2000FUN論壇

標題: PART. 1 [打印本頁]
作者: __anSOn    時間: 09-2-28 07:19 AM     標題: PART. 1

其實我依個愛情故事早已經係我FACEBOOK到POST過了
因為反應熱烈 所以依家係2KF一次過POST出黎同大家分享一下

今晚一個人靜靜咁呆坐係個廳到
諗返起好多我同你一齊發生過既事
有開心 有唔開心 但原來隔左一年既我
今日都依然忘記唔到你

記得我地係因為一個MSG.而一齊左
就係你生日既前一晚 我SD左個MSG.比你
『不如聽晚比我做你男朋友一晚呀』
因為依句說話就展開左我地既愛情故事

第一朝去食KFC啦 你一淡 我一淡
SWEET到依家諗返都笑左出黎
每日返工都會偷偷地走過黎你鋪頭 同你無聊一番
每日都收到你為我買既O檬荼
每晚收工都會唔捨得返屋企咁去陪你
日日夜夜就過住依D開心既日子

三個月黎我都夾左係你同啊馬之間
開頭我都覺得我係可以接受到
但日子耐左 當我越黎越愛你既時候
問題出現左啦 我終於忍受唔到而決定【放棄】
係半個月內 我冇搵過你 冇去過你鋪頭
諗住可以淡淡然咁離開
唔想因為我而另到你同啊馬有咩問題
但原來係唔得既 最終我都係去左你鋪頭門口
仲記得你當日係著住一條綠色既連身裙
當你一見到我既時候 就飛身緊緊地攬實我
攬左成分鍾 我地一句說話都冇講
係個時刻 我明白到你對我有幾重要

就係o個一抱之後 我地又再一齊返
不過我依然係第三者既身份
做著後備情人既角色
好不愉快地聽到兩個好難接受既消息
第一個就係啊TIM 而第二個就係啊翁
當時我心情又再一次趺落谷底
已經做緊人第三者
依家仲要叫我面對依兩個消息
但我冇放棄到 只有係到諗 鍾唔鍾意唔到我控制
既然鍾意既我只有忍受

如事者又過左一個月 我地再一次因為啊馬而鬧交
今次失蹤既唔係我 而係你
我打左2日電話比你你都冇聽到
MSG.比你又冇覆我 落去鋪頭搵你你又冇返工
心情低落左兩日 結果我搵到啊妹
用啊妹個電話打比你 而你終於都接左個電話
我好辛苦咁約左你出黎
就係你屋企樓下 今次你就著左條白色連身裙
去左你屋企後面公園傾 原來今次你話比我聽
你決定簡啊馬 你要同我分手啦
哭 真係唔知可以再做D咩

過左一段時間 發生左好多小插曲
終於我地又再次走返埋一齊
今次真係好開心 我知你為左我開始放棄啊馬
真真正正咁同我一齊
我地每日都好開心咁一齊返工 一齊收工
一齊出街 一齊返屋企
你買野哄下我 我又買野哄下你
得閒去影下貼紙相 得閒去睇下戲
記得你鍾意"訂"彩虹 記得你鍾意史迪仔
記得你鍾意食朱古力 記得你鍾意我既一切
每次你放假你都會好辛苦咁通頂唔訓覺咁走黎陪我
因為你驚訓左你會唔知醒
雖然你返工已經好累 但你一直都冇對我有怨言
有時你落場時間我黎接你 有時你收工我又黎接你
當你見到我出現既時候
你個表情已經話晒比我聽你有幾開心
但其實我睇得出你返工係好累累

你明知你屋企人唔鍾意我
但你依然同我一齊
偷偷地咁出黎搵我
仲要帶我返去你屋企
仲要帶我去見你麻麻
個時既我真係覺得好幸福
我都係第一次無聊到係屋企
同自己既女朋友係屋企一齊玩PUZZLE
一齊整隻史迪仔 而你仲整左一幅我最鍾意既
巴欺光年PUZZLE比我添
個一刻真係開心到唔知可以講咩
就由個刻開始 我房間裡既巴欺光年一日比一日多
而我對你既愛亦都一日比日比多起黎

待續...

