2000FUN論壇

標題: [原創] 弓遊講座 [打印本頁]

作者: samsam113 時間: 08-12-19 08:30 PM 標題: [原創] 弓遊講座

大家好,雖然題目係講座但係小弟自知未有資格去到可以去開"講座"呢個地步,更不要說可以"教"別人, 但...應朋友們的要求,多多少少在呢度發表一點點心得就好了,因為平時在server內通常都係打緊國戰,傾緊計,可能未必有時間或者答得夠詳盡,又怕自己會講少左某d野,所以就在這裡講好了

首先麻,技能逐一講解的部份就略過吧,大部份人都知弓遊有咩招,點用,點射用幾多pw之類,新手如果唔識去各大feZ討論區隨便搵搵都有一堆類似的文章,所以在此就容許小弟跳過呢一part啦

咁第一樣講的野,首先係幾個戰場上(國戰)的意識:

1: 弓遊絕不是單挑能手
弓遊的攻擊力不高人所共知,單挑對打,最多只能"磨"死對手,對上法師可能還好,1分鐘之內可解決掉吧,對上戰和刀遊可能一打就幾分鐘,對弓手的仲麻煩,大家互射攪來攪去可能成個字都分唔到勝負,所以建議大家如果對方血多過700就唔好浪費時間同對手紏纏(對手係法師除外),況且如果閣下係想屈傷上榜的,單挑所浪費的時候太多,會大大減低你屈到人傷的機會

2: 貫骨請盡量少用
貫骨呢一招.......好多人對佢又愛又恨,非弓遊的職日日都小貫骨遊.....我地係呢度暫且先不理其他職業的感受,只講使用的時機,貫骨使用的時機其實非常重要,但係在小弟眼中佢的用途只得一個,就係"救人",冇錯,就剩係得救人一個用途而已......屈傷我可以用箭雨/精準,壓線絕唔需要弓遊去沖前壓,所以請盡量盡量少用,最多有時用來保命都得的

3: 永遠同敵人保持距離
一個好的弓遊永遠唔會比對手埋身,而一個非常好的弓遊除左唔會比對手埋身之外仲識保持住你打到人而人地打唔到你的距離,粗略來講對單手戰離3-4個身位,對雙手戰就4-5個身位,對刀遊3-4身位,對法師就6-7個身位,咁對番弓遊呢?我會拉開到佢空襲岩岩射唔到我的地方再用飛鷹射佢!真實的距離感要大家多多上戰場體會,畢竟呢度講的只係大約的距離

4: 藍水唔慳得(保持穩定的攻擊輸出)
好簡單就如上面小題目所講,藍水唔可以慳,對面人越多請食得越大支,如果唔係就會pw到用時方恨少....因為成日坐地板會令輸出變低而且被cj的機會亦會被提高,所以記得要食藍水呀

5: 切記追殺同一目標時間太長
追殺冇血的敵人時,如閣下的眼界麻麻的話,建議唔好追太耐啦,因為你一直面向同一邊追一個敵人時,往往會忽略來自旁邊和後方對你的攻擊,好多時時追追下比人冰左/暈左先知咩事....咁點先為之追殺時間"太耐"呢? 容計我比一個簡單少少的定義,"4次攻擊"的時間,就係如果你追殺的目標在你發出4次攻擊之後你亦都打唔死佢或暫打唔中佢就好停手啦,到你再射第5箭,個追殺過程已經太耐,可能你已經成為其他人的目標啦

上次打完之後自己發現有不少遺漏的地方,以下就此補上,此篇要講的亦係比較進階一點的技術,希望對各中,老手都有用

1, 追殺技巧
要殺人,除左靠眼明手快之外,追殺的技巧亦都十分重要,面對逃跑的敵人有幾點係必需要注意的
首先在追殺的過程不能太心急,追殺時發的箭不論閣下用的係空襲又好,精準又好,甚至係飛鷹都好,請一發一發咁打出去,切忌連射,點解要一發一發咁射呢?原因好簡單,第一,連射會令閣下企定定唔郁(fez冇得邊行邊射,一射就要企定定),只要你一發打唔中,你同目標的距離就會被拉開,第二, 如果你第一發打down左對手,咁你第2發就必然落空,咁就晒左pw啦

另一個殺人小貼小,在追殺對手的過程中,如果對手快冇血的時候又比佢逃到崖邊跳左落去時,唔好以為會比佢走得甩,呢個時候請向崖邊來一發箭雨,雖然唔係萬試萬靈,但最少有一半機會得手

