『黑店食肆投訴專區』 - 2000FUN論壇

2000FUN論壇

標題:

作者:

時間:

標題:

此主題歡迎大家舉報/投訴任何黑店食肆舖頭或街檔
大家舉報食肆時希望會跟我第一個介紹既資料寫落去,

店舖名稱 :
地址 :
投訴原因 :

以上呢幾點最好都詳細列明~當然兩位版主會因應你地資料詳唔詳細去加分~

備註 :
1. 版主可能因應你們所推介的資料作出修改, 刪除.
2. 歡迎提供照片作投訴食肆用途.
3. 加分的標準人人不同, 版主最終可以執行加分的數目, 不得異議.
4. 本版只供人舉報食肆專用, 謝絕在作此吹水, 沒相關的留言會在不需要預先通知的情況下被刪除.

[ 本帖最後由 oO小仙人Oo 於 2009-3-20 11:41 AM 編輯 ]

作者: 啤啤熊寶寶 時間: 06-10-5 12:16 AM 標題: 最差勁的食肆

相信大家也看過電視~成龍先生所賣廣告的一間優質食肆~全記
今日小女子的男朋友生日~便打算入西貢食海鮮慶祝一番~後來行到去成龍先生所介紹的全記之後我們便去問油料錢怎樣計算~在跟一位賣海鮮的先生問價時~(只問了幾句)跟住有個女人(自稱是老闆)~好惡好悔氣說:唔做佢地生意!求我都唔會比佢食呀!走啦!重用粗口鬧我地一大輪!又跟我們說~我們走不出西貢~還說打我們~!之後我們當然立即走啦!在走個時~那位老闆還在罵!之後我們便去了另一間海鮮店了!跟住我們便去報警~因為我覺得受到恐嚇!我那知她會不會真的找人來打我的!之後便備了案!

在此我想說~今時今日咁既服務態度唔得的!問多二句就要打要殺...還說是老闆?試問有誰敢去光顧?
消費者也要知道是什麼價錢才會去消費的吧!只想問清楚一點~便受到這樣的對待~那麼是不是要消費者
什麼價錢也不知道~結帳時說多小錢就給多小?那麼說10萬我也要給嗎?如果遊客遇到這樣的對待~還有人會來香港消費?不是老闆便大晒的!消費者也有選擇權利的!不是講惡更可以做生意的吧!

在此想跟大家說!這家店的老闆是這樣~店員的服務亦會一樣差勁~大家不怕給人打~可以去嘗試一下喔!
小女子自問不會再入西貢的了!祝大家好運!!

地址: 西貢海旁街~全記海鮮酒家!(即全西貢的全記海鮮酒家~分店在附近的)

[ 本帖最後由啤啤熊寶寶於 2006-10-5 12:18 AM 編輯 ]

作者: SHAKA★LABBITS 時間: 06-10-8 06:18 PM

店舖名稱 :全旺火鍋海鮮酒家
地址: 九龍深水步順寧道273號日暉商場2字樓
電話: 2729 8068
投訴原因 :
叫左拒地set左果d中秋menu入面d野食....7碟有8碟唔好食
條魚128蚊﹐size呢....手掌+手指0甘長啦﹐又蒸得老
d野上又唔夠熱.... 不過過時過節﹐大家都算左數

最後一碟上既係薑蔥雞.... 我求其夾左舊雞胸食....
食到第2啖﹐一咬完望返落舊雞諗住整走舊骨﹐點知見到骨同肉中間果度變左鮮綠色
d色好似d感染果種感覺0甘散出黎既
果d綠色大概....就好似0甘﹐但再鮮色少少
我即刻吐左出黎....好鬼驚架嘛

之後叫個部長黎﹐叫左2個字個老細先出現
問拒係咩拒又話唔知﹐拒死都要拎舊雞入去廚房比師傅睇﹐但係我屋企人梗係唔肯啦
之後講講下﹐屋企人竟然比拒tum到﹐比舊雞拒拎入去
之後可以估到﹐個老細叫左個師傅出黎﹐話果d色係醃雞果陣d香草染落去既色
有d常識都知﹐果d色無可能係0甘染出黎啦!
叫拒比返舊雞黎﹐等我拎去驗睇下有無毒﹐拒死都唔制﹐話只係想求個安心都唔比
真係缺德到無人有

