2000FUN論壇

標題: 理 大 實 驗 室 涉 殘 忍 虐 兔 [打印本頁]
作者: 御劍軒〤魚蛋○    時間: 08-7-4 09:30 PM     標題: 理 大 實 驗 室 涉 殘 忍 虐 兔

來源:蘋果日報 7月4日

理 工 大 學 康 復 治 療 科 學 系 涉 嫌 虐 畜 ， 理 大 動 物 道 德 委 員 會 早 前 突 擊 巡 查 期 間 ， 赫 然 發 現 該 系 有 研 究 人 員 涉 嫌 不 善 處 理 用 作 實 驗 的 三 隻 白 兔 ， 令 牠 們 極 度 痛 楚 至 自 行 用 牙 齒 咬 斷 雙 腳 ； 有 目 睹 事 件 人 士 企 圖 報 警 投 訴 理 大 虐 畜 及 涉 嫌 違 法 ， 惟 遭 理 大 道 德 委 員 會 委 員 勸 阻 。 理 大 已 就 事 件 成 立 調 查 小 組 ， 若 確 實 是 研 究 人 員 違 規 ， 不 排 除 紀 律 處 分 。
記 者 ： 梁 美 寶

據 了 解 ， 被 指 涉 嫌 虐 畜 的 研 究 名 為 「 骨 骼 分 解 與 神 經 成 長 研 究 」 ， 由 理 大 康 復 治 療 科 學 系 助 理  授 郭 霞 負 責 ， 中 大 副 校 長 、 骨 科 醫 生 鄭 振 耀  授 及 另 有 兩 名 研 究 員 參 與 。 郭 霞 及 鄭 振 耀 均 屬 著 名 學 者 ， 前 者 曾 在 四 川 地 震 後 為 災 民 安 裝 骨 骼 固 定 器 。 該 研 究 由 05 至 今 年 6 月 30 日 止 ， 獲 研 究 資 助 局 撥 款 67 萬 元 資 助 ， 主 要 研 究 骨 骼 重 生 功 能 。



理 大 作 內 部 調 查



郭 霞 曾 在 四 川 地 震 後 前 往 當 地 ， 為 災 民 安 裝 骨 折 固 定 裝 置 ， 但 其 研 究 被 指 涉 嫌 虐 畜 。
資 料 圖 片


該 研 究 需 以 40 隻 活 兔 作 測 試 ， 需 將 白 兔 腳 的 骨 骼 弄 斷 ， 再 以 不 同 方 法 試 驗 骨 骼 重 生 。 雖 然 進 行 實 驗 前 ， 郭 霞 已 將 實 驗 所 需 的 動 物 數 量 、 動 物 受 傷 過 程 及 痛 苦 評 估 等 上 呈 校 內 動 物 道 德 委 員 會 等 多 個 部 門 ， 也 獲 衞 生 署 批 准 ， 但 當 理 大 的 動 物 道 德 委 員 會 於 3 月 份 突 擊 巡 查 時 ， 卻 發 現 實 驗 涉 嫌 虐 畜 。
知 情 者 指 ， 委 員 發 現 其 中 三 隻 用 作 實 驗 的 白 兔 ， 腿 部 傷 口 嚴 重 潰 爛 ， 令 牠 們 極 度 痛 苦 ， 忍 不 住 以 牙 齒 咬 斷 自 己 雙 腿 ， 「 見 到  人 覺 得 唔 可 以 接 受 ， 有 人 想 報 警 （ 控 ） 告 校 方 虐 畜 ， 但 係 理 大 就 話 內 部 調 查 呢 件 事 ， 所 以 先 無 報 警 。 」 學 系 隨 即 把 該 三 隻 白 兔 人 道 毀 滅 ， 以 減 輕 牠 們 的 痛 楚 。



