2000FUN論壇

標題: [轉貼][無盡感嘆]港版ECO正步向經濟崩潰呢..... [打印本頁]

作者: hoikitluk 時間: 08-7-17 10:35 AM 標題: [轉貼][無盡感嘆]港版ECO正步向經濟崩潰呢.....

若然現在有一個經濟學家問我要到哪裡才能好好觀察貨幣供需求以及通脹等等的經濟問題,我一定推薦他去找一款有經濟基礎的網絡遊戲.

沒錯,網絡遊戲幾乎將現實社會中的經濟狀況反映起來,而且遊戲設計者好像都會有意無意地將經濟學運用在內.
其中一項名叫貨幣供給.

貨幣供給,用現代的角落來看就是政府流放到市面上的貨幣.
若套在遊戲之中就是玩家們從怪物的掉落物、任務中所獲得的金錢.
在現實社會中,政府會透過幾個方法去控制貨幣供應量,例如政府債.由於這篇不是經濟學論文,所以就不在此詳細解說其中的道理.
至於遊戲中控制貨幣供應的工具,就是NPC們提供不同種類的貨品或是一些特殊要用錢的地方.
有些遊戲可能在製造某些道具時,會要你向NPC購買大量物品或繳付特定款額,又或是在某些特殊功能中繳付遊戲貨幣,如拍賣場.
無論在現實中或是遊戲中,控制貨幣供應從來都離不開一個原因:控制市場上物品的價格,亦即是控制通脹.

我們不難從過往的歷史中看出不控制貨幣供應的後果.
就像是一戰後的德國,面對無窮的赤字,威瑪政府的解決方法就是不斷的增加貨幣供應----印銀紙或加大銀碼來面對赤字.
但最後,德國人民去買一個麵包也要用一大箱的紙幣才能夠支付.
這個現象的原因是在於:錢都不值錢了!

這句話或許很奇怪,為何錢都會不值錢了?
其實錢的價值是源自一些保證.
過往的人會用黃金來保證錢的價值,亦即金本位制度.
現在的則是透過政府政策來維持,這也是個複雜的事情.....那就拿香港來當例子.
香港以聯繫匯率將港元與美元掛勾來維持港元的價值,這是其中一種政策.
那麼錢都不值錢了那會怎樣?
人會更捨得花錢,商人們見人人都願花錢那就提高價格,接著政府又面對赤字又再濫發鈔票,然後由第一點再接續循環下去.......

好了,說了一大堆令人摸不著頭腦的說話,轉回ECO這個話題.
為何我會說港版的ECO正走向經濟崩潰?
因為現在的貨幣供應持向無限擴張的境況而沒有實際停止這擴張的事情出現!
一隻遊戲有著無盡的掉落物(無視怪東東)跟任務給人賺錢是個無可厚非的事情.
但各位試想想,你玩了那麼久,花最多的錢的地方是在哪裡?
當然就是裝備了,買一套完整的45級整備也搞去你上十萬元.
只是,買了裝備以後你還會在哪裡花錢?
除了少量補品(也或許你根本是自家製補品),恐怕就只有跟玩家買對吧?
但與玩家的交易是跟貨幣供應無關的事情,因為貨幣供應是談政府或系統發放到市面上的貨幣這個舉動.
而且,與玩家交易並不是必須的!
那麼各位同學,假設你不會買其他玩家的東西,而你又持續的獲得金錢,那麼就會出現甚麼情況了?
沒錯!威瑪政府的例子會重現於世!
將來的情況就會是:
不斷的得到金錢->買東西更捨得花錢->商人們因為這情況而提高賣出價
然後又因錢的易賺,人普遍會有怨言,但又未至於會放棄買東西這件事
最後,這遊戲的物品的價錢就會一直被推高上去!

當然,這不會誇張到我們需要花10萬來買一個高級麵包,因為這還涉及物品供需求問題.
簡要來說就是供給多的物品不會有人願花高價去買,沒有需求的物品也不會有人笨到繼續高價兜售.
但可預想的一些比較稀有的物品會被一直推高價上去,就例如白狼.
這些供給不多,但有一定需求的物品鐵定會被無盡的推高價格.
重新拿回白狼當例子吧,公測一開始這傢伙才被買個1萬元(甚至四位數),但到現在呢?
春然沒有四萬不用想,夏祭沒有2~3萬不用想.
看似只是1,2萬的價錢,但那已經是翻了一倍!亦即是通脹率達到百分之一百!

