2000FUN論壇

標題: ●弓遊高傷,技巧心得● [打印本頁]

作者: lewis1991 時間: 09-1-18 05:56 AM 標題: ●弓遊高傷,技巧心得●

大家好,我玩左fez應該都有2個月左右,先後玩過火法,弓遊及最近開始玩的刀遊
火法不談了, 技術不太好,所以呢個心得都係講番弓遊吧(廢話)
不過已經有好多弓遊心得,但小弟都係心思思想自己打一篇
資料區果邊好少人睇,希望大家唔好介意我放係主版
小弟第一次打心得,希望弓遊高手們可以汁一汁,而且歡迎討論

弓遊,一個極全面既職業,職業定位好明顯,擾亂敵人,補尾刀,削弱敵方血量
而且弓遊用得好根本就冇職業相克呢回事,距離係你最強既武器,
就算你打唔死人,佢都打唔死你,你可以同佢周旋,佢打唔到你,放棄追擊,送多2個精準比佢(笑)

何謂高傷?小弟先下一個定義,每場上傷榜十大,應該也算高傷吧?
不過你要記住,每場裡面都會有人負責做水工,擴工,而已又有人唔係打哂100%時間
所以,人傷上十大並唔係同100個人鬥的,大約同60~80個人鬥吧,所以上傷榜一d都唔難

●◎●◎●◎●◎●◎●◎●◎●◎●◎●◎●◎●◎●◎●◎

衝傷技巧之章(廢話篇)

要高傷,我想大家準備2樣野
1,打80%以上時間
2,細紅,肉,細藍(有錢人鍾意就用中藍中紅or星水吧)

之後就係坐定定開始玩,並完成以下步驟0.0

步驟一用你最快既時間行到去最多人既戰線
步驟二主力用精準,多人就箭雨,專打法師同遊,其次先打戰士,死少D
步驟三不斷重複步驟二

恭起你完場果陣你會係傷榜見到自已個名
唔好以為我玩野,講真,要衝傷真係冇咩技巧可言..

弓遊有幾個技能都令我覺得佢係神技,箭雨,精準,飛鷹,強力,空襲

●◎●◎●◎●◎●◎●◎●◎●◎●◎●◎●◎●◎●◎●◎

技能應用之章

箭雨 - 傷害最大來源,首先要了解箭雨有三個特性 1,弓手最遠距離的技能(17步) 2,有硬直時間及廷遲時間 3,地形

應用技巧 - 預計敵人方向,打通道位(即法師前,戰士後的位置,因為法師會上前放法,戰士冇血會番戰線後)

唔講唔知,箭雨有一個好得意既地方,就係佢既法術維持時間有1s左右
姐係話,打通道位,可以令到走左入去既敵人都會中技,令到更多人中技能,
記憶當中,我放箭雨打中最多人既一次有7~8個人
而且通道位最好連放3下,敵人會被打中,果3下箭雨佢會食哂
放完之後立即行後,到戰線後坐低,回魔,再放
而且盡量打中2人以上,如果2個人都打唔中,你放精準算啦!哂pw!

精準 - 我最常用既技能,傷害第二大來源

應用技巧 - 因有貫穿特性,盡可能打中2個人以上,一個都冇所謂啦,最緊要打中

精準攻擊力低,所以戰士無必要都唔好打,幫法師斷技,幫刀遊現身吧
用精準,命中率起碼要有80%,同敵人周旋時,最好既技能
戰線少人時,箭雨又係打中2個,精準又係中2個,所以精準會係遊擊戰,最好既技能

飛鷹 - 汁雞神技

應用技巧 - 法師,弓遊放技既時候,會有1s左右硬直,就打佢一下吧,直線時,打2下

飛鷹係弓手第二遠既技能,16步,起手快,射速快!
當戰線剛開始果陣,法師都會係戰線開始時唱歌,唔好諗喇,
飛鷹狂射,禁到個mouse壞為止!
最有趣的是,法師們會行開之後再補血,再打佢2下!!
呢招萬試萬靈,另外當敵人走佬果陣,應該會有一陣係直線行,果陣記住打佢2下

強力 - 弓手攻擊力最高技能

應用技巧 - 敵人小跳時,打力禁落去!

