2000FUN論壇

標題: 心痛﹏吸取經驗吧..（10月1日更新板)完結啦 [打印本頁]

作者: pkpalk 時間: 08-5-20 11:55 AM 標題: 心痛﹏吸取經驗吧..（10月1日更新板)完結啦

人物:

(1)第一任女朋友﹏A

(2)過渡者﹏B

(3)好朋友毛毛﹏C

琴日..女朋友返黎第一句係..有野要見面講..

大家可能以為冇咩大不了..

但我明白..我地一般都冇咩所謂..咁重要..一定好大件事..

結果..真係..分手..

大家覺得..分手呢種post見怪不怪..

但..我都只係想以一個剛剛分左手唔夠一個鍾既人...講兩句..呃下post姐..

佢話分手既原因係..

我脾氣太差..(我覺得我平時因為打機而唔理佢都係重點..)

唉..後悔又好..點都好..我都清楚知道..冇咩機會返轉頭架啦..

但我真係想講幾句心底話..希望大家俾小小心機睇下..qq..

講真..我係第一次拍拖..我都明白..第一次拍拖係最深刻..

講分手果一刻..我笑左..我哭左..但我冇嬲..咩感覺都冇晒

當你深深咁愛上一個人..知道佢對你唔會玩玩下..

當佢提出分手果一刻..

你只會怪自己..怪自己既過錯..怪自己點解唔早d發覺..等分手果一刻先...唉

我衰在太2發脾氣同冇理會佢既感受(對朋友反而係好好先生)

分手後

見到所有既野都諗起佢..

唉..個心痛到...

到處都係同佢一齊既回憶..

勇敢面對..但仲未接受到..

已更新

呢排日日睇書　日日返工

諗通左

其實分手之不過係我人生中既其中一站

神係公平既

雖然我同佢唔可以走到人生既盡頭

但　我從佢身上學識左好多好多野

珍惜　自己性格既缺點　應該多重視身邊既人　重有美好既回憶（無論係開心定係傷痛）

了解同明白係唔同

了解﹏之不過係知道呢樣野係咩

但　明白﹏卻要經過深深既體會

其實要明白唔難　重點係　當你失去　你才會學識珍惜

就好似你地既父母　每日見到　你會覺得理所當然　但當你父母離去　你才會後悔　因為你冇珍惜

當你做晒你應做既事　但結果都係分手

你唔再會後悔　你更加唔應該後悔　因為唔識珍惜既係對方　而唔係你　因為最先提出分手既　才是最先失去幸福既人

神之所以安排你地分手　係希望你學會珍惜其他你更應該珍惜既人　如父母　兄弟　你未來既另一半

睇到有句+想送俾大家

時間可以沖淡一切?不,事實上時間並不能改變什麼,會把事件淡忘那是因為你變了。

你成長了,以更成熟既眼光回顧返件事,你可能唔再為果件事煩惱,因為你已蛻變了。

以上呢句我諗幫到好多會員明白點解有d人分手後幾年都依然唔開心因為依家冇去面對果件事一直逃避

6月23日更新

^^原來直到今時今日..發現依然深深咁愛著她..

我願意同佢做朋友..但無奈一直都改變唔到自己..太愛佢啦..唉..

一定會搵到個比她更好既人..冇錯..但我認為佢就係佢..佢係我心目中係最特別的..我唔想囉女朋友做比較..因為我鍾意既佢地既人..而唔係佢地既性格,,特質

最近我開始拍拖啦^^...一個同佢完全相反既女仔..我地之間最大問題係好難溝通..同其他朋友..我未試過有咁大代溝.

佢好鍾意同我傾計..但我地次次都冇野講..唉..唔明點解佢仲要鍾意我..

因為我試過好多方法都改善唔到..所以我放棄啦..

呢幾日..好似有d進展..發現自己好想見佢..好想同佢傾計..好想聽佢把聲..開始掛住佢..

但..個天總係鍾意玩我..

原來佢有左bb= =..係之前果個男仔既bb...

我o左嘴...但我更加唔明點解我自己可以咁理性咁幫佢諗方法去解決..

因為你鍾意一個人..你就冇可能咁冷靜..聽到自己鍾意既人有左之前既人既bb..唔多唔小都會介意..

但我冇= =..一d都冇...可怕..怕既唔係佢有bb呢件事..而係諗緊自己係咪真心鍾意呢個女仔..

