2000FUN論壇

標題: [跟團] 0925 ~ 0929 日本旅2007！ [打印本頁]

作者: HiMsPaCe 時間: 07-10-1 06:00 PM 標題: [跟團] 0925 ~ 0929 日本旅2007！

- 小插曲 -
　　00年、02年我都跟過縱橫遊去韓國同日本，覺得OK唔錯，所以今次都選擇縱橫遊。最初去睇D團，睇岩1個，櫃位個職員話自己係領隊黎，口口聲聲話我想報個團已經成左團。到左第2日，就去左第2間分店報，報個日都話已經成團。過左1個星期，有職員打黎話因為要連續住2晚迪迪尼酒店，酒店冇房所以要取消。聽完之後當然唔開心啦，但心諗作個籍口都作得好D，既然之前話成左團就咁梗係肯定晒D旅程冇問題先啦，縱橫遊個印象立即差晒........

好~ 前言講完，就講講我報左邊間同參加咩團啦！

東京享受篇：入住兩晚迪士尼HILTON 或SHERATON 高級靚酒店、迪士尼樂園、富士急樂園、箱根大涌谷、箱根平和庭園、蘆之湖遊船、露天溫泉、台場、新宿歌舞伎町、銀座購物開心超值抵玩五天團
公司：東瀛遊
團號：JTSA05-0925 (JTSA05係主團號，0925係出發個日子)
日期：2007年9月25日 ~ 9月29日 (5天)
集合時間： 06:00 機場集合

相機型號：Canon EOS 400D (Kit鏡)

9月25日第1天：香港~東京~台場懷舊商店街~台場筋肉擂台~SONY未來高科技家居城~彩虹橋夜景
酒店：新橫濱太子

日本之旅由此起！

好彩住得近，去機場唔洗15分鐘，唔係實4點要起身去機場......

小弟閒拍1....

30號閘口位於機場中間的部份，唔洗搭無人駕駛電車。
9點15分開始入閘......

上機啦！個朝不停都有D雨.....

好彩上到空中好好天，忍唔住影返幾張.....

午餐飛機餐
中華冷麵沙律、啤酒燴雞三色意大利麵、麵包牛油、橙汁、美心月餅 (原本係Haggen-Dazs雪糕，因為出發當日係中秋節，所以改左月餅。)

下午2點05分到達日本成田機場....

搭無人駕駛電車去移民局時影....

日本青馬~ 彩虹橋，係香港人既都應該認得.....

睇完彩虹橋，入左個商場去搵Sony，但一入就見到大大個木村套Hero廣告....

廣告既對面就係所謂既SONY未來高科技家居城
個名就好巴炮，其實只係1間專門店，就好似Nike Shop咁。
但入面好多都係未出既AV同好多電話賣，不過SONY D野出名易壞，所以都冇買過野....

間商場咁岩有個少少既車展，無聊影下....

黎到日本梗係要影D日本野~ :sm3:

SEGA JOYPOLIS~ 有料既~ 要入場費~
入面好多SEGA既街機打，但樣樣都要收錢，所以冇入到去。
單張入面講到有頭文字D4玩，個座位成部車咁，過癮D，但要成300Yen =.=.......

SEGA上面就係台場一丁目商店街，專係賣D日本古時既野。

商店街睇下會幾好，但就冇乜野會買到.....

6、7/F就係台場小香港，入面裝扮成個香港咁，仲有廣東歌聽添！
而隔黎就係台場筋肉擂台，同TVB見到個D差唔多，但見到都唔多想玩，所以冇影到相....

台場個商場同彩虹橋後面就係富士電視台....

伊東就係o係度拍日劇架啦！ >0<

小弟閒拍2，彩虹橋夜景....

晚餐台場小香港入面1間食店 (名唔記左)
自助餐~ 我就食左咖哩飯 + 橙汁

新橫濱太子酒店
住31樓~ 酒店出面既夜景....

小弟閒拍3....

日本漫遊~ SUNDAY黎到日本變左JP DoCoMo
3黎日本會變左Vodafone JP
日本既入屋電話費係好貴~ 好似係以每分鐘計~ 唔同香港俾月費。
而手提如果你入左1間食店坐得入少少已經收唔到，因為日本政府要控制發射站既數量~ 唔想太多幅射影響人民既健康....

========== 第1天完 ==========

9月26日第2天：箱根大涌谷~蘆之湖遊船~箱根平和庭園
酒店：河口湖富之湖露天溫泉酒店

6點Morning Call
一早酒店出面既風景

酒店內間隔，房間比較細，冷氣亦冇香港咁勁
又係關日本政府既好事，因為日本既冷氣冇加入影響地球大氣層既氣體
而香港個D冷氣機係加過工，所以特別凍....

酒店早餐自助餐

小弟閒拍4，酒店內景色....

小弟閒拍5....

日本電話，領隊話入100Yen打去香港，只可以傾到10秒 =.=....

小弟閒拍6，酒店內景色....

