2000FUN論壇

標題: 無線電視收費奸商 [打印本頁]

作者: 飛雪貓 時間: 06-8-22 05:28 PM 標題: 無線電視收費奸商

無線電視收費奸商

http://community.she.com/message ... mp;topic_id=1736626勁賤

無線電視收費奸商

本人有一件關於tvb無線收費電視既事想發表下.係2006年8月1日..有一位無線既職員cho who yzn salesperson code:c277黎按我門鍾.話tvb岩岩係我屋苑裝左隻無線鑊..所以佢想俾我睇d新野..咁我就俾佢入黎啦..佢開頭同我講話因為有左收費電視,所以第日無線電視公眾台既節目第日就會越黎越少野睇.又話依家即時申請仲送4個月俾我睇.講到好似唔申請第日咩都無得睇咁..

佢之後又問我有無睇開收費電視..我話我本身睇開有線電視既五個動物台.兒童台.其他台就無睇.收費就百幾蚊.咁佢就話依家佢地tvb就做優惠,只要用115蚊就可以睇40個台.咁我問佢有d咩台啦.佢就講左好多好似好正既野出黎.咁我就話.其實個收費電視平時我都無睇,d動物台係我爸爸鍾意睇.兒童台係我亞妹鍾意睇.所以我都無咩興趣睇佢果40個台..咁佢就話有線有既台.我地tvb都一樣有.而且比有線緊加好睇,緊加多.咁我就話,你得一個國家地理台睇動物.有線有五個動物台睇.點會你多d.咁佢就話.需然佢地得一個國家地理台.

但係佢地有4個兒童節目既台,可以俾我呀妹多d卡通睇.仲好標榜係全部用廣東話既.咁我就話,就算係咁都好.我都無咩必要無啦啦轉去睇tvb.咁佢就問我有咩想睇,我就話無.平時都無咩點睇開電視.咁佢又話..電影你一定會睇啦掛,咁我話我都會睇下戲既.咁佢就話.佢地tvb既天映台.戲院上左晝既戲.四個星期一定會係tvb既天映台睇到.我即時問佢.係咪咁勁呀.佢話緊係啦.之後佢就話有線d電影台一定無佢地咁多野睇.d野無佢地咁新.講到天上有地下無.又話依家立即申請仲送我一本價值2000蚊既優惠天書,

仲有會俾d勁歌金曲票我.咁我話會唔會裝左之後唔係果d野.佢就話40個台.點都有個岩我睇.咁我話如果裝左唔岩睇,可唔可以唔要,佢話唔係唔得既,但有d難道,但係佢都幫到我.(咁姐係意未住唔岩睇可以cut啦)之後佢問我有線份約到幾時.我鬼知咩,佢仲幫我即刻打電話查我有線份約到幾時.話仲有一個月約.佢之前話有線有幾耐約就送番幾多個月俾我用.點知佢就講話送番4個月俾我用..咁我話.果4個月唔係一開始你就話送架咩.仲咩連埋補有線果份一齊講..咁佢話..你依家都有著數啦.

送4個月,你得一個月約..都仲有3個月多..我心諗..呢條友出口術老點我..但都算啦..我又唔係好貪佢果一個月..見佢sale得咁努力咪當幫下佢囉..好啦,到簽約果陣.佢話要我聽個電話先..話係公司d無聊規定..又話等陣電話入面d人係d咩大陸仔..幾十蚊日,佢地講d咩你唔洗理..仲知你咩都答係就得..咁我就聽佢講啦.聽完個電話.佢就同我聲明:話無同我講過唔申請tvb收費電視會無得睇依家無線公眾電視..我心諗,佢開頭咪講到好似無得睇咁囉.依家又講到咩都唔關佢事.又出口術.之但係都去到尾聲.見佢又無咩野.

