2000FUN論壇

標題: X救國行動X [打印本頁]

作者: 紫夜羅剎 時間: 08-12-24 11:10 AM 標題: X救國行動X

我係sev b se團既紫夜.

我唸依家sev b紅國既人都好清楚依家既紅國有好多好嚴重既問題出現.

我希望合sev後紅國可以聯手救國

亦係先給sev a既人預先知道合sev後可能會面對既嚴重問題

而本人只希望紅國可以回復式日佔地王的身份唔會再比人睇小

以下係有關問題:

1)內奸
a)內憂-這一個月以來有不小紅國低lv 係度坐水當然一些是真正既新手而一D就是外國既無間道..原因就係不論我方出合成...出騎出死0...對方都預先知道 ....有D就收水出騎打空氣收水出合成但去打前線....

b)外國人-不少外國人入紅國場打國戰不但收水出騎打空氣收水出合成但去打前線坐死你個水...而且通風報風,...

原因:紅國不夠人,呢一個係最重要既原因,因為就哩考試好多人都唔玩,令人口流失,攻擊力防禦力都減弱,當一個國家唔夠人壓就場場輸令本土既人都無心戀戰打到唔想打走去第個國家玩從而令人口持續流失,紅國最終只可以靠外緩打國戰踢得一個又踢唔哂全部低LV 不但變成唔夠人打仲會從而產生種種問題.

解決:合SEV後希望大家可以聯手唔好再令人口流失如果夠人打種種因素都可以解決

2)戰士不足
近一個月出現呢個嚴重問題,可能你會覺得你好勁你一個法師可以打十個戰
但我個人認為就算你點勁當敵方6雙戰4盾2冰法加埋遊衝既時侯就係真好難壓
紅國SEV B依家出現嚴重缺戰士既問題((其實已經唔係今時今日)
SEV B  6國每日都一排戰士壓線後方法師護+增加攻擊力,但往往紅國只有1-2個戰士在壓線 +十幾個法師..
但一埋身一冰一暈一壓好快就比人推進防線.
合SEV後希望可以大家聯手壓線增加戰士
我不要求合團但我希望各個大部隊的副隊隊長有聯繫
例如當某部隊壓左時右就要另一部隊幫防幫壓我相信只有一個部隊的能力係冇可能成事的
而且訓練小隊制度 TEAM左就聽指示常睇頻 .

3)分化
我知道紅國衰落好多人都好著急 ,有些人指揮國戰時什至用粗口鬧人等...或當人狗咁喝
但我覺得咁唔係一個辦法亦唔會解決到問題
我相信你比人鬧  你都唔會聽你廣只會令國家分化部隊爭執
如果係有心想贏既人一定會去聽如果冇心想贏既你鬧佢都冇用
如果有心想贏既比你鬧到佢冇心去打咁有咩為?
我希望各指揮官可以平心靜氣用平常方式給國民媾通唔好點名唔好粗口...
團結一至如果你落左指令有心打既人一定會做冇心打既你點佢名只會做成不滿無補於事

最後我希望果D紅國風光時就哩紅國大家柴娃娃打國戰開部隊佔地偷地
到紅國唔夠人手既時候仲要走左去第個國家幫人地打紅國國任
贏左紅國就係度話紅國廢既果班人

我希望你當合SEV後可以見番你地而唔係見人地風光就痴人地我地唔夠人就由我地死

我到今時今刻仲好懷念紅國大家一齊打國戰既日子 09:00部隊戰既日子 ...........

我從來唔覺得我紅國既人廢只係今時今日唔夠人手以至令到咁既結果

THX ALL A LOT!

[本人生係紅國人死係紅國鬼絕唔會做25仔幫其他人打自已國就算紅國救唔番我寧願唔玩都唔會轉國]
本句只是個人心底話絕不影射任何人有得罪之處請見諒

[ 本帖最後由紫夜羅剎於 2008-12-24 12:37 PM 編輯 ]

作者: lebox 時間: 08-12-24 11:37 AM

=.=你咁講紅國廢吾廢人地睇
= =第二轉國吾代表係25仔(因為我轉國有原因是買國商,由於新ac吾夠錢,星介轉吾到先打國戰來呃星介)
= =第三指揮幾好點做,你估d人會聽你講野?
= =第四係主水回hp經常出現,你估d人合作踢人走嗎?
= =第五合左ser可以出現罵戰~~大家有意見分其

0_0以上個人見解有什麼問題pm 搵我

月餅留字~~~

作者: 紫夜羅剎 時間: 08-12-24 11:50 AM

原帖由 lebox 於 2008-12-24 11:37 AM 發表
=.=你咁講紅國廢吾廢人地睇
= =第二轉國吾代表係25仔(因為我轉國有原因是買國商,由於新ac吾夠錢,星介轉吾到先打國戰來呃星介)
= =第三指揮幾好點做,你估d人會聽你講野?
= =第四係主水回hp經常出現,你估d人合作踢人 ...

估唔到咁快就有BAD REPLY

我出救國書純粹想大家同心協力古勵正想放棄既人並唔係要增加煩惱

紅國風光時有人敢話紅國廢嗎?
我唔係影射所有轉國人都係25仔但我唔希望你幫人已經算仲要彩多我地兩腳我覺得咁真係好冇人性

我唔係要人人都聽指揮官廣
我只想有心想贏既人肯去合作我唔係要人地答我 [你估我會聽UP廢話?]
我想既係 [大家不如討論下一陣點打]

我敢廣如果紅國夠人打部隊間有聯繫要踢坐水不給水的人不難

月餅你話我無聊又好咩都好我玩呢隻GAME好認真我對SE團每一個人都好關心在意
紅國死 =SE團死所以我會用我可以做到既能力盡力唔令紅國死
如果你唔幫我 OR唔想參與呢個救國行動我唔MIND 我地仍然係好國友
但我唔想令紅國志氣持續低落咁樣做冇意思

作者: V!RGO 時間: 08-12-24 11:51 AM

我覺得紅國成日內戰,互相罵黎罵去,不知所謂
又吾合作,我見過D人可以吹隻敵方合成去自己本城,無言
家陣既SER B紅國隨左偷地之外,你認為可以真真正正贏一塊地返黎咩?
你睇下其他國,幾齊心,隨時打少5個都打贏我地

作者: lebox 時間: 08-12-24 12:04 PM

原帖由 紫夜羅剎 於 2008-12-24 11:50 AM 發表

估唔到咁快就有BAD REPLY

我出救國書純粹想大家同心協力古勵正想放棄既人並唔係要增加煩惱

紅國風光時有人敢話紅國廢嗎?
我唔係影射所有轉國人都係25仔但我唔希望你幫人已經算仲要彩多我地兩腳 ...

=.=夜尿,吾好一句插過來好喎
@_@我吾會話人無聊,以我玩咁耐直到我走左一個月後回來,好明顯係不停下降中d人
水工係不停增加~指揮見到咁樣你估佢不想win嗎?咪是好多人都不聽
前線正慘~~壓住前面都係得佢1個,其他人都吾來幫,佢不停叫人來佢都吾來你又點~~~
佢心想又去送死嗎?大家不合作點打國戰都係死~~~~
出騎比人打到3xx都吾解果d正黑人增,解左在出咪算囉~~洗吾洗又送死呢
= =做飛龍正係識打傷,龍係可以做護都吾見有人做~~~
紅國比人睇來不能強大就是原因~~~

作者: 紫夜羅剎 時間: 08-12-24 12:07 PM

原帖由 V!RGO 於 2008-12-24 11:51 AM 發表
我覺得紅國成日內戰,互相罵黎罵去,不知所謂
又吾合作,我見過D人可以吹隻敵方合成去自己本城,無言
家陣既SER B紅國隨左偷地之外,你認為可以真真正正贏一塊地返黎咩?
你睇下其他國,幾齊心,隨時打少5個都打贏我地

V仔 = =正在合力解決呢D問題中...

