2000FUN論壇

標題: 有冇人可以教下我..我係小朋友1個-_____-" [打印本頁]

作者: LWAN 時間: 08-5-4 08:19 AM 標題: 有冇人可以教下我..我係小朋友1個-_____-"

我都知我講左一定比人話..但係都係想講下..睇下大家既睇法
我岩岩15歲-___-..跟我現在的女友也一起4個月了..我地有1個
好好好好天真既諗法..就系生bb..佢今年年抵17歲..我覺得17歲
就跟住我呢個"死o靚仔"1齊..值得咩..好老實..我生bb係因為鐘意
bb仔.(我知我咁講一定比人凸到上天花板= =..不過事實..我覺得
打得出黎就唔洗講大話)..而唔係鐘意到可以同佢長長久久..同佢
1齊..感覺好得意..比起之前果d女友感覺好唔同..同佢1齊好warm..
好有屋企人feel..我個人好炆果陣拎佢黎出氣..佢都可以唔介意..
仲話我頂得順w0r..你炆咪拎我黎出氣..聽完果刻就覺得好對佢唔住.
點解我可以咁衰..但係過左幾日..又舊病復發..我2月中到4月中呢段
時間.成日拎佢黎出氣..講分手..講真..連我都唔記得講過幾多次..次次
都係我開口..但係次次都佢會容忍我..我次次知道自己錯..say sorry果陣.
永遠聽到既..唔係佢d悔氣說話..而係冇所謂啦..你唔開心先系咁姐..冇野w0r.
我自問我屋企冇錢..我唔靚仔..可以話乜都冇..一個讀唔到書既社會寄生虫.
好聽d..咪等緊升ive中專..都唔明點解佢會對我不離不棄..同埋我份人都好衰格.
我成日都用小人之心"度"君子之腹..因為我覺得除左我屋企人對我..個個都係充滿
機心..呢個世界冇真心朋友..可能你會覺得我15歲呢個諗法係錯..但係我事實就係
咁諗..所以我真係唔知點解佢會對我咁好..我呢4個月黎..只有1個月係安份守己..
因為果陣番緊waiter..因為我親戚關係..14歲就可以番..做左個幾月..因為人手唔夠.
2個人要做4個人既野..人工又低..所以我就冇做lu..跟住就我就開始做埋d傷害我女友
既事..但係次次我都會同佢講..好似專燈要hurt佢咁..但係我只係唔想呃1個對我咁好既人..
跟住4月中果陣..我同佢講..我想生bb..我原來都係諗住..講下..佢一定會say no..點知.
佢話真係可以為我生1個bb..我當堂呆左..同埋我都好想早d生bb..組織1個家庭..bb有錢
養..但係一定要問我屋企人拎錢..我14歲到15歲呢1年已經冇問屋企人拎過錢(原因唔想講.d錢
點得黎都唔想睇..呢d唔係重要.s0rry).跟住到左10月..我開始冇再去搵錢.脫離左呢個圈子
.跟住12月抵番waiter..2月中又冇番.出得果3~4千蚊..係果陣我都好盡力克制自己洗錢..但係真係好大洗呀我
10月至到而家..我洗左5位數字..呢5位數字..全部玩.買衫..到而家洗到銀包得番千幾2千蚊-_-
過幾日要搵sal0n做..只係想專心番工等自己定性d..想草錢..同我女友生bb..唔知我呢個決定岩
唔岩..我同過我媽咪講..佢話..你都幾"精"..知道自己今時今日冇能力養..先黎生..不過我都有能
力養多個既..佢咁講仲坐長我呢個念頭..我唔知咁係唔係害左我女朋友..我諗左好多因素..
我都覺我自己係錯..但係我覺得有能力養得大bb..同比到足夠既生活我女友就0k..唔知你地覺得岩
唔岩..同埋我想請教下..點樣先可以對1個女仔..長情d..同埋唔會咁快悶= =..我真係好鐘意我女友.
但係有時都覺得同佢開始悶..想請教大家..唔好意思..讀得書小..可能你地唔明我講咩..但係我都係想
吐下苦水..唔好見怪..

