2000FUN論壇

標題: 小任之綜合政治吹水帖～＿～（抗議中共專制,抵制官方「國慶」活動,十一外出穿著黑衣 ）唔係叫大家反共呀！ [打印本頁]
作者: 憨憨的小任(CPU)    時間: 08-10-1 04:18 PM     標題: 小任之綜合政治吹水帖～＿～（抗議中共專制,抵制官方「國慶」活動,十一外出穿著黑衣 ）唔係叫大家反共呀！

我小任在此，向中華民族英雄－－陳水扁致敬！




下年「六四」﹑「7．1」繼續係維園見！





自從子版汁左粒之後，我都冇地方可以吹我既政治水了～＿～

希望喱唔好關我帖－　－

我只係想係到講下有關世界政治既野姐＝　＝

或姐大家有咩政治方面唔明既野，可以係到講，我會答你嫁＝　＝

岩岩完成最低工資立法既爭議同我對最低工資立法既個人意見～
２００８年美國總統選舉戰簡介：＃８

美國民主黨簡介（１－３）：＃９－＃１１

美國共和黨簡介（１－３）：＃１４－＃１６

小任／ＣＰＵ對美國總統選舉既個人意見：＃２０

香港政府立最低工資法，是好是壞？　　：＃４３

小任／ＣＰＵ對立法最低工資既個人意見：＃４４

本人係美國總統大選點票前對兩位候選人同選舉既小評論：＃７５

奧巴馬已成位美國史上第一位黑人總統：＃７６

前線同民主黨正式合拼：　　　　　　　＃７８

奧巴馬正式宣誓成為美國總統：　　　　＃７９

為汶川大地震的死難者默哀以及追究責任 ：         #85

共產主義被波蘭﹑烏克蘭列為恐怖主義之一，香港「奴化」問題，共摧毀香港精英計劃：    ＃89

香港「奴化」問題原因：                         　＃90

民主抗戰二十年：                    　　　　　＃98

《福佳當奴勿當奴》－－「７．１維園見」：　　　　　　　　　　　　　　　　　＃１０１

為國家好就係有罪？                                                           #104

由陳水扁監禁證明民主就是一切                        ：      ＃106

抗議中共專制,抵制官方「國慶」活動,十一外出穿著黑衣（唔係反共活動！）  ：   ＃１１２



每個帖都有血有淚，希望大家回下＝　＝



[ 本帖最後由 憨憨的小任(CPU) 於 09-9-30 07:29 PM 編輯 ]
作者: lfo512491    時間: 08-10-1 04:23 PM

唔識討論政治
作者: law乂傻    時間: 08-10-1 04:32 PM

美國２００８年總統選舉?

對ed冇咩興趣o_o
作者: betsy02029    時間: 08-10-1 04:34 PM

唔想吹了..
唔知做乜LOAD得好疾..
作者: katsunray    時間: 08-10-1 04:55 PM

我支持奧巴馬@@"個個黑人..
因為大家都係美國人..聽說雖然係咁
但係黑人係美國都係比白人蝦..呢d只係聽反黎..
而且唔想再出兵打仗..
我對政治認識少..唔知咁多..
作者: puterch01    時間: 08-10-1 04:56 PM

此帖可以被我無視了~.~"
作者: 憨憨的小任(CPU)    時間: 08-10-1 05:06 PM     標題: 回復 5# katsunray 的帖子

你支持奧巴馬－　－

我支持共和黨果邊，但係我認為民主黨一定嬴，一陣個帖會提到＝　＝
作者: 憨憨的小任(CPU)    時間: 08-10-1 05:24 PM     標題: 美國總統選舉２００８

請大家係到講下，認為美國２００８年總統選舉邊個黨會嬴吧～

其實ｅ個帖係我係公會最後一次保護自己地位既一個帖，冇人回姐係表示我已經冇生存價值，可以走得～



近排新閒除左成日講金融海嘯之外，就係講美國總統選舉喇！

路人甲：車，美國總統選舉關我嘟事！？
小任：當然關喇，因為美國係蘇聯之後，全球排第１名既強國，所做既決策可以影響全世界，所謂〔金融海嘯〕，就係美國搞出黎，所以第時既世界係點，就睇今次喇！

大家不如睇番過去１００年美國既總統：

大家都睇到，由羅斯福開始基本上共產黨做總統既人係多過民主黨！
唔知大家睇唔到睇到，兩黨執政最長時間都只係得８年，輪流執政，對美國係好既，ｅ個遲ｄ再講～

我地再睇下今次大選既特色：
主要候選人皆不在美國本土出生！

約翰·麥凱恩出生於巴拿馬運河區域的美國海軍基地；
奧巴馬出生於夏威夷州首府檀香山。
雖然如此，毫無疑問這兩位候選人都是「自然出生的美國公民」（出生時為美國公民），所以並不會違反美國憲法第二條第一款的要求～

美國可能創造新歷史～
這一次美國不論如何會創造新的歷史紀錄，可能創造的有：
共和黨獲勝
．亞利桑那州參議員麥凱恩成為美國歷史上當選時最年長的總統
．麥凱恩的副手搭檔阿拉斯加州州長佩林成為美國史上第一位女性副總統

民主黨獲勝
．伊利諾州參議員歐巴馬成為美國歷史上首位非裔美國人總統（奧巴馬之父是肯亞公民，奧巴馬之母是美國白人）

所以今次邊個黨嬴到，對美國都係有好處～

所有候選人一定要係中期選舉（２００７年２月）後表達參選意願，要黨代表２分之１以上既人支持先可以參選～

[ 本帖最後由 憨憨的小任(CPU) 於 2008-10-1 05:36 PM 編輯 ]
作者: 憨憨的小任(CPU)    時間: 08-10-1 05:25 PM     標題: 民主黨介紹＃１

民主黨：

黨主席：霍華德．迪安

政治意識形態（即主義）：進步主義，現代自由主義

派系：中間偏左（左＝左派，即親中派）

簡介：民主黨〔原名為民主共和黨〕（Democratic Party）是美國當代的兩大主要政黨之一，為另一個是共和黨。雖然「民主黨」這個名稱是在安德魯·傑克遜（1829－1837）總統任期間所採用的，但它的起源最早可以追溯至湯瑪斯·傑佛遜於1792年創立的民主-共和黨，使它成為世界上最古老的政黨！

自從威廉·詹寧斯·布萊恩在1896年掌控民主黨以來，民主黨在經濟議題上的立場開始比共和黨更為左傾。自從1932年以來，富蘭克林·德拉諾·羅斯福將他所提出的新政稱為「自由主義」，成為了之後民主黨的主要政策走向。

自從1990年代以來，總統柯林頓轉變了民主黨的政策走向，民主黨的意識形態色彩逐漸淡化、並在美國政治光譜上傾向中間派立場，試圖以此吸引更多理念傾向共和黨的選民。



參選人：奧巴馬（正），喬．拜登（副）

政策：
．最低工資
．發展再生能源和石油
．確立醫療保健和保險制度
．加強環保
．提高學校教育
．禁止歧視
．容許同性婚姻和LGBT權利
．容許生殖權利
．開發幹細胞研究
．取消入侵阿富汗，伊拉克戰爭
．反對單邊政策
．反對美軍對犯人強制性逼供
．立美國愛國法
．私隱權
．加強犯罪和槍械管制


[ 本帖最後由 憨憨的小任(CPU) 於 2008-10-1 06:43 PM 編輯 ]
作者: 憨憨的小任(CPU)    時間: 08-10-1 05:31 PM     標題: 民主黨介紹＃２

過去民主黨係美國總統選戰既情況（１９０４年至２００８年）：
年次結果候選人總統
總統副總統#任期
1904失敗Alton Brooks ParkerHenry Gassaway Davis
1908失敗威廉．詹寧斯．布萊恩John Worth Kern
1912成功伍德羅．威爾遜Thomas Riley Marshall第28任1913–1921
1916成功
1920失敗James Middleton Cox富蘭克林．德拉諾．羅斯福
1924失敗John William DavisCharles Wayland Bryan
1928失敗Al SmithJoseph Taylor Robinson
1932成功富蘭克林．德拉諾．羅斯福[2]約翰．南斯．迦納第32任1933–1945
1936成功
1940成功亨利．A．華萊士
1944成功哈利．S．杜魯門
哈利．S．杜魯門無第33任1945–1953
1948成功阿爾．W．巴克利
1952失敗阿德萊．史蒂文森John Sparkman
1956失敗Estes Kefauver
1960成功約翰．甘迺迪[2]林登．強森第35任1961–1963
林登．強森無第36任1963–1969
1964成功休伯特．漢弗萊
1968失敗休伯特．漢弗萊埃德蒙．馬斯基
1972失敗George McGovernRobert Sargent Shriver
1976成功吉米．卡特沃爾特．蒙代爾第39任1977–1981
1980失敗
1984失敗沃爾特．蒙代爾Geraldine Anne Ferraro
1988失敗麥可．杜卡基思勞埃德．本特森
1992成功比爾．柯林頓艾伯特．戈爾第42任1993–2001
1996成功
2000失敗艾伯特．戈爾喬．李伯曼
2004失敗約翰．克里約翰．愛德華茲
2008巴拉克．奧巴馬喬．拜登
[1] 辭職
[2] 於任內逝世


[ 本帖最後由 憨憨的小任(CPU) 於 2008-10-1 07:26 PM 編輯 ]
作者: 憨憨的小任(CPU)    時間: 08-10-1 05:39 PM     標題: 民主黨介紹＃３

過去民主黨係美國總統選戰既情況（１８２８年至１９００年）：
年次結果候選人總統
總統副總統#任期
1828成功安德魯．傑克約翰．C．卡爾霍恩[1]第7任1829–1837
1832成功馬丁．范布倫
1836成功馬丁．范布倫Richard Mentor Johnson第8任1837–1841
1840失敗
1844成功詹姆斯．諾克斯．波爾克George Mifflin Dallas第11任1845–1849
1848失敗Lewis CassWilliam Orlando Butler
1852成功福蘭克林．皮爾斯William Rufus deVane King[2]第14任1853–1857
1856成功詹姆斯．布坎南John Cabell Breckinridge第15任1857–1861
1860失敗Stephen Arnold Douglas (北方)Herschel Vespasian Johnson
失敗John Cabell Breckinridge (南方)Joseph Lane
1864失敗George McClellanGeorge Hunt Pendleton
安德魯．強森無第17任1865–1869
1868失敗Horatio SeymourFrancis Preston Blair
1872失敗Horace GreeleyBenjamin Gratz Brown
1876失敗Samuel Jones TildenThomas Andrews Hendricks
1880失敗Winfield Scott HancockWilliam Hayden English
1884成功格羅弗．克利夫蘭Thomas Andrews Hendricks[2]第22任1885–1889
1888失敗Allen Granberry Thurman
1892成功Adlai Ewing Stevenson第24任1893–1897
1896失敗威廉．詹寧斯．布萊恩Arthur Sewall
1900失敗Adlai Ewing Stevenson