酒店Logo

酒店外風景

我個團有41人，早1日出發只有29人 -.-"

小弟閒拍7，酒店內景色....
影埋自己添....

小弟閒拍8，酒店內景色....

去蘆之湖期間停留既休息站
去日本一定要飲下C.C.Lemon，同香港有D唔同架！

日本周街冇乜垃圾筒，而仲會有分類添~
導遊話日本人Dom垃圾都有分星期幾Dom D乜，好有規律....

小弟閒拍9....

小弟閒拍10....

小弟閒拍11，箱根蘆之湖景色....

準備坐船出發！

隔船扮到成隔海盜船....

箱根有5個湖~ 5大湖D名唔得左囉....

小弟閒拍12，o係元箱根港對面....

小弟閒拍13....

呢個叫做大涌谷，唔好以為火山，其實係噴出黎既溫泉水熱得滯既煙者~
我落車第一下就自自然諗起盧巧音隻風吹不走笑容.....

唔係吹水架~ D水真係熱架！

地標！大涌谷！

唔知因為D乜礦物質，將D蛋放入去溫泉度一陣，囉返出黎成個面會變左黑色！
明明放入去係白色.....

但囉返出黎會變左黑色....

D蛋又命名為黑玉子....

出面黑，但入面都係白雪雪，但食落好似話唔同味，但我食過就同一般雞蛋冇分別....

小弟閒拍14....

我就係坐呢隔旅遊巴架啦！
佢地D車牌我諗應該唔會好貴，因為日本人應該冇香港人咁注仲D 8字。
佢地D車隔隔都係8字尾，我呢隔係328，我見過1隔又係東瀛遊既就係338....

我個團個領隊兼埋導遊，叫 Jim馬，經理黎。
佢真係幾吹得，除左有1至2次食完飯D人訓晒先唔吹水講故仔，真係講足全程，冇偷懶，講野都幾好笑。

睇完D黑色蛋，就返返去個湖隔黎度食午餐。
午餐日本定食

小弟閒拍15，因為個湖o係富士山區，礦物質多，因魚真係好大條，拍得住隻鴨....

平和公園，02年黎日本黎過呢度....

小弟閒拍16....

小弟閒拍17....

唔記得左全日本有幾多個平和公園，好似有4個，有3個日本政府資助起，有1個就亞洲夾錢起....

呢個就係香港捐出既石像，好似要捐過錢先會有....

小弟閒拍18....

平和公園入面既風神同雷神，邊個係風邊個係雷就唔記得左囉.....

個導遊話呢個Gotemba Premium outlets係加送，報團時冇
但我上網睇返D人講，呢個D人參加個導遊又係話加送....
我諗應該係例牌都去，只不過講俾你聽係加送，俾你感覺好D咁者....
但不過入面真係好多名店，我覺得最抵係Nike，1對360香港要千幾蚊，我用左600蚊就買到對，爽！

有冇人可以話我知呢個係咩包？香港未見過....

日本D M記好鬼貴，1個餐要成40蚊，真係搵鬼食....

小弟閒拍19....

河口湖富之湖露天溫泉酒店....

酒店晚餐自助餐
魚生船，導遊Sell既加送，好多團友都有叫，價錢唔係好記得，好似大概4000 ~ 10000Yen左右

小弟閒拍20，酒店外景色....

小弟閒拍21，酒店外景色，個晚有D雨影埋鏡頭上D雨點....

========== 第2天完 ==========

9月27日第三天：富士急樂園~電器城~歌舞伎町~新宿地下街
酒店：迪士尼HILTON 五星級酒店

6點Morning Call
酒店早餐自助餐

小弟閒拍22，酒店外景色....

酒店正門....

小弟閒拍23....

小弟閒拍24....

小弟閒拍25....

富士急樂園，有個全世界第2長，同有個全世界最快既過山車，門外景色....
日本「急」解快或刺激，所以入面遊戲都係以快同刺激為主....

雖然呢日唔係日本假期，但都有不少日本人等入場....

入面有個哈姆太郎區，好正，多哈姆區入面雖然冇最快既跑山車咁激，但都好好玩....

小弟閒拍26....

坐住呢D雲車o係空中兜個圈，唔係太快都係正，老人家都岩玩....

小弟閒拍27....

前面個藍色牌，加埋隔船D水花，好鬼正！

但其實最正係條橋係唔好睇佢有野遮，但其實係透洞.....
行行下如果咁岩有船衝落黎，橋上面既人一定會跑夾唔抖，好好笑....

呢個就係全世界最快既過山車既一部份，仲要上一個咁既山，真係見到都驚....
隔過山車由開始加速到200Km/hr只需要2秒，法拉利都要3秒....

呢個係成個富士急最好玩，成團有11個去左玩，入面有日本鬼嚇人，成班一齊係咁叫，D氣氛唔錯。
如果2個入一定嚇死你，驚餐飽.....

午餐富士急餐券
富士急俾得3個鐘時間，我覺得已經夠了，入面冇乜真係想玩，係得鬼屋同過山車最多人排，3個鐘真係厭多添....
入面有個高達館，有開到，唔記得左去~ 但聽人6月個時冇開到....