[ 本帖最後由 LWAN 於 2008-5-4 08:22 AM 編輯 ]

作者: 一阿文一 時間: 08-5-4 11:18 AM

其實...你諗住生左先結婚定結左婚先生??

你無理由生完bb都唔結婚掛?

作者: LWAN 時間: 08-5-4 11:31 AM

原帖由 一阿文一 於 2008-5-4 11:18 AM 發表
其實...你諗住生左先結婚定結左婚先生??

你無理由生完bb都唔結婚掛?

如果事事順利..16歲..生完bb結

作者: yin0241 時間: 08-5-4 01:21 PM

要生bb就要有穩定既經濟基礎先得wor

作者: 四毛 時間: 08-5-4 01:50 PM

生bb唔係你諗得咁簡單,你唔好咁天真啦=.=

第一.雖然你話你女友好容忍你,但你自己咁既脾氣,佢忍到你幾耐?同埋大家後生,15同17歲,你覺得自己會對住彼此對方幾耐唔會散?識左4個月咋wo,生bb= =?你都識講你成日覺得佢悶,,散左之後真係生左bb,個bb點呀-.-?

第二.你自己得15歲,有冇經濟能力?挨到苦咩?又要讀書又要出黎做野,同埋你知唔知養一個bb要幾多錢同幾多精力?你都話自己大洗啦,你會唔會唔買衫唔買袋儲錢比bb做奶粉錢?你15歲你女友17歲,可以唔蒲唔玩有時間有耐性去養咩?養bb唔係一朝一夕既事,要放好多心機同時間。

第三.你想生bb冇問題,但係做野要諗下後果,唔係鍾意就去做咁簡單,我勸你真係大個d,等女友感情鞏固d,有左經濟能力先好諗,唔係真係害左個bb,同埋唔好諗住生個bb可以更加鞏固你地兩個之間既感情,生左bb你地一定仲多"x叫"。

第四.生個bb出黎比屋企人養,你生黎做咩?比d志氣啦,自己既仔自己養,ok?冇能力就等有能力個陣先生囉,你咁早生做咩呀?你驚你地有代溝呀?

我strongly 建議你諗都唔好諗=.=過多幾年先啦,15歲仔唔係應該諗呢d野,係諗下點讀好書搵返份好工做先岩

[ 本帖最後由四毛於 2008-5-4 01:54 PM 編輯 ]

作者: 九軒葵 時間: 08-5-4 06:03 PM

凡事三思而後行, 只要留番一步比自己, 決定事情時就好難有任何出錯
你地同居左未？
不如試下同居一年先？

作者: yipcf 時間: 08-5-4 07:11 PM

　養活一個嬰孩連一個成年人也只能勉強負擔，閣下只是少年，不能負擔，為何你在這沒作長遠考慮呢？十五歲，也只有暑期工的工作可以合符資格的，但無學歷的，很難在這生存，中五後做工人或廚師吧。

作者: 紫亞貓 時間: 08-5-4 07:17 PM

你女朋友係咪大你一年定兩年
我覺得四個月仲係熱戀期乜都話好.....係正常
BB你係負擔唔起你如果日後有四百萬你咪生囉你冇就咪生你冇謂害BB 同你女朋友啦
你有冇問你女友媽媽肯唔肯呀

清醒D啦

作者: 冷月明 時間: 08-5-4 08:25 PM

醒啦樓主"
雖然你媽媽話養多個唔係問題"
但係有冇諗過你女友既家人係點諗?人地又會唔會放人交個女俾你一世?
或者你人大左...你可能唔再鐘意呢個女友架啦!
你仲細..有冇諗過你生左bb之後..d街坊街理會點睇你?

你女友咁多次都體諒你...包容你...好好珍惜啦!
你女友大過你...我覺得冇問題"..我本人都試過同一個大我4年既姐姐行左半年!!

作者: hoho0304 時間: 08-5-4 09:59 PM

你....唔好話個個踩你事實係件事根本唔可行

15 17 學人生bb?=.= 正同樓上所講你2個都未玩夠生左出黎會唔會專心養佢都係問題

睇新聞都大把啦果d廿幾歲既阿媽夠膽死留d細路係屋企自己過大海我唔想遲下又多一單

你都係讀埋書出黎碌番幾年真係有經濟能力同個人成熟左先諗呢d野啦....

