2000FUN論壇

標題: 食肆推介 [打印本頁]

作者: 小丹兒 時間: 04-4-6 12:47 PM 標題: 食肆推介

此版歡迎大家推介任何舖頭或街檔 ^^ (當然要係關於飲飲食食啦)
大家推介食肆時希望會跟我第一個介紹既資料寫落去,

店舖名稱 :
地址 :
電話 :
食物推介 :
平均消費 :
推介原因 :

以上呢幾點最好都詳細列明~當然兩位版主會因應你地資料詳唔詳細去加分~

備註 :
1. 版主可能因應你們所推介的資料作出修改, 刪除.
2. 歡迎提供照片作推介食肆用途.
3. 加分的標準人人不同, 版主最終可以執行加分的數目, 不得異議.
4. 本版只供人推介食肆專用, 謝絕在作此吹水, 沒相關的留言會在不需要預先通知的情況下被刪除.

店舖名稱 : 義順牛奶公司
地址 : 旺角西洋菜街246-248地下(即始創後面) / 銅鑼灣波斯富街85號地下 (即利舞台旁邊)
(其實仲有幾間分店, 不過我去開呢兩間^^)
電話 : 2393 3301 / 2576 1828
食物推介 : 豬扒通粉, 雙皮燉奶, 冰花燉雞蛋
平均消費 : 每人$30左右~
推介原因 : 幾間分店都幾乾淨~佢地既豬扒通粉都好多人叫, 因為豬扒香口加大大件, 通粉有濃濃既麻油味~正^O^另外雙皮燉奶都係甜品首選~唔太甜又滑^^簡直一流耶^O^

作者: 小丹兒 時間: 04-4-6 12:49 PM

店名 : 六鼎記 (自助打邊爐)
地址 : 九龍奧海城二期高層地下05舖 (百老匯戲院售票處對面)
Tel : 2273 4688
推介湯底 : 青咖喱, 豬骨及麻辣湯底
推介食物 : 肥牛, 白鱔, 黃鱔, 牛丸, 豆苗, 花蟹, 豬頸肉, 九肚魚同埋墨魚丸等
其他推介原因 : 坐得幾舒服, 仲有電視睇添, 我好鍾意佢地個調味架, 有蒜蓉, 炒左既蒜粒啦, 有辣椒粉同埋桂林辣椒醬, 仲有麻醬, 湯底又多, 野都好多, 加上樣樣都細細碟, 包唔會浪費食物^^
平均消費 : 每人$120, 一位就$88任食(限兩小時) , 加$8醬油錢, 我地叫左橙汁&酸梅湯各一渣, $20/渣(好似), 之後再叫左壺茶(玫瑰花茶)$20

[ Last edited by 小丹兒 on 2004-4-6 at 04:49 PM ]

作者: 小丹兒 時間: 04-4-6 05:11 PM

店舖名稱 : The WoodStone
地址 : 銅鑼灣京士街2-4號 / 沙田新城市廣場3期3樓A303-A305
電話 : 2688 2680 / 26813880
食物推介 : 印尼炒飯, 蒜香銀魚柳汁吞拿魚沙律, 檸檬汁雞扒長通粉, 木糠雪糕
平均消費 : $100
推介原因 : 我只去過銅鑼灣分店, 非常寧靜, 最o岩三五知己一齊談下心~預先booking, 仲可以預留一間房仔俾你, o岩哂鍾意靜既一群~野食水準好高而且好特別~加上等候時間唔耐~綜合來說都可以講有A級水平^^

作者: 黑魔道士 時間: 04-4-7 05:46 PM

店舖名稱 :Cafe Mi
地址 :九龍塘達之路 80 號又一城 LG
電話 : 2265 8308
食物推介 : 由頭盤主菜甜品粥粉麵飯中西日
泰新加坡的菜式都有，食物種類算包羅萬有
平均消費 :$100
推介原因 :$88任食真係好抵食

[ Last edited by 黑魔道士 on 2004-4-7 at 05:49 PM ]

作者: 黑魔道士 時間: 04-4-8 02:03 PM

店舖名稱 :美國星期五餐廳(T.G.I. Friday's)
地址 :尖沙咀彌敦道26 號東企業廣場4-5樓 (中間道寫字樓電梯按R字)
電話 : 2368-2800
食物推介 : three-in-all combo(有成十隻 bufflo wings,焗薯皮同香酥意大利芝士條 )
平均消費 : $101-$150
推介原因 : 菜式多裝修靚

作者: 小克 時間: 04-4-8 11:41 PM

店舖名稱 :陸記正宗桂林米粉
地址 :元朗又新街建威大廈2號地舖
電話 : 2479 8819
食物推介 : 絕代雙豬米粉,雜果涼粉
平均消費 : 每人$40左右
推介原因 :間舖地方好雅緻,好乾淨,員工服務態度唔錯
o野食方面,雙豬米粉:d米粉好彈口,d米粉比米線還要粗!!d湯底用雞骨,豬骨,雲腿整既,而雙豬係指豬頸肉同鍋燒肉,d豬頸肉用過藥材同"老"水汁黎熬制,味道相當惹味!!而d燒肉就好香脆,食落口d皮脆到落以形容,d肉又好嫩!!
雜果涼粉:由於以桂林制法,d涼粉係透明,比一般涼粉既賣相好得多,加埋雜果同花奶食,真係好好味!!

作者: 小克 時間: 04-4-9 12:01 AM

店舖名稱 :板門店
地址 :元朗又新街56號置富中心2字樓(AC米蘭酒吧樓上)
電話 : 2470 0862
食物推介 : 無煙韓式火鍋燒烤(自助餐)
平均消費 : 每日$200左右啦(逢假日黃金時間仲$88/位)(任何時段都要加一收費)
推介原因 :裝修好簡潔,好開揚!無煙燒烤爐設計以免油煙溢出,令人食得方便!佢地d爐可燒烤同火鍋兩用,可一邊燒烤一邊火鍋,火鍋配料達三十幾樣!除左以上果d外,仲有前菜,韓式甜品等等俾人開下胃口,價錢都好合理!
(注意:每晚7點之後都會爆滿,最好早一日訂位)

作者: 小克 時間: 04-4-9 12:14 AM

店舖名稱 :串皇
地址 :元朗青山公路36號地下F舖(元朗新食街-------又新街)
電話 : 2470 6688
食物推介 : 雞肉,豬頸肉,司華力腸,墨魚丸(串燒)!一定要食豬頸肉!
平均消費 : $30
推介原因 :佢地除左買串燒,仲有得買BBQ既料!(需要早一日預訂,BBQ料絕對唔留過夜)
而佢地燒得好靚,火喉適中!d醬汁好惹味,d沙嗲汁真係好辣,辣到條舌痺晒!如果怕辣,亦都可以配唔辣既沙嗲汁!而大家一定要試豬頸肉,因為d皮又脆,d肉又嫩,食過番尋味)

作者: JACKWIND 時間: 04-4-9 05:42 PM

店名 : 松記糖水Chung Kee Dessert
地址: 長沙灣元州街162-188號天悅廣場CB58號舖
電話: 2720-7123
菜式: 港式
消費:儉 (每人 $40 以下)

營業時間: 12nn-1am
付款: 只收現金, 不設加一

推介:一間屹立於深水步多年的「老字號」糖水舖，雖然歷史悠久，但絕不守舊，還不時推出新口味，來迎合潮流。而此舖成名之作，有雲石豆腐﹝混入芝麻﹞和黑珍珠﹝植物種子﹞，另有糊類糖水和湯圓等供應。

推介原因:如「幻彩明珠」，幻彩明珠入面 d大西米 ,黑珍珠好爽 ,好好食 .生果都好新鮮 ,好足料

[ Last edited by JACKWIND on 2004-4-9 at 05:50 PM ]

作者: JACKWIND 時間: 04-4-9 05:50 PM

店名: 青葉日本料理Aoba Japanese Restaurant
地址: 旺角西洋菜街1號兆萬中心5樓
電話: 2300-1985
菜式: 日本菜
消費:每人 $101-$150

營業時間： 12nn-2:30pm/ 6pm-11:30pm
收費： Visa/ Master

店舖位於「兆萬中心」 5 樓，格局當然比地下街舖雅潔，亦有一列大窗口位，可望正旺角街景，車水馬龍人山人海的情景一覽無遺。不時又會創製新口味，適合唔鐘意逼又喜歡吃創新日本料理的朋友。

推介原因:D野食出得快 ,款夠多 ,味道就見人見志 la,我覺得幾好味 !起碼唔會好似附近個間乜野種類

作者: 黑魔道士 時間: 04-4-13 01:48 PM

店舖名稱 :華庭會所
地址 :銅鑼灣銅鑼灣道19號建康商業大廈4樓
電話 : 2895 4608
食物推介 : 糟酒魚塊、東坡肉、醬爆櫻桃
平均消費 : $250
推介原因 : 一年前重開的名牌杭州店雖然貴左小小但是食物水準更勝當年，菜式又與時並進值得去試試

作者: 黑魔道士 時間: 04-4-13 01:52 PM

店舖名稱 :Hugo's
地址 :尖沙咀彌敦道67號凱悅酒店3樓
電話 : 23111234
食物推介 :Sunday Bunch
平均消費 :$350
推介原因 :雖然$350一位卻貴得令人咋舌。但比起平日幾百元一道菜，這個自助餐又確實好抵。因為餐廳內的食物有百多二百款，開邊鮮龍蝦與外脆內軟的煎鵝肝是不可不吃，吃多幾件已值回票價。而熱盤則是平時幾百蚊細細碟那些，試幾款已經賺突了啦！記住還要留肚吃甜品，因為連最普通的朱古力摩斯蛋糕也做得香而不滯