在要殺被冰實的對手時,建議大家見到冰人時,如對方血量比較多而你不能一擊殺死佢時,請先行觀察附近有冇我方戰士或法師,如果有的,請在冰人附近等一等, 等戰士或法師先落手,在佢預備出手的同時你就發強力,因為強力飛行速度比較慢,所以好多時都會係戰士法師先打到而之後才中強力......嘿嘿,換言之, 尾刀人頭就係你ga啦

2, 對戰篇
上次講得比較簡單,今次再講深入少少,在國戰時,對上敵方法師而你血又不多的時候..........
如果對手係新手法時......請參考番弓遊(上,下篇)
如果對手係老手法時......你在對方攻擊範圍之內時,對方法師都會好想用冰b冰住你,對應方法(唔得的請自行多多練習),向同一方向一直行,當然視點要看到該法師,當看到對方起手時,立即向後行一步再還擊.......看落好像好容易,但好看閣下的反應,如果你練到夠手快可以用強力來還擊,如果唔夠快就空襲,精準啦,我試過剩唔夠一百血,有冰法追我,比我用呢個方法打到追番佢番頭

3, 越"煩"越好
在戰場上,盡可能唔好成為被攻擊目標,當你知道自己已經被敵人看上了,就立即掉頭走,等佢追你,到佢一唔追番轉頭時,立即係立即轉身射佢屁股,到佢又要追你時你又再走....切記弓遊唔需要硬拚,就算對手係弓遊都一樣,我地唔係要玩cso,射中唔會爆頭的,煩住對手已經好足夠,但要做到最煩的境界係...........引人注意你(好像同之前講的有d矛盾),引人打你追你又要走,追你唔到番轉頭又射佢屁股聊佢先至係"煩"的最高境界

4, 高傷秘法
唔知各位點樣定義高傷,幾多為之高我都唔知,但如果想高傷,首先,在開戰前請先準備3樣野,
1) 攻b/攻c石
2) pw重生石
3) pw最大限上升石
裝晒呢3樣野先出去打,上到場之後,請放棄使用空襲(太低攻),毒箭(唔易中,改版之後另計), 再練好強力同飛鷹的準繩度,主力請用精準,人多先用箭雨,仲有就係好重要的,唔好死太多次.........
就係咁簡單而已.......絕冇任何特別之處...........

以上的希望幫到各中,老手弓遊,雖然並唔係咩秘技或者咩高超的技巧亦可能好多人都識
但呢幾篇都係想比唔識或唔知的人看,所以........打得唔好唔好來鬧我@@

***想到再更新,謝謝收看***

[ 本帖最後由 samsam113 於 2009-3-31 10:47 PM 編輯 ]

[ 本帖最後由細路@Feather 於 11-3-15 10:23 PM 編輯 ]

作者: adfer 時間: 08-12-19 09:36 PM

一放入心得區就無人回啦,人的心態真係奇妙@@

作者: 三爪痕 時間: 08-12-20 07:44 AM

原帖由 adfer 於 2008-12-19 09:36 PM 發表
一放入心得區就無人回啦,人的心態真係奇妙@@

心得本來就是分享
預左....

作者: kit817 時間: 08-12-21 11:09 PM

太正了這心得

作者: s與神同行s 時間: 08-12-27 11:09 AM

我回牙@@

支持你

作者: samsam113 時間: 09-3-28 10:51 AM

推番上去比未看的人看好了

作者: KG06 時間: 09-3-31 05:36 PM

多謝sam哥心得！
支持支持！

下篇呢@O@

作者: vader3304 時間: 09-4-2 08:06 PM

正野多謝分享

作者: Kathy=) 時間: 09-5-22 11:05 AM

貫骨出得實在太慢..
次次都救唔到自己都算..
仲要搞到冇晒pw..
繼而俾盾戰暈左..
之後就一大堆sm技orz....

作者: hello1100 時間: 09-5-24 06:45 PM

感謝!!!!!

由13死0殺變7死7殺la~~~~

作者: abc952 時間: 09-6-29 11:24 PM

幫推幫推幫推幫推

作者: alan2174 時間: 09-7-1 08:07 PM

多謝呀

仲有冇多D同我地分享??可唔可以仔細D教下點用弓遊....因為我係新手唔多識用...

作者: 血的淚痕~ 時間: 09-7-13 05:21 AM

多謝你, 令我對呢隻game 冇咁多"汗"了...

