2000FUN論壇

標題: 你地覺得著便服+用國9打game有冇問題?? [打印本頁]

作者: firered 時間: 08-6-4 07:10 PM 標題: 你地覺得著便服+用國9打game有冇問題??

之前我去打game就係咁比d學生串(小學~中2)
有幾個朋友都係咁(因為便服+國9......我地都唔想  鬼叫自己窮...我地中3  得$15~20/日既飯錢 )
後尾我地隊有班人(中5以上啦)叫我地唔洗理佢地  話唔係個個好似佢地有米仔玩馬記  成身裝
佢話之前佢地都係咁  唔好睇佢地依家d裝  中3之前都係好似我地咁
只要殺到人就得  唔理用咩槍同裝(成班小學~中2玩晒不死  d彈中晒話冇中......我地成隊都射唔中佢地囉- -我地一中就應...對得住自己  有咩唔岩?仲係到話我地成班大過佢地不過廢過佢地)
咁你地覺得咁樣著去打有冇問題呢??定係真係冇錢就唔好玩??

[ 本帖最後由 firered 於 2008-6-4 07:13 PM 編輯 ]

作者: twswts 時間: 08-6-4 07:27 PM

邊有問題
平有平玩貴有貴玩
唔通佢成身裝拎住枝PTW 就= 勁過人??!!
我除左手槍外都只係會玩國狗(有特別需要除外)

作者: 唔打中文 時間: 08-6-4 09:40 PM

冇問題 , 大把人咁著啦 ...
國九都係一支槍又唔係水槍 , OK的

作者: 6呎4 時間: 08-6-5 09:03 AM

便服加國狗完全唔覺有問題。
正所謂平有平玩，貴有貴玩，最緊要自己玩得開心就夠啦！
唔需要理會其他人的說話同諗法！！

作者: fnn2 時間: 08-6-5 11:32 AM

完全冇問題~!

作者: 小花- 時間: 08-6-5 12:28 PM

絕對唔係問題
人人都咁有錢買靚衫馬記槍佢地就唔顯眼啦
佢地應該多謝你先真

作者: ELSON 時間: 08-6-5 01:32 PM

冇問題..著左又唔係真係變左做軍人....佢串你...你咪串番佢 :
你著緊果d真品幾多錢美金???副鏡呢幾多倍架又幾多千蚊美金架....佢答你唔出...你咪彈一句....下""你係咪著copy架 , 姐係分分中平過我屋企件Tee 喇....唔怪得知你走去到邊都見到你...件衫1 D隱藏力都冇

作者: firered 時間: 08-6-5 05:31 PM

嗯嗯我都冇理佢地人比人真係比死人......開心就得啦

作者: 小柴‧F‧狼b 時間: 08-6-5 07:36 PM

個人覺得最好買條迷彩褲加T係最型咪.

作者: derek_lok 時間: 08-6-6 01:48 AM

見到哩D問題我實扯火,,就算係WG專壇我都小左人幾版紙,,唔想再教細路,,我比幾個問題你自己諗下就明:

1.你係唔係真軍人?
2.你係唔係玩真槍?
3.你兩樣都唔係的話咩叫PRO??
4.如果你兩樣都係的話,,著咩衫,,用咩Gear有咩關係?
5.請問WarGame係屬於War定Game?

一句總結: 你自己都係Copy軍佬的話,,你著幾多真軍品上身都唔係真軍佬,,你見過5呎差幾吋既兵未呀??

我講左D咩,,你自己參透下啦

真既SDU呀啦

真既BlckWater呀啦

醒下啦!!!香港WarGame場幾一個戰區有幾大呀??迷彩真係咁有想像中作用??咪傻啦!!

我自己套英軍執左幾千銀呀!!!我唔會比人打死咩??? 不死人你見過你未呀?? 邊個話多野掛係身就勁架啦??

我以前用ACU打美軍,,國狗SCAR做底左2枝VFC SCAR啦,,佢地2面力,,我枝雞到一面都未必有呀!!有咩唔同呀??幾百蚊同幾千蚊囉$$$$$$$

如果你頂唔順香港WG界有咁多呢D人渣存在,,索性唔好玩啦,,我見過好多,,WG界超多!!!小氣到好似女人用名牌LV卑視A貨LV既人仲X多!!!

兄弟,,如果你咁都睇唔開的話,,回頭是岸呀,,親你未泥足深陷,,未投放大量金錢的時候好徹退啦!!!免得買到成屋野個時玩開又唔玩個時仲麻煩!!~

老實講,,近排香港 WG players既質素真係差左好多好多,,有人歸咎於國狗底價流入吸引左一大班無知,,無良,,缺乏安全知識既玩家入圈,,尤其係一班年輕既小朋友,,令到不時有氣槍非法射擊引置傷人既案件有上升趨勢........