不 排 除 紀 律 處 分
另 有 知 情 者 指 ， 該 研 究 規 定 每 周 需 巡 查 有 關 白 兔 兩 次 ， 疑 有 人 涉 疏 忽 照 顧 ， 未 有 妥 善 處 理 白 兔 的 傷 口 和 讓 牠 們 服 食 抗 生 素 。 據 知 ， 郭 已 向 校 方 解 釋 ， 包 括 指 該 類 實 驗 早 於 1913 年 已 在 外 國 進 行 ， 外 國 是 以 100 隻 狗 作 測 試 ， 當 中 50 隻 均 不 能 忍 受 ； 又 說 文 獻 指 白 兔 在 實 驗 中 有 自 殘 行 為 屬 常 見 。 理 大 已 成 立 調 查 委 員 會 跟 進 事 件 ， 預 料 月 內 有 結 果 ； 若 證 實 不 當 ， 不 排 除 向 有 關 人 士 作 紀 律 處 分 。
動 物 地 球 總 幹 事 黃 繼 仁 批 評 ， 「 呢 個 個 案 好 殘 忍 ， 動 物 唔 識 出 聲 就 任 人 宰 割 ！ 」 對 事 件 作 出 譴 責 ， 指 學 者 作 動 物 實 驗 時 常 虐 畜 ， 希 望 各 界 關 注 及 避 免 以 動 物 作 實 驗 。 愛 護 動 物 協 會 認 為 現 時 科 技 進 步 ， 應 避 免 以 活 體 動 物 作 實 驗 。
根 據 《 動 物 （ 實 驗 管 制 ） 條 例 》 ， 在 實 驗 過 程 中 ， 必 須 有 麻 醉 劑 效 力 足 以 使 該 動 物 免 受 痛 楚 ， 又 規 定 在 麻 醉 劑 消 失 前 需 把 動 物 殺 死 ， 違 例 者 最 高 可 被 罰 款 1,000 元 及 監 禁 六 個 月 。



特 稿 ： 常 用 實 驗 動 物 有 10 多 種
本 港 多 間 大 學 均 設 有 動 物 實 驗 室 用 作 醫 學 、 生 化 實 驗 ， 包 括 港 大 、 中 大 、 科 大 及 理 大 。 據 一 名 管 理 動 物 實 驗 室 的  授 表 示 ， 大 學 常 用 的 動 物 有 10 多 種 ， 包 括 大 、 小 老 鼠 、 白 兔 及 荷 蘭 豬 等 ； 而 不 同 實 驗 會 用 不 同 動 物 ， 如 無 毛 老 鼠 用 作 癌 症 實 驗 、 白 兔 作 基 因 實 驗 等 。 但 本 港 不 批 准 以 猴 子 作 實 驗 ， 又 因 港 人 愛 貓 狗 ， 怕 惹 起 愛 護 動 物 人 士 激 烈 行 動 ， 故 大 學 甚 少 以 有 關 動 物 作 實 驗 。



糧 食 有 特 定 要 求
該  授 說 ， 各 動 物 實 驗 室 均 需 無 菌 ， 並 對 照 料 動 物 有 極 嚴 格 要 求 ， 進 入 實 驗 室 人 員 須 要 穿 上 無 菌 裝 束 ， 「 好 似 入 ICU （ 深 切 治 療 部 ） 咁 ！ 」
糧 食 及 食 水 均 有 特 定 要 求 ， 如 實 驗 室 內 動 物 所 飲 用 的 食 水 不 可 含 菌 ， 就 連 白 老 鼠 也 只 可 飲 用 蒸 餾 水 ； 食 糧 也 需 特 別 訂 購 營 養 配 方 ， 以 確 保 牠 們 的 體 格 壯 健 ， 適 合 作 實 驗 。 同 時 ， 殺 死 有 關 動 物 時 也 須 極 快 捷 ， 在 牠 們 感 痛 楚 前 將 之 殺 掉 。
香 港 大 學 表 示 ， 06/07 年 度 ， 港 大 實 驗 動 物 中 心 的 動 物 寄 養 區 ， 每 日 平 均 有 25,710 隻 動 物 ， 大 部 份 為 老 鼠 ， 其 餘 為 倉 鼠 、 沙 鼠 、 雞 、 山 羊 、 豬 等 ， 動 物 實 驗 有 涉 及 幹 細 胞 實 驗 。 進 行 動 物 實 驗 有 既 定 程 序 ， 動 物 運 送 至 動 物 寄 養 區 及 分 送 至 動 物 房 後 ， 有 關 人 員 會 進 行 日 常 的 飼 養 工 作 、 動 物 健 康 檢 查 ， 再 在 動 物 身 上 進 行 實 驗 程 序 ， 完 成 後 即 將 有 關 動 物 人 道 毀 滅 ， 屍 體 以 醫 療 廢 物 程 序 處 理 及 棄 置 。
作者: 封之介    時間: 08-7-4 11:18 PM