作者: key_s 時間: 10-1-22 08:44 PM

THX FOR YOUR SHARING

作者: ktvre 時間: 10-1-25 05:23 PM

thx...大大的心得太正了

作者: a011893 時間: 10-1-25 06:45 PM

弓遊感覺上呃傷好鬼易但係我玩落去好似好難掌握想放技汁雞就冇PW囧

作者: woshigui 時間: 10-1-25 07:10 PM

好正!!!!

作者: 132764 時間: 10-4-18 03:10 PM

成日都見貫骨救人不過係救敵人

D弓手當招貫骨一按就即中哂人咁,佢招貫骨打得中人地果下想救果件唔死都重傷,反而自己友準備哂請人地食果d大技就比一招貫骨ko哂

作者: 精銳狂戰士 時間: 10-11-4 01:21 AM

成日見開前線畀人怒小嘅都係弓遊, 搞到而家戰場好少弓遊, 呢度我幫弓遊辯護下先

無可否認, 有d人係抵畀人插, 但我經驗係有d時候其實唔係弓遊嘅錯, 點解咁講?大家都知打online game其他玩家嘅行動喺自己熒幕睇到多小會有d延遲, 再加上弓遊兩招大招, 箭雨同貫骨, 出招都相對較慢, 有時唔係我有心cut你技/救敵人, 而係我實在唔知你諗住放冰d, 出左招收唔番, 我見到你招冰到左我招箭雨先到, 我自己都會覺得可惜

我用過弓遊, 當時自己經驗係: 1. 唔打主線無戰士護會死得好快, 2. 打主線好易食技
而當我用轉玩戰士之後, 我發現我最憎弓遊用火箭同貫骨, 反而唔驚精準/飛鷹, 因為打中都唔痛
而一般戰線最多係戰士, 所以我覺得改版改到而家弓遊最有用係火箭同貫骨, 而當然精準打法師, 掃刀, 飛鷹追殺都重要
之前都有post講過, 弓遊每一招都畀人小過, 但其實每一招都有佢用途, 係睇時機同用者嘅意識

頭先講話貫骨係弓遊最有用嘅招之一, 同樓主講嘅有d唔同, 我覺得貫骨唔止救人咁簡單, 仲有壓線同協助殺人
可能你會話:「痴線, 用弓遊壓線, 唔好玩啦」, 當然, 正常情況係唔可以咁做, 咩叫唔正常情況, 就係當前線戰士唔知點解唔見晒(即係死晒)或者對面用人海戰術, 你肯定條戰線壓唔住時用黎拖延時間等援軍, 特別係講緊d橋頭/峽谷等險要位. 條數好易計, 你打飛左幾件, 佢地要成2-3秒先企得番起身加埋向後飛左一段路要再跑過, 你一招足足為條戰線爭取左差唔多5秒, 而當你出左2-3招之後對面d戰士就會心裏咒罵你, 爽!!
至於協助殺人, 呢個要講d經驗同技術啦, 主線見到暈肉同冰肉, 而對方仲有相當血量, 請唔好蓋戰士技, 位置好嘅, 準備貫骨瞄住佢後面d救兵(所以話要講經驗, 亦要睇位置, 你要確保唔會打到舊肉), 少兩個救兵, 睇住佢孤立無援畀隊友圍死嘅感覺比親手隊冚佢更爽快(奸笑)

其實想做有用嘅弓遊, 最緊要係兩點, 1. 唔好低攻蓋傷, 2. 善用技能, 對自己嘅判斷有信心, 唔好因為見到好多傻仔畀人鬧9貫9燒就搞到你咩招都唔敢出

作者: su5083 時間: 11-5-7 07:50 PM

牛老豆所講ge條件都做足ge話,禁果個弓遊就可以由下忍升級做中忍la

作者: 莉莉斯7.7 時間: 11-5-13 06:24 AM

很抱歉, 以下的回復是不中看, 不友善的
因為我認為你的這編"講座"有一定的錯誤
也可能會讓人對弓遊的定位有一定的誤解
我的本職是弓遊, 本身也很喜歡弓遊的設定
但是眼見場上大部分玩家都如你所說 "精準為主力"
這樣根本發揮不到弓遊應有的實力
而又剛好被我看到這個"講座", 我都忍不住要認真反駁你了
字海注意

1: 弓遊絕不是單挑能手
這點我是同意的, 弓遊的定位的確不是單挑
不過,
>>唔好浪費時間同對手紏纏
what? 唔好浪費時間?
你認為與不與對方紏纏是單方面決定?
好了,
就算你決定不與對方紏纏, 那你會怎樣做? 背住敵人走?
那對方又會怎樣做? 他會配會你"唔好浪費時間同對手紏纏"的想法而掉頭走?
>>(對手係法師除外)
對手是法師又怎樣?
雖然遊俠的設定上是相剋法師
但是因為對手是法師, 所以就可以"浪費時間同對手紏纏"?