作者: 黑魔道士 時間: 04-4-14 11:02 AM

店舖名稱 :Veda
地址 :中環亞畢諾道8號地下
電話 : 2868 5885
食物推介 : 雞心豆班戟、天多尼茅屋芝士
平均消費 : $250
推介原因 : 新派時尚的印度餐廳，開業才兩個月已得到「全港最優秀新餐廳」的名銜，裝潢清新優雅要記一功，新穎多款的菜式也記一功。而且今個夏季，他們還有Antipasti（頭盤）buffet，味道清新！

作者: JACKWIND 時間: 04-4-14 02:26 PM

店名：北京樓
地址: 荃灣綠楊新村高層平台2號
電話: 2498-1595
菜式: 北京菜
消費:每人 $101-$150
營業時間：星期一至五 11：30-15：00,18：00-23：30
星期六11：30-16：00, 17：30-23：30
星期日 10：00-16：00, 17：30-23：00
食物推介：北京填鴨

推介原因 :新的裝修非常光猛，和其他北京樓不同，荃灣北京樓的餐牌比較特別，合了京川滬湘的菜式，也有樟茶鴨，也有富貴火腿等非京菜菜式。價錢亦非常相宜，北京填鴨只售 $150，比中環區 $230-280便宜很多，其他小菜亦較便宜。連茶錢也只是 $7 (中環區 $12-15) ，泡菜 $10(中環區 $15-36)。亦具備午市點心，小點只是 $12，和鄰近美心、潮江春差不多，但點心則多廣東口味。

[ Last edited by JACKWIND on 2004-4-14 at 02:31 PM ]

作者: JACKWIND 時間: 04-4-14 02:30 PM

店名：巨龜莊韓國料理Go Gu Jang Korean Restaurant
地址: 銅鑼灣希慎道33號利園5字樓
電話: 2577-2021
菜式: 韓國菜
消費:每人 $151-$300
食物推介 :石炊飯，煎餅，燒特級美國牛肉

推介原因 : 佢 gei燒特級 tenderloin、牛仔骨肉和大蝦。呢度 gei抽風系統和燒烤爐 gei設計真係一流，因為你唔會覺得好煙，而且因為爐火夠平均，燒烤效果唔錯。
而熟食方面，我就比較喜愛韓式煎蔥餅、人参雞湯。
呢度 gei人参雞湯，最好要預早一日訂。雖然價錢要 $330左右，但係真係物超所值，雞湯味道香濃，飲得出佢真係一個老火湯 (起碼滾左 3個鐘頭以上 )，而且雞肚入面釀 gei糯米，吸收哂人参、紅棗和雞的味道，我通常都會食哂入面 gei糯米，而唔食隻雞

作者: 黑魔道士 時間: 04-4-14 03:51 PM

店舖名稱 :囍宴
地址 :灣仔
電話 :無電話 yukinchi@netvigator.com
食物推介 : 麻辣口水雞
平均消費 : $400
推介原因 :中式私房菜的老字號，當然深明人客選擇原因，第一是地點隱秘，沒有電話沒有地址，只得一個email供訂座用，閒閒地輪候四、五、六個月，位位四百元，食過有讚冇彈，所以又繼續等；近月私房菜備受各方關注，無形中成為潮流。

作者: 黑魔道士 時間: 04-4-14 04:02 PM

店舖名稱 :元神
地址 :灣仔灣仔道205號地下
電話 : 2185 6089
食物推介 : 三文魚剌身
平均消費 : $100
推介原因 : 魚生又厚又新鮮又抵食後，食物質素曾經暴跌，不過風潮過後，那間元神又回來了，於是繼續排隊

作者: JACKWIND 時間: 04-4-14 04:58 PM

店舖名稱 :瑞士餐廳The Swiss Chalet
地址: 尖沙咀赫德道12-14號地下
電話: 2191-9197
菜式: 瑞士菜
消費:每人 $151-$300
營業時間： 11am-12mn
收費：加一收費
推介原因 : 呢到d瑞士火鍋充滿特色，別有一番風味，各式各樣的火鍋令我大開眼界，甚至將生果浸入溶熱的瑞士三角朱古力，真的前所未聞！

食物推介 :頭盤 - 牛仔肉雜菌酥陂盒 $65
主菜 - 瑞士炒牛仔肉配蘑菇忌廉汁配瑞士薯餅 $140
主菜 - 牛仔肉丸芝士火鍋 $140
飲品 - rivella $32 及 sinalco $38

作者: JACKWIND 時間: 04-4-14 05:04 PM

店舖名稱 :Habibi Egyptian Cuisine
地址: 中區威靈頓街112號至114號地下
電話: 2544-6198
菜式: 埃及
消費:每人 $151-$300
營業時間： 11:30am-10:30pm﹝ 星期一至四 ﹞
11:30am-11:00pm﹝ 星期五至日 ﹞
付款方法： Visa, Master, AE & Diners
推介原因 : 全港唯一的埃及餐廳，在三十年代的開羅環境下，享受著傳統的埃及菜式和音樂，還可以嘗試到埃及的民族水煙 (Shisha) 呢！
食物推介 :主菜我同d fds叫咗Moza Dani(羊腿 )（散叫 $170,但我哋選擇咗呢個做餐主菜）同乳鴒香草飯 (唔記得咩名 )（ $120）。 Moza Dani好味 d,肉質好 "林 ",唔騷 ,個汁同 d薯茸都好味 ,唔算太濃。乳鴒香草飯伴橙味醬料同沙律 ,個人認為個橙味醬料同隻乳鴒都幾好 ,但 d飯同沙律帶酸味 ,而且都幾酸 ,食到最後我哋都放棄咗。

作者: 黑魔道士 時間: 04-4-14 05:35 PM

店舖名稱 :Gaia
地址 :中環皇后大道中181號新紀元廣場地下
電話 : 2167 8200
食物推介 : 紅酒汁煮兔肉闊麵
平均消費 : $120
推介原因 :位處於中環鬧市是Gaia最優勝的條件，意大利式的露天茶座概念是另一個取勝因素。其實在附近也有很多露天茶亭，但不少上班族獨愛此店，就是因為氣氛。茶座的一

作者: 黑魔道士 時間: 04-4-15 09:57 AM

店舖名稱 :Milano
地址 :灣仔港灣道30號新鴻基中心2字樓
電話 : 2598 1222
食物推介 : 炸茄子芝士卷、各式意粉
平均消費 : $200
推介原因 :不要被Milano門口那種很grand的氣氛嚇到，裝修華麗並不等於貴！餐廳內的環境分兩邊，靠門的是家居feel，靠露台的則有意大利餐館優雅感覺。外面的露台更是浪漫的拍拖勝地。當然食物也是高質，home-made的雪糕、pasta都是Milano的重點推介。而且款式多，口味也獨特清新。

[ Last edited by 黑魔道士 on 2004-4-15 at 09:58 AM ]

作者: JACKWIND 時間: 04-4-15 02:43 PM

店舖名稱 :蓬萊法國餐廳
地址: 尖沙咀海景嘉福酒店一樓
電話: 2721-5161
菜式: 法國菜
消費:每人 $300 以上
推介原因 :主菜有好多都好正 ,個人勁鍾意呢度整 0既野鴨 ,無論配橙汁定無花果汁都一樣掂 ,0個仲清香惹味真係無與倫比 .另外 Rossini 牛扒 (即鵝肝牛扒 )呢樣傳統菜食亦有水準 ,牛扒生熟適中軟腍冇渣 ,配半溶不溶甘香鵝肝一絕 .試過煎牛仔扒伴牛核鴨肝 ,香煎鱸魚同白菜包芝士會豬蹄等等菜式 ,全部都水準一流 .
食物推介 : Rossini 牛扒 (即鵝肝牛扒 ),,香煎鱸魚同白菜包芝士會豬蹄 ,
甜品方面, 梳乎里 ,橙酒班戟同法式忌廉燉蛋,雪葩伴草苺雪山

作者: JACKWIND 時間: 04-4-15 02:51 PM

店舖名稱 :香港老飯店Hong Kong Old Restaurant
地址: 尖沙咀金巴利道1 號美麗華商場新翼四樓
電話: 2722-1812
菜式: 上海菜
消費:每人 $151-$300
推介原因 :我 o地七個人只係叫 o左
1. 冷盤 - 燻魚 , 鴨舌
2. 主菜 - 漕溜魚柳, 咸肉津白
3. 主食 - 小籠包 , 雞煨麵 , 蒸炸銀絲卷 , 楊州炒飯 ,菜螃蟹
4. 湯 - 砂鍋豆腐 (有菜 , 有豆腐 , 有蛋角 , 有魚肚 , 有雞肉 )
5. 甜品 - 雷沙湯丸 , 酒釀丸子
portion 幾大 , 我 o地都好飽 , $1,000 到 ~~試下