[1] 辭職
[2] 於任內逝世

[ 本帖最後由 憨憨的小任(CPU) 於 2008-10-1 07:26 PM 編輯 ]
作者: 某WinG`    時間: 08-10-1 05:48 PM

呢d野好似好無聊-_-v
作者: betsy02029    時間: 08-10-1 05:50 PM

老實講
打成頁野我都唔知你up乜
作者: 憨憨的小任(CPU)    時間: 08-10-1 06:21 PM     標題: 共和黨介紹＃１

共和黨：

黨主席：麥克．鄧肯

政治意識形態（即主義）：保守主義，古典自由主義

派系：中間偏右（右＝右派，即民主派）

簡介：共和黨（Republican Party），又常被簡稱為GOP（Grand Old Party，大老黨），是美國當代的兩大主要政黨之一，另一個是民主黨。1856年創黨以來，共和黨在38屆總統選戰中贏得了23屆，包括了最近10屆中的7屆；自從那時開始28位美國總統有18位都是共和黨人。共和黨創立於1854年，結合了當時反對奴隸制度擴張的政治勢力。在現代政治中，共和黨則被視為是社會保守主義和經濟古典自由主義的政黨。現任美國總統喬治．沃克．布希（喬治．布殊）也是共和黨籍。



參選人：麥凱恩（正），佩林（副）

政策：
．傾向保守主義
．經濟上接近自由意志主義
．主張限制政府規模
．支持商業發展
．支持政府介入社會議題
．反對墮胎，同性戀
．確立權力分立和制衡
．主張法官的工作便是主動而公平的解釋憲法，並保護公民的權利免受地方立法機構的侵害
．抱持著更堅定的聯邦主義理念，更強調要限制聯邦政府的權力，並且替地方州保留更大的角色
．強調私人企業和個人決策對於促進經濟繁榮的重要性
．支持一個對商業有利的自由市場政策、經濟自由主義、並且限制政府規模和政府管制
．支持減稅
．支持１９９６年的福利制度改革，以此提高接受福利制度補助的資格門檻，並且成功的使許多之前依賴福利補助的人口開始尋找工作
．反對一個僅由政府主導的全民健保制度，主張一個由當前個人或僱主為基礎選擇的健保制度，並且僅針對年長者提供醫療保險，對貧窮者提供醫療補助
．支持擴展醫療保險
．反對增加最低工資，認為最低工資制度只會增加失業率、並且減少商業的利潤（唔係呀？）
．支持雷根經濟學
．支持新保守主義的政策，包括了２００１年入侵阿富汗和２００３年攻打伊拉克
．支持聯合國內部進行改革
．反對簽訂京都議定書，認為那個協議只會傷害美國的經濟，而且也無法約束中國等大量製造全球暖化的國家
．強烈支持自由貿易協議，尤其是北美自由貿易協議和中美洲自由貿易協議
注：由於共和黨由多個黨派組成，有很多的問題，共和黨內部有好大既分岐～

[ 本帖最後由 憨憨的小任(CPU) 於 2008-10-1 06:23 PM 編輯 ]
作者: 憨憨的小任(CPU)    時間: 08-10-1 06:32 PM     標題: 共和黨介紹＃２

過去共和黨係美國總統選戰既情況（１８５６年至１９２０年）：
年次結果候選人總統
總統副總統#任期
1856失敗約翰．C．弗里蒙特威廉．L．代頓
1860成功亞伯拉罕．林肯[1]漢尼巴爾．哈姆林第16任1861-1865
1864成功安德魯．詹森[2]
1868成功尤里西斯．格蘭特斯凱勒·科爾法克斯第18任1869-1877
1872成功亨利·威爾遜[3]
1876成功拉瑟福德．伯查德·海斯威廉·A·惠勒第19任1877-1881
1880成功詹姆斯．加菲爾德[1]切斯特·A·阿瑟第20任1881
切斯特．A．阿瑟無第21任1881-1885
1884失敗詹姆斯．G．布萊恩John A. Logan
1888成功班傑明．哈里森利未·P·莫頓第23任1889-1893
1892失敗Whitelaw Reid
1896成功威廉．麥金萊[1]Garret A. Hobart[3]第25任1897-1901
1900成功西奧多．羅斯福
西奧多．羅斯福無第26任1901-1909
1904成功Charles W. Fairbanks
1908成功威廉．霍華德．塔夫脫James S. Sherman[3]第27任1909-1913
1912失敗Nicholas M. Butler
1916失敗查爾斯．埃文斯．休斯Charles W. Fairbanks
1920成功沃倫．蓋瑪利爾．哈定[4]卡爾文．柯立芝第29任1921-1923
卡爾文．柯立芝無第30任1923-1929
[1] 遭刺殺
[2] 民主黨的安德魯．詹森依據當時的制度繼承了林肯
[3] 死於任內而未被接替
[4] 於任內去世
[5] 辭職

[ 本帖最後由 憨憨的小任(CPU) 於 2008-10-1 06:42 PM 編輯 ]
作者: 憨憨的小任(CPU)    時間: 08-10-1 06:41 PM     標題: 共和黨介紹＃３

過去共和黨係美國總統選戰既情況（１９２４年至２００８年）：
年次結果候選人總統
總統副總統#任期

卡爾文．柯立芝無第30任1923-1929
1924成功查爾斯．G．道斯
1928成功赫伯特．胡佛查爾斯．柯蒂斯第31任1929-1933
1932失敗
1936失敗Alf LandonFrank Knox
1940失敗Wendell WillkieCharles L. McNary
1944失敗托馬斯．杜威John W. Bricker
1948失敗厄爾．沃倫
1952成功德懷特．艾森豪理查．尼克森第34任1953-1961
1956成功
1960失敗理查．尼克森Henry Cabot Lodge
1964失敗巴里．戈德威廉．E．米勒
1968成功理查．尼克森[5]斯皮羅．阿格紐[5]第37任1969-1974
1972成功
傑拉爾德·福特納爾遜．洛克菲勒第38任1974-1977
1976失敗鮑勃．多爾
1980成功隆納．威爾森．雷根喬治．赫伯特．沃克．布希第40任1981-1989
1984成功
1988成功喬治．赫伯特．沃克．布希丹．奎爾第41任1989-1993
1992失敗
1996失敗鮑勃．多爾傑克．肯普
2000成功喬治．沃克．布希
（喬治．布殊）
迪克．錢尼第43任2001-現在
2004成功
2008約翰．麥凱恩莎拉．佩林
[1] 遭刺殺
[2] 民主黨的安德魯．詹森依據當時的制度繼承了林肯
[3] 死於任內而未被接替
[4] 於任內去世
[5] 辭職
作者: 藍莓＊    時間: 08-10-1 07:00 PM

呆了
作者: puterch01    時間: 08-10-1 07:05 PM

不如搞番個cpu政治專區
作者: TTThomas    時間: 08-10-1 07:12 PM

我睇完都唔明講乜野
寫咁多好似無乜目的..
作者: 憨憨的小任(CPU)    時間: 08-10-1 07:20 PM     標題: 對兩黨參選人既個人意見～

今次０８年美國總統大選，兩黨既參選人民意好接近，不過奧巴馬比麥凱恩多１％百分點

好多人認為奧巴馬唔應該搵拜登做副總統，應該搵希拉莉做副總統先岩，其實唔係奧巴馬唔搵，而係希拉莉唔甘心只係做副總統，而佢係想做總統～

麥凱恩搵到佩林，真係三生有幸，因為佩林做左副總統，可以提高女性地方，自自然然有好多女性會提比共和黨既佩林，麥凱恩既勝算又加大左！

係過去，我會支持美國既民主黨，但係到左０８年，我發現自己改變左，去投共和黨了～

點解？麥凱恩係共和黨，麥凱恩有很多政策我都唔認同／唔支持，但係比起果個成日叫ｃｈａｎｇｅ，叫左幾百萬次ｃｈａｎｇｅ，但都叫唔出ｃｈａｎｇｅ乜野既奧巴馬，麥凱恩最少講得出自己的政策是乜野～

麥凱恩既政策未必人人認同，但很清楚他謀定而後動，同時又不似布殊那種牛仔的人～

比起麥凱恩，奧巴瑪更加似小布殊，什至比起小布殊更可怕．．．．．

由民主黨初選到而家，佢講來講去都一個字 Change，變完又變，冇立場，冇政策，一時一樣，唯一既政策就係反布殊，反共和黨，反傳統既政治～反完，能夠有咩建樹呢？

信你？信你者就得救？你以為自己係耶穌？

所以，希拉莉輸左比奧巴馬，因為佢地乜都想干預，乜都要改革，乜都要加隻有形之手，去搞亂檔，以為忽發奇想亂搞一輪，事情就會向好方面發展，但事實往往係向衰果面發展～

好可惜，美國民主黨原本有最好的總統人選－－希拉莉．克林頓，她原本是一個比麥凱恩更適合的人選，可是她被奧巴馬打敗了，而奧巴馬更沒有選擇（或姐要求）她作為副手，這是一個非常致命的戰略錯誤；
沒錯，拜登本身是一個不錯的選擇，但很多希拉莉的支持者，對於他由選戰至今一連串空洞而無物的ｃｈａｎｇｅ，都覺得很厭惡！

一個口號係買唔到人心，正如麥凱恩攻擊的一點：果位自稱會帶來改變既人，最終卻選擇左一個老手拜登作為副手，改變乜野呢？就是他自己的立場，隨時可以轉黎轉去！

麥凱恩做得好既仲要一點，就係搵左４４歲既阿拉斯加州州長佩林～
ｅ點係最好，最大的反擊：〔你的ｃｈａｎｇｅ只停留在口頭，而我卻首先做到了！〕
（注：現時美國女性既地位都仲係低）

講石油與環保，有誰比充滿油田的阿拉斯加州的州長適合？平民出身，五位孩子既媽媽，兒子去伊拉克打仗，大方得體的應對，加上佩林可以去搶原本支持希拉莉既中間選民同女性選民，麥凱恩既勝算又加高左！

佩林在戰略上真係極有創造性，屬於近年歐美政壇難得一見既政治人物，只要ｅ位女性冇出太大既錯，加分一定大過減分～

應該講：係政策上，麥凱恩既嬴面會好大～


但係我最後認為，奧巴馬有６成機會會嬴麥凱恩，因為小布殊係共和黨，而美國係小布殊執政既８年入面，美國政治係超級黑暗～

所以麥凱恩既政策有幾好都好，都一定會比小布殊拉低左勝算～

最後認為：奧巴馬既勝算會比麥凱恩多２成左右～

以上只係個人意見，不喜可插～
作者: huteson    時間: 08-10-1 07:23 PM

小任哥 d政治 好有睇頭
作者: 憨憨的小任(CPU)    時間: 08-10-1 07:29 PM

終於打完喇＝　＝

大家唔好只係回，要睇下呀＝　＝
作者: x超慧x    時間: 08-10-1 07:44 PM

=3=
呆左...
好俾心機整呀
支持你@@"
作者: 憨憨的小任(CPU)    時間: 08-10-1 09:17 PM

係到補充多一點：

共和黨同民主黨輪流執政８年，其實係一件好事～

因為兩黨政治方針不同，如果輪流主持白宮，政策一定會好過之前，唔會導致一黨坐大（例如共產黨），更加唔會導致國家腐敗到冇朋友既地步（如中國）
作者: TTThomas    時間: 08-10-1 09:32 PM

中國有時真係唔得
冇幾耐又爆醜聞
D官員又唔做野
未見過D高官冇肚腩架
作者: 憨憨的小任(CPU)    時間: 08-10-1 09:39 PM     標題: 回復 25# TTThomas 的帖子

