2000FUN論壇

標題: 紫國戰術方針的建議 [打印本頁]

作者: 由莉菲亞 時間: 08-11-23 11:02 AM 標題: 紫國戰術方針的建議

我覺得我地紫國打國戰實在太一盤散沙既感覺啦...完全沒有合作, 人與人之間配合少, 如果唔改善下, 真係幾難強得起黎, 以下想提出幾個重點, 我覺得先唔好分咩團或者咩部隊, 即使係街人也好, 如果人人都注意番呢幾樣野, 即使唔同團, 或街場都可以打出水準

戰士:
平時戰士互相支援太少, 戰術上, 可能有人會覺得, 戰士要係最前方並排推進, 但我覺得, 呢樣野好講戰士既質同量, 係紫國質同量都不及其他國既時候, 同人地用番相同戰術係冇意思, 我覺得我國既戰士應該多d嘗試由前線左右兩邊既邊線推進, 以敵方群體法師與戰士之間的空位為目的地突入, 可以有效將敵人陣形衝散, 同埋令敵陣既戰士被孤立入我方法師群中, 同時, 因為分隔開戰士同法師, 亦可以令我方刀遊更有效率清除法師

支援方面, 戰士之間應該多用吹飛, 但唔係濫用, 比如話, 兩方戰士對陣既時候, 通常如果你前方有一個盾戰封位既話, 你就係佢行緊既方向前少少放粉風吹走佢, 到佢再起番身, 已經失左位了, 當然, 更有技術既話, 可以嘗試暈佢, 前題係你要有信心唔好俾佢暈, 兩軍對陣, 邊一面前方盾戰首先死亡, 對陣形上就會造成一定破壞, 冇左盾戰, 整個戰線就會好自然被迫後退, 所以盾戰應該係用黎壓迫對方, 但前題係唔可以死, 而唔係自殺式壓線, 咁樣只會損失一個人頭, 亦令前線少一個戰士坐陣, 雙手戰方面, 可以跟隨盾戰從左右突入, 巨龍應用既時機應該係一群人中左大地後, 又或者係中左冰後, 最重要係, 盾戰暈左既人, 一定要佢死番城, 紫國實在太無集火意識, 暈左既人成日都近乎滿血番本陣

法師:
法師在前線時, 亦係壓線既重點, 我地可以留意到, 我國法師好多時都係自己打自己, 人與人間支援性極低, 更唔好講同戰士配合殺人...法師技能既使用時機, 比如話大冰, 大火 / 雷, 大冰應該係敵軍戰士向前壓果陣射出, 重點係, 我見我方法師, 好多時都冇乜人放大冰, 再唔係就係射失, 前線每一滴PW都相當重要, 大冰要射中既時機, 應該係就番敵軍戰士側跳既落地點, 因為佢要壓入黎, 佢多數就會有側跳, 唔需要急住射出去, 只求命中, 大火/雷既使用時機, 就係我方想推進既時候, 但兩方戰士對峙中, 兩訪都無法突入既時候, 法師既大火同雷就起到相當重要既作用, 因為係需要靠呢D技能去磨敵人既血, 當敵軍整體血量下降到一定水平果陣, 就可以全軍突進!

法師要多用冰冰住衝入黎既戰士, 唔可以俾敵人既戰士隨便又入又出, 一定要佢入得黎就死係度

遊俠:
如果大家有留意, 其實會發現, 我地死既人好多, 而當中又有好多係刀遊, 唔係佢地技術唔好, 而係刀遊本身並唔係前線職業, 即使俾你成功間殺一個, 但又會被後面既敵人一湧而上殺番, 咁樣一來一回亦都賺唔到咩, 刀遊係戰場上既位置, 應該係打遊擊, 出其不意先係刀遊既強項, 所以, 我地國既刀遊應該多嘗試遠離前線, 打一D遊擊位, 例如一開始, 其實唔一定要亂水, 可以嘗試組一隊刀遊隊, 去敵人一定會擴建既地方打擴工, 咁樣一來可以消滅對方3水, 二來可以有效阻止敵人擴建, 更重要既係, 擴工通常係獨來獨往, 你殺左佢之後就走人, 絕對安全, 刀遊打既位置應該係二線, 例如: 布羅F線既山上, 一隊刀遊打遊擊絕對有威力, 而且偷塔效率亦都好高, 應該有效利用刀遊自己既長處做出戰場上最大貢獻, 前線殺一兩個人頭只係小利

