2000FUN論壇

標題: 如何減輕失戀後的痛楚(年青人) [打印本頁]

作者: Rooney~ 時間: 08-10-31 01:27 AM 標題: 如何減輕失戀後的痛楚(年青人)

我承認呢幾樣野可能大家會覺得好過分,好難做得到
但,如果您已病入膏肓,呢段感情你認為無得挽既話......三思,然後請用藥吧

呢幾樣方法,能快速令你徹底忘記她(至少我覺得)....但有d野一定要負出代價....

佢單方面想同你做番朋友既話

三拒;
拒接          接電話
拒出          唔會跟佢出街,有friend一齊都係咁話
拒send       sms,msn等一律不回,不問

好處:你唔會再同佢再有任何聯繫,佢打俾你,唔聽一次,唔聽兩次,就唔會再打黎啦,可能會send msn/sms....千萬唔好回應...到你放低左....又唔介意再做番朋友既話,到時再算!
壞處:呢招好睇你自己定力....因為好難去唔聽一個自己鐘意既女仔電話....經常性覺得佢會唔會想返轉頭呢?

大家唔會再搵大家的話:

回憶係寶貴,但唔好將回憶令自己唔開心
實質既回憶例如佢送俾你既野,有令你睹物思人既物件,同佢影既相....下決心,掉啦!
至於在你腦海的回憶....淨係得時間係唔會令你自動忘記佢的,請行動吧!
請寄情於工作/讀書/或者你鐘意可以玩,玩同埋玩
擴闊生活圈子,將時間表篇得越密越好,
作息定時
工作已經無左10個鐘,訓覺無左8個鐘,食飯搭車等等垃圾時間無左3個鐘,仲有3個鐘...呢3個鐘唔難過丫!

其實已經完

當你地想講粗口既時侯

大家諗下....拍拖唔代表你會快樂,拍拖快樂,駛乜要散?拍拖係結婚前對對方各自了解,為婚前做準備...
分手-係因為好多方面既原因而做成,唔係男女雙方做d咩就可以避免!

正如唔拍拖唔代表你唔快樂一樣;你要有個伴,將來大把時間俾你地去搵....
唔好將你地自己既青春押注係一個人身上.....你地仲有好多野做!好多路要行!

p.s
今日係巴士上聽到有個男仔講電話,喊哂口咁...原來佢哀求緊佢條女同番佢一齊
睇個樣都係畢業無耐,17,8歲.....鬧都費事鬧.....落下層....唔想眼冤....亦係我打呢篇野既原因
希望呢個後生仔睇到呢個post,可以有d得著...亦分享俾大家一句好老套...好老套既一句說話

唔好為一棵樹....放棄一個森林
你地既路有排去行,仲有好多好女仔你地會認識到....
可以一生一世既人,世上又點止一兩個?

[ 本帖最後由 Rooney~ 於 2008-10-31 01:30 AM 編輯 ]

作者: 賊仔俊 時間: 08-11-1 11:22 AM

唉真係好辛苦

作者: ♀蝶小若:]` 時間: 08-11-3 12:28 PM

-_- 講得好岩..

可以一生一世既人,世上又點止一兩個? :)

作者: birdyin123 時間: 09-3-18 03:17 PM

樓主努力..佢只係小孩子皮氣

作者: 36955523 時間: 09-3-18 11:25 PM

DRTUJRDJNR

作者: jasonjack 時間: 09-3-20 12:31 AM

-~~*多謝分享*~~-

作者: wooling143 時間: 09-3-22 12:50 PM

講得好岩但我做唔到...
次次都係好難先放得低

作者: Ｚiｐkｏ仔 時間: 09-3-26 11:19 PM

我都想真真正正放低佢....但同現實跟本係兩回事....

作者: ♂杰☆ 時間: 09-4-7 05:55 PM

我知道.....但係都係放唔低佢...
好難好難.
有冇d新既方法~

作者: rjj87on9 時間: 09-4-10 11:40 PM

多謝曬,好有用

作者: ajackchan 時間: 09-4-11 08:43 PM

你講得好岩
但係現實中又有幾多人可以做得到- -?
如果一齊唔係好耐果d就話會易d
但係我同鍾意既人一齊左5年..宜家先散左都唔知點算好
真係好辛苦~我都未試過真係可以放得低過佢><"

作者: 光7羚 時間: 09-4-21 04:12 PM 標題: 《?》北京市?不便宜的家具在家具尾??最便宜免?再送?（?）

提示: 作者被禁止或刪除內容自動屏蔽

作者: 天灰 時間: 09-5-14 10:49 PM

講真丫...........
唔係所有人好似你咁咁放得低架

分左手之後始終都會掛住架

不過你呢個方法對我黎講都好有用............雖然殘酷左少少
多謝你先

作者: 火災次人 時間: 09-5-15 12:00 AM

我諗樓主你用個呢個方法..係WORD無錯
當你可以好忍心芢做出來既時候",,,(雖然我知道任何野都要做左有個決心先可以做得到)
但係講得出做得到呢方面又會有幾多人真係做得到呢
我日日都會有自己一個人的時間就會見到佢比我既野
自然會諗起佢對我的好,自己不知不覺就會諗到佢。
我同我講過N次要忘記佢,不斷咁諗佢的壞處
但係同時又會諗到自己同過佢咁講(你D壞處正正就係我鐘意你既地方)
我自己次次打比佢都會覺得好傻好笨,做咩要搵佢,令自己唔開心
但係唔知點解我地自己不知不覺就會咁做-0-"
好似真係有鬼咁....T.T"
不過點都好現實係現實,鐘意過就係鐘意過.......
不過過左去既野點都要放下...比D時間LA

作者: gloria13hk 時間: 09-5-15 12:20 PM

幾同意講法.....
唔去理佢...對自己狠心d....
的確...係最快既分開方法....
頭一個月難頂d....但..之後...會感ok...

~.~情事有時會讓人煩惱呢~~

歡迎光臨 2000FUN論壇 (https://www.2000fun.com/)