到底問題出現在哪裡?
問題是出現在官方將一大堆要用高價才買到的東西都拖進商城了.
先不談那些原本就不能在市面買到或是沒有高需求的東東,現在被封殺而原本又可以在NPC處買到的東西有多少?
部分35級職業裝,65級職業裝,2-2機械師的機械人,洗點的道具以及未來商城會出現的禁書跟沙漏.
這些玩過日韓版的都知道是可以在NPC處購得,而且所費不菲.
而且後半的東西幾乎是玩家的必須品.
或許到了今天的維護後,多半的玩家都只是轉了一次2-2就算了,但到中期的更新怎麼辦?
我們很清楚,2-1是偏向PVE,也就是升級打王方面的,2-2則是PVP向的.
兩個2轉職也有明確的定位,你也總不會往後也倒在PVP場上跟人對打而不去推王吧?
到時你還會一直花75點(或是更多,明顯地沙漏也應該會在商城中出現)去轉來轉去嗎?

若然官方依然如這些要花一大筆金錢的必須品全都丟進商城去的,那麼港版的ECO就只會漸漸步向經濟崩潰的方向.
在沒有完善的金幣回收機制下,玩家們的荷包只會一直漲不去而不會停止,物價也只會一直向上攀升.
這種遊戲多半的下場就是新手玩家卻步,舊的玩家一直的走而得不到補充,到後來這遊戲便走進不能回頭的滅亡.

我不知道官方會不會看我這種小玩家的聲音,也不知道他們看完以後會不會接受.
只是回頭還不算太遲,把應該在遊戲中出現的放回遊戲內吧!
這不是為了滿足我個人的私欲,僅僅只是希望這遊戲能夠一直健康活下去.
玩家們的錢不會因為你們把這些必須品放回遊戲內就失去的,相反,一個有將來的遊戲才能吸引玩家投資下去.
請不要忘記我們這些玩家不僅僅是使用遊戲,我們還會投資,投下金錢去賺取未來更多的歡樂.
若然你硬是要將玩家們的未來抽走,那請不要奇怪為何這個遊戲的玩家在兩個月後就開始漸漸流失!
====================我是分隔線================================
這是我從某n字的適壇轉貼過來的我認為幾有見地不過也不是盡明(本人不是修經濟的)
我想知eco真的如他所講嗎? 題外話人們很少人在討論(or發火) 更少人在罵戰我在這開始見到兩派的人在攻擊呢~

作者: WingTo 時間: 08-7-17 10:40 AM

太多唔想睇

作者: chinlok88 時間: 08-7-17 10:42 AM

我都係-.-太多字唔想睇

作者: 阿拉蕾 時間: 08-7-17 10:42 AM

轉貼-.-................

作者: marswwwc 時間: 08-7-17 10:49 AM

我只知有人有錢到用100收肉 - -
當初最高的都是25 - -

作者: rayha2k 時間: 08-7-17 10:51 AM

我睇哂 ~___~, 其實分析得都幾好. 不過相信都一樣係無可能改變到什麼, 除非eco月費化. 如果唔係都好難將被抽走o既野還番黎.

作者: 櫻想 時間: 08-7-17 10:52 AM

太多字, 睇到我眼都花=.="

作者: KaiT 時間: 08-7-17 10:54 AM

高糖,雞毛,骨.. 愈泥愈貴@@

作者: 小雨點yy 時間: 08-7-17 10:55 AM

這編文章論點清晰明確,我也認同,這遊戲錢是易賺,但用錢出路真是不多,好多玩家手上都有數百萬,越高級只會易越賺錢,而且物價漲得太快,公測至今不足2個月,物價已幾級跳,如果官方還不聽玩家的聲音,以賺錢為第一位,這遊戲真是很快會衰退。

作者: 神之判官 時間: 08-7-17 10:55 AM

絕對推薦那些認為有人以遊戲平衡來做盾牌而不想付出金錢的人看

作者: 凱爾 時間: 08-7-17 10:58 AM

物價高,新手玩不起
人就會越來越少

當初我在RO後期才開始玩(免費伺服開放前半年)
城內的人擺賣,每樣東西都百萬起跳
新手連買紅水的50元都花不起了,別說換裝備之類

想起之前官方的公告

"2-2轉有bug,所以暫停轉職系統"

然後現在,禁書被放到商城了

原來bug=禁書不應該給npc賣,應該用點數買

其實從公測開始玩到現在
我已經感覺到玩家數目明顯減少...