齊心問題呢...我覺得係有關事但呢近得30人上線一場人都唔夠唔夠人點打唔通同外國人廣合作廣齊心?
我地SE團幾場守左右就比人破...唔夠人好難守地

作者: 紫夜羅剎 時間: 08-12-24 12:11 PM

原帖由 lebox 於 2008-12-24 12:04 PM 發表

=.=夜尿,吾好一句插過來好喎
@_@我吾會話人無聊,以我玩咁耐直到我走左一個月後回來,好明顯係不停下降中d人
水工係不停增加~指揮見到咁樣你估佢不想win嗎?咪是好多人都不聽
前線正慘~~壓住前面都係得佢1個,其他人 ...

我唔係插你=口=點敢姐....EEEE

下降中係事實我知道但原因都係人口流失

水工問題我以面廣左...唔係只有紅國人我地圍內識打既幾可會咁...

其實人人都想贏我都係果句有心既一定會聽

好似我地部隊月廣一聲一定有人聽(我當然唔敢擔保100%全世界人都聽)
但一定唔會[冇人聽]囉!
贏個個都想!但一定要大家比此合作咁散解決唔到問題

紅國不強...只係最近既事姐我地佔一半地果時 ...又唔見有人咁廣...

解決方法我就廣左...有心既人部隊可以同我地SE團一齊聯繫救國

[ 本帖最後由紫夜羅剎於 2008-12-24 12:13 PM 編輯 ]

作者: lebox 時間: 08-12-24 12:23 PM

原帖由 紫夜羅剎 於 2008-12-24 12:11 PM 發表

我唔係插你=口=點敢姐....EEEE

下降中係事實我知道但原因都係人口流失

水工問題我以面廣左...唔係只有紅國人我地圍內識打既幾可會咁...

其實人人都想贏我都係果句有心既一定會聽

好似我地 ...

=.="咁我都係路過算....因為我少左on啦
你地就比心機,合ser會否回不回來就吾知
-3-夜尿出賣我份力~~~紅國只中有你

作者: 三爪痕 時間: 08-12-24 12:30 PM

ser A O
sev A X
原PO改改字佢啦...

作者: 紫夜羅剎 時間: 08-12-24 12:32 PM

原帖由 lebox 於 2008-12-24 12:23 PM 發表

=.="咁我都係路過算....因為我少左on啦
你地就比心機,合ser會否回不回來就吾知
-3-夜尿出賣我份力~~~紅國只中有你

月餅T___T......................我掛住同你一齊坐水果陣

作者: 紫夜羅剎 時間: 08-12-24 12:33 PM

原帖由 三爪痕 於 2008-12-24 12:30 PM 發表
ser A O
sev A X
原PO改改字佢啦...

唔好意思呢個POST係關係SEV A同B 因為呢個係合SEV後方案

我唸你冇睇內容= =

作者: 三爪痕 時間: 08-12-24 12:34 PM

原帖由 紫夜羅剎 於 2008-12-24 12:33 PM 發表

唔好意思呢個POST係關係SEV A同B 因為呢個係合SEV後方案

我唸你冇睇內容= =

我只係諗錯字
無他

作者: lebox 時間: 08-12-24 12:36 PM

原帖由 紫夜羅剎 於 2008-12-24 12:33 PM 發表

唔好意思呢個POST係關係SEV A同B 因為呢個係合SEV後方案

我唸你冇睇內容= =

=0=佢講你打錯左字呀
係ser吾係sev

作者: 紫夜羅剎 時間: 08-12-24 12:36 PM

原帖由 lebox 於 2008-12-24 12:36 PM 發表

=0=佢講你打錯左字呀
係ser吾係sev

我向都係打SEV= =嘿嘿...我要改番嗎?

作者: 紫夜羅剎 時間: 08-12-24 12:37 PM

原帖由 三爪痕 於 2008-12-24 12:34 PM 發表

我只係諗錯字
無他

謝謝你@V@!

作者: 惡魔獵鷹 時間: 08-12-24 01:13 PM

感覺上紅國的戰士比較其他國....好像有點不足....
想要盾戰時無盾戰....想要雙手戰時又無雙手戰=.=

作者: 殺神小子 時間: 08-12-24 02:12 PM

原帖由 V!RGO 於 2008-12-24 11:51 AM 發表
我覺得紅國成日內戰,互相罵黎罵去,不知所謂
又吾合作,我見過D人可以吹隻敵方合成去自己本城,無言
家陣既SER B紅國隨左偷地之外,你認為可以真真正正贏一塊地返黎咩?
你睇下其他國,幾齊心,隨時打少5個都打贏我地

Ser A其實唔係好好多....
Ser A的紅國本身比其他國的人少,真係可以出團包個場都難
贏的場多數係開場時打多5個,敵方無人入,所以贏

當最簡單一個戰場有左右路,D人淨係去死一路,要另一路比人爆晒,先識去幫手(但係一去就去晒所有人,幫左呢面個面又爆返)
無人出騎的情況又係好嚴重,所以召喚獸係場上生存率好低

另一樣就係,D人鐘意屈傷上榜....殺幾個,死幾次,m幾2m傷,貢獻2,30,塔傷3,4百,可想而之全場淨係係度打傷...
有次有個人傷m幾上頭十,同我講上唔到榜就唔好咁多野講....但係我塔,人傷都羅a...擴塔都擴左好幾座....

所以希望到時合左ser,大家合作,可以有d激烈的國戰打下(唔係咀炮個隻激烈)
不過其他多人的國,會再多人,呢個情況一定存在....大家努力吧

作者: dunpen 時間: 08-12-24 02:35 PM

a ser紅國都要救國行動....

作者: hoho48777 時間: 08-12-24 04:21 PM

我路過架渣

作者: S!u-ka 時間: 08-12-24 04:35 PM

ASER戰士都麻麻地足夠..

作者: 殺神小子 時間: 08-12-24 06:14 PM

原帖由 dunpen 於 2008-12-24 02:35 PM 發表
a ser紅國都要救國行動....

27就快升晒三職40lol....咁得快架你

宜家無乜心機打國戰.....除非有團打的場

作者: FrIeeS 時間: 08-12-24 06:15 PM

我都係se團
黎推下先@_@

我有一個治標不治本ge方法就係...
發揮香港精神誓死不屈宣晒所有可以宣的地

作者: FrIeeS 時間: 08-12-24 06:28 PM

我諗我都要發表我的偉論!!
紅國咁樣
唔可以怪晒d士兵
因為....

我地國個領袖係獅子王 =口=
係野獸 = 無腦xd

派膠比我啦=]

作者: KA____YI 時間: 08-12-24 07:59 PM

um... 紫夜我回post啦 ~
以下是我部隊其中一員的說話,

「有無可能將有心留o係紅國打仗 ge 人收納o係一個部隊入面?
令大家可以齊心合力, 有組織, 有戰術地保護國土
雖然唔一定有成果, 唔一定會反敗為勝,
但我地可以一步步行出屬於我地紅國 ge 血路
好過一盤散沙咁俾人十面埋伏」

唔知尼個方案可唔可行,
但我認為, 與其有d 人都唔似想嬴咁, 得個坐水,
倒不如將一班有心之士結集起來啦 -0-

我都想紅國嬴 , 但e家真係就快輸到無心機玩 - -
我琴日到今日 - - 打既國戰場數唔多,
但只係嬴左5場, 當中紅國嬴既場只有3場 - - 當中2場仲要係sm場 ,
咁打機法, 真係好無癮!!!

紅國b ser 誓盟
夜笙

作者: 渡邊君 時間: 08-12-24 11:48 PM

橕紫夜@@

,紫紫你都可以攪9:00國戰團架ma-.-
,留個post先-_-
,岩岩上去玩左陣,場場都lose._.,
夜笙想法不錯-.-!ser b人日玩夜玩應該都有d默契-w-

作者: 渡邊君 時間: 08-12-24 11:50 PM

原帖由 FrIeeS 於 2008-12-24 06:28 PM 發表我地國個領袖係獅子王 =口=
係野獸 = 無腦xd

派膠比我啦=]

假膠確認-_-,無膠派

作者: kawah1111 時間: 08-12-25 12:46 AM

我自己都去左b ser 打多兩場....
時間大約係9~10點...講真....好得人驚...
先講一場...地點係希水...
我唔知邊位擴....但可以冇方針地亂擴...
上路既...去到b4停左....中間又擴到d5...下路可以擴到去f6...
但...一支at都冇.........

