2000FUN論壇

標題: [討論]令人痛心的外掛問題 [打印本頁]

作者: ngai 時間: 08-7-13 04:01 PM 標題: [討論]令人痛心的外掛問題

外掛對於網絡遊戲玩家來說一點也不陌生，從《石器時代》到《金庸群俠傳》、《仙境傳說》，再到近期的《天龍八部》、《Fantasy Earth Zero》、《誅仙Online》外掛的出現，外掛始終如影隨形的出現在任何一門熱門的網絡遊戲身後。不管是使用外掛而竊喜的玩家還是憤憤不平的玩家，始終要面臨遊戲遭到外掛侵蝕到不可收拾的一天，在你玩過的遊戲當中，哪些遊戲因為外掛而最讓你痛心呢?

金庸online可以說是每個人也會用外掛的遊戲...

早在網絡遊戲流行之前，單機遊戲借著GM修改器等程式對遊戲進行內部修改，讓等級、金錢、任何你想要的都可以立即修改出來；而網絡遊戲則跟單機遊戲有點不同，由於網絡遊戲的資料是儲存在官方的伺服器上，並且對伺服器進行保護，如果要對數據進行修改是比較困難的事，因此大部份的外掛都是進行腳本執行，模擬真人操作，代替玩家進行重覆又重覆的工作。屬於較早期的《石器時代》外掛可以用的上「革命性的進步」來形容，因為它已經不再是個簡單的自動練級程序，而是直接對網遊客戶端與服務器傳輸的數據進行修改，可以實現瞬間移動、原地遇敵、不遇敵、加速等變態功能，這一切又讓石器玩家產生了無可抵抗的依賴，也使得「外掛」和玩家之間產生了一種說不清道明的關係，大概就是又愛又恨吧。

脫機外掛,連遊戲也不用進入

玩家對於「外掛」或許有的會很依賴但換來更多痛心，甚至是一款外掛毀掉了一個遊戲。在本港網絡遊戲開始流行的時期，遊戲都是進口自韓國，在韓國本地就根本很少人用外掛，所以遊戲本身缺少外掛的防衛，也同時缺少即時的技術支持，使得運營商對封殺外掛力不從心，隨著近兩年國產遊戲的崛起，在自主原創遊戲面前明顯地加強了各類外掛的防衛。

如果大家都為了練級而使用外掛，遊戲將會是什麼樣子?雖然遊戲內行人匆匆，但都充耳不聞也不和你說話，整個城市猶如死城。遊戲玩的是互動交流，如果只玩數據的話那不是很悲哀嗎?

現在推出很多反外掛功能

請一起發表你的意見:
1.在你玩過的遊戲當中，哪些遊戲因為外掛而最讓你痛心?
2.外掛對遊戲有什麼禍害?
更多意見請留言發表

圖片附件: [金庸online可以說是每個人也會用外掛的遊戲...] ab0b0c882eb5f87b50b69914849d3a75.jpg (08-7-13 04:02 PM, 94.56 KB) / 下載次數 131
https://www.2000fun.com/forum.php?mod=attachment&aid=OTAxMDh8Y2U0ZjU5NmZ8MTc3ODQyNDk3NXww

圖片附件: [脫機外掛,連遊戲也不用進入] jy103.jpg (08-7-13 04:07 PM, 36.66 KB) / 下載次數 116
https://www.2000fun.com/forum.php?mod=attachment&aid=OTAxMDl8ZjI1MTBmMGF8MTc3ODQyNDk3NXww

圖片附件: 4258001_833524.jpg (08-7-13 04:37 PM, 27.66 KB) / 下載次數 132
https://www.2000fun.com/forum.php?mod=attachment&aid=OTAxMjJ8MzBiNjhhMWF8MTc3ODQyNDk3NXww

圖片附件: bot.jpg (08-7-13 04:37 PM, 88.65 KB) / 下載次數 139
https://www.2000fun.com/forum.php?mod=attachment&aid=OTAxMjN8NmM0MzZjNGR8MTc3ODQyNDk3NXww

作者: perewong 時間: 08-7-13 05:01 PM

= =我玩過很多遊戲...
你說遊戲有些是代理自己出外掛的...,例如:金庸,他是自己出埋外掛來賺錢的= =

外掛對一隻game和一些玩家,用手動來升級/打寶的玩家,是很不公平的...
外掛可以令到一隻game汁/令佢停止唔做等等的問題....

天龍我也有玩過,那隻遊戲不錯的,但代理商說了封的東西,一出新ser就沒做好了...
是沒用的

現在的game通常都會有外掛的了...不是之前收月費,用外掛的人又會減少,但收費玩家也會用,但代理商也可以收到月費的金錢來代理下去,都是不錯的....

作者: 赤翼﹏告死天使 時間: 08-7-13 05:12 PM

可惜...一代神GAME...
神領汁左...我玩咁耐...
都係見到有2~3個人用...用唔夠幾日...比人收皮左...
而後都唔可以再入來神領...一步...

個陣玩家又好...e家ed...完全無哂品...

作者: 雙刀火雞 時間: 08-7-13 05:15 PM

但我唔明白  點解某d online game可以一隻外掛都冇  就例如云起代理的天外online
佢係側到你有用外掛就會傳送你到另一達沒出口既地方  就等同ban左ac一樣
點解其他game唔學佢呢??  我冇咩電腦知識  有冇人可以解釋俾我聽

thx

作者: 愛睡懶覺@mkc 時間: 08-7-13 05:31 PM

原帖由 雙刀火雞 於 2008-7-13 05:15 PM 發表
但我唔明白  點解某d online game可以一隻外掛都冇  就例如云起代理的天外online
佢係側到你有用外掛就會傳送你到另一達沒出口既地方  就等同ban左ac一樣
點解其他game唔學佢呢??  我冇咩電腦知識  有冇人可以解釋 ...