主要食物推介 :小籠包, 鴨舌,菜螃蟹

作者: JACKWIND 時間: 04-4-15 02:57 PM

店舖名稱 :格蘭印度會Greenlands India Club
地址: 中區威靈頓街64-66 號裕榮商業大廈二樓
電話: 2522-6098
菜式: 印度菜
消費:每人 $41-$100
推介原因:同個舊朋友食飯，想搵處好坐一點的地方，見佢大大個牌在樓下寫住免加一都係 68蚊，餐廳位處一樓好似幾隱蔽，所以就來試試。星期四人客都不算少，亦以鬼佬為主。選了靠邊靠窗的位置坐下。雖說是幾十蚊的自助餐，但單以食物種類計都不算少。主菜方面，打頭陣的有咖哩角 Samousas，隻隻大大隻新鮮炸起，入面有咖哩薯仔，有水準；香燒雞 Tikka有少少辣，雞肉嫩滑，亦很入味，好味；炸雜菜 Pakora則麻麻地，好似炸起好耐咁，食了一小件果然平平無奇；有瑪沙拉燴雞肉同燴羊肉，但比起之前出色的小食，反而給比下去了。甜品有三款，除了西瓜以外，還有印式甜湯丸 Gulab Jamun同鮮奶芝士球 Rasmalai。 Gulab Jamun同在寶軒吃過的一樣好味，但今次還有 Rasmalai，是一個個圓餅型的白色物體，口感其實同 Gulab Jamun幾似，甜甜的都幾好食。

食物推介:咖哩角 Samousas,鮮奶芝士球 Rasmalai,瑪沙拉燴雞肉同燴羊肉

作者: JACKWIND 時間: 04-4-15 03:00 PM

店舖名稱 :天香樓Tin Heung Lau
地址: 尖沙咀柯士甸路18號C
電話: 2366-2414
菜式: 杭州菜
消費:每人 $151-$300
營業時間: 12noon-2:30pm, 6pm-10pm
推介原因:主要是來吃大閘蟹，所以都不叫太多菜，只一人要了兩隻大閘蟹、龍井蝦仁同雲吞鴨。
主角的大閘蟹屬大蟹，因是雌蟹故較墮手，估計超過七兩重，蟹黃多到流滿一手，味道甘香而又槳口，用隻匙羹來吃，食到成隻匙羹成橙色，加上雙手及口都係橙色，美味之處非筆墨所能形容。因為是靚蟹，所以蟹腳蟹爪都塞滿肉，亦鮮甜無比。因怕蟹變涼，所以要快手，先吃蟹身再吃蟹腳，都要食成個鐘頭至食得完兩隻蟹。
食物推介:東坡肉、炒蝦仁,蟹粉伴麵,大閘蟹、龍井蝦仁同雲吞鴨

作者: 黑魔道士 時間: 04-4-15 03:07 PM

店舖名稱 :留園雅敘
地址 :灣仔駱克道54-62號博匯大廈3樓
電話 :2804 2000
食物推介 : 醬炒六月黃、腿蓉冬瓜
平均消費 : $130
推介原因 :年輕化的留園飯採用西式裝修，中間更有一個吧台供應紅酒及咖啡，貼合上海近幾年的高速發展。食物通常兩三件上桌，精精緻緻，人多人少都沒問題。

作者: 黑魔道士 時間: 04-4-15 04:28 PM

店舖名稱 :Saigon
地址 :赤柱赤柱大街90號1-2樓
電話 : 2899 0999
食物推介 : 香草燒焗鴨胸
平均消費 : $350
推介原因 : 老闆夏里里拉被喻為全港最富有的印度人，財力資源自然充足，所以用料等都由印度運來，駛多少少錢做到口味正宗，這才是做食店的目標；位處赤柱海灣，店外環境自然是賣點之一，夏日坐在露天部分，頭上搖扇來來回回。

作者: 黑魔道士 時間: 04-4-15 05:32 PM

店舖名稱 :嵯峨野
地址 :尖沙咀麼地道72號日航酒店1樓
電話 : 2313 4215
食物推介 : 壽司、天婦羅
平均消費 : $350
推介原因 :屬於低調的日式料理店，主攻京都料理，主廚德永哲史強調材料新鮮最重要，食物種類比較少有，要求偏離主流的菜式應該找到特別之處，冷盤出色，用料創新，總之都是精緻賣相；另外，燒烤食物以炭火燒製，香氣自然內藏木香。

作者: 黑魔道士 時間: 04-4-16 12:30 PM

店舖名稱 :見城日本料理
地址 :尖沙咀棉登徑13號地下
電話 : 2369 8307
食物推介 : 各刺身壽司
平均消費 : $1,000
推介原因 :不錯是一間很貴價的日本料理店，每人平均一千元，但試過的人都會覺得物有所值，尤其絕對要求新鮮的魚生刺身，全部由日本運到，其他食物亦不有不錯評語；極力推介午市套餐，價錢百多元可吃到超水準食物，點都要試。

作者: 黑魔道士 時間: 04-4-16 02:58 PM

店舖名稱 :詠藜園
地址 :紅磡黃埔花園黃埔新天地第八期102及105號舖
電話 : 2320 6430
食物推介 : 紅油抄手、高力豆沙
平均消費 : $50
推介原因 :吃過詠藜園的

作者: JACKWIND 時間: 04-4-16 03:01 PM

店舖名稱 :東園海鮮酒家Tung Yuen Seafood Restaurant
地址: 灣仔莊士敦道181號大有商場3樓
電話: 2833-6116
菜式: 廣東菜
消費:每人 $41-$100
推介原因:蝦餃好大隻 , 燒賣又係大大粒又有蟹子 , 其他點心都不俗 ..
食物推介:燒肉炸鯪魚球, 炸鯪魚球 , 楊枝金露、芒果布甸

作者: JACKWIND 時間: 04-4-16 03:06 PM

店舖名稱 :潮州陳勤記Chiu Chow Chan Kan Kee
地址: 西環皇后大道西11號地下
電話: 2858-0033
菜式: 潮州菜
消費:每人 $41-$100
推介原因:因為有人介紹呢度幾好食又抵食，果然唔錯！叫左鵝片併紅腸、蠔仔粥、沙爹牛肉炒菜心、菜圃煎蛋同兩舊牙帶魚。蠔仔粥大大窩真係幾多蠔仔，蠔身仲幾大粒幾鮮味，唔錯，值得推介。沙爹牛肉炒菜心味濃，用來送飯一流，幾油礦，但潮州菜就係咁。菜圃煎蛋偏向厚身，外皮煎得有 d脆幾好食，下次會試試煎蠔餅。
食物推介:蠔仔粥 , 鹵水鵝 ,煎蠔餅

作者: 黑魔道士 時間: 04-4-16 03:10 PM

店舖名稱 :The Cafe
地址 :銅鑼灣告士打道310號柏寧酒店
電話 : 2839 3311
食物推介 : 龍蝦牛肉粥、芒果拿破崙蛋糕
平均消費 : $150
推介原因 : 一眾夜遊人之選。柏寧這個Congee消夜buffet，敢以一窩龍蝦粥作主打，就知粥料有幾堅。而且其餘的熱盤冷盤都是精華所在。

作者: ～星人～ 時間: 04-4-16 06:33 PM

店舖名稱 :ToDai
地址 :尖沙咀美麗華商場地庫
電話 : 2375.9339
食物推介 : 魚生,燒龍蝦,帶子,tiramisu,梳乎里
平均消費 : lunch:150-200 dinner:250-300
推介原因 : 好正的日本食品自助餐,有魚生,壽司,冷面,生豪,凍蟹,天富羅等熱食,湯,湯面類,生果,甜品,應有盡有。我尤奇鐘意佢地d甜品,我真係估唔到一間唔係專賣甜品自助餐的地方都有咁早質素的甜品。d食物補充得好快,唔會話一次放好多,d野食不停都好新鮮。

作者: heibee 時間: 04-4-16 11:41 PM

店舖名稱 : 杏花樓
地址 : 荃灣,尖沙咀(近住海港城)(仲有幾間分店,但係我唔記得左)
食物推介 : 雪耳敦木瓜,楊枝甘露,蜜糖雞翼
平均消費 : $30 up
推介原因 : 雖然佢主要係sell甜品~但係都有小食呀,飯呀,麵呀果d野食~而且都好正好好食~同埋價錢亦都相宜~d甜品同糖水真係好正!值得一試!

