2000FUN論壇

標題: 【壹週刊專欄】火 海 狗 癡 　 重 建 失 樂 園 [打印本頁]
作者: 藍莓＊    時間: 08-9-11 12:28 PM     標題: 【壹週刊專欄】火 海 狗 癡 　 重 建 失 樂 園

上 週 元 朗 下 高 埔 村 屋 一 場 懷 疑 縱 火 案 ， 奪 去 了 三 十 隻 貓 狗 生 命 ， 主 人 怡 姐 （ 彭 鳳 怡 ） 至 今 仍 不 斷 自 責 ： 「 點 解 我 唔 留 低 陪 佢 ？ 」
這 個 女 人 有 段 坎 坷 的 過 去 。 身 邊 的 至 親 ， 一 個 一 個 的 離 開 自 己 。 首 先 是 無 情 的 丈 夫 ， 然 後 是 長 大 了 結 婚 要 出 外 搵 食 的 兒 子 ， 最 後 連 收 養 回 來 的 流 浪 貓 狗 ， 亦 不 幸 離 她 而 去 。
可 幸 還 有 十 二 隻 狗 及 時 逃 出 生 天 。 為 了 替 這 群 劫 後 餘 生 的 動 物 重 建 樂 園 ， 一 班 萍 水 相 逢 的 動 物 拯 救 隊 ， 在 怡 姐 最 失 落 的 時 候 出 現 ， 充 當 劫 後 救 兵 。


慘 劇 發 生 後 三 日 ， 記 者 跟 怡 姐 到 所 住 元 朗 屋 村 後 山 的 土 墳 拜 祭 亡 狗 ， 四 十 九 歲 的 怡 姐 ， 口 中 念 念 有 辭 ： 「 三 月 ， 狗 仔 … … 你 要 帶 住 貓 上 路 ， 記 住 唔 好 回 頭 ， 下 一 世 唔 好 再 做 狗 ， 要 做 人 呀 ！ 」 說 時 已 忍 不 住 眼 淚 直 流 。
昔 日 ， 怡 姐 跟 四 十 二 隻 貓 狗 同 住 的 情 境 ， 如 今 依 然 歷 歷 在 目 ， 她 帶 記 者 到 已 燒 焦 的 二 樓 ， 回 憶 說 ： 「 ！ 呢 間 就 係 貓 房 啦 ！ 我 無 錢 ， 但 為 佢 ， 特 別 垃 圾 站 執 張 幫 佢 梳 毛 ， 又 做 繩 網 俾 佢 爬 ！ 但 而 家 佢 全 部 死 晒 … … 」
原 來 整 個 貓 狗 樂 園 是 怡 姐 多 年 來 ， 點 點 滴 滴 累 積 回 來 的 成 果 ， 內 裡 所 有 傢 俬 布 置 ， 不 是 DIY 製 造 ， 便 是 從 垃 圾 站 中 執 回 來 ， 「 呢 度 原 本 有 個 熱 水 爐 係 專 幫 狗 仔 沖 涼 ， 呢 度 原 本 有 個 雪 櫃 係 放 狗 糧 ， 呢 度 … … 」 怡 姐 站 在 災 場 中 央 ， 憶 起 災 前 景 象 ， 更 覺 愧 對 這 班 仔 仔 囡 囡 。
「 佢 每 隻 都 好 乖 ， 我 一 走 入 貓 房 餵 牠 們 ， 旺 旺 、 肥 仔 … … 佢 全 部 會 一 窩 蜂 趨 前 ， 用 額 頭 撞 我 小 腿 ， 而 我 就 會 逐 一 錫 佢 額 頭 。 」
說 到 最 疼 的 三 月 和 狗 仔 ， 怡 姐 更 收 不 了 口 ， 「 佢 係 大 阿 哥 ！ 三 月 … … 我 養 得 最 耐 ， 足 足 九 年 啦 ！ 但 最 慘 係 狗 仔 ， 希 望 佢 在 天 之 靈 ， 唔 好 怪 我 呢 個 媽 媽 啦 ！ 」 說 時 又 再 忍 不 住 流 淚 。


