2000FUN論壇

標題: 龍族綜合討論+感想區 [打印本頁]

作者: wing穎x 時間: 08-2-10 01:01 AM 標題: 龍族綜合討論+感想區

雖然龍族已經冇左好多年...
之後我亦都玩過無數隻online game
始終我對龍族都係果份感情係到

我自己當年係官服果陣時係龍族 - 龍霸迷宮v1.0玩伊ser 拜國...低lv果陣成日一大班人一齊升lv,一齊搶場pk,仲記得一齊打邊戰,國戰果陣

一出到中立區..拜國同傑國係到鬥串(死傑狗,死拜狗)之後就開波...巫師車雞..推炎 jc 有d開wall救人有d就吸血加一棍就一件,

之後賊仔隱形放一字冰弓手就走埋人地到爆火...打得不知幾開心...仲記得我果陣一個星期都會買一本龍週睇(以我所知冇其他game會單獨出一本週刊)e家我仲有幾本係屋企@_@
唔知仲有冇人有龍週係到呢?

龍族係我玩咁多online game中最開心既一隻...玩過其他online game,跟本入到去就係升lv 解任...每升一lv又有新一個任解..來來回回淨係升lv解任

(p.s 龍族就係無咩任解...) 真係好想有番以前玩呢隻o . g既feel

作者: oO傑Oo 時間: 08-2-11 01:21 PM

係啵@@龍族真係好正>v<個國戰一流XDD
PK系統又正啵~唔岩傾即開波@.@

作者: wing穎x 時間: 08-2-12 01:55 PM

講真..真係好懷念隻game....
好想再有一次超大型國戰打...哈哈

作者: 明珠930 時間: 08-2-17 12:57 AM

我自己覺得龍族雖然畫面唔靚
（最憎係d武器由1-50lv都一Q樣，件衫又唔係變得特別型）
但係系統真係彌補哂一切

大家記唔記得97年（好似）COCO曾經派過一次150點ge試玩點數
我追開COCO所以有玩，但係果陣又唔係太識玩（話哂都係第一次玩online game，龍族個系統又咁麻煩複雜，玩左一陣就於「氣」左）

重玩係因為有同學話玩
因為經過左一段時間，玩ge online game多左
就發覺原來龍族的確係一隻值得玩落去ge online game
都因為咁學識左EZ

自己雖然唔算太勁，但係係傑彭入面打滾、探險
（龍族入面探險極度危險，我己經係弓手50lv左右，但係都仲有好多地方ge怪有能力秒我，當然，作為弓手都有屈死比自己勁ge怪ge本事）
由於中期開始唔想狂禁mouse（咁樣o禁落去mouse遲早難）
所以之後一切活動由連點代替，控制能力需求要高左

可惜後期開始少人玩（3D game出現，但係無法取代爛鬼畫面遊戲:diablo、龍族、古龍ge速度感）
就變得無意義，仲要汁鬼埋，真係可憐

作者: 雪菜肉絲米 時間: 08-2-21 05:19 PM

喂喂  自己友

職得5個  玩法n個

唔會話咩職克咩職識玩就天下無敵  當時真係樂在其中....

國戰,,,pk,,,,超正,,,,,

作者: 武~神 時間: 08-2-21 05:49 PM

同志們
我都係第一隻玩果陣真係好正
國戰 pk系統冇咩game有咁正

作者: kyowaiwai123456 時間: 08-2-22 11:20 PM

我都覺得龍族好正-_-pk好鬼正-0-低lv pvp 果陣-0-幾爽!!

作者: 酒粒仔 時間: 08-2-23 08:15 PM 標題: 龍族綜合討論+感想區

龍族係我第一隻game.
之後一路玩既3d game始本無龍族咁好..
大多數做任務宜升級既3d game
無龍族咁一班人打怪升級吹水咁開心.
仲有要走黎走去?
龍族就唔洗咁煩...
任務不多...宜家魔法/戰鬥技能係宜家無一隻3d game可以代替到...
如果龍族出返幾好~.~

[ 本帖最後由善福於 2008-2-27 05:47 PM 編輯 ]

作者: DIY 時間: 08-2-23 09:05 PM

支持.......我e家玩緊國龍

作者: 酒粒仔 時間: 08-2-24 07:58 PM

國龍...
不過宜家d龍族無一隻係無外掛..
因為d外掛係一定用到..
無得防...
唉~就係俾外掛累死

作者: 芥楠 時間: 08-2-25 04:09 PM

thank you for your post!

作者: 芥楠 時間: 08-2-25 04:20 PM

thank you for your post!

作者: PC@傻駿 時間: 08-2-27 11:12 PM

龍族也是我的第一隻網遊
想當年天天也在升級/國戰
也較回味
但因為外掛太多所以常常給黑客侵入
這樣的網遊就沒有了
但有消息說原班龍族人馬開發一隻名為:夢幻龍族的遊戲
除了畫面不同外全部內容也是一樣的

作者: wing穎x 時間: 08-3-2 02:02 PM

唉...可惜執左....如果唔係一定同你地一齊玩....
e家好似出左隻龍族2 3d版....不過影衰左龍族既風格...冇左以前果種味道!!