作者: 黑魔道士 時間: 04-4-17 09:33 AM

店舖名稱 :鏞記
地址 :中環威靈頓街32-40號地下
電話 : 2522 1624
食物推介 : 牛爽腩、沙鍋網油禾花雀
平均消費 : $200
推介原因 : 如果你是熟客，你所得到的是超水準食物，燒鵝早已有名，牛爽腩每日限量供應，訂位時要預留。

作者: heibee 時間: 04-4-17 10:53 AM

店舖名稱 : 重慶四川食府
地址 : 中環伊利近街27號地下
電話 : 2810 8868
食物推介 : 手執兵權 , 風火諸侯
平均消費 : $100up
推介原因 : 去到睇到佢d餐牌好風過癮ga~你睇上面d名就知啦~手執兵權其實係係好
大舊既羊脾~真係好大舊ga!~d皮炸得好脆好香口~而入面d肉就好嫩~口感一流呀~!
至於風火諸侯其實係豬上顎~好爽好脆~雖然d味淡淡地~但係食落好清囉~門面裝修
好有feel ga~!真係以為去左四川~~

作者: heibee 時間: 04-4-17 10:59 AM

店舖名稱 : 峰壽司
地址 : 銅鑼灣白沙道12號地下
電話 : 3188 2440
食物推介 : 特大海鰻魚 , 炸墨魚軟骨 , 特大峰蝦 , 火灸三文魚
平均消費 : $50up
推介原因 : 我覺得好多日本料理都好貴~但係哩間就唔同喇~佢d野好食得黎但係物有
所值~好多料都大大件~仲要聽我老豆講佢d特大海鰻魚係原條上~所以食落都覺得好
抵~好多野都係廿幾三十蚊就食到~而且裝修有格調~食得好舒服~

作者: heibee 時間: 04-4-17 11:06 AM

店舖名稱 : La Casino嘉仙奴意大利餐廳
地址 : 屯門青山公路蟠龍半島87號地下高層(黃金海岸2期附近)
電話 : 2451 2099
食物推介 : 意大利雜菌 , 西西里烤雞
平均消費 : $80up
推介原因 : 因為佢係唯一一間開係屯門供應正宗意大利菜既餐廳~所以住屯門既朋友
可以去試下~意大利雜菌係用好多菇整ga~最岩女仔食~d汁用芝士整~好正!西西里烤
雞咬落啖啖肉~好香ga佢陣味~食完之後都仲有陣味係個口度~

作者: 黑魔道士 時間: 04-4-17 11:11 AM

店舖名稱 :海灣海鮮酒家
地址 :新界流浮山正大街44號地下
電話 : 2472 1011
食物推介 : 銀魚乾炒鮑魚仔
平均消費 : $250
推介原因 :流浮山海鮮馳名，這間店更出名多珍饈百味，

作者: heibee 時間: 04-4-17 11:31 AM

店舖名稱 : 西川家日本家庭料理
地址 : 長沙灣青山道178號天悅廣場地下CA5號舖
電話 : 2386 6803
食物推介 : 西川至尊好味燒 , 巨蝦天婦羅 , 咖哩牛肉奄列蛋包飯
平均消費 : $80up
推介原因 : d野好好食~而且間野既老闆真係日本人黎ga~西川至尊好味燒其實係日本
燒餅~好多料ga~雖然我唔係好記得有咩料~但係咬落啖啖都係個餅上面d料~哩個係
去到西川家一定要order既野食~因為係鎮店之寶黎ga~!巨蝦天婦羅聽個名都知巨~但
原來真係好鬼大隻ga d蝦~!仲要咬落啖啖肉添~好正!咖哩牛肉奄列蛋包飯我冇食到~
係我個fd食既~佢話d咖哩甜甜地~好入味~仲有呀~果度d裝飾好靚~有一串串紙"渴"
吊住ga~日本人成日摺果d呢~大家去就留意下啦~

作者: 黑魔道士 時間: 04-4-17 11:59 AM

店舖名稱 :新蘭香
地址 :尖沙咀柯士甸道15號地下
電話 : 2369 6299
食物推介 : 白灼柏葉、雞腸、貢丸米
平均消費 : $30
推介原因 :黑柏葉爽而不韌，灼雞腸的肥膏滑而不油膩，再加上凌晨五點才關門，所以成為夜晚活動的明星食肆。

作者: JACKWIND 時間: 04-4-17 10:21 PM

名稱:華南小菜王Wah Nam
地址: 沙田大圍海福商場15號-15號A地下
電話: 2698-9926
菜式: 廣東菜
消費:每人 $41-$100
推介原因:佢地 d服務態度好 nice,尤其係老板娘
d食物又平又好味 , 推介生炒骨 ,雞 ,牛仔骨 .....
不坊去試啦
食物推介:生炒骨 ,牛仔骨 .....

作者: JACKWIND 時間: 04-4-17 10:26 PM

名稱:嵐山日本料理Arashiyama Japanese Restaurant
地址: 中區港景街1號國際金融中心3027-28號店
電話: 2530-2188
菜式: 日本菜
消費:每人 $151-$300
推介原因:$10一碟壽司 ,$15兩串燒墨魚咀 ,$35半個燒三文魚頭 ,$45一份約有 5-6片的三文魚刺身 , 正係好平呀 , 壽司都算新鮮 , 燒墨魚咀估唔到咁正
食物推介:三文魚刺身,串燒墨魚咀

作者: 黑魔道士 時間: 04-4-18 02:51 PM

店舖名稱 :金雀餐廳
地址 :銅鑼灣蘭芳道13-15號地下
電話 : 2577 7981
食物推介 : 牛柳、羅宋湯
平均消費 : $150
推介原因 :因為一套«花樣年華»名動江湖，其實除了裝修懷舊，梁朝偉與張曼玉點的牛柳也是經典。

作者: heibee 時間: 04-4-18 09:38 PM

店舖名稱 : 明記茶餐廳
地址 : 新蒲崗景幅街79號
電話 : 2328 6623
食物推介 : 煙肉田螺天使麵配白汁酒
平均消費 : $30up
推介原因 : 估唔到新蒲崗都有d咁既野食~果日我都係去工廠果邊搵fd~係佢帶我去
哩間野食ga~同意粉屋d天使麵有得比~另外仲有其他野都好似好好食~但係我飽lu~
所以下次會再去試~另外~我個fd食左個豬肉炒意粉~佢都話好正~
雖然門面唔吸引~但係你會估唔到入面d野咁正~

作者: heibee 時間: 04-4-18 09:43 PM

店舖名稱 : 誰是老闆
地址 : 荔枝角長沙灣道742-726號鴻昌工業大廈地下
電話 : 2310 9368
食物推介 : 香芒雪花魚墨魚麵 , 韓式牛柳鐵燒鍋
平均消費 : $30-$40up
推介原因 : 間野個名係咪好過癮呢~所以我就去左試~d野個樣好靚~食落亦都好正~
我去既原因係因為間野上過報紙~所以貪得意去食~d野真係唔錯~價錢亦都ok~好多
麵呀~飯呀~或者粉都係包埋野飲~抵呢~

作者: heibee 時間: 04-4-18 09:50 PM

店舖名稱 : 金橋印尼食堂
地址 : 觀塘成業街7號經緯工業中心地下
電話 : 2174 7473
食物推介 : 巴東牛肉飯 , 串燒沙爹飯糰 , 椰汁黑糯米粥
平均消費 : $60up
推介原因 : 想飽飽地食餐印尼正宗野~去哩度就冇錯喇~d野正之餘價錢相宜~仲有~
佢個牛肉飯d牛肉好正好有味ga~去到記住試~

作者: 黑魔道士 時間: 04-4-19 09:21 AM

店舖名稱 :Caledonia
地址 :中環和記大廈地下
電話 : 2524 1314
食物推介 : 香草薯仔燴羊肉
平均消費 : $200
推介原因 :全港唯一的蘇格蘭餐廳，提供的是來自蘇格蘭運來的各式新鮮材料。而蘇格蘭人最愛的羊雜燴當然少不得。

作者: heibee 時間: 04-4-19 07:42 PM

店舖名稱 : Diciotto
地址 : 佐敦茂林街16-18號
電話 : 2770 8118
食物推介 : 白菌三角大雲吞伴鵝肝汁
平均消費 : $100
推介原因 : 哩間野係食法國野既~果日行街餓餓地就入左去試~不過我覺得d野貴左少
少~但係d野就好好食~好似我食果個雲吞~真係唔錯~不過只係當小食囉~因為份量唔
多~我個fd就食左個唔知乜鬼野雞肉~佢就話好正~唔嫌貴既大家可以去試試~門面同
入面都好鬼靚ga~

作者: heibee 時間: 04-4-19 07:47 PM

店舖名稱 : Le Bonbon
地址 : 尖沙咀海防道45號地下
電話 : 2366 2422
食物推介 : 所有班戟~(共有18種)
平均消費 : $30
推介原因 : 哩間野係班cake專賣店~一個字啦~正!因為d班cake名又長好係英文~所以
我都唔係好幾得喇~但係我食左幾個~幾個都好好味~我個fd都係食左兩個~佢都話好
正~佢d料好多~個皮又唔係好厚~所以咬落啖啖料~有個仲成個都係菇黎ga~!
價錢抵~而且好食~各位會去尖咀行既朋友~值得去試試~

作者: heibee 時間: 04-4-19 07:53 PM

店舖名稱 : Simply Bread
地址 : 尖沙咀金馬倫道14號A地下
電話 : 2366 6319
食物推介 : 包中咖哩雞
平均消費 : $32
推介原因 : 哩個包好正ga~!雖然叫你地去食一個包好似呃post咁..但係哩個包絕對值
得食!$32都抵!你咬落去第一啖..d咖哩汁流哂出黎~入面啖啖咖哩雞肉~個包仲要好大
個~個包有幾大d雞肉就有幾多~係咪好想去試下呢~所以我post上黎冇錯ga~我今日
去街街先食左個ga~~

作者: 黑魔道士 時間: 04-4-19 08:34 PM

店舖名稱 :陸羽茶室
地址 :中環士丹利街24號地下
電話 : 2523 5464
食物推介 : 豬

作者: 黑魔道士 時間: 04-4-21 09:47 AM

店舖名稱 :合成甜品
地址 :九龍城啟德道68號地下
電話 : 2382 8505
食物推介 : 蓮子清心丸
平均消費 : $30
推介原因 :已經有很多年歷史的合成，要數最出色的非蓮子莫屬。但「創業難守業更難」，第二代的老闆能把糖水做得更靚，可真難得。

