2000FUN論壇

標題: [呼籲]你地仲係唔係香港人!!(請注意樓主既回覆, 有回應大家發問) [打印本頁]

作者: 絲語 時間: 08-6-25 09:10 PM 標題: [呼籲]你地仲係唔係香港人!!(請注意樓主既回覆, 有回應大家發問)

好, 香港人, 我都係香港人, 我而家用一個香港人既身份黎鬧香港人!!
小的春服趙曦 33級小弓手最常出沒係牛牛草原下方沙灘打勞納蜥蝪人用開打帶跑政策攻極低
相信呢個描述會有人有印象

唔好賴! 如果你已經知我想講咩你米賴內地賴台灣兄弟姊妹你地一個二個係香港人!

你地知唔知"香港人"響網遊界個名已經臭晒? 搶怪黑商拉火車撞人講粗口耍無賴騙錢騙裝備
好, 上述所有野度度都有人做, 人人都諗我地多一個人做都冇關係你地而家係賊定流氓?

好, 究竟我想講咩? 呢個係因為我成日比人搶怪! 呢個情況唔係得我一個我個團十幾人
我地自己香港人就唔計內地台灣人成日問我地呢個GAME係唔係一定要搶怪? 搶怪係唔係就係呢個GAME絕對會出現既副產品? 你地唔好同我講日本點點點我冇玩過日本SER.我淨係知而家ECO呢個世界呢個GAME已經成為香港玩家既野我地就唔可以做好佢?

我聽好多人話呢個GAME好似RO, 如果RO冇死就好喇, 你地咁講, RO係個好GAME, 咁呢個即係都係一個好GAME啦? 咁點解你地唔好好保護佢? 點解而家就比人見到佢會走向RO條舊路既樣? 會有人話我傻有人話我白痴有人話我ON 好, 我唔理你地話我咩, 我只係知我唔能夠再好似幾年前RO死果陣咁, 睇住佢死而乜都唔做! 你地都係玩姐, 需唔需要做到天上天下唯我獨尊呀? 需唔需要為左呢D理由而四圍顯示你地好高LV? 搶完怪仲好似老鳳既咁, 我仲見過有人MARK住我黎搶, 我完全唔知衰咩囉可能樣衰囉咁你地呢? 搶怪係正常? 唔搶練唔到? 無聊! 點會練唔到? 你地有冇腦? 四圍都係怪, 四度都有練功既地圖, 點解人人都係堆係呢度? 你地可以打熊打波波, 諸如此類, 就點解一定要用搶? 有咁多地圖鬼影都冇隻, 點解人人都要屈係果個豆咁細既地方? 你唔好話我知你做慣左香港人, 住慣豆咁細間屋, 企慣豆咁細塊地呀. 上到網根本冇地平線, 唔該大家唔好坐住個腦啦.

有D人話"我都見唔到隻怪有人打緊!" 好, 證明你唔係玩緊呢個GAME. 你究竟有冇見過D怪比人打過係咩樣? 你地有冇見過怪既所有行動模式? 怪通常行來行去, 我叫佢做無定向移動, 如果比人打過, 除左果隻咩迷路的金屬球之外, 隻隻都會轉做我講既定向移動, 即係跟住第一個打佢既人, 呢個行動有個特點就係佢唔會擰轉頭行, 亦唔會轉大過90度既彎(比佢追緊果個U turn就別論), 好, 你地話"如果我咁注意佢, D怪都比人打晒啦!" 咁即係你真係傻. 你以為你要睇住佢兩個鐘先知佢係唔係跟住人? 你真係識睇既, 佢行兩步就睇得出啦! 我自己用25-26LV既時間就已經睇得出分別, 你地係唔係打機架? 究竟用緊咩心態打機呀? 香港人, 留心D啦.

如果你要話搶人怪好開心好高興, 因為現實冇得搶人野, 而家上到個GAME度搶我覺得好過癮, 咁唔該你去做賊, 現現實實真真正正做一個賊, 將果D無謂而唔應該出現係人類和平社會上既慾望係監獄度發洩左佢, 唔好黎搞呢個GAME啦.

睇到呢度, 我都打算完, 寫得多又唔覺得有人睇, D人睇左最多都係鬧我ON X, 大家都依然故我. 但係如果你睇完覺得同意既, 就留隻龜支持下啦, 如果你打算同我就住呢個問題鬥鬧既, 係就唔好搞島人地2000fun, 應該ADD我MSN同我鬧過, 唔打緊, 反正就暑假, 大家都係玩遊戲發洩姐~

如果大家可以既話, 呢個廣東話既版本請你地轉發到其他有ECO版既香港論壇啦, 我想鬧多D人, 而為左2000fun以外比我鬧既人都可以去MSN搵我鬥鬧, 麻煩大家附帶我既MSN:lok_yu_1024@hotmail.com (如果呢份野冇因為犯版規而被刪帖, 週末將補上書面語版本)

一個被搶怪搶到發左顫, 幾乎要睇心理醫生既ECO春之祭玩家--ID:趙曦, 網名:思雨

----下面為書面語版本----

好, 香港人, 我也是香港人, 我現在以一個香港人的身份來罵香港人!!
小的春服趙曦 33級(書面語版本出現時已35級, 別說我練得慢= = 這是事實)小弓手最常出現在牛牛草原下方沙灘打勞納蜥蝪人用打帶跑政策攻極低
相信這個描述會令人有印象

別推卸責任! 如果你已經知道我要說什麼, 你就別把責任推到台灣跟內地的同胞身上兄弟姊妹你們全都是香港人!

你們知不知道, "香港人"在網遊界的名字已經臭了? 搶怪黑商拉火車撞人講粗口耍無賴騙錢騙裝備
好, 上面說的到處都有人在做, 大家都想"我們多一個不多, 少一個不少" 你們究竟是賊還是流氓?

好, 究竟我要說什麼? 這都因為我整天就只會被人搶怪! 這還不是個別情況, 我軍團十幾人
當中香港人不算, 內地台灣的團友都問我們(香港人), 這個遊戲是不是就一定得搶怪? 搶怪是不是就是這個遊戲的必然副產品? 你們別跟我說日本咋咋咋, 我沒在日本伺服呆過, 我只知道現在這遊戲的伺服已經在香港, 已經是香港人的東西, 為什麼我們就不能把它做好?