其實毒奶粉時件係９月頭就有，不過共產黨班賤人，因為殘奧就到，所以唔比ｄ記者放料，過左殘奧之後２日，就爆出黎，一爆就死左個人，好快ｂｏ＝　＝
作者: TTThomas    時間: 08-10-1 09:52 PM     標題: 回復 26# 憨憨的小任(CPU) 的帖子

有時就係咁
想個國家無醜聞
就係要將D醜聞收埋哂
而且中國仲要冇言論自由
好易掩飾到
作者: 憨憨的小任(CPU)    時間: 08-10-1 10:03 PM     標題: 回復 27# TTThomas 的帖子

真係唔想做中國人，做左中國人，係我既恥辱
作者: TTThomas    時間: 08-10-1 10:06 PM

原帖由 憨憨的小任(CPU) 於 2008-10-1 10:03 PM 發表
真係唔想做中國人，做左中國人，係我既恥辱



唔會
中國都有野勁
就係火箭lo
都值得驕傲ge
作者: 憨憨的小任(CPU)    時間: 08-10-1 11:29 PM     標題: 回復 29# TTThomas 的帖子

中國人太多衰野喇，仲衰過美國，ｅ家中國好多敗家仔，留係中國遲早死
作者: JacKeT.    時間: 08-10-2 06:00 AM

見到你咁樣討論法
無言了
作者: ◇彤彤◆    時間: 08-10-2 04:36 PM

奧巴巴
作者: 跑得太過快    時間: 08-10-2 05:47 PM

邊個當選都冇所謂
最緊要係搞好美國d秩序
同埋冇仗打就得
作者: woywoy312a    時間: 08-10-4 03:39 PM

最緊要搞好美國, 咁就得架啦
作者: 憨憨的小任(CPU)    時間: 08-10-5 01:22 AM     標題: 回復 34# woywoy312a 的帖子

搞好美國係冇用＝　＝

一定要平定左金融風暴先，之後再徹兵〔ｅ拉克〕，再搞定民生－ｏｋ
作者: TTThomas    時間: 08-10-5 11:12 AM     標題: 回復 35# 憨憨的小任(CPU) 的帖子

係lo
而家佢搞到全球股市動蕩
佢一個國家打殘全球
作者: 憨憨的小任(CPU)    時間: 08-10-5 03:19 PM     標題: 回復 36# TTThomas 的帖子

不過ｄ罪名都唔可以入哂美國既，中國同俄羅斯都有錯
作者: TTThomas    時間: 08-10-5 04:57 PM     標題: 回復 37# 憨憨的小任(CPU) 的帖子

但係通常有90%個案都係美國有事而搞到全球股市大跌
作者: 憨憨的小任(CPU)    時間: 08-10-5 10:42 PM     標題: 回復 38# TTThomas 的帖子

用犯罪１００％黎計，美國有５５％，中國有２５％，俄羅斯有２０％～
作者: TTThomas    時間: 08-10-5 11:06 PM     標題: 回復 39# 憨憨的小任(CPU) 的帖子

總之金融關美國事
產品關中國事
搞搞震關俄羅斯事
作者: 憨憨的小任(CPU)    時間: 08-10-5 11:13 PM     標題: 回復 40# TTThomas 的帖子

讓我地見證世界文明大倒退既開始吧＝　＝
作者: TTThomas    時間: 08-10-6 09:26 PM     標題: 回復 41# 憨憨的小任(CPU) 的帖子

始終都會有呢日
只要能源短缺就足以造成
作者: 憨憨的小任(CPU)    時間: 08-10-7 12:32 AM     標題: 最低工資立法，是好是壞？

近期大家睇新聞，都聽到ｄ候任立法會議員係到同ｄ人嘈應唔應該立法最低工資，
我就認為唔應該立法最低工資，因為會令香港至少有一百萬人會失業！

何謂最低工資？
最低工資 是一種勞工政策，是由政府設立工人最低薪金的金額～

廢話少講，入正題！

ｄ人係到嘈黎嘈去，其實各自都有好處，先講下最低工資既利同弊先！

利：
．保障工人薪資：當社會既失業率升極都唔趺時，工人係面對裁員同埋減薪既威脅下，冇左協商既能力，僱主有可能趁機將工人既工資壓低～有左最低工資，低收入人士就業就可以取得滿足基本生活需求既薪金（人工）～

．維護工人的尊嚴：最低工資可以解決部分僱主剝削（係偷偷地果隻）工資既問題，仲可以有利解決低技術工人工作時間長、工資待遇卻低酊呀媽都唔認得既〔在職貧窮〕現象，令佢地免受歧視～

．維持社會穩定：工人既收入增加，社會既消費水準亦可以隨之而提高，有利制造經濟繁榮～同時低收入人士既薪金有左保障，有機會減少因為低收入而發生的社會問題，例如自殺、犯罪、家庭暴力等～

．各行業既職位增長：最低工資對宏觀經濟起左正面作用－－－工既既消費改善能帶動各行業職位既增長～
（注－宏觀經濟：即使用國民收入、經濟整體既投資和消費等總體性既統計概念黎分析經濟運行規律既一個經濟學領域〔好深奧吧－　－〕）


弊：
．加劇失業：某ｄ中小企業或服務性行業為左降低成本，以裁員節省開支（借力殺人），代之以其他商業形式取代勞工，如設立自助櫃臺，減少服務人員、轉用黑市勞工等～就係咁，失業人口一定會提高～

．扭曲左市場機制：如果工人薪金唔係根據市場供求關系而制定，代之以工人及其家庭合理既生活需求而定，可能會造成唔同技術要求既工種同薪金水平確一樣～（即可以選擇性降低薪金）

．削弱競爭力：最低工資其實係政府干預了市場運作既哄中一種手段，無形中會增加僱主既營運成本，削弱左佢地既競爭力～

．損害低技術，低學歷同年輕工人的就業機會： 低技術，低學歷工人同欠缺經驗既年輕工人生產力較低，所以僱主可能只係願意比較低既人工～如果有最低工資既限制，僱主就只會願意請較高學歷，較有經驗，較有技術既工人，所以最低工資反而會造成低技術，低學歷同年輕工人完全失去就業機會！

．改善唔到窮人的處境：在經濟正義既分怖將有消極作用，最低工資立法，憑佢既天性，只可以為果ｄ最冇工作經驗，最冇生產力同最貧窮既工人帶來好處，姐係有少少技術果ｄ人，係唔會受惠～




香港目前仲未有訂立最低工資標準～到ｅ家為止，ｄ人都仲係到嘈係咪要立法最低工資～

新閒成日都有得睇，〔無良僱主呃清潔工人，建造業工人（地盤工人）同埋保安人員等既人工〕＜成日都見喇～

其實香港唔算係冇最低工資既．．．．．．香港既醫管局已經推行最低工資，另外仲有三十幾間政府公營機構都已經推行最低工資～

２００６年３月２８日，勞工處勞工顧問委員會僱主代表提出方案，表示如果不立法，商會（工會）會簽訂約章（有法律效力）以建立類似既最低工資機制，並會將違約僱主列入黑名單給予譴責～


但！
有ｎ位新自由經濟主義學家，對香港實施最低工資表示反對！原因係一旦實施，失業率一定會上升，而且青少年（岩岩大學畢業果ｄ）會因為冇工作經驗而失去工作（或姐搵唔到工）～
（注：新自由經濟主義，係一種政治－經濟既哲學，反對國家對於國內經濟既干預）

但係有ｄ年青兼職工作者就話佢地會有優勢，因為佢地話自己有既係工作經驗，而且實施之後公司多左請兼職，唔會再請全職．．．．


其實班後生仔咁諗未必符合事實，因為最低工資實施範圍係包括全職同埋兼職，加上工作經驗通常要幾年（３－５年）或以上既全職，而且無間斷咁做，好似兼職收銀員，侍應生（初級ｗａｉｔｅｒ）等～
其實對佢地幫助唔大！


諾貝爾經濟學獎得主佛利民曾講過，有咁樣諗法既人顯然是低手所為（對香港打工法唔係幾熟果ｄ），因為最低工資實施後既影響用一幅簡單既供需圖（即折線圖）就可以一清二楚（見下圖）～

圖解：最低工資是一種價格下限，令勞動力過剩（圖中藍虛線＆紅虛線之間既範圍）

簡單黎講，姐係失業率會大增，全港會有１００萬至１５０萬人失業～
（全港會有７分之１．５既人失業，包括你同我既呀爸呀媽）




其實最低工資，係每個國家都有唔同既效果：
比如歐盟國家（保加利亞，盧森堡等）會以稅後月薪形式黎定義最低工資～
美國，英國和愛爾蘭等就以小時（時薪）既形式定義最低工資～

上面兩個都屬於成功例子～

台灣係１９６８年已經訂立最低工資，面前已經到達審議調整的階段，但暫時未知係咪成功～


有成功，自然有失敗～中國同澳洲，可以話係失敗既例子！

中國因為要係果個地區既平均收入水平同當地物價等因素先可以計算得出最低工資係幾錢，但每月最低工資換算至勞工每日收入（日薪）既計算方式先可以達到最低工資既要求～
因此中國最低工資立法，已經係停濟不前，因為佢搵唔到個平衡點～
拖拖下，政府一於唔理算，結果就係失敗收場！


澳洲係１９０４年已經開始話想立法最低工資，用左１０２年（即２００６年）既時間先可以通過～
全國所有最低工資都係由獨立仲裁機關（即審核機關）澳洲工業關係委員會負責處理～

由２００６年開始，澳洲執政自由黨政府將委員會設定工資既權力，交比工會代表人數比例，透明度同公衆監管度都較低既澳洲公平工資委員會處理～（就係咁就出事喇！）

堅決推動ｅ一切工業關係改革既霍華德總理隨後被選民唾棄（唔要你），成為第二位喪失議席既澳洲總理之餘（領導既黨即使嬴左，但黨魁失去左本身議席就唔可以再做總理)，由佢帶領既自由黨亦在大選中落敗（同香港自由黨既下場一樣）～

有ｅ兩個失敗既例子，香港人點睇呢？

相信大家都有眼睇～


於是我既人民英雄〔長毛〕梁國雄，就提出集體談判，要求取代最低工資～


何謂集體談判？
係指勞方集體地透過工會，同資方談判僱傭條件（可以話係加人工），而資方必須參予（任何一方唔參與就代表另一方嬴），而談判結果係具有法律效力～
目的係希望勞資雙方能夠係一個較公平既情況下訂立僱傭條件，以保障勞方應有既權益，而集體談判權就係某ｄ國家同地區給予勞工既一種權利！（係咪好正呢？）


由於係共產黨一黨執政（實質上係獨裁統治）既影響下，香港都比影響，變成一個唔講道理既地方！

本身係英治末期，當時既香港立法局（立法會前身）於１９９７年６月２６號通過由職工盟秘書長李卓人提交的〔僱員代表權，諮詢權及集體談判權條例〕（簡稱〔集體談判權條例〕）同多條與勞工權益有關既私人條例草案（即建議）～
條例當中提到，集體談判權安排適用於５０名僱員企以上既企業，同時工會在企業內會員人數必需要超過僱員人數１５％同取得５成或以上既僱員授權，先可以擁有集體談判權！