入廁所前，問問自己Are You Ready？ lol

小弟閒拍28....

去新宿途中既1個休息站....

到左新宿啦！

地標之一，歌舞伎町一番街！

電車！電車！電車！

三越新宿店！下面有間LV....

伊勢丹百貨公司，早幾年香港都有，但宜家無Lu~

日本好興1座主既百貨公司，隔黎會有座男士館....
因為好多百貨公司都以女士為主，男士分分鍾得1至2層岩睇.....

伊勢丹超級市場內情況~

伊勢丹個Logo同三越差唔多.....

新宿頭街....

導遊宜家日本既手提需求係要睇到電視，睇唔電視既手提D日本人唔當係電話，吹漲 =.=....

小弟閒拍29，新宿頭街........

小弟閒拍30，新宿頭街........

小弟閒拍31，新宿頭街........

小弟閒拍32，新宿頭街........

小弟閒拍33，新宿頭街........

晚餐燒烤
歌舞伎町入面1間食店

導遊Sell的加送神戶牛扒，6000Yen
好味，但我厭扒太多肥糕，牛柳應該會好D

煮好之後要放上碗飯上面吸下油，令碗飯更好味！

歌舞伎町好多白衫黑褲既架仔係度嬲D日本妹去拍.....

迪士尼HILTON酒店，好記得導遊講既1句，五星級酒店，五星級服務，仲有收費都係五星級！！

一入酒店就見到個教堂，好靚，立即有憧憬....

酒店對出景色....

========== 第3天完 ==========

9月28日第四天：迪士尼樂園
酒店同上 (不用搬酒店)

6點30分Morning Call
酒店早餐自助餐

酒店入面有間賣迪迪尼精品鋪頭，都幾方便，同迪迪尼入面D野差不多....

見到就想買，好彩最尾都係冇買到......

小弟閒拍34....

迪迪尼列車1日任搭車飛~

去迪迪尼做足準備~ 記得搭下迪迪尼列車~

車箱好有迪迪尼氣氛，到處都係米奇既蹤跡....

隔車經過門口，見到好多人排隊，之後個導遊講左句「今日唔算多人架啦」....
心諗「唔係化」？！

小弟閒拍35，無人駕駛列車入口....

小弟閒拍36....

東京迪士尼！9月開始加入左萬聖節做主題~ 連Logo上都放埋南瓜~
因為5年前去過東京迪士尼海洋，所以今次去迪士尼！

迪士尼招牌城堡！

咁都叫唔多人，真係幻想唔到多人個時會係咩情景....

呢個就係Space Mountain啦~ 係呢個圓Building入面既室內黑麻麻過山車....
導遊話同香港個個唔同，幾刺激，值得一玩，但老人家唔好玩啦....

呢個叫星星火箭，火箭周圍有D太空船，會圍住太空船升高升低打圈....

小弟閒拍37....

小小世界，入面坐船仔聽歌仔睇公仔，老少咸宜....
我細細個去美國迪迪尼時，o個個導遊話入去遊一轉會後生10年....

小小世界入面情況，分2邊坐船仔....

呢個小小世界係由Sogo贊助者....
迪迪尼入面每一項遊戲都會有公司贊助，每度都會寫低由咩公司贊助，感覺上有少少Hard Sell....

入面就係睇呢D野架啦~

呢個係卡通城，門口亦加入萬聖節裝飾....
入面有米奇同米妮屋企參觀，建議行左米妮屋企先好行米奇屋企，會比較多驚喜....

呢個就係香港嘗試過出軌既大賽車場，入面有D電油味聞下，個Feel唔錯....
分3面俾遊客上車落車，我排左15分鐘左右就玩到....

車上的情況，出發出發！

小弟閒拍38，中途的景色....

都唔明點解香港o個個會出軌，我踩盡油都係好慢，跟本係追唔到前面隔車，真係冇理由會出軌=.=....

Space Mountain Logo，呢個由可口可樂贊助....
呢個我排左1個鐘先玩到.....

上車落車位係藍色，感覺去到一個太空玩過山車....

唔好睇宜家咁光，玩緊個時黑麻麻，唔會垂直360度轉，但好多急灣又快，所以幾刺激....
排就1個鐘，玩就唔知有冇2分鐘=_=....

呢個係微縮世界探險，只係排左10分鐘就入到去....
入面係帶眼鏡睇4D片，最初以為排10分鐘就入到去唔方好玩，睇左15至25分鐘，但出到黎反而唔錯，值得一睇.....

午餐迪士尼內(自費)
3個人差唔多要3000Yen，迪迪尼食左預左貴夾唔包....

(上) 茄汁
(左至右) 迪士尼入場券、巴斯光年星際歷險Fast Pass、小熊維尼獵蜜記Fast Pass

2007年9月12日至 2008年1月4日都係迪士尼萬聖節月

小弟閒拍39，一對日本情侶坐o係廁所門口....