所以我都係成日同D小朋友講,,返屋企打CS啦.............唔洗曬,,唔洗熱,,唔洗跑,,唔洗郁,,有冷氣,,有汽水,,有雪糕,,最重要係屋企有媽媽!!!

P.S. 又忍唔住講左成版.........SORRY...........

[ 本帖最後由 derek_lok 於 2008-6-6 02:09 AM 編輯 ]

作者: free-d 時間: 08-6-7 06:20 PM

原帖由 derek_lok 於 2008-6-6 01:48 AM 發表
見到哩D問題我實扯火,,就算係WG專壇我都小左人幾版紙,,唔想再教細路,,我比幾個問題你自己諗下就明:

1.你係唔係真軍人?
2.你係唔係玩真槍?
3.你兩樣都唔係的話咩叫PRO??
4.如果你兩樣都係的話,,著咩衫,,用咩Gea ...

某WG專壇

我都小左人地幾板紙....我相信我地都有留意個個post XD

作者: derek_lok 時間: 08-6-8 05:05 PM

= =衰野你又咁記得

作者: emil200325 時間: 08-6-10 06:38 PM 標題: 回復 1# firered 的帖子

如果的人串你咪証明佢係細路仔lo....洗咩理細路仔講的野

作者: 阿奸 時間: 08-6-12 01:14 AM

起碼你自己既野係靠自己存錢買
你地忍到手無嘈交又無打交
我都佩服你地

作者: derek_lok 時間: 08-6-12 01:51 AM 標題: 回復 11# free-d 的帖子

遲D再講埋"用真軍品零件裝上玩具槍到既笑話先"

救命,,諗到都想笑

作者: free-d 時間: 08-6-12 07:45 AM

原帖由 derek_lok 於 2008-6-12 01:51 AM 發表
遲D再講埋"用真軍品零件裝上玩具槍到既笑話先"
救命,,諗到都想笑

呢樣野真係好個人......有人鐘意鐵D....

同埋好多時用左自己都唔知.....

作者: yeung1988 時間: 08-6-12 11:10 AM

冇問題架...
我第一次去打war game個陣只係拎支槍去咋...因為我fd想我去過先, 想玩既先再買裝備
完全唔覺得有咩問題囉...另外國狗唔國狗有分別咩??
性能上係有差別, 耐用亦都一樣, 但講真...肯鍚槍既, 我唸國狗都會襟用到一排, 唔鍚既馬記都死啦-.-

不過個班f.2仔真係衰o的既, 但冇計...呢o的比我感覺係出面街場踢波既個班街童
全部都係麻「x」煩

作者: 6呎4 時間: 08-6-12 11:45 AM

原帖由 derek_lok 於 2008-6-12 01:51 AM 發表
遲D再講埋"用真軍品零件裝上玩具槍到既笑話先"
救命,,諗到都想笑

師兄，快啲講吓以上的笑話"用真軍品零件裝上玩具槍到"
我從來都冇聽過，好想知道係唔係好好笑的。 Thanks!

原帖由 derek_lok 於 2008-6-6 01:48 AM 發表
醒下啦!!!香港WarGame場幾一個戰區有幾大呀??迷彩真係咁有想像中作用??咪傻啦!!

迷彩係有一定的作用，噤當然著沙色係樹林入面就梗係冇乜作用啦！

原帖由 derek_lok 於 2008-6-6 01:48 AM 發表
我以前用ACU打美軍,,國狗SCAR做底左2枝VFC SCAR啦,,佢地2面力,,我枝雞到一面都未必有呀!!有咩唔同呀??幾百蚊同幾千蚊囉$$$$$$$

我覺得對方輸的原因係技術，枝槍只不過輔助性質，唔會有太大影響。

原帖由 derek_lok 於 2008-6-6 01:48 AM 發表
如果你頂唔順香港WG界有咁多呢D人渣存在,,索性唔好玩啦,,我見過好多,,WG界超多!!!小氣到好似女人用名牌LV卑視A貨LV既人仲X多!!!!!

我覺得唔需要為咗啲無聊的評語而放棄自身的興趣！

原帖由 derek_lok 於 2008-6-6 01:48 AM 發表

免得買到成屋野個時玩開又唔玩個時仲麻煩!!