如果岩睇都無咩所為.我仲話我就黎搬屋.咁咪又要俾搬裝費.佢就話我留個電話俾你.到時叫我搵佢.佢幫我攪.唔收我錢.個電話寫左係份約到,就咁樣既情況下我同佢簽左份約..簽果時我先見到份約原來係寫送2,4,6,8個月月1費.平均115蚊一個月.pk..原來唔係每月115.係每月148..唉..又俾佢老點,但算啦.都簽左..過左一陣..有師傅上黎裝,裝完一睇.
攪咩d兒童節目台有d講英文,有d講日文,得一個講中文.個天映台..播d戲就勁啦.

播d岩岩有彩色電視時期既戲..我心諗唔係呀化..老點成咁..咁我打去問佢啦..仲咩d卡通又唔係全部中文..d電影又播d岩岩有彩色電視機時期既戲...佢就話d卡通有時會講番中文..d電影係睇時段先播好野.叫我試下睇先..咁我聽完佢咁講都無野講..為有再試下睇..過左幾粒鍾後..夜晚11點幾,佢無啦啦殺上黎話佢份合約整濕左.話同我換過份新既..咁我咪幫佢換囉..佢走左之後,我先發覺佢個電話寫左係份舊約到.佢換左我就無左佢電話,都唔知係咪有心定無意..之後我無聊睇下佢本什麼優惠天書.發現原來入面d優惠有8成半都係過晒期...頂佢....老點到爆.....睇完想插佢又無左佢電話..勁無奈....

咁我一路都有睇下佢d台,發現全部垃圾...同有線簡直無得比...我最嬲係佢講果個天映台...我睇左成個月..緊本就無d咩4個星期戲院有既戲係天映台睇到..分明扼人....咁我打電話去tvb問過明白..有位增小姐同我接洽,我就講晒上面既過程俾佢地客服聽..佢話查明後再回覆我..過幾日後.有個姓陳既先生,工作號碼係66728既人打俾我,佢話佢地問過個saleman,話無講過上面d野..講到好似我老作故仔...話頂多送多一個月俾我..我話我要一個月黎仲咩..緊本就唔係有我想要既節目.都無你伙記sale我既節目..我仲咩要俾18個月錢睇呢d垃圾...分明扼人.

果個爛鬼員工仲要d態度勁黑人憎,攪到好似我打去拎小便宜咁.嬲到爆...簡直係勁黑暗...收左錢就彩你都傻...咁我話我依家唔想要啦..我想cut.佢話唔得,一定要我睇..就算唔睇cut左佢,都要俾晒18個月既費用先cut得...有無攪錯..份明扼人扼錢..到最後我話我原意俾你地罰我幾百蚊cut左佢,佢都話唔得.公司決定左頂多送一個月俾我..依家係佢地既最後決定....聽完嬲都爆...我叫佢換佢亞頭同我講,我唔鍾意聽佢把聲.佢就話唔得.佢係負責我.唔會有第二個人聽..一係就接受佢地果一個月,一係就當無事發生.到最後我無要到佢果一個月...嬲都亞媽都唔認得~~~~~~~~~~~~~~~~~~>.<'''''''

我出呢段野.係唔想大家再好似我咁中tvb既奸招...我真係唔唔到咁大間公司..既然要出d咁既奸招黎搶生意...簡直係奸商............請大家把呢段野傳出去,等唔好再有人中招

作者: zorelangrisser 時間: 06-8-22 06:13 PM

我都試過~
不過我未睇~師傅未上黎個陣立即cut左
根本冇我想睇既野...打左俾個fd問左

作者: 小角色R-001 時間: 06-8-22 07:32 PM

原帖由 飛雪貓 於 2006-8-22 05:28 PM 發表
無線電視收費奸商

http://community.she.com/message ... mp;topic_id=1736626勁賤

無線電視收費奸商

本人有一件關於tvb無線收費電視既事想發表下.係2006年8月1日..有一位無線既 ...