我聽不少人說, 這遊戲跟RO很像, 如果RO沒爛掉就好咧. 你們醬說, R伯是個好遊戲, 那就表明這也是個好遊戲唄? 那為什麼你們不好好的保護它? 為什麼現在已經被看見它將會重走RO的老路? 會有人說我傻, 有人說我白痴, (這裡本應還有一句, 但原文是香港廣東話的髒話, 作者不會翻譯, 故刪) 好, 我不管你們怎麼說我, 我只知道我不能再像當年看著RO沒落那樣, 光看不做! 你們也只是在玩, 需要到天上天下唯我獨尊的地步麼?, 需要為這種理由到處顯示你們等級有多高?[這都是小孩的行為!]([...]內的句子為書面語版本時加上) 而且搶了怪還像奉旨的一樣, 我還看過有人追著我來搶, 我不知道犯著他什麼, 可能我樣子不好. 那你們呢? 搶怪很正常? 不搶不能練嗎? 無聊! 為什麼不能練? 你們有腦袋嗎? 到處也有怪, 到處都是練功的地圖, 為什麼大家都堆在這裡? (原文提到波波和熊的一段, 在書面語版本中刪去, 原因是不希望再作某些地區之針對性討論) 有這麼多的地圖鬼也沒看見, 為什麼所有人都得堆在那豆般大的圖上? 你別跟我說你習慣了當一個香港人, 呆慣了豆般大的屋子, 習慣了豆般大的地! 網上根本連地平線也沒有, 你們就別再把腦子給坐著了.

(↓[...]本段維持原文, 原因是不認為有翻譯的意義.)
[有D人話"我都見唔到隻怪有人打緊!" 好, 證明你唔係玩緊呢個GAME. 你究竟有冇見過D怪比人打過係咩樣? 你地有冇見過怪既所有行動模式? 怪通常行來行去, 我叫佢做無定向移動, 如果比人打過, 除左果隻咩迷路的金屬球之外, 隻隻都會轉做我講既定向移動, 即係跟住第一個打佢既人, 呢個行動有個特點就係佢唔會擰轉頭行, 亦唔會轉大過90度既彎(比佢追緊果個U turn就別論), 好, 你地話"如果我咁注意佢, D怪都比人打晒啦!" 咁即係你真係傻. 你以為你要睇住佢兩個鐘先知佢係唔係跟住人? 你真係識睇既, 佢行兩步就睇得出啦! 我自己用25-26LV既時間就已經睇得出分別, 你地係唔係打機架? 究竟用緊咩心態打機呀? 香港人, 留心D啦.]

如果你要說搶別人的怪你很爽, 因為現實不能搶別人的東西, 現在在遊戲裡要搶過過癮, 那好, 那你倒應該道道地地的去當個賊, 把那些不應該存在在現實人類和平社會裡的慾望發洩在監獄之中, 別再來這遊戲裡搗亂.

到了這裡, 我也打算要完了, 寫多了並不認為有人會看, 別人看了頂多就罵我白痴(原文中是廣東話的髒話, 翻譯時作者用[白痴]代替), 大家依然故我, 但如果你看完後感覺同意, 那就留名支持一下, 如果你打算就這個問題跟我討論, 就別在別人的論壇上打擾, 直接加我MSN來跟我說, 沒關係~ 反正快暑假, 大家都只是希望通過遊戲發洩而已, 很抱歉, 沒提供QQ的服務(本段不少地方因應香港跟台灣內地的不同而修改, 原意相同)

要是大家可以的話, 這書面語的版本請大家轉發到其他有ECO版的非香港論壇(香港論壇方面已經上面的廣東話原文), 我希望可以提醒更多的人, 而為了原來發這帖子的論壇以外的大家都可以找我討論, 請大家在注明轉貼之餘附上我的MSN:lok_yu_1024@hotmail.com(因應香港和台灣內地的不同, 本段也根據不更動原意的情況下修改)

一個被搶怪搶得接近發瘋, 快得看心理醫生的ECO春之祭玩家--ID:趙曦, 網名:思雨

[ 本帖最後由絲語於 2008-7-1 02:29 PM 編輯 ]

作者: 牙花＊ 時間: 08-6-25 09:14 PM

+1 -__-
很多台灣, 國內玩家都同我說... 香港人品行真的麻麻地呢
不要大家又會想去台服玩 ?!
大家應努力保持香港人美好的形象才是!!!

作者: ☆Bowie 時間: 08-6-25 09:19 PM

我都ok同意樓主講既野~
我都唔明搶怪既人係咩心態=3=

但係我見過一d更加衰既人，明明就係佢搶怪仲要用粗口罵人=3=
原來呢個世界有呢種咁冇品既人=3=

作者: gooddestiny 時間: 08-6-25 09:22 PM

咁有咩特別,呢個世界有好人和壞人,有光就會有影
你罵人,他們也不會改變

作者: Luciferfire 時間: 08-6-25 09:32 PM

我想同你講,大陸台灣依類人唔會比香港少
你會咁樣諗只係外國的月亮特別圓
不過香港比較多粗口就真,依個廣東話粗口詞彙較多既問題,普通話粗口無咁多好正常

作者: 小小戰士 時間: 08-6-25 09:34 PM

講真我去過玩d台服game都遇過唔少呢類人 = =
膠人是無法國界的吧 = =

作者: 007ben11494 時間: 08-6-25 09:34 PM

唉...........全因為香港人太自我中心,,太冇品啦,,,,部分小朋友都跟住D大人講粗口,,平時搭電梯見到個小學生低年級係到講粗口,,真係一代差過一代,,琴日見到個女仔(港),,見怪就搶,仲講:隻怪你架? O晒嘴,,冇品成咁,,好心果D人自我反省下啦,,講粗口=型?勁?,,用心諗下,,咁樣只會愈搞愈糟,,依家有個大大既例子比你地睇,,個RO沒落左啦,,

某部分既香港人牙~香港人,,吾好影衰香港個形象啦,,台灣同我地咪差吾多,,但佢地呢? 起碼佢地幾有文化,,幾有良知,,知道自己衰咩,,識得改,,我地某D香港人呢?唉,,
至衰仲要人地己經吾開心仲要踩多幾腳,,真係冇品成咁,,,唉

作者: hkgame多膠人 時間: 08-6-25 09:39 PM

算啦樓主　香港人玩game一向膠開　最中意搶怪　又中意落井下石　見人死會笑得好ｈｉ　成個白痴仔咁．．．．．．

PS:膠果大部份香港人都系留返系度玩你地既膠服啦　　唔好去搞衰台服　ｏｋ？

作者: maboroshi 時間: 08-6-25 09:42 PM

雖然係具有批評性
不過我都好同意
但好多人對唔岩聽的話都會唔理咁多反對左先
所以我覺得大家回覆之前先反省下
如果覺得自己光明正大可以客觀回下
唔應該無理地指責樓主
例如話唔接受到就唔好玩
難得人地肯出黎講番d意見
唔係想成為俾人圍攻的對象

作者: 2112112 時間: 08-6-25 09:42 PM

我都好同意

我都成日比人搶怪

條友仲話幫我打

佢明搶怪啦

攪到我發火

爆粗罵佢(比佢迫我爆粗- -)

作者: 遊樂人 時間: 08-6-25 09:43 PM

依個現象都已經唔係好新啦~
樓主唔使令自己'勞氣'.
係game中.都有一d好ge玩家.
最多可以去台服玩(個人覺得台灣人好幫人,某部份香港玩家都好幫人,好出名下)

