俾人篤住個頭話我無用…

Eric56

自從DSE放左榜之後, 屋企人一直都好似唔多滿意咁…
係, 我係考得唔好, 升唔到大學, 但我都唔想架!
直到尋日, 阿爸好似終於忍唔住咁, 走黎話我, 唔好好地讀書, 依家升唔到大學,
乜都無啦, 中學畢業出去做野唔會有份好工咁樣…
我忍唔住駁返佢: "依家我都係差dd姐, 又無話唔想讀落去!"
點知呢句就好似篤中佢弱點咁, 好嬲咁用手指篤住我個頭, 話:"讀咩丫讀, 邊有學校收你丫? 無用架你!"
雖然佢係我阿爸, 但出世咁耐我都係第一次俾人咁樣鬧…
鬧完佢就返左房, 到依家都無同我講過野…
其實呢件事, 有必要咁嬲嗎!? 又唔係我專登考成咁既!!

神希鐵甲

咁你爸爸又真係激動左d既! 同埋我好唔認同果句中學畢業就一定搵唔到好工囉…
最多叫做搵唔到份好文職姐! (如果你自己想做文職就另計)

funny2012

咁你咪搵返d野讀塞住佢把口囉…
其實唔一定要local u先好架, 我有個朋友係HKCT language畢業, 我見佢依家份工幾好呀! 又唔駛太辛苦人工又ok.
其實呢d野好多時都睇你自己肯唔肯努力, 再加一點際遇架咋, 如果情形許可就梗係讀落去好d啦! 起碼叫學歷高d嘛!

睇波之人

你阿爸唔知咩叫大專院校? 一定要本地大學先叫讀到落去???

Eric56

神希鐵甲 發表於 14-8-13 11:44 AM
咁你爸爸又真係激動左d既! 同埋我好唔認同果句中學畢業就一定搵唔到好工囉…
最多叫做搵唔到份好文職姐! ( ...

係囉,邊有人咁樣篤住自已仔女個頭黎鬧架...
好hurt我自尊囉,我又唔係話唔讀落去,我都有報其他課程想繼續讀落去架!
我都想可以搵到份好工,第時養到佢地架!

Eric56

funny2012 發表於 14-8-15 11:07 AM
咁你咪搵返d野讀塞住佢把口囉…
其實唔一定要local u先好架, 我有個朋友係HKCT language畢業, 我見佢依家份 ...

我有報其他野讀架!係佢咁嬲咁鬧我,都未講到出口!
如果我唔肯努力我就唔會報黎讀啦...佢都唔俾機會我解釋既!

Eric56

睇波之人 發表於 14-8-15 06:30 PM
你阿爸唔知咩叫大專院校? 一定要本地大學先叫讀到落去???

上一代d人應該唔太識啦,佢應該都淨係知最出名個幾間大學架喳!

睇波之人

Eric56 發表於 14-8-17 07:57 PM
上一代d人應該唔太識啦,佢應該都淨係知最出名個幾間大學架喳!

咁你要同佢講下嘛,依家咁多大專院校,
HD ASSO咩都有啦,你唔同佢講佢唔知就梗係覺得你讀唔到上去架!

Eric56

睇波之人 發表於 14-8-18 07:02 PM
咁你要同佢講下嘛,依家咁多大專院校,
HD ASSO咩都有啦,你唔同佢講佢唔知就梗係覺得你讀唔到上去架! ...

今日同佢講左dd喇...佢真係以為淨係得八大先係大學...
果然係等佢心情好番d先講到-.-

☆天∼

加油呀xd

lilyqiu

其實大學畢業出黎都未必會搵到份好工喇，d人成日話，大學學既係知識，大專學既係專業技能，有時大專畢業出黎可能比大學出黎仲易搵工添

msnicq1993

C 兄 加油. 唔一定要上大學先有出路既. 只要有目標, 一定會成功