作者: 小丹兒 時間: 04-4-21 10:44 AM

店舖名稱 : EXP/2
地址 : 九龍塘又一城 UG 23 (冰場隔離)
電話 : 2265 8298
食物推介 : 海鮮喇沙玻璃粉, 小食拼盤, 所有PIZZA
平均消費 : $100
推介原因 : 佢地D野食水準都幾高~PIZZA更加是必食之選~有部份CHAIR雖然冇椅背, 但係都唔會覺坐得唔舒服~加上O係冰場隔離~可以一路睇下人溜冰~一路聽下歌~環境又唔算嘈^^, 都可以話係三五知己坐底傾下計都好~佢好似成日好多人排隊~但等候時間唔算耐~可能因為佢入面都算多位^^

作者: 黑魔道士 時間: 04-4-21 10:50 AM

店舖名稱 :清真牛肉館
地址 :九龍城龍崗道1號地下
電話 : 2382 2822
食物推介 : 牛肉餅、

作者: 哥c拉 時間: 04-4-21 02:12 PM

元朗大家樂\=.=/".........講笑=.="....係屯門何福堂輕鐵站對面ga面檔d沙茶牛肉面真係冇得頂=.=v...但大家去食一定要記住=.="落單講1次好la=.="個老闆脾氣好臭,你講多次佢會小你=.="切記切記=.="

作者: 黑魔道士 時間: 04-4-21 04:17 PM

店舖名稱 :新景園咖喱小廚
地址 :灣仔春園街20號地下
電話 : 2574 9172
食物推介 : 咖喱豬扒飯
平均消費 : $40
推介原因 :大廚梁生由大排檔炒牛河炒到入舖，每碟牛河都是十五年功力的精華。其餘的小菜味道與鑊氣也是無可挑剔。

作者: 黑魔道士 時間: 04-4-22 11:02 AM

食名牌
鴻星海鮮酒家
價錢貴還貴，但花費及食物質素與服務幾乎成正比例。黃油蟹、石頭魚的各式菜餚確能做到專賣店質素。
地址：灣仔港灣道8號瑞安中心1樓
電話：2802 8182
招牌菜：蟹粉小籠包、石頭魚湯飯
平均消費：$200
[hide=66666]
PS: 一句無得頂就加分利害利害[/hide]
很抱歉~hide了你的句子~因為我覺得不是關於食肆推介的言論~所以hide 了~
你之後那個留言都不是關於食肆推介~我也刪除了~希望你遵守版內規則, 謝謝合作!!

3. 加分的標準人人不同, 版主最終可以執行加分的數目, 不得異議.

加上對方係新手~加少少分鼓勵不失為過~希望你明白對上呢句既意思, 謝謝合作

[ Last edited by 小丹兒 on 2004-4-22 at 01:10 PM ]

作者: 黑魔道士 時間: 04-4-22 01:27 PM

仿soho食肆
Olive Cafe
裝修摩登簡約，歐陸風味菜式夠心思，是間頗有水準的新菜館。
地址：荃灣城市中心G41-G42地舖
電話：2940 6272
招牌菜：雞胸釀龍蝦
平均消費：$100

作者: 黑魔道士 時間: 04-4-22 01:28 PM

高級意菜館
岳飛餐廳
意大利食物精緻，味道不錯，以新鮮和時令為餐牌菜式，地方氣氛亦見簡約，可消磨一個晚上。
地址：尖沙咀柯士甸小路18A地下
電話：2730 1128
招牌菜：薰衣草梳乎厘
平均消費：$300

作者: heibee 時間: 04-4-22 05:35 PM

店舖名稱 : La Piazza Restaurant & Bar
地址 : 將軍澳坑口村24號地下
電話 : 2719 5688
食物推介 : 地道雜菜千層麵 , Cajun Chicken Pizza
平均消費 : $70up
推介原因 : 因為個門面好靚~吸引左我入去食~叫左個千層麵~成個pizza咁ga~賣相好
吸引~面果d芝士令人好想食~咬左啖~果然好正!!之後果個pizza~啖啖雞肉同磨菇~總
之一樣係好正好正~仲有呀~d staff好nice ga~

作者: 黑魔道士 時間: 04-4-22 05:38 PM

歐陸風情
Bacchus
希臘餐廳勝在不多，食物雖不算絕品精緻，但味道清爽中帶點粗糙是特色所在，還有環境也是賣點之一。
地址：灣仔軒尼詩道8-12號中港大廈地庫
電話：2529 9032
招牌菜：特式串燒
消費：$30

[ Last edited by 黑魔道士 on 2004-4-22 at 05:46 PM ]

作者: heibee 時間: 04-4-22 05:41 PM

店舖名稱 : 深井發記甜品
地址 : 銅鑼灣謝斐道532號地下(對面係世貿中心)
電話 : 2838 3066
食物推介 : 楊枝甘露 , 黑珍珠意大利涼粉
平均消費 : $30up
推介原因 : 哩間野既招牌甜品係楊枝甘露~雖然好多地方都有得食~但係哩間d楊枝甘
露甜得岩岩好ga~d芒果好甜好好味~另一個涼粉係我個fd叫既~個老闆話d黑珍珠係
得印尼先有得買~佢會定時入貨~我就覺得好爽口~仲有~佢d涼粉係一條條ga~好似
麵咁ga~好滑好正~

作者: 黑魔道士 時間: 04-4-22 05:44 PM

嫩滑的誘惑
澳洲牛奶公司
甜品快餐一齊做，燉奶出名之餘，很多人更喜歡它的早餐，簡單多士奄列加通粉，份量夠大。不過伙記勁串，但依然永遠爆場。
地址：佐敦白加士街47-49號地下
電話：2730 1356
招牌菜：20元的大早餐
消費：$30

作者: 黑魔道士 時間: 04-4-23 11:37 AM

街邊法國店
Le Hibou
位置極「山卡罅」，但由於是頹垣中的一片優雅地，而且食物帶

作者: heibee 時間: 04-4-24 10:51 AM

店舖名稱 : 野蠻人居酒屋
地址 : 尖沙咀漆咸道南69-71號地下
電話 : 2838 7678
食物推介 : 燒鮑魚 , 炸海膽
平均消費 : $100
推介原因 : 食鮑魚係咪好貴~?梗係唔係啦~哩度d燒鮑魚$15一隻咋~連我都嚇左一
跳~佢淋上面d汁好正好好味ga~而且隻鮑魚唔硬~仲好正添~!!炸海膽食落有陣蛋香
味~而且佢用左d食得既葉包住黎炸~搞到d海膽又橙好綠咁好靚~哩間野仲有壽司吧~
不過坐位得3個咋~佢無論門面定入面都好靚~好有日本feel~~

作者: heibee 時間: 04-4-24 10:57 AM

店舖名稱 : 阿東麵館
地址 : 銅鑼灣謝斐道483-497號新城大廈一樓
電話 : 2537 0773
食物推介 : 阿東麻辣湯麵 , 獅子頭湯麵
平均消費 : $50up
推介原因 : 哩度既麵原來都幾出名ga~我食左個麻辣湯麵~唔係好辣~個湯底好濃~
我覺得好好味~d麵仲食到su一聲ga~另外果個麵係我個fd食既~獅子頭我唔知係乜啦~
不過我個fd係咁話好食好食~不過佢果個就貴左d~佢d裝修好古色古香~幾靚ga~

作者: Ray@^^@ 時間: 04-4-24 12:17 PM

店舖名稱 :Termini Cafe
地址 :銅鑼灣波斯富街伊利莎伯大廈 G50 號舖
電話 : 2575 7738
食物推介 : 金莎朱古力凍咖啡
平均消費 :200-300
推介原因 :飲cafe又可以chack自己運程，輪候看相的人每每要在晚飯過後才能問卜，because 太多人la,你又可以留下時辰八字給他開命盤。至於咖啡，個老闆話特別選用意大利 Pellini 優質咖啡豆，食物除了蛋糕、三文治等，還有意粉和咖喱飯等，是少數可以吃得飽的 cafe店.
+上d cafe好好味,一流.~^^~
plx +分a^^

作者: 黑魔道士 時間: 04-4-24 12:26 PM

不敗神話
元氣壽司
想不到由元綠一手引入的迴轉壽司熱潮，竟由元氣接手延續了這麼多年。十多元一碟不算貴，而且分店越開越就腳。食飯時間行過旺角銅鑼灣，永遠有人龍。
地址：佐敦彌敦道219號莊士倫敦廣場1樓102至105B
電話：2736 0019
招牌菜：松葉蟹壽司飯、元氣卷
平均消費：$120

作者: 阿ｄａ 時間: 04-4-24 05:36 PM

店舖名稱 :梓趣園
地址 :柴灣興華街市入面（藥房格離）
電話 : ２８８９５４６８
食物推介 : 魚香茄子，豬扒，糖水～
平均消費 : 十幾蚊到～
推介原因 :雖然唔係Ｄ咩高級餐聽～只係係街市既一間細細鋪頭～
　　　　但係Ｄ野食就好正～直頭係平靚正～Ｄ野又唔會落味精～
　　　　　仲有就係唔洗幾＄以上都會送外賣～（只限柴灣）

作者: 黑魔道士 時間: 04-4-26 09:52 AM

元朗美食
勝利牛丸
牛丸用肉眼扒來打，不加粉，真材實料，咬落又爽又有牛肉味。要食仲要早，過了午後三點，多數已經售罄。
地址：元朗谷亭街傑文樓地下3號B
電話：2478 8409
招牌菜：牛丸米
平均消費：$16

作者: heibee 時間: 04-4-27 06:41 PM

店舖名稱 : Home Cooking
地址 : 銅鑼灣禮頓中心2樓G.O.D內
電話 : 2881 8196
食物推介 : 煙三文魚釀牛油梨 , 甜品buffet
平均消費 : $108up
推介原因 : 果度既甜品buffet好多野食~有cheese cake啦~杏仁朱古力啦~不過得
星期3同星期日夜晚8點半先有得食哩個buffet~$108位~記住要book位ga~果個煙
三文魚~好大陣牛油香味~食落好開胃~好正ga~!