2: 貫骨請盡量少用
這點我也同意, 但是你講解得十分不清楚
>>貫骨使用的時機其實非常重要
沒錯, 使用的時機是很重要
但是如此重要的部份你竟然無作出任何說明?
然後你提出"貫骨的用途只是救人"
貫骨的吹飛距離是很遠很大, 眼中只有"救人"的話, 這招是相當合適
但是弓遊的責任只是救人嗎?
貫骨需要76pw 出招時間又慢, 當友方被集火的時候你來得給救嗎?
你叫人盡量少用, 但無說原因, 用意何在?

3: 永遠同敵人保持距離
>>一個好的弓遊永遠唔會比對手埋身
那戰場上的弓遊大概都是好的了, 你也不需要開這個"講座"
你提到"保持距離",
那如果對方一直推前, 你就一直退後? 你身邊的隊友大概會想哭
>>我會拉開到佢空襲岩岩射唔到我的地方再用飛鷹射佢
那你的位置一定站到超後, 除了飛鷹箭雨外其他技能都打不到人吧?

4: 藍水唔慳得
這點我也同意, 不過
>>成日坐地板會令輸出變低
請問這是什麼理論?
坐下回pw的時間需要多久?
>>而且被cj的機會亦會被提高
你不會掃隱啊?

5: 切記追殺同一目標時間太長
>>咁點先為之追殺時間"太耐"呢? 容計我比一個簡單少少的定義,"4次攻擊"的時間
"4次攻擊的時間", 是什麼攻擊呢? 貫骨?
戰場上不可預期的事太多,
有點經驗的玩家都可以先確定四周的威脅再作出行動
我比較好奇, "4次攻擊的時間" 你是怎樣定義出來?

1, 追殺技巧
>>請一發一發咁打出去,切忌連射
我想你大概是無用過空襲
>>如果你第一發打down左對手
對方倒地的時候你不會拉近距離?

2, 對戰篇
>>當看到對方起手時,立即向後行一步再還擊
弓遊的性能都被你浪費了, 試問你知道弓遊的特點和優勢嗎?

3, 越"煩"越好
不予置評

4, 高傷秘法
>>請放棄使用空襲(太低攻)
太低攻? 弓遊是高輸出單位嗎? 試問你知道弓遊的特點和優勢嗎?
你有無留意該技能攻擊力以外的因素?
這是弓遊最有代表性的技能之一, 你卻叫人放棄?
試問你知道弓遊的特點和優勢嗎?
>>毒箭(唔易中,改版之後另計)
技術問題, 毒箭的dot 40x4 每4秒1次, 你知道這個dot的用意嗎?
試問你知道弓遊的特點和優勢嗎?
>>主力請用精準
精準? 別教壞人好嗎? 請問精準的優點和特性? 為什麼要用精準為主力?
試問你知道弓遊的特點和優勢嗎?
因為易打中? 請問你的精準打人扣多少? 精準的蓋傷率有多高你知嗎?
>>我地唔係要玩cso
對, 但是你提倡主力用精準, 這比cso還要低能, 弓遊的性能都被你浪費了
試問你知道弓遊的特點和優勢嗎?

>>以上的希望幫到各中,老手弓遊
很可惜, 大概不會對中,老手有幫助
雖然我不知你對中,老手的定義如何,
但我已經可以確定你不是, 也許你玩fez是有一段時間
你有用心去想過這個遊戲的設定嗎?

作者: samsam113 時間: 11-5-13 06:48 PM

原帖由 莉莉斯7.7 於 11-5-13 06:24 AM 發表
很抱歉, 以下的回復是不中看, 不友善的
因為我認為你的這編"講座"有一定的錯誤
也可能會讓人對弓遊的定位有一定的誤解
我的本職是弓遊, 本身也很喜歡弓遊的設定
但是眼見場上大部分玩家都如你所說 "精準為主力"
...