其實好難講一定係TVB既所為
因為以我所知呢類推銷員要日日都交一定數量既單,可能係佢為左要交到單所以呃你
可能只係個別推銷員既手法有問題,未必一定係TVB奸(我只係話未必)

作者: 海賊 時間: 06-8-22 07:41 PM

我唔會比佢地入屋架wo@@

作者: 。褲仔 時間: 06-8-22 08:01 PM

其實係d推銷員問題姐
未必關tvb事
客觀態度....

作者: 絕境 時間: 06-8-22 08:57 PM

好地地搞個收費頻道做乜-.-

作者: 8777 時間: 06-8-23 01:02 AM

我係去佢間pccw店度申請,所以咩都好清楚,亦冇咩問題

作者: tinchi3721 時間: 06-8-23 05:05 AM

有線好d都係........
tvb果d戲好垃圾
要睇d台片上網dl仲好.....

作者: 連、某 時間: 06-8-23 09:01 AM

如果無線有日本ge富士同朝日電視台,我可能會考慮下申請

作者: 雲仔╭╯ 時間: 06-8-23 11:02 AM

睇落去...
個推銷員都好CHEAP
但係點解你俾佢老點咁多次都仲信T_T
而家點樣仲有冇用
你唔可以唔交月費俾佢架咩~_~
佢又吹你唔漲=口=

作者: head17 時間: 06-8-23 12:24 PM

經一事長一智，個sales 其實已經有好多位露出破綻

作者: 雞蛋仔仔 時間: 06-8-23 01:01 PM

你唔係信佢講野信足100%下話
邊有咁荀收費tv
一定係拎d少到唔少既著數黎誇大then昆你落搭
e個社會通街都係咁

作者: 平凡的a 時間: 06-8-23 02:50 PM

估唔到佢咁無良，真係奸呀!!!!

作者: 火狼cool 時間: 06-8-24 09:33 AM

佢都有按我不過話４個月之後要比錢－．－
所以冇比佢入黎＝口＝

作者: 失星 時間: 06-8-24 11:19 AM

TVB收費電視, 本人是其客戶, 感覺節目唔錯, 而且收費便宜.
始終係無線管理, 所以質量有保障, 不會像有線那樣.

至少有線中隨時可見的三個問題暫時也未有出現
1.拍埋d白痴廣告
2.叫埋d低能仔走出黎唱歌
3.你用得越耐你就越唔會有優惠, 只會加價
*由於家人愛睇波所以冇cut.

作者: bsgbsg 時間: 06-8-24 05:13 PM

TVB同亞視都幾垃圾..
所以就算佢既收費電視我覺得都唔會好得去邊....

有線唔錯丫
起碼多野睇過呢兩個台...

作者: somee 時間: 06-8-24 08:10 PM

我叫佢換佢亞頭同我講,我唔鍾意聽佢把聲.佢就話唔得.佢係負責我.唔會有第二個人聽
↑
│
│
你又俾佢大左la=_=
係就大返佢轉頭:一係就你搵你ar頭黎講,一係就我親自搵你ar頭黎講,係咁多,你搵唔搵?

[ 本帖最後由 somee 於 2006-8-24 08:15 PM 編輯 ]

作者: 重炮手高達 時間: 06-8-25 09:05 PM

tvb個收費電視真係垃圾
d sales未簽約係到吹水
成日都遇到啦
佢地呃人ge

作者: 李老美 時間: 06-8-25 10:44 PM

挑
上次佢又係咁
昆左我老母簽左
果條友同我講,你有冇睇開波架,我話有
之後佢話,我地無線除左英超,我地仲有d其他有線冇架
原來只係英冠,法甲,荷甲,蘇超咋
諗起都把q火

作者: GN0245 時間: 09-3-14 10:20 PM

我都比佢呃左成三千蚊...申請左冇野好睇...全部垃圾

個上門推銷既死八婆又話好多好野睇...\_/

作者: kira331 時間: 09-3-14 11:09 PM

好地地搞個收費頻道做乜-.-

作者: 小古~天斬 時間: 09-3-18 07:39 AM

收費台遲早同互動电視一樣命運

作者: kendogdog 時間: 09-3-21 11:50 AM

唔好話我話

你都傻傻地…換個呀頭聽電話都唔識…下次恐番佢…你一係叫佢黎，一係我自己搵佢

嚇到佢一定好聲好氣同你講喇

作者: sandychow5017 時間: 09-3-22 04:36 PM

慘............