作者: heibee 時間: 04-4-27 06:50 PM

店舖名稱 : Towngas Avenue
地址 : 尖沙咀新世界中心地面L030
電話 : 2367 2707
食物推介 : 黃金鱈魚 , 法國鵝肝伴帶子
平均消費 : $200
推介原因 : 黃金鱈魚唔係呃人ga~條魚真係金色ga~!!而且食落卜卜脆~裡面d肉白雪
雪好滑ga~~好好味~好正~!!法國鵝肝伴帶子~d帶子大粒到係一啖食唔哂ga~配埋鵝
肝食真係一流~~覺得自己真係做左法國人添~^^"
哩間野隔離仲有得買廚具~而且廚房係開放式俾客人偷師ga~

作者: 花仙子 時間: 04-4-28 03:09 AM

店舖名稱 : 金太郎壽司拉麵
地址 :尖沙咀加拿芬道(厚福街)~~~~~另外旺角女人街~~~登打士街~~~佐敦~~~都有分行~~( 不過我去開尖沙咀)
電話 : 2380-7433
食物推介 : 三文魚刺身~~海胆壽司~~~
平均消費 : $100 唔駛
推介原因 : 因為係迴轉啦~~~同埋三文魚壽司係一碟有 3 件 ($10) ~~~
三文魚刺身 ($10 有 3 塊)幾厚同新鮮~~~正~~~
我同男朋友個個星期放假都會去食ge~~~~~

作者: heibee 時間: 04-4-30 10:52 PM

店舖名稱 : 鳳凰花法色越南食府
地址 : 尖沙咀美麗華商場3樓諾士佛階9-10號
電話 : 3168 2000
食物推介 : 墨魚籽軟蟹殼沙律 , 椰汁拉椰糕
平均消費 : $50up
推介原因 : 哩間野實在太靚太大喇~我真係忍唔住入左去食野~睇住個餐牌~d野都唔
係貴~講真係物有所值~個沙律好正好開胃~好清爽呀隻味~跟住個椰糕甜甜地~而且
好煙韌~快d去試下啦~!!

作者: heibee 時間: 04-5-4 01:47 PM

店舖名稱 : Palace cafe.shop
地址 : 中環國際金融中心1期1058-1059店
電話 : 2167 7321
食物推介 : 鮮雜菌帶子意粉伴鵝肝醬 , Rasberry cheesecake
平均消費 : $100up
推介原因 : 果日去睇戲之前想食野~但係又怕趕唔切入埸~!好彩我地搵到間好就腳既
餐廳~佢咁岩係中環IFC間Palace隔離~拿拿聲叫左個意粉食~嘩~!!正呀~d雜菌好正~
另外果個都好好味~哩度上菜好快~所以我地食完仲可以cc然咁行入戲院~

作者: heibee 時間: 04-5-4 01:57 PM

店舖名稱 : Mint
地址 : 尖沙咀廣東道122-126號(對面係港威中心~)
電話 : 2735 5887
食物推介 : 芝士餅拼盤 , 脆盆野菌四重奏
平均消費 : around $100
推介原因 : 朋友鐘意食薄荷既野~所以一睇到個舖頭名就扯住我入左去~點知入面唔係
食薄荷野~佢有d失望~但係入到黎冇理由咁核突出番去~所以都叫左野食~芝士餅拼
盤原來係哩度既招牌甜品~見唔係貴就叫左個黎食~好多種類既芝士餅放哂係隻碟度~
每一件都有水準ga~好味呀~脆盆野菌四重奏個名好得意~亦都唔係貴~都係有幾種菇
放係度俾你食~好似食咁呀~哩度仲有其他甜品食~門面都好靚~大家一定要去試~

作者: 『○幽靈人●』 時間: 04-5-6 05:31 PM

店舖名稱 :加太賀日本料理
地址 :紅磡崇潔街37號地下(即係日本街

)
電話 : 2764 6436
食物推介 : 蟹粥(好香蟹肉味...正:P2)
花之戀(兩個字好食~.~v)
炸三文魚目(好似係招牌菜黎架~)
平均消費 : 120蚊....我覺得ok便啦日本餐
推介原因 :交通方便,基本上成條街都食日本野

作者: JACKWIND 時間: 04-5-8 11:31 PM

名稱:金明小菜王
地址: 沙田海福商場56號A地下
電話: 27203265菜式: 廣東菜
消費:每人 $41-$100
推介原因:佢地 d服務態度好 nice,尤其係老板娘
d食物又平又好味 , 推介生炒骨 ,雞 ,牛仔骨 .....
不坊去試啦
食物推介:生炒骨 ,牛仔骨,炒大豬肚 .....

作者: 『○幽靈人●』 時間: 04-5-12 08:37 PM

上次介紹左加太賀日本料理
但係我比較鐘意食日本野,所以今次依然係日本野-_-v
但係今次特別D..........係地獄拉麵~~~~

福岡拉麵

地址 :九龍鑽石山荷里活廣場3樓食街2號舖
電話 :2726 4954
食物推介:

鬼山地獄拉麵 ↓

血池地獄拉麵↓

海地獄拉麵↓

呢間舖我1個月前去過,佢地既湯底係豬骨,雞,鯊魚骨等肴左10幾個鐘..
所以會有好濃既豬骨味....

除左拉麵,仲有D日本小食都幾好食
例如:
炸豆腐↓

我的最愛=v=

日式餃子↓

D餃子皮好薄..多料,點D日本醋....好食呀!!!!

天婦羅↓

又係好好架

平均消費 : 平均每個人50蚊左右
推介原因 : 好食,熱辣辣,寫到我好肚餓-.-

作者: ~子陵~ 時間: 04-5-17 06:22 PM

店舖名稱 :客家好棧
地址 :屯門市中心巴士站對面
電話 : 不詳
食物推介 : 客家小炒王，牙籤骨，花旗參煮番薯
平均消費 :每人＄１００左右
推介原因 :環境衛生，唔太迫，交通亦方便，食物水準唔錯，出便好小食得到，價錢合理，不過去之前最好訂位，因為我上次等左成９個字（閒日８：３０左右）

作者: 桑田本次郎 時間: 04-5-19 11:53 PM

店舖名稱 :串皇
地址 :元朗大馬路~恆香餅店直行
電話 : 好似無電話
食物推介 : c華力腸~雞肉串燒~牛肉串燒~
平均消費 : 4~6$
推介原因 : c華力腸夠大又好食!!都只不過係4$~而且"串皇"出名個度d串燒十分好味~仲可以即叫即燒~佢特別既汁加上美味既串燒~唔食點得丫~好多放工人士行過個頭都會食嫁!!~

作者: mlkrhk 時間: 04-5-22 12:48 PM

店舖名稱 :坤記粥店
地址 :屯門市中心仁政街30-40號(唔記得左幾多號,不過係30-40號之間,不過我知係7-11行過D)
電話 : 唔知
食物推介 : 果度D腸粉同粥最出名,個個去親都通常最少食Lee兩樣
平均消費 : 一個人要粥就最多$20,腸粉$10一碟
推介原因 :咩時間都係要等位...(不過好快姐)(有外賣自取)

作者: ～白晶晶～ 時間: 04-5-29 11:16 PM

店舖名稱 :芒果大王
地址 :大埔舊新輝戲院對面(即明星果頭)
電話 : 不詳
食物推介 : 芒果類既食品如:芒果西米撈
平均消費 : $20
推介原因 : 成日游完水都會去食服務又好冷氣又夠凍啵,總知正啦^^

作者: 黑魔道士 時間: 04-6-5 10:08 AM

店舖名稱:橋底辣蟹
一味避風塘炒蟹，已經令人一試難忘，雖然模仿者眾，但論風味，始終這况最吸引。
地址：銅鑼灣駱克道429號6-10號舖
電話：2573 7698
招牌菜：避風塘炒蟹
平均消費：$150

[ Last edited by 黑魔道士 on 2004-6-5 at 10:10 AM ]

作者: 花仙子 時間: 04-6-9 03:18 PM

店舖名稱 :一休日本料理 ( 新開ｇａ）
地址 :响女人街入面　（响ｋｋ　ｐｕｂ隻猩猩支煙指住果邊）
電話 : 不詳
食物推介 : ＄１８半磅三文魚刺身～～任叫～
　　　　　仲有個＄２８香蔥三文魚飯勁正～　　　　
平均消費 : ＄8０
推介原因 :新開一個月都冇～～有次行街見到～同朋友入去食啦～～ｄ野又平又新鮮～服務態度又好～～

[ Last edited by 花仙子 on 2004-6-18 at 10:37 PM ]