作者: 終極小強 時間: 08-6-25 09:54 PM

我係一隻騎
睇住一大堆魔法師係個場
跟本唔夠力去爭怪
攻擊距離又唔夠遠
搞到我升得好慢=-=||
有時就算我打到，一個波車埋黎咁就玩完
玩鬼咩

作者: chikara811 時間: 08-6-25 09:55 PM

人多怪小搶怪都無計...
唔想搶怪就衝上去..
到你去到迷之團你就會發現搶怪情況唔會點出現
因為 d怪雖然係小但係血多打隻都打好耐
基本上都唔會有人點去搶怪
同高lv人士比較小都比較有品

迷之團之前搶怪一直都有

作者: chikara811 時間: 08-6-25 09:56 PM

多口一句...去到邊都有人搶怪
就算你過左台ser都唔例外..
hk多練功魔人個個都死衝難衝
要衝得快只有秒怪死搶難搶 - -

作者: 美人魚暗之惡魔 時間: 08-6-25 10:03 PM

我玩其他game聽過
a:港人
b:大陸
a向b寫一封邀請信
b就爆粗回返a

一個係即時格鬥的game
一多人就會出現搶怪的情況
不少game都出現過
只係冇咁勁
但因為而家eco好多人玩
一個升lv的地方係唔夠俾全部人升lv
除非有多的地方俾人升lv或者有分流

作者: 雷之魂 時間: 08-6-25 10:10 PM

老實講香港人搶怪的情況真係比台灣國內的人嚴重,好多人唔知咩叫禮讓

好似我係北牢 or 冰洞練怪的數量唔少,但係d人明明見到你已經行到埋隻怪度要打了,仲係要搶斬一兩刀先滿意

我見過最離譜係,我被人搶斬左都算了,果個人仲有臉搶我"打緊"的怪,我一時生氣,MARK返住佢搶,

但係佢居然講"洗唔洗咁小氣啊-.-" 真係唔知咩心態!!?我比你搶怪仲要我忍你??仲要唔係第一次搶!!
==============================================================
可能某d香港人心急想顯示自己有幾高lv幾強,又可能係佢心態問題,認為搶怪冇咩大不了,

不過,我個人認為搶怪係好冇品的行為,咁多怪唔打?係都要打人地"準備要打" ,"打緊的怪"? 真係咁急住升lv???真係讓下都唔得??自問自己都有搶過怪,一時手快click左人地打緊的怪(斬左1刀),我都會立即停手+say SOR

我玩左1個月eco暫時只係見到好少香港人會禮讓(真好少-.-) 唔會打人地"準備要打"的怪,
希望某d香港玩家都可以讓下, 因為遊戲的質素同玩家都有直接關係

以上個人意見

作者: ropvp1 時間: 08-6-25 10:12 PM

提示: 作者被禁止或刪除內容自動屏蔽

作者: 稚狼 時間: 08-6-25 10:17 PM

有觸犯版規第四條之嫌，有涉及地區種族歧視的樣子。暫且觀看一下，再決定是否進行處理。

作者: erttp 時間: 08-6-25 10:32 PM

原帖由 ropvp1 於 2008-6-25 22:12 發表
樓主你玩左幾耐?
你唔知道唔同玩家就算同一時間click怪都會有delay?
你有冇見過d人滑過去打怪? (近身)
根本係隻game 個system怪怪地,
你又唔知佢又唔知大家死口唔認咪扯火囉

到頭來而家其中一個走上黎申訴又 ...

相信樓主唔會只係試過一次半次

我今日先試過一次打撲克牌
我行前面佢行後面我連續兩次都先打隻怪先
佢就跟住後面打係連續兩次
OK 有遲延唔緊要
但係點解要連續兩次都係咁呢？我行到果度啦已經開埋3連打左三下先打埋黎

重有亦試過有弓手係我扣左怪一半再多D果陣
直接用技幫我補箭
呢D係咪叫遲延呢? 定係冇睇清楚呢？

作者: 風鷲 時間: 08-6-25 10:40 PM

人多是非爭執也多~_~"
冇錯...我玩左咁耐都俾人搶唔少...有次明明我打先...有個人都可以由遠住行過黎補刀,真吹漲...我玩咁耐大多都係解打怪任升(因為每日都冇乜時間,任務多到用唔哂xd)first attack就已經計任了,所以我清楚知邊d係我打先,亦知我都試過搶左人隻野=.="不過我有即時say sor嫁...玩咩online game都有delay嫁啦...總之唔係有心既話我覺得ok
講真..唔好話我睇死d搶怪西,佢地搶人怪果陣心諗:明搶你既,吹咩? 又或者見人死:抵死啦(因為我俾人串過,勁清楚,小朋友真係小朋友)
算啦,香港人既特性黎,冇得救嫁喇,咩都想要多d,個心態就係:我有樣野多過你就勁過你,你就實廢過我既<--(on9 thinking)

作者: eddie仔 時間: 08-6-25 10:50 PM

搶怪係即時制戰鬥模式既錯
所以一直都等待著一隻類似魔力咁多元化既回合制game再出._.

作者: sszz 時間: 08-6-25 10:54 PM

我覺得...
搶人怪個d有問題
但係打左你想打既怪有咩問題??
只係得你一個想打??
只要你一日未打到隻怪
隻怪都唔係你人地打左冇咩問題

作者: ts02977036 時間: 08-6-25 10:56 PM

算啦樓主
而家d人見到隻怪就當係自己既

我上次來呢d post重要比人屈番
同佢地講多無謂

有d人未去過小怪地方唔識得珍惜d經@@"
難怪香港人玩game會抵人一等

作者: 魂之武 時間: 08-6-25 10:56 PM

練功地點過份集中
而家玩家太多
再加上有憑依系統
令到搶怪問題更加嚴重

今天在軍艦島打熊都是看到一堆人在打的
而且熊都活不過3秒

作者: ts02977036 時間: 08-6-25 10:57 PM

原帖由 魂之武 於 2008-6-25 10:56 PM 發表
練功地點過份集中
而家玩家太多
再加上有憑依系統
令到搶怪問題更加嚴重

今天在軍艦島打熊都是看到一堆人在打的
而且熊都活不過3秒

你果到未算係咩- -"
你試下去謎之團中立島
真係搵隻怪打都難

作者: 異魔 時間: 08-6-25 10:58 PM

人地唔介意其他人或其他地區既人點睇自己麻
重有d人鍾意改個隊名叫d我點樣點樣搶怪或搶怪!我得你唔得之類既廣東話口語
可能佢地以為咁好型啦
永恆之北部極地打黑暗羽毛個位咁旁邊有度露天d人度休息有時會比d港人事故意引怪放魔法殺人
可能呢d人就係所謂既狗改不了吃屎啦

作者: ts02977036 時間: 08-6-25 10:59 PM

原帖由異魔於 2008-6-25 10:58 PM 發表
人地唔介意其他人或其他地區既人點睇自己麻
重有d人鍾意改個隊名叫d我點樣點樣搶怪或搶怪!我得你唔得之類既廣東話口語
可能佢地以為咁好型啦
永恆之北部極地打黑暗羽毛個位咁旁邊有度露天d人度休息有時會比d港人事 ...

