【第六話黎料啦！】《Charlotte》 - KEY社繼AB後麻枝准最新作品，你準備好紙巾未？ - 第十話：略奪 - Key社

2000FUN論壇 › 綜合論壇 › 動漫專題區 › Key社 › 【第六話黎料啦！】《Charlotte》 - KEY社繼AB後麻枝准 ...

樓主: 憨憨的小任(CPU)	go 【第六話黎料啦！】《Charlotte》 - KEY社繼AB後麻枝准最新作品，你準備好紙巾未？ - 第十話：略奪 [複製鏈接]

憨憨的小任(CPU)

版主

Rank: 10

UID: 1080797
帖子: 6204
積分: 2527
Good: 257
註冊時間: 08-5-24
在線時間: 1106 小時

十週年勳章(賀詞)

21^#

發表於 15-8-4 11:26 PM |只看該作者

本帖最後由憨憨的小任(CPU) 於 15-8-5 12:11 AM 編輯

講返第五話先～

睇頭多，伏筆更多！

先講伏筆：

1. 耳機
其實都好明顯，當男主聽到後即時諗返起夢入面果個男人（即係第一話尾出現過果個呢），果個男人應該就係帶住佢地兄妹逃亡果位人兄，只係唔知點解現時消失左，兩兄妹又忘記左佢。
而耳機嘅神秘力量肯定唔止得呢樣，耳機聽果隊BAND嘅歌，應該會引發出某種效用（例如改化現有能力等），特別係經過男主果一幕後，耳機明顯係伏筆之一。

2. 果醬
以往作為笑點同路人嘅果醬，今次終於成為劇情重要伏筆啦！
好多眼利網民經過今集後認為：「妹妹因為無食果醬而病發，果醬有機會係一種藥物」。
咁有咩用？可能係用黎抑制超能力發作。點解病發？記唔記得OP有一幕寫住「超能力=病氣」？作者以病黎比喻超能力，一方面指超能力會隨年紀增加而消失，另一方面可能指超能力覺醒時會出現「生病」嘅徵兆。
再睇埋下集預告，果醬無哂，妹妹即刻變伊藤潤二畫風，再加上今集無食果醬即刻病，由此推論果醬對超能力有某種影響…

3. 柚咲談及自己家姐美砂及有宇家庭
因為前兩個伏筆太搶眼，大家可能會忘記左呢幕。其實呢幕係為柚咲將來嘅劇情鋪路，觀眾關於柚咲對家姐嘅認識其實唔算了解，今次可以當係解釋返佢地嘅關係，亦間按交代柚咲線劇大概係點，呢到就唔多講啦。
點解要加個及字？因為有宇回應好古怪。乙坂家入面最大應該係有宇，點解有宇回應「妳的心情我也能體會」？咁又返去第一集尾果個男人啦，相信下一集呢個伏筆應該會回收掛～

4. 有關第4集最尾奈緒要求有宇做嘅測試（回收伏筆）
上一集尾有講到有奈緒要求有宇去劫持人地身體，但試咩就無講到。網友推測係想試下有宇劫持5秒內可唔可以發動他人超能力。今集答案係：「可以」。

5. 高城嘅欲言又止
河邊沖涼時，高城對有宇講左句「可能你嘅人生會有意料之外嘅試煉」，有宇回答「只能劫持身體5秒可以做到乜野」…
突然高城好認真咁回應「咁係因為你……」，但之後又賣關子唔講，似乎講左就會劇透，所以劇情到此為止。

好，伏筆講完，可以貼圖啦～