師兄，又有幾麻煩呢？

[ 本帖最後由 6呎4 於 2008-6-12 01:00 PM 編輯 ]

作者: ELSON 時間: 08-6-12 01:13 PM

原帖由 derek_lok 於 2008-6-6 01:48 AM 發表
見到哩D問題我實扯火,,就算係WG專壇我都小左人幾版紙,,唔想再教細路,,我比幾個問題你自己諗下就明:

1.你係唔係真軍人?
2.你係唔係玩真槍?
3.你兩樣都唔係的話咩叫PRO??
4.如果你兩樣都係的話,,著咩衫,,用咩Gea ...

第一張最爆

著涼鞋

作者: derek_lok 時間: 08-6-12 08:42 PM 標題: 回復 16# free-d 的帖子

無錯!!係好視乎"個人"興趣(例如真品收藏),,亦好睇用個"個人"有咩興趣(吹水)

我上次見過位朋友仔,,我真係唔識佢,,係隔離PARTY既玩家,,拎住枝AK見人就吹,,結果成個場都知佢枝AK用左真木既Hand Gurad,,真品羅馬尼亞柄,,真品火帽,,真品槍帶,,仲有d真品野我唔記得,,只係記得佢講過成枝槍只有槍身位係原裝~真係幾靚架,,神檯槍級數~

不過我問左一個問題秒殺左佢,,佢仲要咁啤住我..........當聽唔到........

"咁你哩枝係算係真槍定玩具槍呀??"XD

作者: derek_lok 時間: 08-6-12 08:45 PM 標題: 回復 18# 6呎4 的帖子

師兄可以咁詳細分析在下既廢話,,實在令人佩服佩服~~~

老實講,,經驗黎姐,,你中過招就知"瀨野"

作者: 6呎4 時間: 08-6-12 08:56 PM 標題: 回復 21# derek_lok 的帖子

大家噤話啦！
中過乜嘢招先？

作者: free-d 時間: 08-6-12 10:19 PM

原帖由 ELSON 於 2008-6-12 01:13 PM 發表

第一張最爆著涼鞋

著涼鞋o既SDU狙擊手.......型到嘔......

作者: 6呎4 時間: 08-6-13 11:13 AM

著涼鞋嘅SDU狙擊手，兩個字去形容"型" &"潮"

作者: └龍ｂb┐ 時間: 08-6-20 08:40 PM

唔認為有咩問題 .. 最緊要係玩得開心!

唔鍾意不死人 ..

作者: 6呎4 時間: 08-6-21 11:13 AM

對於不死人，我就冇乜所謂。有一兩個仲增添樂趣！！

[ 本帖最後由 6呎4 於 2008-6-21 11:17 AM 編輯 ]

作者: Gurren 時間: 08-6-22 08:12 PM

OLG就係咁架啦
香港小白都係咁架啦= =
一句成日用到既名句:「認真你就輸了。」

作者: firered 時間: 08-6-22 08:51 PM

多謝各大哥既指點.....你地提出既問題我都諗左
上個星期又去左打game  明白到大家講既野
你去打game一定打幾個場  件3比你係樹林嬴到  去打戰壕咪又同我件tee一樣?用咁多錢打一個場抵咩?(當然你可能為左型....你有冇見過我著波boot去打game- -我係冇錢買boot呀....打嬴你咪得囉)
不死人我已經唔再為佢而煩  真係我射多佢幾槍佢唔痛話冇射到佢既話真係好佩服佢

雖然話國9搞到好多無知小朋友玩  不過國9又係新手一個選擇
真係唔明d小朋友點解亂開槍....
對比以前真係多左好多冇品既人  都唔知點解玩不死  打game  lok大真係講得好
呢個係game  唔係war  玩game都係玩下姐
有品d大家開心點解唔好??lok大點解要講sorry呢?係你開解左我
不過另一個問題係......
呀媽話聽佢公司果個打開game既人話去打game d人好雜
次次都打到打架  叫我唔好去打咁多game- -(依家已經係3個月/以上一次  再少咪姐係唔洗打- -)
點算????......

作者: 小電兔 時間: 08-6-23 05:05 PM

用咩槍打game係個人喜好~
就好似韓國人大多數都只會買韓國車~用韓國電話~
唔通佢地又有問題~!

便服~
就真係觀點與角度~
就好似打籃球唔一定要"著"籃球鞋~但有一定好過冇~是嗎!?
如果樓主有機會~可以試下叫你朋友"著"件白色"T"走入草叢~
然後再試下"著"深綠色"T"又走入去~睇下有咩分別~!!!

