2000FUN論壇

標題: 世上無鬼!!! [打印本頁]

作者: pk22536558 時間: 08-1-9 10:38 PM 標題: 世上無鬼!!!

無人可以證實到世界上有冇鬼，ｄ人信唔信有鬼同ｄ鬼係唔係真係存在係兩個問題。
如果你講ｏ架鬼係一ｄ死左之後沒有軀體的靈體的話，那麼佢一定沒有物理的形體（physical body），咁有幾個問題會出現：
第一，ｏ個隻鬼無可能被人「看得見」。因為佢係透明ｏ架，無光線可以照在「它」的身上，再投影到人的眼睛入面，如果你見到「鬼樣」，ｏ個個都唔可能係真正的鬼。（可能因為咁，ｄ人會改口話見到個「鬼影」，不過，「鬼」既然唔係實體，更不可能避擋到陽光，又怎會整到個「鬼影」呢？）
第二，ｏ個隻鬼無可能被人「摸得到」。都係因為佢無實體，如果ｄ人話「俾鬼壓」或者「鬼拍後腦」都無可能係隻鬼直接造成的，「摸到」ＥＴ外星人的可能性比「摸到」隻鬼的可能性高得多。較為可能的情況係，隻鬼有法力，令ｄ物件好譬如棒球棍、流星鎚等等「自已」扑落人地個後腦度，但係咁樣的話，我地更難證實，ｄ棒球棍、流星鎚係由隻鬼控制的。
第三，ｏ個隻鬼無可能被人「聽得到」。如果咁快認為隻鬼識得發聲，不如我們諗諗隻鬼可以點樣發聲，佢無肺、無聲帶、無可能用腹語，根本無可能製造任何氣流，更遑論發出聲音呢？更何況一個人的耳膜，只能接收到每秒鐘二十至二萬Ｈｚ的音頻，如果有人話ｄ鬼用ｏ架係超聲波的話，我們都無可能「聽得到」。

總括而言，我認為，人類無可能真實地驗證出「世界上有沒有鬼」，但我們也不可以立即跳到一個結論，話世界上沒有鬼，因為只是我們驗證不到「它們」是否存在而已。但至少怕鬼的朋友可以放心，就算真的有鬼，「它們」也不可以對你怎樣，因為「它們」沒有實體，不可能被看到、摸到、聽到。甚麼是鬼呢！就以我們日常的非正式的約定俗成所定義，人死去後所的殘留靈魂就叫是鬼。或許我們要暫時不去想人們一直相傳的型像，從新以合理的的方式去理解這一個問題。一般我們會把人的意念如即自我的意識叫做靈魂，而鬼便是人死後的靈魂，即是一沒了身軀的人的意識。很直觀地，鬼是曾為人的個人意識，它們有著人的記憶和經驗。我們都知人都是同一性質，死去後一係就都會變成鬼、一係就都完全消失，不可能會有法力無邊的神仙。

鬼的意識都應有思考和幻想等這些特徵，而人和鬼的區別或許是人的靈魂是接連在肉體中，能控制身體活動而活在人所見所知的現實中，而鬼則沒了身體以至沒了人的各種觸覺，只剩下一個別的意念。大家都知意念是不可成形或被看見，所以鬼是不可能看得見的，鬼是沒可能出現在人前的。

作者: laichiayus 時間: 08-1-10 12:30 AM

寧可信其有不可信其無@@

作者: pkkof101213 時間: 08-1-10 12:10 PM

我之前見過幾次啦喎

作者: ◇Ｐaｎ㊣﹏☆ 時間: 08-1-10 02:40 PM

絕對同意,信唔信同有無鬼係2件事,d人成日搞埋一齊講,
你d分析幾科學同中肯,
假如有鬼呢樣野,點解鬼可以掂人,人唔可以掂鬼?
點解鬼會有法術??以某d宗教來講,鬼係人死左既物體,
人無法術,點解死左會有??重有,死左點解重係世界上??
死左唔係應該去其他地方咩??如果重係地球上,同無死有咩分別??
咪又係生活係地球...