另一場,打庫水新場....只見se團好努力跑黎跑去守....
但....唔見曬d水工.... 到有水工啦...咁我出隻騎擴下啦.諗住...
d 水工....要我主動一隻一隻易先出水......

我先唔理識唔識打...戰場內,人人都會有自己既位置,發現人地壓得勁既,
點解唔試下第二條路,用多d人海戰去爆?!
另...水工...咁多時間...點解又唔自己主動d出水?
而且前線報位又不足,咁...點叫人去先?

以上問題,大家心入邊答左佢...慢慢諗下..可以對大家日後有一點點幫助吧!
而且..呢d都係個人意見,不喜請插!

作者: rexhlshum 時間: 08-12-25 03:26 AM

=.=
迫我出第1個post....
大家好，我係奈爾利斯

首先好多謝紫夜提出呢幾個大問題，好感激佢肯放下成見，對紅國咁有heart

其中紫夜既提議點都會出現可行性上既困難，例如: 指揮但冇人聽等
大家都知呢d 問題實會出現, 但係我相信紫夜提出呢d 建議唔係為左俾人ban, 而係希望大家可以諗下點樣克服呢d 困難。

以下係ser b既問題:

對於指揮上既問題:
紫夜提出既其實係我同佢之前大約傾過既成果。每個戰場訂立指揮官當然係最徹底控制整個局勢既方法。
但係之後我再思量過各種問題...問題係既然其實大家未必肯聽對方既指揮，又或者係未必個個都肯跟既話，倒不如大家反應迅速一點，要騎就搵人主動收水出騎，要守塔就派1-2隊人去守等等......因為我見過太多因為反應太慢以致被人拆下唔少塔既戰事。
實行方法: 例如需要守塔而在軍頻提出，各部隊便主動o係軍頻度提出「xx小隊正前往<pos> 守塔」，單位以5人1隊為準，如要支援再提出等等....

內奸既問題:
o係ser b裡面，呢個係一個比較嚴重既問題。太多非本國人o係紅國戰場裡面，由於我地國民既主動性不足，以致長期出現由他國人或唔熟識既低lv人士(係咪分身無從得知) 召喚死0 巨人甚至合成獸，但係佢地出召喚既目的並唔係幫紅國而係幫對面浪費我地既水。
所以我建議出水盡量出俾自己認識又對收水o個位有信心唔會搞事既人去擴/ 出召，當然惟有大家幫幫手一齊實行吧...

戰士不足既問題:
我留意到戰士玩家好灰，因為對面太多法，冇弓+法護戰士，令到戰士就算勇敢唔怕死....但係好似衝到去係俾對面一隊人淹沒既話...打得多都唔開心，放棄唔做戰士。
所以我認為其中一個原因係隊形既問題。如果我地冇一個清晰少少既隊形，例法+ 弓為追執雞而衝前而被對面隊伍衝擊，後果只有送死...
大家要熟習到有隊形既方法，就係各個部隊中行小隊制，如果冇部隊既又負責壓線就應該行返自己適當既位置幫手。
至於小隊制應該點樣分配職業...大家都應該有一定既概念，那我就不多說了。
希望呢個方法可以幫到各位戰士增加後戰線對前線既支援，放心d 壓線吧！

另外仲有各部隊既合作關係:
呢個問題我相信紫夜都知道我地o係10月既時候都向過貴隊隊長詢問過意見吧，只可惜當時大家(包括我隊成員)都可能未發覺「各自為政」既嚴重性，我地都冇再提起呢個問題直至現在。
我同意紫夜既提議，就係增強各部隊既聯繫，例如: 部隊同部隊之間互相協調一場戰之中分配職責
而職責既性質可以係唔同戰線既建立(a隊打左b隊打右) 或者係負責拆塔出召等等既工作。

以上係小弟針對紅國既問題而提出既一點點建議，當然可行性上並不是小弟一個努力就達到既目標，而希望大家可以提出存在既問題，同時加入更多既提議給大家討論以致達成同識。

小弟較低調，所以唔係咁為人熟識。但係我睇住紅國既強大至現在問題叢生以致衰弱不少，所以好希望大家可以一齊合作，重振昔日氣勢！

作者: pkedward222 時間: 08-12-25 03:28 AM

我也是生是紅國人死是紅國魂呢~~即使而家個膠活動好想儲套聖誕裝但我都唔會去別國,我要留在紅國守護它,雖然自問自己仲算係個新手....

b ser 戰狼狂想曲

岬静流字~

作者: kevin987654 時間: 08-12-25 10:05 AM

看見紫夜咁有heart我都題出一個解決方案:

現在紅國問題最主要是:

多左好多無人教既新手入紅國而之前老手又出走了，才導致今日的局面

經常發生一個副戰場，可以壓成十分鍾都壓不過去，但我一過去就壓得過

唔係話自己好勁，係因為太多法師、弓手都在打空氣才壓不過去

_______________________________________________________________________________________________________________________________

建議合併後重組團隊，另到有心打國戰的玩家聚在一起，希望可以達到50人以上一齊上線打國戰的大團

多玩訓練場，我自己既技術大都是玩訓練場學回來的，放地火學渡b、x草木x，雷a學燎嘯月等等

吸收其他玩家的技術是進步的捷徑，希望可以一星期最少打到三場訓練場

兩場可以互相pk，一場就大混戰就最好不過了

青黃不接才是現在最大的問題呢

若可以另到新手們大都有會玩的話紅國會打輸才怪

ps:現在那個乜春野聖誕活動攪到我都無心機打國戰，合併後我才會回來

[ 本帖最後由 kevin987654 於 2008-12-25 11:05 AM 編輯 ]

作者: 三爪痕 時間: 08-12-25 10:08 AM

原帖由 惡魔獵鷹 於 2008-12-24 01:13 PM 發表
感覺上紅國的戰士比較其他國....好像有點不足....
想要盾戰時無盾戰....想要雙手戰時又無雙手戰=.=

不過紅國都有團結的一面嘛
只要打本土就ok
場場激烈5050都有

作者: sennes 時間: 08-12-25 11:00 AM

講真紅國有咩問題我諗有打開既人都知,
但重點係, 有咩解決方法?

最直接既就係踢人。
雖然好多人都唔中意D大團踢走其他人, 比自己團既人入, (我係其中一個),
但係,
我覺得最低限度可以踢D 主水回血、水工出水自易、亂洗頻、10lv以下、掛機(唔只水工, 有D人係企o係粒水隔離唔出聲的) 的人。
(有時我坐水, 叫極XXX唔好主水回血都冇人理, 又唔夠5人踢, 結果佢回完就走開.....=____= )

至於解決其他問題...殘酷D講句, 都係要靠踢人解決,如果唔係你根本控制唔到有咩人o係到!!
當然, 唔係盲目踢既,
1. 踢D生面口, 少講野既
2. 踢外國優先, 不過外國既大團黎幫會歡迎, 因為起碼有得追究同埋下次可以有所警戒
3. 亂起野必踢
4. 靠睇: 例如津卡亂跳既人一律踢
5. 佬坑必踢 XDDDDDDDDDDDDDDDDDDD
以上, 第1同第2點, 我建議只係初期嚴厲執行,
等D人知道紅國場係唔可以亂黎,
禁佢地就會一係唔再入, 一係就乖乖打,
長期黎講就解決左以上既問題...~_~

雖然我自己是個極討厭大團亂踢人既人,
但, 既然係佢地自己先行搞到紅國國戰禁,
就不要怪我地有殺錯、冇放過既踢人政策,
我知道禁樣有機會令一D有heart打但係真新手既人流失,
但, 有得必有失, 如果"得"係大過"失"之時,
就請不要計較我們所"失"的東西了。

不過亦有可能是小的腦殘,
想不到其他解決方法,
所以, 有問題歡迎提出...