多謝你看晒而且有心回覆, 承言有d資料已經過時了.......呢偏文已經係我08年12月的時候打,有好多之後領會到的野都冇寫落去了
貫骨的部份的確唔太update,因為寫果時果版同而家太大出入,連都改左n次,呢度的看看當參考入門的就好

不過看番你的回文
有些少為反而反的感覺
例如:
>>成日坐地板會令輸出變低
請問這是什麼理論?
坐下回pw的時間需要多久?
>>而且被cj的機會亦會被提高
你不會掃隱啊?

一場坐一次當然唔會晒你幾多時間,但一場入面坐n次就會浪費好多時間
當然掃隱梗係需要啦,但再神都唔會掃得晒(特別係主線人多太混亂的時候),為左避免成為目標,當然唔好成日坐,有消點解唔用盡佢,我係場場都差唔多用晒d消的人(用唔晒下場唔會加多d比你,用唔晒係你浪費左而已)

>>主力請用精準
精準? 別教壞人好嗎? 請問精準的優點和特性? 為什麼要用精準為主力?
試問你知道弓遊的特點和優勢嗎?
因為易打中? 請問你的精準打人扣多少? 精準的蓋傷率有多高你知嗎?

倒轉問你,精準有咩特性,點解要用精準?
易打中係比新手看的,易打中的特點亦都係比新手盡快識應弓遊的玩法
但背後的實際意義係"貫穿",即係一發可以打中超過一個人,亦即係可以用最少的pw帶來多個複數的傷害,得一個敵人的時候用精準當然冇乜效率,但一堆敵人的時候用精準就相當有效率而且亦唔係其他弓技可以比美

仲有就係;
>>唔好浪費時間同對手紏纏
what? 唔好浪費時間?
你認為與不與對方紏纏是單方面決定?
好了,
就算你決定不與對方紏纏, 那你會怎樣做? 背住敵人走?
那對方又會怎樣做? 他會配會你"唔好浪費時間同對手紏纏"的想法而掉頭走?
>>(對手係法師除外)
對手是法師又怎樣?
雖然遊俠的設定上是相剋法師
但是因為對手是法師, 所以就可以"浪費時間同對手紏纏"?

唔紏纏當然唔係單方面決定啦,但你要調頭走入自己人堆,唔通佢一樣會紏纏你而沖入人堆? 佢當然唔會配合我的想法,但你可以用好多方法"迫"佢走或者令佢放棄追你 (唔駛下下講到咁明掛@@)
對手係法師的時候當然係要盡量以擊殺佢為目標啦,你呢個為反而反我看唔出你想表達的意義何在
蓋傷我講過n次啦,如果你一定要驚蓋傷的,你大可以玩戰士,冰暈看準來打或唔打呢d已經係基本知識, 要怕就咩招都唔好出,因為就算你用強力都一樣唔夠高攻

總括而上,你問我知唔知道遊戲入面弓遊的設定係咩,我唔知你的答案,我比我下面的簡短答案你
弓遊職責同設定係磨血,克制法師,掃隱,打群體戰,在戰士背後盡量輸出同埋小量狀態技附助(以前可能需要多d,但有槍遊之後,附助的地位減低左)

不如你又分享下你的心得,總比為反而反有point

[ 本帖最後由 samsam113 於 11-5-13 06:53 PM 編輯 ]

作者: a44144999 時間: 11-5-17 06:35 AM

原帖由 莉莉斯7.7 於 13-5-2011 06:24 AM 發表
很抱歉, 以下的回復是不中看, 不友善的
因為我認為你的這編"講座"有一定的錯誤
也可能會讓人對弓遊的定位有一定的誤解
我的本職是弓遊, 本身也很喜歡弓遊的設定
但是眼見場上大部分玩家都如你所說 "精準為主力"
...

冇記錯你係紫國人
我入綠國場打紫國就好大雨
唔知係咪你係到放雨

作者: 赫爾o﹏o囝。 時間: 11-6-26 03:39 PM

岩岩玩幫到我好多 THX

作者: waikin1017 時間: 11-8-5 06:31 PM

講得唔錯!比個like你

作者: 唯獨﹑恨 時間: 11-8-7 02:05 AM

弓遊...d技術我都係自學

作者: billie12345 時間: 11-12-12 09:08 PM

推推推!!!!!!!!!!

作者: waters147258 時間: 11-12-22 08:33 PM

thank you!

作者: sbsbkiki 時間: 12-1-31 09:31 PM

回覆 samsam113 的帖子

謝謝分享!!!!!!!!!!

作者: tinarboy 時間: 12-2-7 08:49 AM

歡迎光臨 2000FUN論壇 (https://www.2000fun.com/)