強力我比較少用,多數都係打雙手戰果陣用,
雙手戰好得意,十個有8個都會小跳,而且佢地有痛楚克星
所以打中佢地都唔會跌低
另外就後打中左狀態既敵人,例如雲左同行得慢既人

空襲 - 無地形限制

應用技巧 - 打地形下既敵人,唔好打地形上既敵人

呢招我比較少用,多數用泥汁雞
攻擊力太低,只係高普攻7攻擊力囧

其他技能

其本上什麼火箭之類果d我都唔會用,故此不作心得

●◎●◎●◎●◎●◎●◎●◎●◎●◎●◎●◎●◎●◎●◎

汁雞技巧之章 - 呢篇有d難講,好講個人經驗,不過我盡量嘗試表達出泥

弓遊因為有距離呢個優勢,所以汁雞比任何職業更容易
如果你目的係汁人頭,一場汁10個唔難,但傷會好低

要汁雞,要眼明手快,留50pw打1/5hp(200)敵人
唔好心急,一下一下射,一定要打中,

1/5hp(200hp)or以下既敵人對應技能箭雨,精準,飛鷹,強力
少血既敵人會有以下情況

-小跳跌低之後-
佢會有2s無敵時間,記住,留番pw,唔好打!!之後佢會有95%再小跳一下,係佢跳既一剎那,用精準立即打落點
小血既話,可以用空襲,你會見到敵人比你凌空打死!

-跳崖-
放箭雨2下箭雨,50%以上佢走唔甩

-中距離至遠距離走佬敵人-
中距離(精準打唔中既距離)有pw就放2下箭雨,唔好同自已眼界鬥氣,唔好用飛鷹
遠距離(箭雨打唔中既距離)呢個真係最考技術,你得飛鷹,記住,當敵人走佬果陣,應該會有一陣係直線行,果陣記住打佢2下

-小血走緊佬既敵人但前面有一埋人擋住-
都係得箭雨同精準用,我會用精準,因為pw少,可以打多技下,多數都會中
箭雨用成36pw,打唔中佢就會走甩,用精準啦

-雲左,有一大堆痴線佬狂放技能打佢既人-
如果敵人雲左,短時間內會出現懲戒,地火,重壓一大堆變態技能
但係因為fez有蓋傷呢樣野,所以佢唔會1s就死
等佢得番少少血果陣,放飛鷹(因為起手快),呢個最睇彩數,係你既始終都係你既!

-走緊佬,無乜血,近距離敵人-
用精準一下一下咁打,呢種汁雞最易汁,唔好心急

-中左冰既敵人-
你要睇佢有幾多血,法師得,遊得200-300血既話,用強力破冰,再接精準,相信自已,佢唔會走得甩
如果佢多血,唔好破冰,等戰士,法師放大技既一剎那出強力,因為強力出得較慢,所以你會打中佢最後一下
另外,唔好行得太近,保持距離,唔好比佢打中就ok了

-當自已冇pw既時候-
別懷疑!!用普攻!!好多時敵人得番50hp,可能更少既時候
好多人仲係會用地火,巨龍等技能囧,但係因為佢地要等pw
所以冇咁快有得出,用普攻啦!
細細聲說:我用普攻汁雞既數目多到我都唔記得囧

●◎●◎●◎●◎●◎●◎●◎●◎●◎●◎●◎●◎●◎●◎

弓遊意識之章

-單挑篇-
弓遊冇短時間既高輸出,冇可能張多血既敵人短時間內打死
而且1 on 1只會哂你時間,再者弓遊既技能都冇加成
所以唔好理佢地,打多人既戰線吧!

-追擊篇-
弓遊已經有最大既武器,-距離-
如果係距離內都打唔死佢,別懷疑,佢已經走甩左
唔好行入敵方戰士群內

-少死篇-
保持自已血量700吧(我自己常常只有500血= =",不要學)
戰場上多數都會有主戰線同副戰線,
主戰線有好多大技,刀遊冇可能走到入泥,請放心
另外唔好比戰士同盾戰埋身,一泥到就要小跳
基本上,只要係已方戰士群內,小小心心,一場都唔會死超過2次

-中技篇-
如果你不幸地,比人中左大技,如雲技,cj,地火等等
做既野只有兩樣 1.瘋狂地按小跳 2.祈禱

-中冰篇-
好多人都會因為中左冰坐低,千其唔好!
有前輩同我講過,坐低比人打中第一次係會加多50%傷害
中左冰,我有一個習慣,不停向後小跳,呢招救左我好多次
仲有,當有敵方法師行近果陣,睇準佢起手果一下,用空襲斷佢技
另外,刀遊用毒蛇飛過泥既一剎那,用精準打飛佢

-輔助品篇-
我自已窮,所以我只會用細紅,細藍同肉
插石則個人起好,我只會插攻石
如果同大團打,而且高手雲集,都係插石啦
因為高手同高手之間既對戰,除左技術,就係裝備..

-保持狀態篇-
700hp就食藍水,500hp食紅水
盡量另自已維持食水狀態,充分利用時間
另外,係國力狀態條得番半行時,我有一個習慣
盡量用哂d消耗,食肉補血到800hp,就爆藍水

-破冰篇-
最好都係唔好啦,除非你用強力可以一至兩下打死佢就例外
如果唔係只會落得比人小既下場

-貫骨篇-
奇怪?點解貫骨唔係放係技能之章??
我玩左咁耐弓遊,貫骨用左唔夠十次!
基本上,我除左貪得意之外,我都唔會用,打中敵人又少
pw消耗又高,你用哂d pw仲用咩泥沖傷??普攻??

