2000FUN論壇

標題: 《崖上的波兒》 [打印本頁]

作者: 阿乂穆    時間: 09-1-19 05:50 PM     標題: 《崖上的波兒》

1月17日第一日上映就去睇,早五日我就去買飛,咁自揀到好位咋
今次係第一次去睇戲開場同散場都係咁多人,塞左好耐先可以入場同走人...
我都係得一個人去睇,但係都唔錯,唔會悶.....
睇完之後,都係覺得《哈爾移動城堡》係最好睇,
故事中既藤本覺得有少少哈爾既影子,當然兩個角色分別好大啦
《崖上的波兒》好似將《幽靈公主》&《哈爾移動城堡》中兩個主題融合一齊咁,
要提醒人類對自然做成既傷害,要多主意保育,同真心去愛人既重要性


宮崎駿呢套《崖上的波兒》都幾好睇,但可能佢想做一套連五歲小朋友都睇軨明既動畫
故事內容明顯遜色,我覺得唔係太豐富...不過d畫功都好ok,雖然個feel同《地海傳說》差唔多,
但《崖》真係靚好多,係水個方面做到好舒服(有d想跳落去既感覺=_=a")
相信宮崎駿迷一定知道,宮崎駿動畫風格,永忠於佢對主人公--女孩,今次既《崖》都唔例外
而其他既指定動作,係每一套動畫中都一定會有既特別設定就好似...

由《高立的未來世界》開始,宮崎駿就好鐘意描繪角色為左一d人或事,好似發左顛咁不斷狂跑
今次《崖》亦不另外,波兒為左追宗介不斷係魚背上面跑,
突然就令我諗起惡作劇之吻,女追男既故事

描繪角色大吃大喝的場面,亦經常係宮崎駿電影中出現,《崖》中就由小魚時候波兒表現狼吞虎嚥地食火腿
但係個感覺好似冇佢以前個d作品中咁好食呢=_=""

千與千尋》開始,宮崎駿就鐘意用大到不合情理的眼淚,去表現人物的哀傷。
而《崖》中由宗介上演,仲比波兒問,[咦,點解宗介隻眼會出水既?],真係笑到我呢
《哈爾移動城堡》中上演過一幕係宮崎駿作品中有史而來首度出現的接吻場面,被稱為「宮崎駿 63歲的初吻」
但係個接吻場面就拉到好遠.......係《崖》中都有出現宮駿既第二吻,係由波兒主動吻宗介
但係就隔左一曾水(因為波兒媽媽要宗介到陸地後親吻包住波兒既泡)雖然好近鏡,但咁都唔知算唔算係接吻=.=""""

最後波兒同宗介係埋一齊,五歲小朋友既戀愛就係咁天真無邪,戲中藤本曾經有一句咁既對白
[希望你以後都可以咁潔白無暇就好]但係而家d人既戀愛,到分手既時候,唔係你死就我亡......
真係一個好大既對比呢,但係亦都證明左宮崎駿太過理想喇,自從《哈》佢將結局改寫變左大團圓壞人都有好既結局
係《崖》中直頭冇左壞人呢會事lu@_@"""咁料咪宮崎翍太過理想呢,因為《哈爾》既時候,佢設定結局,

就連壞人都有好結果,係大團圓結局黎......


總括黎講,都係一套好值得入戲院睇既戲,大家不防入去睇下呀

作者: Fai704    時間: 09-1-19 08:46 PM

壞人一早就出現就係人(宗介)
[希望你以後都可以咁潔白無暇就好]作為一個人(宗介)根本不可能
人(宗介)長大後依然可以無邪?
人越大越醜陋,無情
故事繼續發展落去難保宗介不會出賣波兒(情人?朋友?)

海洋+一句對白「人類的空氣及水是多麼髒」=環保片?
套戲講環保實在太薄弱 唔深入
作者: |民|    時間: 09-1-19 09:04 PM

原帖由 Fai704 於 2009-1-19 08:46 PM 發表
壞人一早就出現就係人(宗介)
[希望你以後都可以咁潔白無暇就好]作為一個人(宗介)根本不可能
人(宗介)長大後依然可以無邪?
人越大越醜陋,無情
故事繼續發展落去難保宗介不會出賣波兒(情人?朋友?)

海洋+一句對 ...

稍微有點陰謀論
但同意你既講法

==========================
呢部係一部唔洗點諗野既電影
作者: 藍寶    時間: 09-1-20 05:37 PM

波兒塊脹卜卜好得意
作者: 蕭tim仔    時間: 09-1-22 05:49 PM

嗯 我好認同樓主話 《哈爾》最好睇           因為依套戲真係講左好多道理x]
今次《波兒》,可能宮崎駿 佢想吸引多d小朋友入場
令到個故仔個 種令人睇完會反省既感覺 減少左
個人意見>>
作者: laban520    時間: 09-1-23 01:38 AM

我睇左呀..真係好好睇架.
作者: Hello-?    時間: 09-1-28 12:24 AM

好睇就得
我等佢出bt@@
作者: 九龍人    時間: 09-1-28 12:17 PM

應該今日帶我外甥女去睇
作者: 魔人s    時間: 09-3-1 06:31 AM

聽人講好悶- -
作者: 柏。victor    時間: 09-3-1 08:18 AM

幾好睇呀..........
作者: tony950204    時間: 09-3-6 09:26 PM

有人套戲嚇親細路WO...
咩波兒變人果時嚇!
作者: 里昂    時間: 09-3-14 01:56 PM

原帖由 tony950204 於 2009-3-6 09:26 PM 發表
有人套戲嚇親細路WO...
咩波兒變人果時嚇!


而家D細路好大膽個喎/ V \
邊會驚

波兒好睇+1
如果要有大量反思既話...
可以選擇文藝電影...
一套電影當中, 觀眾對象包括細路既話...
反思位適量即可...
否則弄巧成拙
作者: on77yuen    時間: 09-3-16 02:33 PM

真係好好睇架.真係好好睇架.
作者: 希藍*    時間: 09-3-17 03:36 AM

幾好睇..但係畫風唔同左- -?
作者: 希藍*    時間: 09-3-17 03:37 AM

我見片尾有好多人名...果d咩黎-.-?
作者: hong33097    時間: 09-3-19 08:29 AM

起初覺得套戲好悶~但睇落都唔差
作者: sunayu06    時間: 09-4-17 10:36 PM

宮琦峻我從下看到大

作者: 紫迷*魔動    時間: 09-4-20 09:51 PM

一開始睇個廣告諗住佢好好睇但係冇想似中咁好睇
作者: 小`kai×羽○    時間: 09-4-21 08:09 PM

都ok得意既...隻野a__a
作者: watertso    時間: 09-5-22 11:59 AM

好似套戲短左D囉....個妹妹好得意....
作者: yuki2683    時間: 09-6-5 07:16 PM

七龍珠-全新進化
作者: djderek    時間: 09-7-15 02:44 AM

ok下仲有咩電影好睇




歡迎光臨 2000FUN論壇 (https://www.2000fun.com/) Powered by Discuz! X1.5.1