2000FUN論壇

標題: 女仔真係好記性 [打印本頁]

作者: 〝Ｋ．Ｃ◎可樂 時間: 09-1-14 10:52 PM 標題: 女仔真係好記性

首先更係要講講自己既來歷啦
我做既工作就係mtr附例執行
基本上大部份時間我既職責係捉飛...有俾人捉過都知咩事..一下就500
咁好啦...講返正題...話說當日東鐵線未正式公告學生半價既時候(08年5月左右)
我係尖東站做野..見到一個年約18-20歲(後知19歲既女仔)同一班相同年齡既男仔一齊..
本身就冇咩事既..不過個女仔到入閘前一刻先突然轉去買飛...咁就令到我同我班同事注意到佢啦
咁當佢買左張藍飛(半價飛)咁其中一個女同事就心知不妙..因為我既本意係..女權至上..由其靚女...
咁個女仔入閘後我已經用我最快速度閃去佢身邊...一見佢個樣我呆左...我個心想..the cup of my tea
我因為呆左果下...個主動權已經落左個女同事口上=.=因為習慣係邊個開口對話先..咁首次決定權就落左係果個人手上
好啦..咁我個女同事同個女仔講左幾句..我就立即行駛我果十萬二千轉高速腦部想幫個女仔..開口同個女仔對話搶個主動權
唔係我個腦快得濟定係我把口慢過頭我講野打晒結..一舊舊都唔知自己講緊咩=.=
好啦...當我問左個女仔拎左ID解釋左所有野既時候我本身就想講好啦呢次俾個機會你出去買返張飛..
點知果一刻我主管到場...放...............唔到...
咁我就同佢講而家要你交500蚊交唔交到等等既廢話..點知個女仔..d fd...立即拎俾佢...
咁我就同佢同主管一齊去車長室做野啦...入到去..個女仔就好乖問..呢個位我坐唔坐得ka
咁我主管就話呢個位本身就係諗住俾你坐既...
跟住主管就叫我個女同事開單啦...
個女仔就話啦..快d得唔得ka我班fd等緊我
咁我主管指住我個女同事就話快d啦人地班fd等緊..寫咁慢炒左你呀啦
跟住對住女仔講我同佢講左ka啦..
個女仔就話嗯我聽到啦..不過你唔好炒佢wor..
主管就話人地同你求情就唔炒你..拿拿聲寫啦..跟住女仔就話我有d口干有冇野飲?
好..我就好快手拎左杯水俾佢飲(清水)佢就好溫柔地講..唔該..
跟住..佢就問我..一陣係唔係要買過張飛?你可唔可以陪我買?
我主管就話啦..唔得ka..佢要做野..
個女仔話..咁不如你陪我啦..我驚又買錯..我主管話唔得ka我都要做野
當d野做好晒俾晒d單個女仔我就送走個女仔啦..個女仔就同我講下次見...(唔係拜拜)(記憶最深既一句)
好啦..事過8個月既今日..我放工既時候我經過某個站..突然有個女仔拍我個膀頭..喂左一聲
我好自然地望住佢..當時我真係唔認得佢我問佢..你係...
個女仔就話乜好多人走既時候同你講下次見ka咩..咁我就記得佢啦
佢問我收工啦..可唔可以俾你電話我..我上次唔記得問你拎..
咁我就話啦..唔得ka..我私人電話唔可以俾你..
佢就話咁你俾隻手我呀..佢寫左佢手提同個名俾我..話咁你可以既時候打俾我啦.我走啦..下次見

事件完

講真果句..如果我當初放左佢咁而家我就會打俾佢..不過..而家驚佢當我打俾佢後佢去公司投訴我...話我騷擾佢姐=.=如果唔係咁..我溝硬佢

作者: 火野亂太郎 時間: 09-1-14 11:31 PM

如果個個係我就好啦=口= 溝佢啦驚咩-,-""d人唔會特登過左咁多個月囉你電話之後話你騷擾佢-,-上啦

作者: 〝Ｋ．Ｃ◎可樂 時間: 09-1-14 11:33 PM

原帖由 火野亂太郎 於 2009-1-14 11:31 PM 發表
如果個個係我就好啦=口= 溝佢啦驚咩-,-""d人唔會特登過左咁多個月囉你電話之後話你騷擾佢-,-上啦

呢份工唔怕一萬只怕萬一=.="
有事上黎..次次都好大件事...上次有幾個同事一齊炒只係一個客投訴=.=

作者: maboroshi 時間: 09-1-14 11:40 PM

個女仔仲認得你即係對你有左深刻的印象

作者: 火野亂太郎 時間: 09-1-15 12:13 AM

原帖由 〝Ｋ．Ｃ◎可樂 於 2009-1-14 11:33 PM 發表

呢份工唔怕一萬只怕萬一=.="
有事上黎..次次都好大件事...上次有幾個同事一齊炒只係一個客投訴=.=

岩岩係公司囉左2張奇幻逆緣傳媒優先埸你打俾佢約佢出黎睇XD 如果佢去聽日俾埋d飛你 1月16號星期五 PM09:00

作者: 『恆』 時間: 09-1-15 10:53 AM

sd sms ,到時有晒紀錄,唔怕比人老屈

作者: 信徒yau 時間: 09-1-15 10:54 AM

樓上有財力支持

樓主去啦XDD

ps:但樓主你頭像.. 好似你已經有女朋友啦wo

作者: 東方．真龍 時間: 09-1-15 02:23 PM

行動吧

遲左唔好後悔

作者: cs4611259 時間: 09-1-15 04:29 PM

繼撞單車之後又一事件,原來呢個版e家好旺桃花運.

