2000FUN論壇

標題: 網上看到一個駁髮+電髮個案 [打印本頁]

作者: 無奈乂雄 時間: 08-1-8 07:38 PM 標題: 網上看到一個駁髮+電髮個案

在2007年12月27日, 我係yahoo拍賣網, 睇到駁髮廣告, 於是我就簡左一間 SALON去駁髮. 呢間SALON 位於長沙灣地鐵站A2出口美居中心地舖名為: 1010 Hair Salon 電話係 605x064x

幫我駁髮係叫 ( E 花 )

當日, 我下午兩點半去到佢間舖, 話想駁髮電髮, ( E 花 )就即幫我駁髮, 但, 佢比我感覺, 佢好投其做, 仲一路駁就一路話其他行家駁髮吾得, 駁得吾好......駁左無幾耐, 佢就講電髮價錢, 佢同我講, 100蚊電髮就無甘"襟", 200蚊o個個就"襟"喇, 同埋無甘傷頭髮, 而我自覺係貪靚o既人, 當然係想電個最靚, 又吾傷頭髮o既髮型喇....於是就簡左個200蚊電髮.....佢幫我駁完髮之後就開始幫我電髮, 但係我見佢幫我駁左好少駁髮, 而我亦有提問是否足夠駁髮, 佢就話d頭髮電起左就會鬆起, 感覺就好多架喇....甘佢係專業人士, 我當然會信佢.....等左半個鐘, 電完頭髮喇, 佢就只係幫我輕輕沖一沖水, 之後就 law 風筒吹半乾和吹散我d頭髮, 比人感覺好似好多頭髮甘, 不過我就覺我d頭髮傷左好多, 因為係(E花)話電呢隻吾傷頭髮MA....佢可能見我個樣吾係好滿意喇.....之後佢就叫我得閒黎焗下油就無事架喇.....到我臨走時, 佢問我想吾想要保養, 佢話要保養o既話, 加多50蚊就有半年保養, 甘我見d頭髮電得甘差, 都想有保養, 於是都比多50蚊作保養費, 甘o個日就用左280蚊駁髮, 200蚊電髮, 50蚊保養, 總數消費530蚊...

兩日之後, 即係29號, 我自己洗頭, 洗完之後, 成把頭髮吾曲又吾直, 只係覺得真頭髮就又旱又乾, 駁o既頭髮又少又薄又吾曲又吾直, 我見甘o既情況, 當然打電話比( E 花 )喇, 甘佢就同我講可以幫我補電, 仲約我2008年1月1日下午兩點半去佢舖, 甘當時我仲提醒佢, 1月1日係紅假, 仲問佢會吾會放假, 佢就話吾會, 仲話當日4點都有人黎駁髮, 甘我就話好, 就1月1日下午兩點半黎喇~~~

2008年1月1日下午1點45分我己去到, 我見佢仲未開舖, 就打電話比佢, 佢電話係通架, 但佢無聽, 嚮左無幾耐, 就飛去 637X 443Xo既留言信箱, 我隔幾分鐘就打電話比佢, 不過佢都係吾聽, 我等到2點45分, 佢仲係未返黎開舖, 開始覺得吾妥, 就繼續打電話比佢, 都係飛去637X 443Xo既留言信箱, 甘我都係留言信箱留左我電話, 我仲即時send sms 去 605x064x , 通知佢我已經係佢舖頭門口等佢....我一直等到3點, 我再打電話比佢, 佢已經熄左電話, 直飛去 637X 443Xo既留言信箱,我亦都有再留電話比佢, 之後我都好無奈走左....返到家, 我即時上yahoo 拍賣網, 係( E 花 )個拍賣廣告send左個問題比佢, 問佢點解吾開舖, 又問佢點解吾聽我電話.....期間, 我都有不停打電話比佢, 不過佢都係吾聽我電話....到左第二日, 佢都係無覆我電話, 當然都無覆我email喇....

2008年1月3日晚上大約7時, 我用133無來電顯示功能打電話比( E 花 ), 佢終於聽電話喇...我就即問佢點解約左我, 但又失約呢...佢諗左一陣, 佢即刻話我記錯, 話吾係約左1月1日, 係約左星期一....我好記得上次同佢聯絡, 我仲問佢1月1日係紅假wo, ( E 花 )仲話無問題, 可以黎....佢仲好意思講大話約左我星期一, 佢真係好假囉...之後我仲話send左sms比佢, 佢解釋 605x064x打爆o西, 飛去另一張咭, 所以吾知我send sms比佢 ; 我再同佢講我係637X 443Xo既留言信箱留左電話比佢, 佢又話無check 留言信箱 ; 我又再同佢講, 我係yahoo留左問題比佢, 佢又話無去睇有無人發問題, 佢一定講大話, 我check過佢, 佢可以覆1月1日後o既問題, 但又點會睇吾到我1月1日o既問題呀??? 佢真係好大話囉....之後我話佢點做生意, 佢就發惡甘講 : "你而家想點呀???" 我就同佢講 : "你甘做你吾覺有問題咩?!?!?! 你都要比個答案人架...." 之後( E 花 )更無禮貌, 更惡地講 :" 甘你而家想點呀...你得閒咪黎再補電囉...我而家有話吾比你補電咩....." 我聽到佢甘有恐嚇o既語氣, 我唯有講吾需要佢再補電就即收線....