講得岩
人地台灣
唔實行搶怪打法
玩game先咁勁
咁就引來某d狗話佢地用外掛~_~

作者: sszz 時間: 08-6-25 11:02 PM 標題: 回復 27# ts02977036 的帖子

下....
台灣唔實行搶怪打法...?
有冇聽錯你玩過台灣d game味??
仲有台灣真係有唔小人用外掛 e個係事實
點解話佢地既人係狗??

作者: ieccream 時間: 08-6-25 11:16 PM

我就唔係好同意...
其實你玩eco之前已經諗到會有搶怪出現,
根本隻隻game都會有.算啦-3-

作者: 風鷲 時間: 08-6-25 11:20 PM

原帖由 ieccream 於 2008-6-25 11:16 PM 發表
我就唔係好同意...
其實你玩eco之前已經諗到會有搶怪出現,
根本隻隻game都會有.算啦-3-

有腦既話,都應該知咩叫事在人為,如果個個都好似你咁諗,咪好似依家咁囉

作者: 寒冰魔龍 時間: 08-6-25 11:21 PM

係呢個人多小怪既情況裡邊搶怪係冇錯既

作者: Fai704 時間: 08-6-25 11:24 PM

玩game被人搶怪的確會令人唔開心
eco lee 隻game嘅setting就係擺明要玩家互相搶怪
其實大家可以要求官方學wow
第一個人打怪先當第二個人搶時或殺左隻怪時係得唔到任何經驗和道具
日本玩家冇lee 個要求係佢地事唔好同我講日本咁咁

作者: Navigator 時間: 08-6-25 11:29 PM

唉我都比人搶唔少次,鬼叫自己係弓手搶第一下先既多 XD

作者: zxcvsam9 時間: 08-6-25 11:31 PM

香港人係衰在成日講粗口姐

如果講品既話香港人算好嫁啦(相比起大陸

)
d台ser game成班台人係到外掛外掛

隻眼開隻眼閉啦呢d野

唔洗拎黎哂氣既

作者: 美人魚暗之惡魔 時間: 08-6-25 11:31 PM

原帖由 Fai704 於 2008-6-25 11:24 PM 發表
玩game被人搶怪的確會令人唔開心
eco lee 隻game嘅setting就係擺明要玩家互相搶怪
其實大家可以要求官方學wow
第一個人打怪先當第二個人搶時或殺左隻怪時係得唔到任何經驗和道具
日本玩家冇lee 個要求係佢 ...

咁的設定會有一個後果
就會一個人打隻怪一下就走
成場怪都俾佢打左第一下
咁其他人仲駛升?
但係我覺得可以張扣得隻怪最多血個個人列為第1
除左第1以外其他人得到的經減半
道具優先權係第1

作者: 美人魚暗之惡魔 時間: 08-6-25 11:33 PM

原帖由 zxcvsam9 於 2008-6-25 11:31 PM 發表
香港人係衰在成日講粗口姐
如果講品既話香港人算好嫁啦(相比起大陸 )
d台ser game成班台人係到外掛外掛
隻眼開隻眼閉啦呢d野
唔洗拎黎哂氣既

成日見大陸整外掛出來
上網搵下
就會見到好多都係大陸網址+簡體的外掛網

作者: Fai704 時間: 08-6-25 11:51 PM

原帖由 美人魚暗之惡魔 於 2008-6-25 23:31 發表

咁的設定會有一個後果
就會一個人打隻怪一下就走
成場怪都俾佢打左第一下
咁其他人仲駛升?
但係我覺得可以張扣得隻怪最多血個個人列為第1
除左第1以外其他人得到的經減半
道具優先權係第1

咁做同樣要同人分exp
wow setting係當你打左隻怪一下隻怪基本係屬於你但必須在限定時間內kill左怪
你講霸成個場跟本冇可能
同埋你可以去巴哈睇下有冇你所觀點出現

作者: 霧暮★貓 時間: 08-6-25 11:52 PM

原帖由 zxcvsam9 於 2008-6-25 11:31 PM 發表
香港人係衰在成日講粗口姐
如果講品既話香港人算好嫁啦(相比起大陸 )
d台ser game成班台人係到外掛外掛
隻眼開隻眼閉啦呢d野
唔洗拎黎哂氣既

講起粗口，我最討厭個D乜都講粗口既人！
樣樣有咩唔順就搵粗口黎應付！
一睇就知講粗口個班人無文化！
你有文化既，一句野都可以頂翻人地翻轉頭！
無料既人先至要搵人地父母叔伯兄弟黎鬧遮！
都唔知點解個D人，咁鐘意自暴其短！

作者: 美人魚暗之惡魔 時間: 08-6-25 11:54 PM

原帖由 Fai704 於 2008-6-25 11:51 PM 發表

咁做同樣要同人分exp
wow setting係當你打左隻怪一下隻怪基本係屬於你但必須在限定時間內kill左怪
你講霸成個場跟本冇可能
同埋你可以去巴哈睇下有冇你所觀點出現

你咁做會對魔法系極唔公平
魔法出緊技
當用2秒時間
有個人就咁行埋去打一下
佢就搶哂全部經
但係主力打的係個魔法

作者: 爭霸者 時間: 08-6-25 11:57 PM

agree@@~~~~~~~~~

作者: 霧暮★貓 時間: 08-6-26 12:03 AM

原帖由 爭霸者 於 2008-6-25 11:57 PM 發表
agree@@~~~~~~~~~

爭霸兄，你好唔好無回個無凌兩可既post好無！
意見都講下呀？你D分點黎架！

作者: jacky830626 時間: 08-6-26 12:25 AM

樓主我有D同意你講法但係又有D唔同意你講法
我同意既係香港人玩好多GAME都有搶怪情況出現
好似我今日咁我係雪原打緊怪升LV 有個叫小陽既人連搶左我4次怪
仲要次次都係我打隻怪先
頭3次我都忍佢但係到左第4次我忍唔住同佢講''大佬,你搶完我怪未啊?'
我咁樣講啦不過佢比我既回應令我好火又好o咀佢話''我滑鼠失靈先搶到你怪''
你如果搶左1次怪咁講既話 OK~我接受但係你搶左我4次怪先咁講我真係.......
佢根本就係全心搶我怪講咩大話姐? 我真係好唔明囉
我最唔明就係如果你滑鼠失靈點解你會玩到ECO既我真係好想知囉....