BY 戰狼一隻small potato.

作者: 三爪痕 時間: 08-12-25 11:00 AM

主水水工太多是各國都要關注的問題

作者: 乂細天 時間: 08-12-25 12:53 PM

- -唔該.....50vs50 ....你地睇下邊d人死得最多先.....(我就不嬲有睇開) 殺5死9次為左拎大傷叫勁...如果紅國d人仲係咁諗...想強睇怕好難...好似d 某某弓手咁...係邊個自己諗la 本人細ray

作者: 紫夜羅剎 時間: 08-12-25 07:17 PM

原帖由 FrIeeS 於 2008-12-24 06:15 PM 發表
我都係se團
黎推下先@_@

我有一個治標不治本ge方法就係...
發揮香港精神誓死不屈宣晒所有可以宣的地

=_=宣地係好事但要一齊打...

作者: 紫夜羅剎 時間: 08-12-25 07:19 PM

原帖由 KA____YI 於 2008-12-24 07:59 PM 發表
um... 紫夜我回post啦 ~
以下是我部隊其中一員的說話,

「有無可能將有心留o係紅國打仗 ge 人收納o係一個部隊入面?
令大家可以齊心合力, 有組織, 有戰術地保護國土
雖然唔一定有成果, 唔一定會反敗為勝,
但 ...

你個辦法唔係冇可能可以既話我想合sev前做就好似ser b既一個團咁
但真係好難做好多人對自已部隊好忠心而且又唔想轉扭扭另另...唉

作者: 紫夜羅剎 時間: 08-12-25 07:21 PM

原帖由 渡邊君 於 2008-12-24 11:48 PM 發表
橕紫夜@@ ,紫紫你都可以攪9:00國戰團架ma-.-
,留個post先-_-
,岩岩上去玩左陣,場場都lose._.,
夜笙想法不錯-.-!ser b人日玩夜玩應該都有d默契-w-

唔夠人唔知點攪....

作者: 紫夜羅剎 時間: 08-12-25 07:29 PM

原帖由 kawah1111 於 2008-12-25 12:46 AM 發表
我自己都去左b ser 打多兩場....
時間大約係9~10點...講真....好得人驚...
先講一場...地點係希水...
我唔知邊位擴....但可以冇方針地亂擴...
上路既...去到b4停左....中間又擴到d5...下路可以擴到去f6...
但.. ...

XD 我認得你你個頭好灰(?!)嫁xdxd
你可以留意下亂擴果堆係唔係外國人...or低lv....
唉=_=
出水自易問題= =係n年前既事...我唸冇咩可能解決而且好多人又唔廣收水哩做乜要幾多水浪費哂...

作者: 紫夜羅剎 時間: 08-12-25 07:50 PM

原帖由 rexhlshum 於 2008-12-25 03:26 AM 發表
=.=
迫我出第1個post....
大家好，我係奈爾利斯

首先好多謝紫夜提出呢幾個大問題，好感激佢肯放下成見，對紅國咁有heart

其中紫夜既提議點都會出現可行性上既困難，例如: 指揮但冇人聽等
大家都知呢d 問題 ...

THX 胡SO佬@V@

你第一廣既支援問題...我試過不停軍頻打支援<POS>之後係冇人哩= =爆爆看常常都為呢D件事感到好灰...

出水問題呢個真係要大家合作....幫手踢整死水既人

隊形方面..我都係覺得戰組成一排行後法師加強攻擊力冰法幫+強防禦力最後就係弓手暗遊幫殺但邊度搵咁多戰= =???
缺戰!!!!!!!-.-唉!

作者: 紫夜羅剎 時間: 08-12-25 07:53 PM

原帖由 pkedward222 於 2008-12-25 03:28 AM 發表
我也是生是紅國人死是紅國魂呢~~即使而家個膠活動好想儲套聖誕裝但我都唔會去別國,我要留在紅國守護它,雖然自問自己仲算係個新手....

b ser 戰狼狂想曲

岬静流字~

THX A lOT@@V
我都好想快d換到套聖誕衫但我都唔會換國=﹏=

作者: 渡邊君 時間: 08-12-25 07:58 PM

原帖由 紫夜羅剎 於 2008-12-25 07:50 PM 發表

THX 胡SO佬@V@

你第一廣既支援問題...我試過不停軍頻打支援之後係冇人哩= =爆爆看常常都為呢D件事感到好灰...

出水問題呢個真係要大家合作....幫手踢整死水既人

隊形方面..我都係覺得戰組成一排行後 ...

一個冰法,盾戰同雙手戰夠屈一d角落位打突擊了-.-
組隊作戰各人默契好重要-.-,至少唔好用亂咁破冰(組隊作戰比較岩係山卡拉位偷塔
5人一隊搵個做leader帶人,咁咪冇咁亂lor,起碼都有其他4個人來支援!-.-

[ 本帖最後由渡邊君於 2008-12-25 08:02 PM 編輯 ]

作者: 三爪痕 時間: 08-12-25 08:01 PM

原帖由 渡邊君 於 2008-12-25 07:58 PM 發表

一個冰法,盾戰同雙手戰夠屈一d角落位打突擊了-.-

應該係屈小跳啦....
(人家小跳->衝斬)

作者: 紫夜羅剎 時間: 08-12-25 08:02 PM

原帖由 sennes 於 2008-12-25 11:00 AM 發表
講真紅國有咩問題我諗有打開既人都知,
但重點係, 有咩解決方法?

最直接既就係踢人。
雖然好多人都唔中意D大團踢走其他人, 比自己團既人入, (我係其中一個),
但係,
我覺得最低限度可以踢D 主水回血、水工出水 ...

我覺得踢人方案不錯...
但有好多野要小心...
踢d生面口...可能係你生面口= =但其實好多人都識佢...唔出聲真係有d人好勁但唔多鍾意打字好似爆爆看咁
踢外國優先由其低lv....!!
亂起野必踢xdxd讚成
j津依家打到我唔識打= =..唉..以前j津冇可能輸的...依家攪到係要屈時間...
佬坑必踢讚成xd 我真係唔明呢條友唸乜= =囧

作者: 渡邊君 時間: 08-12-25 08:03 PM

原帖由 紫夜羅剎 於 2008-12-25 08:02 PM 發表

我覺得踢人方案不錯...
但有好多野要小心...
踢d生面口...可能係你生面口= =但其實好多人都識佢...唔出聲真係有d人好勁但唔多鍾意打字好似爆爆看咁
踢外國優先由其低lv....!!
亂起野必踢xdxd讚成
j津依家 ...

點解你地回得咁快.--!

作者: 紫夜羅剎 時間: 08-12-25 08:03 PM

原帖由 乂細天 於 2008-12-25 12:53 PM 發表
- -唔該.....50vs50 ....你地睇下邊d人死得最多先.....(我就不嬲有睇開) 殺5死9次為左拎大傷叫勁...如果紅國d人仲係咁諗...想強睇怕好難...好似d 某某弓手咁...係邊個自己諗la 本人細ray

why我知你廣緊邊個._.......嘿

作者: FrIeeS 時間: 08-12-25 10:45 PM

HALO EVERYBODY
今日好再大家聽講聽話
國任順利完成
我叫大家宣晒3塊地大家都有宣
唔錯
結果3塊地都嬴
唔錯

作者: kuzio 時間: 08-12-25 11:25 PM

原帖由 FrIeeS 於 2008-12-25 10:45 PM 發表
HALO EVERYBODY
今日好再大家聽講聽話
國任順利完成
我叫大家宣晒3塊地大家都有宣
唔錯
結果3塊地都嬴
唔錯

3場sm場- -?

作者: FrIeeS 時間: 08-12-25 11:30 PM

原帖由 kuzio 於 2008-12-25 11:25 PM 發表

3場sm場- -?