[ 本帖最後由 __anSOn 於 2009-2-28 07:29 AM 編輯 ]
作者: __anSOn    時間: 09-2-28 07:20 AM     標題: PART. 2

回想返我地開心既時間 的確甜蜜
想到你話已經放棄啊馬 我已經開心到不得了
一心諗住守得雲開見月明啦
但開心既日子又可以保持幾耐呢

有一次無意中睇你XANGA
發現左一張寫滿【我愛你】既紙
而內容大致上就話依張紙係寫比啊馬既
當時既我 啞口無聲 兩行眼淚就咁直流
不過我相信你 我相信你係已經選擇了我
所以我一直默不作聲
但有一日我見到你MSN頭像既一幅相
竟然就係我o係你XANGA睇到個張我愛你既紙
當我問你張紙係寫比邊個既時候
你居然答我係寫比我 汗
又一次被你欺騙 再一次打我落谷底
我想像唔到點解我為你做左咁多野
為你接受左咁多我唔想接受既事實
到頭來你要咁對我
本來我覺得我地既開心 我地既甜蜜
我地既感情 我地既承諾
全部都係真既
但到頭來一張紙就將我對你既想法打破

經過一番爭吵後 你比我既答案
同上一次一樣 選擇放棄 我
今次我終於撐唔住 失控了
發癲咁向你發脾氣 鬧鬧鬧鬧鬧
不顧一切咁去做出一D令你接受唔到既事
結果我背上了一單刑事恐嚇
但你冇因為咁而明白我對你既愛
你依然覺得你咁呃我係岩既
我好失落 唔知可以再做D咩野
再一次趺返落三角戀既關係入面
而我依然都係第三者身份

就係依個時候 "佢"出現返係我身邊
日日夜夜咁陪我 安慰我
當時既我覺得你要咁對我
點解我仲要對你咁好呢
結果我同"佢"再次發生左關係 就係依個關係
改寫左我同你既愛情故事
冇左你 我已經不顧後果咁做左一樣令我最後悔既事
而個件事就令到我個人生蒙上左一個好大既污點

一段又一段連我自己都攪唔清既關係入面
我地又維持左成個月
我記得當時我同"佢"都比你捉過幾次
幾次都比你碰個正著
但你又竟然當咩事都冇
仲要SD 左一段好長好長既MSG.比我
內容就話我對你既重要性 你唔可以冇左我
所以你選擇去改變你自己黎形合我
當時我只覺得你心入面只有啊馬 跟本冇可能
但你比我既回覆係 你會係我面前同啊馬
講得一清二楚
好 我話我相信埋你最後一次
結果 你 我 啊馬依段三角戀終於停止了

當我 你 啊馬既三角戀停止左之後
不知不覺間另一段三角戀又再次開始
今次既主角就係我 你 "佢"
唉 係唔係個天都要咁樣對我地兩個呢
完左一段又黎一段 但今次個身份掉轉左
就係到你忍受我
o係到我要同你講返聲SORRY
我真係唔知會攪成咁 我都唔想
唔知係唔係因為我同"佢"開始左啦
所以我對你真係淡左小小
但我可以肯定就係我仍然最愛係你
段三角戀過左成個幾月
係依個幾月入面我知你忍受左好多野
好多唔開心你都冇同我講 又冇放棄到我
不過我明白終有一日你係會忍受唔到而離開我
結果比我想像中更快出現
而今次你同我講既分手 我卻無挽留到
大家就靜靜地咁消失係大家既生活圈子內