坎 坷 「 狗 仔 」
怡 姐 口 中 的 唐 狗 「 狗 仔 」 ， 命 運 坎 坷 ， 卻 最 有 靈 性 ， 怡 姐 說 ： 「 出 事 前 一 晚 ， 『 狗 仔 』 點 都 唔 肯 返 入 出 事 間 房 ， 不 停 咁 跟 我 身 邊 ， 寸 步 不 離 ， 又 忽 然 間 好 嗲 ， 流 露 依 依 不 捨 感 情 ， 當 時 我 唔 覺 有 問 題 ， 點 知 ， 當 我 逼 佢 入 房 後 ， 即 係 送 佢 去 死 ！ 從 此 ， 我 再 見 唔 到 佢 ！ 」 怡 姐 不 停 的 自 責 ， 並 且 反 問 ： 「 點 解 … … 我 當 時 唔 察 覺 。 」 原 來 ， 火 災 當 晚 怡 姐 恰 巧 有 事 去 了 屯 門 兒 子 家 中 居 住 ， 雖 然 自 己 逃 過 大 難 ， 但 翌 日 返 回 災 場 看 見 死 去 的 「 狗 仔 」 ， 「 比 死 更 難 受 ！ 」
「 狗 仔 」 是 怡 姐 於 五 年 前 從 街 上 拾 回 來 的 。 當 時 「 狗 仔 」 被 車 撞 斷 雙 腳 ， 被 經 營 車 房 的 主 人 丟 棄 在 車 房 門 外 ， 自 生 自 滅 ， 有 日 怡 姐 路 過 見 「 狗 仔 」 正 被 一 群 兒 童 戲 弄 ， 望 「 狗 仔 」 那 楚 楚 可 憐 的 眼 神 ， 忍 不 住 便 帶 牠 回 家 。 「 我 感 情 最 好 ， 我 仲 幫 佢 做 埋 絕 育 兼 植 入 晶 片 ， 做 佢 主 人 ！ 」
一 心 以 為 救 了 「 狗 仔 」 的 怡 姐 ， 卻 估 不 到 一 場 大 火 ， 慘 令 愛 犬 再 遭 火 燒 ！ 「 佢 （ 狗 仔 ） 一 生 已 經 好 苦 ， 我 唔 可 以 再 要 牠 們 受 苦 ， 所 以 食 環 署 話 派 人 來 收 屍 火 化 ， 我 堅 持 要 土 葬 。 」 結 果 幾 經 爭 持 ， 終 勸 服 食 環 署 不 派 員 上 門 收 屍 ， 她 亦 請 人 在 村 屋 後 山 挖 了 四 呎 長 和 三 呎 深 泥 坑 ， 安 葬 「 狗 仔 」 和 其 他 貓 狗 的 屍 體 。


「 狗 仔 」 走 唔 甩 ， 但 雪 橇 愛 犬 Handsome 就 在 大 火 中 死 裡 逃 生 。 Handsome 原 本 因 頑 皮 寄 養 在 屯 門 一 寵 物 店 內 ， 後 因 主 人 沒 領 回 ， 在 Handsome 一 歲 時 店 主 便 讓 給 怡 姐 領 養 。 「 我 以 為 佢 死 ！ 但 九 月 二 日 朝 早 佢 忽 然 走 返 ， 我 真 係 好 開 心 ！ 」 怡 姐 說 。 這 時 候 ， 站 在 旁 邊 的 Handsome 彷 彿 像 得 悉 在 說 牠 ， 不 停 向 怡 姐 身 上 蹦 蹦 跳 ， 並 用 舌 頭 舔 她 的 臉 。 這 一 刻 ， 怡 姐 臉 上 才 有 笑 容 。
除 了 Handsome ， 在 怡 姐 這 個 人 生 低 潮 中 ， 還 有 一 班 萍 水 相 逢 的 義 工 扶 持 。 「 我 覺 得 貓 狗 最 無 辜 ， 當 日 我 睇 完 報 紙 ， 個 心 真 係 想 跌 出 ， 我 不 停 咁 喊 ， 一 心 淨 係 諗 住 點 幫 佢 （ 怡 姐 ） 解 決 問 題 。 」 負 責 今 次 義 工 行 動 的 「 拯 救 遺 棄 寵 物 中 心 」 負 責 人 嬌 姐 說 。
上 週 六 ， 義 工 隊 帶 了 兩 大 袋 狗 糧 、 兩 個 大 狗 籠 、 兩 箱 沖 涼 液 ， 以 及 電 焊 機 、 電 鑽 等 維 修 工 具 ， 「 呢 物 資 全 部 係 怡 姐 出 事 後 ， 義 工 同 有 心 人 士 自 發 捐 出 ！ 」 嬌 姐 說 ， 「 火 警 後 我 去 過 怡 姐 屋 企 一 次 ， 佢 入 面 環 境 好 惡 劣 ， 間 屋 燒 完 周 圍 都 係 炭 屎 ， 狗 周 圍 走 ， 搞 到 間 屋 好 污 穢 ， 我 要 幫 手 清 潔 ！ 」