佢地做d實驗都幾變態下
作者: 壽司－ｖ－    時間: 08-7-4 11:35 PM

連兔仔都忍唔到要咬斷自己隻腳..你話幾恐怖
作者: 紅花仔    時間: 08-7-5 12:24 AM

我想睇相多d....唔知有無
作者: 傻之仔    時間: 08-7-5 01:16 AM

好慘,兔仔咁可愛都要拎去做實驗,見到佢地自殘真係令人心痛,但係諗深一層,佢地咁做實驗都係為左人類係醫學領域到得到進步,我地而家咁多病有得醫,某程度上都要多謝先前為我地付出生命既無數動物
作者: 等待脫變    時間: 08-7-5 01:37 AM

離譜 人有生命,唔通動物又冇生命嫁...大陸d官起樓d錢都貪先會有今日既事件,佢地唔貪,都唔會有咁多死傷者啦

原帖由 傻之仔 於 2008-7-5 01:16 AM 發表
好慘,兔仔咁可愛都要拎去做實驗,見到佢地自殘真係令人心痛,但係諗深一層,佢地咁做實驗都係為左人類係醫學領域到得到進步,我地而家咁多病有得醫,某程度上都要多謝先前為我地付出生命既無數動物


咁樣唔通講一句多謝就可以補償得到d動物既生命嗎,而家醫學咁昌明,唔應該繼續用動物做實驗,動物都係一條命黎,唔通我地呢班人類大哂?
的確,人類成日話自己係最高級的,咁唔通動物就唔係,可以任人魚肉?

如果你地想話我都係成日食動物呢d,我可以同你講,我最近食菜多過食肉,1個月都係食果兩餐肉咁大把

所以我強烈反對果d所謂既學者繼續用動物做實驗

[ 本帖最後由 等待脫變 於 2008-7-5 01:39 AM 編輯 ]
作者: 御劍軒〤魚蛋○    時間: 08-7-5 01:54 AM

唉...
依家既社會對小動物真係好唔公平
人為左達到目的,就可以犧牲其他生命
真係好自私
就算係要幫人都應該搵第二d方法去研究
我就唔信依家既科技一定要犧牲動物先有結果
咁算係等價交換?
作者: 常山趙子龍    時間: 08-7-5 02:07 AM

講真,e個係人都覺得殘忍
但大家試諗下,如果佢地成功左,唔講佢地點做實驗個過程,大家會覺得佢地好勁
當佢地神咁拜咁,佢地做左e個實驗,而且又成功會幫到好多人
但係大家知道佢地失敗左,就會覺得佢地好唔人遁,拎d白兔黎做實驗
但我想同大家講唔拎動物黎做實驗,點知出黎個效果點唔點呀,唔通拎人黎做試驗咩
仲有,人地係拎d兔仔做實驗前,已效左個評估報告先,仲要係有人批准左喎
咁人地e家未完成就比d人係到話
d人未完成,成班香港人就係到話人地唔人道,話e樣果樣
人地完成左,幫到人,班香港人就係到話佢地點威點威
當佢地成功左,就算有咁既報導,d人都會唔記得囉
係成功既,唔會理你個過程係點;人地失敗左,就係到話人地個過程唔人道
好心d香港人啦,人地做咁既實驗都係幫人咋,你估好似d c拉咁,日日只係坐係屋企睇電視,唔做d對社會有貢獻既事咩

同埋佢地係將d動物放係個無菌既地方到,仲要比d冇菌既野佢地飲食,咁已經係照顧到佢地,唔比佢地受到細菌感染啦,如果佢地有傷口仲要受埋細菌感染,可以話比你知,佢地係超級慘痛

同 時 ， 殺 死 有 關 動 物 時 也 須 極 快 捷 ， 在 牠 們 感 痛 楚 前 將 之 殺 掉 。 <---e句我覺得勁on9囉,你殺死佢,你鬼知佢會唔會係感到痛楚前死左咩,你估d人會感覺到佢地係勁痛既情況下死左丫!

