2000FUN論壇

標題: 2000FUN籃球討論區活動心得收集處 [打印本頁]

作者: 問鼎天 時間: 08-11-4 01:14 PM 標題: 2000FUN籃球討論區活動心得收集處

請使用隱藏功能隱藏比賽文章

作者: ︴傻小琪” 時間: 08-11-4 06:07 PM

[hide=99999]籃球是一個非常好的運動，不管是男生還是女生打籃球，都一定會變的很健康，也可以幫助自己長得很高大。

雖然打籃球有點累，一早來到學校，就要做體操、跑操場，可是累上加累。但打籃球之後，也讓我學到了不少的東西、交到了不少的朋友。

想起打籃球的日子，可以說幾年前的事了。
在小時候喜愛看ＮＢＡ"...
想學習籃球員的技術"

在中學時期，很愛與一班女同學一齊打籃球。最初一定是射１分，慢慢就射２分。可是，有些女同學天生比細力，射３分可是沒可能吧！當中，有一點體會。了解到每個人有自己的長處，好像我一樣…我天生比教大力與眼界好，所以射３分是很容易的事。但有些同學就在跑步比較快，在回防方面比我便好…

最初我都是玩玩下，但如果想認識籃球比賽中的規則，可以令自己的球技有所進步…

記得中３時，有些同學想今年可能是最後一年與我們玩籃球。因此就參加了學生的籃球比賽。雖然最後不能在分組中勝出，但是在比賽時，與組友之間的合作、同學的鼓勵…令我們覺得贏與敗都不重要。那這一段美好的回憶，是在甚麼地方可以得到呢？

籃球不一定是男孩子的運動，女孩子也可以打籃球。雖然很少女孩子喜愛打籃球，但是當你在在籃球場中，認識到一些愛打籃球的女孩，就會覺得十分開心。 [/hide]

作者: 麻生遙斗 時間: 08-11-11 08:39 PM

[hide=99999]

《中鋒的心得分享》－

　　香港高既人唔多，但係唔代表出唔到質素好既中鋒。

我諗我係香港都算高果一班，我192cm高，唔駛估都知我一定係打中鋒架啦！

開首，我想講一樣野先！我諗大部分既人打波一定係用身形黎衡量自己要打既

位置，而我就覺得只要你鐘意，都可以試下打，話唔定會打出好既成績添！

中鋒，比人既印象就係高，愈高愈好，矮仔就一定冇行。依種諗法就大錯特錯

，如果你真心想做中鋒，你一定會肯為自己目標進發，當然，如果你身形唔算

高，唔算大隻，咁當然要下下苦功啦。Ｅ．．？你地係咪想問下我做咩無啦啦

係到講依Ｄ離哂題既野．．？係咪想話我呃字數呢？其實我都只係唔想埋沒左

一Ｄ對自己有信心，本身有潛質做中鋒而未發掘既人才姐！

　　好啦，入正題先。我唔想講咩ＸＸ型中鋒，ＸＸ中鋒，因為依ｄ我認為唔

重要。要做一個好中鋒，就一定要鍛鍊自己，先從體質同技術講起啦<FONT
color=#4169e1 size=2>，首先，

一個中鋒特別不能缺乏既，係平衝力，爆發力，同埋下肢既肌肉。籃底就係

戰埸，所以要有一定既對抗性。另外，防守時都要保持良好既判斷力，要準確

定狠狠BLOCK落對手皮球上邊。(我講完依句野都覺得有少少問題XD)

無論攻或守，以上都係非常之重要。中鋒好多時候都有一個小毛病，就係唔願

郁。防守籃版唔願卡位，唔願跳，眼見對方搶左進攻籃版先肯黎郁，先防守？

太遲啦．．<FONT color=#4169e1
size=2>所以話籃版球，蓋<FONT color=#4169e1
size=2>火鍋，卡位等工作係非常重要，亦係中鋒一定要