天外公測無幾耐出過脫機外掛

官方話用外掛回傳數據不正常-.-

上線幾mins ,系統查到就送你去天外仙境

等gm 查

此系統十分成功-_-

想盜絕外掛-.-? 被抓到追究個人責任-.-? 黑名單?

好似不適當呢

客人永遠去對的

作者: 我愛你丫傻仔 時間: 08-7-13 05:58 PM

天外點會冇外掛
話你知石器外傳  幻想學園(香/台)  龍族  ro
古龍  亂online  希望星晨 hp 龍駒Online
功夫世界  飛天歷險巨商勁舞團
以上都係有外掛既點止你果幾隻
可能仲有啦  我玩過以d都係有囉

正真強既代理緊係 omg啦神盾防外掛勁到
基本佢d game未出過外掛可能有但唔多同埋好快清理左條友
你可以話條友咪可以再整多個ac? 講得好不過佢要手機認證
除非你借人地電話啦  我相信你借一次又俾人封一次

作者: 龍仔～★ 時間: 08-7-13 06:07 PM

原帖由 我愛你丫傻仔 於 2008-7-13 05:58 PM 發表
天外點會冇外掛
話你知石器外傳  幻想學園(香/台)  龍族  ro
古龍  亂online  希望星晨 hp 龍駒Online
功夫世界  飛天歷險巨商勁舞團
以上都係有外掛既點止你果幾隻
可能仲有啦  我玩過以d都係有囉 ...

很認同-.-omg既光之外掛一出勁多人用-.-過幾日俾gm封晒-.-

omg絕不手軟的說-.-

作者: 新拓拓拓荒者 時間: 08-7-13 06:29 PM

其實我之前玩果D Online...
外掛都唔係幾影響到我..
( CS1.6有外掛即ban...GC 999攻...未見過= =....等等..)

不過...
最近玩FEZ....
外掛真係影響到好多野..
因為FEZ架國戰..
以經唔係之前D外掛用泥升LV咁啦..
佢地改到無限PW無限HP...
咁玩仲有咩意思??

原本個個都願意kick外掛架..
但唔知點解..最近D人連kick都唔願kick..
唉..

靠GM!?
1日百幾埸國戰...
每埸50 VS 50..
捉得到幾多個!?

唉...
不過...其實隻隻game點都會有外掛..
只係睇D人用唔用架姐...
真係唔明..
點解日本可以咁多game都無人用外掛..
而香港....
FEZ公測幾日之後..外掛就成街都係...
唉...

作者: 雙刀火雞 時間: 08-7-13 06:33 PM

原帖由 愛睡懶覺@mkc 於 2008-7-13 05:31 PM 發表

天外公測無幾耐出過脫機外掛

官方話用外掛回傳數據不正常-.-

上線幾mins ,系統查到就送你去天外仙境

等gm 查

此系統十分成功-_-

想盜絕外掛-.-? 被抓到追究個人責任-.-? 黑名單?

好似 ...

官方話用外掛回傳數據不正常-.-
即係咩意思??

咁其他GAME點解唔學天外咁學呢個系統??

[ 本帖最後由雙刀火雞於 2008-7-13 06:35 PM 編輯 ]

作者: 雙刀火雞 時間: 08-7-13 06:34 PM

原帖由 我愛你丫傻仔 於 2008-7-13 05:58 PM 發表
天外點會冇外掛
話你知石器外傳  幻想學園(香/台)  龍族  ro
古龍  亂online  希望星晨 hp 龍駒Online
功夫世界  飛天歷險巨商勁舞團
以上都係有外掛既點止你果幾隻
可能仲有啦  我玩過以d都係有囉 ...

你有冇玩天外架
我當然講緊依家啦

作者: 雙刀火雞 時間: 08-7-13 06:38 PM

原帖由 新拓拓拓荒者 於 2008-7-13 06:29 PM 發表
其實我之前玩果D Online...
外掛都唔係幾影響到我..
( CS1.6有外掛即ban...GC 999攻...未見過= =....等等..)

不過...
最近玩FEZ....
外掛真係影響到好多野..
因為FEZ架國戰..
以經唔係之前D外掛用泥升LV咁啦 ...

其實FEZ呢D對戰系統就遇左有外掛
再加上係橘子代理既都應該唔洗玩架喇

作者: 中華丸子 時間: 08-7-13 06:38 PM

我心愛的                      天翼之鍊
更直是變態隔空打(幾遠也行)....
            快速移動....
            快速打怪(兩秒ko)
            自動復活(死了可以自己救自己)
            自動買賣物品放入銀行等
                  能自動回應gm/玩家...
            見到gm自動offline.....
天阿.......點智咁的>.<~
天翼死了一次.......現在還要死多次嗎....
還以為死了一次大家會更珍惜它...
誰知.....更離譜.....
無眼睇了

作者: 赤翼﹏告死天使 時間: 08-7-13 06:43 PM

原帖由 中華丸子 於 2008-7-13 06:38 PM 發表
我心愛的                      天翼之鍊
更直是變態隔空打(幾遠也行)....
            快速移動....
            快速打怪(兩秒ko)
            自動復活(死了可以自己救自己)
            自動買 ...

呀~~~當年神領的身邊就是佢...
又是一隻似RO外掛咁恐怖game= ="

作者: 新拓拓拓荒者 時間: 08-7-13 06:43 PM

原帖由 雙刀火雞 於 2008-7-13 06:38 PM 發表

其實FEZ呢D對戰系統就遇左有外掛
再加上係橘子代理既都應該唔洗玩架喇

唉..一隻咁好架GAME..
就衰係外掛同埋橙記手上....