在 實 驗 過 程 中 ， 必 須 有 麻 醉 劑 效 力 足 以 使 該 動 物 免 受 痛 楚 ， 又 規 定 在 麻 醉 劑 消 失 前 需 把 動 物 殺 死 ， 違 例 者 最 高 可 被 罰 款 1,000 元 及 監 禁 六 個 月 。<--e句又係on9,人地未完成個實驗就要殺死?咁姐係要人地拎苦黎辛姐
咁d人去做手術,咁係唔係又要係麻醉劑效力消失前,殺死個人呀,真係好on9囉,有d條例
作者: 屋屋烏    時間: 08-7-5 09:29 AM

咁就搵你黎做實驗囉
遲d你有病冇得e 就低死

上面果個
在 實 驗 過 程 中 ， 必 須 有 麻 醉 劑 效 力 足 以 使 該 動 物 免 受 痛 楚 ， 又 規 定 在 麻 醉 劑 消 失 前 需 把 動 物 殺 死 ， 違 例 者 最 高 可 被 罰 款 1,000 元 及 監 禁 六 個 月 。
點同做手術呀
睇清楚先啦

[ 本帖最後由 屋屋烏 於 2008-7-5 09:31 AM 編輯 ]
作者: 偉~大法官    時間: 08-7-5 12:45 PM

兔仔原來咁恐怖
作者: 七    時間: 08-7-5 12:49 PM

我都認同做呢D實驗係對動物係殘忍既行為,但客觀黎睇佢地既死對我地係有好大既貢獻

樓上話"咁樣唔通講一句多謝就可以補償得到d動物既生命嗎,而家醫學咁昌明,唔應該繼續用動物做實驗,動物都係一條命黎,唔通我地呢班人類大哂?
的確,人類成日話自己係最高級的,咁唔通動物就唔係,可以任人魚肉?"
而家既醫學咁昌明係點黎既先,咪又係經過多次實驗,無數咁多動物既死換返黎既
再者,唔用動物唔通用人做實驗?一隻新藥會用係人身上,果隻藥可能已經食死左無數動物,
一種未試驗過既藥你敢食嗎?
多口講句,細菌都係生命喎,你有病又食藥?植物都有生命架,菜都唔好食啦咁
做咩唔同隻狗交配啊?你同佢同級架喎....

我覺得如果一樣野既犧牲可以換另一樣更重要既野,咁呢樣既犧牲都係有價值既
加上報導都講明有一套好人道既方法處理做實驗既動物
《 動 物 （ 實 驗 管 制 ） 條 例 》 ， 在 實 驗 過 程 中 ， 必 須 有 麻 醉 劑 效 力 足 以 使 該 動 物 免 受 痛 楚 ， 又 規 定 在 麻 醉 劑 消 失 前 需 把 動 物 殺 死 ， 違 例 者 最 高 可 被 罰 款 1,000 元 及 監 禁 六 個 月 。

我唔係話人類一定大哂,只不過係某D情況下動物應該為人類死
佢無做好消毒令隻兔仔受傷係人為既疏忽,應該受罰,但我就唔同意做實驗係虐畜既講法
作者: 常山趙子龍    時間: 08-7-5 02:31 PM

原帖由 屋屋烏 於 2008-7-5 09:29 AM 發表
咁就搵你黎做實驗囉
遲d你有病冇得e 就低死

上面果個
在 實 驗 過 程 中 ， 必 須 有 麻 醉 劑 效 力 足 以 使 該 動 物 免 受 痛 楚 ， 又 規 定 在 麻 醉 劑 消 失 前 需 把 動 物 殺 死 ， 違 例 者 最 高 可 ...