我唔同意既係樓主既係文章好似太'以遍蓋全' 我相信大多數人都唔LIKE D人搶怪
但係樓主講到好似所有香港人都搶人怪咁講真話樓主我咁講唔好怪我
我睇你既文章之後真係有D想嘈你因為你講到好似個個香港人都唔係好人咁
我問心講我搶人怪既次數5次都冇我相信好多玩家都冇咩點搶過人怪
但係樓主真係講到好似香港冇個好人所以我唔係太同意樓主既表達方式

作者: jacky830626 時間: 08-6-26 12:29 AM

原帖由 sszz 於 2008/6/25 22:54 發表
我覺得...
搶人怪個d有問題
但係打左你想打既怪有咩問題??
只係得你一個想打??
只要你一日未打到隻怪
隻怪都唔係你人地打左冇咩問題

sszz你好似唔係好明咩叫搶怪
搶怪係指你打左隻怪之後人地打你打緊個隻怪(PS:我可能解釋得唔好太好)

作者: 卍風云卍 時間: 08-6-26 12:29 AM

前幾日係牛牛到爆左6個鍾升30
我俾人搶怪都搶左好多次啦
最搞笑係有d低lv專搵咕咕呢d低血高經既怪打
見到野豬就周圍走,咁都味算,仲要行埋多人d地方度(個d仆街黎)

作者: extinct123 時間: 08-6-26 12:30 AM

我做體騎,切切實實咁感受到被搶怪既無奈,
另外,弓手呢個職業真係搶怪最強,佢要搶,明明隻怪係自己面前都打唔到...

作者: 蚊子 時間: 08-6-26 12:35 AM

樓主見到你篇文
我都有野想講
其實香港人有冇檢討下自己D行為言語
日日都為左小事就喊打喊殺
搞到台灣人內地人
覺得香港人好唔講道理
香港人成日都講台灣人內地人
冇品 ON X 低B 白痴等等既說話

香港人根本係狗眼看人低
香港人李3個字係好多GAME都臭哂
都係香港人自己一手做成
每次嘈交之前有冇諗過
影響香港人身份

作者: ～~炎~～ 時間: 08-6-26 12:46 AM

原帖由 卍風云卍 於 2008-6-26 12:29 AM 發表
前幾日係牛牛到爆左6個鍾升30
我俾人搶怪都搶左好多次啦
最搞笑係有d低lv專搵咕咕呢d低血高經既怪打
見到野豬就周圍走,咁都味算,仲要行埋多人d地方度(個d仆街黎)

就因為佢低lv...俾野豬追咪想搵人幫佢打
不過以我經驗所知...d野豬好似只會追死一個目標=.=
你唔走過傳點佢都會一直追住你....

作者: 隨風╭☆ 時間: 08-6-26 12:57 AM

樓主.. 我十分同意你的說法..

因為我已經在巴哈看了不少文章說我"香港人".. 不是說我們搶怪.. 就是說我們黑商..

很多台灣人都說台灣eco開放就會回台版去了..

看到台灣人這麼說.. 我也很氣忿.. 因為我沒有搶人的.. 倒反給人把所有香港人都說成一樣了..

我最近一直在地牢2/f打雞升lv.. 每天也會遇上一堆搶怪的..

我明明放法已經唱到一半了.. 騎士還要跑過去補刀..

一次兩次三次.. 都可能是誤會吧.. 到了第四次.. 我終於忍不住開口了..

結果那騎士說.. 這樣搶怪才有樂趣.. 不然怎麼升等..!?

我無言了..

畢竟現在的社會.. 思想幼稚的人太多..

所以樓主也別太激動.. 做好自己就算了..

作者: danlam 時間: 08-6-26 01:48 AM

我試過我打緊怪]
有條友清得又唔係快
但係就拉3-5隻
好我忍你
點知佢拉佢堆怪個黎
我比佢個堆怪用範圍打死左
算我都忍你
點知佢仲要笑
話我on9
我可以點忍

作者: zulu 時間: 08-6-26 01:55 AM 標題: 回復 2# 牙花＊的帖子

that's why咁多年我都係玩台版~~~RO都玩TEST SER~貪少D HK人...唉~~

作者: momo999 時間: 08-6-26 02:08 AM

樓主講得其實無錯
本來搶怪就唔好，但係d人仲好似老鳯咁
一開頭都有話下人，不過d人都唔show人，照舊搶怪
所以只可以無奈咁接受依個現實

[ 本帖最後由 momo999 於 2008-6-26 02:10 AM 編輯 ]

作者: 悠雲~ 時間: 08-6-26 02:31 AM

同意樓主講法
但膠人個個國家既online game都有-__-,
但香港人又真係中意爆粗好無品,
有次見到有個港人(a者)好有禮貌咁,
想問另外一個港人(b者)點去某某地方個時,
b者突然爆粗叫a者''死x開,唔好阻x住佢,唔識去就咪x去'',
我係附近睇到依d咁既對話覺得依種人無得救,
教一教人唔駛死下化-_-?
仲有次聽到有人講有人騙裝,
唉-_-遲d依隻game會死係依d人手上

[ 本帖最後由悠雲~ 於 2008-6-26 02:32 AM 編輯 ]

作者: 夢幻楓葉 時間: 08-6-26 02:37 AM

呃= =...似乎很多人都是感同深受阿
嘛...要是說"大部份"香港人素質低,文化教養差的話
事實上是...

現實虛擬世界以及ACG二次元發展走向日漸[ 低年齡 ] 化
消費/使用對象愈發多是在8~14歲左右的[兒童](?)
由於人文教育的不完整,思想道德的偏差,社會現實的自我逃避0.0
導致無法在正常生活當中發洩的情緒(?)在虛擬世界裡面...(以下省略)

當到了15~20歲(不包含大學生)左右時又會有一堆自以為是的[小鬼]
在那邊自鳴得意...自以為了不起/口\....

拍謝, 因為俺在遊戲裡做小賊的
可是做賊也不好混, agi點高了沒啥攻擊力...砍怪速度有點摸摸的...
所以經常被路過的 [正義俠仕] 來了一個路見不平，拔"刀"相助給我把exp吸...哦不是,給我把正在咬俺的怪物給滅了
如果說每天都要[忍]受這種事情
誰能包保哪一天不宣洩出來o_0"
樓主怨恨與無奈的心情…俺不客氣的收下了…

啊哈?這一段話肯定是很多人想要把我給滅了

那也就證明我說的話是
一．針．見．血

作者: 靜流ｖnｒ 時間: 08-6-26 02:45 AM

岩岩睇過下唔同post 其他人點回覆
就知道呢d惡習有排都改唔到
唉= =

作者: 滕本健太 時間: 08-6-26 03:30 AM

我永遠保持中立的
但都覺得香港人有時太無品- -"
我玩元素師第一次打地牢跑手執野我話分錢個個都同意架
打完之後條跑手自己解隊走左去咪又係D死令仔所為囉 - -"
我最近年幾去左玩台game 玩得幾開心識左唔少朋友-_-
香港人依然保持一份自私心= ="台人見新手都送唔少比較上貴既野啦=口=又唔見你咁好死送

作者: 柒千 時間: 08-6-26 03:45 AM

支持樓主我人低LV係低LV得45LV 但係都知咩叫品人地打過既怪我唔會搶我想講LO ECO再咁玩落去就真係死好多人都為左突出自己係勁既就搶人怪打好似我琴日打緊隻大機械人唔係話D20幾LV同30LV廢同垃圾我真係唔明點解我一打你地成班就打之前隻野仲係要冇比人扣過血我先去打但係D人一見到就沖晒埋黎搞到本身隻野唔係多經可能得100幾搞到等同打隻皮露露得7經真係唔該搶怪果D野諗下比你搶到係唔係好威先咁威唔見你做大佬要係ECO搶野你地睇完要插就插係咁多

作者: 夢醒來 時間: 08-6-26 03:58 AM

LEE個問題單止係香港人問題咩
台灣人沒咩？奇實ｌｅｅ　ｄ　ｐｏｓｔ我可以話亳無意義
仲要踩低自己人，有咩意思?