歌舞基地，由三井不動產株式會社贊助.....

入面睇D乜？咪就係睇D迪迪尼卡通人物表演....
每日有5個時段做，1場坐到好多人，做25分鐘左右，值得一睇~ 我最鍾意米妮 ^o^

日本有條法例係唔俾一邊行一邊食煙，所以D日本人會集中o係一個地方食煙
呢條法例幾好，香港有就好Lu~~

導遊推介呢個小熊維尼獵蜜記，所以我地一到就囉左個Fast Pass....
咩叫Fast Pass？就係快證，囉左自己可以o係指定時間內唔洗排隊直入去玩
不過囉完1個快證，要隔1個時間先可以再囉第2個快證，唔係個個囉快證唔洗排隊啦~

小弟閒拍40，小熊維尼獵蜜記內等上車情況....

最初睇到咁既情況有D覺得唔好玩，但出到黎喜出望外....
同一般就咁睇有少少唔同，車冇路軌，電腦Set左點行，但行個方式好得意....

小熊維尼獵蜜記內景色之一....

每1個遊戲隔黎都有1個BB車泊位區，感覺好似BB車賽車場....

萬聖節式的垃圾筒

小弟閒拍41....

米妮屋企隔黎1個水井上的裝飾....

米奇屋企內的花園景色....

米奇的拍擋 @o@....
去到最後有個工作人員扮既米奇同你影相，人人有份，又唔洗同人迫，呢個最正！

小弟閒拍42，卡通城內景色....

全名係迪士尼夢想向前大遊行Moving On -_-，其實即係巡遊....

小弟閒拍43，卡通城內景色....

黃昏的古堡....

豪華馬克吐溫號，簡介寫乘坐浪漫的豪華輪漫遊美國河域 =.=.....

小弟閒拍44....

小弟閒拍45，城堡旋轉木馬....

旋轉木馬內的環境....

夜晚的Space Mountain情景，紫色部份會不斷變色....

呢個就係巴斯光年星際歷險，導遊話迪士尼多唔多人就係睇呢個排幾耐....
個時要排60分鐘，好彩囉左快證唔洗排.....

入去之前會見到個巴斯，但入面個遊戲就係射下野就玩完，完全唔刺激唔好玩.....
都唔明呢個點解係最受歡迎既遊戲.....

晚餐迪士尼內(自費)
都係3000Yen左右....

食完飯就去左睇電子大遊行~夢之光，D花車著晒燈好靚！一定要睇！

基本上迪士尼所有裝飾都加上萬聖節.....

小弟閒拍46....

咁岩個晚因為大風取消左煙花，改左萬聖節巡遊，但個巡遊氣氛好好，D日本人好投入，搞得好好！
我仲記得當中首歌其中1句「Happy Happy Happy Happy Halloween，Let's Us Celebrate~」
一定要睇！超正！

小弟閒拍46，夜晚的古堡....

迪士尼內的精品店公仔

小弟閒拍47，迪士尼內的精品店裝飾....

小弟閒拍48，迪士尼內的食品店裝飾....

東京迪士尼夜晚Logo

玩左成晚，搭返無人駕駛列車返酒店....
如果覺得迪迪尼D野食貴既話，可以搭呢D車去迪迪尼既商場食野，不過個商場唔係賣迪迪尼既野....

小弟閒拍49....

搭完無人駕駛列車，就可以搭呢D接駁巴士返酒店....
有4隔去唔同地方既車，小心睇清楚唔好搭錯。

成隔車又係迪迪尼Feel，好正！

日本D酒店好得意，就算你沖涼幾熱都好，塊鏡一定有忽唔會朦，日本既設計真係細心....
我第1日以為個味野.....

========== 第4天完 ==========

9月29日第五天：皇居~二重橋~銀座自由購物(FANCL美顏大樓、玩具博品館、BLUE LABEL時裝店)~機場~香港

酒店早餐自助餐

現時日本天皇居住既地方，古時日本第2次俾投擲原子彈之後，當時既將軍就係o係呢條橋度宣佈日本投降....

皇居出面係可以見到東京鐵塔 @@....

唔記得左係咪呢個將軍投降定起呢個皇居....

銀座三丁目！！！伊東拍劇個度！！！

三越銀座總店！

原來入面同日劇睇既唔同 -.-.....

小弟閒拍50，銀座街景....

日本銀座都有行人專用區，但日本叫步行者天國，個名好搞野....

午餐車上日本壽司 (自費)
C.C.Lemon同香港既唔同 @@

玩左5日，要返香港囉~

成田機場北面入閘口....

小弟閒拍51，成田機場內免稅店擺設....

搭港龍KA361班機，3點20分開始登機....

呢班就係KA361，下午3點45分起飛....

機內情況，每個坐位後都有電視俾你睇~
黎日本個時做綁架，返香港個時做新個套神奇4俠大戰銀魔....

小弟閒拍52，咁靚既景色又忍唔住要影返幾張....

午餐飛機餐
日式冷麵、日式蛋汁豬扒飯、麵包牛油、Haggen-Dazs雪糕、可樂

小弟閒拍53....