但係好可惜，係香港比番中國之後，香港臨時立法會（當時未成立立法會）隨即推翻左唔少比認為係〔對特區政府運作做成障礙〕的法例～
當中包括於１９９７年７月１６號凍結左〔僱員代表權、諮詢權及集體談判權條例〕，並於同一年既１１月正式廢除ｅ條法例～
由果陣時開始，民間一直都係到爭取能夠係香港恢復集體談判權，但一直未有進展．．．．．．



荒謬！簡直係天大既荒膠之事！
咁好既法例，居然比個低能共產黨一夜推翻？
共產黨你好野！


人民既眼睛係雪亮既，唔會好似以前封建制果陣，比ｄ野蒙著眼～


香港政府都同我聽著！
官商勾結係冇好下場嫁，
學葉劉話：搞對抗係冇前途嫁！


同人民搞對抗，後果一定係負面，中國歷史就係一塊好好既鏡－改朝換代～
同人民對抗，一定係死路一條！



共產黨，覺悟吧！



[ 本帖最後由 憨憨的小任(CPU) 於 2008-10-7 12:42 AM 編輯 ]
作者: 憨憨的小任(CPU)    時間: 08-10-7 01:51 AM     標題: 對最低工資既個人意見～　ｂｙ：小任／ＣＰＵ

以下係字海～

一百萬人失業的故事～



有ｄ人話：我寧願失業，靠綜援過世界，靠人地救濟！好喇，ｅ家政府話要推出最低工資，人工提高既結果，就係各行各業都要集體裁員，唔信？

有ｄ團體成日話〔影響輕微〕－－真係咩？

係，歐洲有最低工資，而最低工資既結果，就係全部低層工作〔機械自動化〕！

例如係外國油站入油，要車主自助入油；在外國餐廳食野，待應人數既比例遠低過香港，有ｄ值得提醒各位要求〔最低工資〕的人士，就係香港各行各業所聘用既人手比例極高～如果跟進外國既最低工資標準，直接後果就係強迫使服務業〔自動化〕、進一步〔機械電腦化〕，以減少人手，減少職位；人工增加喇，佢要求既速度同工作能力又隨之而增加～例如進一步既電腦能力要求等等，令社會最低層果批人，連搵份工既基本能力都冇，令結構性失業，結構性貧窮既情況，再進一步惡化！

大量失業的結果會如何？
到時果ｄ好似工聯會既團體，就會要求政府比更多既款項，去資助更多所謂既〔課程〕去〔再培訓〕，就好似早幾年乜野〔再培訓局〕呀，乜野自我增值呀等等～
錢就洗了很多，成效呢？對於上左年紀既老人家來說，要他們具備年輕人既學習速度同能力，姐係要向不可能的任務挑戰？

最終ｅ個無底深淵，由邊個去填補？又要我地ｄ年輕人去填補呀？

ｅ個就係香港呢班偽善既膠神，一而再再而三，不但冇去解決問題，但就將問題越搞越衰！

金融海嘯，７月我地果手批出既所謂〔一百一十億〕，比四川〔重建〕二十幾億既前期撥款？有冇得上訴？可唔可以減半？後面既可唔可以唔批呀？

果ｄ錢，寧願直接交到每個市民既手上，寧願直接交到香港每個貧窮有需要既人士手上，都唔係搞出ｄ膠來，令佢地更加萬劫不復吧？

寧擦共產黨鞋，不救香港窮人？　　　　　　　　　　　　香港政府，你係得既！


寧要集體談判權，都唔要最低工資！



我一直認同工人應該有罷工既權利，如果覺得薪金不公平（唔合理既人工），就罷工喇！

老闆有訂立工資既自由，工人都應該有爭取工資既自由吧？

最低工資既最大問題，就係工資既制定一旦失去左自由，靠一個唔知乜乜乜既無用委員會去制訂薪金，你信得過呢班膠神嗎？你信得過政府會制訂出一個最適合保衛工人權益既〔最低工資〕嗎？

點解政府寧願要推出〔最低工資〕，都唔願推出一個〔集體談判權〕呢？
真正既原因，就係最低工資岩岩好可以成為大企業裁員既藉口，憑著佢地大規模既優勢，把所有低種工作〔外判〕，洗碗外判比〔洗碗公司〕（當然大企業會迫你自己開公司），連油站既服務員都外判比〔入油服務公司〕（當然又係迫你自己開公司）～

全部都需要你〔自顧〕，連強迫金（強積金）都免埋，唔通政府會幫你對住ｄ大企業打官司咩？政府有咩方法制止〔外判〕呀？政府連自己都外判，你認為呢？
（注：外判，指將非核心業務下放比專門營運果項運作既外間第三者，原因係為左節省成本，集中精神係核心業務者，善用資源，獲得獨立＆專業人士服務等）

實行最低工資，大企業玩裁員，全部低薪工作外判，真正既大輸家係低技術既工人，因為不但止無法係最低工資受惠（最低工資係受惠比ｄ無技術既人），反而連原本法例保障既所有權益，由孕婦懷孕，到勞工法例保障既野，全部一夜之間失去，巧妙咁搵著數，引你上釣，就係呢ｄ狗招！

同時間令大部份小企業－－果ｄ冇條件同你玩法律，打官司既全部做唔落去，於是一百萬人失業的故事，就會立即上演！

香港真正既就業問題，就係大財團壟斷市場！

在今日既制度下，根本沒有可能依靠法律去廢除～你可以靠立法強制人地要有良心嗎？要針對這個問題，必須對症下藥！

集體談判權既優點，就係將問題交還工人同老闆自行解決！

有好既老闆，我地唔需要干預佢地請人既條件；有壞既老闆，就比工會同大家一齊黎對抗－這就是我們香港人多年以來自由自在地自力更生的態度，我既人工，等我自己黎爭取，等我自己黎決定價錢，而唔係由一個不公，不義，不知所謂既〔假中立低能組織〕，去亂咁訂立一個劃一既〔最低價錢〕，因為所有工，都有唔同既人工－－我想收平ｄ，點解唔得呢？官方唔比，呢ｄ咪叫黑市，中國人一向都最叻走後門，你認為最終受傷最大既人憬邊個呢？

集體談判權，就係比工會有法定地位，去幫工人爭取權益，迫資方要同工會（工人）談判，令雙方擁有一個同等既議價能力，都叫做〔自由經濟體系〕的表現吧－－最少，雙方都有自由度去自由議價，傾唔掂數未一齊唔好ｄｏ，但點解要規定每一種工種〔最低工資〕係幾多呢？


最低工資寶藥黨！？



好喇，ｅ個事事親疏有別，日日比人踢爆官商勾結既垃圾政府，今日終於同你講：佢會推行最低工資！

唔知今日有幾多〔好天真，好傻〕既朋友（包括我家人），會相信政府既立法動機真係為左保障勞工呢？點解咁多件事佢地唔去選擇，偏偏選擇一個〔最低工資〕呢？

你相信呢班大商家，會突然決定做善事嗎？你相信以〔有腦〕（有腦，姐係好勁咁解）出名既梁振英先生（立法會行政召集人），會突發哂慈悲咁，上無線同你講〔一百萬人的故事〕，去關心基層生活嗎？

答案很簡單，就係ｅ個最低工資是假既，係用黎呃大家上釣既寶藥－－天真可愛既你一定會話：有，總好過冇呀；而家唔好，咪慢慢修到佢好為止吧！

唔知大家仲記唔記得強迫金的故事呢？記得保安同護衛條例嗎？記得建築物條例比人玩到謝既立案法團問題嗎？仲記得二千年廢市政局果時，應承話會加強民主同下放權力既承諾嗎？記得北京申奧時話會改善人權嗎？

慢慢修到佢好？咁就抵你比人呃一世喇－－過左海就係神仙，事後彩你都傻！

呢個騙案，永遠都係相同既模式～首先，搵堆學者，名人，高官出黎，講話佢地好關心你既生活，好關心乜乜既方法，就係要實施某某政策，但果項政策，根本就唔會做得到佢地表面承諾會做到既野，但佢地透過不斷既密集洗腦（成日出黎講大話），令到你相信：哦，原來買 Ａ，就會得到Ｂ！－－哦，明白哂！

咪係ｌｏ，當年支持強迫金既人，今日夠唔夠膽出黎大聲叫：〔我成功爭取強迫金呀～〕，又或者出黎為自己當年講過既野道歉呢？半個都冇，大家一齊潛水淆低，一齊不知醜咁，繼續昆你買多幾件～就好似寶藥黨咁，一件貨唔得？買多粒喇，保證有效！再唔得？食夠三粒喇，當你食到第Ｎ粒果時都唔得，想搵佢算帳果時，佢已經潛左水－－你永遠都搵唔到佢出來追數喇～

所以，你信唔信曾特首同一大堆商家，會突發慈悲去推動最低工資，去改善香港人既生活呢？咪係ｌｏ，點解你會咁順攤，點解佢地肯應承你，又去推行最低工資呢？

原因，就係最低工資根本唔會有效，就比如外傭表面上有最低工資，實際上大量外傭比中間人屈左一大筆去，又再比我們香港既一班無良顧主屈左去，結果有用嗎？（可憐既外傭～）

冇效用事少，正如政府推行強迫金既往例，唔單止冇效用，仲要從中取利～簡單而言，姐係以此為名，名正言順，理所當然，一鼓作氣，可以唔再需要理大家的觀感，去抽你水－－好呀，政府推行最低工資嗎？而家大條道理－－公司冇錢，就去裁員喇！

你告我裁員？你立法強制禁止我裁員？你立法強制我派錢比人？彩你都傻！

呢個就係點解佢地肯應承你既目的－－正如８０年代點中方（中國）肯在基本法上寫附表二：乜野〔如有ｘｘ要修改，只需要立法會三分二既人通過一樣，全部都係寫出來呃你上釣既小玩意～（有ｄ玩意仲恐怖）

肯相信最低工資可以救到你同我，肯相信政府推個最低工資出黎係為左你同我既人，真係好天真，好傻！

一日雙方既地位唔平等，要靠政府制訂工資，希望改變呢個生態，簡直就好似天方夜談，好似叫共產黨轉做資本主義一樣，係無可能既！

正如相信今日既社會冇民主就可以有民生一樣，傻到冇朋友～（冇民主，何來有民生呢？）

開個最低工資出來，訂得高，就裁員，改變商業模式，令更多人失業；訂得低，反而引誘老闆減人工，一齊向同一個最低標準睇齊～

政府就係睇死大家實上釣，所以先敢開出ｅ張〔假關心勞工〕既支票，而最悲哀既，就係有咁多人，仍然對事實一知半解，諗著政府做善事，同當年六四既人一樣，都冇諗過共產黨會向空手既人民開槍一樣～

想真正要勞工權益，就請你支持集體談判權，而唔係最低工資；政府就係希望你收左個假貨－－最低工資之後，就永遠收聲，到時〔啞子食黃蓮，有苦自己知〕～

強迫金既苦主呢？ｄ苦主去哂邊？點解明知比人呃完一次又一次，都仲要去比人呃呢？

香港人，清醒ｄ喇！

就好似以前既清朝一樣－－所謂改革，其實姐係得過講字～

無心改革變法，最終只有死路一條！

ｂｙ：小任／ＣＰＵ字～

以上係個人意見，不喜可插～

作者: TTThomas    時間: 08-10-7 09:55 AM

始終改革都有正反方面黎睇
正如郵輪碼頭同西九發展咁
贊成同反對都佔一半
一定都有好有壞
但係最低工資都係為左一D低技術工人著想
如果我地無呢D低技術工人
香港以前就唔會發展得咁好
奠定大都市的基礎喇！
作者: 憨憨的小任(CPU)    時間: 08-10-7 12:33 PM     標題: 回復 45# TTThomas 的帖子