作者: 火野亂太郎 時間: 08-3-10 06:08 PM

唔知點解人永遠對第一次嘗試既野特別深刻特別鐘意深刻到無野可以代替

作者: 27537703 時間: 08-3-16 11:32 AM

我依家仲有當年隻送50點果隻光碟

作者: ~棍仔糖~ 時間: 08-3-18 11:08 PM

-v-龍族好玩之處就係可以同fd吹水...一齊升lv..
記得o個陣係賽多..大家都好低lv 係到打半獸人..
升升下..有d人黎pk..
成班死晒...有時d 祭司冇死
就開wall@@救人...
成班鬼係到走難@@
個種感覺而家搵唔返...
我個陣同d fd...大家都係4xlv 個陣..
去玩邊境@@ 幾條友係到打粒石..
打左勁奈= =仲要比d 雙頭打死左...勁好笑
之後愈黎愈多外掛...搞到汁埋
雖然之後有玩私服..都可以吹水 pk 升lv..
但係感覺不如以前...

作者: saiming1988 時間: 08-3-21 10:54 AM

現在龍族既玩家,應該變晒大人@@

我仲記得,自己之前係全server第7個轉職

果時1粒極石,要6x粒 malo

作者: lkc1020 時間: 08-3-23 09:02 PM

我以前都有玩伊SER
一出到大草個d個個叫傑狗拜狗都幾好笑^^

作者: pk123hn 時間: 08-3-26 08:11 AM

我都係第一隻game龍族... 我第一個公會係(銀英) (拜會)
意前玩戰士..又係山骨(瑪瑙)==
仲有同(銀英)好多人出來食飯唱K....最記得有一個女仔叫(傻風)---仲有一個叫(殺龍無名)

作者: helpless 時間: 08-3-27 12:53 PM

講起龍族~
佢係我第一隻賺真錢既game~
果時記得出左class冇耐
轉職要用極限之石
果時我隻賊仔同人一齊打石
掉左比我汁左~自己唔轉走去賣
賣左500蚊

另外成班高lv人士一齊去中立地區pk係最正
後小小期果時~即係有技能書果時~出埋4轉5轉
好回味4轉法用紅電~我隻賊仔既極冰~
戰轉戰既4轉戰~臭血牛~~同我鬥快既弓手
仲有比戰破wall 嗌救命既祭司~~
全部都好懷念~

仲有打國戰果d都係

同戰友一齊殺敵~

我小4定唔知小5接觸呢隻game
e+我中五~~
大家有玩龍族既你地又係幾時接觸架?

作者: 紫仇 時間: 08-3-27 04:47 PM

你地玩咩野國架@@?
叫咩名丫??
我泰傑風之仇仔
公會: 白家

作者: ‧路飛‧ 時間: 08-3-28 02:13 PM

我都因為我阿哥所以接觸依隻game= ="

個時開住game一想離一離開部電腦都俾人插= ="(錢麻)

泰傑:勇敢的小榮仔(8x lv jc)

作者: 小小小神童 時間: 08-3-28 09:45 PM

我只係記得我當時一身g5 70lv 就打死d盜皇

作者: 小小小神童 時間: 08-3-28 09:47 PM

原帖由 helpless 於 2008-3-27 12:53 PM 發表
講起龍族~
佢係我第一隻賺真錢既game~
果時記得出左class冇耐
轉職要用極限之石
果時我隻賊仔同人一齊打石
掉左比我汁左~自己唔轉走去賣
賣左500蚊

另外成班高lv人士一齊去中立地區pk係最 ...

我早你小小我小三玩ge

作者: 三國天下 時間: 08-3-29 10:37 PM

龍族,,,我玩果時係小4~5
依家中5啦,,,
估唔到時間過得咁快,,,
玩過咁多game....都係佢最好玩,,,
好玩在佢既模式,,,
成班係度pk,,,正

作者: ak2005 時間: 08-4-13 06:22 PM

原帖由 helpless 於 2008-3-27 12:53 PM 發表
講起龍族~
佢係我第一隻賺真錢既game~
果時記得出左class冇耐
轉職要用極限之石
果時我隻賊仔同人一齊打石
掉左比我汁左~自己唔轉走去賣
賣左500蚊

另外成班高lv人士一齊去中立地區pk係最 ...