題外話,真係希望弓遊們除左救人都唔好貫骨..
你地打飛哂d人,蓋過哂d傷,損人不利已
問心,弓遊們腦殘貫骨,你地真係打到高傷咩??

●◎●◎●◎●◎●◎●◎●◎●◎●◎●◎●◎●◎●◎●◎

弓遊對戰之章

-戰士篇-
雙手戰,我都會用強力打,對方低lv既話還可以玩一陣
但係對住高lv,高手,都係唔同佢糾纏,你打佢唔死,佢都打唔死你

盾戰,要拉開距離,唔好比佢雲,認命啦!你打佢唔死..

-遊俠篇-
弓遊,似乎係裝備同技術之戰
一般泥講,打弓遊我會用精準,距離係剛好打中佢既距離
對方不外乎都係會用精準or空襲,留意,千其唔好小跳,面對老手只會比佢打中,就係咁簡單
走位方面,都係左右不定咁走,最多只好連射2下,因為你連射會有硬直,你只會比佢打中番你

刀遊
對住刀遊,有2個情況
1,你比佢cj左,再接殘技,or直接殘技
cj左一係就係死,一係就係唔死,如果佢cj左你接左破足,佢會冇pw,放貫骨,立即走,佢追唔到你!
如果佢接破武,請直線走,佢又係追唔到你,雙修遊既話,當佢換武硬直果陣,送佢貫骨!

2,你掃到佢出泥,精準啦,佢唔夠你打,佢只有一個下場,就係比你打到冇血之後就走..

-法師篇-
用精準,我唔想花太多時間講,如果你玩弓遊單挑法師都輸既話,唔該你轉第二個職業玩啦
我諗弓遊唔係太o岩你囧

最後我個人始終都係唔建議單挑,打法師則除便..

●◎●◎●◎●◎●◎●◎●◎●◎●◎●◎●◎●◎●◎●◎

總結之章(唔想睇上面d廢話直接睇呢到)

1,少死(唔好死多過2次)
2,打主戰線,於自已戰士群內
3,多用精準,少用貫骨
4,保持狀態,少食紅水,多食藍水,保持攻擊力輸出
5,保持距離,唔好追敵人太耐

最後送上影片轉巴哈
弓遊  22等  擊倒數3  死亡數1  給予人物傷害20k
http://zoome.jp/littlewing/diary/29/
弓遊  21等  擊倒數1  死亡數0  給予人物傷害25k
http://circle.zoome.jp/fez/media/734
http://zoome.jp/littlewing/diary/30  26k 23等了

●◎●◎●◎●◎●◎●◎●◎●◎●◎●◎●◎●◎●◎●◎

心得到目前為止都7788,如果再有心得就會補上,刀遊心得遲少少補上
基本上,我玩弓遊之前都參考過好多文章,可能會同某幾個大大既文有d相同,希望唔好介意^^"
唔知點解,我有個預感就係會比人鬧我只係識衝傷,or某d打到3萬傷,4萬傷,10萬傷之類既高手鬧
不過歡迎討論,小弟唔算高手,只想分享一下心得而已,我都知打國戰講求戰術,組織等等
好少打咁多字,上面可能會有d錯字or唔通順,希望大家唔好介意
打左好耐,希望大家可以比d意見,多謝收看^^"

[ 本帖最後由 lewis1991 於 2009-1-18 07:52 AM 編輯 ]

圖片附件: [送圖一張,好彩打出泥的,果場打幻影,冇插石,注意等級] 95123.JPG (09-1-18 05:56 AM, 210.53 KB) / 下載次數 93
https://www.2000fun.com/forum.php?mod=attachment&aid=MTM1OTUwfGNjN2IzMDdlfDE3Nzc2MjQ0MjR8MA%3D%3D