作者: €無名小子 時間: 08-1-10 11:55 PM

E個世界有好多野都係科學解釋唔到,但係都唔可以話係冇,如果真係冇點會有咁多人話見過= =

作者: 娜依美亞 時間: 08-1-11 12:11 AM

其實我個人認為  鬼即係人ge心魔
即係當你突然間有恐懼感  你就會產生幻覺
其實係你心魔幻想出黎的

即係例如你殺左人咁  成日諗返殺人個過程  咪覺得好似隻鬼返黎搵你

但係鬼神之說  都係信則有不信則無

作者: 愛在記憶中找你 時間: 08-1-11 03:09 PM

嘩嘩嘩嘩.............
好驚啊.....

作者: 盟主 時間: 08-1-13 09:49 AM

未見過既唔信唔出奇,加上佢地未有睇過研究
就好似千幾年前,畢達哥拉斯話地球係圓都冇人信一樣

鬼魂其實一種磁場,由人腦電波所產生,人在生時會吸住靈魂,死後靈魂就會走出體外
係外國好多科學家都證實係有鬼魂,係特製儀器底下明顯係見到有一個光球(即係鬼魂)
鬼魂即係一種能量,同中國氣功相近,不過氣功係生物能量,鬼魂係死,運氣功者刀槍不入,神打者都係刀槍不入

作者: 不要阻我喜歡你 時間: 08-1-13 01:44 PM

原帖由盟主於 2008-1-13 09:49 AM 發表
未見過既唔信唔出奇,加上佢地未有睇過研究
就好似千幾年前,畢達哥拉斯話地球係圓都冇人信一樣

鬼魂其實一種磁場,由人腦電波所產生,人在生時會吸住靈魂,死後靈魂就會走出體外
係外國好多科學家都證實係有鬼 ...

@v@終於見到你出來講野haha
我都覺得呢個世界冇鬼=0=
不過琴晚好似有d怪風係度推門...-.-

作者: loopp 時間: 08-1-13 02:02 PM

咁地球無左 "鬼"仲會唔會係到?

作者: keungcas 時間: 08-1-13 03:15 PM 標題: 回復 #1 pk22536558 的帖子

有冇我就唔知..但係你係copy人地我就知

作者: 屎眼有眼屎 時間: 08-1-15 10:23 PM

其實有冇鬼我就唔知,不過段野呢幾句↓
就算真的有鬼，「它們」也不可以對你怎樣...<--之後就講到↓
""而人和鬼的區別或許是人的靈魂是接連在肉體中""，能控制身體活動而活在人所見所知的現實中，而鬼則沒了身體以至沒了人的各種觸覺，只剩下一個別的意念。<<
睇完我就有個問題...如你所說,假如"一個剩下別的意念或是你所說的靈魂,想來連接我的肉體,咁會唔會連接到架..?假如連接到,咁到時我點算...我會怎麼樣/.\?到時我係咪會一個肉體兩個靈魂或兩個意念...定係我原本的靈魂或我原本的意念會被驅逐出我的肉體=.=""???如果可以共存於一個肉體的話....遲下再來多幾個咁我到時會變成點...

作者: yt001229 時間: 08-1-21 01:07 PM

寧可信其有不可信其冇

作者: 叮噹～豆沙包 時間: 08-1-21 02:40 PM

算喇～寧可信其有不可信其冇～！

作者: FAST9898 時間: 08-1-24 05:20 PM

原帖由 yt001229 於 2008-1-21 01:07 PM 發表
寧可信其有不可信其冇

絕對同意～信左又冇害既

作者: 乂火星人乂 時間: 08-2-2 06:41 PM

好膠

作者: ''勿語ZeRo 時間: 08-3-23 06:34 PM

你敢肯定

作者: Z31Allah 時間: 08-3-24 08:17 AM

原帖由 pkkof101213 於 2008-1-10 12:10 PM 發表
我之前見過幾次啦喎

你仲有玩heat project?

作者: 茅山-法俊師兄 時間: 08-3-24 09:38 AM

有d野~
唔可以用科學黎解釋...
又算最理性既基督教都有好多野..都係冇得解釋嫁

作者: ＫＩＴ≧▽≦ 時間: 08-3-24 10:10 AM

信左都無壞-.-
你肯定先好講

作者: tn01079543 時間: 08-3-25 10:24 PM

分析左你果幾個所謂的理由先

你認同鬼有法力就足以証明有鬼存在

1 鬼可以控制自己的能見度
2 鬼可以控制自己實體化
3 鬼可以控制風的流動(D 洞穴都冇肺冇聲帶有風都可以吹到發聲的)

作者: wantung33 時間: 08-3-26 03:07 PM

如果人死左會點鬼! 而鬼又有法術 !!!點解d人唔排隊去死??