待續...
作者: __anSOn    時間: 09-2-28 07:21 AM     標題: PART. 3

當大家都以為我地既愛情故事完結既時候
奇蹟又再一次出現係我地身上
哈 個天都唔知想點

就係2007年既10月4日發生左一件事
而就係我o係回憶 Part. 2到提及過既
令我一生都蒙上污點既事 唉
10月6日去左LCK 但你都唔知我發生左咩事
係個到諗返好多自己做錯既事
時間 令我反省左自己 開頭我都唔知點面對你
但有一次我終於忍唔住咁寫左一封信比你
信裡面話回想返同你一齊咁耐
做過咩對唔住你既事 我都好後悔
隔左幾日 突然收到你既回信
你話你已經原諒左我 但估唔到我係LCK
你話你好想見我 問可唔可以黎搵我
不過當時既我真係唔知點面對你
所以我一口拒絕左

過左一個月 有一日突然你出現左係我面前
個刻既我真係又驚又喜 唔知比咩反應你
直至你第一句問我 點呀 過得慣唔慣呀
我真係差唔多兩行眼淚自然咁流出黎
而我都睇得出你因為我既事而感到擔心
其實我真係好冇用
開心既事就比唔到我身邊愛既人
反而仲要佢擔心 辛苦 同流淚
個半月來第一次見返你 有著說不完的話
當時既我明白到什麼叫 患難見真情
係你 依份純真打動左我
就係咁我地又再次走返埋一齊
今次既一齊 沒有啊馬 沒有佢
而係真真正正屬於我同你

2007年既11月22日 我地終於可以
正正式式咁享受我地既兩人世界
原來蜜運中既情侶係可以咁開心呀
個時我岩岩處於失業狀態
每日可以陪你啦 接你落場啦 接你放工啦
你放假既時候我地又會一齊出街啦
你又會得閒陪下我屋企人食飯
當時我真係覺得自己好幸福 應該定落黎啦
回想返你都係第一個女朋友叫我媽媽做 媽咪
亦都係第一個女朋友會當我屋企人係你屋企人一樣
記得當時我比左我屋企既鎖匙你
你話 收得起我屋企既鎖匙 就會做返佢應有既本份
我明呀 我真係明呀 因為大家都心愛著對方
開心既日子過得特別快
但你我都知道我會係2008年既2月25日離開
可能就係依個原因啦
我地比以前更加珍惜我地擁有既時間

好記得07年既聖誕節 我特意去左TIFFANY
買左一條有兩個心心既頸鏈比你
點解我會無啦啦買依條鏈呢
其實我覺得你都辛苦左咁耐
係時候送返樣野哄下你開心嫁啦
加上我好快要離開你一段時間
所以我買左依條孖心鏈比你帶
預意我地兩個心可以永遠比你掛住
雖然我地聖誕節過得沒什麼特別
只係去左尖沙咀逛逛燈飾 但我已經覺得好開心
因為只要有你係我身邊 去邊到做咩 都唔再重要

待續...

[ 本帖最後由 __anSOn 於 2009-2-28 07:46 AM 編輯 ]
作者: __anSOn    時間: 09-2-28 07:22 AM     標題: PART. 4

12月17日係我既生日
以前每年過既生日我都好鍾意一大班朋友
高高興興咁樣慶祝 但個年例外
記得生日個日澳洲岩岩有幾個朋友返左黎
就係咁 我只係同左我澳洲班朋友慶祝
當然緊係有你係我身邊啦
你收左工 就上左黎我既生日party
當時你著住一套我最鍾意既HIP HOP運動SUIT
出現係我面前 真係開心死我
十二點 切蛋糕既一刻
你為我準備左一朵好靚既蓮花蠟燭
我真係好Surprised 你仲要錫左我一啖
雖然當晚"佢"都在場
但一點兒都冇影響到我同你

玩緊既途中 因為已經夜啦
送左你上的士 我先上去再玩
當我返左上去一陣既時候
我收到一個MSG. 個MSG.就只有一句
【我好撚愛你】 哈哈 係你SD比我
依句說話其他人可能睇唔明
因為內裡係有一個故事
而你為我做左咁多 我係睇得出呀
你跟本唔需要因為小鳳而咁做
我愛你就只會愛你一個 以前發生左咁多事
只係我地大家都未夠了解 所以先鬧交
但經過左咁多個月 發生左咁多野
我地又患難見真情 其實我已經認定左你
PARTY完畢之後 各散東西
係依個時候就只剩返我同"佢"
好記得佢問我去邊 會唔會陪佢
但我好快咁拒絕左"佢" 因為我心入面只得你
返到屋企打比你 同你講左依件事
你比我既反應係好開心 好安慰
而我當然都過左一個愉快既晚上啦

