2000FUN論壇

標題: 我的最愛 L for love, L for lies(個人短評) [打印本頁]

作者: 法比．加斯 時間: 08-6-13 09:42 PM 標題: 我的最愛 L for love, L for lies(個人短評)

故事內容:
寶(鄧麗欣飾)本來是一個幸福無比的女孩子，她跟青梅竹馬的男友俊，畢業後開了一家小小的甜品店。寶一心憧憬待生意穩定下來後，她便會跟俊共諧連理。
好景不常，寶一天重遇了多年不見的舊同學琪(曾愷玹飾)，琪看上了好男人俊的勤奮上進，竟不念跟寶的姊妹情誼，橫刀奪愛。可憐的寶不但賠掉一段視若瑰寶的愛情，也失去了辛苦創立的甜品店，落得一個人財兩失的悲傷下場…
故事中七個主人翁，在愛情遊戲上玩得興緻勃勃：但愛情這場遊戲，沒有遊戲規則，正如這個世上，沒有奇怪的愛情，只有奇怪的人。
不同的人去玩愛情這場遊戲，結局已經是峰迴路轉。

===============================================

個人感想:

      呢一套係我睇葉念琛既第一部作品，亦都係佢地三個合作既唯一一部，但真係估唔到有咁大驚喜，仲有d意想不到既感覺。

      係未睇呢部戲前，我以為只係一套普通青春愛情無聊片。係選角方面我覺得唔錯......方力申一改以前風格做情場大騙子、曾愷玹既狐狸精簡直絕配、再加上一班好熟既無記演員有種似曾相識既感覺，但係Stephy既演技真係不敢恭維..但又無法搵一個更適合既人選，相信呢一點應該係成套戲既美中不足。內容方面呢套已經並非一套純正愛情片，有多少復仇片feel..故事一開頭就係Stephy搵方力申報仇，成套戲主幹都係由方力申幫手再大家對大家有好感。係另一邊我覺得可以對''候補情人''方面再加深描寫，故事上仲有得深入d。係"我"呢套戲裏面做得最好應該係笑位同結局，笑位每隔幾個字做出現一次..森美、朱咪咪同每日8點鐘見既樓華都交足功課，佢三個令整套戲生色不少。點解我話結局好??有一幕方力申就死時睇住Stephy同佢bf，果一幕令我心酸了一酸。到最後唐寧同Stephy一邊形容果位男士，鏡頭一邊逐步影住蘇永康行上黎，一出電梯....

   我睇完整套戲再看看英文戲名(L for love, L for lie)真係形容得好好，有時眼前對你好既人其實未必好，相反可能待你一般的人，可能是最為你最好的。

(我對''我的最愛''既評分係77分)

呢次係我第一次寫，將來我會更多打一些對電影的感想。

係未來幾週我應該會睇HULK 文雀殺神特攻 Kung Fu Panda Hancock

http://hk.myblog.yahoo.com/hay_mr.kenlo/

作者: 阿乂穆 時間: 08-6-14 11:49 AM

係套入面，係話阿寶係個咩都唔會去諗係一個好天真好單純既女仔，
所以佢先咁易比人搶走個男朋友...

但係我估唔到Stephy演到呢個角色有少少過份低b

作者: 法比．加斯 時間: 08-6-14 12:25 PM

原帖由 阿乂穆 於 2008-6-14 11:49 AM 發表
係套入面，係話阿寶係個咩都唔會去諗係一個好天真好單純既女仔，
所以佢先咁易比人搶走個男朋友...

但係我估唔到Stephy演到呢個角色有少少過份低b

同我諗法一樣 =.=

作者: helpless 時間: 08-6-14 01:26 PM 標題: 回復 2# 阿乂穆的帖子

..其實....會唔會唔只少少呢-_-....

作者: 豐豐仔 時間: 08-6-14 02:50 PM

我覺得借錢果度好好笑

作者: 戀愛﹏巴斯 時間: 08-6-19 06:21 PM 標題: 回復 5# 豐豐仔的帖子

王祖藍表情十足超搞笑
我覺得胡清藍同唐寧好慘><"

作者: Ms-WaIwAiL'' 時間: 08-7-9 03:32 PM

我都同意...
雖然係反面教材，但係今次唔單只比之前兩套好睇左...
而且睇完之後都明白左好多愛情上既野...
值得一看!

歡迎光臨 2000FUN論壇 (https://www.2000fun.com/)