作者: 小惡魔ex 時間: 08-3-26 03:21 PM

根本就無鬼呢樣野
人地話見到既鬼
其實係由魔鬼扮出黎

作者: Opoo 時間: 08-4-5 02:18 PM

o係絕對否定鬼既存在既結論達成之前,樓主既論點上有漏洞...

1. 鬼...未必"冇可能被人看得見"...o係已知既知識範疇...光,就已經係以純能量非物質性形式存在,能夠穿透空氣...o係散失熱能既過程中,可以令物質之一既空氣,產生密度上既漲縮...而且人人都睇得見...
能量:此為一種基於已知知識上,而可能存在之模式...

2. 同意"不能被摸到"既論點...但正如火...就算我地摸唔到,睇唔到...但會感受得到...假設鬼,以能量形式存在...

3. 據以上論點,鬼絕對可以,以未知操作模式形式,控制我地身邊無所不在既空氣.做成任何事件...比方說:推人落樓,責人...全部可以透過空氣密度改變而做成...既然可以操控空氣呢種物質,幾本上任何鬼影/透過物質發生既事件...都可以發生...

此乃個人對樓主你論點既分析...

但以上論點亦有斷層:

1. 假設鬼以能量形式存在...除非此種能量在已知方式之外,還以其他方式存在...否則應該會有散失情況出現,而普遍已知既散失方式,以熱,光,動能方式為多...而以上三種中,基乎每一種都可以被普通人感知器官探測得出...

光:未見原因,可能以人類肉眼不可見光情況下散失...
動能:以極輕微/遠距離避過人類觸感器官系統情況下散失...

以上均可避過被發現既方式...

熱:如果能量必有散失,空氣就一定不能避過受熱...亦即:如果鬼以能量形式存在,而暴露於空氣既能量又必然有散失情況...那有鬼的地方,就一定有熱...
但根據大部分"遇鬼"人士,不約而同既口徑...陰冷黑暗既地方,空氣...先會"見"到...(其實當事人可能唔係見到,只係感受到...)...

咁鬼,仲會唔會係能量?

2. 能量...需要來源...已知方式下,以物質轉換最為普遍...以純能量形式,透過空氣,令空氣粒子(物質)於指定範圍完成指定動作...這種能量,大到咩程度?而控制者以單純能量就可以控制其方向力度,其意念/用作控制既能量,又強到咩程度?能量來源又係乜野?...以核爆作例,都只能夠以單方向運動(爆炸...)...
3. 既然能夠有思想/目的性地隔空取物,何不先組成一個個體(如身體),來個一勞永逸(番生!?),再做出更驚人既事...豈不成就美事?

但既然有人提出鬼呢個念頭,而且不只一人,咁已經有討論探究既價值,而"鬼確實存在"有時亦得到器械提供既證據支持...就算最終答案可能係"有一群人集體性地意識上出現自我實現既幻覺"...最起碼我地肯定左:有定冇...

就咁憑有破綻既論點,就絕對地跳到結論話:冇!...

我個人就並不會認同...

[ 本帖最後由 Opoo 於 2008-4-5 02:21 PM 編輯 ]

作者: f.p526 時間: 08-4-10 01:14 PM

有+...我見過幾次

作者: rfrtyr 時間: 09-7-3 12:07 PM

有部分科學家證實地球是沒有鬼的,不過你問世上有沒有鬼出沒,的確沒有人可以回答你,要知道世上有沒有鬼,有一個方法,就是要知道世上有沒有地獄,如果有,就有鬼,不過是魔鬼,它只會生活在地獄;有些心理醫生更說:有人經常說看到鬼,其實是幻覺,一個人在漆黑的地方,就會害怕,一害怕會產生許多幻覺,例如看見鬼魂,出竅
雖然憑這幾句說話卻不能說世上沒有鬼,信則有,不信則無.....本人是天主教,覺得"有鬼"或"撞鬼"不可能沒有,因為西方說有天堂和地獄,中方說只有地獄,那麼,不如探討有沒有天堂比有沒有地獄更好吧,如果沒有地獄,那麼多人去拜祭,燒紙給仙人,是他們多餘嗎?總結;鬼是沒有,魔鬼是有,不過魔鬼是在地獄用刑的鬼,而所謂人看見的鬼,是嚇人的鬼;地獄是存在的,雖然我不能證明,但我相信是存在,不然死後的人到哪裡??