出面攝氏-47度，基本上飛機唔洗開冷氣，整個洞仔吹D風入黎已經好凍，haha~

小弟閒拍54....

晚上7點17分抵達香港國際機場，可以返屋企囉~

今次旅程既戰利品！

迪迪尼鎖匙扣，2個鼻痴埋隻眼會合埋 @0@.....

香港冇得賣既日本合味道番茄杯麵....

臨上機前買左本日文書仔，學返幾句旁下身 lol....

========== 第5天完 ==========

- 後記 -
　　成個旅程我覺得幾唔錯，最好玩係迪士尼，之前諗住玩唔到1日，仲想坐JR出去原宿、涉谷行街，點知由朝早9點半玩到夜晚9點幾10點，玩足12個鐘，但都唔係玩左好多Games，不過入面氣氛真係好好，好容易投入去。入面個個職員都真係笑住口對住你，不過最唔好既係日本人比較自我，就算你同佢講英文，佢只會答你日文-.-..... 富士急3個鐘夠晒你玩，反而新宿就有4個鐘行，都係大百貨公司多，如果搵到D橫街小商場會更好。日本比較涼少少，返到黎香港反而覺得好熱。因為我同屋企人同婆婆去，有老人家一定要跟團，團費計埋小費同雜費就7千幾，而個導遊唔算太Hard Sell，幾吹得幾好笑，3個人洗左萬幾蚊左右，但大部份都係我洗既 XD.... 同朋友去應該會更好玩！不過跟團好唔好玩，真係要幾睇個導遊..... 買左咁多野最抵發覺係agnes b同Nike鞋，anges b平過香港$500，Nike都平過香港$400幾。

　　出發之前買左部 Canon EOS 400D 數碼單鏡反光機，以上相片都係用o個部機影，帶左2張2GB FC卡去，因為驚唔夠影，用左M Size，返到黎影左3GB幾相，如果各位對以上任何1張相片有興趣既話，可以PM我，我可以Send返張原Size俾你地。^^ 我自己就最鍾意彩虹橋同迪士尼個古堡，我都囉左黎做WallPaper，XD！

- 多謝觀看 -

本人遊記系列

． [跟團] 0218 ~ 0222 日本旅2009！

． [跟團] 0925 ~ 0929 日本旅2007！(本帖)

[ 本帖最後由 HiMsPaCe 於 2009-2-27 12:55 AM 編輯 ]

作者: 藍莓＊ 時間: 07-10-1 06:18 PM

好想食飛機餐~0~"

作者: ngai 時間: 07-10-1 06:50 PM

原來有專人嬲D日本妹去拍片
唔怪得日本a版咁興旺-_-......

作者: francohong 時間: 07-10-1 07:53 PM

d飛機餐又幾正...

塊神戶牛扒幾唔錯bo...

↑呢張好正~

真係好想搵日去到日本玩呀-.-
可惜冇錢~_~

作者: 雪之精靈 時間: 07-10-1 09:36 PM

him屎....總共用左幾錢??
跟團又用左幾銀呀??

作者: Incoming 時間: 07-10-1 11:09 PM

原帖由 ngai 於 2007-10-1 06:50 PM 發表
原來有專人嬲D日本妹去拍片
唔怪得日本a版咁興旺-_-......

仲有其他原因ge-.-.......
日本物價太高..搵外快-__-......

多謝樓主的分享
另外想問一下
日本的店舖是不是很早就關門了?

作者: 白龍．文 時間: 07-10-1 11:59 PM

好正- _ -" 讀完書返hk 要搵次去日本旅行-0-!!!

作者: 『恆』 時間: 07-10-2 07:48 PM

我對的野食好有興趣

作者: HiMsPaCe 時間: 07-10-3 09:52 AM

原帖由 o欣欣o 於 2007-10-1 06:18 PM 發表
好想食飛機餐~0~"

為什麼 =.= 其實食完都唔係好飽d餐....

原帖由 ngai 於 2007-10-1 06:50 PM 發表
原來有專人嬲D日本妹去拍片
唔怪得日本a版咁興旺-_-......

唔通你想去捉返件返黎

......
捉左記得通知我~

原帖由 francohong 於 2007-10-1 07:53 PM 發表
d飛機餐又幾正...

塊神戶牛扒幾唔錯bo...

真係好想搵日去到日本玩呀-.-
可惜冇錢~_~

塊牛扒真係幾正~ 不過多左少少肥糕....
冇錢咪儲囉!!!!唔係旺季就冇咁貴....

原帖由 雪之精靈 於 2007-10-1 09:36 PM 發表
him屎....總共用左幾錢??
跟團又用左幾銀呀??

我自己1個都應該用左7-8千~ 買左7-8件衫~ 2對鞋~ 1個袋~ 加d濕碎野....

原帖由 Incoming 於 2007-10-1 11:09 PM 發表
仲有其他原因ge-.-.......
日本物價太高..搵外快-__-......