作者: 中華丸子 時間: 08-7-13 06:46 PM

都唔明d人唔用外掛會死既咁....
用外掛高lv好威嗎??
升到高lv就話唔會在用外掛(天翼好例子)
跟住就話自己係手動人..,,,車
一出新手物...咪又用返

作者: gates 時間: 08-7-13 07:12 PM

其實宜家好難玩到一隻係冇外掛
所以玩online game 現在都係抱住平常心玩
玩不下去就放棄好了

作者: 1p2k 時間: 08-7-13 08:15 PM

現在 0外掛好像只有魔獸同一些外國 GAME (EVE AGO 等)

作者: 我愛你丫傻仔 時間: 08-7-13 08:19 PM

原帖由 雙刀火雞 於 2008-7-13 06:34 PM 發表

你有冇玩天外架
我當然講緊依家啦

我緊係有玩啦  一出就玩啦我=.=
你講以家我就唔知了
頭先我講d game都係公測即玩or 新ser第一日就玩
基本上我玩親都係頭果咋玩家
so睇d外掛玩家會變得好顯眼佢地

例如星晨我id:小妖
第2個最快3轉既人  以家排名有我名

幻想學園台版  id:小魚(果陣玩到全ser第2)
我玩左成2千蚊到hk$
都唔夠d外掛佬玩  24小時掛機升

石器外傳 id:小魚
有玩石器都識我啦全ser第1
但bug多到飛起 1秒返城  買未開既地圖入面d裝同寵
用bug殺人同寵

so  最好玩係omg 你係唔會見到以d情況
等緊omg個luna  雖然我都有玩韓版同派韓版ac俾人
但都等左成年幾omg都未出-0-

作者: 我愛你丫傻仔 時間: 08-7-13 08:20 PM

原帖由 1p2k 於 2008-7-13 08:15 PM 發表
現在 0外掛好像只有魔獸同一些外國 GAME (EVE AGO 等)

0外掛 omg代理d game就係
你可以了解下佢間公司

作者: 暴力龜 時間: 08-7-13 08:31 PM

我發覺而家d online game真係玩外掛
我第一隻玩既online game係魔力個陣既魔力真係冇外掛咁(我覺得啦我同人講野真係有問有答)
但再愈玩online game落去就覺得外掛愈黎愈多咁
我第一隻game知有外掛game係hp個陣d外掛勁到穿牆咩都有
到近排既誅仙真係頂唔順
誅仙十個有6~7個係外掛
真係同堆外掛係到玩都唔知有咩好玩
搞到唔知仲玩唔玩online game好
同電腦玩我不如搵d單機game玩仲好

作者: Hikaru1991 時間: 08-7-13 08:37 PM

我E掛玩果兩隻GAME 都係有外掛
一隻天龍一隻FEZ 全部都係人氣爆登既GAME
兩個既代理都係廢
天龍外掛多到可以一個地方有40個外掛而驚瘟可以一個月先捉到3個外掛 (3個SER 加埋)
出佐王技外掛官方知竟然係到等改版比我就封SER 幾日直至攪好為止
FEZ D外掛無所不能官方話加神盾 3日LA 都未見過佢加
通常一D 好GAME 都係因外掛而人氣低落

作者: saikit1993 時間: 08-7-13 08:40 PM

隻隻game都有人用到外掛嫁啦..唔係d遊戲公司點賣錢???你估真係打機賺到錢??賺d錢仲要有番正常人番工咁多wor
不過有d封唔到....大家又唔知既外掛無人知姐

作者: 完子筆 時間: 08-7-13 09:10 PM

原帖由 1p2k 於 2008-7-13 08:15 PM 發表
現在 0外掛好像只有魔獸同一些外國 GAME (EVE AGO 等)

因為外國人系吾識/吾會用外掛就等於外國少吸煙/吾會食煙咁

作者: 心情 時間: 08-7-13 09:42 PM

我玩ONLINE GAME真係一個未外掛都未用過

WHY我唔用外掛?
比GM封帳號呢筆先唔計~

主要係因為用外掛會令隻GAME失去趣味...因為所有東西都來得太輕易
用外掛當然可以好易升到好高LV,可以掛機掛到一身勁裝...
MABY會有好多人中意咁...亦正因如此才造就外掛橫行無忌...

但係我打機只求開心

而且要長玩一隻GAME...用外掛絕對減低哂玩GAME既動力...
當你所有野都來得太輕易既時候...就已經冇哂動力嚕~~~

作者: zxcvzxcvb 時間: 08-7-13 10:33 PM

外掛真係好煩....

但係童話好似係沒外掛嫁..下化@.@"

我之前玩左好耐到沒...

作者: 無名氏的人 時間: 08-7-13 10:48 PM

網虫既漂流最令我心痛,我個人覺得都幾好玩,但係佢竟然自己出外掛比人用
仲要定期更新埋,灰

作者: ~KTx 時間: 08-7-13 11:21 PM

CS
外掛令hk d cser好廢

作者: sunny5 時間: 08-7-13 11:39 PM

現在我都是選代理商黎玩
網蟲丫,新X線丫呢D 外掛代理
出幾好既game 我都唔會玩

作者: 死神BleachII 時間: 08-7-13 11:44 PM

.....玩game 最緊要玩佢既樂趣..
我唔明點解d熱門既好game 都要比外掛整衰晒!!
人生最睇唔起用外掛同埋整外掛既人~

作者: 我愛你丫傻仔 時間: 08-7-13 11:48 PM

其實我成日都咁諗
如果online game只可以係網吧先玩到
我相信會冇外掛出現 1用外掛果條友
實俾人打到pk 我實第一個打-.-

作者: ∫Crazy` 時間: 08-7-14 12:01 AM

原帖由 我愛你丫傻仔 於 2008-7-13 11:48 PM 發表
其實我成日都咁諗
如果online game只可以係網吧先玩到
我相信會冇外掛出現 1用外掛果條友
實俾人打到pk 我實第一個打-.-