我都係小4開始玩嫁..記得好似係V1.0開始玩
果時記得第一個人係玩JC...
果時玩到4X LV就同人TEAM去大虫林打...好中意果種無咩限制既升LV方法^^
果時仲有買到一星期出一次既龍周TIM^^(依家都仲係度XD)
講真...我NOW玩佐咁多隻ONLINE GAME.....真係無一隻俾到我好似玩龍族果時咁開心既FEEL
真係好想好似以前咁一放學就拿拿聲衝番屋企同D FD玩龍族升LV吹水>"<

作者: davidspirits02 時間: 08-4-20 09:54 PM

好多年前了, 香港未出時, 台灣版0.67版開始玩
最開心既時期係香港剛推出至 V0.69,
大家還是新手在衝等, 不斷有新鮮感
之後吸五雷為生, 哈哈哈

作者: dereklok 時間: 08-4-24 04:57 PM

最過癮係做弓手係可以PK既地方企係人地後面打怪,你點隻怪,但係企係前面果個不斷食箭,直至死亡

作者: 開心人生^^ 時間: 08-5-4 10:48 PM 標題: 一生中最愛龍族

大家好～　小弟第一次來這個區～
====================

有玩過龍族既朋友仔，都會對我以下所寫的文章有同感

====上當年，也許是13-14歲時吧(我今年19,還是很熱愛玩Online game)

第一次接足的Online game是龍族～初初根本不知道是有分職業的

一開次亂選，就選了際師,(當時不知道選了祭師),

好了傻人升級開始, 還記得是練到50左右..

你們會相信我由1-50都師點血和力嗎? 我根本不知道要配點學技

還有..2x開始打小矮人打到50..你們都會相信嗎? 是真的-.-"

玩到50左右先知道自己原來加錯點..

後來轉玩弓手..玩到89~放棄了..

=====================

隻game組隊升又快, 又可以多交流(最怕玩自閉Game),又有國戰!真係唔錯!

係我玩咁多隻最好玩!

=====================

現在的Online game,無一隻能吸引到我玩長久

(我不是一個會亂轉game的人..)

但是..

原因1. 以加D online game 只掛住慍$,根本同上當年既無得比
   2. 格半個月一隻新game, 好多係game識佐好耐既朋友仔, 都轉晒玩其他game,
      人流小唔多講, 慍組更難!
   3. 或者玩得多HK game, HK公司做野太慢

   4. 以加好多玩家既心態都變晒..
      * 什麼踩場不踩場.. (呢個問題好多game都會發生)
      * 吹雞
      * 好多人玩online game心態都變晒, 好多自私人, 又開始多金錢上的騙局.

算啦..唔講住咁多

悶親你地就唔好

作者: 邪丸 時間: 08-5-13 12:09 AM

ya 我玩個時14歲

依家都兩張野了

仲係覺得冇咩game好玩過佢

或者係第一隻olg掛=]

作者: 邪丸 時間: 08-5-13 12:11 AM

我第一隻係龍族

記得pk好好玩=]

作者: ○天下無雙● 時間: 08-5-19 07:51 PM

我都係第一隻game玩龍族..
哈..個時玩戰士玩到5xlv..
跟著我個fd唔知邊到黎勁多高lv ac..
全部唔係9字頭就10xlv..跟著佢話150點放隻8x巫師比我玩
我就買左黎玩..跟著用外掛爆到去14xlv..x師好似200
哈..個外掛好難用..個時以為自己攪唔掂..點知用下用下好順手
開一次都唔洗5分鍾^^''個時雖然得1轉..但係我可以打win4轉際師..
因為我開外掛..教攻速999倍..set埋普通攻擊=火雞^^
跟著就秒左隻4轉際師..點知佢復活蛋起身吸血扑我一下..我就死左-0-''

哈..個時就真係爽..錢大把..億幾都唔放在眼內..
因為可以複製錢同裝^^''成身+9^^''
99粒復活蛋...嘻爽!
最後比人見到我用外掛升lv..佢問我拎..
我話遲D比佢..佢話影我相=- =''封左ac!

作者: rokmct 時間: 08-5-22 12:01 AM

雖然我第1隻online game唔係龍族....
但係我覺得龍族真係好好玩.....無咩game可以比-0-"
我果時玩法師....伊斯人
斷斷續續咁玩到6xlv就冇玩...原因都係外掛吧=[
仲好記得....3x..4xlv去打獸人....未到果個地方就比d高lv既人一招火鳥....o.o死左
同人組隊.....就算唔識既...都會吹水吹得好開心...仲有時吹水吹到死埋..

到e加仲好懷念......仲可以吸五雷..五冰....升得好快@w@
仲有仲有~~~成班人係城到打警察..超正...成日比警察秒-.-"
真係好開心~

[ 本帖最後由 rokmct 於 2008-5-22 12:03 AM 編輯 ]

作者: 雪菜肉絲米 時間: 08-5-23 05:58 PM

我第一隻都係龍族....想當年日日升lv....係拜索斯食人花區升lv....一邊吹水一邊吸....由魔法學陡升到去大賢者....真係唔易.....之前一班玩龍族既人走哂....依家玩過d game 我冇一隻可以玩多過1個月.....龍族我就玩左成年....邊戰...國戰..挖石...轉職...整裝...吹水...咁就一日...依家d game...日日都係....比點玩...比點..比點...唔比就唔好玩....唉...

