則既朋友 同埋一個美少女
3個人係屎洞打左大概半個鍾 火蟲蟲既力量真係好強好強 可以好快就殺到 金屎 升左3-4lv左右
不行了!!!不行了!!!! lv就黎追到元素控制
不過算啦  3個人傾住計玩 呢個感覺真係好正~~
又可以串下朋友 ( 其實連火球術都冇 真係好想踢你出隊haha)

之後佢地2個唔得閒既時候仲做左好多好多任務

只係奇怪一樣野 鑽石 同 超級鑽石既分別係邊度-v-????
點解我完全睇唔到既hahaha

第2天  進度很慢很慢
目標  ::  升到24元素之後 可以去尼克 殺木貝  打玩具箱去賣 咁我就有好多錢錢啦:lovelike:

ULTRAMAN1

當年新既收費SER開左  我先真正由新人1級做任打怪咁升到60   之前都係直接買AC打次元賺錢

louisplastic

萬事起頭難
當然如果係11年前果班人一齊組族我諗都好經典下

另一個深坑

第三日
不得不提既一定係佢啦 呢個任務真係好好笑
首先100-99等於幾多
之後要選擇呢個題目  點選丫 我細細個都係咁諗 ( 其他係咩game黎架?)我靜係識童話咋喔
黎到今日  睇返呢個任務 仍然記憶猶新
但不得不同意既係 童話真係我最喜歡既一個遊戲


係路途中 今日遇到既活人 大概有6-7個吧  唔計金銀城商場
唯一一個回應我既人竟係係一個119lv既商人  
而唔係d 1x lv既一轉人 我諗佢一定係覺得好悶  周圍行 睇下有冇d新人幫幫手 傾傾計 (呢個只係我自己覺得)
因為我同佢講既所以野 佢都係 ''yes'  'no' "++" 佢真係好好人 諗住帶我去升級 仲比左好多野我添
真係謝謝佢 但係我唔想違背原則  所以只可以係度講聲謝謝
我諗其實有好多人都係因為咁而唔玩童話 覺得太悶 已經冇乜追求 又卡左係一個位 未突破到
我都試過呢d事情
希望各個玩家都可以有自己追求目標 唔好因為卡lv 卡技就退童話 童話有好多回憶 唔係咁易退

最後最後
:lovelike:
琴日為自己定下既目標  終於做到了 但係升到夜晚3點幾
雖然去到23lv半果陣好辛苦  但係去到24果一刻  真係好興奮  真係成個人醒曬!!!

木貝bb i am comming!!!!

第3天  進展不錯不錯
明天目標  1. 元素26
                  2. 打到一個玩具箱賣  買隻回春寵

森藍丸

同lv法師留個名先

另一個深坑

好啦 第4日 講返自己琴日既2個目標先
1:元素26 衰左 因為要返工既關係 只係可以升到25
2:撞木貝 衰左 明明都已經撞左2粒鍾架啦 都係冇
                          所以最後搵左隻代替品  一隻便宜的回春轉換寵 其實都幾型丫 土蟲蟲

亦都要謝謝身透幫我捉既威爺  我只係加佢問左一句佢已經爽快咁答應 可以慳返好多好多時間

今日係童話開心既事都有好多好多 其中覺得好感動既就係
童話版呢度已經好似沒落既時間 都仍然有人回應我 同埋係童話入面搵我玩
其中一家要多謝係上面度 加左good 同埋係 game入面都add左fd既  冰x心
佢都係一個好好既童話人 佢同我講當佢秒到水木既時候 會帶新手升級  真係覺得好感動
童話仲有一班好想玩既玩家!!!  一齊打機

siushing 就係其中一個睇左post回應既人  佢都好努力咁追求自己想要既野
祈禱 唔用戰娃  追求40闇魔  一定要加油唔好放棄丫

伊卡 真係一個好好既水客haha  
他說  ::  講童話真係可以講足一日都唔夠
真係係太同意呢句說話了  講童話真係可以講好耐  
由升lv地方-->裝備-->歷史-->太多太多野可以講 真係覺得非常開心


最後 琴日諗住買木波 最後轉左做土窩蟲
其中一個小小原因係因為我唔係好夠錢之外
當我有左呢筆錢 我可以去洗枝  祈禱杖
因為之前笨左 太耐冇重玩唔係好記得智慧少祈禱會好慢.....
但係最後 洗左3枝 最後 全部爆曬....
唔通連個天都唔鍾意我丫!!~?!~!~!?~

明天目標
1.還原基本步: 殺木貝賺箱 但今次係為左一枝祈禱杖
2.我想識多d朋友仔 多d add我丫

ching_0829

支持 我都努力上緊元素

另一個深坑

原來咁快已經黎到第5日~~

雖然話目標係set高少少先可以突破到自己~~
但係都唔好每日都咁絕望先得架



木貝我就遇到啦 不過呢點解打左3隻都唔出箱架!!!!!
(其實我懷疑緊係咪自己低能  比d麵粉卡曬負重) 好絕望丫
塞翁失馬 係一個好有意思的故事 今日完全感受到呢樣野
雖然我打木貝唔出箱 但諗住轉頭我都係為左$$去殺佢
但係我今日加人組隊打水晶山既時候 我撞到2隻貓wahahah  18000*2 =入手

睇黎我枝祈禱杖都可以整到啦掛!!!!!