識既野！依ｄ當然係要練啦，大家見ＮＢＡ既高手搶Ｄ籃版咁狼，ｂｌｏｃｋ

得咁應，卡位卡得咁穩固，撞都撞唔郁，其實唔係一朝一夕既事黎，背後一定

付出過唔少！

講完防守，咁中鋒係進攻

方面又可以有咩作為呢？進攻籃版當然要搶，因為當射手射出球後，全隊除左

寄望個波入唔入外，就係寄望於你依位中鋒搶唔搶到進攻籃版啦！（當然唔單

止中鋒可以搶）當射手做唔到野，嘗試去幫自己隊友PICK, 都係唔掂，依個時

候就係中鋒就要發威架啦．．！勾手，轉身ｊｕｍｐｓｈｏｔ，依ｄ都係中鋒

經常既進攻打法，並唔需要太花巧，做一個標準而穩定既中鋒就已經好好。對

於新手黎講，可能大家想知道一ｄ近代球壇上打得較出色既中鋒，對我黎講我

就推介O'Neal 同 Yao Ming,
當然蝦碌野係有，但係我覺得佢地依２位中鋒整

體黎講都好稱職。

　　其次，對新手黎講可能唔太清楚中鋒係球埸上既地位。中鋒好多時都係球

既核心，身形當然都佔少少因素啦。

波士氣一定會下降，但如果中鋒打番好個底，就好似為隊波打番支強心針，除

左得分，重要搶好籃球，保持冷靜，咁隊波就會以你為中心，對你有穩如泰山

既感覺。依個時候，隊友就可以自由發揮，無後顧之憂。點解我話要中鋒冷靜

呢？可能外界冇認真諗過依一方面，但係我就覺得都係重要既！你可能會話依

一點好廢，係人都要冷靜架啦．．係因為我認為身位一位中鋒，球隊既核心，

球埸上既樞鈕，一定要做個好榜樣比隊友睇。如果ＥＱ低，郁Ｄ就發火咁，隊

波重駛要既？依一點係我個人特別著重既．．！

　　總言而之，中鋒絕對唔會易過做其他位置，但係如果你有信心，有興趣既

，都應該從依一點而出發，唔好受其他因素而改變自己原來既想法！

　　　　　　　　　　　　　　　　　　　　　　　　　<FONT
color=black>以上均本人個人心得
[/hide]

作者: 四毛 時間: 08-11-15 12:43 AM

[hide=9999999999]大前鋒心得
前言:絕對原創

本人打波資歷唔多,才2年,,但都有d 經驗可同大家分享下..我本身178cm高, 係球隊中都算高= =成日打大前鋒同中鋒2個位
唔講廢話啦~~~

大前鋒在球場上主要職責:
進攻上:
　　由於大前擁有較高身材,在籃底禁區有一定的優勢,如果技術有一定水平,可運用單打得分,即使沒有得分,也能造成威脅,使防守方使用包夾,為隊友爭取空位射球。
　大前鋒先要搶位,在籃底範圍外(三秒區外)接應隊友傳波,接球後可選擇正面切入籃底上籃,或以強力運球BOOM 入籃底,若選擇BOOM IN籃底,姿勢很重要,首先坐低重心,以肩膀挨住防守球員,再強力運球向防守球員撞,此時控球手應遠離防守者且非控球手要護球,避免被偷波,如成功進入籃底便可上籃得分,不可耽誤太久,因為進攻3秒規則,無法得分便傳球,而當成功進入籃底單打冒亦有可能會有其他防守球員會進行協防,此時不要勉強再作單打,把球傳給有空位的外線隊友,即可射波取分。在籃底進攻應多使用假動作FAKE起防守者再上籃,或使用轉身轉換方向使防守者始料未及,再上籃得分。
　　大前鋒有比中鋒靈活既身體,雖然唔及細細粒既後衛,但在有空位時亦可中投得分,除非你係一個極度缺乏準繩度既球員啦,又或者可嘗試切入上籃,不過我不太建議大前鋒走籃太多或射太多,除非你係全能球手如KG.所以都係多在距離籃底既範圍進攻比較容易取分。
　　當然,作掩護是必須的,為後衛或小前鋒們作掩護讓他們有空位可以跳投或避開防守者上籃,記住作完掩護後要ROLL IN 以防進攻隊友被防守者追到時可替代進攻。
　
防守方面:
　　大前鋒防守工作上,一般以搶籃球,封蓋為主,因為佢地係呢方面的確佔左優勢!雖然中鋒都係做呢d野,當大前鋒絕對可以做埋呢d幫輕中鋒,尤其是搶板。
搶籃板:
重點係咩位,咩到好位個籃球70%係你架啦~ 球員一射波就即跑入籃底咩位,搶到好既位置時,兩腳兩手張開,AR住後面既球員,使自己既好位唔會比人霸左,最好位置大概是籃網前面小小位置,(其實好講經驗,睇射波個位同力度可估到個波飛去邊)霸到位後,望住個波飛去邊,去接波時記住維持咩位姿勢免被敵對球員搶球。
封蓋:
時機要準,勿亂跳起,尤其面對D好鍾意用假動作既對手,保持冷靜,判斷好有保握先跳
跳個陣切忌跳向防守球員正面,以免有傷亡啦,,向佢前右或前左跳,跳時伸手,重點係有把握先好跳,以及避免打到手被吹,通常面對高過自己都幾難封到,仲好容易打到手,我遍到呢D對手就會在他射波時FING手引開他注意力。

分享住咁多先,希望有用啦
[/hide]

作者: 吹水王 時間: 08-11-15 07:28 PM

只係一個建議如果下一次活動要競猜(好似上一次活動咁)答中的就加分一至(例如:10分全部都加10份)就唔好好似上次咁最先回復果3個答中加多d分,我覺得咁會好d囉...