有1場係

作者: B2Ar 時間: 08-12-25 11:34 PM

b ser  紅國....唔好話戰士唔夠 - -'

                                             根本就連人都唔夠''

作者: Ｖiｖi〞 時間: 08-12-25 11:49 PM

^____^ 有心搞好國家是好的!
紅國朋友加油吧!!

其實b ser的紅國老手們很不錯
只係有時新手姐-3-;
講真b ser係咁架啦-___-; 又少人...
內奸呢個問題真係無可避免囧
藍國都有唔少- -;

希望合ser後大家有更好的表現xdd

作者: sennes 時間: 08-12-26 01:05 AM

原帖由 紫夜羅剎 於 2008-12-25 08:02 PM 發表
踢d生面口...可能係你生面口= =但其實好多人都識佢...唔出聲真係有d人好勁但唔多鍾意打字好似爆爆看咁

多謝-w-

呢樣又唔洗擔心..因為踢人要5個人踢, 5個人讚成先踢到 (聽聞
同埋我諗D街人都唔會有組織禁踢人啦...
紅國大團跟既話, 應該唔會踢錯沉默既人掛...@@

作者: 紫夜羅剎 時間: 08-12-26 02:13 AM

原帖由 B2Ar 於 2008-12-25 11:34 PM 發表
b ser  紅國....唔好話戰士唔夠 - -'

                                             根本就連人都唔夠''

應同...希望快d合ser 夠50人全紅國人已經好好...

作者: 紫夜羅剎 時間: 08-12-26 02:15 AM

原帖由 sennes 於 2008-12-26 01:05 AM 發表

多謝-w-

呢樣又唔洗擔心..因為踢人要5個人踢, 5個人讚成先踢到 (聽聞
同埋我諗D街人都唔會有組織禁踢人啦...
紅國大團跟既話, 應該唔會踢錯沉默既人掛...@@

今日有場有個3x lv全程掛水但我踢佢冇人投票..唉

作者: chihang☆ 時間: 08-12-26 02:17 AM

HI~~戰狼的chi恆.........
見到每一個團,每一個玩家都有不少為紅國著想的建議,有合團的,有解決方法的,有提議的...
但發唔發覺只在2000fun提出好似成效同效率不太大呢..
因為唔係個個都睇2000fun,同埋睇左又唔一定多出聲...
咁做咩唔一齊係呢個難得人人放假ge聖誕假期,搵一個大家都比較有空ge時間上去fez 會議室一次過傾好佢,甲定佢呢???咁樣唔係仲+快手??
我知道fez有好多都係做緊野or番緊學ge人....
咁so 不會選一日的夜晚,個個食完曬飯做好曬野咁之後一次過傾好佢呢...
咁不如就由小分提出一個時間....
27號~29號,3日時間大家甲定一個time去齊齊開個會啦~~
有意思ge人在回貼間時畀個時間出黎??可以嗎??

作者: sennes 時間: 08-12-26 12:24 PM

原帖由 紫夜羅剎 於 2008-12-26 02:15 AM 發表

今日有場有個3x lv全程掛水但我踢佢冇人投票..唉

<---成日踢主水回血, 但周圍D水工都唔踢....連投都冇得投orz"
唔....主要係團入面既人要好合作踢人....
不過我估合左ser之後會好D? 因為聽聞A ser 盛行踢人...
但就要等.....囧

原帖由 chihang☆ 於 2008-12-26 02:17 AM 發表
HI~~戰狼的chi恆.........
見到每一個團,每一個玩家都有不少為紅國著想的建議,有合團的,有解決方法的,有提議的...
但發唔發覺只在2000fun提出好似成效同效率不太大呢..
因為唔係個個都睇2000fun,同埋睇左又唔一定 ...

要約時間都係呢到約既姐~_~
我見每個大團都有幾個人會o係到出聲,
不如就每團約左之後再同同團既講,
然後偶爾就o係首都發下廣告啦...囧

個人認為27號晚會好D,
因為星期日唔洗番工, 傾耐少少都得-w-
時間....9點??

作者: -路比- 時間: 08-12-26 01:20 PM

其實紅國冇個團話到事係問題既中心~.~
昨天比人宣本土都冇團去守...

作者: FrIeeS 時間: 08-12-26 01:21 PM

原帖由 sennes 於 2008-12-26 12:24 PM 發表

唔洗於我
我要溫書
之番每日玩兩粒鍾左右-________-"

作者: 渡邊君 時間: 08-12-26 03:57 PM

原帖由 FrIeeS 於 2008-12-26 01:21 PM 發表

唔洗於我
我要溫書
之番每日玩兩粒鍾左右-________-"

小白努力._________.!

作者: FrIeeS 時間: 08-12-26 04:03 PM

紅國以家最廢唔算係合唔合作
以家都比以前聽講好多
但係問題係
大家都唔知自己個崗位係邊
好似原始咁
本身好地地左右都夠人打
但係下下就因為其中一邊(如左邊)輸少少
右邊死左果d就去左左邊
搞到右邊又唔夠壓
之後死番又去番右邊
左邊又唔夠壓

希望紅國人識得自己打開邊就去番邊
唔好成日明明夠打都唔識得去壓線

作者: 三爪痕 時間: 08-12-26 05:41 PM

原帖由 渡邊君 於 2008-12-26 03:57 PM 發表

小白努力._________.!

說回我的定位
應該是萬能平衡型吧...

作者: sennes 時間: 08-12-26 06:46 PM

原帖由 FrIeeS 於 2008-12-26 04:03 PM 發表
紅國以家最廢唔算係合唔合作
以家都比以前聽講好多
但係問題係
大家都唔知自己個崗位係邊
好似原始咁
本身好地地左右都夠人打
但係下下就因為其中一邊(如左邊)輸少少
右邊死左果d就去左左邊
搞到右邊又唔夠壓 ...

有少少難...~_~
因為有時某一邊真係唔夠壓...
唯有要求D人睇地圖, 睇下有冇人趕緊去....
有既話就去番另一邊
(不過呢個做法..好易死....因為你快人一步去到目的地時......冇人囧
<---成日比人SM死....

作者: FrIeeS 時間: 08-12-26 06:56 PM

都話自己打開邊就去番邊
特別個案例外
正常都係要確保每邊戰力平衡

作者: 三爪痕 時間: 08-12-26 07:44 PM

原帖由 FrIeeS 於 2008-12-26 06:56 PM 發表
都話自己打開邊就去番邊
特別個案例外
正常都係要確保每邊戰力平衡

重點:中央廚退散....

作者: ckcheong 時間: 08-12-26 08:41 PM

開少 d 團當幫忙啦 -. -
紅國本身已經少人
仲要十幾廿個團

作者: 渡邊君 時間: 08-12-26 08:53 PM

原帖由 sennes 於 2008-12-26 06:46 PM 發表

有少少難...~_~
因為有時某一邊真係唔夠壓...
唯有要求D人睇地圖, 睇下有冇人趕緊去....
有既話就去番另一邊
(不過呢個做法..好易死....因為你快人一步去到目的地時......冇人囧

如果由頭到尾都係組隊行動唔走散
,應該唔會得你一個人俾人sm掛...
係國戰中團與團之間都要有d溝通因為大家既行動/想法未必一致._.

