2000FUN論壇

標題: 古金二人,大家認為誰比較好? [打印本頁]

作者: jeffrey005 時間: 08-1-28 01:27 PM 標題: 古金二人,大家認為誰比較好?

如題,請大家發表意見,我會回覆的.

作者: ＊Ｋelvin＊ 時間: 08-1-28 01:36 PM

小弟認為金庸較好.金庸既小說,我諗中一果d學生仔都睇得明.因為我第一次睇金庸小說既時侯就係中一 = =v ,,而古龍d小說好難睇得明..而劇情都好複雜..要細細品味~....and金庸本身都比古龍出名d ,天龍係佢代表作@@"我諗...

作者: jeffrey005 時間: 08-1-28 02:02 PM

我個人比較喜歡古龍小說中的情感.

作者: 小魔星 時間: 08-1-28 02:34 PM

比較鐘意金庸....

金庸寫人物方面感覺上細緻d....加上可以令到讀者有更多既想像空間...
金庸作品入面好多時主角都係令仔令女黎.... 感覺上好完美

而古龍...我只係睇過一本... 唔敢講XD

作者: jeffrey005 時間: 08-1-28 02:39 PM

原帖由 小魔星 於 2008-1-28 02:34 PM 發表
比較鐘意金庸....

金庸寫人物方面感覺上細緻d....加上可以令到讀者有更多既想像空間...
金庸作品入面好多時主角都係令仔令女黎.... 感覺上好完美

而古龍...我只係睇過一本... 唔敢講XD

金庸的學識比古龍好得多.所以你可以發現他的用字比較高明.

作者: 痛心 時間: 08-1-28 07:08 PM

我覺得
金庸係故事內容寫得好好
可以避免到很多小說家的通病

古龍冇金庸咁好睇的原因
應該係在於
古龍很多主角都係一出黎就係武林高手....
金庸則是慢慢成長比較有吸引力

作者: 快快煒 時間: 08-1-28 08:06 PM

我都唔知講好 . . .
古龍同金庸的書我都睇過唔少 . . .
但係點都會覺得金庸的書好睇好多
古龍的書 , 睇過一次未必會再睇
但係金庸的書 , 真係唔好講笑 , 就算你睇過一次 , 你幾左一段時間 , 又會想睇返
真係好神奇~ _ ~
仲有 , 金庸所說的故事情節曲折離奇 , 非常吸引 . . .
對於古龍的小說 , 我覺得佢好似寫偵探小說咁
好多都係講 , 角色比人陷害 . . . 查明真相咁
就好似《楚留香》同《新絕代雙x》 . . . .

作者: jeffrey005 時間: 08-1-28 08:23 PM

金庸小說,是看他的內容:古龍小說,是看他的情感.

作者: 仗義俠 時間: 08-1-28 09:53 PM

我鐘意睇古龍多過金庸

古龍可以活生生地描寫人性和人類的獸性
古龍每一本作品都有一個大奸大惡既人同埋好聰明
比較適合一d喜歡推理既人閱讀

因為古龍可以將一些我們日常生活遇到的陷阱描寫出來

作者: 神經 時間: 08-1-29 02:56 PM

其實2個既風格好唔同, 查大俠由於係書香世家出身,家境好, 學習環境好, 文字功力方面古龍係無得比既,小說亦都比較正面, 古龍剛好相反, 家境差, 江湖打滾, 酒色財氣樣樣齊, 所以係古龍既小說入面比較陰沉, 最危險既地方就係最安全既地方, 最好既朋友就係你既敵人, 經常會出現......

邊個好我諗係各有所好.....好難比較.....

其實我覺得如果要比較既, 應該用另一個係同時代同樣受歡迎既武俠作家梁羽生與金庸作比, 起碼兩個都係飽學之士都係才子.....

