2000FUN論壇

標題: 公仔面新食法 !? [打印本頁]

作者: 龍神武者 時間: 08-6-2 02:09 AM 標題: 公仔面新食法 !?

1.想食入哂味既話:
滾好適量既水,然後落麵,等o的麵散開哂之後,再落麻油,味粉然後撩佢幾o下熄火,蓋好個煲等5分鐘左右,搞掂

2.想食香口既話:
滾好適量既水,然後落麵,等o的麵散開哂之後,用筷子夾上碟個煲o的水倒哂佢,然後用回個煲加少少油,燒兩燒之後將o的麵倒返落去,然後個煲輕輕離開火面,同時用木筷子勁撩o的麵,唔好俾佢痴底,炒幾炒之後,落3/4包味粉,再勁撩,撩到o的色澤平均o的然後上碟再加麻油,搞掂...(記住唔好用穫黎炒,難食好多)

3.想食爽口既話:
先放一大煲凍水
用另一個煲滾好適量既水,然後落麵,等o的麵散開哂之後,用最短既時間倒左o的熱水去,再將o的麵倒落果大煲凍水果度,再開大水喉勁沖o的麵等o的麵凍左,然後要即刻隔哂o的水去,唔好用水沉住o的麵(成個過程動作要快..),然後用個細煲,放適量水,落味粉,較好味之後水滾熄火
將o的湯倒落o的麵果度,加麻油..又搞掂...

4.芝士撈麵
用另一個煲滾好適量既水,然後落麵,等o的麵散開哂之後,用最短既時間倒左o的熱水去,然後將o的麵上碟.
跟住煲滾o的新水,用個大湯殼,放適量既卡夫芝士落去個湯殼果度隔水將o的芝士煮溶,溶左之後即時淋上麵面,食得...

5.勁懶煮法
滾好適量既水,然後落麵落粉落麻油,蓋好個煲然後由得佢煲,聞到公仔麵既香味之後,就可以熄火落碗

作者: isaacleung 時間: 08-6-2 04:05 PM

仲有一種就係面一散之後過冷河,然後再煲水加湯粉,滾左之後落面,等一滾起熄火焗3分鐘就食得
比較爽又入味

作者: 俠1喪B 時間: 08-6-4 02:47 PM

最鐘意都係炒公仔麵

作者: vanvan 時間: 08-6-9 04:14 PM

我都係鐘意食炒公仔麵