作者: pkssoneq 時間: 08-5-5 10:30 AM

對"
呢個社會太現實啦"
做同唸係唔成正比例嫁"
你唸係唸到好完善"
但有冇唸過中間出現意外"
你會點照顧個小朋友"
過多幾年再唸生bb呢個問題會好d"

作者: 冷月清風 時間: 08-5-5 10:53 AM

你生左就真係害左個bb....
冇野一定既不過9成9嚕

作者: hoho0304 時間: 08-5-5 10:50 PM

原帖由 Z31Allah 於 2008-5-5 11:20 AM 發表
No time to read, too much words.

咁你回黎做乜??-.- 呃post呢到出哂面

作者: 軒仔-鼬 時間: 08-5-5 11:44 PM

講真...如果我係你女朋友...真係分左手十年....
你有個咁好既女朋友就應該好好珍惜...
呢個社會冇咩嫁啦....第時比人搶左你就死
同埋呢..生bb唔係咁易既事黎
你鐘意還鐘意...16歲讀都味讀完就想生?
錢都冇個啦...奶粉錢..尿片錢右"灘"大手掌問老豆同呀媽拎?

作者: 神4～凌子峰 時間: 08-5-11 07:41 AM

樓主...唔識教就唔好生啦..
你會唔會想自己個仔係犯法底下既產物?
你講15歲既話...

青少年只係對性早熟....唔係對人對事早熟呀....
我21歲都未夠膽諗呢d野呀...唉...

作者: 外星光☆ 時間: 08-5-11 09:45 AM

哈哈樓主你清醒喇
16歲就結婚人地有錢佬個仔就係你係唔係丫?
我真係唔明你諗咩你阿媽仲好笑
你想一世搵幾千蚊養3個人就生喇 @@加油你媽會幫你養咖喇

作者: crayzdindin 時間: 08-5-11 11:30 AM

物競天擇
請問你現在有沒有某種優勢留給你下一代承繼和有沒有足夠智慧去教導你的下一代呢?
生小孩是要背負責任而不是貪得意,無謂累了他和自己
要生小孩的話,就先計劃好

樓主應該是天生就幸福開朗的小孩^^

[ 本帖最後由 crayzdindin 於 2008-5-11 06:09 PM 編輯 ]

作者: 好野wo我 時間: 08-5-12 09:02 PM

你地e加只係15,17,好難決定到一生ge,你e加e個時候擔心的是→→讀書

作者: playboy^.^ 時間: 08-5-13 01:49 AM

你2個16歲同佢做愛做到有左咪有,做唔到咪無,做到bb咪娶佢囉

作者: .逍遙俠. 時間: 08-5-13 05:22 PM

唔係話要話你 d 咩 ..
想生 bb .. 因為你鐘意細路仔 .. 唔出奇 ..
但唔係呢呢個年紀 lor ..
姐係唔係話唔睇好你地冇結果同埋冇將來 .. 但真係機會細 ..
不如你而家盡力去維繫好段感情好過諗埋呢 d 咁唔實際既野啦 ..

作者: 子鶩－水之魂 時間: 08-5-13 08:15 PM

1. 經濟能力
2. 一世既責任
3. 一條人命三個命運
4. 你醒未?

讀完書搵到份有咁上下收入既工先講生bb啦*vv*

如果果時你交唔出奶粉錢,,你估你女朋友會唔會走佬呢?

你未讀完書,,你估你搵唔搵到份咁上下收入既工呢~

就算比你搵到份工,,,你願意付出一生,,,打一份低收入又辛苦既苦力工嗎??

你估你女朋友會跟住你一齊捱落去嗎??