果句,我只不過係玩野既姐
睇你既講法,姐係唔認同用動物黎做試驗啦
咁第日新出既藥物,話可以醫好咩病痛,咁你食唔食呀,但係最重要果點就係,佢重未試驗過
咁你聽到佢講未試驗過你會唔會食呀
d人一聽到未試驗過就唔會食架啦,到時有人食左,但係果個人食完之後死左,就會怪責到去整隻藥出黎果d人
又係d人話唔好用動物做實驗/試驗用途,但係e家整左隻新藥出黎,食死左人就話人地唔去做試驗就拎出去市面售賣
講真,用動物試驗又話唔好,未做過試驗既藥物又話唔得
姐係乜都你地講哂啦,做試驗又唔得,唔做試驗又話唔得
咁講,姐係以後唔洗有新藥物出黎啦

同埋11樓果位講得幾岩丫
我覺得人類都係動物,姐係同其他動物同等級
點解d人覺得人類高級d,原因唔係天主教或基督教講比我地知,而係我地因為有思想,諗野會好過動物們,同埋唔會好似佢地咁獸性大發
但係我地拎動物做實驗都係要經過批准先可以做,唔係話想做就做架
仲有,11樓果位講得真係好正
動物有時真係為我地人類而去死,冇佢地既死,就唔會有今日既我地,仲更加唔會有咁多種醫療各種病症既藥物
作者: 邪惡天使    時間: 08-7-5 05:42 PM

今日先係理大番黎...=.=....
作者: fshark998998    時間: 08-7-5 05:47 PM

點解要搵生既兔仔既?
作者: dennisy38    時間: 08-7-5 07:25 PM

正常- -
冇佢地研究第時你骨骼有事
你就大件事
作者: 傻貓軒    時間: 08-7-5 10:23 PM

要研究．．．
就要搵小動物．．．
要得到科技．．．就點都要有點付出．．．
講真．．．
又的確係殘忍點．．．
作者: 常山趙子龍    時間: 08-7-6 12:31 AM

原帖由 fshark998998 於 2008-7-5 05:47 PM 發表
點解要搵生既兔仔既?


唔搵生既點研究呀
唔通搵死左架,死左又點生長丫,死左d身體機能都停左啦,又點再研究佢地d骨骼生長呀
作者: 寒風．冷月    時間: 08-7-6 12:02 PM

人本身就弱肉強食...為左自己生活殘害其他動物...

有人話已經好少食肉..咁我話你知..你食既菜..種果陣d濃藥都毒死左無數既昆虫

你絕食吧..你貓貓狗狗食既野..都係其他動物條命..你同d貓貓狗狗一齊絕食啦=.=

人係自私..只會對自己鐘意既野好~
作者: leock46    時間: 08-7-6 12:15 PM

根本就無分對與錯.睇閣下既價值觀係如何.
兩邊都有自己既立場同論點.
繼續討論落去有咩意思?
作者: ＊風之子～諾€    時間: 08-7-6 12:31 PM

原帖由 leock46 於 2008-7-6 12:15 PM 發表
根本就無分對與錯.睇閣下既價值觀係如何.
兩邊都有自己既立場同論點.
繼續討論落去有咩意思?

做實驗冇錯,錯就錯在令實驗品痛不欲生
無疑如果有能力的話,呢d實驗可以令醫學昌明
但痛到要咬斷自己隻腳,唔係呢d實驗應有o既結果
諗清楚先講野啦年青人
如果一開始已經唔洗理隻實驗品o既感受,d科學家點解要用麻醉劑呀?
作者: kane87316    時間: 08-7-6 02:37 PM

佢地做d實驗都幾變態下
作者: 傻之仔    時間: 08-7-6 02:39 PM

原帖由 等待脫變 於 2008-7-5 01:37 AM 發表
離譜 人有生命,唔通動物又冇生命嫁...大陸d官起樓d錢都貪先會有今日既事件,佢地唔貪,都唔會有咁多死傷者啦



咁樣唔通講一句多謝就可以補償得到d動物既生命嗎,而家醫學咁昌明, ...