作者: yamhoikin 時間: 08-7-17 11:00 AM

簡單d黎講就就即係因為完本維持物價回收幣ge禁書變左點數物品
大量幣屯積係市場上
令到物價不停上升

作者: marswwwc 時間: 08-7-17 11:02 AM

我公會有一半人去左去玩FEZ都而家都唔鬼想玩 = =

作者: 阿拉蕾 時間: 08-7-17 11:03 AM

原帖由 神之判官 於 2008-7-17 10:55 AM 發表
絕對推薦那些認為有人以遊戲平衡來做盾牌而不想付出金錢的人看

你個簽名勁正

賢狼赫蘿?

作者: 藍流星 時間: 08-7-17 11:04 AM

睇左, 分析得很好, 可惜呢篇野官方唔會理。
要嘈, 今日係最後, 今日維護就改野啦。

之後佢更加唔會理你。

作者: clive123 時間: 08-7-17 11:09 AM

唔洗睇落去
我中7時都有學過XD
之前玩瑪奇都有同學學講過出本叫"瑪奇經濟學"

作者: kinypit 時間: 08-7-17 11:14 AM

最大問題係...可以買從玩家手上用現鈔買錢, 連新手都可以有幾百萬身家...稀有道具售價係以倍增的形式...我開始感覺到錢賺不了下去...經濟崩潰會係不久的將來發生...而家已經係現在進行式...如果有新遊戲推出...玩家流失會非常之快

作者: erttp 時間: 08-7-17 11:15 AM

的確如此
但gc到頭來都會想辦法吧

話唔定賣點又有 10萬又賣
d人見住 75點就寧願去買個10萬

呢條都係好辦法

作者: kinypit 時間: 08-7-17 11:17 AM 標題: 回復 18# erttp 的帖子

我覺得會步髮型卷後塵囉...10萬? Day Dream 吧...

作者: Ｔｉｄｕｓ 時間: 08-7-17 11:18 AM

分析得好好..講得好好...
呢家既人數已經比公測一開始少左好多好多...
繼續咁落去eco好快玩完....
呢隻game我真係覺得幾好玩...
希望官方快d正視下呢個問題...

作者: rayha2k 時間: 08-7-17 11:20 AM

如果真係我覺得又唔會覺得佢地只收10m - - 最少都會收 50m - 100m, 反正都係調整一下數字而已

作者: 傲玥流云 時間: 08-7-17 11:22 AM

官方出多d回收錢既活動可能有得救既

如果唔係將來就會變到好似其他online game咁,
d新手要同玩家買錢先生存到

作者: clive123 時間: 08-7-17 11:22 AM

原帖由 kinypit 於 2008-7-17 11:17 AM 發表
我覺得會步髮型卷後塵囉...10萬? Day Dream 吧...

D人傻的
官書45點 15萬-20萬
頭髮好似117 咁最多AROUND都係60萬
都唔明D人點賣100萬

作者: 傲玥流云 時間: 08-7-17 11:32 AM

原帖由 clive123 於 2008-7-17 11:22 AM 發表

D人傻的
官書45點 15萬-20萬
頭髮好似117 咁最多AROUND都係60萬
都唔明D人點賣100萬

你咪就係俾d賣錢既人荼毒左囉
人地賣錢話45蚊=100萬
你就真係認為100萬值45蚊,然後就代入去商城d點數上面

作者: erttp 時間: 08-7-17 11:33 AM 標題: 回復 23# clive123 的帖子

d細路只係係度托價
實際上賣唔到咁多

作者: 識你老鼠 時間: 08-7-17 11:55 AM

少左好多人玩

起遺跡廣場街上好多分身

而不是新手

作者: clive123 時間: 08-7-17 11:56 AM

原帖由 識你老鼠 於 2008-7-17 11:55 AM 發表
少左好多人玩

起遺跡廣場街上好多分身

而不是新手

我都覺=.=
一個人開N個
我都係開2個=.=

作者: kinypit 時間: 08-7-17 12:05 PM 標題: 回復 25# erttp 的帖子

你講ar?!