作者: 乂K_K乂 時間: 08-5-26 11:27 PM

呢隻game係我咁多隻online入面最想試既一隻

作者: 呀車干 時間: 08-5-28 07:24 AM

我第一隻 game 都係龍族果時 13 4 歲玩 e + 都 20歲囉. . .

重好記得果時扮病唔番學就係為左玩呢隻野. . .

e + 好多既 online game 都唔係好睇上眼 / 玩一兩日就唔玩 . . .

好掛住當年龍族既風采. . . .

作者: 卡塞︴“ 時間: 08-5-28 08:10 PM

哈哈　個個由十幾歲玩到兩張野 -.-
我都真系好鐘意之前隻龍族 ..
但我成日系主城個廣場聽人講又bug又外掛 ..
真系搞到我心淡哈 ..
講起廣場真系正 .. 真系可以打探到好多料 =.=
佢臨笠果陣入左一個月費 ..都系成日系廣場玩 ..

作者: 呀Y!N 時間: 08-5-29 04:35 PM

我記得果陣岩岩出技能書果陣- - 我見到有本係地下.. 我汁左之後比幾隻火雞同時車死- -

作者: 月別者 時間: 08-5-30 10:32 PM

俾我既感覺的確好多以前一去網吧一去個登入畫面有伊麵係度唱歌 d人就話

嘩! 呢隻咩game黎咁正咁既??? 睇下先

有歌果然係唔同d....
第一次國戰果時我記得係7定8點開始收人= = 不過打果時係10點.... 如果唔係一早捉定位遲多幾秒都報唔到不過最緊要係.... 唸住去打石果時  竟然可以lag到屌老母而且仲唔識郁成廿幾秒
不過以前最過癮係冇pk 模式呢樣野  拿唔拿武器都好都可以放魔法  同埋一唔係城度任何地方都冇nk值有時見人地打怪唔順超就去同人鬥氣吹雞清場唔夠打搵高lv 層出不窮真係笑死

伊莉露  拜索斯  烽火之龍  留名

作者: djho 時間: 08-6-2 09:11 PM 標題: 真正的第一隻網遊

第一次玩online game就是龍族,一玩就玩了3年,至今,都是覺得它最正!!其他?,差得多呢

作者: 善福 時間: 08-6-2 10:25 PM

原帖由 djho 於 2008-6-2 09:11 PM 發表
第一次玩online game就是龍族,一玩就玩了3年,至今,都是覺得它最正!!其他?,差得多呢

解決一下龍族點解咁正好嗎

作者: ╭星_boy╯ 時間: 08-6-5 01:27 AM

哈.....唔洗再回億喇...e家有私服玩@@
快D去私服區睇

作者: 沒心人 時間: 08-6-7 01:35 AM

想起龍族!
真令我用左好多時間!
玩左1年多d!
都味2轉......
因為覺得自己1轉已經好勁!唔想升^^(其實好鬼難升先岩^^)
依傢得個回味........
快d出返la龍族!
收我一個月200我都玩!

作者: djho 時間: 08-6-7 09:04 PM

解釋唔到架!!要親身玩先感受到!

作者: tony999a 時間: 08-6-13 06:24 AM

有好多人叫過我玩，但當時仲鐘意打街機

作者: baby0121 時間: 08-6-13 04:01 PM

我第一隻online 都係玩龍族
我玩弓手@@" 只係記得=0=得d盜追到我其他追唔到好好玩@@:

作者: 小ChUn卍 時間: 08-6-15 02:19 PM

對你黎講覺得好係正常- -"
因為個個人既睇法唔通..

作者: marco55699 時間: 08-6-16 01:14 AM

龍族d畫面真係....

作者: 緋村點心 時間: 08-6-19 12:10 PM

突然間記起..

以宇宙和大風暴的艾德布洛伊之名@@

作者: 隨風.. 時間: 08-6-30 09:19 AM

我記得當年我小六個陣玩第一隻線上遊戲就係龍族
個陣時有個朋友帶我地升但係可能升到30幾lv有小小悶
就悶到係城到殺新手個陣時都唔知d警察同nk有咩用
就係個陣時殺死左個人有20幾nk就明白曬比玩家同差佬狂殺.......