當我升升下級既時間 出左保戰
本來都冇諗住去打 但因為考慮到得自己一個人 而且未必夠打 所以都諗左一分鍾左右
但又覺得可以拎下聲望
(最緊要係可以打到箱)咁就諗住 死就死啦 買2set藥就衝啦
點知去到既時候 已經過左時間  
點解我可以咁低能-.- 我唔記得左自己部電腦時間快左少少....04分已經開左  
村莊已經遭受敵人攻佔,本次保衛戰宣告失敗!!!
各位童話既戰士們 多點去參與呢d舊活動吧!! ｄ村莊失敗左咁多年　應該就黎村長都比人捉去做人質

今日做既特別野唔多 不過口水特別多
今日認識左一班新朋友仔
skyhigh    全因為佢帶隊我先撞到2隻貓貓haha 帶來36000 happy
上杉巨人  最開心既時間就係有人望左自己個post回應既時候
                  雖然童話已經唔係好熱門 但仲係好值得懷念既遊戲  謝謝你ar
Hazy (唔知有冇串錯)因為冇加佢好友 我估佢應該係做神殿任既時候路過
           感謝你一粒一石 支持力很大

明天目標
1. 祈禱杖祈禱杖祈禱杖祈禱杖祈禱杖祈禱杖祈禱杖祈禱杖祈禱杖
2. 係冷門既地圖 遇到活人
3. 升到28lv  (要盡快升到30撞貓貓)

唔好shy如果真係有睇既話一定要係game度搵我傾計

基德~昌

加油呀你
支持

搞到我都有點想一齊玩

edward823

加油lo!
以前既童話真係好正 上下23 一齊打下屎王果d 幾開心

升斗市民

比你感染到 單番落黎試下仲有冇耐性重新玩

升斗市民

ID 我要吃餅乾  ADD左樓主做好友 不過無反應  解下任務先
玩童話即刻熄左D歌聽GAME聲

另一個深坑

第6天

今日終於唔係絕望日LA HAHAHA

1. 終於整好左枝祈禱杖 今次仲要係好好彩 1TAKE過就搞掂啦!!!YA
    可能係我自己笨  無知啦  但係都想分享下比大家知少少野
    之前我就大有22智 每一下祈禱就會加2 或者3左右啦~
   聽其他講就有5X智 大概就有5-6左右 (我唔知係咪完全計智 有高手幫幫手PLS)
   但當我拎左枝加7既祈杖之後  呢+7係直接加落每一下度
   所以E家每次隻天使跌落黎都會有+10
   希望幫到大家 我都係好耐冇理呢D野HAHA

2.  我希望係冷門地圖撞到人 但係今日唔係幾得閒 都冇好好咁周圍行下
     只係係水晶山 月光村 同埋地下城 行左一陣  
     不見都冇見到人ARR 要求支援

3. LV終於去到28LV AR~
   好快可以撞到貓貓 希望大部分錢都係寄望於貓貓



保衛戰丫!!~
我心愛既保衛戰丫!!!~
雖然我要花左好多時間先可以打到一隻
而最後30分鍾先可以殺到11隻  亦都保護到唔到村長  
村長你唔好死住啊!! 你唔好比闇黑大隊長捉左去做人質!!! (痴左線MODE)
但係原來好傷感地~~打11隻係得11聲望  心中不禁有一堆粗口 (X)
我期待既畫面竟然係咁樣!!!??打擊

琴日就係度計數
究竟由36LV元素控制去到火神究竟要打幾耐
之後發覺原來有人仲係唔識樣計元素控制既經驗值
咁我大概講少少  
用1-9MP既技就有1經
    10-19MP既技有2樣 咁樣慢慢計上去~~
咁大地有5經-.-"" 但係去到51~~~  暈左!!! 2046

目標: 1.  升到30LV同撞到1隻貓貓
          2.  做2個2石既任務 雖然未諗到係賣定係捉寵HAHA
          3. 考慮好開唔開族 因為如果組到一班人一齊玩既話 應該會冇咁悶(RIGHT?)

可能會有唔同既朋友都會想重玩 但係記得打機只係得升LV同升技就一定好悶
記得SET個目標比自己 唔好爆肝去一日升幾十粒鍾技（會爆肝的）
留意多隻GAME入面有趣既事情 一定會好玩好多

升斗市民

終於10LV
一開始抽中水蜘蛛 升到10LV先記住要火寵武化(我劍戰..)
後尾開分身抽一抽就抽到火飄蟲 曬左2500去封印...點知得1X親和度
唯有係微笑度升下技 順手掛親和
有冇多D人一齊玩番阿?多既話開個家族 大家由零開始~純粹FOR FUNNY~~

rain1314xd

我也想重新一起玩 就重新開一個人再玩
唔會用咩體裝果D

我想問有無人肯長期組隊 打怪 做任
因為童話呢隻GM 如果一個人玩好悶

rain1314xd

我重係到諗緊玩咩職好 因為見到你地係 法師 加劍戰 就諗緊好唔好玩隻光使 或者僧侶
需要好多人都話僧侶無咩人
但係我就係同僧侶幾有興趣

Dan200fun

Holiday 向大家揮手

我係男仔, 大家唔好亂入, 哈哈, 男定女JUST GAME~呢句係同另一個深坑講既~

用win8係game到打唔到字, 因為官方已無視呢個問題,
上網搵左個治標唔治本既方法

share:

先係其他地方複製(CTRL+C), 係game到唔係用CTRL+V貼上
用SHIFT+INSERT

希望大家都可以暢所欲言!
>>>http://          i60.tinypic.com/2uxy1dw.jpg
(對不起，你沒有權限發表 URL 連接，請返回修改。sosad～

Dan200fun

另外岩岩試到個新方法可係game到直接打中文！
就係DOWNLOAD YAHOO 奇摩輸入法！
簡易＝速成
希望幫到各位