作者: 香蕉仔 時間: 08-6-26 06:20 AM

其實已經牽涉及國民意識...
乜野老豆老母
生乜野仔女...

作者: 香蕉仔 時間: 08-6-26 06:28 AM

原帖由 夢醒來 於 2008-6-26 03:58 AM 發表
LEE個問題單止係香港人問題咩
台灣人沒咩？奇實ｌｅｅ　ｄ　ｐｏｓｔ我可以話亳無意義
仲要踩低自己人，有咩意思?

係就係
但係台服比人搶到會見到有人講抱歉仲會盡量避免
港服? 唔比人問候娘親又咩約出黎真人kof咪偷笑囉

[ 本帖最後由香蕉仔於 2008-6-26 06:32 AM 編輯 ]

作者: ts02977036 時間: 08-6-26 07:12 AM

原帖由 sszz 於 2008-6-25 11:02 PM 發表
下....
台灣唔實行搶怪打法...?
有冇聽錯你玩過台灣d game味??
仲有台灣真係有唔小人用外掛 e個係事實
點解話佢地既人係狗??

台灣人用外掛????
你講既只係小數你所講既[唔只] 係大陸人姐
台灣真老實講佢地就算其他game p你小你佢地都唔會搶怪/洗你頻之類果d咁抵裝

作者: sszz 時間: 08-6-26 07:17 AM 標題: 回復 60# ts02977036 的帖子

睇黎你唔了解台灣人
大把台灣人係巴哈係到小外掛其實自己都用緊

e d係台灣fd同我講

仲有邊個話台灣人冇搶怪
基本上搶怪係每隻game都有
不過係多同小
台灣人冇你諗得咁美好

作者: ts02977036 時間: 08-6-26 07:41 AM

原帖由 sszz 於 2008-6-26 07:17 AM 發表
睇黎你唔了解台灣人
大把台灣人係巴哈係到小外掛其實自己都用緊
e d係台灣fd同我講

仲有邊個話台灣人冇搶怪
基本上搶怪係每隻game都有
不過係多同小
台灣人冇你諗得咁美好:em012 ...

我唔了解???
我同佢地玩一隻美版game玩左幾年
人地辛辛苦苦由1lv升到100lv 晒左5年時間
其間我未聽過佢地搶怪反而重比其他人搶怪
唔似d人咁搶完人怪重扮晒野走上來屈人@@"

我知你了解台灣人@@"
了解點樣屈人法ma

作者: 梳打餅 時間: 08-6-26 07:53 AM

原帖由 ts02977036 於 2008-6-26 07:41 AM 發表

我唔了解???
我同佢地玩一隻美版game玩左幾年
人地辛辛苦苦由1lv升到100lv 晒左5年時間
其間我未聽過佢地搶怪反而重比其他人搶怪
唔似d人咁搶完人怪重扮晒野走上來屈人@@"

我知你了解台灣人@@"
了解點 ...

你咁好野- -
同哂台灣人玩GAME"

作者: ts02977036 時間: 08-6-26 08:08 AM

原帖由 梳打餅 於 2008-6-26 07:53 AM 發表

你咁好野- -
同哂台灣人玩GAME"

好野就要同晒台灣人玩game???
咩道理

作者: cannypp 時間: 08-6-26 08:20 AM

同意香港人人品愈來愈差
不過其實......台灣人自評台灣人很多人用外掛的......還有....最少我在QQ認識的大陸朋友......認為大陸遊戲搶得比香港的凶.......連道歉都不用期望.......

作者: water水 時間: 08-6-26 08:30 AM

我升LV升得慢~
好多台灣大陸的新手都搶我ge LA~
我就唔信台灣大陸一個人搶怪都冇~
樓主你係唔係識得全部台灣D人先~?

PS:請你唔好用你一個人的角度/經歷就代表全部人
   每一個人都有搶人怪的時侯
   故意的拍拍屁股就走左去~
   不小心的,罵下罵下就當成了故意的~

我有一次係自己同對方睇中同一隻,
   因為對方走路比較慢,所以你打左一下先,跟住佢停唔到,
   於是又打左一下~就造成左搶怪的現象~

[ 本帖最後由 water水於 2008-6-26 08:44 AM 編輯 ]

作者: cannypp 時間: 08-6-26 08:36 AM

原帖由 water水 於 2008-6-26 08:30 AM 發表
好多台灣大陸的新手都搶LA~
我就唔信台灣大陸一個人搶怪都冇~

哪裡都有人搶...不過香港人以搶為名....

作者: sszz 時間: 08-6-26 10:00 AM 標題: 回復 62# ts02977036 的帖子

ha 你5年都仲未了解台灣人
台灣人唔搶怪?
係有d係唔搶
正如香港都有d人唔搶
但台灣人係未真係好似你講到咁神聖?
我一d都唔覺

作者: SHowYou 時間: 08-6-26 10:07 AM

如果台灣人或其他人鍾意以偏概全,都冇計
如果佢地因為某部分香港人而對全部香港人不好感,就佢地既事
呢到係香港伺服器,搶怪,白目的人總有人在,佢地如果見到人搶怪就覺得香港人乜香港人物,就即係佢地唔識諗
你標題都係,並不是每個香港人都像你所說,你遇到的,別人遇到的,並不代表每個人都遇到

最後俾樓上某部分人睇:
千萬不要因少部分人說整部分香港人都這樣
否則會對很多人誤解,對其他事情也是

[ 本帖最後由 SHowYou 於 2008-6-26 10:08 AM 編輯 ]

作者: 小咒醫 時間: 08-6-26 10:10 AM

講番一下小經歷

某天

B2F打火雞

有一名精靈使趴了，又沒有祭司幫復活，

那我就拿復活藥水幫佢吧。

點知，當我朋友掛機沖涼果陣，就被1隻火雞圍攻(當時我開緊石穴護佢，但我也趴了)，

不但沒有出手幫助，更看著我隊友被火雞K掉，然後再殺那一隻火雞，

這表示什麼?