而家諗返都覺得搞笑

作者: 〥不可思議〥 時間: 08-7-6 08:07 AM

小6 開始玩我人生既第一隻online game 龍族
點解會玩呢細過果陣係表姐屋企見到佢隻大法係到升lv 又5雷又火雞
覺得好正  因為我果時都唔知咩黎不過知道好鬼型
之後問阿媽囉錢走去買點數- -
玩左個幾月法師學到炎浪就無玩啦
之後中1 又玩返個法師練到學到火雞又無玩啦
到左中2  開左個弓手今次玩到個服汁粒為止
因為係game入面識左一大班fd  會長好人
我地要極石佢又幫我地打
要皮黎做文章又幫我地搞掂
真係好開心  一比人打即刻叫晒D fd黎圍  之後對面D人又吹晒雞咁
好鬼正
不過見住外掛既入侵
成個城都係  無神神升lv 無神神死
D police 係咁扣血果時真係吹到B一聲
結果個ser又無神神話唔收點啦
最後個ser無神神話汁粒- -"
中三時都有玩私服  4個ac 5轉  日日係西a pk
玩唔夠2個月又汁粒
唉  又有咁多服唔夠統一
搞到無得以前咁一齊吹水升lv

作者: kinskinskin 時間: 08-7-10 09:40 PM

中二開始玩..

玩到佢執前一兩個月~

玩完龍族 07年後其他game與垃圾無異...

無技術可言,只有金錢對比

作者: 蠍子獸→吼← 時間: 08-7-12 12:24 PM

唉....我小5見呀哥玩龍族.....個陣佢日日霸曬...我冇得玩的=,=""""(只有幾LV的賊仔)
到我大個D....有得玩個陣...中二到....真係好玩....一齊殺人一齊比人殺....
仲有係城到搵人隻秋....打得多識到好多人
其他GAME太悶了.....只有升LV同$$$

作者: kan勤 時間: 08-7-16 02:25 AM

我都係龍族人呀=]
其實我覺得低lv同舊版好玩好多
我玩果時係無水箱 , 無技能書, 乜都無
果時法師 + jc玩晒~_~
開wall可以出魔的法師@o@"
v1.4 之後既版本我都覺得唔太好玩
我係太拜 , 升到一轉既弓手
其實90 lv 果時都無乜心機升, 真係好累好累

作者: 滿漢全席 時間: 08-7-27 04:03 PM

打邊戰好好玩

依家d game 越黎越唔好玩,唔做銀彈戰士唔夠人玩

作者: 狗同鴨講 時間: 08-7-28 02:48 AM

如果龍族開番..再宣傳相信唔洗幾耐都會好似以前ge國戰..
e+玩c服..=.=個個都玩巫..賊..根本亂車電就死一件..
=.=但之前係..成堆人企上面..成堆係後面..好型架..
真係攻城feel..
慢慢覺得e+ d 垃圾game....
太悶..
我想玩番龍族..我唔要c服...

=.=我記得網龍..話佢汁粒個時..真係想xxxxxx
個個都唔捨得人..

=-=之後個時仲細..比人昆左ac..都勁想喊..
之後唔夠幾日之後話汁粒..
我真係覺得灰哂
仲諗住卷討重來
-.-太失望了

作者: 之風 時間: 08-8-16 01:32 PM

講返起龍族..我諗應該係我中學時期玩過既最好的一隻好game
諗返起..個陣成日同班fd一齊升..一齊pk超開心..
不過轉過幾次server..不過都玩得好開心..
最搞笑就係一次改板之後既冰洞搬左去中立區.
同成班fd去升lv同pk..(轉新server無耐的時候)
真係好開心囉..可惜..真係好可惜啦..

作者: pqmz123 時間: 08-8-18 05:30 PM

龍族國戰系統..
後來有鬼game follow到..

作者: kifung1210 時間: 08-8-19 12:01 AM

龍族本身真係好正...佢個pk系統very good
不過比外掛入侵無計la...

而家d game得個畫面好... 有d連畫面都廢
大部份系統勁廢...技能勁樣衰...一睇就知無放過心機
龍族畫面唔算靚...但技能夠多玩法多變化

仲有d唔知乜鬼野game...好似d小遊戲咁都可以叫online game
一係d game就出到百幾2百lv...封左頂佢又開高d 玩就只係為升lv
仲要而家搞埋哂d咩商城...好野咩都要比錢買
真係比月費仲好...人地外國做得好好地...黎到香港代理變哂廢game
要好似龍族既更加搵唔到

作者: ≧小輝≦ 時間: 08-8-20 03:19 PM

我第一隻ONLINE GAME都係龍族~
我仲其實我個陣同班FD去7仔買自由斟送既張碟
同埋我部電腦都係岩岩送過黎~
之後我咩斬唔識-,-就叫我個FD黎裝
裝左之後入到GAME先知道要AC~O~
我就跟住去整個AC
整完就雞咁腳入GAME玩@@
起初咩都唔識-,-係邙手訓練場打D牛羊雞同木升LV~打到十幾LV都仲打,.....
之後我又有個FD佢又玩~佢高我小小3十幾LV-,-
佢話打我升~我初頭以為又係打個D牛羊-,-...
點知佢教我出左個城之後仲帶我打半獸人@@真係升得幾快下
咁樣玩一玩都玩左成年幾~玩龍族既時間真係過得好快~~如果開番個香港服百幾蚊我都會比出黎玩~~
泰坦伊斯希凸nine (可能無咩人識我= =)