你個諗法都0k無聊

作者: ∫Crazy` 時間: 08-7-14 12:03 AM

外掛

外掛

25號公測既武林吾洗2日外掛肯定成街都係

作者: alohaa 時間: 08-7-14 12:06 AM

說到外掛，我又愛又恨，愛它可以幫我賺錢，恨它就是害我失去財路。

本人買賣各種online game game$，已經有多年時間，童話賺16萬多，幻想短短半年都賺了兩萬，至於林林總總，
賺一萬幾千甚至幾百的都有，多數就是靠「按鍵精靈」和大陸「按鍵精靈」的「神盾」搵食，當然還有其他。

先說童話，最利害時期，就是可以24小時用，躲在大石後面，一個暗C帶一個商人，即時遇怪，即時秒怪，暗c可以祈禱補mp，
商人全身就打到大量貴價物品，於是一天的收入200-300, 還比一個打工仔多。後來官方推出防「按鍵精靈」，還以為防得到，
誰知就算時至今日，一樣可以用到。原來只要用香港版「按鍵精靈」寫好了腳本，放過去用大陸的「按鍵精靈」開「神盾」，
就可以防過了童話的偵測，甘本一山就還有一山高，官方點防都無用。

至於幻想學園，佢個game有兩個外掛裝置，第一就是打打下出一隻150lv大佬，如果外掛照打,就一定會死，當然，用
「按鍵精靈」的人，就會測試出150lv大佬的「黃色」名稱而「人走寵走」了。另外，佢每隔大約半小時就出一個4選1的
圖像，如果錯了3次，就無法繼續玩。用「按鍵精靈」沒有眼睛，不過亂答都可能會中。就算樣唔好，答3次都錯，只要
用「按鍵精靈」自己按程序登入，就又可以再答3次了，再錯再答，就可以永遠打怪。就算時至今日，一樣可以用到。

我自己算是懂寫這些簡單程序，而賺到現金。不過我沒有試過發放外掛比人download，相信大家都會明白點解。
我最怕有些game, D人寫了外掛，就upload任人down, 於是就人人使用了，就令我死直......

[ 本帖最後由 alohaa 於 2008-7-14 12:08 AM 編輯 ]

作者: ■暗龍■ 時間: 08-7-14 12:27 AM

請一起發表你的意見:
.在你玩過的遊戲當中，哪些遊戲因為外掛而最讓你痛心?
外掛對遊戲有什麼禍害

現在最心痛的是誅訕online...誅訕這個遊戲不論是故事,畫面,系統等等都很好...
但只衰在代理上..遊戲中有內掛..所以難以分別是內掛還是外掛..所以gm就選擇了
""有殺錯無放過"" 的方式來捉人...有人試過開其他game既外掛比人捉..
有人試雙開被捉..有人試過擺檔被捉..更有人試過手動升lv被捉...
現在還會因為身份証不符都會被捉.......一隻好game就此被廢了..

"外掛"這詞都只會在中國出現..別的外國都沒啥麼外掛可言..
因為外國人對藝術的要求和尊敬比中國人多..外國人會享受遊戲當中
但中國人只會為那殺人的快感...和金錢上的享受...就發挖了不同形式的外掛..

外掛多..d外掛就會搶哂d怪...遊戲的物價就會愈來高..想買小小野就要賺好耐既錢..
最後就會..變成一個死城..要玩機械人大戰...新手就唔會再有..得返d老手玩單機咁..
日日都係掛掛掛..同埋掛...偶然出黎殺下人咁...隻game就會變到沈悶無聊...
慢慢..慢慢....連d老手都唔玩..得返小貓三四隻唔捨得既老玩家.....就隻game就可以放棄了..
代理..就會放棄簽約....遊戲就執笠......
到時..一齊歸0...心境也歸0...

作者: mesty369 時間: 08-7-14 01:11 AM

我玩過幾隻自己覺得一生最好玩既game....龍族,彩虹,hp同最新隻fez
我亦在龍族用過外掛吧....好似係用係連點同埋自動工作(呢隻我覺得真係要...)因為想整class...唔掛既話..你手動
真係唔知幾多年先升到去頂....而且隻game仲要$98一個月~(呢d人手真係不能達到,而且我第一次就接觸第一隻 online game)同埋呢個情況晚晚都出現.gm都唔會捉=.=
彩虹..我玩到788裝....唉..但現在已比外掛打沉了彩
hp...開頭幾好玩....但d人又要bug槍....bug槍都唔緊要(因為係玩技術)..但呢排有埋bug殺...幾秒..無啦河比1條友清哂
6-7條友....個場任務佢地咁就win左.....
fez仲慘....我諗住自己打到d正野...因為今日打到40lv武...又成日去打不死怪出龍魂~_~
但見到d外掛佬..可能比我呢d寶多幾10倍了..令我失去動力玩...
最慘係打國戰無限hp..無限pw..飛天...一過黎就爆據點..原全無得玩...
我真係原全唔明d人用外掛黎玩game做乜...
要勁又唔付出..剩係識做機械人(我如果覺得隻game太難升lv or其他,我會唔玩(如墨香)唔會用外掛為左勁玩落去)
用外掛仲要唔認個d真係無得9
玩online game亦令我知道...呢d人唔識理人感受..只顧自己..不理會後果...
而他們只是一群自私自利的人..你亦可以話我亦是同一類人...但如果有玩過龍族就知我點解用

[ 本帖最後由 mesty369 於 2008-7-14 01:16 AM 編輯 ]

作者: 我愛你丫傻仔 時間: 08-7-14 01:20 AM

原帖由 mesty369 於 2008-7-14 01:11 AM 發表
我玩過幾隻自己覺得一生最好玩既game....龍族,彩虹,hp同最新隻fez
我亦在龍族用過外掛吧....好似係用係連點同埋自動工作(呢隻我覺得真係要...)因為想整class...唔掛既話..你手動
真係唔知幾多年先升到去頂....而且 ...