你講到咁正義你唔好食肉呀笨7-.- 同等,你同d動物攪野啦,你有病唔好食藥@@ d藥得黎既途徑好黑暗,人唔搵動物試藥? 尼個世界唔知剩幾多人,人既命我諗短過而家好多,唔搵動物試係唔係搵你試先?你咁講係唔係話一條蟲既命都同你同等先? 你踩死左條蟲蟻應該要自殺啦我諗,尼個係現實黎架,我都唔想咁可愛既兔仔拎去實驗架,大佬,我諗連實驗人員有得揀都唔會揀兔仔,但係我地無得揀呀化

仲有,尼個世界好現實,無你諗到咁完美,好明顯人已經唔係同動物同等,好多例子^^ 馬俾人騎,動物係馬戲團表現俾人睇,你有屋住時攪到d動物無得住,你殺隻狗同殺一個人邊個罪重d?.........大把事例,世界係現實,你就算講到你唔自私^^ 世界仲有幾十億人係自私

你講到平等不如你去做泰山試下?

[ 本帖最後由 傻之仔 於 2008-7-6 02:48 PM 編輯 ]
作者: 黑骨堂    時間: 08-7-6 06:18 PM

頂 好變態 人類真係好變態
作者: asg555    時間: 08-7-6 06:56 PM

原帖由 黑骨堂 於 2008-7-6 06:18 PM 發表
頂 好變態 人類真係好變態


人緊係變態架啦,人好似算係變態生物
你咁講好似,你唔變態咁喎
d人殺蚊蟲,都係殺生命啦
點解d人殺害蟲時,又唔係報紙報導出黎
而殺e d動物就報導出黎
係咩原因呀?係因為害蟲有害,所以底比人殺?d可愛動物無害就唔底比人做實驗,唔可以比人殺?
大家諗野時,可唔可以向現實果方面諗呢
e家e個世界係1個現實世界,唔係虛疑世界呀
唔係話你想問就問架
現實始終係現實,好多野都係冇得話唔想就唔想
e個世界唔係咁諗既和平世界呀,如果係你想點就點,就唔會有d咩大戰發生啦

講返e單新聞,如果係實驗中有d咩出錯,咁佢地就底比人處分
但係如果e個亦都係佢地交果個評估報告中,有講過既話,佢地就唔應該被處分啦
佢地交個報告,如果個內容有提到,係個實驗中d兔仔可能會咁做既話,佢地可以免受處分啦
佢地交左個報告,而且都比批准左去做,如果咁樣都要受處分,咁以後可以唔洗再有d咩新藥出現啦
作者: kenneth1261    時間: 08-7-6 07:01 PM

好變態
作者: 寒風．冷月    時間: 08-7-6 09:47 PM

原帖由 傻之仔 於 2008-7-6 02:39 PM 發表


你講到咁正義你唔好食肉呀笨7-.- 同等,你同d動物攪野啦,你有病唔好食藥@@ d藥得黎既途徑好黑暗,人唔搵動物試藥? 尼個世界唔知剩幾多人,人既命我諗短過而家好多,唔搵動物試係唔係搵你試先?你咁講係唔係話一條蟲既 ...

呢個版好多人係咁~講到對動物點點=]d貓貓狗狗放返大自然啦..仲拎黎養..佢地困係間屋度冇晒自由zz連女都冇得媾..一出世要絕肉~都係因為要比人養先會咁=]

講到咁正義..去搵政府禁止養動物啦..d魚呀昆虫又係..係大自然咁自由又拎黎養?所有比人養既動物都係慘既~要比人養..d天性都要改變...唔係就比人罰._. 迫隻動物改變本能係愛護?zzd人根本得把口...做既一切為左自己._.自己玩d動物玩得開心
作者: chunhng2005    時間: 08-7-7 01:36 AM