動 物 拯 救
隊除 了 替 十 二 頭 狗 沖 涼 、 安 裝 門 鎖 及 打 掃 乾 淨 外 ， 義 工 亦 帶 Handsome 和 同 樣 逃 出 生 天 的 巴 斯 亨 獵 犬 「 金 仔 」 ， 到 錦 繡 花 園 的 寵 物 診 所 睇 醫 生 。 獸 醫 葉 枝 坤 說 ， Handsome 腹 部 有 一 處 被 燒 傷 了 的 傷 痕 ， 幸 好 沒 有 大 礙 。
經 過 四 小 時 的 重 建 家 園 ， 看 樂 園 逐 步 逐 步 回 復 舊 貌 ， 即 使 怡 姐 因 痛 兼 肥 胖 ， 引 致 行 動 不 便 ， 但 她 仍 堅 持 逐 一 向 義 工 道 謝 ， 義 工 阿 Ann 安 慰 她 說 ： 「 我 有 個 （ 狗 ） 仔 都 曾 經 忽 然 死 亡 ， 我 足 足 喊 十 日 ， 所 以 明 白 你 感 受 ， 我 覺 得 你 好 堅 強 呀 ！ 」 說 時 ， 阿 Ann 握 怡 姐 的 手 ， 互 相 安 慰 一 番 。
不 過 ， 最 令 嬌 姐 擔 心 的 ， 是 怡 姐 日 後 再 心 思 思 收 養 流 浪 狗 ， 怕 她 不 懂 飼 養 再 出 現 問 題 ， 於 是 和 其 他 義 工 力 勸 她 不 要 再 養 狗 ， 更 答 允 以 後 每 月 一 次 前 來 探 訪 及 幫 狗 隻 沖 涼 ， 「 我 希 望 俾 佢 （ 怡 姐 ） 知 道 ， 養 寵 物 係 要 睇 能 力 ， 如 果 夾 硬 養 ， 可 能 令 到 寵 物 生 活 仲 慘 過 街 上 流 浪 。 」 中 心 又 協 助 怡 姐 開 設 捐 款 戶 口 ， 希 望 透 過 熱 心 人 士 ， 解 決 燃 眉 之 急 ， 目 前 戶 口 已 有 一 萬 元 捐 款 。
成 立 了 才 兩 年 的 「 拯 救 遺 棄 寵 物 中 心 」 ， 由 一 群 志 同 道 合 喜 歡 餵 狗 救 狗 放 狗 的 狗 友 組 成 ， 過 去 曾 多 番 拯 救 流 浪 狗 隻 ， 當 中 以 去 年 三 月 在 流 浮 山 荔 枝 園 附 近 營 救 大 量 被 遺 棄 名 種 犬 隻 最 嚴 峻 ， 「 當 日 我 眼 見 約 有 二 十 隻 狗 ， 當 中 有 迷 你 松 鼠 、 迷 你 牧 羊 、 哥 基 等 等 ， 大 部 分 係 狗 女 ， 隻 隻 肚 皮 鬆 弛 ， 生 數 胎 ， 一 睇 就 知 係 用 配 種 ， 部 分 連 聲 帶 都 被 割 掉 添 ！ 很 可 憐 ！ 」 嬌 姐 說 。
今 次 嬌 姐 等 人 出 錢 出 力 幫 怡 姐 ， 非 常 落 力 ， 反 而 是 怡 姐 一 直 在 旁 呆 呆 坐 。 想 起 自 己 大 半 生 都 不 斷 失 去 「 至 親 」 ， 更 不 禁 悲 從
中 來 。
怡 姐 原 本 亦 擁 有 一 個 健 康 家 庭 ， 唯 九 二 年 遭 丈 夫 離 棄 後 ， 一 切 都 變 得 不 快 樂 了 ， 她 哽 咽 說 ： 「 我 到 目 前 都 未 能 平 復 當 年 老 公 走 佬 傷 痛 ！ 」


圖片

內容

即 使 災 後 第 二 日 ， Handsome 劫 後 逃 亡 回 來 ， 但 仍 難 掩 怡 姐 痛 失 三 十 頭 貓 狗 的 心 情 ， 與 Handsome 抱 頭 痛 哭 。
火 災 現 場 ， 一 隻 隻 原 本 活 潑 可 愛 的 寵 物 ， 包 括 怡 姐 最 疼 錫 的 「 狗 仔 」 ， 頃 刻 變 成 一 堆 灰 燼 ， 令 人 心 酸 。
義 工 們 前 往 災 場 需 經 過 一 條 遙 遠 山 路 ， 兩 旁 荊 棘 滿 布 ， 但 他 們 仍 不 辭 勞 苦 拖 大 堆 物 資 ， 為 重 建 狗 樂 園 出 力 。