苦惱...

7月20日

肯定左..之前果個女朋友唔會再同我一齊..

而且..經過2個月黎既相處同交流...

發現依家新既果個女朋友係真心鍾意我既..(70%肯定)

呢個post其實我覺得大家都有感想感受..

好開心..不但可以分享自己既故事..

而且可以引起大家既共識..對我黎講..係呢個月黎最開心既事..

(=口=)所講既成日沈溺係痛苦既回憶度,冇人同情既..苦苦痴纏最令人倒胃..

我認為幾有意思..但問題係..如果你真心咁愛一個人..好難一時三刻抽返個身出黎...無論你幾叻..都需要時間去面對..去接受..

我諗身邊既人的支持很重要...只要可以度過呢個難關..人就會長大..

當然每個人愛既情度都唔同..時間都會因此而改變..

就好似我咁..我身邊每一個地方都有我同佢既回憶..

2個月啦..只可以由愛變成鍾意..

我試過..去望佢..

我...我心跳加速..而且面紅..=.=靠..好似暗戀咁..但明明我地拍過拖..奇怪=.=...

而且..提醒返大家...

初戀之後..好多人(包括我)都係想收埋自己既感情..

對之後既戀情都唔再真心咁去愛對方..怕受傷..

但..有個女仔話我知...

如果你因為一次傷而去對以後既戀情都怕呢樣果樣..到頭黎一樣會受傷..

因為跟住既呢個可能就係你所搵既人..可能因為你怕受傷而失去左佢..

所以佢教我..一係唔拍拖..一係就全心全意咁去愛對方..唔好計教後果..只要自己有試過..做過..

就算分手..都唔會有怪自己既理由..

會員們..同意麼..?

佢仲有幾句..我覺得好正..分享俾大家..

我愛你不是因為你是誰﹏而是我在你面前可以是誰

那人不是你所想的去愛你﹏但並不代表他不是不全心全意地愛你

在這世界你可以是某人﹏但在你在某人心中可能就係整個世界

不要因分開而哭﹏要因曾愛過而笑

分手後不可以做朋友，因為彼此傷害過；不可以做敵人，因為彼此深愛過。所以我們變成了最熟悉的陌生人。

如果，不幸福，如果，不快樂，那就放手吧；如果，捨不得、放不下，那就痛苦吧。

你走了，帶著我全部的愛走了，只是一句分手。我忍著眼淚看著你的背影，好想最後再抱你一次，好想再對你說一次“我愛你”。 (當我分手果陣..我最想講呢句)

1分鍾可以識一個人..1個鍾可以愛上一個人..但忘記一個人卻要一生一世..(同意..真心愛既話)

唔錯吧﹏

大家好啊..又係我啊-3-"

知道呢個post有好多人欣賞同支持...感覺一流~~~

正如大家所講..我已經搵到個我鍾意既人...

但..我都想同大家講..依家我鍾意既人住係大陸..姐係所謂既異地戀..又一件難事

介紹一下佢吧..

佢叫毛毛..細我一歲..佢屋企都算ok有錢啦..佢既性格..只可以用單純同細路黎形容...but..補充一點..佢肯為我而努力..而去改善自己﹏!

我同佢之間冇咩太大問題,,但..最大問題出現係佢屋企果邊..佢父母之前同我講..唔俾我地拍拖...搞到好麻煩..但後來先知..佢屋企人希望佢讀好書先拍拖..而唔係我個人既問題..

依家我地間中都有傾e-mail..而我地雖然答應左佢老豆..唔會拍拖..但..我地依然保持曖昧關係..因為..我同佢都希望會有將來..

同時..依家我已經出黎工作啦..正式開始為未來而努力..

又係廢話時間啦...

當你搵到一個肯同你面對將來..肯同你一齊努力既人...咁..你更應該去珍惜同愛對方..

無論之間有幾大距離..都唔應該放手..

就好似我咁..我愛佢..但我唔可以照顧佢...我想同佢一齊努力..卻不能相見..(無形壓力﹏好大)

大家覺得我地好似好慘..?不..因為我知道每個人都有自己既苦...既然佢唔可以係我身邊..咁更應努力工作..將所有想佢既時間變做工作..

呢個世界上...有人肯為你而努力係一件好值得開心既事..

我一直都認為..有個理解你..愛你既人..係好暖心既一件事..