作者: 新手= 時間: 09-1-18 06:44 AM

500pw食紅水???
何來500pw- -

作者: 抵食 時間: 09-1-18 07:02 AM

點解遮住個名既=.=
不過我都知你係邊個

作者: lewis1991 時間: 09-1-18 07:04 AM

原帖由抵食於 2009-1-18 07:02 AM 發表
點解遮住個名既=.=
不過我都知你係邊個

@@"
唔想比人VIP,再者弓遊高手多,小弟未夠班比個名大家睇0.0

原帖由 新手= 於 2009-1-18 06:44 AM 發表
500pw食紅水???
何來500pw- -

打太多字了,有D錯難免,不過已修改

作者: 抵食 時間: 09-1-18 07:06 AM

原帖由 lewis1991 於 2009-1-18 07:04 AM 發表

@@"
唔想比人VIP,再者弓遊高手多,小弟未夠班比個名大家睇0.0

打太多字了,有D錯難免,不過已修改

比人vip先練到技術~~怕什麼
我都比人vip到傻

作者: iamsamuel 時間: 09-1-18 07:28 AM

高傷心得咪係9貫囉你都on99既

作者: dhkdhk 時間: 09-1-18 07:37 AM

弓遊高傷唔難
所以本人轉左一陣弓遊又轉返刀遊
因為真係好悶
係後面射射射汁汁汁

作者: ilovelvy45 時間: 09-1-18 08:34 AM

又學到野啦~~多謝樓主教路

作者: hanonkakai 時間: 09-1-18 09:16 AM

你個2萬係咪箭雨打出黎？
真係好難用箭雨以外既技打咁高傷又殺咁少人囧

完全唔同意你對貫骨既睇法...

貫骨可攻可守可執雞可截人...
睇你咩時候用...

例如你見到一個人同你水平平排...你向佢前方射貫骨...
咁佢就會彈後...追兵就可以黎KO佢...

就算係係佢後邊用貫骨，佢訓低起番身既時間都夠追兵追...

仲有，貫骨度位度得準...
可以飛起哂打算去支援冰住既人既敵人...而又唔吹飛冰左既人...

當然，有D無血既人入左人堆，可以貫骨殺埋...
無論係戰術同威力....貫骨都好正...
而且仲可以玩心理戰...就係不停令人飛起...
佢就會覺得你好Q煩...
弓遊打傷好易...但係套用某已唔玩既大大既名言：
當你作為一個弓手，令人覺得你好煩，你就成功啦...

至於蓋傷問題...無人叫你係兩軍交手當中用wo...
係應該未接觸就飛起佢地...

又或者係果群人係你貫骨前都唔會受到我方戰士法師攻擊...

對於我個人黎覺，我覺得弓手每一招都好有變化...

相反，我唔支持亂用箭雨...
知唔知招箭雨破冰仲黑人僧？
唔該各位弓手放箭雨既時候睇下你中既係咪雪條...

[ 本帖最後由 hanonkakai 於 2009-1-18 09:30 AM 編輯 ]

作者: 嗄? 時間: 09-1-18 10:05 AM

我係後援型弓遊.....
一般都用空襲飛鷹較多"

其實用空襲打高地既人.....
好睇果個高地視覺後面有無山.....
如果有山,個敵人又係斜坡附近
而精準又打唔中,又得幾個人.......
PW又得返DD.....
不過如果後面正好有座山~
你就可以有個射擊目標就位射上去
命中敵人既...~不過用唔用就睇個人變通啦
我覺地形方面都可以擅用.....
並唔係一見到一堆目標就箭雨亂掃....
我覺得咁用好無腦.....
基本上只係空襲同飛鷹用得好....
場場都可以打到1萬5/以上
有時都可以2萬- -額外例子另計
不過我既看家本領就唔show啦- -.........
比人插就無哂心情啦,你話係唔係先- -

[ 本帖最後由嗄? 於 2009-1-18 10:08 AM 編輯 ]

作者: kenken1116 時間: 09-1-18 10:17 AM

我中2用飛鷹+空襲屈死法c...
法c得番600血↓果陣...
好中2用小跳(雖然我都係..囧
捉佢小跳位,射到佢一仆低...到手了xdd
近小小就用空襲屈死

基本上唔食藍水全用箭雨都可以15k↑
不過全用箭雨一個字講哂....悶

作者: KaI七味粉 時間: 09-1-18 10:28 AM

屈傷好易- -"食藍水...放箭雨就對吧...別狂放貫骨- -"

作者: kit817 時間: 09-1-18 10:30 AM

厄傷最強-弓遊

作者: 由美妹 時間: 09-1-18 11:29 AM

我係新手弓遊
咩都5色-v-

作者: wildtony 時間: 09-1-18 11:40 AM

我認為最強既弓遊係....
1:見到敵人比人暈,而又有雙手戰/法師係附近,忍得住手唔出招
2:狂射法師 (cut佢大技)
3:多d射出隱遊狗

高傷唔等於你勁...到人地同你單打...
你先知自己原來係癈物...到時你接受唔到事實

作者: 三爪痕 時間: 09-1-18 12:33 PM

有視距離限制
唔用雷a
空襲係以拋物線射既

作者: ~聰明~ 時間: 09-1-18 12:41 PM

原帖由 wildtony 於 2009-1-18 11:40 AM 發表
我認為最強既弓遊係....
1:見到敵人比人暈,而又有雙手戰/法師係附近,忍得住手唔出招
2:狂射法師 (cut佢大技)
3:多d射出隱遊狗

高傷唔等於你勁...到人地同你單打...
你先知自己原來係癈物...到時你接受唔到事實 ...