作者: FrIeeS 時間: 08-12-26 08:58 PM

原帖由 ckcheong 於 2008-12-26 08:41 PM 發表
開少 d 團當幫忙啦 -. -
紅國本身已經少人
仲要十幾廿個團

ｂ　ｓｅｒ紅國都算少團了～＿～

作者: rexhlshum 時間: 08-12-27 01:12 AM

原帖由 FrIeeS 於 2008-12-25 10:45 PM 發表
HALO EVERYBODY
今日好再大家聽講聽話
國任順利完成
我叫大家宣晒3塊地大家都有宣
唔錯
結果3塊地都嬴
唔錯

是次宣3地既策略係各位有心既紅國人討論得出既成果
多得大家幫手

作者: sennes 時間: 08-12-27 01:20 AM

原帖由 rexhlshum 於 2008-12-27 01:12 AM 發表

是次宣3地既策略係各位有心既紅國人討論得出既成果
多得大家幫手

嘩...你禁夜先on既 (跑過吹水-.-|||||
你錯過左彩化黃國既片段喇XD

不過想深D...紅國e+黑暗極都冇比人洗本土, 太好了~_~

作者: rexhlshum 時間: 08-12-27 01:31 AM

原帖由 sennes 於 2008-12-27 01:20 AM 發表

嘩...你禁夜先on既 (跑過吹水-.-|||||
你錯過左彩化黃國既片段喇XD

不過想深D...紅國e+黑暗極都冇比人洗本土, 太好了~_~

我岩岩返黎....聽日仲要返工，唔敢online=.=

原帖由 -路比- 於 2008-12-26 01:20 PM 發表
其實紅國冇個團話到事係問題既中心~.~
昨天比人宣本土都冇團去守...

既然係紅國有呢個現象，倒不如唔需要有團話事，因為個人唔係咁同意團同團有高低之分。

只要係有心救紅國既，我唔介意同任何人嘗試合作。

原帖由 sennes 於 2008-12-26 06:46 PM 發表

有少少難...~_~
因為有時某一邊真係唔夠壓...
唯有要求D人睇地圖, 睇下有冇人趕緊去....
有既話就去番另一邊
(不過呢個做法..好易死....因為你快人一步去到目的地時......冇人囧

呢個問題....我之前個post有提過，就係嘗試下各部隊o係軍頻度提出自己部隊負責戰場上既職責例如負責左中右路或者係拆塔出召亂水等等責任，留一至二個小隊負責後援既工作(意思保住戰線等)
但係我諗到後勤隊伍可能好辛苦，要周圍撲=.= 所以大家諗唔諗到有咩改善方法?_?

[ 本帖最後由 rexhlshum 於 2008-12-27 01:34 AM 編輯 ]

作者: sennes 時間: 08-12-27 01:39 AM

但係呢樣又係難做到,
因為b ser 通常一開始得小貓5隻入到場,
如果一開始係2、30人以上的話,
禁先會傾得到............

作者: rexhlshum 時間: 08-12-27 02:03 AM

原帖由 sennes 於 2008-12-27 01:39 AM 發表
但係呢樣又係難做到,
因為b ser 通常一開始得小貓5隻入到場,
如果一開始係2、30人以上的話,
禁先會傾得到............

尋晚大家守地之前o係大陸都傾掂一齊入去，唔知呢個風氣keep唔keep到? 如果係一齊入去守地係做得到分配工作的......攻地就要諗諗...因為對面有時守地既反應都幾慢=.=

作者: amason 時間: 08-12-27 10:03 AM

其實大家該留意下，有人sos，如果得閒盡量去幫，有時打少５個真係好辛苦。

唔好再排d等１x　２x先入到個d場喇

[ 本帖最後由 amason 於 2008-12-27 10:05 AM 編輯 ]

作者: pigheart2000 時間: 08-12-27 01:00 PM

原帖由 FrIeeS 於 2008-12-26 04:03 PM 發表
紅國以家最廢唔算係合唔合作
以家都比以前聽講好多
但係問題係
大家都唔知自己個崗位係邊
好似原始咁
本身好地地左右都夠人打
但係下下就因為其中一邊(如左邊)輸少少
右邊死左果d就去左左邊
搞到右邊又唔夠壓 ...

首先呢，我十分讚成FrIeeS的見解
的而且確，紅國經常性地唔知道自己崗位o係邊度
o係主線定副線~~o係左定係右
只係見邊度無人就走去邊度，呢一點其實只會對敵人做成有利因素
慢慢、慢慢壓落去
其實o係呢方面除o左以「了解自己崗位」之外去解決之外
火使佢地經常提到o既「保命」亦都十分之重要
當本軍於左路損傷過大o既時候，左路o既朋友仔應該立即後退
唔好同敵軍過於交戰~應且戰且走，待本軍重生後再重整態勢再打過方為上策

而同一時間右路o既朋友仔應該繼續原有崗位
呢種方法係可以避免到人手錯配o既問題
當然，亦都需要一位指揮調動人手，靈活處理人手分配啦

==================================================(我係分隔線)

以下只係本人意見，大家可以參考/考慮一下︰

「知己知彼，百戰百勝，知己而不知彼一戰一敗，不知己不知彼百戰必殆」

職業不平衡呢一樣野已經唔係最近o既問題
雖然話正式改版之後法師唔會再咁惡，戰士可以再搏

但每場戰事之前好應該去了解一下敵方依家有幾多人
有幾多職業，而我地又o係呢一方面可以作出咩野調動
例如︰當發現敵國可行人數中有20個係法師
咁本國出發前係可以作出職業上o既調動例如加強弓/刀遊手o既人數
以防敵人大量法師圍攻d技而戰士慘遭sm
相信正宗紅國人入面好多都唔只係修一個職業
o係呢種情況之下，多職人事就可以幫輕一下

「明明我已晝夜無間踏著面前路，夢想中的彼岸為何還未到」

內奸呢個問題，最明顯就係當本軍要行合成，預定路線上突然有大量敵軍出現
或者我曾經見過有人入場收水收夠50就離場，再入場再收水再離場
或者白痴騎打空氣，白痴騎解冰(無心之失除外，自行判斷)
其實可行解決方法有二︰
(1). 戰場上，紅國人出召優先(龍就無計啦)，即係水工以同鄉為出水優先對象-
　　但呢個方法o既問題係，如果紅國人唔主動出召，就行唔通
(2). 出合成或出死0等重要召喚時，以團頻或隊頻互通，重要情報或需要少用軍頻以防二五仔通風
　　咁就可以盡量減低「未出合成，敵人已部署好去sm合成」o既情況出現

內奸o既問題最主要係各團收人o既時候唔好係人都收
呢樣好緊要，每個團都應該有收人o既條件
唔係淨係多出聲多上線，應該仲要留意埋對方o既等級，或者戰場上o既表現
最好收人o係20級以上，因為由1級升到20級o既過程
真係十分之悶人，上國戰賺唔到太多exp又易被打死，打mob又太悶
捱到呢關都應該係有心留o係紅國打的說

但最重要都係，留意一下團內有邊個係長期(個期點定，可以係一星期)唔上線
而且又o係lv 20留下，就唔該踢佢出團，最多佢返黎再話佢知咩事

改革每一個團o既機制同紀律係需要時間
「萬事起頭難」，但必須要有一個開始
每個團o既隊長同副隊都應該同團內有心人仕多d溝通聽下意見
去尋求一個好o既方向，好o既隊員係會俾到意見同支持隊內每一個合理決定的

「屈傷屈得合理，走佬走得興起」

最後，o個d咩解冰呀，暈人吹飛o個d我都唔多提，醒目o既紅國人好多都已經唔做呢d傻仔野俾人鬧
至於仲有做呢d野o既人，記住改喇~~
貫骨唔係唔俾用，戒都唔係唔俾戒，但真係要睇情況去決定用咩招
德蘭哥你用貫吹人落街我十分之buy~但亂用真係會令我地班法師好頭痛
戒人都俾，但唔好見盾戰/滿血戒完就走ya唔該
屈傷係俾，但唔該唔好掛住屈傷就走唔到佬，唔好為屈傷就蓋友軍攻擊
普攻係俾，但唔好用黎解冰或蓋傷

如果再見呢d情況，初犯警告，再犯再告，三犯踢ya唔該
新手都仲可以原諒，過25lv都仲係咁就真係火都會黎
每個團都好應該管教一下，見友團有類似情況都應該向友團高層反映事件以防再發生
當然，屢勸不改當然踢出團啦

多謝大家睇晒我打o既野，呢d都係我對紅國o既一點點意見
始終我一直都係打b ser紅國到依家都差唔多三個月
見到紅國又盛轉衰，見住好多人入國到依家好多人去晒黃國
當然我地唔可以阻止人，更唔可以怪人，佢地都有自由
但從本質上我地都應該反省一下自己o既問題去改進自己
就好似現實生活一樣，工作/學習面對o既問題都要思考同解決
fez係一隻不可多得o既online game，從中可以學到好多野
打機都可以學會同人溝通同管理o架
所以大家都要加油呢

9up完了~~多謝大家，大家也要努力
ScarletEnvoy，戰狼狂想曲，幻流魅影，尻狼300，誓盟等等等的各位
都要加油!!!紅國獅子萬歲(((投入打機才開心啊!!!)))