多謝樓主的分享
另外想問一下
日本的店舖是不是很早就關門了?

日本基本上係冇夜街行~ d鋪頭8點幾就閉門~ 除左歌舞伎町~

但我記得百貨公司好似係山10點....

原帖由 白龍．文 於 2007-10-1 11:59 PM 發表
好正- _ -" 讀完書返hk 要搵次去日本旅行-0-!!!

嘩~ = =你o係邊讀書...

原帖由無意於 2007-10-2 07:48 PM 發表
我對的野食好有興趣

我對d飲品多d~ 同1牌子香港同日本係唔同-.-"

[ 本帖最後由 HiMsPaCe 於 2007-10-3 09:57 AM 編輯 ]

作者: 我係AA豬 時間: 07-10-3 01:47 PM

點解冇左你去xx個part架

你快d整番個完美版出黎

你有冇幫我地中國人報番南京大屠殺之仇呀 lol
你..............快d登番個d最精彩既報仇相比我睇呀
我有好多個d相係想要呀

作者: HiMsPaCe 時間: 07-10-9 06:37 PM

原帖由 我係AA豬 於 2007-10-3 01:47 PM 發表
點解冇左你去xx個part架
你快d整番個完美版出黎
你有冇幫我地中國人報番南京大屠殺之仇呀 lol
你..............快d登番個d最精彩既報仇相比我睇呀
我有好多個d相係想要呀

-.- 同屋企人去去唔到報仇~

作者: Andrew│小香 時間: 07-10-11 05:06 PM

wow 成個旅程成左幾$?

同埋你批評song-..=

會唔會比人告嫁

作者: 蟲劍 時間: 07-10-25 03:04 PM

原帖由 Andrew│小香 於 2007-10-11 05:06 PM 發表
wow 成個旅程成左幾$?
同埋你批評song-..= 會唔會比人告嫁

批評song會比人告

作者: xd_eddie 時間: 07-10-28 08:17 PM

我都想去牙.........

作者: 馬利仔 時間: 07-11-11 08:22 PM

感覺不錯我覺得!!!回想起我之前去旅行的日子~.~
日本我就未去過,真係好想去一次><

作者: 小熊~wing 時間: 07-11-12 05:02 PM

有ｄ地方令我回想返初中果次同前年去交流既野

迪士尼樂園、富士急樂園、新宿歌舞伎町、銀座購物......
好想同ｄ朋友真真正正去多次呢

不過最好可以去多ｄ有風景睇既地方^^"
((有景睇得黎又唔駛用咁多錢去shopping

))

要再努力ｄ儲錢先得

ｐｓ：多謝樓主既分享~!!

作者: 小鋒=] 時間: 07-12-16 02:31 PM

hims哥影女- -

你去左幾銀??

有機會請我去= =

作者: leonhkw07 時間: 07-12-22 10:07 AM

講得好

對我地好有幫助 ^^

作者: 狄.龍 時間: 07-12-23 06:21 PM

原帖由 o欣欣o 於 2007-10-1 06:18 PM 發表
好想食飛機餐~0~"

其實飛機餐好鬼難食

我覺得

作者: .Fung. 時間: 07-12-24 01:07 PM

D相好令....有機會我都想去一次日本 _~_"

作者: ＊ＣＨＵＮ＊ 時間: 07-12-24 03:44 PM

2人世界?

依張好令

作者: eddie_yiux 時間: 08-1-4 06:38 PM 標題: good

good

作者: ～NARDO～ 時間: 08-2-12 01:56 AM

你影左幾多GB相呀??

作者: cybaster01 時間: 08-2-14 02:23 PM

日本生活指數同消費指數高...
$40幾蚊 M記餐對佢地黎講好平咋.

人地M記PART TIME一粒鐘都 800YEN 起薪點喇~

作者: 標 時間: 08-2-15 10:30 PM

迪士尼@_@我都好想去
-_-我e家日日係hk 都見住disney
但係.....hk個個真係太細....
日本個個就真係好正@_@

作者: HiMsPaCe 時間: 08-4-10 02:01 AM

原帖由 ＊ＣＨＵＮ＊ 於 2007-12-24 03:44 PM 發表
2人世界?

唔係 @@ 同屋企人去...

原帖由 ～NARDO～ 於 2008-2-12 01:56 AM 發表
你影左幾多GB相呀??

影左2張2GB卡....

有計劃今年9月再出 @o@

作者: Royto 時間: 08-4-10 02:54 PM

我對你跟團既經歷無咁多興趣...
反而我對你用咩野相機影就大d興趣...

你用邊隻相機影架? a_a

作者: ｒaｙ﹏ｂb 時間: 08-5-29 11:10 PM

日本就係正. 睇你D相令我諗返起我去果陣, 多謝分享XD

作者: PeterYau 時間: 08-6-11 11:16 PM

我個時07年2月去 disney仲多過人你個時-.-

排x礦過山車成3hrs

[ 本帖最後由 PeterYau 於 2008-6-11 11:18 PM 編輯 ]

作者: Anhaltdessa 時間: 08-6-18 03:36 PM

Thanks for sharing~

作者: CyberJim 時間: 08-6-29 02:07 AM

我記得你第二日個個海盜船好似名偵探柯南 2006 真人版個隻.....