我覺得你第1句應該改做
忍得住手,睇準時機係冇蓋傷情況下出強力
只要5蓋傷,點解5打??+速敵人回城時間有何不好

作者: ~聰明~ 時間: 09-1-18 12:56 PM

想對樓主對箭雨既距離作更正
只要係平地,飛鷹係最遠的,的確係16步
而箭雨,係第16步時,即飛鷹既最遠距離
係打5倒野,係平地既時候
我對箭雨係平地既距離感覺上係15步半
我既意思係,你測試箭雨既距離時不是在平地,導致測倒17步
由於箭雨冇視高低差,高地既時候箭雨緊係遠d

作者: reallyhihi 時間: 09-1-18 12:56 PM

火箭combo先係而家弓手既潮流

中者硬直大=火dot+強力小跳而跌低者會浮空=強力
即係點都硬食你一招強力

(痛剋戰士除外)))))
不過呃傷的話真係一招箭雨夠做由10lv呃到40lv都靠呢招

作者: lewis1991 時間: 09-1-18 01:30 PM

原帖由 hanonkakai 於 2009-1-18 09:16 AM 發表
你個2萬係咪箭雨打出黎？
真係好難用箭雨以外既技打咁高傷又殺咁少人囧

完全唔同意你對貫骨既睇法...

貫骨可攻可守可執雞可截人...
睇你咩時候用...

例如你見到一個人同你水平平排...你向佢前方射貫骨.. ...

果場應該係6成箭雨+4成精準,你可以留意到技能列裡面既技唔多
至於貫骨,其實我到左31?定30LV先學到,經驗太少,故不作心得
另外貫骨的確係一個幾有用既技能,我指1ON1,團戰,我都係建議救人為主
另外,煩的而且確係弓手應該做既事,當我對手得番戰士既話,我都會不停用精準射佢= ="
有時我都覺得自已幾討厭

原帖由 ~聰明~ 於 2009-1-18 12:56 PM 發表
想對樓主對箭雨既距離作更正
只要係平地,飛鷹係最遠的,的確係16步
而箭雨,係第16步時,即飛鷹既最遠距離
係打5倒野,係平地既時候
我對箭雨係平地既距離感覺上係15步半
我既意思係,你測試箭雨既距離時不是在平地, ...

這個其實我都唔係咁清楚,資料上既野我都係參考其他高手既文先知的..
不過當對手係16步距離直線移動的話箭雨的確係打唔中
飛鷹是中的,原因是飛鷹起手同射速都好快,反之箭雨會有施法時間,所以當你放箭雨果陣,敵人已經走到第18步

作者: 0050 時間: 09-1-18 01:33 PM

支持一下樓主xp
比人搞到想洗技

作者: 四四 時間: 09-1-18 01:41 PM

就係有樓主呢d咁既人教壞細路

弓手高傷好叻咩?
而家高人頭先係係戰場上有用,
我唔理你汁傷汁得幾勁都好, 你冇汁人頭咁就同新手冇咩分別

求其打場, 高傷中人頭

你係黃國就跟下d勁人學下野, 下下高傷只會令黃國變弱,
我強烈建議你學下黃箭士點汁人頭

[ 本帖最後由四四於 2009-1-18 01:43 PM 編輯 ]

作者: ~聰明~ 時間: 09-1-18 01:43 PM

原帖由 lewis1991 於 2009-1-18 01:30 PM 發表

果場應該係6成箭雨+4成精準,你可以留意到技能列裡面既技唔多
至於貫骨,其實我到左31?定30LV先學到,經驗太少,故不作心得
另外貫骨的確係一個幾有用既技能,我指1ON1,團戰,我都係建議救人為主
另外,煩的而且確係 ...

我測試係對怪...不是係國戰對人測試
就算人地不動,箭雨還是射不中
根據我自己對怪做測試
普攻/毒箭/蛛絲=10步
精準=11步
空襲/火箭=12步
箭雨=15步
飛鷹=16步
貫骨呢,因為本人未夠技點,所以未學到,也做不到測試
但就我平時對用飛鷹捉9貫佬既距離感覺
大概都係15步

作者: ~聰明~ 時間: 09-1-18 01:47 PM

原帖由四四於 2009-1-18 01:41 PM 發表
就係有樓主呢d咁既人教壞細路
弓手高傷好叻咩?
而家高人頭先係係戰場上有用,
我唔理你汁傷汁得幾勁都好, 你冇汁人頭咁就同新手冇咩分別
求其打場, 高傷中人頭
http://i131.photobucket.com/alb ...

如果你話高殺=有用
咁汁雞既技術,甚至係蓋傷補尾刀既技術
係米應該要有更多人作呢方面既心得??