部份香港人係自私的。

作者: 傻LEUNG 時間: 08-6-26 10:14 AM

其實好多台灣人對香港人O既FEELING真係好差

作者: 黑翼ex 時間: 08-6-26 10:18 AM

無言－ｖ－，如果要說的話，只可以講，呢ｄ就是現實吧．
但玩ｇａｍｅ求開心，做左衰野比人話自己又會惱，沒比人話自己又會擔心ｏｒ良心過意吳去，甘不如無好做ｄ另自己後悔ｇｅ事－ｖ－

作者: woodylo 時間: 08-6-26 10:18 AM

香港人既特色

作者: 滿天星 時間: 08-6-26 10:19 AM

我有一半係同意樓主既講法,而有一半係唔同意
搶怪的確令人好難受,明明d人睇住我打緊隻怪都要走過黎搶,我真係想知佢地雙眼係咪有問題。
我自己係玩su系,有陣時出技唔夠快又比人搶左,又係好火。所以我會選擇曬時間同佢地鬥搶,反正我多的是時間。

唔同意既地方就係
樓主知唔知有d地方真係怪少人多.例如地牢個到,個到真係怪少人多,無辦法唔搶怪,因為唔搶就連個少少exp都無。
一係就叫個代理改改出怪既速度,當然亦都有第2d辦法,不過我諗唔到,若果唔係就算樓主你係到點鬧點嘈都係無用。

作者: clive123 時間: 08-6-26 10:22 AM

台灣人好可以好好  差的仲可以7過香港人
都唔知開POST係咪想攪台獨  同  港獨
搶怪  我玩過瑪奇
果個係台SER黎
大把台灣人一招風車搶怪

作者: wingOsky 時間: 08-6-26 10:22 AM

香港人ge機品真係十分之差...
打online game,台灣會組隊一齊打,合作打,有少部份人仲會幫新手升
但係香港人有幾多個人會咁做?我自問除左識ge friend之外,無組過其他人(當然我亦都無搵過人組,但係打星辰ge時候有)

講真,香港人整體ge品行都好差,你會係街到見到一d行路唔帶眼,甚至睇你唔順眼就用操口媽人
去機鋪打高達,會有人拉打口E人拉打,有d用到god gundam呢d攻型ge機都係咁
註:(拉打指唔主動住攻,等人埋黎先打)

呢個跟本就唔淨係係網上先出現ge現象,跟本就係香港ge問題

作者: hkpopo123 時間: 08-6-26 10:23 AM

我玩果時就唔會搶怪o的
因為搶怪小d經咁d人都係照搶真係唔知咩心態
不過有時見到d人死左都幾開心唔知叫唔叫變態

作者: wingOsky 時間: 08-6-26 10:26 AM

原帖由 clive123 於 2008-6-26 10:22 AM 發表
台灣人好可以好好  差的仲可以7過香港人
都唔知開POST係咪想攪台獨  同  港獨
搶怪  我玩過瑪奇
果個係台SER黎
大把台灣人一招風車搶怪

我都有玩過瑪奇
但係我e經歷同你差好遠
我玩過兩次瑪奇,同ser
一次係剛開個陣,第二次係開巨人前無幾耐
第一次個陣係好好,香港人同台灣人都ok,仲會一齊營火會,彈歌,吹水,無咩搶怪
第二次個陣係差左,唔會有營火會,但係都無咩搶怪會發生....d人只會狂打地城...

作者: IaTk__ 時間: 08-6-26 10:28 AM

不要以偏概全吧.....我諗搶怪果D多數都係D唔識專重人既細路而已吧?

作者: 霧暮★貓 時間: 08-6-26 10:31 AM

睇樓上既post就知！
香港人有幾多人品點樣差！
唔係話香港人品差就全部差既！
係人地台灣大陸仲識得反映自己既不是！
但香港人呢？
post個問題出黎一堆人黎單單打打！
無心教人就好走啦，講堆野黎呃分！
post個遊戲入面玩家既問題！搶怪呀！粗口呀！
又出黎單單打打！有D仲要鬧翻樓主！
去睇下依種post，入面有幾多係幫樓主正視問題？
香港人喎！
雖然唔係全部，但我自己身為香港人！
都覺得香港人品差好多囉！
同我以前玩港版既遊戲完全唔同！
以前行街小朋友不會講粗口，其他人唔會講粗口！
宜家行街，四圍都見人講粗口！
其實個班人，覺唔覺自己好難睇架？

作者: 小咒醫 時間: 08-6-26 10:32 AM

原帖由 霧暮★貓 於 2008-6-26 10:31 AM 發表
睇樓上既post就知！
香港人有幾多人品點樣差！
唔係話香港人品差就全部差既！
係人地台灣大陸仲識得反映自己既不是！
但香港人呢？
post個問題出黎一堆人黎單單打打！
無心教人就好走啦，講堆野黎呃分！
post ...

大陸人比香港人更可怕

只有極少數人會自我反省

這是我係日本魔力2 所經歷到

作者: 霧暮★貓 時間: 08-6-26 10:35 AM

原帖由 clive123 於 2008-6-26 10:22 AM 發表
台灣人好可以好好  差的仲可以7過香港人
都唔知開POST係咪想攪台獨  同  港獨
搶怪  我玩過瑪奇
果個係台SER黎
大把台灣人一招風車搶怪

有時林野又唔到咁一面倒！
佢都係講個意見遮！
咁就話人台獨同港獨？
如果樓主係以偏蓋全既話！
你都係同一樣喎！
不過起碼人地有些小證據講！
但你只不過係覺得人地想攪台獨同港獨
但你係用"係咪"兩字！
個個x獨唔可以亂用喎！
樓主有乜行為顯示佢想依種事？
講野唔該林深一層先好講！
無證無據就亂話人......唔通都係香港特式？

作者: 滿天星 時間: 08-6-26 10:39 AM

原帖由 霧暮★貓 於 2008-6-26 10:31 AM 發表
睇樓上既post就知！
香港人有幾多人品點樣差！
唔係話香港人品差就全部差既！
係人地台灣大陸仲識得反映自己既不是！
但香港人呢？
post個問題出黎一堆人黎單單打打！
無心教人就好走啦，講堆野黎呃分！
post ...

呃分? d分呃黎有咩用?
唔係話無正視個問題,只係係到正視有咩用。能夠改變香港人既人品?
有d係game入面搶怪既人都可以係好高析力,黎到喱到一樣可以講到幾好幾好咁,但係入到game一樣係搶,咁有咩用?

作者: 小銓兄 時間: 08-6-26 10:39 AM

轉玩台版啦~~

作者: baw 時間: 08-6-26 10:39 AM

老實講,我元素未40job之前解34個康康任多數都用5lv技開怪
d人企係度等我差唔多唱完先用1lv技或普攻打埋去,要解任唔係得你地一個
要解唔該自己打,唔好做埋d冇品野

作者: 霧暮★貓 時間: 08-6-26 10:42 AM

原帖由 小咒醫 於 2008-6-26 10:32 AM 發表

大陸人比香港人更可怕

只有極少數人會自我反省

這是我係日本魔力2 所經歷到

=n="咁始終我地唔係大陸人！
唔知道情況！我見到都有好多大陸人幾好！
不過近日奧運問題！憤青太多！
台灣雖說也有很多人組團搶自個搶！
但我玩台版遊戲來說！風氣的確比香港好！
台版不會把搶怪合理化！
不會把粗口合理化！
遊戲裡有人說粗口！但不會有人脅他！
但香港！除地牢！去別處被搶怪！
反說遊戲只嘛！搶米搶！點呀？
周圍的人說的則是：遊戲遮！快D去升級仲好啦！

見到咁我明左一件事！香港人玩遊戲係為等級多D
等級高就有好多正野！<==唔係依個問題
係D人下意識想樣樣快！等級衝最快就最好啦！
衝到頂又怎？有點不明白為什麼要升這麼快！
為了快就可以亂搶嗎？

作者: 天龍王子 時間: 08-6-26 10:43 AM

睇到有好多人話台灣人用外掛...
我唔信個外掛比大家知道左之後冇人會用 =_=
台灣人用外掛呢個問題係唔成立...