作者: wecare 時間: 07-1-2 03:23 PM 標題: [轉貼]

店舖名稱 :風味館
地址 : 荃灣西樓角道168號荃昌中心昌寧商場1樓43號舖
投訴原因 :
本人經常到位於荃灣西樓角道168號荃昌中心昌寧商場1樓43號舖((風味館))餐廳這店舖是吃米線為主小弟以在這店舖吃了2年有多他們的生意也很好後來他們請了一位"副"廚師這位人兄經常性不給客人很多湯放在米線上你們都知啦如果一碗米線內不足夠湯又點會好吃呢！本人在8月10日這裡吃午餐怎知一樣如是都是很小湯後來我問問他們可否加多小許湯呢？這位"副"廚重廚房聽到就問湯以足夠啦！算啦這句說話,後來這位副廚給了我一個像洗面盆大的一大碗湯他完全是在玩小弟啦！我就對住佢講洗唔洗咁大碗湯呀？講完之後佢就用粗口講....你玩嘜X野呀！於是我話好似你玩野多d喎你地知啦男人三句兩句都係粗口,十秒口角佢係廚房囉把刀出來向我揮過來好彩d火記咁住佢之後我就打999警察到左問我告唔告佢o林都無o林就話告一定告好彩就話無野如果唔係死左都唔知點解？邊有D人咁樣嫁牛一樣....E家排期上堂.
希望你地可以幫小弟放呢個信息出去等人人都知道因為佢地覺得生意咁好日日有人排隊食佢地d野唔洗理d客人感覺比多比小湯你地都食嫁啦！咁樣做生意法點得嫁你地話係唔係？本人所講全部100%?實你地可以check下荃灣警察局在10-8-2004 下午3:30 姓梁報過警有關呢件案.

小弟希望你地可以幫手放呢個信息出去等人人都可以知道佢地咁樣對客人係唔得嫁！唔該哂各位兄弟姊妹們小弟千多謝萬多謝你地！

作者: ～ｓｋｙ～ 時間: 07-4-3 08:49 PM

店舖名稱 :梨和園
地址 :旺角旺角登打士街43H登打士廣場一樓
投訴原因 :
佢d服務差到嘔
事情係咁既
前幾日我同我朋友去個到食野
開位個陣佢同我講話6:00pm食到9:00pm既
但係我6:10pm到入位,食到7:30pm到,佢d仕應不停咁係到吹我地走
係咁叫我地食埋呢一轉就好走啦,佢地要汁野,話有人等位喎
大佬呀,佢地收成$120位嫁食個半鍾唔夠就係咁叫人走?
同時又經常走過黎騷擾,係咁吹人走,當時都係7:30到!
途中,我去左wc,佢地d仕應又走去我朋友到"強行"想收左佢d野,我朋友當時係仲食緊野既!
之後我就同我朋友走了
同台亦有2位女士,比我地遲來,但一樣比人係咁吹佢地走!
呢d咩服務黎嫁?
大家有錢都唔好去呢間咁既野到食!

作者: 笨啦 時間: 07-4-4 07:03 PM

原帖由 ～ｓｋｙ～ 於 2007-4-3 08:49 PM 發表
店舖名稱 :梨和園
地址 :旺角旺角登打士街43H登打士廣場一樓
投訴原因 :
佢d服務差到嘔
事情係咁既
前幾日我同我朋友去個到食野
開位個陣佢同我講話6:00pm食到9:00pm既
但係我6:10pm到入位,食到7:30pm到 ...

多謝提供不過.....就算唔係咁都唔好去食
第一如果係貪平好多都同佢差唔多價 or 平過佢
第二佢d野食好dirty架試過有人見到個樹d人將人地食剩既野
係下欄位執返出黎再放返上枱比人食

作者: 杜斯迪 時間: 07-7-5 04:22 PM

地方東頭村離溥仁小學不遠
金伯爵(無記錯係)
記得我同我fd同佢老豆食野
食完野比錢啦
回到佢家,侉老豆話個到計多左佢錢,之後佢要求個個人計多次,完來真係計多左
下次去食時要小心!!