弓手既人頭數,除非係用強力,否則本人都當作汁雞論
而不算是技術上殺人

作者: 0050 時間: 09-1-18 01:47 PM

有人挑機==

作者: lewis1991 時間: 09-1-18 01:59 PM

原帖由四四於 2009-1-18 01:41 PM 發表
就係有樓主呢d咁既人教壞細路
弓手高傷好叻咩?
而家高人頭先係係戰場上有用,
我唔理你汁傷汁得幾勁都好, 你冇汁人頭咁就同新手冇咩分別
求其打場, 高傷中人頭
http://i131.photobucket.com/alb ...

phi同黃箭士係黃國的確係弓遊高手中數一數二
在下未夠資格去評點,不過我都已經係衝傷篇用好少篇幅去講
不竟,衝傷的確冇咩特別技巧及方法,所以我用較多篇幅係技術上同資料上
希望大家都唔好掛住衝傷,而我自已汁人頭側係25↑打後先汁得到
自已個戰績殺人最高人數12 平均殺數好似3.9~4左右

作者: 四四 時間: 09-1-18 02:00 PM

原帖由 ~聰明~ 於 2009-1-18 01:47 PM 發表

如果你話高殺=有用
咁汁雞既技術,甚至係蓋傷補尾刀既技術
係米應該要有更多人作呢方面既心得??
弓手既人頭數,除非係用強力,否則本人都當作汁雞論
而不算是技術上殺人

戰場上高殺冇用, 唔係嘛

我話緊係高傷之剩仲要高殺, 咁先係一個弓手所做既野,
就咁高傷有用咩, 屈人堆破3萬傷有幾難

人地咪用多幾支紅水,
但係你殺左佢, 人地重新時間又多左, 你話邊方面有用?

作者: 四四 時間: 09-1-18 02:03 PM

原帖由 lewis1991 於 2009-1-18 01:59 PM 發表

phi同黃箭士係黃國的確係弓遊高手中數一數二
在下未夠資格去評點,不過我都已經係衝傷篇用好少篇幅去講
不竟,衝傷的確冇咩特別技巧及方法,所以我用較多篇幅係技術上同資料上
希望大家都唔好掛住衝傷,而我自已汁 ...

你改一改個標題吧, 我唔係有心話你, 不過眼見好多弓手都為左衝傷, 係戰場上變得冇咩意義
你編野寫得幾多架, 有得加分既話我會加

作者: 蜂蜜綠茶 時間: 09-1-18 02:11 PM

一睇就知你玩得唔耐..
竟然仲有弓手會用普攻
冰左既法師唔用火箭連技

作者: 三爪痕 時間: 09-1-18 02:13 PM

原帖由 0050 於 2009-1-18 01:47 PM 發表
有人挑機==

破冰方面我主張火箭破冰

作者: 鼻屎 時間: 09-1-18 02:42 PM

原帖由四四於 2009-1-18 01:41 PM 發表
就係有樓主呢d咁既人教壞細路
弓手高傷好叻咩?
而家高人頭先係係戰場上有用,
我唔理你汁傷汁得幾勁都好, 你冇汁人頭咁就同新手冇咩分別
求其打場, 高傷中人頭
http://i131.photobucket.com/alb ...

嘩~ 有人挑機

咦~ 我9貫都上埋鏡tim......

phi~你幾時cap架!? 你地攻方咁多人上左榜都輸既

作者: kevin987654 時間: 09-1-18 04:09 PM

教人用精準攪到d 丁丁打戰士都用精準，今日打戰士出地火連續四次都係精準蓋傷打到好灰

樓主教下d 人打戰士用狀態箭或強力好嗎

作者: lewis1991 時間: 09-1-18 06:13 PM

原帖由 kevin987654 於 2009-1-18 04:09 PM 發表
教人用精準攪到d 丁丁打戰士都用精準，今日打戰士出地火連續四次都係精準蓋傷打到好灰

樓主教下d 人打戰士用狀態箭或強力好嗎

原帖由 三爪痕 於 2009-1-18 02:13 PM 發表

破冰方面我主張火箭破冰

原帖由 蜂蜜綠茶 於 2009-1-18 02:11 PM 發表
一睇就知你玩得唔耐..
竟然仲有弓手會用普攻
冰左既法師唔用火箭連技

以上三位樓主都建設小弟用火箭連技,不過以小弟經驗,火箭傷害只有87,36×3(6s),而且仲要等dot去燒血..
小弟覺得太哂時間,你要等6s再先燒多108攻,倒不如,強力接精準打死佢,我主張打少血的法師,300血,2-3s內可以了結佢