人一生有好多可能性,,,,,就係因為太多可能性,,,,,所以唔好太衝動

但係如果你做左,,,,,都唔可以有半點後悔,,,

因為係你一手把"他"帶來呢個世界

作者: qwerts 時間: 08-5-15 12:26 AM

如果個女仔真心愛你..而你又唔係玩玩下
搵個好工作.....存下錢....再組職個小家庭la
但係....會唔會太細個呢?
我細過你...但就連拖就未想拍過...怕自己玩玩下...中意e個又中意第二個
我試過搵e個話題黎同fd傾
大多數總結係:存多d錢...成熟d先做e d事....廢時搞到食軟飯

作者: 祥仔。藍天 時間: 08-5-15 07:30 PM

你睇過14歲的媽媽你就明白= =.........唉

作者: 夢雲 時間: 08-5-22 02:12 AM

你覺得bb仔得意所以想生個bb
但係如果佢第時唔聽話../你有野唔開心既時候 .你又會唔會拎佢來出氣?

第2 你都話自己大洗有左bb樣樣都係錢自己果份都頂唔住何況係人地?
如果你女友要做野又冇人睇個bb
如果你女友要讀書你地經濟方面一定有好大困難
真係一家三口既時候冇理由仲要問屋企人拎錢掛 ?
還是係番屋企人度'寄居'?

第3 生得bb就要負責任要同你e家既女友一生一世....你稔清楚未又準備好未?

第4 你都話好多次都同女友發老脾
佢忍得你一時唔忍得你d無謂晦氣一世有冇稔過點樣1尊重番對方
hurt完人唔係講句sorry就會冇事lo...

你e家仲咁細個....有d野唔好因為一時衝動做左一個令你一世後悔既決定
同埋你女友真係好鐘意你..珍惜吧

作者: 雪菜肉絲米 時間: 08-5-23 10:20 PM

你幾天真下喎.....你知唔知依個世界幾現實??

作者: xxyanlixx 時間: 08-5-24 01:28 AM

想當年我15歲,
都係邊個都唔信 -.-
不過好在阿媽細個時管得好,
乜q都唔買,
所以都唔算太寵壞.

樓主呀樓主,
要講既樓上全部講哂,
我地都係成年人,
聽我地講啦,
真係唔好生,
睇多幾年人世先下決定未遲,
你問你老豆老毋識咗幾耐先結婚,
幾耐之後先生仔?
4個月係你眼中可能好長,
但你愈大時間就會過得愈快,
只有時間先可以考驗到一段感情有幾鞏固,
唔好做一個你會後悔既決定,
冇謂害咗另一條小生命,
知冇?

作者: 太守 時間: 08-5-24 08:35 AM

好坦白講..睇左你成篇野...
我覺得你而家得個16歲,,生bb?即使你到20歲""我個人覺得都未係時候囉..
你工又番唔長,又捱唔到苦...無錯..我會睇到你有個動機...
但係你一唔開心就搵女朋友黎出氣...呢個行徑已經顯得你未夠能力去接受bb..
皆因...你唔開心...唔係搵老婆...係搵bb黎出氣...咁味更加衰...
其實你呢個年齡拍拖係學習點樣同異性相處...我勸你打消呢個念頭...
但係你2個如果真係真心相愛....那麼不如向對方作一個承諾囉..
譬如25歲...要儲到幾多錢""先結婚,生bb...咁樣唔係更好咩?.?

作者: 紅茶 時間: 08-5-24 03:48 PM

一個小朋友生一個小朋友
你打電話去電台問下d DJ點做吧
我諗佢地好快就會點醒你

作者: 大魔女 時間: 08-5-24 10:39 PM

等你大個先啦....如果唔係害左bb嫁咋

作者: TiN洛 時間: 08-5-25 02:57 AM

生唔係問題
有冇經濟能力同時間照顧個bb丫- -?

作者: Opoo 時間: 08-5-27 01:09 PM

其實幾多歲生都冇問題(理論上...)
好似童話故事咁,生左件,以後Happy Ending快樂地活到永遠就當然最好...老實講...有邊個唔恨D咁既生活?
但係回到現實...佢地過咁美滿生活既代價係...?
事實上,係搵食艱難...
你想生BB...係你想生BB...你因為你想...
想...個個人都會...我想發達...我想住大屋...
問題係:我點樣達到呢D目的?同埋我負擔既代價...
小朋友既人,同成熟既人,最大分別在於考慮後果,同埋獨立思考後果既能力...
以樓主你為例(絕無攻擊意味!),你話你想生一個小朋友...
我個人本為中立...但當你提到其實你連自己/你伴侶(不論經濟能力,同處理個人情緒上)都未能完全照顧周全;掌握/達到一定程度既情緒控制...)...我非常保留你應該生子...
道歉...真係唔會有太大幫助...事後既補究的確係有必要...但係如果每一件事,事前去考慮清楚,先再去行動,會唔會更好...事後永遠都係事後...
況且,你要考慮,一個小朋友,你唔可以期望佢永遠都會原諒你:突然有脾氣;人生路上唔如意要搵人發洩...如果佢可以體諒你...咁到時,又邊個先係小朋友?