從小到大我地都知~唔同場合"著"唔同的..."鞋"
點講都好~出街"著"的"鞋"真係唔適合用黎打game~~

作者: 6呎4 時間: 08-6-24 09:24 AM 標題: 回復 29# 小電兔的帖子

完全認同唔同場合穿著唔同嘅衫褲鞋！
正如去行山，冇人會著拖鞋，有乜意外只可以用兩個字去形容"抵死"！

作者: derek_lok 時間: 08-6-24 11:58 PM 標題: 回復 28# firered 的帖子

次次都打到打交!?哈哈哈

在下有朋友試過係粉嶺某X區打game打到打仗咁.........又有問候,,又話吹雞,,又話識人,,但係當中又有差人,,真係唔知好嬲定好笑........

原來係一班更生人仕打GAME,,當中有差人,,有懲教,,不過最多都係言談火爆而矣,,好彩無事~~~~~~

作者: 6呎4 時間: 08-6-25 04:47 PM 標題: 回復 31# derek_lok 的帖子

言談火爆已經接受唔到，如果打games打到打交，就真係更加無謂！
大家原意係玩，無需要動氣。
通常言談火爆嗰班係輸唔起先借頭借勢揾交嘈！
由其是在街場，呢啲對家見唔少，唯一可以做就係唔鬼理佢，由得佢嘈！

[ 本帖最後由 6呎4 於 2008-6-25 04:49 PM 編輯 ]

作者: firered 時間: 08-6-27 02:46 PM

不過如果冇咩錢買boot仲有咩鞋可以著呢??
當然我唔會著拖鞋涼鞋平底鞋果d啦(真係整到都抵死- -)
但點都著d唔會冼腳既先咁請問有咩鞋可以著呢??(當我自己冇裝新手去租野佢冇鞋加嘛自己著咩去好呢?)

作者: 6呎4 時間: 08-6-27 03:08 PM 標題: 回復 33# firered 的帖子

師兄，你有冇爬山鞋？

作者: free-d 時間: 08-6-28 12:21 AM

我都係就咁著對CAT去打......已經好舒服.....平時著牛仔褲又好睇

作者: tonyng753 時間: 08-6-30 03:40 PM

既然同你地玩既都係學生仔就冇所謂啦~
大家都係同學仔,我都明白
有自己既一枝槍就已經好好嫁啦......
國唔國狗都冇所謂,
玩得開心就可以.....
我好耐之前見到我表哥玩war game,
就小4開始儲零用錢.....一日5蚊,
到小6都係得枝二手馬記底邊g3,
從來未買過裝,用表哥果d....
便唔便服更係笑話.....
你話我穿牛仔褲,
我怕痛得唔得先?
穿t-shirt又如何?
唔比人怕熱呀?
至於不死人就冇得講......
搵枝長既槍射佢手指,
睇佢忍得幾耐......
得短槍既話,
咪叫人cover,
長禁連發衝上去話一齊死囉...
佢唔會話冇中過掛?
最多咪話唔玩囉,
去死人區睇傻仔

作者: 29302930 時間: 08-6-30 04:16 PM

一句ko佢

小朋友你係到玩copy啊?

作者: JASON:@仔 時間: 08-7-7 10:54 AM

我都用國9喇，有咩問题先~國9整整佢都几好用架^_^

好多人第一次玩仲着牛仔裤喇，乜都冇就落去打喇~

國产都有RRV喇！大把人用。个个用得起E仔架！

作者: YV支持者S-3仇敵 時間: 08-8-4 12:13 PM

不死人一定會受到槍同彈既懲治

,至於串人果D係Game場一定受BB彈既歡迎

作者: nohohonko 時間: 08-8-7 07:53 PM

著便服打都有明堂架....叫pmc...私人保鑣是也

平平地加個大比袋....都不知幾好睇

國9又有咩問題...汁汁佢咪又系一支好熗?平有平玩

[ 本帖最後由 nohohonko 於 2008-8-7 07:59 PM 編輯 ]

作者: free-d 時間: 08-8-8 12:06 AM

原帖由 nohohonko 於 2008-8-7 07:53 PM 發表
著便服打都有明堂架....叫pmc...私人保鑣是也平平地加個大比袋....都不知幾好睇國9又有咩問題...汁汁佢咪又系一支好熗?平有平玩

BLACKWATER????????

作者: nohohonko 時間: 08-8-11 03:29 PM

原帖由 free-d 於 2008-8-8 12:06 AM 發表

BLACKWATER????????

Private military company

歡迎光臨 2000FUN論壇 (https://www.2000fun.com/)