作者: 法比．加斯 時間: 07-7-5 07:10 PM

各位之其唔好去銅鑼灣間有骨氣

話說係６月３Ｏ號

我地係６點半去到佢話要８點半交場

我地果D係98$任食一個人，我地有十多人去

初頭我地叫左D牛肉呀仲有其他食物仲有少少丸

但係幾個字係先黎第一碟

佢第一次黎果陣得少量牛肉(一碟十塊倒)，仲有其他食物，但每樣都係極少，但係有好多丸，有數粒裏面有野果D丸同芝士腸(最平果D)

第ニ次叫左好多唔同既食物，有鵝腸、魚、牛肉、菜同四寶丸等食物仲有三個丁麵

點知又係幾個字係先黎第一碟

竟然有兩大碟第一次叫果D丸同芝士腸，大約只係黎左叫左叫三份一倒既食物，丁麵都係得一個

跟住第三、四次都係類似情況...

果陣已經八點半，但係一D都唔飽(係咁狂食果D丸同芝士腸)

跟住佢地出最賤既招數，突然將個泠氣較到超大，竟然有兩大個煲都仲好凍，仲要突然係幾分鐘內突然變凍(個風口對住我都果圍)

我地因為又有小朋友又有老人，所以冇幾耐就走左

計計埋埋只係每人出＋幾蚊食丸

ps.果度D服務態度好差，叫佢羅野飲又成日扮聽唔到

大家千其唔好去出香港仔遂道果間有骨氣

作者: 冬菇仔＊ 時間: 07-12-21 11:26 PM

店舖名稱 : 元朗新b仔..
地址 : 舊馬會附近..
投訴原因 : 今日去食呀..
o個碗咁既西米露..
成碗入面..起碼有5隻小動物..樣衰得滯..驚到冇影到相..
雖然間野係出名..以前都好地地..
但係上左軌道就乜都唔理..真係好差..
同佢講..佢又唔理..話冇事wor..
究竟..咩事..=.=

作者: 赤而 時間: 08-2-29 09:38 PM

原帖由 小月妹妹 於 2005-10-12 02:22 PM 發表
此主題歡迎大家舉報/投訴任何黑店食肆舖頭或街檔
大家舉報食肆時希望會跟我第一個介紹既資料寫落去,

店舖名稱 :
地址 :
投訴原因 :

以上呢幾點最好都詳細列明~當然兩位版主會因應你地資料詳唔詳細去 ...

店舖名稱 :糖痴豆
地址 : 香港半山區
投訴原因 :甜品有烏蠅,店主仲死撐

本年2月19日下午2時,我和朋友去食,點左個楊枝金露杧果布甸,心太軟

杧果布甸我食左2啖已發覺有烏蠅,之後我停口冇食..向店主查問時,佢立即

收走甜品,一尾話係杧果皮...態度強硬,埋單更收足2個甜品$$..

正一奸商,一D良心都冇

作者: pocketmonsters 時間: 08-4-9 01:23 AM

店舖名稱 :巴西燒烤餐廳
地址 : 尖沙咀加連威老道94號尖東廣場1樓101
投訴原因 : 上次一行8人去食
d野食少到驚~
熟食得7~8樣~~(豬排,炒麵,飯,茄子......d野食勁cheap
不過cheap唔係一個問題~~佢仲要勁難食先慘...(仲凍凍地
甜品得10樣左右....又係勁cheap果d (即係蘿蔔臣果d-_-
甜品都有d好難食....(難食到我吐番出黎
真係少到想喊......
佢有時係廚房會燒d野食出黎問你要唔要~
不過走得超快~
同埋我食2粒鐘得果4樣-.-....
燒波蘿~雞"臣"~雞比~羊比
個雞"臣"同羊比勁硬......個波蘿酸到你喊
得個雞比好味少少..........不過好淡...
最後想食過雪糕都無哂.....-.-
服務~~~無咩點服務過.....
80$......唔值囉-.-
我出去普通茶餐廳食個碟頭飯可能仲開心d
果日個個都勁失望-____-

作者: 小草蛋 時間: 08-4-18 03:06 PM

店舖名稱 :美孚冰室
地址 :  美孚
投訴原因 : 響d面度有小強半班人都食晒想嘔>_<
            真系食死人的會-0-
            大家唔好去食....
            改善d環境~"~    乾淨d拉....