作者: bbc147258369 時間: 04-6-10 09:54 AM

第1位
名牌杭州菜
華庭會所
一年前重開的名牌杭州店，經常被人拿來與老字號的天香樓作比較。今次排眾而出的原因，除了因為食物水準更勝當年，菜式又與時並進之外，主要是老闆兼大廚孟師傅，願放下名牌店的架子，與顧客共度時艱。
繼九八年停業之後，休息了三年的孟小姐，又準備好能量及一系列的新菜，在商業大廈四樓重新開業。華亭的食物勝在口碑好，熟客多貴客又多，一直也「唔憂做」。但眼見市道如此，孟小姐也希望自己煮的佳餚有更多人可以品嘗到，所以這個夏天不少她拿手的杭州名菜都調低了價錢。

地址：銅鑼灣銅鑼灣道19號建康商業大廈4樓
電話：2895 4608
招牌菜：糟酒魚塊、東坡肉、醬爆櫻桃
平均消費：$250

第2位
貴得有理
Hugo's
食自助餐的確是香港人飲食最愛的選擇。雖然$350一位卻貴得令人咋舌。但比起平日幾百元一道菜，這個自助餐又確實好抵。因為餐廳內的食物有百多二百款，開邊鮮龍蝦與外脆內軟的煎鵝肝是不可不吃，吃多幾件已值回票價。而熱盤則是平時幾百蚊細細碟那些，試幾款已經賺突了啦！記住還要留肚吃甜品，因為連最普通的朱古力摩斯蛋糕也做得香而不滯。大力推介的還有巴黎圈，那是個大型的Puff，吉士與脆皮好味得要命！

地址：尖沙咀彌敦道67號凱悅酒店3樓
電話：23111234
招牌菜：Sunday Bunch
消費：$350

第3位
最優秀新餐廳
Veda
新派時尚的印度餐廳，開業才兩個月已得到「全港最優秀新餐廳」的名銜，裝潢清新優雅要記一功，新穎多款的菜式也記一功。而且今個夏季，他們還有Antipasti（頭盤）buffet，味道清新！

地址：中環亞畢諾道8號地下
電話：2868 5885
招牌菜：雞心豆班戟、天多尼茅屋芝士
平均消費：$250

第4位
鬧市中的寧靜
Gaia
位處於中環鬧市是Gaia最優勝的條件，意大利式的露天茶座概念是另一個取勝因素。其實在附近也有很多露天茶亭，但不少上班族獨愛此店，就是因為氣氛。茶座的一

作者: bbc147258369 時間: 04-6-10 09:54 AM

第21位
首間蘇格蘭餐廳
Caledonia
全港唯一的蘇格蘭餐廳，提供的是來自蘇格蘭運來的各式新鮮材料。而蘇格蘭人最愛的羊雜燴當然少不得。

地址：中環和記大廈地下
電話：2524 1314
招牌菜：香草薯仔燴羊肉
平均消費：$200

第22位
經典茶樓
陸羽茶室
只有不抱

作者: bbc147258369 時間: 04-6-10 09:55 AM

第41位
小菜王
生記飯店
家常小菜，炭燒煲仔飯是生記的拿手好戲。小菜用料又靚又新鮮，而且又夠大碟。

地址：灣仔莊士敦道176號D舖地下
電話：2575 2239
招牌菜：梅菜蒸豬鬆兜、鹽焗雞
平均消費：$150

第42位
愈食愈想食
Baci
一樓是Pizza店，2樓則是餐廳。自製的意粉彈牙得來有口感，而特製薄底Pizza，吃落輕易，不會有很膩的感覺。
地址：尖沙咀麼地道64號九龍香格里拉酒店21樓
電話：2733 8752
招牌菜：海鮮寬條麵
平均消費：$200

第43位
最正宗意菜
Sabatini Ristorante
公認的正宗意大利餐廳，走fine dining路線，菜式清淡不膩。

地址：尖沙咀麼地道69號帝苑酒店3樓
電話：2733 2000
招牌菜：海鮮幼麵
消費：$600

第44位
傳統韓菜
新羅寶
以提供傳統韓國菜而聞名，烤牛肉更是不朽之選。縱使你再怕那韓國燒烤一身的油煙味，最起碼也要試一次。

地址：銅鑼灣波斯富街99號利舞臺廣場17樓
電話：2881 6823
招牌菜：人參雞湯
平均消費：$150

第45位
帶起越南新口味
老趙
不可不提的越南餐廳，雖然黃埔店多新款式，但講到師傅手勢，還是老店好味。

地址：尖沙咀山林道17-19號地下
電話：2314 7983
招牌菜：生牛肉湯河、蔗蝦
平均消費：$100

第46位
醒胃牛腩湯
九記
雖然牛腩水準有點下降，但濃湯仍舊吸引，尤其蒲完蘇豪區酒過三巡，一碗湯令腸胃甦醒。

地址：中環歌賦街21號地下
電話：2854 3826
招牌菜：牛爽腩
平均消費：$30

第47位
明星火鍋店
寧記麻辣火鍋
寧記做了這麼多年，還是這麼受歡迎，除了可能因為個個老闆也是明星，那窩四川鴨血辣椒湯也是重點。

地址：銅鑼灣波斯富街24-30號寶漢大廈3樓
電話：2834 0998
招牌菜：麻辣火鍋
平均消費：$150

第48位
唔憂冇生意
新兜記
只因一味粟米斑塊，棄用石斑改用蘇眉，每日限量一條，二百多元一碟都大把人搶住要。

地址：佐敦吳松街120號地下
電話：2730 6827
招牌菜：粟米斑塊
平均消費：$300

第49位
入味爽魚蛋
益食家粉麵茶餐廳
店內獨有的魚片頭，是用門鱔、九棍魚打成，然後再用滾油炸好，咬落彈牙又多魚汁，貨真價實。

地址：九龍城啟德道17號地下
電話：2716 7079
招牌菜：魚片頭米、魚蛋河
平均消費：$13

第50位
甜品最好食
Tiffin Lounge
女人與甜品buffet是同在的，因為精緻高雅的甜食已是女人一大死穴，再加上五星級酒店的elegance，所以Tiffin Lounge長做長受歡迎。

地址：灣仔港灣道1號君悅酒店1樓
電話：2588 1234
招牌菜：甜品自助餐$135
消費：$150

第51位
巧手大廚
大上海飯店
上海食物最受歡迎始終離不開酸辣湯、小籠包等，看似平凡但做得好實在不易，這况做的不錯。

地址：尖沙咀寶勒巷26-36號二樓
電話：2366 8158
招牌菜：小籠包
平均消費：$150

第52位
地道印度人開飯地
印度菜館
咖喱香、薄餅香，地點夠隱蔽，連印度人都來開飯，就知味道正宗，差極有限。

地址：尖沙咀堪富利士道2A號2樓
電話：2366 6591
招牌菜：印度香料蝦
平均消費：$150

第53位
新派OL熱點
山葵
日裝潢玩空間感，未食飯已經覺得自己賺了這片環境。由於多以OL為目標，價錢不算太貴，值得一試。

地址：銅鑼灣時代廣場食通天13樓
電話：2506 0009
招牌菜：碎甘蝦伴魚子醬
平均消費：$120

第54位
西貢糖水佢最正？
滿記甜品
甜品其實不是頂呱呱，但到西貢玩樂又點會不試而走，首選仍是芒果班戟，尤其面層薄蛋皮，夠香夠滑。

地址：西貢普通道10號C地下
電話：2792 4991
招牌菜：芒果班戟、榴槤班戟
平均消費：$30

第55位
扒屋不二之選
Ruth's Chris Steak House
雖然香港人近年支持健康飲食，少肉多菜，但若要數香港的扒屋，Ruth's Chris一定榜上有名。因為它們的總店是在新奧爾良享負盛名的國際扒房。

地址：尖沙咀帝國中心地下
電話：2366 6000
招牌菜：Filet 8安士
平均消費：$200

第56位
人氣咖啡館
熱飲永遠不熱，紙杯亦討人厭，但他們普及香港的咖啡文化，亦在多處設立分店作為年輕人蒲點。

地址：中環交易廣場2座3樓308舖
電話：2147 3739
招牌菜：各式咖啡
平均消費：$30

第57位
大廚掌廚
金島燕窩潮州酒樓
邀得國家級名廚、煮得一手好潮菜的吳木興掌廚，已經係入選最好的原因。

地址：尖沙咀梳士巴利道3號星光行2樓東座
電話：2736 6228
招牌菜：全燕宴
平均消費：$180

第58位
平靚正
大喜慶
舊式廣東菜出色已街知巷聞，反而早午市十三元碟點心水準一流，一味大包真的要整多兩籠。

地址：銅鑼灣勿地臣街15A號地下
電話：2507 2200
招牌菜：豬肚尖
平均消費：$80

第59位
電影feel
蓮香樓
香港有名的老字號，慕名而來的人卻硬是來之不盡。招牌的霸王鴨由於製法複雜，每日只賣十五隻，由於價錢只要一百二十元，所以極受歡迎。想食一定要預訂。