弓遊方面, 可以有兩種打法, 一種係跟住刀遊隊, 當刀遊殺唔到既時候, 弓遊亦可以補刀, 第二種係打前線用精準射敵方法師, 弓遊既主要用途係擾敵, 只要你令到對方講出一聲"妖, D弓手好煩", 咁你就係一個成功既弓遊, 前線貫骨需求量唔大, 其實壓線並唔需要貫骨, 貫骨既使用時機應該係撤退時先需要

希望大家睇完可以思考一下, 其實我地國打國戰時各職業之間既配合, 仍然有好大既進步空間

作者: 由莉菲亞 時間: 08-11-23 01:46 PM

第二個問題是戰術

現時fez各國大團普遍使用強壓主水既方法打國戰, 然而係而家既紫國, 戰同法數量不足既情況下, 個人技術有待改進既情況下, 如何與他國抗衡? 首先, 為補前線戰力不足, 應該多出召喚補充戰力, 強制敵方進行召喚戰, 前線應不斷補上死靈補助戰力, 死靈作戰時, 首要先開黑輔助友軍維持戰線, 其次係騎士方面既召喚, 係死靈出動後, 要以最快速度補上最少3騎保護死靈, 然後隨戰況敵方騎士數量增援適量騎士, 將戰況轉為主動出擊, 令對方陷入一直需要召喚騎士既狀況, 降低對方白兵戰既效率, 當戰線壓制順利以後, 騎士要不時巡邏敵方城堡同險要山道, 防止QML突襲, 維持優勢

因為紫國前線戰力並唔算好優秀, 所以我覺得, 應該左右兩線平均人數進軍, 然後再以不斷出死0增援緊急一方戰線, 另一邊戰線則推進拆塔

[ 本帖最後由由莉菲亞於 2008-11-23 01:52 PM 編輯 ]

作者: jin戰 時間: 08-11-23 02:00 PM

講得幾好不過實行既方案就冇乜

而且白兵實力薄弱問題有待改善

有戰術白兵唔夠打都係哂氣

作者: [GM]叮叮 時間: 08-11-23 04:08 PM

支持~

作者: 三爪痕 時間: 08-11-23 04:15 PM

果然可以用中國來形容

作者: jin戰 時間: 08-11-23 07:05 PM

原帖由 三爪痕 於 2008-11-23 04:15 PM 發表
果然可以用中國來形容

人海戰術?

作者: louissham 時間: 08-11-23 09:11 PM

原帖由 [GM]叮叮 於 2008-11-23 04:08 PM 發表
支持~

支持 X 2

作者: 勿忘草~ 時間: 08-11-23 09:20 PM

原帖由 [GM]叮叮 於 2008-11-23 04:08 PM 發表
支持~

第一次見叮叮係2000fun出現=.=

作者: 妖精 時間: 08-11-24 12:44 PM

返左fez幾日.....我見到既係...戰術當然有問題...
但基本既個人技術比以前更有問題....有很多時看到出錯或不安本份
時候我認個人技術比戰術更需要...因為戰術是建立於一群有個人技術和戰場意識既人身上
有人會認為個人術差d姐...但係有時係見到真係好多人"出錯"..唔單單係技術差@@"
個人觀點...有似大家都把戰術看得太重了.....但其實個人技術也很重要的

作者: 由莉菲亞 時間: 09-7-23 03:04 PM

推一推先-_-" 搵番哂以前D新手教學POST出來, 封哂塵-_-

作者: 龜仙人 時間: 09-7-23 07:38 PM

推舊文先@_@

作者: 新的一天 時間: 09-7-23 08:38 PM

盾戰暈左既人, 一定要佢死番城
好鐘意呢句。＿＿。＂＂／～～

作者: 紅孩子 時間: 09-7-23 08:54 PM

原帖由 新的一天 於 2009-7-23 08:38 PM 發表
盾戰暈左既人, 一定要佢死番城
好鐘意呢句。＿＿。＂＂／～～

一定要佢見到18秒3隻字

作者: Just優雅 時間: 09-7-23 11:34 PM

基本上
就咁睇你既觀點係冇錯

但你會唔會忽略左一樣野
我地紫國係人少好多好多倍

全紫國識打國戰+有實力既人
數埋數埋,真係唔多
maybe可以塞爆1個場
如果呢堆精英集中去打1個場
果個場贏面會好大

但係當紫國開左2-3個場既話
戰力唔多唔少都會被分散
但係希望你都明白一樣野
1個場,己方有一半以上新手or其他國介入
唔好話贏,輸半條已經好好彩

有時,timing唔岩
真係冇咩好怨

作者: Just優雅 時間: 09-7-23 11:35 PM

睇得出你都係為紫國盡心盡力的人
我地F團支持你