希望我冇記錯

:face_l_17:

作者: 無心所用 時間: 08-7-22 03:14 PM

d相真係幾正 ....搞到我好想大過去一次日本

作者: flugel 時間: 08-7-24 05:32 PM

日本絛街好靚

同埋飛機餐好豐富咁

作者: bobo_916 時間: 08-8-25 06:41 PM

你好哦~我下個月都係去這個團(都係中秋去),有無d咩可以教下我呀!!
最想問呢~第1日台場多唔多時間行架?個sony showroom係咪一定要去?我驚唔夠時間行其他野...
仲有呢~台場,新宿同銀座果3日係咪去到目的地之後,佢比你自己行,行幾個鐘之後再集合返咁架!?
send e-mail比我可以嗎?因為仲有其他野想問你,thx!!!!bobo_916@yahoo.com.hk

[ 本帖最後由 bobo_916 於 2008-8-25 06:53 PM 編輯 ]

作者: Ｍaｘ笨ｈeｉ☆ 時間: 08-8-26 04:24 PM

好多相好正一個人洗七八千其實唔算多

作者: 馬利仔 時間: 08-8-31 04:18 PM

就快9月架囉a_a 如果去影多d靚相

作者: Ｍaｘ笨ｈeｉ☆ 時間: 08-8-31 07:19 PM

800yen 咁高

作者: HiMsPaCe 時間: 08-9-2 02:00 AM

原帖由 bobo_916 於 2008-8-25 06:41 PM 發表
你好哦~我下個月都係去這個團(都係中秋去),有無d咩可以教下我呀!!
最想問呢~第1日台場多唔多時間行架?個sony showroom係咪一定要去?我驚唔夠時間行其他野...
仲有呢~台場,新宿同銀座果3日係咪去到目的地之後,佢比你 ...

我email了你~ 或者pm問我都可以...

作者: qwerts 時間: 08-11-5 11:44 PM

步行者天國好似係比d人係公路都行...又有人係到表演
睇小丸子個時知的..

作者: qwerts 時間: 08-11-5 11:46 PM

大個仔一定要存錢去一次日本>^<

作者: 皇甫熙〝◇ 時間: 08-11-10 08:51 PM

好正啊~~~不過講真

去日本幾多日都係唔夠玩XD

作者: ok363 時間: 08-12-9 08:42 PM

好好喔!我都沒去過日版~"~!
改天有閒錢非的飛去日本看看=0=!!

作者: ╭傲氣☆駿╯ 時間: 08-12-26 02:32 AM

我愛日本!!!!!!!!!!!!!!!!!!!!

作者: 3741 時間: 08-12-27 04:36 PM

太多回完再看~~~~

作者: 炎桀? 時間: 09-1-14 05:39 PM 標題: 因?一??件，我?分手了

跟我一起相?五年的男友就因?一??件，和我分手了。我???想?我?之?的?局?因?一??件而??，但事情就是??真真??的?生了。

我跟男友??五年了，他?相很一般，家里也?什么?。大?我?就??了，?相??一年的??，我的第一次也??了他，???天真的要和他?婚?一?子。

后?他退?，离?了校?，?是因?家里的原因不得不退?去外面找份工作供弟弟上?，女人最容易被感情?昏??，我曾?一度要??退?跟他一起，一起工作。家里死活都是不同意，???放出?要和他小子在一起就等她死，同?也?我仔?想想，是啊我的自身?件也不差父母都在?企有?定工作，我168，?相也?算?得起??，找什么男人不好，非要找一???的?光蛋。

我又在?校待了1年，我?分?后他?有?我打?一次??，我忍不住?通了他的??，那熟悉的一串?字???了?方已停机的叫?，好?一段??我情?很是失落，他怎么?么?有良心，后?我交了好几?男朋友，想要自己忘?，多到自己都?不??了。?然?有一些Z?的事情，也只有那??候心情才?完全放松。大?就???落的?束了。

??后他?我打???，他和几?朋友??在A城?了一?小?易公司，我是?网???的，想?我去??忙。我一口就答?了，?竟我?是最放不下他的。

?面那天他??在?金?缺就不?我在外面吃?了，他在家做?我吃，?便介?一下公司的情?。我到了他家，他一把抱住我?他?是?我的，?一年他每天都在想我，?不敢?我打??，?得自己配不上我。他一直在算?我??的??，??????通我的??，?想到竟然接通了。我一下子就哭了，?些年我的??一直舍不得?，也不很少?机，就算??也要借?把??欠?交了。我?那天聊得很少，大部分??都是看??方什么也?有?。然后我??掉?方的衣服，做了那?事情，我很??，感??好像是理所??的一?。但?次他那家伙?得更?、更粗、更有力量了。