作者: inspiration 時間: 08-10-19 04:30 PM

荃灣象山波叔大排檔
平係好平-.-1x蚊就有碗2送面同1支野飲-.-
but-.-我食2次-.-1次小強1次烏英係d面度-.-
我偷偷地裝下佢點整野食啦...-.-
嘩-0-入面成4隻小強係地下-0-條友整面d汗係咁滴滴滴滴滴哂落湯度-0-"
我見到都滴哂汗-0-"我以為都5敢再食了-.-

作者: 懶惰寶貝 時間: 09-3-18 08:09 AM

店舖名稱:尚壽司
地址 : 大埔中心海寶花園 (扒王之王隔黎)
投訴原因: 開鋪果日,我同一個朋友走去試試,入到去好忙好多人,好難得先有位比我地,
好啦到坐好左睇下有咩食啦,成條迴轉壽司都係得兩至三樣壽司(三文魚,吞拿魚沙律,蟹子)
見到咁既環境硬係自己落單點野食仲好啦,叫服務員就應一應機,之後叫你等等,等到冇左回音,
都算!叫多幾次終於應機,落單點食野,等下等下點左幾個字一碟野食都未黎,呢下開始火火地,
我就叫左個經理黎叫佢幫我地跟下單,過多陣終於有得食,不過d日本野食真係好差,
講真唔係我咀刁,真係難食到我都快快想埋單,食野果陣我同朋友見到入面d人整下刺身壽司,
最正既係佢地係冇戴住手套黎整(而家我唔知),食完拿拿聲埋單,我埋呢張單埋左五個字囉!!!
呢餐三百幾蚊到,我心諗出黎食野貴唔係問題,最緊要係滿足到客人就ok!
走果陣我因為好唔滿意既關係我捉左個經理出黎插!
我:你知唔知你地間野好差?知唔知差係邊度?
經理:係係係!真係唔好意思!
我:大佬你地第一日開鋪,唔係應該搞掂晒間鋪所有野先開出黎做生意架咩?
你知唔知我頭先同個朋友食得好唔滿意!迴轉枱冇野食,服務員唔會加茶,野食麻麻,埋單仲要埋我成五個字呀!
經理:非常之唔好意思!或者係我地比較忙小小!
我:我對你間日本野太失望,我亦唔會再黎!
經理:.........

作者: 夜遊魂 時間: 09-4-5 12:46 AM 標題: 回復 15# 懶惰寶貝的帖子

甘你又知唔知正宗日本料理係唔戴手套嫁??只係hk做壞晒先至要戴手套...香港出名果2間板x同x長係出事前都係跟日本一樣唔戴手套做野....

作者: 呀忍～ 時間: 09-4-16 09:20 PM

店舖名稱 :雲南桂林過橋米線(屯門)
地址 : 屯門德政圍27號地下
投訴原因 :待應同我落錯單又要話落左無得改白白俾左5$ 個四眼八婆待應唔撚話sor 仲要串柒柒下次都唔會去屯門間
仲有食完唔知點解肚痛....成日咩都無食過正係去間野食完屙到腳軟

[ 本帖最後由呀忍～於 2009-4-16 09:21 PM 編輯 ]

作者: ☆小惡魔☆ 時間: 09-8-20 09:24 AM

店舖名稱 :騰美點心茶餐廳
地址 : 長沙灣元州街元州村元州廣場附近,近永隆街
投訴原因 :多次整錯食物,態度惡劣
第一次係舖頭食,叫左一個下午茶:奶油厚多士,點知變左奶醬多(薄個隻)
第二次叫外賣,叫左一個早餐:煙肉煎蛋+炸菜肉絲米,返到屋企打開發現,變左餐肉煎肉+炸菜肉絲米,跟住打佢投訴,話佢地整錯野,點知個老闆叫我親自行返去同佢換返件煙肉..真係火都黎..叫我親自行返幾條街同佢換件煙肉

[ 本帖最後由 ☆小惡魔☆ 於 2009-8-20 09:34 AM 編輯 ]

作者: airegg 時間: 10-1-6 06:00 PM

店鋪名稱:扒皇之皇

作者: oMOo 時間: 11-3-8 11:43 AM

原帖由 夜遊魂 於 09-4-5 12:46 AM 發表
甘你又知唔知正宗日本料理係唔戴手套嫁??只係hk做壞晒先至要戴手套...香港出名果2間板x同x長係出事前都係跟日本一樣唔戴手套做野....