作者: jeffrey005 時間: 08-1-29 03:06 PM

原帖由神經於 2008-1-29 02:56 PM 發表
其實2個既風格好唔同, 查大俠由於係書香世家出身,家境好, 學習環境好, 文字功力方面古龍係無得比既,小說亦都比較正面, 古龍剛好相反, 家境差, 江湖打滾, 酒色財氣樣樣齊, 所以係古龍既小說入面比較陰沉, 最危險 ...

梁羽生不是金庸的對手......

作者: 神經 時間: 08-1-29 04:16 PM

原帖由 jeffrey005 於 2008-1-29 03:06 PM 發表

梁羽生不是金庸的對手......

但係梁羽生作品係當時東南亞既銷量比金庸小說還要高, 亦都係當時金庸既直接競爭對手, 係新派武俠小說入面, 粱羽生應該算係中國風, 大量既古詩詞既引用創作, 簡單直接式既舖排, 轉接少......金庸係中西合碧, 高低起伏轉接較多, 應該係受當時既電影情節影響.....而計筆觸, 可以算係各有千秋....

而家睇返梁羽生既作品, 的確係比查大俠既作品較為平淡.......但係有一點我好欣賞梁羽生, 佢寫既女角比金庸小說入面份量更重,好似白髮魔女練倪裳, 厲勝男等等........唔單主係為男主角而生, 可以比其他角色更重要, 係當時男性主導既社會係好難得....

作者: 快快煒 時間: 08-1-29 04:37 PM

原帖由神經於 2008-1-29 04:16 PM 發表

但係梁羽生作品係當時東南亞既銷量比金庸小說還要高, 亦都係當時金庸既直接競爭對手, 係新派武俠小說入面, 粱羽生應該算係中國風, 大量既古詩詞既引用創作, 簡單直接式既舖排, 轉接少......金庸係中西合碧, ...

梁羽生的文筆比金庸較好

不過 , 東南亞銷量的原因是因為梁羽生係第 1 個寫新派武林小說的人
金庸係遲左 1 年先開始寫 , 仲要係登起明報 . . .
所以東南亞既銷量比金庸小說還要高係好正常 . . .
PS : 當時明報好少人睇 , 直到同大公報筆戰先多人 . . .

作者: jeffrey005 時間: 08-1-29 06:29 PM

原帖由 快快煒 於 2008-1-29 04:37 PM 發表

梁羽生的文筆比金庸較好
不過 , 東南亞銷量的原因是因為梁羽生係第 1 個寫新派武林小說的人
金庸係遲左 1 年先開始寫 , 仲要係登起明報 . . .
所以東南亞既銷量比金庸小說還要高係好正常 . . .
P ...

果然見識廣博,我也不知道呢.另外,請問你對舊派武俠小說作家有什麼評價及見解呢?

作者: 龍泉．魔笛 時間: 08-2-1 09:27 PM

金庸在描寫方面好明顯比古龍強..

但內容結構方面我比較like 古龍多..

作者: jeffrey005 時間: 08-2-1 09:36 PM

原帖由 龍泉．魔笛 於 2008-2-1 09:27 PM 發表
金庸在描寫方面好明顯比古龍強..

但內容結構方面我比較like 古龍多..

十分同意,單論文筆功力,金庸定高出一籌.但風格方面,則各花入各眼,我比較喜歡古龍.但古龍小說中的人物,大多十分短暫,不論高手也好,低手也好,即使重要人物,也不是太多能活到最後.

作者: 賤人神武長空 時間: 08-2-3 06:57 PM

我就覺得金庸既小說就真係著重故事成份居多

古龍就比較接近真實角色比較立體

作者: 987654321 時間: 08-2-3 09:23 PM

金庸-0-
我冇睇過古龍d書- -{岩岩開始}
金庸點都出名過古龍-0-.......

作者: 仗義俠 時間: 08-2-6 04:37 PM

原帖由 987654321 於 2008-2-3 09:23 PM 發表
金庸-0-
我冇睇過古龍d書- -{岩岩開始}
金庸點都出名過古龍-0-.......