香港既發展已經開始衰落，最搞ｄ咁既野，大企業玩裁員，失業率又加高左，經濟自然又衰落～

成堆骨牌咁倒落黎
作者: Wongonline11    時間: 08-10-7 05:10 PM

字海
對政治冇乜興趣=]但係都支持吓你""推推推~
作者: 憨憨的小任(CPU)    時間: 08-10-10 06:54 PM

今日港股又插水了＝　＝

插到去萬４點＝　＝
作者: ivywong404    時間: 08-10-10 07:29 PM

呢個帖勁多字海~_~
睇左一個之後已經唔想睇
作者: 憨憨的小任(CPU)    時間: 08-10-10 07:55 PM     標題: 回復 49# ivywong404 的帖子

都估到大家係咁既反應＝　＝

下次我開講關於日常生活既野（呢果必睇！）
作者: TTThomas    時間: 08-10-11 09:42 AM     標題: 回復 50# 憨憨的小任(CPU) 的帖子

環球股災來臨喇！
個威力仲好似勁過上次98年喎
作者: 憨憨的小任(CPU)    時間: 08-10-11 12:08 PM     標題: 回復 51# TTThomas 的帖子

一定！

９７年係〔亞洲〕金融風暴，唔係全球～

０３年沙士都係係亞洲開始先，唔係全球～

但係今次係美國世界第１強國搞出黎既金融海嘯，第１強國有衰野，一定會影響全球．．．．

我認為〔桓生〕指數今年會趺穿１萬點．．．．．
作者: katsunray    時間: 08-10-11 12:36 PM

最低工資..都唔係幾好- -"

d老闆將人工減到去最低就慘..
作者: TTThomas    時間: 08-10-11 03:54 PM

原帖由 憨憨的小任(CPU) 於 2008-10-11 12:08 PM 發表
一定！

９７年係〔亞洲〕金融風暴，唔係全球～

０３年沙士都係係亞洲開始先，唔係全球～

但係今次係美國世界第１強國搞出黎既金融海嘯，第１強國有衰野，一定會影響全球．．．．

我認為〔桓生〕指數今年 ...



咁又唔會咁低
我覺得應該會徘徊o係10000-12000中間..



原帖由 katsunray 於 2008-10-11 12:36 PM 發表
最低工資..都唔係幾好- -"

d老闆將人工減到去最低就慘..


係架，以前D無個工資標準
D顧主都有可能會俾高少少人工
但係如果有標準
照香港人的性格黎睇
一定會有幾低俾幾低，即係個底薪點
如果個個都一樣人工同個共產國家有乜分別？
作者: 憨憨的小任(CPU)    時間: 08-10-11 10:12 PM

我地有得嘈，工資就會高！

我地冇得嘈，工資一定係最低果個標準！
作者: huteson    時間: 08-10-11 10:25 PM

根本就係一個陷阱
政府好事多為
作者: ．小希-)    時間: 08-10-11 10:28 PM

淨係睇第1頁既野1我都很囧
作者: 憨憨的小任(CPU)    時間: 08-10-12 10:10 PM

今日睇新閒，又比呀媽罵我睇政治太激進＝　＝
作者: TTThomas    時間: 08-10-13 05:14 PM     標題: 回復 58# 憨憨的小任(CPU) 的帖子

如果咁樣睇番又確實係.......
作者: 憨憨的小任(CPU)    時間: 08-10-15 07:39 PM

凸－，－凸

死人憎暗拳係施政報告到話要立法最低工資．．．．

香港好快會超過１００萬人失業．．．．．
作者: TTThomas    時間: 08-10-15 08:06 PM     標題: 回復 60# 憨憨的小任(CPU) 的帖子

佢又話唔可以太高，亦唔可以太低
太過模稜兩可
照番而家咁我覺得已經得
作者: 憨憨的小任(CPU)    時間: 08-10-15 08:08 PM     標題: 回復 61# TTThomas 的帖子

佢呢個政策破壞左香港既經濟自由－　－
作者: TTThomas    時間: 08-10-15 09:55 PM     標題: 回復 62# 憨憨的小任(CPU) 的帖子

佢為左一D低收入人士的褔利姐
但係有D明知做唔到又要做
浪費時間 + 公帑
作者: ◇彤彤◆    時間: 08-10-16 09:39 PM

廁所事務員??同清潔工一樣,不過人工減左一大哲,
作者: 憨憨的小任(CPU)    時間: 08-10-17 10:01 AM

生果金搞到不知所謂－　－

唉．．．．
作者: ◇彤彤◆    時間: 08-10-17 06:53 PM

老人家真係好*v*點解無小孩金??
作者: 憨憨的小任(CPU)    時間: 08-10-17 11:06 PM

哈哈＝　＝

今個星期恆指救市果２０００點全部食哂，仲要倒扣３００點有多＝　＝
作者: y0憂xD    時間: 08-10-18 11:05 PM

原來cpu都誚 尼d野!xd
我文科班有科有學政治a_a
得閒大家1齊切磋下xd
作者: 憨憨的小任(CPU)    時間: 08-10-18 11:10 PM

唉－＿－

〔泰林〕同〔金至尊〕呢２日比日清盤＝　＝

泰林全線崩潰，享年６２～

金至尊已經係得番７分之１條人命＝　＝
作者: y0憂xD    時間: 08-10-18 11:25 PM

其實喧 多人冇錢
d錢1定會流向某d人
作者: y0憂xD    時間: 08-10-18 11:25 PM

咁多大公司都因為今次冇左
資金一定會流向某d人手中
我最想知ga係係邊d人到!
作者: 憨憨的小任(CPU)    時間: 08-10-19 03:34 AM     標題: 回復 71# y0憂xD 的帖子

．．．．流向外國＝　＝

ｄ外匯冇哂＝　＝
作者: 憨憨的小任(CPU)    時間: 08-10-26 01:09 AM

港股唔知幾時會失守１萬點＝　＝

叫呀媽放哂ｄ股票先，唔係實變廢紙＝　＝
作者: 憨憨的小任(CPU)    時間: 08-10-28 02:17 PM

估唔到恆指係１萬１千點會搵到支持位＝　＝

升番６００點＝　＝
作者: 憨憨的小任(CPU)    時間: 08-11-4 10:22 PM

今日係美國總統選舉投票最後一日（聽日會點票）～

大家估下邊個嬴呢？

邊個嬴邊個輸我唔講喇，但係呢兩位候選人都有好多我地值得學既野～

其實邊個入主白宮，對世界都會有好大影響，希望美國人真係諗詔先投票吧～
作者: 憨憨的小任(CPU)    時間: 08-11-5 06:19 PM     標題: 奧巴馬當選美國第１位黑人總統～

相信大家都知道，奧巴馬已經嬴左共和黨果邊，等待０９年１月２０號上台做總統～

奧巴馬呢個黑人做左美國總統，打破左過百年黑人冇做過總統既理論，又可以證明呢個世界冇鐵票呢樣野！

美國以至世界既命運會係點，就要睇呢位黑人總統既表現了．．．．．
作者: 憨憨的小任(CPU)    時間: 08-11-15 11:25 PM

變態＝　＝

花旗全球裁員過萬人＝　＝

都ｘｘ地．．．．又加高左失業率．．．．
作者: 憨憨的小任(CPU)    時間: 08-11-23 10:32 PM     標題: 前線同民主黨正式合拼！

今日前線召集人劉慧卿召開左會員大會，前線入面有三十多票既人支持前線同民主黨合拼，只有１５人投反對～

前線同民主黨合拼，我個人認為係件好事～

前線本身勢力唔算太大（社民連都大過佢），而民主黨係今年泛民入面既第一大黨，前線同民主黨合拼，民主黨勢力加大左，就可以同立法會第一大黨民賤聯（民建聯）隻ｄｕｐ（１０：１０）～

我小任第ｎ個支持前線同民主黨合拼，泛民（右派）萬歲！！！！！！！
作者: 憨憨的小任(CPU)    時間: 09-1-20 11:29 PM     標題: 奧巴馬已宣誓就任美國總統

係香港時間1月21日零晨一點，奧巴馬係華盛頓宣誓就職，成為美國歷史上第一位黑人總統

經過小布殊8年o既黑暗統治，奧巴馬會唔會真係可以改變到美國呢？

有人認為佢上任之後會有助改善民族"岐"視問題，但又有人認為奧巴馬根本無可能解決呢個問題

有人認為如果奧巴馬係任內解決唔到經濟問題，佢下一年一定唔可以再連任

有學者質疑奧巴馬果7千億用黎振興經濟o既資金係咪行得通，萬一唔得，d 錢咪凍過水？

呢 d 一切一切，只可以留返比奧巴馬自己解決，以及佢上任後o既表現黎決定
佢係咪會好過小布殊？一切問題係聽日就會迎刃而解

至於小布殊，我唔會係到評論，佢究竟係個好總統定壞總統，我相信歷史自然會有定案，不便多言
作者: joyceLojoyce    時間: 09-1-27 03:46 PM

字海........
唔想睇囉..
作者: 憨憨的小任(CPU)    時間: 09-1-28 12:01 AM     標題: 回復 80# joyceLojoyce 的帖子

呢 d 時事好有益架…

我記得小學成日考試都會問時事題
作者: joyceLojoyce    時間: 09-1-28 03:55 PM

原帖由 憨憨的小任(CPU) 於 28/1/2009 12:01 AM 發表
呢 d 時事好有益架…

我記得小學成日考試都會問時事題

唉....
咁多字!!
叫我點睇呀=_=
作者: 憨憨的小任(CPU)    時間: 09-1-30 01:14 PM     標題: 回復 82# joyceLojoyce 的帖子

理解下吧…

為你未必多條出路，理解下吧…
作者: joyceLojoyce    時間: 09-2-5 01:39 PM

未必=_=?
未來=_=?
作者: 憨憨的小任(CPU)    時間: 09-5-12 10:56 PM     標題: 在此為汶川大地震的死難者默哀以及追究責任

唉…四川死難者…
雖然我今日幫唔到你地平反，但我誓死要將共產黨o既衰野傳出去，希望全世界都會知道共產黨做過o既壞事！

以下轉自我自己ｂｌｏｇ：
http://little-yam.blogspot.com/2009/05/blog-post_12.html



一年前o既今日，係四川省發生了一次土共建國以來最嚴重的地震，達到黎克特制8級（正確為7.8級）。

呢個地震令好多人失去左家園，令好多平民死亡，更令好多官員的貪污無賴盡顯眼前…

在此再為所有汶川死難者默哀…

－－－－－－－－－－－－－－－－－－－－－－－－－－－－－－－－－－－－－－－－－－

默哀完了…
係時候追究責任吧？

我真係諗極都唔明，點解官方永遠都係要將死難者o既數字降低咁多陪呢？

本來係死左5萬至7萬人，點解官方只係話死得5千人？

背後原因？埋沒死難者失去親人o既心情？定係掩飾豆腐渣工程呀？

我相信，係呢幾萬人o既死者入面，我相信有兩至三成死者係因為某 d 政治原因而犧牲。

首先，係07年尾果時，美國地理雜誌早就話明左四川會係08年4月尾至5月中會有一次非常強大o既地震，但係地震前果 d 地震預防局 d 人係到做乜野？

係到玩緊保密日期呀！唔比人民知道地震o既日期！

唔知咁樣係唔係令今次地震有咁多死難者o既原因之一呢？

再者，當地震發生後，當時四川o既省長係到做乜野呢？
開party，話咩要慶祝奧運bo…

我諗你只係慶祝四川大地震吧？
明明四川下午已經有地震，你應該唔會唔知吧？點解仲要乜都唔知，去開party慶祝奧運？
人命重要 d 定奧運重要 d ？你話呢 d 算唔算因為政治原因而害死咁多人喇？