佢好忙..所以唔好話見..連傾電話既時間都唔多..

反而令我更珍惜佢..更掛住佢...因為我知道..我地之間多一秒..得一秒..

有好多野大家都知..但做呢..好難..

但..目標係好重要架..如果你定左目標..要實行..會比你只想努力..更實際..更實用

結束呢個post啦﹏

應該再打多一兩次..我就可以清楚咁為呢段感情寫上句號..

我再一次失敗啦..就因為我既好朋友講左d我冇諗過既事..而令我回想返a..

好開心可以知道自己錯既地方..但同時好恨自己..點解會犯錯..

可能今生今世..我都係最愛a呢個人..但..我記得有人講過

人一生會搵到3個人..

第一..係自己最鍾意既人

第二..係最愛自己既人..

第三...係你既老婆..但佢只係....在最適合既時間出現既人...

放心..呢3個人有可能係同一個人...但機會好低...

而我已經搵到第一個人..跟住落黎就要等啦..

當初...我同a講過..我今生最愛係佢..佢唔信..因為世事會變..但佢唔知..我決定左就好難會變..

我同a講過..我希望同佢一生一世..但佢唔信..因為我仲未出黎工作...但..我釧認為..只要你肯陪住我..咩苦我都願意為你去捱..

我同a講過..無論佢做咩我都會支持..但佢更需要一個可以幫佢解決問題既人..但我真係無能為力..因為我自己都有問題未解決..而且事關重大..我唔希望自己會亂俾意見..以為解決問題..點知俞搞俞大...錯就錯在自己能力不足..

當我想講好多好多句我愛你..你卻離我而去...

當日你同我講..我地有好重要既事要傾...我緊張左一晚..最後決定..無論你屋企有咩大事..我都可以同你結婚..有咩事..我幫你解決,,

但..結果係..我地要分手...果一刻..我之所以無晒表情...係因為我唔知我可以點做..

呢一世我都咁支持你既決定...但果一刻,,我真係好想同你一齊..點解..點解要咁做..

後來你同我講,,你對我已經心死..

我個心真係好難受..但我知道..對我黎講..係好事..唔會令自己以為仲有希望而再次失望..

今時今日..仲有朋友同我講..不如你試下去追返佢啦...

但我真係做唔到..我太愛佢啦..比起其他人...我更唔起多一次既傷害...

不如退而求其次...做佢身邊既好朋友算啦...只要佢幸福..開心..就夠啦..

雖然過左4個月..雖然其間哭左好多好多次..

但打打下字...自己依然係咁冇用..依然係哭左..個心依然係好痛...好痛..

係呢到打埋最後一次...我諗...我唔會再更新架啦...

我真係好愛好愛你..為左你可以做好多野...結婚對我黎講..唔係一種負擔..而係我可以真正照顧你既開始..

我唔會後悔愛過你..更希望你真係會搵到個比我更愛你..更識照顧你既人..

當時你同我講..你願意離開...當我搵到個比你更好既女仔..我當時講過我唔會搵到個比你更好既人...

唔係因為佢地既性格唔夠你好..只係我真正想愛既人..係你...其他女仔幾好都冇用..係我眼中..佢地冇得同你比..

但結果你真係離開左..係因為我地相處唔夠你想像中的好..

可能你既離開..可以令我更識珍惜身邊既一切..而我係呢段期間,,,真係學識左好多好多新野...

但..我都希望呢d事冇變過..我地依然一齊..我依然可以親手帶給你幸福..

最後一次...我愛你..但願你會過得比之前更幸福..[/

珍惜眼前人..

不知不覺間..呢到變成了我回憶的地方..

一直都希望改變..卻害怕改變..

原來有樣野係真的..

當你認識愈多..你便有種..自己很無知的想法..

依家既我..覺得對愛..係一無所知..

曾幾何時..我封閉了自己..

一年來..轉了很多份工作..為的就是更了解自己..更了解這社會..

轉返主題..係一個月之前..我做左一個決定..

我要忘記啊a..所有同佢有關既野..我都破壞了..

與她做一對最熟識的陌生人

很多人都認為我不夠成熟..

我也不想解釋太多..因為..真正的理由..我最清楚..我知道自己在做什麼

無時無刻..我都想起我跟她的往事..

但我認為..這是提醒..提醒我自己到底做錯了什麼..要進步啊..

