幾年冇LOGIN,一入就要插,小喇叭,幫襯冇下次

s15ooooo

家陣好好玩?荃灣冇貨我懶得等,去高登買你地隻EXSOUND SHARK VII,話冇果50蚊現金劵都算,客服話可以去其他分店拎返,咁我返工地點實在麻煩,去最近既荃灣都要行九萬幾里先有車去,屋企人係荃灣返工,叫屋企人幫手拎,之前已經打去荃灣門市問過有冇50蚊現金劵,冇你可以話冇,點解要同我講帶返張單上黎拎?家陣唔係果50蚊現金劵既問題,係你地誠信有問題,你知我地喱D玩開電競野一直都會用落去,RAZER兩隻7.1我都用過,一隻已經賣返出去,所以係唔會在意果50蚊現金劵,但我地比你地鋪頭D人咁老點,去完荃灣去高登,之後等屋企人收工又專登行過去,你地知唔知有幾哂時間?

我同你地班懶懶閒唔休做既粉腸講,生意唔係咁做,我會叫埋我果班玩開電競野既FD一齊BLACK LIST你地,不過好彩,你地平時D野都唔係平,起碼我玩果D鴨牌鍵盤蛇牌滑鼠你地都賣得好貴,係今次冇其他地方有先中你地伏

好彩你地唔係做CM,如果唔係又好似1964個香港代理咁比我地BLACK LIST之後我地自己係美國訂

handyli

我地高登店同事表示, 係銷售過程中, 已表明現金券已送完, 你同意並仍然購買的
後來 你向我們商城客服查詢 是否可以去荃灣店取現金券,  
商城客服誤會以為是已事先同門市店員說明, 所以就話可以,
但亦都清楚向閣下表示, 閣下仍然需要向購買的門市(高登店)查詢是否可以再補領超市現金券

我們今次送超市現金券的promotion 是以先到先得, 送完即止形式進行, 閣下於購買時已清楚表明已送完, 不設補領的  
至於 點解荃灣店會叫你帶張單去拎現金券, 係以為拎我地另一隻[電競現金券], 因為我地可以補領現金券係得 呢隻[電競現金券]

造成今次誤會,  非常之抱歉, 為表達我地歉意, 我地有補償方案俾閣下的, 詳情致電荃灣店 24983168

題外話, 我地電競產品, 全部賣行貨價, 時不時都會再做9折優惠, 雖不保證最平 但一定唔會最貴, 睇準時機買電競一定係超抵的  放心!