你講得冇錯龍族真係好正
係果陣時  龍族以隻國戰game真係冇得頂
再睇返以家係就係d畫面3d晒令左好多
但同時間d玩家d智商都下降不小
冇計啦以家d game好多細路仔  點同以前= =
你可以話以前d game都一樣多細路仔
但係我可以話你知  6,7年前有幾多細路識打字
so唔會見到d 細路講埋d膠野

作者: 思靜 時間: 08-7-14 01:26 AM

原帖由 完子筆 於 2008-7-13 09:10 PM 發表

因為外國人系吾識/吾會用外掛就等於外國少吸煙/吾會食煙咁

講真,外掛lee家野,邊個唔識用,問題係,你會唔會用,lee個係人品既問題lor
人地玩game係為玩而玩,一大班人用自己既力量去建立一d野出黎
香港人玩game,係為串人,為左威,同為左滿足自己既虛榮心而玩,
見d人玩fez,個人主義大過天,自己鍾意點就點
就算係vlan玩信長,一開始單中單上單下都成日見
玩台灣ggc真係未見過咁既情況lor

我由天堂1 黎香港o個陣開始玩起,玩左咁耐,眼見d人由初初開始可以成日做網聚,團聚,有d台灣人直情會飛黎香港一直玩網聚
而家邊有lee枝歌仔唱
男既(小朋友)為識女仔而玩,一見到會裡面有女角就問長問短,9歲公頻徵婆既大有人在,
一係就成日爆粗串串貢.話自己點威點威,其實咪又係用外掛升返黎
香港好多人都係咁,用外掛升升升,沖沖沖,升到好高lv之後周圍殺人,串人廢
用緊外掛又扮哂正義咁話人地用佢先用
新一代既小朋友真係越黎越冇品lor

作者: 毒星子 時間: 08-7-14 03:21 AM

外掛到底系好事定壞事,真系睇各人點諗
系我眼中,外掛絕對系一件好事

9成online game既模式都系打怪升lv,你地真系覺得用外掛就系機械人,每日重覆又重覆甘人手打怪就唔系機械人?
以一個正常人黎講,每日都要讀書或者返工,讀書既放左學應該要做功課&溫書,返工既放左工都6.7點,仲要食飯沖涼等,大部分人每日有2.3小時打機已經好難得,每日都以呢2.3小時打怪升lv真系有意思咩?

而且手動打怪真系害人不淺,好多小朋友為左升lv功課都唔做,更加唔使諗溫書,有d甚至連學都唔返;返工既做緊野都成日諗住打機,返工最後一分鐘先趕到返公司,收工前半小時已經準備好衝返屋企升lv,每晚打機打到2.3點,第2日唔使望佢會有精神做野,簡直不知所謂,點解我地唔可以用外掛省去重覆既打怪升lv?
金庸online相信大家都知道佢d外掛既威力,但系我完全唔覺得外掛對只game有任何負面既影響,我之前玩果陣每日都系甘掛機,得閒果陣先用1.2小時打下名門,解下任務,完全冇晒重覆又沉悶既打怪,每次都系享受遊戲

而且手動打怪對成年人黎講亦都唔公平,成年人返工表現差d都炒得,唔似得d細路甘得閒可以放棄學業,但系有左外掛之後就可以令到成年人同細路都可以同樣有24小時

d細路用外掛升lv之後就去串人,呢個系佢地既修養問題,而唔系外掛既直接問題

一只game失敗既原因并非外掛氾濫,而是呢只唔識得適當設定遊戲,唔識得利用外掛來平衝玩家利益既同時增加遊戲既趣味性

[ 本帖最後由毒星子於 2008-7-14 03:30 AM 編輯 ]

作者: mesty369 時間: 08-7-14 09:28 AM

原帖由 毒星子 於 2008-7-14 03:21 AM 發表
外掛到底系好事定壞事,真系睇各人點諗
系我眼中,外掛絕對系一件好事

9成online game既模式都系打怪升lv,你地真系覺得用外掛就系機械人,每日重覆又重覆甘人手打怪就唔系機械人?
以一個正常人黎講,每日都要讀書或 ...

機械人係指自動化...而不是個模式....手動用手去禁係自動化嗎??
講真成日聽d人講話返工無時間玩~咁又點???
我呀哥做工做到10點幾返黎食埋飯+沖涼都11點,佢有用外掛咩???佢玩fez而家都係14lv咋
online game係拎黎休閒~唔係沉迷..有時間既咪玩lo..無時間咪唔玩lo
你地又要勁~又要無時間玩..最後出外掛~係任何人既眼中可能都係好事.但係班無用外掛既人心目中..呢種玩家令佢地好煩
(如..打怪比人搶等等)
講真自己想像下...個個人都外掛會點..我比你識飛天又點??最後大家去到頂..個個都差唔多勁..接下來就玩鬥點數野
新手原全無得玩~~跟住個ser少左人玩~~隻game咁就收工
同埋我想講..如果你玩個隻game係為左做最勁個幾個人而用外掛既話
我勸你自己去私服玩吧~鐘意改乜都得
仲有呢句好唔負責任(一只game失敗既原因并非外掛氾濫,而是呢只唔識得適當設定遊戲,唔識得利用外掛來平衝玩家利益既同時增加遊戲既趣味性)
乜都咁易玩,咁仲玩黎做乜????不如一開始直接叫官方賣ac比你???
失敗唔係外掛??唔識得利用外掛來平衝玩家利益既同時增加遊戲既趣味性
咁玩fez d人打國戰唔係個個得個企字???個個無限hp,pw個個一起就起無敵巨人攻據點~咁仲玩乜???
個個自動打寶..個個都有神裝???我相信入邊d人唔會再講你件神裝打左幾耐架??只會問你掛左幾耐呀??
所以根本無籍口用外掛