作者: Fevil` 時間: 09-7-5 12:05 PM

你真係吾信?
夠吾夠膽一齊試下!

作者: mobing27 時間: 09-7-7 05:28 AM

相信自己就是最好.
心中無鬼鬼也不會來搞你

作者: 聖夢 時間: 09-7-7 11:43 PM

你未見過唔代表冇

出小句聲吧你反而講一定有鬼呢好多人支持你

作者: 〝小虎 時間: 09-7-9 11:01 AM

你咁矛盾ge-3-"
標題係世上無鬼...
又話唔敢肯定冇...
點做野嫁...

作者: OoCaroloO 時間: 09-7-10 04:10 PM

我信有 ....

作者: markma2705 時間: 09-7-11 09:09 AM

有冇鬼厘樣野好難講~不可能一口咬定無既

作者: 5c25 時間: 09-7-13 07:02 PM

Thanks For Sharing

作者: 黃小兒`:] 時間: 09-7-14 05:02 PM

不嬲都唔信有既~_~

作者: 風火水電之雷神 時間: 09-7-15 05:43 PM

我好驚呀!好嚇人呀!

作者: jEkaaBe 時間: 09-7-15 07:49 PM

信同唔信兩回事
不過信D鬼冇害~

作者: 姜仔少 時間: 09-9-20 08:37 PM

流星鎚

作者: kiu78956 時間: 09-9-23 05:08 PM

凡事唔好講到咁盡.......

作者: raydxxxxx 時間: 09-9-25 01:47 PM

同意同意

作者: yoshua 時間: 09-9-25 07:40 PM

不錯，信和有是兩回事。有一本書好似叫咩[靈魂重27克](書名好似係咁)內容有一個人測試人死左後重量突然少左(當然係問過d病人家屬同意)，佢用老鼠做都係咁，但用狗就冇(中國人信相狗係冇靈魂ge)等等。所以有冇靈魂就係未知。

我聽過，講術當一個人唔開心，情緒低下降令心理磁場都下降，當下降至同鬼一同時就會見到咁話。

而看過一d文章話人本身有陽氣，當陽氣減少時，亦會遇見。

作者: ts00668118 時間: 09-9-26 09:33 PM

我只可以講呢個世界上唔只有人呢樣生物仲有好多不能解釋既野

作者: 爭霸者 時間: 09-9-27 07:08 AM

同意#2@@~~~~~~~~~

作者: c93949413 時間: 09-11-5 02:44 AM

鬼神之說
我都係願可信其有不可信其無既心態

作者: cs_2944 時間: 09-11-9 07:36 PM

好可怕.......

作者: djfat 時間: 09-11-10 11:16 AM

我覺得有 , 同埋有好多野科學解釋唔倒

作者: ts00668118 時間: 10-1-9 10:01 PM

我只可以講呢個世界唔似依家存在既生物. 不過鬼上身個d道家說法又無人知
陰陽眼又另一回事無從得知

作者: §里§ 時間: 10-1-10 01:08 AM

朋友你太天真鬼係人死後釋放出既殘餘能量
隨住人死時既執念黎決定能量既大細
能量大既有能力實體化
至於鬼叫鬼壓床係因為由能量化成腦電波
直接傳送入你大腦令你大腦發出錯誤既信息
隨住時間能量會慢慢隨風散

一般黎講鬼係唔會蓄意殺人除非係枉死
能量根據死前意識做出相應既行動

作者: andyku43 時間: 10-1-12 10:22 PM

禁鬼上身呢? 正常一個肉體就有一個靈魂?
一個肉體可否存在兩個靈魂? 鬼(靈魂)可否將人(靈魂)趕出肉體之後霸佔為己有?
大家都應該有聽講過靈魂出竅到底有冇呢回事?

會唔會有科學跟據話鬼上身之類 = 人格分裂?

我諗世上好多野係現今科技未做到個個效果去證實
所以就以無科學跟據暫時做住答案先

鬼神之說,特異功能,風水玄學我諗呢D都暫時都無科學跟據

作者: rjj87on9 時間: 10-1-13 12:43 AM

問題係地球咁耐歷史 , 有幾多隻鬼

歡迎光臨 2000FUN論壇 (https://www.2000fun.com/)