我係邊個??嘻嘻~~我只係戰狼座下一個小小法師..........

[ 本帖最後由 pigheart2000 於 2008-12-27 01:06 PM 編輯 ]

作者: FrIeeS 時間: 08-12-27 01:13 PM

9up完了~~多謝大家，大家也要努力
ScarletEnvoy，戰狼狂想曲，幻流魅影，尻狼300，誓盟等等等的各位
都要加油!!!紅國獅子萬歲(((投入打機才開心啊!!!)))

我係邊個??嘻嘻~~我只係戰狼座下一個小小法師..........

9up都up到咁耐強!

作者: Wingmiac 時間: 08-12-27 10:57 PM

你地講曬我啲野,但我仲可以推下個post!
by tima & 處刑人

作者: B2Ar 時間: 08-12-28 02:39 AM

原帖由 pigheart2000 於 2008-12-27 01:00 PM 發表

首先呢，我十分讚成FrIeeS的見解
的而且確，紅國經常性地唔知道自己崗位o係邊度
o係主線定副線~~o係左定係右
只係見邊度無人就走去邊度，呢一點其實只會對敵人做成有利因素
慢慢、慢慢壓落去
其實o係呢方面 ...

a____a
我場場都好主動出騎同巨\口/
但係成日唔小心破冰...so sad''
你d 9up神功都幾勁- -v
c子萬碎\口/

作者: 紫夜羅剎 時間: 08-12-29 09:26 AM

比人刪哂d post 真係o咀...唔通連2000fun都唔like我地紅國救國?

作者: 紫夜羅剎 時間: 08-12-29 09:28 AM

原帖由 chihang☆ 於 2008-12-26 02:17 AM 發表
HI~~戰狼的chi恆.........
見到每一個團,每一個玩家都有不少為紅國著想的建議,有合團的,有解決方法的,有提議的...
但發唔發覺只在2000fun提出好似成效同效率不太大呢..
因為唔係個個都睇2000fun,同埋睇左又唔一定 ...

讚成 add我 msn nonrabbit2001 hotmail的 =.=!我好有心去救國!!大家一齊加油!!

作者: 紫夜羅剎 時間: 08-12-29 09:32 AM

原帖由 -路比- 於 2008-12-26 01:20 PM 發表
其實紅國冇個團話到事係問題既中心~.~
昨天比人宣本土都冇團去守...

根本個個團都唔夠人又咁多自已開團一個團都未必上到30人唔通你叫佢地去送死...今時不同往日望就望合ser 人多d 可以令攻擊力上升

作者: FrIeeS 時間: 08-12-29 07:10 PM

原帖由 紫夜羅剎 於 2008-12-29 09:32 AM 發表

根本個個團都唔夠人又咁多自已開團一個團都未必上到30人唔通你叫佢地去送死...今時不同往日望就望合ser 人多d 可以令攻擊力上升

但
願
如
此

囧

作者: 紫夜羅剎 時間: 08-12-30 09:58 AM

原帖由 rexhlshum 於 2008-12-27 01:31 AM 發表

既然係紅國有呢個現象，倒不如唔需要有團話事，因為個人唔係咁同意團同團有高低之分。

只要係有心救紅國既，我唔介意同任何人嘗試合作。

同意....>_<!!!我想改變呢樣野好耐....將心比心呀!!

作者: 三爪痕 時間: 08-12-30 10:13 AM

原帖由 amason 於 2008-12-27 10:03 AM 發表
其實大家該留意下，有人sos，如果得閒盡量去幫，有時打少５個真係好辛苦。

唔好再排d等１x　２x先入到個d場喇

我係SER B等到我都悶哂都未有一場

作者: 紫夜羅剎 時間: 08-12-30 10:15 AM

尋晚同戰狼AND幻影既人開會
傾完
第一)戰狼人唔好介意...可能我好廢好垃圾你地睇我唔起亦唔想聽我9 UP= =
但我真係苦口婆心...希望大家唔好再串人了...咁樣冇結果的...串哩串去冇意思爆爆看廣得好岩
係戰場上多一個朋友好過多一個敵人...咁不但係為你地戰狼好亦係為國家好
((特別係呢個時間唔好以意用事)
我知你地好急好想大家贏但往往用錯方法用粗口去指揮人 -.-...咁樣只會令人更唔服你..冇意思的...
-﹏-衰D廣 SER B好多小朋友血氣方剛好唔激得...你同佢鬥咀不但哂時間
仲解決唔到問題...不如用一個比較有用既方法吧-_-..((不喜任插吧!))
((以上的當然不只針對戰狼尋晚既事件...紅國每個人都一樣阿@V@!))

第二)真係冇話邊個部隊去指揮哂成個紅國囉我覺得= =....
而且也好難...我都係覺得利C同我AND夜笙既方法不錯....部隊之間有聯絡互相合作...互補得失...

第三)我想大家廣下紅國依家仲有邊D長上常上既戰士希望佢地可以一齊壓線不論係邊個部隊....最好十個一齊行
後有冰法火法雷法弓手兩個
我廣我隊先
SE:天倉 amn 孫姬 tima 小俞(尋晚回歸) 片片(有時用戰士) 沙比(有時用戰士) 乜料小白艾利(有時用盾戰)此係我常見到的....

作者: 三爪痕 時間: 08-12-30 10:18 AM

原帖由 紫夜羅剎 於 2008-12-30 10:15 AM 發表
尋晚同戰狼AND幻影既人開會
傾完
第一)戰狼人唔好介意...可能我好廢好垃圾你地睇我唔起亦唔想聽我9 UP= =
但我真係苦口婆心...希望大家唔好再串人了...咁樣冇結果的...串哩串去冇意思爆爆看廣得好岩
係戰場 ...

SER B還在存在著反對打國任領土的理論

作者: 闇火 時間: 08-12-30 10:29 AM

紫姐姐開POST LA ,

支持下先 ~~~~~~~~

就係小戰同盾 , 我自己都開左隻盾玩 HEHE

[ 本帖最後由闇火於 2008-12-30 10:30 AM 編輯 ]

作者: 紫夜羅剎 時間: 08-12-30 11:24 AM

原帖由闇火於 2008-12-30 10:29 AM 發表
紫姐姐開POST LA ,

支持下先 ~~~~~~~~

就係小戰同盾 , 我自己都開左隻盾玩 HEHE

姐姐...叫我嗎= =?

其實我得13歲~嘿嘿

我好白痴玩極都唔勁= =唔想拖累人都係玩番熟手弓算..

作者: FrIeeS 時間: 08-12-30 11:39 AM

原帖由 紫夜羅剎 於 2008-12-30 11:24 AM 發表

姐姐...叫我嗎= =? 其實我得13歲~嘿嘿

我好白痴玩極都唔勁= =唔想拖累人都係玩番熟手弓算..

其實隱形你呢
將佢歲數左右掉轉就可以了
我都有諗過玩盾
但係太多AC- -
仲有我想升刀遊40先= =

作者: 紫夜羅剎 時間: 08-12-30 11:41 AM

原帖由 FrIeeS 於 2008-12-30 11:39 AM 發表

其實隱形你呢
將佢歲數左右掉轉就可以了
我都有諗過玩盾
但係太多AC- -
仲有我想升刀遊40先= =

呢個時間主張主力勁既職去守地@v@!!!