[ 本帖最後由 mesty369 於 2008-7-14 09:39 AM 編輯 ]

作者: victor628 時間: 08-7-14 09:28 AM

我發覺而家d online game真係玩外掛
8 a2 a8 R3 x# }* v7 p/ Y% ^. o( g我第一隻玩既online game係魔力個陣既魔力真係冇外掛咁(我覺得啦我同人講野真係有問有答)2 M+ e/ K3 a" k- f) L/ Q
但再愈玩online game落去就覺得外掛愈黎愈多咁% K1 U! a/ @7 n& J! N
我第一隻game知有外掛game係hp個陣d外掛勁到穿牆咩都有
0 ~; t# l/ g2 s/ X  J到近排既誅仙真係頂唔順
/ f  d6 u4 y1 ~9 {! m誅仙十個有6~7個係外掛
5 w$ v$ @$ P/ D# E真係同堆外掛係到玩都唔知有咩好玩
' x* ]3 f7 W4 H8 H  P搞到唔知仲玩唔玩online game好. y5 y, P. Q" \4 G
同電腦玩我不如搵d單機game玩仲好

作者: mesty369 時間: 08-7-14 09:44 AM

原帖由 我愛你丫傻仔 於 2008-7-14 01:20 AM 發表

你講得冇錯龍族真係好正
係果陣時龍族以隻國戰game真係冇得頂
再睇返以家係就係d畫面3d晒令左好多
但同時間d玩家d智商都下降不小
冇計啦以家d game好多細路仔點同以前= =
你可以話以前d game都一樣 ...

不過我記得個時最勁d人係加速器~不過d廢人比人發現~我地d巫實真言佢
所以都唔太大影響

作者: BB79 時間: 08-7-14 10:46 AM

而加差唔多個個game都有外掛....d GM 又唔做咩

作者: 完子筆 時間: 08-7-14 12:14 PM

原帖由思靜於 2008-7-14 01:26 AM 發表

講真,外掛lee家野,邊個唔識用,問題係,你會唔會用,lee個係人品既問題lor
人地玩game係為玩而玩,一大班人用自己既力量去建立一d野出黎
香港人玩game,係為串人,為左威,同為左滿足自己既虛榮心而玩,
見d人玩fez,個 ...

總之一句,國民質素問題,系吾系仙
以前香港小孩(吾系小朋友)只想開心咁玩/識朋友
依+香港小朋友(外掛班人)淨系想揚名立萬!,冇曬遊戲原意果程樂趣/fun 咁點解要曬錢去上網呀/浪費你呀爸呀媽d 錢呀

外掛有時用可以降低下遊戲難度,過量咁用只系會帶黎反效果

用返以前細個果時 miss講果句少吃多姿昧,多吃壞肚皮(吾好話我幼稚)

依+ 改改少用多樂趣,多用累死人

作者: ~DoPeY~ 時間: 08-7-14 12:41 PM

其實依家d game已經好左ga la
以前玩石器,RO 有邊個唔用外掛? (但係唔知點解都玩得好開心

)
其實外掛多唔多係睇個代理係邊間姐....
但係慘在好多大公司都唔係點理d外掛..... 又係咁搶d唔錯既game返黎代理
整到d game衰晒

=============================
我依家已經放棄左HK,TW,CN既online game

一黎係外掛問題.... 重有係d玩家有多都好無品.......
所以依家都係玩d日本既online game多....

[ 本帖最後由 ~DoPeY~ 於 2008-7-14 12:42 PM 編輯 ]

作者: 【ａＲ〤龍◆ 時間: 08-7-14 12:53 PM

7年..大家覺得呢段時間長定唔長?!
7年前既9月,,我第一次接觸到"龍族"呢隻game
亦都令到我愛上左即時戰鬥..MMORPG 既game
到今時今日既話,,長大成人,,我都仲放唔低對龍族個份感情..
依家都仲有不停咁去玩唔同既私服…

港龍一出最初個2,3年真係玩得好開心..
大家冇外掛..做乜都成班人一齊做…
整裝備..打交..乜都成班人齊去..
但係隨住後期外掛既出現,, copy/加速/改攻…
乜都出齊…亦都令到我識既朋友..
1個1個咁走…大家都不恥呢d外掛…
唔想因為d外掛,,令到”龍族”係大家心入面既印象變質
(有傳話係巨商d人,,不滿當時龍族既人數多過佢地,,
而做出名為 “艇仔” 第1代既外掛程式)
大量既玩家開始流失…亦都令到龍族..上線既人愈黎愈少…
我識既朋友亦都一個一個咁走…
到最後..港龍終於不敵外掛..執左啦..
港龍執之前2個月,,有一次同班fd落網吧打機..
見到隔離部機,,有個13/14歲既細路係度玩龍族..
企住係度都可以升lv,,仲要個lv,,係我地個陣時,,
要用上大半個月都未必升到既lv..
佢企係度,,唔夠2分鐘就升左…
我同班fd就你眼望我眼..大家都知龍族風光不再了…
亦都令到一大堆既私服開始出現…
我都唔明..整死官服仲唔夠..點解私服又要去整死埋?!
唔通龍族真係同你地班外掛佬咁大仇口咩?!