作者: 〝Ｋ．Ｃ◎可樂 時間: 09-1-15 09:39 PM

原帖由 信徒yau 於 2009-1-15 10:54 AM 發表
樓上有財力支持樓主去啦XDD

ps:但樓主你頭像.. 好似你已經有女朋友啦wo

果個名為二奶既生物同我共存左7年了=.=

作者: 〝Ｋ．Ｃ◎可樂 時間: 09-1-15 09:39 PM

原帖由 『恆』 於 2009-1-15 10:53 AM 發表
sd sms ,到時有晒紀錄,唔怕比人老屈

一樣..有咩分別=.=""

作者: 神風六合彩 時間: 09-1-15 09:53 PM

一個為女一係為份工

作者: 『恆』 時間: 09-1-15 10:54 PM

原帖由 〝Ｋ．Ｃ◎可樂 於 2009-1-15 09:39 PM 發表

一樣..有咩分別=.=""

sms你唔好講的變態野xd",同埋如果佢有回你既,大家傾計既紀錄向度,點算騷擾@_@

如果傾電話就話冇紀錄,任佢作都得a_a

作者: 信徒yau 時間: 09-1-15 11:55 PM

算啦~~~ 你唔要呢個電話!

我要!!

作者: 信徒yau 時間: 09-1-15 11:56 PM

原帖由 〝Ｋ．Ｃ◎可樂 於 2009-1-15 09:39 PM 發表

果個名為二奶既生物同我共存左7年了=.=

二奶-__-? 唔明

作者: 02306 時間: 09-1-16 07:16 PM

可惜....
如果個女仔係我杯茶
我會扮睇唔到
再行埋去問佢拎電話

作者: 〝Ｋ．Ｃ◎可樂 時間: 09-1-22 10:40 AM

原帖由 信徒yau 於 2009-1-15 11:56 PM 發表

二奶-__-? 唔明

想當年佢重係妹妹仔一名(佢小六定小五果時)既時候XD...我已經深知佢有潛質令男性對佢有過份著緊既能力..
所以當年就納佢為妾做我二奶XD就係咁...做左我7年二奶.....

作者: 〝Ｋ．Ｃ◎可樂 時間: 09-1-22 11:22 AM

原帖由 『恆』 於 2009-1-15 10:54 PM 發表

sms你唔好講的變態野xd",同埋如果佢有回你既,大家傾計既紀錄向度,點算騷擾@_@

如果傾電話就話冇紀錄,任佢作都得a_a

呢方面真係難左d wor..

作者: toto20 時間: 09-2-3 04:02 PM

講真有d似愛情小說

作者: biru729 時間: 09-2-3 05:36 PM

係有jj既就上啦!講咁多做咩!

作者: 鍋貼 時間: 09-2-4 03:32 PM

wo 打呢份幾著數啵不過個女仔咁都認你果下好野==

作者: 雲吞餃 時間: 09-2-6 11:57 PM

原帖由 〝Ｋ．Ｃ◎可樂 於 2009-1-22 10:40 AM 發表

想當年佢重係妹妹仔一名(佢小六定小五果時)既時候XD...我已經深知佢有潛質令男性對佢有過份著緊既能力..
所以當年就納佢為妾做我二奶XD就係咁...做左我7年二奶.....

姐係.....
sp=.=??

作者: 刀狂一拜仁 時間: 09-2-9 02:49 AM

原帖由 〝Ｋ．Ｃ◎可樂 於 2009-1-15 09:39 PM 發表

果個名為二奶既生物同我共存左7年了=.=

有得二奶就有正室
有得二奶就唔怕有三奶
去馬啦

唔得..我遲去到去地鐵見工先XD

作者: 串屎仔 時間: 09-2-10 11:13 PM

俾果幾隻唔起眼既數目字我等小弟為你代勞!!
我好好仔架

你放心LA

作者: ^小仙女^ 時間: 09-2-11 12:29 PM

其實樓主諗真小小的話～
點解一個女仔可以咁主動去問人拎電話呢　－　－
小心駛得萬年船，防人之心不可無。
上左先，萬事小心Ｄ　就可以。。哈哈！祝你好運

作者: 一般的人 時間: 09-2-18 05:21 PM

又一浪漫事

作者: suki20032003 時間: 09-2-18 08:59 PM

個女仔仲認得你即係對你有意思

歡迎光臨 2000FUN論壇 (https://www.2000fun.com/)