有買有賣...普遍大方向都賣80~100萬, 絕對有價有市, 唔信你賣活躍分子、俊男美女8x萬睇下有冇人買...

作者: clive123 時間: 08-7-17 12:08 PM

原帖由 kinypit 於 2008-7-17 12:05 PM 發表
你講ar?!
有買有賣...普遍大方向都賣80~100萬, 絕對有價有市, 唔信你賣活躍分子、俊男美女8x萬睇下有冇人買...

放幾日一定賣到XD
見過了
有D人掛足咁多日的
佢屋企幾部腦OR一部超勁腦
可以長放D人係到掛賣野

作者: kinypit 時間: 08-7-17 12:09 PM 標題: 回復 29# clive123 的帖子

XD 唔洗幾日tim ar

作者: N.Kaiser 時間: 08-7-17 12:13 PM

香港同台灣代理普遍都係咁嫁啦
全部都係覺得要係有限既遊戲壽命去搵最多既錢
而唔係用方法去延長遊戲壽命

睇怕用億來做單位既日子唔遠

作者: kinypit 時間: 08-7-17 12:15 PM 標題: 回復 31# N.Kaiser 的帖子

我比較睇淡大市...
我相信1~2個會流失大量玩家

所以未有億已經收工

作者: ＊羽翼之炎＊ 時間: 08-7-17 12:16 PM

原帖由 hoikitluk 於 2008-7-17 10:35 AM 發表
只是回頭還不算太遲,把應該在遊戲中出現的放回遊戲內吧!

這句說得真好~ 不過.... just a Dream

本來打算長玩的(600點也買好幾張了)... 現在繼續等我的luna算了

作者: joe93054961 時間: 08-7-17 01:20 PM

原帖由 marswwwc 於 2008-7-17 10:49 AM 發表
我只知有人有錢到用100收肉 - -
當初最高的都是25 - -

係= =尋日雪原度都有人100蚊收肉.....

作者: clive123 時間: 08-7-17 01:21 PM

原帖由 joe93054961 於 2008-7-17 01:20 PM 發表

係= =尋日雪原度都有人100蚊收肉.....

收黎做咩=.=汗
去火雞到大把燻肉汁==

作者: joe93054961 時間: 08-7-17 01:55 PM

唔知...我淨係知我賺左佢十幾萬= =成晚係度打肉賣俾佢,d毛皮擺倉

作者: kye1108 時間: 08-7-17 02:00 PM

好辛苦睇哂!! 因為有道理~
唉...eco可能係我最後一隻online game了~
玩遊戲都係講錢錢錢...真係唔想玩了~
次次有大堆online game因錢末落...又一大堆online game因錢新出...
唉...
講真果句...小朋友出錢唔係講笑!!
因為我約過13歲小朋友出600蚊買我彩虹ac (真實經歷)
我都有d啞左...初見果時...
為左咁既虛擬物出咁多錢只求滿足感 ? 仲要咁細過...

講完之後我都反對樓主...
當然我不會因小事就筆戰~~

作者: 東野佑美 時間: 08-7-17 03:07 PM

篇野講得好有道理!

作者: greatzelda 時間: 08-7-17 03:23 PM

原帖由 N.Kaiser 於 2008-7-17 12:13 PM 發表
香港同台灣代理普遍都係咁嫁啦
全部都係覺得要係有限既遊戲壽命去搵最多既錢
而唔係用方法去延長遊戲壽命

睇怕用億來做單位既日子唔遠

放心唔會有億,最多8位數字,又邊有億呢?