金庸當然出名過古龍
因為查生係香港住... 而最重要既係佢未死
更何況差唔多每間中學圖書館既金庸藏書比古龍多

作者: grando31162 時間: 08-2-6 07:09 PM

古龍既小說無時代

但係金庸既小說把故事融合在歷史

我認為是金庸好一點自己意見

作者: Godwhichcreates 時間: 08-2-6 09:05 PM

原帖由 grando31162 於 2008-2-6 07:09 PM 發表
古龍既小說無時代

但係金庸既小說把故事融合在歷史

我認為是金庸好一點自己意見

我同學都係咁講同意@0@

作者: 阿爾伯特愛因C坦 時間: 08-2-8 12:00 PM

古龍較好！

雖然本人只是看過金庸的三本,但始終認為金庸沒古龍的小說好。
文筆其實不一定要用最深的字,偶爾使用已可。

有人說,古龍的角色很多本身就強,不是慢慢成長；而金庸則是角色一開始很弱,再看他成長之路。
但是古龍的《絕代雙驕》、《失魂引》、《名劍風流》、《孤星傳》等也是主角成長之作。

若然你說金庸主角多需成長,我就覺得他的文不夠全面。

金庸小說所欠缺的是起承轉合的高潮起跌,文中的高潮不夠高；反之,古龍文中的高潮高很可怕,文中的感染力使你感到高潮更高,最可怕的是高潮之後高潮,這個高潮竟可比之前已很高的高潮更為高,代表作《流星蝴蝶劍》

金庸的小說沒有一種令你想：「這樣也可以？」,也就是說當主角落下困境,竟以出奇不意,又不是以武功強大而突破困境。古龍卻有這種魅力,可以用智來解決難關！如楚留香後兩部曲也有這種解決方法。

金庸文中沒有那種非常強烈的武俠情懷,那種能觸動你心的文詞、情感。古龍卻有這種武俠情懷,大部份原因也是因為自己的生活、生長環境。

其實我認為大家也可看看溫瑞安,他的新派武俠小說能使你領會到新的東西。

作者: 悟劍 時間: 08-2-8 01:13 PM

我覺得兩者最大分別就係古龍小說入面描寫武功好特別
我記得古龍講過理得你咩招式咩武功出手最快果個就係勝利者
所以西門吹雪呢d都冇講佢用咩咩劍法單單一出手就殺死人就係最勁
而且金庸的主角幾乎都由成長歷程講起有咩奇遇點變高手除左喬峰呢d一出就超勁
古龍明顯少d 就記憶好似得絕代雙驕有提成長
再者古龍比較偏向推理懸疑武術反而有d似襯托
古龍入面既奸角大多為名為利金庸既奸角就大部分為就武林第一
若講情感我覺得兩者都好用心刻劃只係金庸主要以事件刻劃古龍用對白刻劃

作者: salty_fish0117 時間: 08-2-8 05:43 PM

我覺得古龍抒情直接好多
金庸果d無古龍咁直接含蓄好多
所以我睇金庸果d唔同時間睇都有唔同既感受..

同埋金庸果d好多都有歷史背景始終覺得武俠小說有歷史背景比較好(雖然笑傲都冇..)

作者: poonherman 時間: 08-2-9 09:51 PM

兩個唔太可以比較邊個好，最多話自已鐘意邊個多o的

金庸的小說，是舊派武俠的頂峰之作，而且有一種沉厚之感，其中好多情節，感情需要一再回味才可以品味得出，我喜歡將金庸比作茶，入味雖苦卻舌底回甘。文筆方面，不久前再看，覺得不是十分突出，但是卻有一種樸實之感，乃大巧不工之味。人物描寫深劇細膩，一些小角色略略數筆都有飽滿之感(如桃谷六仙，第一次看時笑死我)。

古龍小說是新派武俠的代表，武俠不再只是寫武和俠，而將各種東西共治一爐，尤其是推理懸疑等。也許說古龍將武放邊，俠弱化。古派的對話很有趣，總給人一種蕭殺之感，尤其是兩大角對敵時。瘋狂使用短句，一句話等於一段這種手法，有好有壞，其中壞處是給人十分碎的感覺。而且人物角色的對話，可以看出全部都是古龍本人借角色來說出，人物方面不及金庸。