因為香港果d 唔專業~好多都係搵學徒去整~!!

同埋日本做壽c 衛生度比香港高~!!!

如果香港唔用手套我真係唔敢去食~~成日見到d 製壽c既人去完廁所唔洗手....

-----------------------------------------------------------------------------------------------------------------
店舖名稱:銅鑼灣新星酒家

地址:近銅鑼灣鵝頸橋橋底

投訴原因 :一月三十日我地成家人去食團年既時間[因為個個要返工正常都提早食]

第1: d乳鴿明顯返炸既~食落去一d都唔脆皮d肉質變哂 [以我做廚房推側最小炸完擺左一個鍾以上]正常未炸放係到都唔會咁~!

第2:叫左條斑

第一條去錯台都算我地等無所謂~!!

第二條就黎左條5成熟~叫佢換過條講明唔要返呢條[大家識食人士都知魚返蒸過d肉就會變質~叫佢換係好正常] 佢地話好~我地又等

第3次再黎明顯當我地白痴比返果條我地~之後叫個經理過黎~佢同我地講無返蒸到嫁~用熱油林返熟佢嫁咋~!!

大家你地話一條5成熟既魚~用熱油係咁林返9成熟條魚會變成點呢

一睇就知佢又再講大話[叫佢換又唔得]~最後同佢講唔要條魚~同我地講難做[咁出錯法難做你都要做嫁啦]

加加埋埋哂左我地成個鍾時間~!!中要睇埋對面台食左本身係我地果條魚~唉

團年無魚食真係唔吉利嫁嘛~!! 食餐反都火火地~!!!!

真係唔會再去果間新星~!!其他我就唔知會唔會咁啦~!!

[ 本帖最後由 oMOo 於 11-3-8 01:54 PM 編輯 ]

作者: 曼豬sa華 時間: 11-8-16 11:59 PM

我家留下的美心
下午茶d飯凍的
食碟菜心送條長又黑的頭髮=0=

作者: 曼豬sa華 時間: 11-8-17 12:05 AM

我家留下的~100米
D態度差到嘔
等個外賣等左半個中
係真的
我叫完外賣，就周圍行
半小時返黎仲未得
同佢地講又話等多陣
得左啦
比單佢唔采人
大大聲先應
On_不？！

作者: psps2010 時間: 14-9-15 12:02 AM

名稱：宅麵專門店
地址：九龍灣牛頭角道77號淘大商場1期地下G140號舖

原因：有昆蟲也不道歉，態度惡劣

今天去到這一間宅麵專門店，大概吃掉四分之三後，竟然發現有一隻小昆蟲，看樣子是一早沉已在麵。shocked

相信這樣的情怳不，都令食家感到不安。於是，我叫了伙計來告訴他，他二話不說便把那一碗麵收走。我以為他要和負責人商討如何處理，怎知隔了五分鐘都沒有人來交代事件，而負責人亦很休閒地靠在收銀台邊。看到她把事件不了了知，我也忍不住走去直接問她為何有昆蟲連一句交代也沒有。無何奈何，她說：「我很忙的，不信你問下那位哥哥，我剛剛才幫他們落單。」但看一看那檯飲品已經送到。接著，我們再跟她說，現在有空吧，可以作出解釋。她的回覆卻是我們有滅蟲箱不可能有蟲，像是暗示我們把昆蟲弄來的，還說我們這樣走出去找她態度好有問題，難道我要等到所有客人走了才能理論？其它的店員也加入罵戰說你可以看到我們店很乾淨，不會有昆蟲。那負責人還說一隻昆蟲就要道歉，我跪你拜你，好不好？

大家來評評理，我們要的只是一句道歉一句解釋，但負責人態度卻差到極點！！！！！
希望大家到那間店之前三思而後行，不要換來如此不快的用餐經歷！！！

作者: 儲曉鳳 時間: 16-3-25 03:53 AM

提示: 作者被禁止或刪除內容自動屏蔽

歡迎光臨 2000FUN論壇 (https://www.2000fun.com/)