另外,法師的火法地火真的好容易比人蓋傷,
小弟都玩過火法,衝高傷用多d 火b,呢個係黃國某高手教過小弟
多謝指教

作者: 血櫻之嫁 時間: 09-1-18 06:16 PM

不差,如果D弓手好像你禁打,D弓手唔會好像同敵人跑回城
現在的弓手好LIKE用又差又命中唔中
不如用精準加PW水打仲好

[ 本帖最後由血櫻之嫁於 2009-1-18 06:17 PM 編輯 ]

作者: Qoo記 時間: 09-1-18 06:28 PM

原帖由 wildtony 於 2009-1-18 11:40 AM 發表
我認為最強既弓遊係....
1:見到敵人比人暈,而又有雙手戰/法師係附近,忍得住手唔出招
2:狂射法師 (cut佢大技)
3:多d射出隱遊狗

高傷唔等於你勁...到人地同你單打...
你先知自己原來係癈物...到時你接受唔到事實 ...

接受唔到事實＝　＝
講到咁隱晦...
樓主都下分享者..

作者: 笨小陶 時間: 09-1-18 08:11 PM

支持你啦!不過唔係3星比唔到good..
加油!

作者: teakululu 時間: 09-1-18 08:25 PM

x_x…為何都以傷做目標…囧

作者: ~聰明~ 時間: 09-1-18 09:33 PM

原帖由 lewis1991 於 2009-1-18 06:13 PM 發表

以上三位樓主都建設小弟用火箭連技,不過以小弟經驗,火箭傷害只有87,36×3(6s),而且仲要等dot去燒血..
小弟覺得太哂時間,你要等6s再先燒多108攻,倒不如,強力接精準打死佢,我主張打少血的法師,300血,2-3s ...

冇人話火箭+強力後5可以用精準wo

你難保強力+精準可以肯定地打死一個300多血既魔c吧??(有時係你以為300,其實係400呢)
+多技火箭有咩所謂,當沖傷lo最多,+速對方回城先係第1目標
佢而家死5去都要佢有排先上倒戰場先叫煩=0=

作者: 地獄來的獵人 時間: 09-1-20 10:32 PM

我還沒有看完=__=
不過我看到你有個很大很大的問題=__=(失敬了~)
我很奇怪=_=
先看這一句
箭雨 - 傷害最大來源,首先要了解箭雨有三個特性 1,弓手最遠距離的技能(17步)
那為啥你後面說!
遠距離(箭雨打唔中既距離)呢個真係最考技術,你得飛鷹,記住,當敵人走佬果陣,應該會有一陣係直線行,果陣記住打佢2下

箭雨是最遠的話那你箭雨都打不中了還飛鷹?= =
你很奇怪耶!
抄回來的喔?= =
還說飛鷹16步?= =
繼續看文@___@

作者: 地獄來的獵人 時間: 09-1-20 10:42 PM

建議新手/低lv弓遊買中紅水-.-
不然的話你很容易被對方磨血磨到沒有-.-
消耗又消到沒有

到時侯你只能坐水那就太慘啦

(坐水是弓遊的大忌!)會少了很多傷害跟人頭!
一般高手只要一場大約八個人頭~傷大約一萬五都算高手了-3-
這絕不是普通貫骨白痴就打得出來的成積0.0

作者: lewis1991 時間: 09-1-21 06:39 PM

原帖由 地獄來的獵人 於 2009-1-20 10:32 PM 發表
我還沒有看完=__=
不過我看到你有個很大很大的問題=__=(失敬了~)
我很奇怪=_=
先看這一句
箭雨 - 傷害最大來源,首先要了解箭雨有三個特性 1,弓手最遠距離的技能(17步)
那為啥你後面說!
遠距離(箭雨打唔中既距離 ...

我打的並沒有問題,每隻字都係我自已打的,不是copy!

留意以下回應↓

這個其實我都唔係咁清楚,資料上既野我都係參考其他高手既文先知的..
不過當對手係16步距離直線移動的話箭雨的確係打唔中
飛鷹是中的,原因是飛鷹起手同射速都好快,反之箭雨會有施法時間,所以當你放箭雨果陣,敵人已經走到第18步

作者: ~聰明~ 時間: 09-1-21 09:11 PM

發覺...上攻石真係好重要
上左攻石既我+埋72攻,一場玩夢遊
求其放下飛鷹,捉小跳用強力,見魔c用精準
一場都已經1m4傷
以前既我冇上石,可能得1m傷左右
以飛鷹為例,我而家29lv,上左石扣魔c 100,冇上80
差距都米話5少
不過,個人感覺pw上限/回復石效果5明顯
呢個同人頭數有少許影響,但對沖傷...都5覺

作者: twaiho2003 時間: 09-1-25 03:21 PM

宜家先有教學,我公測時已知,只用細藍,唔怕死,主力用精準,副用空襲或飛鷹,唔好比把弓有超過5秒停落黎,最緊要唔要停把弓,就算對住幻影團,你都係前線千夫長,我係果陣係2000fun話弓遊is born to hurt you

作者: prince♂軒 時間: 09-1-25 07:27 PM

強力 - 弓手攻擊力最高技能

應用技巧 - 敵人小跳時,打力禁落去!