就我而言，我喜歡看金庸小說，也喜歡古龍風格和人物。

金庸小說可讀性高，可以一再番看。

古龍的人物，小魚兒被認為是即使討厭古龍的人都不得不喜歡這個人物，楚留香的風流儒雅令人想效法。

作者: ~漫畫少年~ 時間: 08-2-10 01:33 AM

我看金庸的小說不多，暫時只看過『神鵰俠侶』『鹿鼎記』『倚天屠龍記』，而『天龍八部』還未看完，人物性格　關係　武功場面　一草一木，都寫得十分細緻，令人容易代入其中，而每個主角的優缺都有明確的交代，加上中國朝代的色彩，每看完一部小說，令讀者不多不少都學到些做人道理，一部小說故事好之餘，又有教育意義，更加完美。

而古龍的小說我只看了『絕代雙驕』『陸小鳳系列』『小李飛刀系列』，簡潔有力，雖不像金庸把武打場面形容十分細膩，但高手與高手之間，一招便能定勝負，以陸小鳳來說，每件事看似不相連，但背後必定有人佈局，古龍的小說比金庸的較有陰謀論，而歷史背景較少，　重點多放在情與義之上。

[ 本帖最後由 ~漫畫少年~ 於 2008-2-10 01:37 AM 編輯 ]

作者: kel14vin14 時間: 08-2-25 04:35 PM

金庸呀,古龍....唔知有這個人-.-

作者: jeffrey005 時間: 08-2-25 08:49 PM

原帖由 poonherman 於 2008-2-9 09:51 PM 發表
兩個唔太可以比較邊個好，最多話自已鐘意邊個多o的

金庸的小說，是舊派武俠的頂峰之作，而且有一種沉厚之感，其中好多情節，感情需要一再回味才可以品味得出，我喜歡將金庸比作茶，入味雖苦卻舌底回甘。文筆 ...

其實金庸係新派武俠.舊派既代表主要係環珠樓主,王度廬等幾人.而第一個新派既,應該係粱羽生,佢係先過金古二人.

作者: 乂星辰乂 時間: 08-3-1 11:37 PM

其實呢:....我覺得2個冇得比"

原因:因為2個家境畢竟不相同...1正1反....
要比真係一個比地一個比天鐘意邊個多D就梗係金庸啦.
金庸文筆風格我覺得好過古龍好多

作者: 結界 時間: 08-3-15 08:35 AM

個人比較鍾意古龍～
佢入面講果d道理值得反思,你睇下''三少爺的劍'',入面己講左一個道理------你睇到ge只係富豪(這個可以是大盜,捕快等等)快樂的一面 , 你有無諗過佢地ge悲哀的一面 , 富豪常常要擔心無左d錢~比人綁架~你話佢地係咪咁值得我地去''是募''呢?

作者: 冰湘兒 時間: 08-3-15 01:26 PM

金庸既描寫好過古龍;;

但我鍾意古龍既絕代

作者: jeffrey005 時間: 08-3-15 08:36 PM

原帖由 poonherman 於 2008-2-9 09:51 PM 發表
兩個唔太可以比較邊個好，最多話自已鐘意邊個多o的

金庸的小說，是舊派武俠的頂峰之作，而且有一種沉厚之感，其中好多情節，感情需要一再回味才可以品味得出，我喜歡將金庸比作茶，入味雖苦卻舌底回甘。文筆 ...

其實金庸是新派的.

作者: `小姬﹡ 時間: 08-3-25 11:55 PM

我覺得金庸好DD=0=!!