畢竟,生小朋友,除左養,仲要教...你養佢,捱到"火大燥底""要搵人發洩"...咁仲點教佢?你要付出比搵食一樣,甚至更多既時間,精力,耐性,去編寫你呢張白紙...除非你只係希望:我淨係負責生..."教"呢家野留俾第二個...咁我個人就更加反對你生...
生活/打滾愈耐,人就愈會有所顧忌...呢個就係點解話人"小朋友""成熟"既最大分裂點...
當你打從心底愈黎愈覺得生小朋友既負擔十分地大...你就"大"...但係你都會愈黎愈唔"想"生小朋友...

作者: 小草蛋 時間: 08-5-27 02:07 PM

15歲生bb?
做人爸爸?! 呢個念法太天真啦`

你覺得一家3口可以單單靠你穩得果幾千文就生活到?!

做得人爸爸就要系一家之主... 要對老婆.bb 負責任ga!! 唔系自己話想點就點...

你甘細個.. 錢?!　呢個系個好現實既問題= = 冇錢..真系要餓死老婆仔女 '溫'嗅屋?!

你都15歲啦 , 自己都有個腦識念啦..

作者: 乂淼淼乂 時間: 08-5-28 09:14 PM

真係非常之好! good

作者: 世外~綾 時間: 08-5-30 02:52 AM

樓主, 我想講的樓上都差不多多講晒了。
不過我可以分享一個真人真事你知。

我有一個女性朋友, 係我中學同學, 仲要係好fd的。當年佢21歲。
佢突然同我地講要結婚。佢一直沒有講佢有拍拖。
佢叫我地做姐妹, 我有問個女仔一個問題。你想清楚未??
佢當時同我講佢話佢好清楚自己做緊咩。
但我對佢就非常擔心。因為佢同佢男朋友只係識左一年。
而且佢男友係一個愛玩的人。

好啦, 在她結婚當日我先知我呢位朋友係大左肚結婚。又係佢老公講一句"有左就結婚啦"
可惜, 個男方結左婚依然成日掛住去玩。 bb及老婆都係男方家人去照顧。
bb生病, 老婆打電話叫佢回家幫手都沒有理。

相信大家都估到個結局係點。女方忍左5年, 最後分開收場。
可憐的不是男or 女方。係bb。好彩的是男方家人有能力去養。
bb現在係由爺爺及奶奶揍。由姑姐教讀書。
女方由於經濟能力問題沒有可能拎番自己養。
男方亦沒有理對小朋友, 依然去玩, 依然去溝女。

但呢件事中, 男女方都唔覺後悔, 不過我就為小朋友而感到可憐。
男方同女方為左一己私慾, 害了的不只是小朋友, 係仲有佢地的家人。

樓主呢個係真人真事。你想下你自己可以為你的女朋友及你的小朋友付出幾多, 才去想你係唔係要生bb。

如果你覺得你自己係同我朋友的前度老公一樣, 就請你放過你的家人及你的女朋友。

p.s.:我同我男友住埋快9年都唔敢想生bb。生容易, 養太難。

作者: 醉夢月 時間: 08-5-31 06:53 AM

睇定d先啦後生仔我自問人工萬幾兩萬都叫ok 屋企有d錢都唔夠彊話生bb=.=
我自問經濟唔夠ok 人未夠定性唔通打算叫屋企人幫你養咩....=.=

[ 本帖最後由醉夢月於 2008-5-31 06:55 AM 編輯 ]

作者: frankie0410 時間: 08-6-4 09:48 PM

冇可能/....女方家人一定反對.....生左既話.你兩個以後既路就慘慘慘

作者: 神3強仔 時間: 08-6-9 09:47 AM

你想扑野咋

你有錢生咩都得

作者: 帳戶被盜用 時間: 08-6-9 10:40 AM

無奈中..................