除 了 清 理 及 打 掃 災 場 外 ， 義 工 們 的 另 一 重 建 工 作 是 替 劫 後 餘 生 狗 隻 沖 涼 及 剪 毛 。
昔 日 屬 於 每 隻 不 同 寵 物 的 鐵 籠 ， 如 今 被 燒 至 焦 黑 ， 堆 放 村 屋 空 地 ， 怡 姐 偷 望 ， 欷 歔 不 已 。
嬌 姐 （ 左 一 ） 帶 Handsome 及 「 金 仔 」 睇 獸 醫 。 逃 生 時 ， Handsome 腹 部 被 燒 焦 一 道 傷 痕 ， 治 療 後 已 沒 大 礙 。
作者: 沖靈    時間: 08-9-11 11:31 PM

希望 d 狗仔可以係 第二個世界都搵到個 咁好既主人啦 . .
作者: 黃米奇    時間: 08-9-11 11:34 PM

為它們感到可惜!
來生不要再受這種痛苦吧!
作者: 白色幽默    時間: 08-9-11 11:51 PM

  d 狗仔貓仔好慘阿..希望佢地在天之靈可以得到安息啦.
  睇完燒焦左戈隻我都想喊出黎..
作者: 等待脫變    時間: 08-9-12 03:06 AM

其實點解果到會著火= =...
作者: 封之介    時間: 08-9-12 03:40 AM

原帖由 等待脫變 於 2008-9-12 03:06 AM 發表
其實點解果到會著火= =...

懷 疑 縱 火 案 <---應該係有人特登去燒佢間屋先釀成慘劇
作者: numhk1993    時間: 08-9-12 07:07 AM

唉 咁得意既狗仔 個天咁都要咁整佢
唉
作者: 幻法=咸濕=青兒    時間: 08-9-12 10:49 AM

三十幾隻貓狗...
真係可憐...
唔知佢地比火燒個陣時既情境係點既呢...
岩岩睇完都喊左出黎...

我自己都好想養...
但係女朋友唔鐘意貓狗/_\"...
作者: 62733624    時間: 08-9-12 12:58 PM

希望佢地來世..可以去下第2個星球啦@_@
見識多d丫嘛..哈
作者: 冬菇仔＊    時間: 08-9-12 01:05 PM

原帖由 等待脫變 於 2008-9-12 03:06 發表
其實點解果到會著火= =...

我同o個度相距幾條村..


其實呢個女人佢真係好有心咁去收d流浪貓狗..
但係就好少去打理佢地..
由其係夏天..d屎尿再加埋佢地既體味..
令到周圍住o係o個度附近既人都唔中2..
因為長期係咁..變成惡臭..

漁農處o個d之前已經睇過呢個case..
o個時本來話唔俾佢繼續養..
但係個女人堅持話要養..
為左繼續養..幫d貓狗攞哂牌..

奈何最後有宗咁慘既事件發生左..
作者: 小草╭☆    時間: 08-9-12 07:54 PM

一路睇 一路眼濕濕  
希望佢地下一世 唔駛咁慘 /口\
作者: 糗豪    時間: 08-9-13 11:43 AM

係咪應該有Ｄ人因為覺得佢間屋太臭影響到人　之後燒哂Ｄ貓貓狗狗呀？
我睇完都眼濕濕　放火個人一定會有報應　只係時間既問題
作者: 凝靜    時間: 08-9-13 03:48 PM

原帖由 冬菇仔＊ 於 2008-9-12 01:05 PM 發表

我同o個度相距幾條村..


其實呢個女人佢真係好有心咁去收d流浪貓狗..
但係就好少去打理佢地..
由其係夏天..d屎尿再加埋佢地既體味..
令到周圍住o係o個度附近既人都唔中2..
因為長期係咁..變成惡臭..

漁 ...


唔好亂講啦,,佢一日花4鍾個洗屋,仲唔計幫狗喵沖涼o既時間.咁樣叫唔理?

[ 本帖最後由 凝靜 於 2008-9-13 03:49 PM 編輯 ]
作者: 笨啦    時間: 08-9-14 06:17 AM

好明白佢既愛心 但係...........真係要量力而為  經濟 時間 地方 呢D係最大既問題黎
好希望呢次事件之後 "怡姐"可以明白呢一點啦

P.S 祝願上了彩虹橋的貓貓狗狗 得到快樂



歡迎光臨 2000FUN論壇 (https://www.2000fun.com/) Powered by Discuz! X1.5.1