作者: ~影~ 時間: 08-3-26 01:11 AM

個人覺得兩個都好~係偏重既野唔同
個人覺得古龍小說偏重比較多d講感情
而金庸小說偏重講個義字同埋世界觀有配合中國文化同埋歷史

作者: panpan0008 時間: 08-3-26 10:06 PM

金庸寫的是中國人的"禮"，古龍寫的是中國人的"術"，梁羽生寫的是中國人的"家"。從學習角度而言，梁讓我們認識中國，勝一籌。但從小說文學而言，金讓我們心領神會，下一城。至於古龍，使我們在現實生活壓迫下，多了一分幻想和解脫。我這樣子的解釋，夠中國吧。

作者: kamix 時間: 08-3-27 05:21 PM

金:在武學上俾舊的武俠小說影響..不能跳出武俠小說既框框..只能寫到頂峰
古:他在武俠小說上..跳出舊有的一套..但不多...也保留大部分既舊有手法..寫出來有特別的感覺...
我建議大家可以睇下..可以睇下溫x安既書..佢有另一種寫法...武功太強..強到有
d離譜..有d過分...一個冇腳同冇內功既人可以輕功好多(無情)...但佢寫得好有詩意..
由一種狀態去另一種狀態..寫1得好好...
個人最鍾意古龍

作者: hk0009 時間: 08-3-27 11:25 PM

本人中意金多d..我中意郭襄(BECAUSE 楊冪) 楊過(佢為人幾似我wakaka) 最中意睇神雕

作者: 阿爾伯特愛因C坦 時間: 08-3-28 11:27 AM 標題: 回復 #36 kamix 的帖子

這裡有溫瑞安討論區

去看看…雖然很冷清的說

作者: 神4～凌子峰 時間: 08-4-8 06:01 PM

我錐意睇金庸多d, 古龍剩係睇晒絕代雙嬌, 有時睇落都覺得劇情有d亂-口-

作者: bluefei7 時間: 08-4-11 08:37 PM

金庸的比較通俗，呵呵。。

作者: 西邪 時間: 08-4-13 12:45 AM

其實....
小弟覺得真正脫離舊式武俠小說的作家
應該係黃易...(雖然佢既作品應該係"異俠",而非"武俠")

作者: 頓cake 時間: 08-4-13 04:55 PM

將金庸同古龍2個人比, 就有d相似將杜甫同李白對比
金庸就好似杜甫咁, 工整, 可以細味, 會修飾
古龍就好似李白咁, 以自己天才, 去寫自己既作品, 作品入面奇兵突出(非相似2個都係酒鬼

)
比較起上黎, 金庸小說時代背景比較重, 有d似野史型式傳記
而古龍小說主角, 差不多可以生於同一年代, 甚致現代
個人黎講我比較嘉歡古龍小說, 因為佢每一套小說都想帶出一個哲理, 最明顯的就係《七種武器》, 真正厲害的並非長生劍, 碧玉力, 霸王槍, 孔雀羽等, 而是微笑, 誠實, 友情, 自信等..; 又或者《絕代雙驕》入面, 既仇恨只會帶來不幸, 放下仇恨才會有幸福

作者: 阿爾伯特愛因C坦 時間: 08-4-13 09:49 PM 標題: 回復 #42 頓cake 的帖子

孔雀翎…

不過很贊成你所說的

還有七殺手其實唔係古龍作…古龍只是作左六本

作者: 天上星-亮晶晶 時間: 08-4-14 02:24 PM

金庸善於寫情，古龍善於佈局，個人比較喜歡金庸

作者: zootbbq 時間: 08-5-23 04:43 PM

我鐘意古多過金的說

作者: 心跳回億 時間: 08-5-31 10:45 PM

我鐘意古龍較多,古龍筆下所抒發的情感離不開感情與個人情懷
大概能比如"人生得意須盡歡莫使金樽空對月" "天生我才必有用千金散盡還復來"
而且每個情節都埋下不少伏筆讓讀者自己思考
我最喜歡看他的書有 7武器,多情劍客無情劍,蕭十一郎,天涯明月刀,飛刀又見飛刀等等著作
可惜他早逝,否則可能還有更多著作出現