豆腐渣工程不在話下！
有個好例子：係震央到有間學校係地震之後仲係依然屹立不倒，而且係無任何人命傷亡；但離震央遠少少o既學校（如聚源中學）呢？
除左教學大樓係仲有個樣之後，課室呢？乜都冇哂！
之後發現原來混凝土入面係冇鋼筋…

家長可以一手就將果 d 豆腐渣一手渣爆！
點解呢家咁多中國人都咁無良心？1千幾人o既學校，只有100多少少o既人可以生存…
請問你地o既良心去左邊呀，殺人兇手？

仲有政府o既行動未免太慢吧？
當地唔洗講喇，無良到可以唔洗理人民死活，至於土共－－雖然佢地係15定17號就去到災區，但救援工作居然要係政府黎果時先開始做…
我明白因為地形問題，好多物資都運唔到去災區，但點解當地省長賤到唔去幫手？
搞到好多家長要用手去挖掘被埋係豆腐渣下o既子女，挖到出哂血，你地個心過得去咩？賤人！


ok，「救災第一，責任第二」。
一年喇，咩災都救哂喇？

點解土共政府（包括當地省長）仲要係到將責任推黎推去？你當人民係乜野呀？人民o既眼睛可是雪亮的！

至於香港…
我唔明點解曾蔭權要將我地o既血汗錢白白咁送比中央？
好多網友都講過，基本法入面話香港係唔洗比錢中央（行政獨立），曾生，解釋下吧？
愛國愛到運自己地頭o既人都唔洗理，神！

仲有一個問題：點解要將地震死難者o既人數降低？
呢家又唔係「六四」！「六四」我都明白你點解要話冇人死（當然「六四」罪行土共o既行為都係罪不可恕！），呢家係地震，唔係國家醜聞，有乜理由要降低死亡人數先？

想講共產黨救援救得好好？唔多覺lo～

咁樣做係對所有死難者非常之唔尊重！
好自然又唔比人查死難者的名單吧?

估唔到土共真係無良到咁o既地步…


總結:今次地震死咁多人，人為責任第一個要數o既自然係共產黨同當地省長喇！




希望土共可以公開死難者名單以為懲罰應該負上責任o既人，以還死難者一個公道！

[ 本帖最後由 憨憨的小任(CPU) 於 2009-5-12 11:04 PM 編輯 ]
作者: TTThomas    時間: 09-5-13 01:47 PM

http://www.512gov.cn/GB/123057/8074265.html
國務院上年9月已經發佈左死亡人數接近70000人
而家更加唔止

點解要話呢次地震係為左剷除反對勢力？
地震並唔係人為造成
人人都唔想有地震
地震預報係近年先發展
佢的準確性亦只有一半
而且當個地震無發生
中國又點樣向人民交待？
話誤信某大國的可靠消息？

我覺得政府未必要負哂全部責任
反而一D有問題的民營企業都要負責
佢地以唔好的材料興建樓房
導致大部分樓房倒下
政府未必可以巡查哂全部的企業
因為數目好多
而且佢地亦會好巧妙地覆蓋當中的問題
令中央難以調查事件

要知道有時中國人都會變左一盤散沙
當個權力核心崩潰的時候
D人就會不知所措
正如呢件事當中
為數不少的官員都死左
無人去吩咐點做
所以當地起初都會做唔到野

而且地震過後乜野都損毀哂
唔係話唔幫佢地，只係有心無力
救左D人上黎又點？
救援設備又冇
醫療設備又冇
D人救上黎都仍然係等死
咁樣咪仲更加令佢地的家人擔心？
等中央的人黎
有物資，有設備，有人才
死亡率先可以大大減低呀

至於捐錢方面我就唔贊成你的睇法喇
香港係中國的一部分
當同胞有難的時候唔通要見死不救？
興其坐以待弊，不如有乜幫乜啦
捐錢永遠係最快捷的解決辦法
況且香港人都捐左1億上去
證明佢地對香港政府的行為都表示支持
並唔係話要將納稅人的金錢拱手相讓

咁大範圍的調查1年點夠呀
睇下香港雷曼事件審人
過左半年，結果咪一D動靜都冇
香港咁細的地方
同大陸幾個省的幅圓
1年並不足以調查整件地震事件
作者: 憨憨的小任(CPU)    時間: 09-5-13 07:06 PM     標題: 回復 86# TTThomas 的帖子

我都好認同你o既意見…

但我真係好不滿當時政府o既做法！

係香港政府話要捐110億上去比大陸之前，我地香港市民都捐到夠喇…

到左9月爆左雷曼兄第事件，我地香港人都已經無能力再去捐錢…

係呢個時候曾蔭權係要送咁多錢比中央…

點解曾蔭權唔用果110億去幫香港市民，係要將佢送比中央呢？
中央又唔係冇錢，唔係一個崛起緊o既中國居然要地方養呀…？

做香港特首唔係應該以香港人民利益行先咩？點解係都要理左大陸先理香港？
果110億最後咪又係落左係 d 貪官手上！

唉…
作者: TTThomas    時間: 09-5-13 10:29 PM

香港作為中國最富裕的地方
當然要捐比其他地方多的錢啦
而且中國大陸送左好多瑰寶和珍貴的瀕危野生動物黎香港
單單係呢d野的價值一定高過110億
呢d錢當係回愧番祖國
我相信冇人反對

況且你覺得香港人捐幾億有用嗎？
十億都重建唔到半個城市
何況有咁多個城鎮損毀
幾億只係budget當中唔夠1%
係幫唔到手的

中國西北地方缺乏發展
當那裡有事上黎
由於內陸和地勢所限
好難去進行救援
救援資金一定會比近海的多好多
分分鐘要幾千億
中國總國庫有2兆億
債券佔一半
而家經濟唔好
國庫一早縮哂水
幾千億佔o個一半真錢ge幾%
咁樣好多架喇
何況又要管理金融業，發放薪水
中國自己都未必顧得掂自己！

記得颶風卡特里娜吹襲美國嗎？
超級大國美國都要接受國際援助喎
中國呢d非常大的災難要國際援助有乜出奇？
點解捐俾美國唔鬧，捐俾中國就要鬧？
我地係中國人黎架！

香港咁多的庫房儲備咁多
唔係拎黎用，唔通儲住咩...
我地唔應該睇d錢點用o係邊
應該著眼睇d錢用黎有冇意義
明顯救助災民都有好重要的意義
況且110億只係上年度盈餘的2成
之前幾個年度又賺左唔少
多花呢d錢我唔覺得唔係用得其所
作者: 憨憨的小任(CPU)    時間: 09-5-24 03:17 PM     標題: 共產主義被波蘭和烏克蘭為恐怖主義之一，中共派人摧毀香港精英

以下內容對共產黨/共產主義支持者可能會做成不安，所以請你們離開此帖！






【大紀元5月18日報導】

烏克蘭總統：不承認共產主義罪行 必遭淘汰


（大紀元記者鄭國烏克蘭報導）烏克蘭總統尤先科五月十七日在首都基輔郊外的森林參加政治迫害悼念活動，紀念死於蘇共極權下的人民，並表示應徹底清除共產極權的標誌，同時告誡那些不承認共產主義罪行的人們，必將被淘汰。

尤先科表示：這裡發生的大屠殺與奧斯維辛和布痕瓦爾德集中營所發生的同樣殘忍，並強調：這樣的罪行不能夠被歷史所寬容，也將不會被歷史寬容。

他指出：蘇共高層害怕這一切，他們仇恨每一個被他們統治的人民，它感到最大的恐懼就是面對烏克蘭，想消滅我們的靈魂，想消滅每一個懷疑這是滔天罪行的人和對烏克蘭的熱愛。因此揭示政治迫害的真相和讚揚那些受害者，這不僅僅是一個象徵，它是一個標誌，標誌著我們的靈魂依然活著，我們的生命難以消滅，我們的民族戰勝了邪惡和死亡。






感謝安全局的工作

在悼念活動上，尤先科對烏克蘭安全局表達了崇高的謝意，感謝他們在近幾年在揭示蘇共秘密檔案中所做的工作。

他說：「我對烏克蘭安全局的工作表示深切感謝，他們整理出埋在『萬人坑』裡一萬四千一百九十一名受害者的名單，今天我們已經知道了大約三萬人埋葬在這裡，埋葬在這松樹林裡，他們成功地找到了十八個秘密的墳墓，那裡埋葬了在一九三七年至一九四一年期間被迫害死的人們。這是我們國家的大事。」






徹底拆除共產極權紀念碑

總統尤先科呼籲徹底拆除共產主義政權的紀念碑，並表示：最後徹底清除這個殺害上百萬無辜人民政權的標誌。

他說：「不可能再有藉口了，這不像有人玩世不恭說的那樣，它不是我們歷史的一部份，它是共產主義系統的一部份，它是殺人的標誌，保留它就是對這片土地下的亡靈的褻瀆。」






否定共產主義罪行的人注定被淘汰

尤先科告誡不承認這些人是死於共產主義政權下的人們，注定是會被淘汰的。

尤先科表示： 那些否定大飢荒和那場政治迫害的人們，那些舉手辯護說「斯大林」﹑「毛澤東」是我們民族「聖物」的人們，我確信他們注定是會被淘汰的。

他說：「我對一些政界人士和官員的冷漠和排斥感到憤怒，他們害怕這個話題，他們想統治烏克蘭，而沒有烏克蘭自己的文化，沒有烏克蘭自己的語言和沒有烏克蘭人民。他們的願望就是這裡只是一個獨立自主的省。」

在二零零七至二零零八年烏克蘭共拆除了四百多個參與策劃大飢荒和政治迫害的共產主義政權領導人的紀念碑。同時對三千個以蘇共領導人命名的地址和街道進行了重命名。同時，尤先科建議議會有必要起草憲法給為獨立自由而戰的戰士們合法的地位。


除左烏克蘭，波蘭國會亦都正在制訂新法律，要求將共產主義o既標誌等同（標籤為）納粹標誌，把著名o既共產黨代表人物（例馬克思﹑列寧﹑史太林﹑毛澤東等）視為納粹代表人物…


世界終於醒覺了！
隨著兩國o既動態，相信土共都會發出言論反擊…

大家醒下喇！　
波蘭﹑烏克蘭同香港都存在係所謂「民主」o既名義之下，點解香港人會變得咁膠？

繼港大陳一鍔「六四中共無罪」之後，皇仁亦都有學生指「當年係北京學生先出手打軍人，目的係要引起內戰」咁話…

相信司徒華聽完之後一定會嘔血…

皇仁係司徒華同孫中山o既母校，昔日o既皇仁愛國精英﹑關心時事o既風氣去哂邊？

呢件事再之証明，香港已經被內地生﹑所謂o既「愛國學生」不斷滲透，不斷被「共產奴化」…

其實呢個就係中國共產黨摧毀香港精英o既計畫。


以下轉自每日一膠。


中共摧毀香港精英的計劃：
從港英的高官中找叛徒，提升高官中的廢柴，迫走高官的有志之士；用垃圾去毀滅香港精英學校的校譽，以高幹子弟、內地學生等去「騎劫」校譽，令名校生成為恥辱，令香港上層社會毀滅的同時，造成「人民的內部矛盾」，令你們鬼打鬼。