作者: 幻法=咸濕=青兒 時間: 08-9-4 03:13 AM 標題: 我的網遊日誌~龍族編

[ 本帖最後由幻法=咸濕=青兒於 2008-9-4 03:33 AM 編輯 ]

作者: 幻法=咸濕=青兒 時間: 08-9-4 03:58 AM

我都係玩龍族大架=口=...
個陣個個星期都有買龍周睇~~
重要每個星期都投稿去寫一大段文章拎點數~~
我好記得個陣每隔一兩期我就有點數拎..
個陣個主編重同我講..
青怡..你期期都寄黎我都唔知比唔比點數你好
但係你又期期都寫得咁好...
不如咁啦...我每隔兩三星期就登300點定150點比你...
其他期數我私人比你啦...
個陣真係好迷龍族...
因為玩龍族真係好好FEEL...
次次打PVP都會手震...
因為真係興奮到不能自拔....
重有就係個陣既一班網友...我第一次洛酒吧就係同龍族既人

作者: francohong 時間: 08-9-5 05:21 PM

哈哈,我都有玩過龍族
仲記得果時係我呀哥玩ga,
但佢要我幫手玩埋..

超記得每日晚飯果時我要極速食飯,
我同佢輪流升lv.
我食完就升,佢食完就升番...@@

屋企仲有幾本龍週同一本v1.0龍霸迷宮攻略本

作者: 『恆』 時間: 08-9-11 06:01 PM

原帖由 明珠930 於 2008-2-17 12:57 AM 發表
我自己覺得龍族雖然畫面唔靚
（最憎係d武器由1-50lv都一Q樣，件衫又唔係變得特別型）
但係系統真係彌補哂一切

大家記唔記得97年（好似）COCO曾經派過一次150點ge試玩點數
我追開COCO所以有玩，但係果陣又唔係太 ...

龍族香港ser 00-01個段時間先有架=_=..因為我好記得..個陣我係一邊金庸,一邊龍族

我最記得..死左冇人救既話,要慢慢飄番城打一大段字黎復活=口=..個陣我仲要"唔識打字".............

伊斯拜索斯祭師無情

[ 本帖最後由『恆』於 2008-9-11 06:02 PM 編輯 ]

作者: DIY 時間: 08-9-24 09:56 AM 標題: 我的第一隻網遊龍族

記得第一次接觸龍族係6年級@_@
有一次買自由針時,買左2杯送左隻龍族碟.......哈哈
第一次我唔知一開頭柬職業的...哈哈
柬左弓手,傻奸奸走去+左魔法師點之後有得用魔法好開心
升到30幾lv 學左招雷,升升下lv比人笑= =
弓手學魔法@_@ 中要主加魔法點
之後第2次重玩,今次叻左,都係做番弓手
升到50lv走得好快之後去orc度殺人...哈哈
到e家都好懷念^_^

雖然我無玩過國戰但都好懷念低lv時同朋友一齊升lv的日子
呢隻係我玩過最好的online game

現在都有玩國龍不過好象小了人玩

作者: 焰冰 時間: 08-9-24 04:22 PM

雖然我官服果時冇玩過
但係我玩私服真係好好玩
私服真係好正
又易升

作者: DIY 時間: 08-9-24 05:37 PM

原帖由焰冰於 2008-9-24 04:22 PM 發表
雖然我官服果時冇玩過
但係我玩私服真係好好玩
私服真係好正
又易升

你e家玩緊咩私服?

作者: 遊 時間: 08-9-26 01:44 AM

龍族正打雞打牛執野食填飽度--

作者: 小銓兄 時間: 08-10-2 02:28 PM

龍族都係我第一隻玩既game..由0.69開始玩,,未改版個時真係好多人,d怪又勁
其實汁左之後都有私服, 不過私服好短命,唯一長命的應該係坦龍.都算有少少官服的感覺.
我諗以前玩龍族d人都已經全部係成年人, 所以愈來愈少人認識呢隻game. 我覺得龍族需要更多的新血, 介紹俾多d人, 唔好俾隻咁好既game沒落.

作者: ashes 時間: 08-10-4 01:45 AM

而家d mmorpg game,隻隻都係魔獸甘,分別只有比魔獸差和更加差,pk都係企定定,禁1,2,3,4,5出技,冇得主動避招,如果唔係外掛,龍族今天應該還有官服吧...