作者: 東方．真龍？ 時間: 08-6-5 06:16 AM

各有各好..
金庸寫得簡單明快..故事情節變化出人意表
古龍..我有時覺得拖情節..不過無可否認..佢係人性..性格方面描寫得比較清晰

作者: alexia1018 時間: 08-6-5 11:24 AM

個人喜歡看古龍的多d
覺得金庸那d 結局好多時都冇交待清楚佢的去向咁

作者: ＡｒＫｉｎ 時間: 08-6-5 03:53 PM

古龍我個人覺得雖然楚留香,6小鳳系列之中有小小黃色

但係當中有好多做人處世之道

例如最危險地方姐係最安全既地方都係出自佢

作者: 超吾 時間: 08-6-14 08:09 PM

金庸，因為易睇得明.

作者: ◇╮靈╰LInG╮ 時間: 08-6-14 08:29 PM

金庸較好。(在下冇睇過古龍先生所寫ge小說-_-"")
妙筆之處:查生用字同情節上都好精簡、達意,令人一睇就上引,唔捨得停左佢。
敗筆之處:人物略多,情節略複雜,以天龍為例:一時講段譽,一時講蕭峯,一時講虛竹。令我覺得有D亂...

※小人乃是小學六年級,如有冒犯,請多見諒,細路仔唔識世界!

作者: ◇╮靈╰LInG╮ 時間: 08-6-14 08:32 PM

原帖由超吾於 2008-6-14 20:09 發表
金庸，因為易睇得明.

言下之意,古龍先生D書比較複雜嗎?(無意冒犯,請多見諒>_<)

作者: turbo5261314 時間: 08-6-17 12:24 PM

好難比輕嫁喎,一個比輕重情感方面,一個比輕重武功方面

作者: 盟主？ 時間: 08-6-18 04:44 PM

我比較鐘意金庸

作者: qq422535409 時間: 08-8-6 06:18 PM

睇人睇志我覺得金庸

作者: 冬之 時間: 08-8-10 07:31 PM

我覺得兩者是很難作出比較
因為風格不一
金庸是舊派.古龍是新派
不過本人比較喜歡古龍
因為我最喜歡的小說是陸小鳳.楚留香

作者: 冬之 時間: 08-8-10 07:34 PM

原帖由 ＡｒＫｉｎ 於 2008-6-5 03:53 PM 發表
古龍我個人覺得雖然楚留香,6小鳳系列之中有小小黃色

但係當中有好多做人處世之道

例如最危險地方姐係最安全既地方都係出自佢

唔應該係黃色
性係人性所需
要寫人性當然會有性

作者: 塔羅牌 時間: 08-9-2 01:56 PM

其實好難比較金庸同古龍d書。
我個人比較仲意古龍既書,
古龍d書好有風格。
古龍既書前部份,例如蒼穹神劍係處女作,不便評價
後來絕代雙驕,流星蝴蝶劍,七武器系例,楚留香等既作品開始有佢既風格出現。
冇錯上面有個人講得岩,古龍武功講既係「快」
金庸既小說好多都係成套,而且描寫「戰鬥」既場面好細膩,
但我覺得咁做其實好累贅,又令到成本書好長篇
有一個句:好的書可以讓讀者同時幻想<<如果描寫過分細膩就冇咁好
古龍既書唔同,佢大膽創新,採用左日本既「秒殺」方法,一個字:「快」
大多數篇章放響事件佈局,人物心理描寫,呢2樣都係好高難度,起碼比描寫決鬥更難
呢個創新唔係個個接受到,而且接觸既人唔太多,所以古龍唔出名都有一個原因。
另外好多人話唔識古龍,但係楚留香,小李飛刀李尋歡等人已經深入民心,只係佢地唔知個作者其實就係古龍。

有一句話:小李飛刀成絕響,人間不見楚留香。
可見佢地已經深入民心

歡迎光臨 2000FUN論壇 (https://www.2000fun.com/)