到後來出左馬龍..當其時亦都有一大班既香港人玩..
小弟都係其中一個…初時個陣,,真係好有港龍味道..
亦都有諗住馬龍有機會變成第2個港龍…
同馬拉人吹雞開片,,乜都有..
個陣時,..一大班香港人,,”誓神劈願”咁話唔會再玩外掛
唔會再比外掛整死任何一隻龍族
結果?? 呢番說話出左唔夠1星期..
又再出現外掛啦..用既,,又係我地香港人….
最後因為馬龍冇足夠知識既技術人員去防..
唔夠幾個星期,,又執左lu…個一刻真係好心酸…
點解你又要玩,,又要整死隻game?
Online game就好似係你個fd咁..
用外掛就好似出賣緊個朋友..
記得個陣時,,成日都有買龍周睇…
某一個編輯一句說話,,到依家我都仲記得..
當你上線既時候,,見到身邊每一個人都唔再應你機..
呢隻game就會變成一隻offline game了…
點解香港人會做到咁?! 永遠都係要走捷徑…

以上既廢話都係小弟憑打龍族既情緒黎打…
唔岩睇可以唔睇…

作者: kira331 時間: 08-7-14 01:27 PM

原帖由 中華丸子 於 2008-7-13 06:38 PM 發表
我心愛的                      天翼之鍊
更直是變態隔空打(幾遠也行)....
            快速移動....
            快速打怪(兩秒ko)
            自動復活(死了可以自己救自己)
            自動買 ...

十分同意你ge講法,外掛一出,走左唔知幾多人,d人用外掛都係想高lv賣ac姐,冇人玩佢地高lv冇咩用..哎
我最心愛的天翼啊..上年玩唔夠一個月d fd一個個走晒,搞到我都冇動力玩..
如果d人唔用外掛,相信天翼兒家仍係最受歡迎的幾隻game之一,外掛真係累人累物.當然水果代理亦需負上責任,防外掛又唔更新

作者: 火野亂太郎 時間: 08-7-14 04:58 PM

玩左咁多年online game剩係得神話2冇出過外掛.......我玩左台灣神話2年幾完全冇見過外掛同埋聽日講過有外掛香港版就唔知..

作者: 火野亂太郎 時間: 08-7-14 04:59 PM

原帖由 kira331 於 2008-7-14 01:27 PM 發表

十分同意你ge講法,外掛一出,走左唔知幾多人,d人用外掛都係想高lv賣ac姐,冇人玩佢地高lv冇咩用..哎
我最心愛的天翼啊..上年玩唔夠一個月d fd一個個走晒,搞到我都冇動力玩..
如果d人唔用外掛,相信天翼兒家仍係最受 ...

哈天翼重生個日我就入番去玩..玩到103小波因為太多外掛同埋d fd走哂搞到我都冇玩了

作者: 方包仔﹏ｂb- 時間: 08-7-14 05:04 PM

童話 EXP榜望落有n個用外掛

夜晚去高LV地方 = 外掛團升大把

童話板太多外掛狗比人推到上天咁

講到有幾勁咁哈哈

三小俠更加唔洗講連板主都用埋一份

作者: mesty369 時間: 08-7-14 05:13 PM

原帖由 kira331 於 2008-7-14 01:27 PM 發表

十分同意你ge講法,外掛一出,走左唔知幾多人,d人用外掛都係想高lv賣ac姐,冇人玩佢地高lv冇咩用..哎
我最心愛的天翼啊..上年玩唔夠一個月d fd一個個走晒,搞到我都冇動力玩..
如果d人唔用外掛,相信天翼兒家仍係最受 ...

天翼真係好玩....但係升lv d怪又比人搶哂...跟住我小麥72lv的時候..已有人170幾lv...外掛令我亦放棄了....

作者: alohaa 時間: 08-7-14 06:40 PM

原帖由 方包仔﹏ｂb- 於 2008-7-14 05:04 PM 發表
童話 EXP榜望落有n個用外掛

夜晚去高LV地方 = 外掛團升大把

童話板太多外掛狗比人推到上天咁

講到有幾勁咁哈哈

三小俠更加唔洗講連板主都用埋一份

童話呢個game已經只係官方賺錢既工具, 官方已經唔理個 game內有多爛, 甚至費事花時間捉外掛。
現在走得快好世界, 邊個傻仔仲玩落去, 就等同自己要埋一堆唔值錢既垃圾, 最後等到佢摺埋自己咩都無晒。
隻game又舊,台灣官方又宣佈永不過更新,香港官方只係賺到d傻仔仲有人買虛寶之期。官方現在刻意用「雙經」來維持比玩家一個假象,給傻仔玩家以為個game仲「活」，但係已經好多人醒吾了,而且大家都明白童話可以外掛......
外掛是害死童話的, 但沒有更新沒有活動就更加害死童話

作者: 阿武阿 時間: 08-7-14 07:43 PM

原帖由 赤翼﹏告死天使 於 2008-7-13 05:12 PM 發表
可惜...一代神GAME...
神領汁左...我玩咁耐...
都係見到有2~3個人用...用唔夠幾日...比人收皮左...
而後都唔可以再入來神領...一步...
個陣玩家又好...e家ed...完全無哂品...

神領好小有人用外掛~~
玩左幾年睇唔到有d咩人用~
超好玩既遊戲
好想再玩~~~

作者: ~_____~ 時間: 08-7-14 07:45 PM

對於本人來說,外掛已經看化了,我之前玩過一隻RF的og
他是一種種族戰爭的遊戲,剛開服的時候沒外掛一場晶片戰超級300人出戰。
其後出現水掛,加速等一堆殺不死的神人出現,另遊戲完全沒趣味。隻game九月就關了。其實賣幣代戀出現賣一樣影響遊戲平衡,大家追求既野唔同平常心就ok

作者: 柱仔 時間: 08-7-14 09:58 PM

外掛的確很煩...搞到人心情都差了...

作者: 吸血鬼王 時間: 08-7-15 09:44 AM

外掛...
新幹線可謂前無古人...