地址：中環威靈頓街160-164號
電話：2544 4556
招牌菜：焗魚腸
平均消費：$100

第60位
架勢炸兩
蓮園粥粉麵
店子小小，人客多多，有人不惜專程駕車來買外賣，為的就是一客脆卜卜的招牌炸兩。

地址：跑馬地成和道51A地下D舖
電話：2891 5569
招牌菜：炸兩、艇仔粥
平均消費：$40

作者: bbc147258369 時間: 04-6-10 09:56 AM

第61位
食來頭
容記小菜王
一味燒腩肉點日式芥末街知巷聞，其他小菜亦不過不失，比初期退步，但仍具一定水準。

地址：深水叅福華街118-120號地下
電話：2387 1051
招牌菜：燒腩肉
平均消費：$60

第62位
原味米線
雲南風味
米線好味得難覓對手，炸雞翼亦不知何故香口動人，田七汽鍋雞好味又有益，假期絕對擠擁。

地址：長沙灣營盤街134號地下
電話：2361 5002
招牌菜：各味道米線、田七汽鍋雞
平均消費：$40

第63位
60年代豆腐店
隆得興
店內伙記連老闆的平均年齡超過五十五歲，由於是上一代的人，仍是那些清晨3點就起來準備食物的伯伯。店內的餃子與豆腐花，一定要試。

地址：北角馬寶道1號N
電話：2563 8815
招牌菜：豆腐花
平均消費：$10

第64位
賣得招積
Paparazzi
以電影作為牆壁上的裝飾，對部分人已夠吸引，餐廳內提供港式的意大利菜竟也吸引到一眾顧客。

地址：九龍尖沙咀諾士佛臺2號地下
電話：2312 6688
招牌菜：意式薄餅
平均消費：$150

第65位
理想餐廳經營模式
One Thirty-One
設店於西貢小村內，遠離城市繁囂散發

作者: bbc147258369 時間: 04-6-10 09:56 AM

第81位
值得一試
雲海日本料理
高級日本料理店，多種魚生刺身於不同時節供應，品質絕對毋須懷疑，唯一要求是錢包要脹。

地址：尖沙咀彌敦道20號香港喜來登酒店3樓
電話：2369 1111
招牌菜：刺身、鐵板燒
平均消費：$500

第82位
識食之人蒲點
天勺
地點不顯眼就是品質的保證，食物質素高，地方小小，日本人多多，午市更加爆棚。

地址：銅鑼灣登龍街28號永光中心3字樓
電話：2833 5337
招牌：海鰻壽司
平均消費：$350

第83位
食法國情調
2 Sardines
位處蘇豪區的西餐廳，食物不錯，午市百多元有三個course的set lunch是不錯的推介。

地址：中環蘇豪伊利近街43號地下
電話：2973 6618
招牌菜：羊排
平均消費：$300

第84位
長青西餐館
M at the fringe
多年前已是城中名人的食飯首選，食物挑選精緻，味道很好，地點有歷史感。

地址：中環下亞厘畢道2號1樓
電話：2877 4000
招牌菜：Pavlova
平均消費：$500

第85位
貴得有道理
喜記
當然是海鮮出名，蜆與蟹都是拿手小菜，雖然上了舖後價錢貴了，但是值得一試。

地址：灣仔謝斐道392號H舖地下
電話：2893 7565
招牌菜：避風塘炒蟹
平均消費：$120

第86位
注重顧客健康
Cafe pumpermickel
每日出爐的麵包是最精采之處，老闆娘最拿手的麥包又有口感，是一間有誠意的小店。

地址：天后琉璃街1號A地舖
電話：2578 0854
招牌菜：麵包
平均消費：$100

第87位
過江龍
黃枝記
來自澳門的雲吞麵老舖，雲吞即叫即煮，竹壓麵麵質亦佳，湯底好味，但卻比澳門店遜色。

地址：銅鑼灣駱克道496-498號地下
電話：2573 8882
招牌菜：雲吞麵
平均消費：$40

第88位
慢工出細貨
石神井
食物好，價錢合理，而店內環境現代化，雖是小店，但各方面都做到平衡，經常爆滿。

地址：銅鑼灣登龍街28號永光中心1樓
電話：2591 0101
招牌菜：三文魚生飯
消費：$160

第89位
平價蘇杭菜新店
奏淮人家
新開才個多月，但所賣的蘇杭小菜實在一流，各道名菜功力夠是必然的，就連那些風味小吃亦夠特別、夠好吃。

地址：灣仔灣仔道138號地下
電話：2893 3020
招牌菜：菠蘿魚、無錫小排骨
平均消費：$80

第90位
鼎泰豐對手
翡翠拉麵小籠包
小食不錯，尤其小籠包，皮薄餡靚有汁唧出來，價錢亦十分合理，所以人龍不斷，麵則麻麻。

地址：太古城寶安閣地下
電話：2568 6262
招牌菜：小籠包
平均消費：$40

第91位
Fusion泰菜
Thai Basil
摩登泰國菜，環境比吃的更吸引，但其實菜式食物都不錯，甜品更是中泰混合的佳作。

地址：金鐘金鐘道88號太古廣場LG15號
電話：2537 4682
招牌菜：雪糕香蕉布丁
平均消費：$70

第92位
法國私房菜巨頭
Posion Ivy
租用三千呎的店面，還敢開在三十八樓，已可略知有幾厲害。主打是矜貴又精細的法國菜，質素比坊間各大食肆高很多，而且還附送三百六十度無敵大海景。
地址：銅鑼灣謝斐道新時代中心38樓
電話：2861 1666
招牌菜：煎法國白鴿胸
平均消費：$400

第93位
食電視劇潮
南灣餐廳
因為《烈火雄心Ⅱ》，所以男人味十足的方中信又再度成為師奶少女殺手。所以南灣又成為了近日熱點，不過此處最正的不是男人，而是正到連骨都可以食的乳鴿！
日地址：尖沙咀山林道23號地下
電話：2314 2688
招牌菜：炸乳鴿
平均消費：$120

第94位
小辣小菜
蜀家菜
經營多年的四川菜，很多人都會慕名前來，但四川菜一點都不辣，你覺得奇不奇怪？要吃辣的話，火鍋的那個湯底可能會更好。
地址：銅鑼灣杜老誌道6號群策大廈4樓
電話：2881 1669
招牌菜：東坡肘子
平均消費：$150

第95位
地

作者: BBQC 時間: 04-6-20 11:47 AM

店舖名稱 : 耶林閣
電話 : 對唔住...唔記得
地址:香港西灣河&箕灣既天悅廣場入邊
推介原因 :食物推介 : 晚上既晚餐有牛排...豬...雞....又有燒豬腳(粗過你隻手)...滑滑珍珠奶茶加4蚊...抵!!
平均消費 :最多70-80蚊...有找tim<有加一>
推介原因 :唔知你地有冇見過你隻腳咁粗既豬腳未
又唔洗用百幾蚊去波士頓都食到佢既氣氛又唔似波士頓咁多油
絕對唔怕冇位....因為佢有好多room都未開...去到就知!!!!

作者: ∴☆細笠°× 時間: 04-6-21 05:33 PM 標題: 〝_雙失青年　〞ｓhiｔ╴＊*

有冇沙田嫁？！

　　　　＋+細笠"”

作者: BBQC 時間: 04-6-21 07:27 PM

Originally posted by ∴☆細笠°× at 21-6-04 05:33 PM:
有冇沙田嫁？！

　　　　＋+細笠"”

你話耶林閣??

作者: cocola 時間: 04-6-24 01:02 PM

店名 : 貴花田
地址 : 上水上水廣場203-205號舖
Tel : 2639-2801
推介食物 : 牛肉鋤耕燒
其他推介原因 : 好好食,好乾淨,個度冇咩人.唔會好嘈.好舒服,雖然地方淺窄佈置簡單,但係勝在好味
平均消費 : 40蚊令到你好飽GA LA 如果2人食個餐78$ JA

平民化既日本菜岩晒香港人

作者: 奧丁 時間: 04-6-25 05:43 PM

提示: 作者被禁止或刪除內容自動屏蔽

作者: 瞬楓 時間: 04-6-28 04:18 PM

店舖名稱 :水道橋創作料理
地址 :旺角通菜街31號同興大廈地下
電話 : 2770-0399
食物推介：壽司,拉麵
平均消費：$80
推介原因：D野幾好味。試咗櫻花角切鰻魚魚生飯，鮭魚親子魚生飯， D特製沙律醬好野味。銀雪魚西京燒一般，鰻魚板壓，即是非手製鰻魚壽司，話說每日限量供應。同埋間店係全白色的日式裝修特別吸引。

[ Last edited by 瞬楓 on 2004-6-28 at 04:20 PM ]

作者: 黑魔道士 時間: 04-6-30 11:24 AM

麗香園冰室

賣點：舊式茶餐廳、環境有feel。酥皮蛋撻出名，每日有自製麵包、西餅新鮮出爐。多街坊幫襯

必吃：沙嗲牛肉麵、蛋撻

地址：佐敦新填地街38號地下

電話：27804009

平均消費：$20

小評：富香港文化特色。

作者: Poon~Poon 時間: 04-7-5 01:39 PM

店舖名稱 : Art in Progress
地址 :中環伊利近街18號
電話 : 21551313
食物推介 : 六月時尚果,果然不同,雪映神仙捧,摩登士燉蛋,,我要空氣,櫻桃蜜友.
平均消費 : 每位$228順序食六樣甜品(要提早2日前預定)
推介原因 : 咩食物都要新鮮先好食,只係大家無想過甜品都可以有咁既即叫即做既自助餐體驗.甜品由淡至濃慢慢送上前,先有六月時尚果,果然不同,雪映神仙捧,摩登士燉蛋,,我要空氣,櫻桃蜜友.

歡迎光臨 2000FUN論壇 (https://www.2000fun.com/)