這就是「打著紅旗反紅旗」的真義，由當年假扮國民黨醜化國民黨，到今日假扮民主派醜化民主派，來來去去都是這樣的把戲。

無他，一般人加入的政黨一定比起政黨的數目少；入讀的學校一定比起沒有讀的學校少，於是今日找一個港大膠人，明天出一個中大之恥，後日再來一個科大的醜角，於是各大互相仇恨鄙視，大家忙於內鬥而忘記外敵，幾十來的劇目都相同，就正如 2012 的特首選舉，幾頭馬車不是開始鬥過你死我忙了嗎？





好，又有一個問題！
點解全東歐都咁憎恨共產主義/共產黨呢？

點解係香港係中國仍然有咁多被洗腦，被國家綁匪嚇驚而得到斯德哥爾摩症（即唔敢出聲）o既人民？

好簡單，因為東歐嘗試過被共產主義/共產黨統治後o既後果。



共產黨/共產主義統治下o既國家，係唔會有「民主，自由，言論自由，人權」。

睇黎香港人大部份已經被共產黨「奴化」了…



波蘭！烏克蘭！我支持你地！
我都希望可以生活係一個無共產主義﹑無共產黨的世界上！




再次為因共產黨o既獨裁﹑暴政而死o既人致上敬意！

[ 本帖最後由 憨憨的小任(CPU) 於 2009-5-24 03:29 PM 編輯 ]
作者: 憨憨的小任(CPU)    時間: 09-5-24 03:22 PM     標題: 引用每日一膠回應者「陳大文部落」o既回應

佢o既回應講到香港人被「奴化」o既幾個原因，我認為講得以幾岩，所以係到引用一下…



佢認為香港人被「奴化」的原因有幾個：

1. 回歸後，自中學開始的歷史教科書，雖不至於像日本極右翼的纂改內容，但香港情況是刻意「減少某許多部份的描述」，只是輕描淡寫地帶過便算，而「六四屠城」也一樣，都是「提過下係咁易講過」便算。


2. 我(陳大文)是八十年代讀中學的，讀天主教中學，那時「中史學會」是有活動去看「南京大屠殺記錄片」的，沒有家教會、沒有投訴、沒有「產生不安」的 concept。現在的中學除了乜乜啟智和所謂愛港公民教育，是沒有以上的歷史教學活動的。


3. 相信林忌兄應已過三十歲？如果是的話，在下也是3x歲的人。記得我們青少年時期，香港也不是「以金融作為唯一社會方向」，當時社會是頗為多元化，中學生會看「金傭、衛斯里」而不是動漫，會逛逛書局，去圖書館等，知識是多元化。但現在的青少年是少有以上的觀念。


4. 洗腦：很多意識形態上的洗腦，很簡單舉例說明：「和諧」、「中立」、「向前看」、「社會要發展」、「共同創造美好香港」、「要從多角度看歷史」云云。


※ 唔駛講皇仁，身邊就有一個陳一諤，不要覺得陳的「六四向前看」論奇怪，他就正正是一個「受回歸後港式教育洗腦培植」的新 generation 的人。

陳一諤為何會當選的？因為本地學生無乜人去投票，無乜興趣呢啲嘢，所以內地生投票，陳就當選了。

唔係內地生滲透 HKU ， 而係 「香港仔女」本身已打退堂鼓，內地生「手指尾都 K.O」你。

看皇仁果兩條仔，十幾歲；陳一諤剛剛二十歲，佢地都係回歸後的「被洗腦淨化」了的新港式青年。佢o既回應講到香港人被「奴化」o既幾個原因，我認為講得以幾岩，所以係到引用一下…



佢認為香港人被「奴化」的原因有幾個：
以下引自「陳大文部落」

1. 回歸後，自中學開始的歷史教科書，雖不至於像日本極右翼的纂改內容，但香港情況是刻意「減少某許多部份的描述」，只是輕描淡寫地帶過便算，而「六四屠城」也一樣，都是「提過下係咁易講過」便算。


2. 我(陳大文)是八十年代讀中學的，讀天主教中學，那時「中史學會」是有活動去看「南京大屠殺記錄片」的，沒有家教會、沒有投訴、沒有「產生不安」的 concept。現在的中學除了乜乜啟智和所謂愛港公民教育，是沒有以上的歷史教學活動的。


3. 相信林忌兄應已過三十歲？如果是的話，在下也是3x歲的人。記得我們青少年時期，香港也不是「以金融作為唯一社會方向」，當時社會是頗為多元化，中學生會看「金傭、衛斯里」而不是動漫，會逛逛書局，去圖書館等，知識是多元化。但現在的青少年是少有以上的觀念。


4. 洗腦：很多意識形態上的洗腦，很簡單舉例說明：「和諧」、「中立」、「向前看」、「社會要發展」、「共同創造美好香港」、「要從多角度看歷史」云云。


※ 唔駛講皇仁，身邊就有一個陳一諤，不要覺得陳的「六四向前看」論奇怪，他就正正是一個「受回歸後港式教育洗腦培植」的新 generation 的人。

陳一諤為何會當選的？因為本地學生無乜人去投票，無乜興趣呢啲嘢，所以內地生投票，陳就當選了。

唔係內地生滲透 HKU ， 而係 「香港仔女」本身已打退堂鼓，內地生「手指尾都 K.O」你。

看皇仁果兩條仔，十幾歲；陳一諤剛剛二十歲，佢地都係回歸後的「被洗腦淨化」了的新港式青年。

[ 本帖最後由 憨憨的小任(CPU) 於 2009-5-24 03:29 PM 編輯 ]
作者: TTThomas    時間: 09-5-24 11:09 PM

當我睇到你用"大紀元"作論據的時候
我就知以下的報導並不公平
用極度反共產和極度撐民主的報紙來辯駁
所講的論據係唔會成立的
所以我唔會理會呢篇報導所講的野

至於憎唔憎共產主義
呢d係好睇人
一定會有人鐘意，亦有人唔鐘意
唔在乎係咪洗腦的問題
外國人喜愛自由
當然唔會鐘意共產主義
中國人甘願被管
所以對共產主義毫無抗拒

香港人唔敢出聲係有一個重要的原因
就係太著重對內活動
即係讀書，留o係屋企
全部都幾乎唔駛對人
我覺得呢d野唔關政府事
係關上一代(爸，媽o個代)
上一代做野好辛苦
因為冇乜知識水平
佢地希望自己下一代(我地)成才俾佢地享清福
所以拎錢出黎俾佢地猛讀書
更重要就係經常被人照顧
下一代冇乜自立能力
久而久之就變成咁
即係所謂被奴化，冇膽同唔敢出聲
cpu你自己唔係其中一員咩？
唔敢同人講野
只係用呢d匿名的互聯網平台講
我唔覺得你有口話人

世界上只有民主我唔覺得係一件好事
美國人可以自由寫信要求政府公開機密文件
鑑於自由法律，就一定要公開
毫無疑問咁樣可以令政府唔敢做錯野
但係就暴露左權力失衡的問題
參議院同眾議院要過半數人支持先可以迫政府披露機密資料
不過1個美國公民寫一封信就可以無條件睇機密
咁要個國會黎做乜？
1個美國公民的權力居然大過500幾個國會議員
機密就係所謂民眾唔可以知道的敏感資料
例如軍事資料，對外事務等等
如果被不懷好意的人知道
開左核彈頭發射掣射哂d核彈去全球
死ge係全世界

其實中國而家已經唔再太共產主義
起碼可以自由通商，自由買賣咁
唔會話人人都一樣酬勞
呢d係中國走向民主的改變
真正ge純共產國家已經冇哂
古巴都可以容許民眾有車

其他民主國家都要"依賴"中國作出口
外國人到中國做生意賺中國錢
不用付出太大代價
因為只係以錢換物，再換錢
中國人輸出大量產品賺外國錢
因為以錢做物，再換錢
點解外國成日話中國好多污染？
外國如果唔依賴中國出口
又點會產生咁多廢物？
外國成日話中國傾銷得太便宜
咁點解佢地自己唔改？
點解中國用人力，外國用無人自動化
點解外國野仲會貴過要俾埋人工ge中國？
作者: TTThomas    時間: 09-5-24 11:42 PM

仲有，奴化呢個字用得唔o岩
香港o係邊？係中國的一部分
既然係咁，中央自然有點兒治港權力
中國俾得自由你
自然都會有規範
係中國贊成高度自治
係中國贊成港人治港
係中國贊成香港有政黨
如果佢地唔答應，1997後就變左同大陸冇分別
而家我地乜野自由都有
唔係應該要多謝中央嗎？
我唔係話要崇拜
不過起碼自己對國家有番d歸屬感
知道自己係中國香港人，唔只係香港人

唔好當獨裁全部都係唔好
有皇就代表係獨裁
以前中國有漢武帝，唐太宗，康熙
呢d唔係獨裁ge好例子嗎？
外國都有Queen Elizabeth II，Napoleon
呢d唔係仁君咩？
只不過皇唔係個個做得好
形成個假象話獨裁解唔好

民主唔會出現暴政嗎？
民主即係話個個人對問題都可以發表
可以表達到政府身上
不過當中一定會有矛盾的地方
最終都會有一方損失
當人反對，由於自由，可以去遊行
如示者，社會混亂
然後罷工，靜坐，流血事件，暴動
所以這個時候只有獨裁先可以根絕呢d問題

以每日一膠回應者作反駁
每點對照一點

1. 點解要減教科書內容？
因為而家中學生多左好多科讀
變成不能兼顧
所以才減少內容
以前黎黎去去都係o個幾科
內容當然多過而家好多
只於cut ge位置
我認為唔一定關政府事
出版商都有責任
基於自由，出版商可以唔駛聽政府講架
再唔係告政府都得

剩番遲d再講
作者: 憨憨的小任(CPU)    時間: 09-5-26 11:14 PM

唔…願聞其詳…
作者: TTThomas    時間: 09-5-27 10:23 AM

2. 點解唔播呢d紀錄片？
之前ge point提過
因為d學生細膽左
第二就係當學生同家長傾談時
學生透露套紀錄片恐佈
亦不自覺地加上自己主觀情懷
將恐佈ge內容加深
導致家長設訴
所以你唔覺而家學校係極少放紀錄片
尤其係近代史和戰爭
避免家長設訴

如果d老師有良心d的話
上中史堂一定將呢d敏感話題講得一清二楚
雖然我本中史書得6頁提過
而且空白位都佔一半
不過老師開powerpoint叫我地寫notes
d notes多到連呢d空白位都唔夠寫
所以我而家會明白哂六四當中的始末
而且到近呢d敏感時期的週會
我地學校ge中史老師都會搞週會
例如六四，五四，文革咁
我中一至中五都有搞
講六四仲播埋o個首勁血腥ge"血染的風采"mv
無同學表示話恐佈
仲走去問老師
所以學校唔只係搞乜乜啟智和所謂愛港公民教育
只係睇學校究竟有冇膽搞歷史教學活動