多年前...劍俠情緣...一星期lv5x...三星期lv72...道武...top20
結果...唔夠一星期就比人過晒頭...top20不見...
原因就係外掛...
果陣既外掛...會打怪...會食藥...會自己番倉放野...自己買藥...人地p佢...仲會反擊添
...忍不住...殺了一堆外掛...不過...發現殺之不盡...就開始舉報了...點知...
舉報左...封既...竟然係我...死心了...心死了...

上個月底...新幹線又出新game了...誅仙online...
看了網絡小說...不能不玩吧...而且...天龍都已經是外掛天下了...
好...轉game...希望這些年來會有所改善吧...
封測...做得不錯...
公測...不用半個月...外掛天下了...
起初只係天音lv30-lv35怪既地方...
現在漫延到流波了...意思係...比一班下班後先有得玩既玩家高級了...
佢地亦發展到一個人唔夠打...兩個外掛掛埋一齊打...
尋晚...見到一個外掛打兇鴉...6下比隻怪p死...
連續2次...再下次見到佢時...係2個人去打了...沒有再死了...
現在...真人 vs 外掛既比例...應該是 1:1 左右吧...
在天音...可以外掛比真人還多...

結果...gm上個星期出手了...
不過...死既係普通玩家多...
外掛...冇少到...放棄既人亦開始多了...
誅仙online...是否到了極限?
一個畫功, 遊戲性, 劇情都不俗既遊戲...又被外掛打敗了...
是否...要找一個...冇咩人玩既online game才可以逃避外掛???

悲哀!

作者: 算命 時間: 08-7-15 09:23 PM

原帖由 ~_____~ 於 2008-7-14 07:45 PM 發表
對於本人來說,外掛已經看化了,我之前玩過一隻RF的og
他是一種種族戰爭的遊戲,剛開服的時候沒外掛一場晶片戰超級300人出戰。
其後出現水掛,加速等一堆殺不死的神人出現,另遊戲完全沒趣味。隻game九月就關了。其實 ...

你講起RF又令我諗起左RF外掛既特有一一消圖
呢種咁既消圖比起加速器仲勁~
佢係要一種叫RF寶寶(收費外掛)內既功能....
係將要SD去SER既資料,一秒鐘封包成1XXX-2XXX個~
咁野不單影響RF既國戰平衡....而且仲要拖慢晒個SER既速度~
我地RF以前冇外掛食王個陣...一定要成隊去打先夠而且仲要打0.30-1分鐘...
現家唔洗啦~
一條友開消圖.....
2-3秒KO完~
王出既"色"物個D會影響個人既攻擊,防禦同迴避率~
你話人人都係咁食王~
真係會出現........應該係已經出現左一班不死軍隊~
唉~
好掛住4年前既晶戰.......

仲有~我唔明白點解正服多外掛~
但私服就一個人都唔會用呢~
怪.......

作者: kan勤 時間: 08-7-15 09:41 PM

我玩過不小遊戲 , 老實說 , 我知道有外掛 , 我不會理 , 不會罵 , 不會去尋找
但外掛就放在眼前 , 連LINK 都放在前面 , 我會按 , 我會下載 , 我會用
我就是這樣平凡的玩家

我不會去愛外掛給我多少快感 , 亦不恨外掛導致我最愛我遊戲死亡
因為給我快感的是遊戲 , 而令遊戲死亡的亦是遊戲本身

題外話 , 跑ONLINE 曾出現外掛 , 我當時十分好其走進此遊戲探索以小遊戲為賣點的online game如何有外掛
最後我和外掛一起玩耍 , 被Gm ban了 @.@~ 當然我沒有投訴 , 反正都是路過
但戲谷的手段的確十分恨 , 而且外掛是出一個抓一個 , Gm幾乎通宵營業
在一個星期的時間附近 , 他們發出一可怕的公告是使用外掛者可能會負上刑事責任
再過一星期 , 他們將外掛系統提升 ( 都是在韓國那邊入手 )
及後的是.....
他們警告所有有關跑online外掛的討論區 , 只要是有所討論 , 都會告這個論壇
朋友, 有心的朋友 , 你看到這裡 , 還認外掛製作者 , 使用者才是罪魁禍首嗎 ?

還不快快去找跑online的外掛

作者: kan勤 時間: 08-7-15 09:44 PM

還有 , 樓上的弟兄 , 龍族的滅亡並非外掛導致的
在外掛未十分普及前 , 韓方早早已宣布全部非韓龍族關服

我是龍族的忠實FANS 啊, 現在還在夜空逗留~

作者: 笨嘉Kas~ 時間: 08-7-16 12:50 AM

我想大家將呢個問題focus返落去玩家身上
代理商只係買個game返黎搵錢
沒必要去封玩家ip
而且封ip只會斷自己米路

作者: ？？？？？？ 時間: 08-7-16 01:25 PM

原帖由 gates 於 2008-7-13 07:12 PM 發表
其實宜家好難玩到一隻係冇外掛
所以玩online game 現在都係抱住平常心玩
玩不下去就放棄好了

有人既地方就會有貪心,貪便宜,走捷徑
加上道高一尺魔高一丈
封到外掛一時,封唔到一世
網絡遊戲用外掛跟現實中的小偷一樣
禁之不絕
小偷最多都係坐幾年,出番黎多數又偷野
外掛使用者最多都係封帳號,重新申請帳號又係一條好漢
作者: 小_淚 時間: 08-7-16 05:03 PM

其實我唔係好明.
既然外掛咁玩黎做乜姐-,-咪又係電腦玩.
作者: 闇~Edward 時間: 08-8-11 11:04 AM

天外:
幾年前的確有外掛不過出左冇耐俾云起封殺左
童話:
升技外掛情有可願啦..冇錢買高戰有排升..同埋升技根本係一個摧殘手部既活動
所以都可以原諒既我覺得..

歡迎光臨 2000FUN論壇 (https://www.2000fun.com/) Powered by Discuz! X1.5.1