強力我比較少用,多數都係打雙手戰果陣用,
雙手戰好得意,十個有8個都會小跳,而且佢地有痛楚克星
所以打中佢地都唔會跌低
另外就後打中左狀態既敵人,例如雲左同行得慢既人

唔怕比人吊咩?
==========================================================
暈<--

作者: twaiho2003 時間: 09-1-26 10:01 AM 標題: 回復 44# prince♂軒的帖子

暈左如果一齊打計小低攻擊果個,強力係300攻,應該唔會係最低攻

作者: SM321 時間: 09-1-28 12:54 PM

原帖由 twaiho2003 於 2009-1-26 10:01 AM 發表
暈左如果一齊打計小低攻擊果個,強力係300攻,應該唔會係最低攻

蓋得最多既應該係盾戰...
普攻打暈人

樓主我支持你嫁...
就算呢個post 無比人認同...下次出過第2個吧._."

正所謂
失敗乃成功之老母

[ 本帖最後由 SM321 於 2009-1-28 12:56 PM 編輯 ]

作者: 三爪痕 時間: 09-1-28 01:47 PM

原帖由 prince♂軒 於 2009-1-25 07:27 PM 發表
強力 - 弓手攻擊力最高技能

應用技巧 - 敵人小跳時,打力禁落去!

強力我比較少用,多數都係打雙手戰果陣用,
雙手戰好得意,十個有8個都會小跳,而且佢地有痛楚克星
所以打中佢地都唔會跌低
另外就後打中左狀態既 ...

睇人數啦
有戰士火法個d你根本就冇咩可能出

作者: 地獄來的獵人 時間: 09-2-3 03:38 PM

新手弓遊不建議先修箭雨....
不是每個場都多人的....

作者: efficiency 時間: 09-2-4 06:03 PM

支持樓主一下,但相信樓主要再多d去體會弓遊
試多d唔同的打法,練到每一招再準d
加油!^^

作者: 竹林行者 時間: 09-2-6 11:30 AM

樓主加油=口=".......

小弟剛開始踏上了弓遊之路=口=！

作者: sunnyho12 時間: 09-8-17 07:30 PM

多謝曬你分享阿

作者: heishek 時間: 10-1-25 07:04 PM

多謝大大分享!!!!!!!

作者: SASEKE 時間: 10-1-25 07:19 PM

很高攻.............................

作者: ＧIｒＬ小★喵儿 時間: 10-2-20 04:00 AM

學左好多野xD"""

作者: 0o颯o0 時間: 10-2-20 05:01 PM

唔錯唔錯
我又試下先

作者: 謝曬 時間: 10-2-25 08:56 PM

我玩弓做水工水銀(笑)

作者: a0010147 時間: 10-3-9 02:35 AM

弓遊高傷技巧心得

最緊要a石

作者: 紫月劍 時間: 10-5-6 10:56 PM

我想說的是.

第一.樓主把新手弓遊教到只懂衝傷,那救人的時候那會有pw用,別忘了弓手的崗位.救人.汁雞(總會有只剩很少血隊友殺不了的人存在).煩法師.

第二.之前已經有post把有關方面的數據放了出來,飛英才是步兵最遠距離的技能.

第三,空襲是有地形限制的.不像雷技和箭雨一般的無視高底.

我沒看完全篇.因為太長了.

[ 本帖最後由紫月劍於 10-5-6 10:58 PM 編輯 ]

作者: 相傳 時間: 10-5-11 01:41 PM

好簡單星藍九箭雨講完

作者: siuwai232 時間: 10-6-18 02:12 AM

很仔細的文章讓我了解不少

作者: 駭v_v 時間: 12-2-1 12:53 PM

多謝分享

轉左玩弓遊咩都唔識,睇左明好多

作者: tinarboy 時間: 12-2-7 09:01 AM

作者: 網子 時間: 12-10-17 11:42 AM

NICE ~~~~~~~~~~~~~~~~~~~

作者: 132231 時間: 13-1-22 12:33 PM

條片睇唔到了。。。

作者: 土耳其@fez 時間: 13-2-11 11:57 AM

禁到個mouse壞為止打手

作者: 紫色的旋律 時間: 13-2-11 10:52 PM

成場星藍 9放箭雨精準跟住同樓上一樣

禁個mouse壞就高傷

作者: edmondchow 時間: 13-4-17 11:55 AM

提示: 作者被禁止或刪除內容自動屏蔽

歡迎光臨 2000FUN論壇 (https://www.2000fun.com/)