3. 由於外來文化傳入
日本動漫好受歡迎
每個青少年都會睇
最重要ge原因係因為多圖少字
呢個正正係當代青少年的弊病
點解咁多隱青同電車？
另一個原因就係沈迷動漫ge幻想世界
唔想出番黎，因而逃避現實

由於睇得多"多圖少字"ge動漫
所以睇得少多字少圖，甚至得字ge書
而家學生ge知識水平，語文水平均有下降
就係因為呢d毒藥搞事

而家ge人又鐘意睇電視，聽音樂多過睇書
所以想了解金傭、衛斯里的話有好多途徑
電視台有時都會播金傭小說的電視劇
睇哂成套電視劇代表你知道d小說講乜
衛斯里的話我就睇20年前ge廣播劇
全輯齊哂，跟足原著

點解d人少去圖書館同書店？
因為電腦就足以滿足佢地
上網就可以知道有邊d暢銷書
禁一個掣就可以將你想要ge書送上門
唔係仲方便咩
尋日同堂弟去書局睇書
我為鍛鍊佢通識思維，問左佢兩個問題：
一. 由暢銷書榜的書可以睇到而家ge人有乜野問題？
二. 從人地手上拿住ge書黎睇，乜種類ge書最受歡迎？
佢諗左3分鐘先答到我
而且仲要錯哂
而家青少年自己ge主觀意識越黎越低

4. 我唔覺得呢d字叫做洗腦
如果係咁，所有書都係洗人腦
即係話全世界都俾人洗哂腦
單憑呢幾個字唔足以講
o係個speech度唔講呢d講乜？
唔通話"一齊破壞香港"，"停止社會一切活動"咩？！
作者: 憨憨的小任(CPU)    時間: 09-5-27 06:20 PM

頭果3題我都認同你o既講法，但4題我好想問…

呢家果 d 所謂o既"公民教育"，有好多都內容都係話要咩"愛黨=愛國"等等…

仲有呢家 d 傳媒，一年差個一年，專係報喜不報憂，我真係睇見都起火。

真係唔明點解香港人IQ同智商可以係"回歸"之後大幅倒退…
政府一年膠過一年，真係不如搵返英國黎管我地仲好…

其實係咪"一國兩制"出左問題？


抽水，我都好想請教下你：你認為"一國兩制"對香港有冇害呢？
可能係因此一國兩制，所以先令香港…「奴化」﹑「皇民化」等問題出現…
作者: TTThomas    時間: 09-5-27 09:40 PM

"愛黨=愛國"只係一般人普遍ge諗法
因為中國係一黨獨大
d人自然會話"黨=國"
而且個個官員都有黨籍
自然會做出呢個假象
以我而言，公民教育其實係好廢
呢科真係可有可無
呢科就等於常識同通識混合體
分開黎教就浪費資源

我可以同你講
而家係冇乜報紙做到中立
因為每間報館的老闆都會有偏左/右思想
間接講左自己的對華立場
明報同頭條日報其實叫做得最好
反而我覺得蘋果做得最差
偏向民主我都唔理佢
不過頭版永遠都關桃色事
又炒作新聞，口語又多
最大問題就係文字上透露出個人觀感
完全不中立
所以睇得多，語文程度一定降低
雖然多圖清楚詳細講述事件
由於報導都有血腥同桃色
所以.......太清楚

我覺得與其話政府膠
不如話d議員膠
今日立法會動議話平反六四
完全係無聊的事件
立法會係用黎討論法律
"平反六四"完全偏離呢個範疇
況且成功左又點？
中國就會因此平反六四？
呢d係痴人說夢
香港咁細ge地方係幫唔到野

市民鬧政府，政府未必係錯
而家因為經濟問題先會民怨四起
政府都搞左好多紓困措施
d議員成日都駁回
又摧政府快d再出過
政府官員始終都係人
而且錢亦係有限
d人講過話想跟澳門派錢架
澳門d議員冇香港d咁煩
香港成日話要跟澳門咁快手
其實d議員唔好咁嫌三嫌四就ok

例如話派香港市民每人$1000
d議員一定話"窮人派多d，有錢人派少d，甚至唔派"
又會有人話"又話香港市民都有，大細超唔公平"
又會有人話"中產被夾心，冇得益"
跟住就會有人話"當退稅，當俾多個用綜緩同生果金"
又會有人話"仲有政府商場凍租或者唔駛交幾個月"
又會有人話"公屋都減租"
你睇番呢d對話係咪好似香港立法會的辯論？
所有野都會回復基本步
只要議員唔好咁固執就已經好易通過
今次多數幫窮人，下次先幫中產lo，再下次幫企業lo
我認為呢個先至係好ge思維
作者: TTThomas    時間: 09-5-27 11:00 PM

首先，我提出一個問題
"香港冇一國兩制會點？"

咁樣英屬香港的法制就會全數失效
普通法全數變成大陸法
(p.s. 大陸法唔單止大陸用緊
法國同德國都用緊)
唔明？我用法律的例子說明
當一個人被懷疑殺人
o係普通法的地方
未判之前佢都係冇罪
當對方有確實證據證明佢有罪才可入罪
o係大陸法ge地方
當佢被列為嫌疑犯的時候
就等同於有罪
對方要有推番嫌疑的證據才可脫罪
呢個就係當中的分別

由於兩個法制非常唔同
所以當冇一國兩制的時候
香港人會無所識從
好易墮入法律陷阱

當中國大陸要同香港制度一樣時
香港人就會失去言論自由
講到呢度就已經夠
相信你自己可以想像
所以我認為一國兩制的好處一定多於壞處



奴化之前講左
香港已經係好幸運
一個咁細ge地方
佢的權力仲高於直轄市和省級
大陸都只係派十個以內的官員過黎
自由度已經係接近100%
況且香港係中國的一部分
中國有權管我覺得唔過份
香港ge官員去大陸述職更加唔係話做國家的奴才

皇民化呢個講法完全錯誤
我地唔係"被迫"服從中國
而且大家語言同文化方面都相通
所以唔存在呢個說法
作者: 憨憨的小任(CPU)    時間: 09-6-3 11:42 PM     標題: 民主抗戰二十年

就係我地睇緊【謎】o既果一刻，20年前－－1989年6月3日下午10：30，我地偉大o既前總理李鵬同志向由北京城外進入北京o既軍隊下達左清場令…

而李鵬同志更向軍隊表明：你地（軍隊）可以用一切手段去清除阻撓你地進行清場o既人…

結果10點30分，軍隊開始入北京城…

係軍隊入城o既時候，好多市民為左阻撓軍隊入城"清場"，於是就擋哂係軍隊面前…

就係呢個時候，步兵就用步槍同機關檐向著我地o既同胞開槍…

市民們紛紛中槍倒下…

一個9歲的小朋友，身中9槍，身上有9個子彈洞…

軍隊繼續開入城時，睇返之前果條路…

一堆堆中左槍o既人，被坦克輾過o既人，堆成一座座小山…

當係家入面o既市民睇到呢家情況，就向軍隊喝倒采。

於是軍隊就向佢地開槍…

軍隊繼續見人就開槍，只要睇你唔順眼就開槍…





點解？點解中華民族要成為土共高層政治鬥爭o既祭品？
（鄧小平．李鵬．楊尚昆　vs 趙紫陽．胡耀邦）

點解我地中國係要無民主？封建獨裁真係比民主更適合係中國實行嗎？



各位2kf o既人，雖然我係到不斷咁講，土共都唔會去平反六四，但大家都可以走出黎，除左為六四死難者平反外，仲可以當係爭取民主吧！

要記著，一個無民主o既國家係無可能係世界中生存﹑站立！




中國人真係咁鐘意被人管嗎（成龍中國自由爆炸論）？中國真係只適合行封建制嗎？無民主真係中國唯一 o既命運？


各位，希望聽日可以係維園到見到大家走出黎，為六四死難者爭取一個公道…

就係因為愛國，所以當年班學生先走出黎高呼民主…

愛國有罪嗎？民主有罪嗎？


上一代未完成o既民主之路，就由我地繼續興建吧？

香港人，2kf o既人，企出黎爭取民主自由吧！


聽日「六四」維園見！



網民創作－－抗戰二十年 MV

[hdutube]<object width="560" height="340"><param name="movie" value="http://www.youtube.com/v/n_OBeonRBvk&hl=en&fs=1"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/n_OBeonRBvk&hl=en&fs=1" type="application/x-shockwave-flash" allowscriptaccess="always" allowfullscreen="true" width="560" height="340"></embed></object>[/hdutube]

[ 本帖最後由 憨憨的小任(CPU) 於 2009-6-3 11:44 PM 編輯 ]
作者: TTThomas    時間: 09-6-4 12:12 AM

我覺得中央清場係做得對
不過以武力我就反對

如果六四成功
學生勢力就會抬頭
只有20幾歲的學生，心智未成熟
對社會沒有太大經驗
如果他們能夠做到政府高層
我恐怕所有人都唔服
於是又有人出來示威
形成惡性循環
中國就會大亂
不清場而贊成的話
中國就唔會變成大國
就唔會變得富強
作者: TTThomas    時間: 09-6-4 10:15 AM

我之前亦講過而家中國並非完全共產
而家唯一存在的共產意義只剩下自由問題
中國亦並非一個真正冇自由的國家
試睇睇美國
原來全美所有電話亭和某電話公司的電話卡都有錄音功能
錄音聲帶直接傳送到CIA(聯邦調查局)
美國的「天眼」系統係全世界最先進
系統幅蓋所有都市超過90%地方
如果你話中國冇自由的話
美國呢個民主國家又點？

中國成日都避免敏感人士人境
你見美國有嗎？
中國要搵人跟蹤
美國全賴高科技
在不知不覺間監際你的生活
亦不費一兵一卒
生活o係美國的人咪仲比中國的人冇自由？

你覺得世界有真正的自由嗎？
民主就一定會有自由？
唔會架

中國亦曾經有段民主時期
就係國民黨執政的時候
不過點解他們最終會輸給共產黨？
因為貪污
呢個世界唔會冇貪污
不過他們的貪污係明目張膽
因為"自由"兩個字
自由促使中國人不團結
自由促使中國人任意妄為
自由促使中國人有天大的膽
而從外國回流的人也未仔細汲取民主的思想
結果搞到中國人無所適從，引致大亂
要知道中國幾千年都是封建制
一下子轉變係會令他們認為真係做乜都得
認為真係會冇人管
結果咁就輸左整個中國大陸

我唔係話反對民主和支持共產
不過睇到美國的所謂「自由」體制感到失望
口口聲聲話好自由
其實自由程度與中國都相差不遠，甚至更封建

美國的人權委員會年年都會促請中國改善人權問題
不過美國就係咁
經常加以插手其他國家內政
唔關總統事，係關議員事
實質美國的議員的權力大過總統的權力
議員可以罷免總統，總統不可罷免議員(參閱伊利諾伊州參議員風波)
議員要贊成先可以給總統簽議案
議員講的野被贊成時，總統冇得唔做
可見總統的確無權無勢

[ 本帖最後由 TTThomas 於 2009-6-4 10:16 AM 編輯 ]



歡迎光臨 2000FUN論壇 (https://www.2000fun.com/) Powered by Discuz! X1.5.1