第二天我去他公司看了看，真的很小的一?公司，整?公司只有三?桌子几???，其他什么都?有。我了解到他公司的困境后，?然我也只是????有工作??，但?是?信我一定能?到他的。我利用?校里?的，竭?所能的工作?，公司网???的全部都是我?做的。我?他公司制作了网站，在???帖子、把供?信息?送到供求等网站。?想到的是网?竟?成了他公司客?的主要?源。

一年后，他的??慢慢好了起?，但?不至于??到大?，而我每天的工作依然是??帖子、?布一些信息、在????公司的网站。他曾??玩笑的跟我?：原????么??啊，每天上网??信息就可以了，人人都?。

后?公司有招聘了???工，和我的工作一?，就是在网上?布信息。他整天忙?在外面拜?客?、?客?吃?，我整天呆在公司。一天也只有早上半?小?也晚上能?在一起，他晚上回家很晚?常在十?以后，回家后倒床就睡，有?候甚至整夜都不回家，?他在干什么，他就?陪客?玩了一晚上。我?他有?有跟客?去找小姐，他?工作需要有?候?了做成生意要?客?去那地方消?，但自己??不碰小姐的。

?然我相信他，但是事?就是??，我?之?的距离越?越?，我有?候晚上想他了?他打??，他?是匆忙??句就挂??，?是正在和客??生意不方便。

生意越做越大，?工也越?越多，公司也搬??更大的地方了。我每天的工作?是?帖、?信息，重复、乏味，?人心?。

后?我?意中??一?叫“推?小助手”的群??件可以自?在网上?帖、?布供?信息，心想?下好了，有了????群??件，再也不用做哪些?人?疼的?帖工作了。我把?件拿?他看，他很快就?定??一套，?是送?我的?物。

?知道?就是我?分手的?火索，我越?越清?，每天打?那??件就什么也不用管了，而且?送的?量??比之前手工?送的多太多了。?天能?送几万?帖子。那段??他生意好的不得了。我整天上班?可以看看新?、看看?影什么的。

几?月后，公司再次搬?，搬到了一?非常豪?的?公?，面?也很大，他?于有了自己的?公室，而我?和其他?工一?坐在大?里，我和他之?的共同?言越?越少。

和他在一起?么久了，我也到了?婚的年?，但他重?不跟我??婚的事情，我又一次小心翼翼的?他?我??婚吧，他?笑道，?么早啊，他?小，?要?事?，他的意思是30?以后再?婚。但我等不了了，等他30?我不就高???了，他根本就不考?我的感受。

都?男人一有?了就??坏，他?是那?天天回家很晚，甚至??几天不回家。我一?人在家，忍不住去想他是不是在外面有人了，?什么不考?一下我的感受。

我偷偷拿到他的手机，??里面和一?叫青青的女孩的短信都很?心，短信里??他?在女朋友（也就是?我）整天???事，吃白?，老是??他，很?，那女孩叫他老公??我和你在一起很?心。我一下子就傻了，?都大了，怎么也不相信自己的眼睛。

整整一?星期我心痛如刀割一?，?子里不?回??“整天???事，吃白?，老是??他”?句?。有?候躲在公司的?生?里偷偷的哭。晚上睡不好?。

他冷冷的?我怎么了，?几天?色?么?看，我也只好?昨天失眠?睡好。他要离?我了怎么?，?道就是因?那?推?小助手的破?件，?他?得我已?不重要了?？

我?心一定要向他?明白，我?他手机里的短信到底是怎么回事，他?火了，?我?事儿翻他手机干什么。知道什么叫?私?。我又?他那?叫青青的女孩是?，他一巴掌打在我?上，后面的事情我真的?不下去了，我的心在滴血，他把我赶出家?…………

最?我??是分手了，?然我极力想要去挽留，我?之?的?系就像是一?青?，?你本能的伸手想要去抓住，??手臂??的气流?把????的??完全?散。

我什么都?做?，?什么???，他永?都不知道我在他手机上看到了什么?容，而那些?容又多么?人。就是那?推?小助手?件惹的?，要不他也不??我整天???事儿，吃白?，那??件的网址http://www.tgxzs.com 有?有黑客能把它?黑掉，不要?他再害人了。

作者: kingchao 時間: 09-2-18 04:06 PM

人地比人昆,關你春事咩

作者: 星雨晴 時間: 09-3-1 05:04 PM

謝謝分享,萬分感激十卜

作者: chk90320 時間: 09-3-4 12:33 AM

係飛機入面....影既天空好令呀~~板主你真幸福

日本個迪士尼同香港果個差咁遠既- -"勁想去,,,佢d花車...點解好似比香港令
係唔係日本人慣左坐地下?

作者: buzzz 時間: 09-3-5 10:09 PM

睇完真係有衝動走番轉~~

作者: msdos 時間: 09-3-8 11:26 PM

個post好正,支持!!

作者: 斷點 時間: 09-11-9 01:57 PM

正爆呀..日本..我最愛的

歡迎光臨 2000FUN論壇 (https://www.2000fun.com/)