[ 本帖最後由 pkpalk 於 2009-6-10 09:38 AM 編輯 ]

作者: 阿霖 時間: 08-5-20 01:01 PM

我覺得我平時因為打機而唔理佢都係重點..)

咁咪打小d機
我諗你都會覺得女朋友緊要d

作者: alex2002man 時間: 08-5-20 01:42 PM

一定無我份~因為我對我鍾意既人係隨傳隨到架........24小時唔熄電話....呵呵~唔打機既我......

作者: pkpalk 時間: 08-5-20 04:21 PM

原帖由 alex2002man 於 2008-5-20 01:42 PM 發表
一定無我份~因為我對我鍾意既人係隨傳隨到架........24小時唔熄電話....呵呵~唔打機既我......

仲要留意自己既脾氣..

唉..早知如此..何必當初..

相當後悔的說..

原帖由阿霖於 2008-5-20 01:01 PM 發表
我覺得我平時因為打機而唔理佢都係重點..)

咁咪打小d機
我諗你都會覺得女朋友緊要d

係..但果陣佢次次都話..你打機啦..我睇電視..

我咪冇理o..依家諗返...唉...原來佢係扮..

算啦...心幾痛都補唔返

作者: 虎痴恩 時間: 08-5-20 04:54 PM

有冇試過挽救呀?
你都唔好太過自責....
你女朋友都冇同你講過佢真正既感受...

所以話呢,
幾時最重要都係雙方既溝通

作者: alvin634192 時間: 08-5-20 06:49 PM

如果我可以一早睇倒你呢一知口post 你話幾好呢

作者: janicekiu 時間: 08-5-20 11:44 PM

原帖由 虎痴恩 於 2008-5-20 04:54 PM 發表
有冇試過挽救呀?
你都唔好太過自責....
你女朋友都冇同你講過佢真正既感受...

所以話呢,
幾時最重要都係雙方既溝通

溝通真的很重要
唔好收收埋埋
到時真係一發不可收拾

樓主你要努力
支持你

作者: pkpalk 時間: 08-5-29 10:40 PM

推一推

支持下　俾意見

作者: 冷月明 時間: 08-5-29 10:51 PM

樓主大個左!!""
我自己都要努力""

作者: 『叉包』＊﹏＊ 時間: 08-5-29 10:53 PM

諗起一句歌詞. 分手後一分鐘便有後悔聲音...

作者: pkpalk 時間: 08-5-30 10:12 PM

原帖由 『叉包』＊﹏＊ 於 2008-5-29 10:53 PM 發表
諗起一句歌詞. 分手後一分鐘便有後悔聲音...

係-3-?

不過我最討厭就係後悔既感覺

原帖由 冷月明 於 2008-5-29 10:51 PM 發表
樓主大個左!!""
我自己都要努力""

恩恩..一齊加油^0^

作者: 斷火 時間: 08-6-1 02:04 PM

多謝樓主...

作者: Fires 時間: 08-6-1 03:22 PM

雖則我未有女朋友- -"
其實樓主你既諗法同我好似~
我都覺得係失敗後,反而會令自己成長..
互相學習到一d人生既重要野...
人就會成熟d
但樓主你又不妨諗下,打機咪又係一樣....
玩隻game到頭黎都係有唔玩既一日...
我地又何必為左隻game既唔理女朋友呢??
可能未必可以隨傳隨到,但都要體諒一下佢.
得閒就同佢講下身邊既鎖事,感情再進一步呢!!

作者: zero6730 時間: 08-6-3 04:43 PM

朋友
你明白到分手是人生的其中一站
就很好了
好多人因為一次分手就要生要死
希望你可能找到你人生中的真愛

作者: 神秘人XMB 時間: 08-6-3 06:47 PM

諗通左係好既
估唔到...有人可以
一個企返起身
通常人都係要別人既幫助下先可以
但你...令我覺得太神了

作者: wyman1987 時間: 08-6-3 06:53 PM

諗通係一件好事

作者: anthony1999 時間: 08-6-4 02:23 PM

每個人都成長過

作者: 俠三仙劍 時間: 08-6-5 04:48 PM

有時愛情這回事…
不是說忍耐就可行…
要大家去改....不能只靠我們去忍耐…
人的忍耐性有多強？始終會有怨的一天...