作者: 魯恭 時間: 08-11-24 12:15 AM 標題: 我的第一隻網遊 --- 龍族

講真....到現在我都係覺得龍族係最好玩....
佢5個職業都有佢地唔同特別....轉職系統又多元化
邊境戰國戰好玩度唔洗多講丫~~~唔正點會晚晚10點鐘D人等開波
仲有隻GAME係有少少玩技巧...唔係盲目咁好打怪....
不過係衰後期加速器當道...同埋講求3D...所以先沒落

作者: L.D.K 時間: 08-11-27 06:55 PM

講番起龍族...都應該8年前玩的了
果時仲係0.6X
因為屋企冇電腦所以我都係去網吧玩
雖然我lv吾高但係同班fd一齊玩真係幾正
之後到改版同有外掛開始就冇玩lu....
憎屎d整外掛既人

作者: 27792473 時間: 08-12-29 10:47 PM

諗返起都好懷念
係小六玩果陣同一班fd一齊玩
(因為放學去7仔買野送左幾隻碟幾得意就成班一齊去玩一開始冇得上網係網吧玩用左好多錢~~" 玩到升中四就汁左lu...!)
日日周圍一齊升lv pk(圍歐

) 真係好爽
我果陣玩戰士玩到6xlv日日幫fd擋怪吸雷
係龍族打怪真係唔悶打打下有人黎踩場又有得pk
升到悶又可以去幽森開片真係好爽
邊戰國戰都係無得頂
PS:因為龍族e隻game搞到我以後玩game次次都係玩戰士先

作者: 呀Y!N 時間: 09-1-8 04:52 PM

我仲有好多龍週係到-0-"

作者: 臭俠 時間: 09-2-13 06:45 PM

做伊斯人..仲要一個孤獨既巫師
當低lv既時候自己一個練冥思...
就要copy一句野....
走到教堂 : 以紅色的玫瑰和正義的歐雷姆之名
> <復活了。
加速,隱形, 唸咒, 走到要殺既人.... 出技....紅紅既火雞飛出。。。

作者: 柏。victor 時間: 09-2-14 05:00 PM

龍族真係最好玩...總有無人玩緊龍族私服..
介紹我玩呀...最緊要多人^^

作者: au5352 時間: 09-2-20 04:16 PM

幾好玩架-.- e家要玩私服-.-

作者: 蠍子獸→吼← 時間: 09-2-21 10:03 PM

我第一隻都係呢龍族@@..
不過我算後期先玩...
記得個陣打邊戰...
有瑪瑙...
邊戰多人到見唔到自己...
死左之後一班鬼係到吹水...
好懷念...

作者: 炸旦 時間: 09-4-5 03:38 PM

龍族過左咁耐都仲大把人想玩返@@"...
點解果陣波波波唔做好d-.-...
我好記得0.69果陣係巨魔度一個五雷就成堆死屍
岩岩1.0果陣1張月費=3瑙 1瑙=4g1=.=...
好記得係1.0既時候太拜既無賴人上街示威-_-...而家仲有邊隻game可以咁?!
玩家會為左自己既權益企出黎
加上果陣龍族打擊外掛做得好好一開始連連點都可以停你7日先-___-"
由13歲玩呢隻game 到而家21歲...都仲未搵到任何一隻可以拍得住佢既game
不論3d定2d都好龍族既pvp系統同佢既吸引力都無隻game比得上

太拜 Joker~

作者: ashes 時間: 09-6-22 09:58 PM

呢隻都係我第一隻online game,當時我仲覺得操作好唔靈活,現在發現原來係最操作靈活既online game...而且估唔到係唯一一隻我覺得好玩,而且係最出色既online game~!

我初初唔鍾意佢唔係以玩家為中心既視點,後來發現用黎pk係好有用,人地睇唔到你時,你已經拉左個畫面過去睇到佢,又可以係人地唔為意時出招pk.
lolz!

[ 本帖最後由 ashes 於 2009-6-29 03:22 PM 編輯 ]

作者: djho 時間: 09-6-24 11:32 PM

都5明點解依家d game(2d)都冇一隻比得上龍族(個人覺得)

作者: GUS~XDXD 時間: 09-8-6 04:23 PM

龍族都係我第一隻玩既ONLINE GAME...
佢係我心目中真係有一種無法取代既感覺...
佢既SYSTEM, 真係咁多GAME, 就算玩到宜家, 都係最好, 最爽既一個..

AI....永遠懷念...XD
上面有巴打講起龍週...
到左今時今日邊度有隻ONLINE GAME可以自己獨立出到本GAME書。。。ＸＤ

作者: ≧小輝≦ 時間: 09-8-10 03:22 PM

真係好想龍族出番..
伊SER 伊斯/3\
名就唔講=.=

作者: 門徒 時間: 09-8-25 10:47 PM

係....真係想出龍族2 唔知會唔會出呢....出左應該都幾多人玩收費都唔緊要...因為呢家d game商城真係太呃錢...用月費打寶好過...