作者: 問鼎天 時間: 08-11-15 08:34 PM 標題: 回復 6# 吹水王的帖子

你既建議好好
不過下次可以ＰＭ我講
多謝你

作者: 豪少=] 時間: 08-11-27 06:32 PM

[hide=999999]我自己個人覺得籃球係最好玩既球類運動，而且我打籃球都有五年了，技術也有一定的水平，我身高都有１８ｘｃｍ，我和自己朋友打開波，打開大前鋒位置，而我都分享一下我既打波啦，我個人覺得打波身高唔係一個問題，唔高既人可以靠個人技術黎嬴對手，個人球技方面，每一個動作都係好重要既，比賽個陣都會運用到。所以一Ｄ籃球既初學者基本既球技一定要練習得好。首先我覺得打籃球最重要就係控球既技巧，控球能力紮實既話，運球或姐傳球，射波等技術，都應該會有所進步。控緊波個陣要經常保持進攻既姿態，眼睛唔好望住個波，一定機會即刻進攻，但係唔好唔記得防守。第二，運球既步速唔好一樣，唔係好易比對手捉到路，時刻改變運用既方向同埋步速，先有好多機會超越防守去進攻打。而打開波既人，我自己打開大前同中鋒，籃底多數都係大前同中鋒既天下，有身高優勢的人，盡量使用背籃攻，利用身高的優勢去發動功勢。至於搶籃方面，首先如果有人上籃個陣，盡可能凸住佢個位，等佢冇咁易起跳，人地射波個陣，一定要望住個波唔好望人，個波一反彈個刻唔夠１秒已經要跳起搶籃，太慢太快都會導致眼白白睇住其他人拎左個波去。所以大家記住，打波唔係高佬玩哂，係靠個人技術既，時機記住練習，到打波個陣，有個高你成個頭既人同你打對家，你都唔使驚佢啦！[/hide]

作者: 尚慧-檸檬茶 時間: 08-12-4 05:04 PM

[hide=100000000000]《控球後衛的心得分享》

新手上路

我地好多時都聽到: 一個好的控球後衛會直接影響一支球隊。
有很強的個人能力不代表你有”穿” 起成隊波的能力, 而2者
比較, 以後者比較少。因此, 好多球隊都十分重視這一個位。

以下純屬個人經驗:

技術比例:

控球能力 – 不用質疑吧.
得分能力 – 不是主力這一點, 可有可無。
助攻能力 – 主要職責。

如果要做一個稱職的控衛, 了解各個隊友的特質是不可缺少的。
只有懂得隊友的擅長打法, 對於助攻方面也事半功倍。
當然, 隊友之間的默契, 往往會成為進攻時,一把鋒利的刀, 但這是
日子有功, 就好似了解一個人也需要一段時間慢慢磨合。

另外, 你必須要清楚知道自己的位置, 稱職的控衛都應做到以下:
1.控制進攻時間
      視乎你在領先定落後而作出調整, 好好睇清楚你既隊友
      既體力消耗, 如果贏緊一段距離既就應該拖延時間, 將節
      奏放慢吧, 如果在落後, 應該好好把握時間及每一次可以
      得分既機會, 球在你手, 決定亦在你手。

2.你是否進攻多過助攻
      好多時看到一些控衛有很強得分意識, 你必須知道你的位
      置, 應把組織放於等一位, 讓隊友在你手上接到一個有利的得分機會。

3.控球失誤
   一定要以穩定的方法去控每一球, 花巧野唔好做甘多了,
   一場球賽既Turn over數字往往也會成為勝負既關鍵。

4.比信息隊友
   每一次進攻, 場內9個人看著你, 包括自己4名隊友, 哪一個
   點最為有利只有你才看得清清楚楚, 比清析既指示隊友走位
   得起分上來都容易d。個隊友走到隻狗甘你都傳唔到個沒比
   佢, 既浪費時間, 又消耗體力。

5.練習機會
   如果無練過就有非常好既默契是不可能的, 認真地視每一次
   練習時間為一次實戰篇。練得越多, 技巧越熟稔。
機會往往只有電光火石一秒之間。所以每次練習要好認真。
初時多同隊友溝通, 慢慢地我相信眼神就是王道。

6.其他
至於防守能力和偷波能力因人而異吧, 只能說有好過無。

另外, 如果你能夠了解對方實力和打法更是百利而無一害, 不過這一
點比較難, 看你的天份而定吧。

以上只是個人意見。[/hide]

[ 本帖最後由尚慧-檸檬茶於 2009-1-9 10:57 AM 編輯 ]

歡迎光臨 2000FUN論壇 (https://www.2000fun.com/)