作者: Pinkblue 時間: 08-6-26 10:44 AM

我都成日試過俾人搶怪,早兩星期前,打狼區仲有好多人在升LV的的時侯,有次我在打緊隻狼,有個玩家又走埋稷黎打我果隻,佢應該遲我1-2秒打,點知出左隻狼,佢第一時間鬧我PK,仲叫我俾返佢,之後我同佢講,如果你你打先點解你汁唔到,之後佢好嬲咁走左.仲有我都想講返依隻GAME,我覺得易升又多經的地方會特別多人搶怪,可能因為隻GAME太多人關係...

作者: 霧暮★貓 時間: 08-6-26 10:45 AM

原帖由 滿天星 於 2008-6-26 10:39 AM 發表

呃分? d分呃黎有咩用?
唔係話無正視個問題,只係係到正視有咩用。能夠改變香港人既人品?
有d係game入面搶怪既人都可以係好高析力,黎到喱到一樣可以講到幾好幾好咁,但係入到game一樣係搶,咁有咩用?

係喎！唉！世事變呀！以前仲會有人推你！
宜家講道理分分中比人小！
2千分依度見多呢T"T

作者: clive123 時間: 08-6-26 10:48 AM

D人係鍾意係同一個地方搶
升得快
咁講法唔見D 3X 北牢升北牢大把怪洗咩係南牢同D 5X SOLO的人搶
人地5字真係一招一隻
D 3X一招打唔死撞住哂扣得果2XX 3XX

作者: 小咒醫 時間: 08-6-26 10:51 AM

原帖由 天龍王子 於 2008-6-26 10:43 AM 發表
睇到有好多人話台灣人用外掛...
我唔信個外掛比大家知道左之後冇人會用 =_=
台灣人用外掛呢個問題係唔成立...

同感+1

原帖由 霧暮★貓 於 2008-6-26 10:42 AM 發表

=n="咁始終我地唔係大陸人！
唔知道情況！我見到都有好多大陸人幾好！
不過近日奧運問題！憤青太多！
台灣雖說也有很多人組團搶自個搶！
但我玩台版遊戲來說！風氣的確比香港好！
台版不會把搶怪合理化！
不 ...

並不是因為唔係大陸人所以就唔知道大陸人既情況

很多事情都要靠自己去經歷

我本身都認為大陸人都ok好的

但自從魔2之後就....orz

作者: luteria 時間: 08-6-26 10:51 AM

原帖由 baw 於 26-6-2008 10:39 AM 發表
老實講,我元素未40job之前解34個康康任多數都用5lv技開怪
d人企係度等我差唔多唱完先用1lv技或普攻打埋去,要解任唔係得你地一個
要解唔該自己打,唔好做埋d冇品野

做康康任係我最常遇到俾人搶怪嘅時候, 平時我哋組打咗一, 兩下隻康康再被其他人打我會當係有 delay, 不過我都見過好多人喺我哋打到一半甚至差唔多打剩少少就衝埋嚟補幾刀, 咁仲唔係搶怪...?

作者: rayha2k 時間: 08-6-26 10:52 AM

留個名支持一下. 這個不是種族歧視, 也不是意外. 我都係香港人. 不過香港人的水準真的好差. 差在文化上. 無禮貌, 我行我素. 自私自利. 如果你去過外國生活過一段時間就會充分明白到. 我們這些香港人都算係人嗎? 像野獸一樣的自把自為. 像狗一樣的見人就吼, 像狐狸一樣的狡猾, 像狼一樣的殘忍, 欺善怕惡. 我在英國讀書時玩過英國伺服o既ro, rf, flyff, 大部分玩家都對中國人, 香港人的印象就是, 外掛狗, scammer=欺騙道具的仆街, 最下級沒品的玩家. 令我在外國生活時被人用過很低級的說話罵過. 不過沒辦法. 自己都覺得香港人真的是那樣, 無得救. 所以現在以事不關已, 已不勞心的態度在香港生活. 維持自己o既風格, 不會隨波逐流.

作者: 滿天星 時間: 08-6-26 10:54 AM

原帖由 霧暮★貓 於 2008-6-26 10:45 AM 發表

係喎！唉！世事變呀！以前仲會有人推你！
宜家講道理分分中比人小！
2千分依度見多呢T"T

無計...個d人係無中生有,打橫黎講,即使我地幾大條道理都好,係佢地眼中都係廢話。

作者: ricocyk316 時間: 08-6-26 10:58 AM

樓主相信你呢篇野可以令好多人醒覺(唔包括我..)

作者: 愁恨天 時間: 08-6-26 10:59 AM

你去過網吧睇d 細路就知- -
膠處未算膠

作者: lonelycman 時間: 08-6-26 11:01 AM

所以一向都好少玩港服....令願玩台服" eco 呢隻都唔另外....台灣個邊先岩岩封測開始....

作者: qzsoul 時間: 08-6-26 11:06 AM

說句公道說話,
其實各個地方玩家質素差不多
只不過香港玩家的年齡層是比內地及台灣的小很多
故相對行為上亦較不成熟

作者: ts02977036 時間: 08-6-26 11:10 AM

原帖由 sszz 於 2008-6-26 10:00 AM 發表
ha 你5年都仲未了解台灣人
台灣人唔搶怪?
係有d係唔搶
正如香港都有d人唔搶
但台灣人係未真係好似你講到咁神聖?
我一d都唔覺

你邊句睇到我話台灣人好神聖@@?
我覺得最神聖既咪就係你果d屈人法

神到唔神差d整走我好彩我定力夠

香港人有d人唔搶但係有大部份人都搶
你而家未知你去到謎之團到你就知
一隻怪千幾隻一個人打其他人走來搶
千幾經分分鍾比人搶到我番200幾 300幾
咁比人搶法唔火果個就奇

作者: sszz 時間: 08-6-26 11:29 AM 標題: 回復 99# ts02977036 的帖子

講得岩
人地台灣
唔實行搶怪打法
玩game先咁勁
咁就引來某d狗話佢地用外掛~_~
係你講個可??
仲有  我都係個句
唔覺得台灣人好過香港好多
係香港多粗口  其他2邊都唔好過對方

仲有  個個都冇被人屈  係你被人屈
心照la

歡迎光臨 2000FUN論壇 (https://www.2000fun.com/)