講真...我真係吾敢再比佢電囉...佢d所謂電髮, 哈...我領教過囉...真係要敬禮同( E 花 )姐講 : "我多謝你, 吾該o西你囉...."

我真係吾甘心比佢攪到我d頭髮甘o既樣....我都吾想佢再甘呃人做生意....更加吾想有人o西錢比佢攪殘自己d頭髮, 我希望可以寫個blog出黎...會有人留意到, 吾好再比呢間黑店呃人做生意~~~~

圖 1: 我未去( E 花 )度駁髮電髮前, 我d頭髮都吾係差到死o西ma....

圖2 : 12月29日, 我洗完頭, 我本身o既頭髮又旱又乾又易斷......

圖3 : 洗完頭後面o既頭髮, 諗都諗吾到, 係花費左 530蚊駁髮同電髮....真頭髮傷o西(頭上半部份), 駁髮就吾曲吾直(頭下半部份), 仲係駁得好少, 上厚下薄

圖 4 : 將駁髮撥o西去前面, 膊頭上o既真髮, 已經電到又鬆又厚, 仲旱乾易斷, 頭髮壞得7788...膊頭下o既駁髮, 吾曲又吾直又薄....我點可以忍!!!!

http://hk.myblog.yahoo.com/kkho1975/article?mid=4

[ 本帖最後由無奈乂雄於 2008-1-10 01:06 PM 編輯 ]

作者: 呆≧。﹏俊 時間: 08-1-8 08:10 PM

我果個係樂富啵-33333-會唔會同一個人!!?

作者: ┘ＷaｙＮe┌ 時間: 08-1-8 10:00 PM

剪得啦d頭髮^_^.....

作者: 鏡中月水中花 時間: 08-1-9 08:06 AM

頭髮睇落去好差樓主真係慘大家認住呢間salon

作者: ~David~ 時間: 08-1-9 09:01 PM

真係唔掂

不過同我個d差唔多/.\

作者: 丫翔 時間: 08-1-9 09:13 PM

真係慘...

我都好憎d扮曬專業但又唔係勁既髮型師

作者: 缺心情 時間: 08-1-9 09:31 PM

我同意樓上會員的說話，明明不是專業同勁，又要係到扮野。那樣的髮型師真係害死人，我也是遇上這樣的髮型師，現在的頭髮問題也是煩惱當中=.=幸好本人不會去X髮同電頭髮，加上我不會去那裡整頭髮。

我老師說，佢有個朋友係好帥的髮型師，不過剪頭髮的技術係....幫人剪完的頭係樣衰，他幫人剪完，如果那個被剪的人是女，那他就會好接近別人，並弄弄別人的頭髮說，真係好可愛/好靚來電人，所以有好多女找佢剪，想被佢電....

我聽完想嘔，如果我俾佢剪就慘，佢對我做同樣動作，相信我會說佢說:[係鬼，一D都唔好睇，唔好認為我同你其他女性客人一樣，會受你電，你電到眼痛，對我都唔會有用，我睇髮型師唔睇樣，只睇剪頭髮的技術，技術唔好，咩都假，理得你係好帥好靚，都係費話。]

[ 本帖最後由缺心情於 2008-1-9 09:32 PM 編輯 ]

作者: leung234hk 時間: 08-1-30 12:21 AM

我去過啦!...我個FD洗完頭同你一樣!!
唔直唔亂....攪到我個頭勁傷...我個FDD頭髮都傷哂...
超衰LOR佢係!!....

作者: ads.mf 時間: 08-2-3 04:09 PM

原帖由 leung234hk 於 30/1/08 12:21 AM 發表
我去過啦!...我個FD洗完頭同你一樣!!
唔直唔亂....攪到我個頭勁傷...我個FDD頭髮都傷哂...
超衰LOR佢係!!....

咁究竟係你定你個FD

作者: yoko19880125 時間: 09-3-22 01:20 AM

條友9唔搭8...其實間野平又唔平,,,仲要整到D頭髮傷哂...
我電直個頭,出門口一個鐘已經唔直了...
佢個人又唔OK.間野又唔OK...總之就唔掂啦
我個頭本身唔會打結...而家一唔落護髮素就'結'到咩咁==
快D執笠啦間野...害左好多人個頭

作者: mandy1991 時間: 09-3-29 01:40 AM

我之前都有諗過去果度駁...好彩冇去...
佢d價錢同我去比人駁都駁唔多.....不知令佢幾多

歡迎光臨 2000FUN論壇 (https://www.2000fun.com/)