作者: 紫靈姬 時間: 08-6-6 03:13 AM

每段戀愛都會令人有不一樣既成長...
我地應該要學習從傷痛中重生...
知道自己缺點係邊就要改善...
最好就係唔好識諗唔識做^^
樓主加油啊!!一定會有一個更好的!!

作者: FKS 時間: 08-6-7 11:08 PM

其實自己一個有時仲好~~朋友同屋企人最緊要^^

作者: 星。月 時間: 08-6-23 11:06 AM

我都好後悔無好好對好我同佢多少出街所以分手

作者: pkpalk 時間: 08-6-23 11:55 AM

原帖由 星。月 於 2008-6-23 11:06 AM 發表
我都好後悔無好好對好我同佢多少出街所以分手

總次要加油...

今個post除左想分享+提醒

就係希望你地可以多d留意自己身邊既人~_____~""

作者: 【阿邦】 時間: 08-6-24 03:45 PM

唔知你有冇聽過" 懂得放棄,才會擁有" 呢兩句呢...

我初頭唔明白...不過人大左就會明白呢句點解^^

好好記住^^

作者: amandawong20 時間: 08-6-24 11:07 PM

我覺得你驚下佢系咪搵你落左個bb好過`-_-

作者: [愛不''﹏冰 時間: 08-6-25 12:20 AM

原帖由 pkpalk 於 2008-5-20 11:55 AM 發表
琴日..女朋友返黎第一句係..有野要見面講..

大家可能以為冇咩大不了..

但我明白..我地一般都冇咩所謂..咁重要..一定好大件事..

結果..真係..分手..

大家覺得..分手呢種post見怪不怪..

但..我都只係想 ...

分手可等正常-.-"
分了手忘不了又如何-.-"
而個原因就
都好正常....
當你對你男女友不多加理會
好自然就會變質

其實有d覺得神好唔知點咁
有時候我覺得信神ge人
都會好似搵個藉口比自己去逃避
好識原諒自己
但係不會解決事情

最後佢有左bb你唔會話妒忌係好事黎
應該開心先岩

時間真的可以沖淡一切
只是快慢的問題
時間的多少

作者: pkpalk 時間: 08-6-25 11:27 PM

原帖由 [愛不''﹏冰 於 2008-6-25 12:20 AM 發表

分手可等正常-.-"
分了手忘不了又如何-.-"
而個原因就
都好正常....
當你對你男女友不多加理會
好自然就會變質

其實有d覺得神好唔知點咁
有時候我覺得信神ge人
都會好似搵個藉口比自己去逃避
好識原諒自 ...

點解係好事= =

我都依家都係好鍾意佢..雖然談不上愛..但我希望佢可以幸福..

如果佢肯俾多次機會我

我希望佢可以做我老婆而唔係女朋友...

真心的..

因為我覺得我同佢會一生一世...

><"

作者: 蕉仔＃ 時間: 08-6-26 12:38 AM

而家又要面對中既問題 ~
努力呀爸打 ~!!!!

作者: φ夙緣φ 時間: 08-6-26 07:48 PM

天意弄人
相信自已ge感情行事先係人類正確生存方式..
勉強自已只會累已累人

作者: [愛不''﹏冰 時間: 08-6-27 12:14 AM

原帖由 pkpalk 於 2008-6-25 11:27 PM 發表

點解係好事= =

我都依家都係好鍾意佢..雖然談不上愛..但我希望佢可以幸福..

如果佢肯俾多次機會我

我希望佢可以做我老婆而唔係女朋友...

真心的..

因為我覺得我同佢會一生一世...

>

既然你咁講
點解佢有bb你唔會有感覺?
愛人比人搞喎,,仲有埋
冇感覺ge原因,,
我覺得係因為你接受左分開呢個事實
都漸漸淡緊

人地有埋第2個bb
你覺得你仲有冇機會同佢一生一世?

都係呢句喇
有時候放下係一種美德

作者: pkpalk 時間: 08-6-27 10:56 PM

原帖由 [愛不''﹏冰 於 2008-6-27 12:14 AM 發表

既然你咁講
點解佢有bb你唔會有感覺?
愛人比人搞喎,,仲有埋
冇感覺ge原因,,
我覺得係因為你接受左分開呢個事實
都漸漸淡緊

人地有埋第2個bb
你覺得你仲有冇機會同佢一生一世?

都係呢句喇
有時候放下係 ...

=.=

問題係我唔覺得我對佢認真過..