作者: gn746230 時間: 08-6-9 01:44 PM

佢想開個ｐｏｓｔ比自己條女睇有幾愛佢～

從另一面睇～

都幾有計劃架喎

作者: 吞食貝貝 時間: 08-6-12 01:38 AM

原帖由 LWAN 於 2008-5-4 08:19 AM 發表
我都知我講左一定比人話..但係都係想講下..睇下大家既睇法
我岩岩15歲-___-..跟我現在的女友也一起4個月了..我地有1個
好好好好天真既諗法..就系生bb..佢今年年抵17歲..我覺得17歲
就跟住我呢個"死o靚仔"1齊..值得 ...

睇完少少已經唔想睇落去,一來太長,二來離譜,只睇左d重點

第1,你唔岩有BB,唔好害下一代
第2,你唔岩有BB,唔好害下一代
第3,你唔岩有BB,唔好害下一代
(下省一萬次)

1來你無能力養
　→ 你認為養小朋友要幾錢?加上你大洗
2來你無能力教
　→ 你自己都未管得惦
3來你無時間理
　→ 你無學歷去返工,你認為有幾多時間理BB
4來你無能力理
　→ 你連自制能力都無,EQ又低
5來你無準備過
　→ 生一個BB,要準備幾多你知道嗎?生理心理物質精神時間等等...
6來你無責任感
　→ 辛苦就唔做?養小朋友係一生的工作,辛苦百倍,不能放棄
7來你無成熟既思想
　→ 咩叫社會寄生蟲?呢D係自暴自棄...反省無用,要附之行動
8來你無成熟既行為
　→ 小朋友唔乖你打佢??
9來你乜都無,你有咩資格生BB??你無權害下一代!!你朋咩認為養得起一個人
　你什麼連點做一個人都未知,你自己算係咩??算係一個人咩??
10...我10萬分誠意話你知,真係唔好生BB,你自己死就好,唔好害人!!

作者: 02306 時間: 08-6-14 06:46 PM

首先我真係好想凸到你上天花板．．
之後我話比你聽
除非你有
１．經濟能力
２．可以擔起一頭家的心
３．有一定的時間去照顧別人
４．有一份對孩子應有的愛心
５．足夠的容忍度
６．不會忽然放棄的心

咁你就可以生ＢＢ　ｌａ

當然．．．．最緊要係你先要成年

作者: 小娃;) 時間: 08-6-14 08:33 PM

佢開個POST開足甘耐比人罵甘耐..'
笑左@0@"

＃４０個個都講得好岩~'
得15歲..自己都養吾掂..點生阿?!
你以為15歲有乜人工高既工你做?!
最多咪飲食..' 得3-4千蚊'
你咪累死你條女啦..自私鬼=]

作者: [愛不''﹏冰 時間: 08-6-15 03:56 AM

原帖由 吞食貝貝 於 2008-6-12 01:38 AM 發表

睇完少少已經唔想睇落去,一來太長,二來離譜,只睇左d重點

第1,你唔岩有BB,唔好害下一代
第2,你唔岩有BB,唔好害下一代
第3,你唔岩有BB,唔好害下一代
(下省一萬次)

1來你無能力養
　→ 你認為養小朋友要幾錢 ...

完全同意你講ge野
我對呢位小朋友不予置評=]
太天真喇..小朋友
我係你女友!?一早走左
邊可能對自己女友有機心?
邊可以咁對自己女友?
15歲生BB?
bb係得意呀你搞得掂咩?
你自己都未搞得掂呀
14~15歲唔得問呀媽拎錢??
識搵錢??賣丸仔!!?
做waiter你都嚴辛苦呀
你一個冇知識做得d咩?
唔係做呢d你想做邊d?
做m記都要識英文喇
唔係做泥工咪偷笑囉
老實講唔讀書就係咁嫁喇!!
你自己做ge接住你ge人生
唔好講話生bb
你計你自己都未養得起
你邊度有錢黎養你女友??
仲話要生??
結婚呢???
邊度黎錢??
就算最平平平ge旅行結婚
你女友肯佢老豆老媽子都唔肯喇
用下腦喇小朋友