作者: wiwyzz 時間: 09-8-26 03:56 PM

我剩係記得後期我公會班人教我上168 之後dw外掛企掛升lv-.- 比我升左4隻5轉之後仲教埋我點樣copy
成身雙g5 同人pk,幾正

作者: djho 時間: 09-8-28 11:23 AM

咁多年..仲未有一隻game可以取代佢......除左畫面之外....好多game都幾乎無得比....第一次入game...就比佢果d神秘音樂吸引住....登入果時段音樂真係好正玩隻game亦逐漸令我成熟起來

作者: 門徒 時間: 09-8-29 02:16 PM

係....佢登入果時段音樂真係好正......會另係想快d入去玩

作者: yoareon9 時間: 09-8-30 11:19 PM

原帖由 wing穎x 於 2008-2-10 01:01 AM 發表
雖然龍族已經冇左好多年...
之後我亦都玩過無數隻online game
始終我對龍族都係果份感情係到

我自己當年係官服果陣時係龍族 - 龍霸迷宮v1.0玩伊ser 拜國...低lv果陣成日一大班人一齊升lv,一齊搶場pk,仲記得一齊 ...

好想再有一次超大型國戰<<---我估係第1隻online game整到大型戰
依家果d game無得比

作者: 邪丸 時間: 09-12-2 05:29 PM

我0.69 玩

泰伊~~

個時讀緊中二

真係好懷念~~~

開放轉職後泰伊第一個狼牙=V=

國戰真係大型國戰

幾百人

依家d olg冇得比~.~

作者: stevenctt93 時間: 10-1-17 11:10 AM

走街都可以打人幾正

作者: 寶貝豬 時間: 10-3-8 09:29 AM

我記得我玩龍族果時中一~宜家都2幾歲啦-3-
果時成日都唔願升lv~成日話悶~
玩左成4年到~先岩岩升做尋寶~俾d人話我萬年遊俠
諗返起~真係好開心~好想搵返以前玩龍族果d fd
但係應該都好難嫁啦/3\
如果記得我既add我傾下計丫^^
我係伊傑既Lucky^o^
咩公會就唔記得lu haha
不過宜家真係冇一隻online game可以同龍族比
龍族最好係武器同魔法冇分職業
我記得我弓手成日拎單手劍同盾係到玩
又學埋西洋劍果招唔記得劍與玫瑰定玫瑰與劍啦...超正>#<
d私服又成日汁
雖然私服升得快
我有隻學到吸血既聖弓手
又係勁正-3-一吸血加多箭-.-正
如果龍族出返~200蚊個月我都會玩嫁>3<
希望會出啦/3\

作者: 兔子` 時間: 10-3-10 01:02 AM

我真係好鍾意玩國戰系統既GAME

龍族 .__. 係最好既平面國戰GAME..
幸福.___. 係最好既回合制國戰GAME
FEZ.___. 最平衡既 3D 國戰GAME

魔力都好玩..不過冇國戰既=﹏=
原來我都玩過好多..

[ 本帖最後由兔子` 於 10-3-10 01:40 AM 編輯 ]

作者: chunlc 時間: 10-3-17 05:09 PM

正game一隻

作者: ashes 時間: 10-3-20 01:43 AM

最正玩家不會限死在畫面中心點,而係可以拉畫面.
好多時人地打緊怪,你就可以拉畫面去睇下人地做緊咩,跟著人地未見到你,你已經暗算左人先.

作者: cat001 時間: 10-3-21 06:54 PM

只想變木偶，跟娃娃環手。
當年唱k都特登搵呢隻哥來唱下@_@||
龍族pk系統真係空前絕後....
可惜外掛....連1千倍...1日5轉200技都要用外掛升=.=|||
官服 : 泰班拜索斯 - 貓貓DX(0.68開始玩既千年1轉巫 -__-)
私服 : 羽翼o貓o (貓之傳說[俗稱貓會= =||] 會長) 巫師魔法與戰技混用的一隻垃圾賊 =.=|||
後來開始研究開發龍族貓貓龍族總GM
連pvp分都開唔到出來(搞到我要手打上論壇 \口/) 加上外掛满天飛的垃圾server = =|||
我只係想要一個無外掛既龍族啫..............
呵呵..龍族永遠懷念你.......

[ 本帖最後由 cat001 於 10-3-21 06:55 PM 編輯 ]

作者: 火野亂太郎 時間: 10-4-27 10:38 AM

永遠對第一樣接觸既野係最難忘..同埋會有個情意結係度...
我十幾年黎都玩左無數咁多OLG...不過最愛始終係金庸-,-

作者: 巫比敵 時間: 10-5-10 11:38 PM

the power of light let me borrow your power
相信無人唔識呢句野~
真係唔識先開估
泰傑:TERRY80

小弟中2開始玩龍族,最初連香港都未出龍族既時候已經係台灣玩緊...
大大話話玩左3-4年了

[ 本帖最後由巫比敵於 10-5-10 11:39 PM 編輯 ]

作者: Hｅi 時間: 10-5-15 06:09 PM

懷念

作者: fatwai 時間: 10-8-12 09:42 PM

龍族係我第1隻online game
由0.68小龍包開始玩
最記得果陣大家都低lv~普遍得個10幾lv到
係ec主城到出現左幾個3x lv ga人
成個主城都俾佢地殺晒~真係超多鬼
最後~出現幾個4x lv的人~殺返佢地

歡迎光臨 2000FUN論壇 (https://www.2000fun.com/)