常山趙子龍你個xx~d帥奶冇貢獻唔通你好有貢獻咩?
人地1日要煮3餐~掃地洗屋~單單係10月懷胎都付出好多la~佢地冇貢獻?
依個世界唔係話咩都要現實架~似你地咁講眾使咩要理想要享受要同情要親情愛情?
個個有得食就得la~使咩可憐動物姐?到左10幾20年後你地連人都不會可憐架la
使咩諗著有和平世界姐?10幾20年後d人就日日係到戰爭
係~依個世界唔係完美~但是佢架缺點我地可以補返
好似1間屋~佢會殘會壞~但係你見佢有洞都會補返佢la~
比你長左命右點~你咪捱多幾年~要生唔生要死唔死咁羅~
d人可憐d動物冇錯實驗用動物都冇錯到~最錯係佢地做錯
佢地做實驗係得到同意~1個社會架同意
但是依個社會冇同意佢地架過程令到動物受到咁大架痛苦~
咁有人可憐d動物有咩問題?
依個世界講求平衡~對人對動物都要有1個平衡~
人付出就有人認同~但是個過程有人認同動物架付出同佢地爭取利益都好正常呀
依d唔係正唔正義架問題~而是觀點架問題
你覺得依件事冇問題我就覺好有問題~咁個觀點咪平衡羅
係你眼中40隻兔子死眾要痛苦咁死同1個實驗相等架~我冇野好講
但是我就覺得唔相等~最少兔子架付出應該少d...........

[ 本帖最後由 chunhng2005 於 2008-7-7 01:38 AM 編輯 ]
作者: 夜心雪    時間: 08-7-7 10:08 AM     標題: 唉~~~好殘忍

動物無罪!!! 點解d人要令黎做實驗做到咁殘忍? 唔通見到佢地咁慘個心唔覺得酸咩, 雖然係要為醫學既進步作出研究, 但動物都有生命! 唔係人類就可以因為有智慧有需要就去濫殺架, 如果換返轉係人類比人咁樣研究, 你地又會覺得點樣?

如果唔係有人親眼見到, d人唔會咁報導囉!! 理大咁樣做出現嚴重問題, 社會同教師重有學生都應該正視呢個問題, 研究係重要, 但唔可以著d動物既接受程度而去停止咩...佢地都有生存自由, 我地冇權去傷害佢地架!!!

嚴重反對香港所以研究對動物作出有害身體既研究!!!!!!!!!
作者: 七色之彩虹    時間: 08-7-7 12:20 PM

令 牠 們 極 度 痛 楚 至 自 行 用 牙 齒 咬 斷 雙 腳 ..變態
作者: 兆肥    時間: 08-7-7 01:51 PM

呢d 所謂 ga 實驗 d西人 真係拎去 做番一次實驗...
作者: ？？？？？？    時間: 08-7-7 05:27 PM

拎正牌虐畜
直接搵一堆傷左既動物仲好
作者: chunhng2005    時間: 08-7-8 12:32 AM

學下李時珍la~-0-
咩都找自己試咁就冇人有問題
作者: asifx    時間: 08-7-8 05:08 PM

其實個新聞係唔係搞冷gag-.-'
又話個實驗要切斷d兔仔既腳
咁點解佢地仲有腳可以咬斷=.='
其次大家有冇諗過依個問題-.-'
作者: asifx    時間: 08-7-8 05:19 PM

仲有...點解你淨係講我地,佢地點自我殘忍法.
點解你唔講下其他動物點殘忍呢?
蜘蛛,佢食野既方法係嘔d胃酸慢慢咁溶解獵物,最後先食返,講殘忍,邊個殘忍?
講自私,話你聽啦,植物都有生命架...你切左佢落來既時候,佢係有發應表示自己既恐懼架
你真係唔好食左佢tim ar,因為你一定係 係佢好多好多既[朋友]面前殺左佢,係諗下佢既朋友們既感受啦,好慘ar><
作者: 愛情白開水    時間: 08-7-8 07:56 PM

有冇搞錯丫...
拎d寵物黎- -實驗...
如果寵物係勁過人既...咁你地班理大俾人-實驗又會點...
寵物唔係一條生命...
俾你咁搞法....唉
作者: gift012345    時間: 08-7-10 10:34 PM

唔錯既都......洗版@@
作者: ㊣宗正㊣    時間: 08-7-11 07:00 PM

令時代進步係好事，但令一個生命生不如死係一件壞事....真係可圈可點



歡迎光臨 2000FUN論壇 (https://www.2000fun.com/) Powered by Discuz! X1.5.1