同佢識左2個月左右啦..拍左一個月拖..

我同佢冇咩可能一生一世..

性格上有太多毛病..夾唔黎..

我唔開心既原因就係自己一直都自私..想搵人陪..

但我只係對佢有好感..談不上喜歡..

但我又唔捨得分手..

好討厭自己

作者: -KiRa- 時間: 08-7-2 09:08 PM

係咁嫁啦,,,
分手總會係其中一方提出,
而另一方仲係深深咁愛對方
我又何嘗唔係咁呢

作者: (=口=) 時間: 08-7-3 06:27 PM

講得好...分手之後要跳番出黎,成日沈溺係痛苦既回憶度,冇人同情既..
苦苦痴纏最令人倒胃..

我個人認為,當一個真心愛你既人出現既時候,佢會接納你,包容你,
e家根本就唔需要做d乜黎委屈自己,因為當佢係你面前,你就會改變..

作者: 真李lee 時間: 08-7-19 10:20 AM

最尾果到...
我以前個女友呃我有bb
我比技捧捧佢佢唔驗...分明想呃我...
屈我錢...本來我唔比...但係果時岩岩同佢分手...我仲好鐘意佢
佢個fd講一句...(你唔信佢?)咁我就心軟...
後來我踢爆佢呃我"
我叫佢還錢
佢話我係水魚^^

你要小心" 可能無bb...可能呃你...
世事無野估到
好似我咁...同過女友睇完場戲第二日就可以分手..."
好難估的

作者: pkpalk 時間: 08-7-20 12:24 PM

原帖由 真李lee 於 2008-7-19 10:20 AM 發表
最尾果到...
我以前個女友呃我有bb
我比技捧捧佢佢唔驗...分明想呃我...
屈我錢...本來我唔比...但係果時岩岩同佢分手...我仲好鐘意佢
佢個fd講一句...(你唔信佢?)咁我就心軟...
後來我踢爆佢呃我"
我叫佢 ...

=.=

我同佢睇完film之後佢返左大陸...

一返黎就分手 = =......

不過有bb果個唔關我事..唔係我經手...而且佢真係有= =......因為佢有左5個月....

作者: ～斷天魂～ 時間: 08-7-27 02:20 PM

同意你的說話...
珍惜眼前人
一係唔拍拖..一係就全心全意咁去愛對方..唔好計教後果..只要自己有試過..做過..

就算分手..都唔會有怪自己既理由..

作者: 熊人公仔 時間: 08-7-29 04:10 PM

睇到一半我喊左...

只可以跟你講句>> 繼續加油!!

作者: 小依~＊ 時間: 08-7-29 05:23 PM

=﹏="""辛苦睇完....""
但有句"因為我鍾意既佢地既人..而唔係佢地既性格,,特質"
-口-""但有ｄ人真係鍾意人地個性格...覺得岩就1齊架la wor-0-"

作者: 小穎 時間: 08-8-9 08:34 PM

感動;]
你果幾句野講得好有道理"
希望你都搵到自己既幸福.

作者: 夢幻貓 時間: 08-8-22 07:12 AM

樓主....我想認識您....

請加我msn...

我同你一樣  完全一樣

我跟女朋友一齊左4年...

4年....前日佢同我散左....

依家我仲係唔知點去忘記佢..

我打機  佢睇電視....佢都有咁同我講過

我都係冇理...同您一樣  後悔...

佢不停同我講  我地冇可能...

早排仲好地地...講完分手之後..

一值辛苦倒依家...做番朋友....

同佢傾電話...我哭得多了..

依家唔知點算...

love27289723@hotmail.com

我想請教你一d事....thx

作者: mcrsing 時間: 08-8-22 07:48 PM

提示: 作者被禁止或刪除內容自動屏蔽

作者: fungsiukei2008 時間: 08-8-28 04:59 PM

樓主Ｄ句子真係好正，多謝分享（　感動　）Ｔ＿Ｔ

作者: pkpalk 時間: 08-9-11 08:44 PM

原帖由 小依~＊ 於 2008-7-29 05:23 PM 發表
=﹏="""辛苦睇完....""
但有句"因為我鍾意既佢地既人..而唔係佢地既性格,,特質"
-口-""但有ｄ人真係鍾意人地個性格...覺得岩就1齊架la wor-0-"

係..我都唔敢否認有呢種事

但..我呢題係想俾返d朋友睇

如..你既男/女朋友問你:你鍾意我d咩?