作者: 夢遙 時間: 08-12-30 01:39 PM

有d唔係好同意紫夜你講 [主力勁既職去守地]..........=.=
就算你幾勁都好,人地係好似大軍壓境咁衝哂過黎
我地.........小貓幾隻(太多人坐水 =.= 重要係掛水真係想死 )
重要係對面差唔多全部都係戰黎(後面重有幾個法同埋遊幫手)................
就算我地個個30幾lv
你覺得我地可以拖到佢地幾耐?.........

作者: FrIeeS 時間: 08-12-30 01:42 PM

原帖由夢遙於 2008-12-30 01:39 PM 發表
有d唔係好同意紫夜你講 [主力勁既職去守地]..........=.=
就算你幾勁都好,人地係好似大軍壓境咁衝哂過黎
我地.........小貓幾隻(太多人坐水 =.= 重要係掛水真係想死 )
重要係對面差唔多全部都係戰黎(後面重有幾 ...

等我話你知拖到幾耐
就係拖到你死為止

作者: 夢遙 時間: 08-12-30 01:47 PM

就係因為咁先冇人去守塔 =.=
得自己一個去守
唔洗10秒就已經比人地 sm死左 -.-
重要係死左都5知發生咩事.............. .__."

作者: FrIeeS 時間: 08-12-30 01:49 PM

原帖由夢遙於 2008-12-30 01:47 PM 發表
就係因為咁先冇人去守塔 =.=
得自己一個去守
唔洗10秒就已經比人地 sm死左 -.-
重要係死左都5知發生咩事.............. .__."

１０秒算好強
多數比人戒兩野／暈加３野重壓　收皮
過程無需６秒

作者: 傻豬;) 時間: 08-12-30 02:02 PM

呢排好似好轉左@@
我好記得尋日有一場打得我真係好開心...
我記得係打德難哥
出左兩條龍....
輸成條血都仲可以追到最後差少少..好少好少
只要唔死人就贏.....
果陣好鬼開心0.0
好耐冇見紅國咁.......
而家....有人爆塔..我叫幾聲都有人去....總算好了@@
我諗差少少既就係...d人去哂一邊....跟住第2邊有事d人又掛住打....
不過而家紅國真係改善左唔少...
只係夜晚中土幾乎係綠化同埋黃化-_-
朝早紅國唔差的.
紅國加油吧;)

作者: isaynothing 時間: 08-12-30 02:38 PM

希望你地真係分得出掛水同水工啦
唔好亂踢錯人
有ｄ水工真係唔講野，不過真係３水３水出５水５水出
有人要收水合理就會出
但係有ｄ都唔知叫係水工？水銀？
叫極收水出騎差幾多
係佢面前講２次以上
仲要主動易埋佢
佢可以按取消之後加句，唔該講用途同差幾多
我真係ｏ哂
至於高等做水工
ｅ個問題有時無可避免
B ser 紅國真係唔夠人
唔知真係低lv新手剩係低lv老手d分身
唔做水工係要去前線
剩下一堆低lv外國人做水工
咁你放唔放心得過?
佢地係要亂出合成死0巨人
一係就...唉..唔知點講
我寧願有個3xlv不過見慣見熟會出水水工好過

作者: 紫夜羅剎 時間: 08-12-30 02:43 PM

原帖由夢遙於 2008-12-30 01:39 PM 發表
有d唔係好同意紫夜你講 [主力勁既職去守地]..........=.=
就算你幾勁都好,人地係好似大軍壓境咁衝哂過黎
我地.........小貓幾隻(太多人坐水 =.= 重要係掛水真係想死 )
重要係對面差唔多全部都係戰黎(後面重有幾 ...

你誤會左我既意思= =
我既意思係例如我唔叻用戰士但我都用戰士去出戰而放棄用比較慣用既弓手咁只會成為大家既拖累((個人認為))
你可以睇番我地之前D POST
1)合SER後希望走左既人會番哩同埋可以同SER A既人合作
2)我地徵既戰士一齊行冰法係後護火雷法幫+攻擊弓遊幫打法師

唔好意思令你誤會我廣既野

作者: isaynothing 時間: 08-12-30 02:53 PM

早上B ser紅國真係打得幾好
可能對面都人少,人數差唔多,一樣都係乜色都有
不過晚上就唔知點講好
始終太散
各自為政
昨晚同綠國其中一場(唔知邊度,總之塊地中間有個環形山?)
佢地一開始強攻左路(真正國戰陣容?)
一堆戰(有幾個盾戰,幾個火法)
基本上連續俾佢地殺左十幾人
紅國係左路防守佢地又係戰士
不過人數差太大而且冇組織
之後有人叫法去幫
點知好似成十幾分鐘都只係得一兩個法去囧
紅國d戰係用自殺色攻擊咁去以命換命
最後果場其實只係輸唔係好多
如果真係較有組織
好多情況會逆轉

作者: 11819933 時間: 08-12-30 07:30 PM 標題: 回復 83# 紫夜羅剎的帖子

其實尋晚仲未傾完, 個會議室實在太亂, 同埋太夜喇, 個個走晒去訓, 我想提番以下既討論先後次序, 希大家有時間可以再傾:

首先大家傾下:
1.) 小組組隊;
2.) 國戰打法;
3.) 其他要注意既野;

1.)小組組隊
琴晚大至上傾左:
a) 如果可以既話, 係入戰場前(e.g攻人既時候)係國頻 / 團頻度傾左點組先; or
b) 唔得既話, 就入到場自己組人(組咩人都得);
c) 各小隊隊長用隊頻同軍頻講自己組打邊, 點打;
d) 各小隊隊員聽小隊隊長order;
e) 最理想係每場可以有3 - 6個小隊 (可以既話)
f) 突擊小組 / 死士

2.) 國戰打法
a) 擴地 (包括起侵);
b) 出召 (出騎先);
c) 爆塔同守塔

3.) 其他要注意既野
a) 護合成;
b) 水工出水;
c) 戰術運用;
d) 睇頻

仲有好多, 但係趕住出街, 遲d再講....

作者: 闇火 時間: 09-1-2 11:16 AM

其實...場場都有好多隊小隊,只係個D係自己FD組

自己國低lv (1lv-5lv) , 我希望你地去打塔仲好過做水工

最重要,開頭擴地,真係俾死一個擴左先

到左起完第3枝,就可以唔使甘多水工 <----e個先最重要

因為好多時起完第3枝,對面就開始多人壓過黎

同埋我想見到他國低LV一定要踢,原因-->唔好哂左個位,俾自己國仲好

同埋未有團的各位,如果見到有人話咩咩團去左邊,你地都可以根埋去幫手,唔好只上前線殺人,因為通常出聲去左/右,都係有目的地去拆野,多人D拆野好過多D人殺人

作者: 紫夜羅剎 時間: 09-1-2 02:48 PM

原帖由闇火於 2009-1-2 11:16 AM 發表
其實...場場都有好多隊小隊,只係個D係自己FD組

自己國低lv (1lv-5lv) , 我希望你地去打塔仲好過做水工

最重要,開頭擴地,真係俾死一個擴左先

到左起完第3枝,就可以唔使甘多水工唔好哂左個位,俾自己國仲好
...

呢排為左幫手我開番隻冰法哩玩

當我部隊冇人打時

我係團頻打組戰士一齊壓前線係冇人so我= =

到底大家真係有心一齊救國嗎= =?

作者: 三爪痕 時間: 09-1-2 03:03 PM

原帖由 11819933 於 2008-12-30 07:30 PM 發表
其實尋晚仲未傾完, 個會議室實在太亂, 同埋太夜喇, 個個走晒去訓, 我想提番以下既討論先後次序, 希大家有時間可以再傾:

首先大家傾下:
1.) 小組組隊;
2.) 國戰打法;
3.) 其他要注意既野;

1.)小組組隊
琴晚 ...

仲有睇地圖同立台既運用

歡迎光臨 2000FUN論壇 (https://www.2000fun.com/)