作者: 老亨 時間: 09-3-26 05:26 PM

tvb收費電視我屋企都有...20台天映日日播d黑白電影個d片..

tvb收費得劇集台有好野睇架咋..不過上網都下載到..無乜用..有線電影台都好d 有2個電影台..d片比較好睇...

作者: touz 時間: 09-5-8 12:06 PM

我都中咗蕉囉..唉.我都係以為大廈整咩天線...所以畀佢入咗屋..就中了....又話唔裝會冇得睇免費電視呀.又話而家唔裝既日後無線加台遲d要裝衛星天線先會睇到架...我都打咗電話去...話要同返公司傾先有答覆...好鬼無言囉

不如中咗蕉既朋友都去信消費者委員會投訴啦...等佢哋班人唔會再呃其他人啦

[ 本帖最後由 touz 於 2009-5-8 12:10 PM 編輯 ]

作者: 吉祥娃娃 時間: 09-5-13 01:53 PM

唔岩睇可以cut果o的明呃人 (**過來人

作者: rsong0801 時間: 09-5-24 11:00 PM

感謝分享!!!!!!!!!

作者: liyuksan 時間: 09-5-29 09:57 PM

我會放佢地入黎嫁.次次都放.......之後仲好有心聽佢地講.............之後聽完晒..就立即表明立場! 我唔要唔該你走...

:victory: :victory: 如果佢玥唔走.我就叫管理員~哈好爽好玩!

作者: a62566256 時間: 09-7-15 08:08 PM

我都試過~~~~

作者: 千夜玥 時間: 09-7-16 12:39 PM

我仲記得個年年底先至出乜鬼數碼電視廣播
年中已經有D無記SALES黎洗樓，仲要全女班!!!
個時根本唔知道數碼電視廣播的事，
個時無綫收費台先岩岩起步，名都未改嫁
D SALES初頭話免費，仲要打住無綫個名黎，又係女仔喎，咪聽下佢講乜。
當然又係借D2入左屋就狂SALE，突然又話唔會做蝕本生意，
佢最初講到好平嫁，話幾廿蚊喎
後尾簽約先話月費百零蚊，個價一陣變左幾次快過股價呀!!!
個時又話就算第日唔睇，都可以繼續收睇衛星電視的台
呢個當然又係大話啦!!!
講到D台好正咁，原來無乜野好睇，佢個種急速式的介紹聽到一句聽唔到一句
又講唔用佢第時會第唔到免費台喎
當然入左局啦，個時連會有數碼廣播都唔知。
過2日仲要睇新聞話第二條屋村，好多公公婆婆血報紙申訴比人呃!!!!
就係無綫收費台的SALES，佢地的呃人手法沿用至今，
好明顯係政府對於呢D欺騙手法SALE野無符，
好多人投訴又點，佢咪又係咁樣SALE，我都向TVB反應過，
咪又係得D官方式回應，然後不了了之。

作者: 豪…☆〞 時間: 09-7-16 01:51 PM

我都中左招-.-...仲有成半年捱佢果d電影台我真係頂佢唔順成日播埋邵氏果d戲基本上冇個台好睇

作者: 夢原望美 時間: 09-7-16 02:12 PM

原帖由海賊於 2006-8-22 07:41 PM 發表
我唔會比佢地入屋架wo@@

Me Too

作者: 敏聰 時間: 09-7-21 04:05 PM

算唔算商業詐騙?

作者: 譬如說 時間: 09-7-22 01:32 PM

其實他甘樣無線己經觸犯香港法例
正如買野貨不對板他唔肯退你都可以告他
自己加油堅持到底吧

歡迎光臨 2000FUN論壇 (https://www.2000fun.com/)