你會點答...定你想點答..?

因為..我覺得..既1鍾意一個人就唔會因為佢既性格而去選擇到底佢到底值唔值得我去愛

作者: 串人王 時間: 08-9-16 06:34 PM

恭喜樓主諗通左..要明白點樣先係真正去愛一個人係一件好難得既事..

作者: 我就是我 時間: 08-9-20 09:53 AM

打機就是戀愛的
死點!

作者: ♀坤♂ 時間: 08-9-21 08:36 PM

十卜你我會十卜你+

作者: @忘命生涯@ 時間: 08-9-28 04:02 PM

發情可令人(蠻)目,也可令人成熟
睇完係覺得你長大左
以後加油努力吧,為你喜歡的人(不一定是情人)去努力吧

作者: [['''__惡b^^ 時間: 08-11-21 11:20 AM 標題: 加油!

以後再戀愛...
一定要比現在更懂珍惜!

作者: ufo021076 時間: 08-11-30 03:50 PM

on dog............

作者: 7014360 時間: 08-11-30 04:44 PM

我個個ex直頭完全唔想同我接觸tim啊

作者: !shing! 時間: 08-12-25 01:41 PM

分手會令人成熟!!加油樓主

作者: ╭傲氣☆駿╯ 時間: 08-12-25 01:49 PM

唔緊要
唔止一個架嘛

作者: 6199 時間: 08-12-25 11:36 PM

好正阿,呢幾句

作者: 『-ShinG-』 時間: 08-12-26 08:15 AM

樓主識諗就得^.^

作者: powerbank4 時間: 08-12-26 01:43 PM

多謝分享~~~~~~~~~~~

作者: ckkhkp 時間: 09-8-6 10:50 PM

多謝分享~~~~~~~~~~~

作者: cpshan123 時間: 09-8-20 10:13 AM

我發覺我都搵到我既第1同第2啦!!
我都好希望第2會係我第3啦""
因為我太鐘意佢啦!!!

作者: shirley3216 時間: 09-8-20 11:25 PM 標題: 你唔好哭啦

大家都有唔好..
一人退一步就可以唔分手啦
希望你可以同以家女朋友happy D

作者: Q恐龍Q 時間: 09-8-22 02:00 PM

希望樓主明白了解過後...真的做到了自己對自己的承諾~

作者: 墮心 時間: 09-9-9 03:37 PM

其實分手只人生的其中一站
往後仲有不同ge挑戰

作者: ξ神×賢ξ 時間: 09-9-14 09:20 PM

推推推.................................=)

作者: waha7788 時間: 09-9-17 09:05 AM

從中吸取經驗才是真的

作者: 水城威尼斯 時間: 09-10-28 08:27 PM

感受到樓主的一些話.... 可能得感受得唔夠多喇仲有好多都未係好明白係了解左少少...咁喇....
多謝分享~~!!

作者: 小熊~wing 時間: 09-11-9 01:24 PM

分手後不可以做朋友，因為彼此傷害過；不可以做敵人，因為彼此深愛過。所以我們變成了最熟悉的陌生人。

你走了，帶著我全部的愛走了，只是一句分手。我忍著眼淚看著你的背影，好想最後再抱你一次，好想再對你說一次“我愛你”。

呢２段我都好鍾意, 特別係第一段........
做返朋友 , 談可容易........對被迫接受果一方好殘忍 , 唔再聯絡應該反而會好過ｄ～
有時會埋怨自己唔夠自私...點解唔去反抗..........到最後都只係唔想你難做...就這樣終結了

做唔到朋友 , 因為已經唔可以回到最初。做唔到仇人 , 因為你是我深愛的人。
即使你最後選擇放棄...再一次傷害了我..........我亦無法恨你...
仍然為你送上祝福 , 仍舊擔心你未有穿著足夠的衣物.....獨個兒繼續在痛苦.............

已經差不多半年～時間確實不能改變什麼, 亦無法沖淡一切.
但我並沒有成長了, 仍舊煩惱, 而且近來你經常在我的夢境中出現.......
知道應盡快放下~不過直到現在, 依然好想再抱你一次，好想再對你說一次“我愛你”。

作者: jason8669 時間: 11-11-14 03:18 AM

支持一下！！呵呵

歡迎光臨 2000FUN論壇 (https://www.2000fun.com/)