作者: 小癲包 時間: 08-7-17 07:44 PM

係.....d野真係好貴lo

作者: kenneth96354 時間: 08-7-17 08:04 PM

我唸住7月31去玩台版lu~~呢度物價漲得好快，d新仔都玩唔落手，我自己開過新仔去玩下，唔夠半個鐘就要去大號拎錢救命了

作者: N.Kaiser 時間: 08-7-17 08:26 PM

原帖由 kenneth96354 於 2008-7-17 08:04 PM 發表
我唸住7月31去玩台版lu~~呢度物價漲得好快，d新仔都玩唔落手，我自己開過新仔去玩下，唔夠半個鐘就要去大號拎錢救命了

台版咪又係同一間代理
有分別嗎?

作者: damnn 時間: 08-8-7 10:12 AM

原帖由 N.Kaiser 於 2008-7-17 08:26 PM 發表

台版咪又係同一間代理
有分別嗎?

台版經驗值計法唔同 (70級後)
港版唔改番一個月內玩完

作者: dmm123 時間: 08-8-7 10:39 AM

有一點我不贊成...
現實上,市面貨幣流通過多..回收貨幣是可以達成減通脹的..
但在game內不行..
你細心想想..
如果官方用某物品來回收玩家的錢,
那麼,這物品一樣是有價值的(而且永不會變舊,變壞)..
哪為什麼我說現實上回收貨幣可行呢?
因為現實的物品是會變舊,和有機會變壞的(eg..政府用30隻牛來回收$1000,牛最後也是要死的,對嗎?)

在game內想平衡,只要供求關係就好..

或者提供服務也是一種回收貨幣的好方法..(eg.有npc可以直飛去東南西北國,每次收10000)

[ 本帖最後由 dmm123 於 2008-8-7 10:45 AM 編輯 ]

作者: damnn 時間: 08-8-7 11:13 AM

原帖由 dmm123 於 2008-8-7 10:39 AM 發表
有一點我不贊成...
現實上,市面貨幣流通過多..回收貨幣是可以達成減通脹的..
但在game內不行..
你細心想想..
如果官方用某物品來回收玩家的錢,
那麼,這物品一樣是有價值的(而且永不會變舊,變壞)..
哪為什麼我說 ...

game入面好多野都會變壞, 包括D裝備, 不過問題係玩家賺game錢速度比花game錢速度快得多, 部份原因樓主已經講左
另一個主要原因係有外掛, 爆A/C同打錢工
有錢買商城野o既人同様有錢買game幣, 呢D錢o係有收入o既人黎講好閒.
有供有需所以加速左通貨膨脹
你會問game錢買唔到D乜點解仲有人去買game錢?
因為呢隻game升lv 好難升, 有人帶升會快好多, 帶升一次都要幾十萬...
你又會問佢地賺咁多錢要黎都冇用又會俾人吸exp, right?
因為組隊俾人吸唔會吸好多, 佢地反正自己都要練咁咪開團囉,
帶升o既人九成有時間冇錢 (學生/失業人士)
變左有hkd的人用錢買經驗, 但唔多會買商城D野
但係冇hkd的人會覺得升得好慢好無聊
到人走得咁上下連俾錢升lv D人都唔玩果時
game錢唔會再高速貶值但一様唔會升返

作者: frthkipa 時間: 08-8-7 11:17 AM

同意,隻game真係冇咩回收game錢既野
錢愈來愈多...物價愈來愈高~_~
最慘係..拎住幾千萬係手,除左賣hkd,根本搵唔到有咩方法可以係game到洗左佢-.-
希望可以增設回收金錢既服務如上一樓講既傳送服務,或是增加精煉裝備既收費
或是在npc處以高價販賣某些材料/藥水等等~_~
現在長此下去,物價將會變得令新手望而卻步,老手敬而遠之~_~

作者: 小咩君 時間: 08-8-7 11:22 AM

睇到嘔晒白泡-.-
可吾可以簡化佢?

作者: PCL 時間: 08-8-7 12:08 PM

現實世界都未崩潰,小小遊戲世界裡邊得黎咁容易

作者: 悚犬 時間: 08-8-7 01:00 PM

原帖由 PCL 於 2008-8-7 12:08 PM 發表
現實世界都未崩潰,小小遊戲世界裡邊得黎咁容易

現實未崩潰因為還有政府的控制
可是ECO這遊戲已經把可回收遊戲幣的貨品拋到去商城了

歡迎光臨 2000FUN論壇 (https://www.2000fun.com/)