作者: zx19891023 時間: 08-6-16 07:51 PM

第一句就想講...你好傻...好天真
第一你已經唔係小朋友,15歲已經算係一個青少年,諗野大個d
3千4千,唔好話養bb,你自己都養唔掂啦
你知唔知養一個bb要諗幾多野呀,宜家唔係叫你養魚呀
寵物廣告都有叫你停一停諗一諗啦,首先bb岩岩出生,要打呢樣針果樣針
,奶粉尿片錢,大d又要讀幼稚園,你話如果你養bb要你屋企人俾錢,
你唔會覺得唔好意思嫁??

你話你做waiter做得好辛苦,同你講呀,冇學識
再辛苦,再污遭都有得你做呀,你宜家好衝動去想養bb,你第時會後悔
你諗清楚啦??就算係成年人都唔會輕易去生育,何況你呢,呢d野要好好計劃嫁??
就當你屋企有錢,你用home錢養bb你都唔好意思啦,講就講完啦,你好好
諗清楚啦,不過我都睇得出你係真心鍾意你女朋友ge,你女朋友又咁就你,你地不
如過多七八年先諗呢d野,當係考驗你地ge感情又好,俾你地一個機會考慮清楚又好,
重之唔好咁快決定

[ 本帖最後由 zx19891023 於 2008-6-16 08:19 PM 編輯 ]

作者: ★明★ 時間: 08-6-17 10:51 PM

原帖由 LWAN 於 2008-5-4 08:19 AM 發表
我都知我講左一定比人話..但係都係想講下..睇下大家既睇法
我岩岩15歲-___-..跟我現在的女友也一起4個月了..我地有1個
好好好好天真既諗法..就系生bb..佢今年年抵17歲..我覺得17歲
就跟住我呢個"死o靚仔"1齊..值得 ...

有D身同感受......

作者: ★明★ 時間: 08-6-17 10:53 PM

原帖由 小草蛋 於 2008-5-27 02:07 PM 發表
15歲生bb?
做人爸爸?! 呢個念法太天真啦`

你覺得一家3口可以單單靠你穩得果幾千文就生活到?!

做得人爸爸就要系一家之主... 要對老婆.bb 負責任ga!! 唔系自己話想點就點...

你甘細個.. 錢?!　呢個系個好 ...

一個有本心既男人先會感諗既姐...無話想點就點...想就做架喇!!!!!

作者: 星莎物語 時間: 08-6-21 09:28 AM

基本上面都講哂~

發下夢諗下就無所謂~
因為bb得意所以想生....你講下好啦囧
你唔會真係諗住靠你媽媽養哂你地"一家三口"嗎...?
係男人就唔好靠呀媽....
你呀媽唔可以養你一世
而且我唔覺得你女朋友既家人會把你女朋友交比你"照顧"
起你未實現你bb大計之前應該有更多問題
我睇你都係過左你女朋友家人果關先講~

李麗珊 : 養大一個小朋友要400萬!!

作者: Anhaltdessa 時間: 08-6-23 08:10 PM

樓主給你一個忠告:
好多生活上既野要親身經歷過先知驚..
如果你想以身作則你會後悔.

作者: 000000000 時間: 08-6-25 05:39 PM

例如:你有能力買左架車,但入油要問其他人拎錢入!一樣道理

作者: lester9320 時間: 08-6-26 07:50 PM

兄弟

積極一點學習吧
你既目標係一擁有生活既基礎
咁樣先可以同你老婆同bb開開心心一齊
珍惜你身邊的人吧..尢其那個喜歡你的人(好似好行xD)
這是很難得的~
我想有一個咁既女仔都冇

我都係15歲的..希望你同意我講法

[ 本帖最後由 lester9320 於 2008-6-26 07:53 PM 編輯 ]

作者: kenjaywong 時間: 08-6-27 03:31 PM

15歲諗d既真係夢幻生乜鬼BB 結乜婚 15歲就讀好d書出泥做野幾撚多野煩唔好講到咁輕鬆諗到咁完美

歡迎光臨 2000FUN論壇 (https://www.2000fun.com/)