日子真係過得好快 可能係大家都開開心心
唔會再因為什麼感情事而煩惱
不過開心既背後其實大家都明白一樣野
就係 兩個月後我既離開 仲要離開一段時間
雖然唔係去左唔返 但你我都好唔捨得
個段時間你發左好多個MSG.比我
內容大至上都係話好唔捨得我呀
問我可唔可以唔走 無奈地我跟本冇依個選擇權
當時既我難道又會捨得離開你咩
我只有答你 將來係點大家都唔知
只希望開開心心咁過埋剩返既時間
記得我係廚房同你講過嗎
【將來係點唔緊要 最緊要就係今日你我都深愛過】

有段日子 你懷疑你自己有左BB
你走黎同我商量 話如果真係有左
你會好想要左個BB 當時我係到諗
其實依件係好事定唔好事呢
大家咁辛苦咁先可以係埋一齊
而咁岩個天又比左份咁既禮物我
加上你又肯為我生出黎
我係應該開心既 但當我諗起我要走的一事之後
我好堅決咁拒絕左 仲好不負責任地話
如果真係有左就落左佢啦 唉 SORRY呀
大家都因為依件事而爭議左好耐
最後驗出黎既結果係 無 SORRY

10 9 8 ... 3 2 1 HAPPY NEW YEAR
望住國金燦爛既煙花 抱著自己深愛既人
除除送走事事不如意既2007年
高高興興咁迎接新既一年2008
日子一日一日咁過 好快已經到左農曆新年
記得年三十晚同你行花市
我地仲因為一件小事而爭吵上黎
你我都互不理會咁行 哈哈 回想返都覺得好笑
終於到左大年初一啦
從前只有我老婆一個試過陪我拜年之外
都未曾有女朋友試過跟我一齊拜年
當日一早你已經上左黎我屋企
當時我仲訓緊覺 你已經著住我比你既ROCA WEAR外套
係我床邊輕輕地錫左我一啖 個刻到依家我都冇忘記
愛情莫過於你可以起身第一眼就見到你愛人嗎
而當日仲要係大年初一
意味著新既一年 我一起身已經見到 你
係回憶Part. 1我提及過話你屋企人唔太鍾意我
但估唔到你個傻妹居然帶我去你屋企到拜年
仲要成班親戚朋友係到 諗返都覺得尷尬同回味
就係11月22日之後 你我經歷既事 珍惜既時間
令我已經完全咁深愛著你
我只係想餘下既日子可以同你一齊度過

待續...
作者: __anSOn    時間: 09-2-28 07:22 AM     標題: PART. 5

一年一度既情人節終於黎啦 哈哈
但依個節日係我同你一齊度過既最後一個節日
回想返雖然我地無特意去左邊到
只係你開工 而我接左你收工
兩顆兒平平淡淡 開開心心 咁過左一晚
其實咁既生活對我黎講已經好滿足
記得有一次你傻到寫左將紙仔比我
上面寫左一段野 而個段野就係

─────────────────────
│我 李 X X 願意嫁您 蘇 X X 為我合法丈夫  │
│並承諾從今以後  不論貧富與否   環境順逆 │
│生老病死 亦會永遠愛慕您 尊重您 終身不渝 │
│☆★☆★☆★☆★☆★☆★☆★☆★☆★☆★│
─────────────────────

你當時仲叫我一齊簽名約定 哈哈
竟然有一個女仔愛我愛到咁既地步
係個刻我真係好感動 好想好想簽個名落去
不過事實歸事實 係我要走
我唔可能咁就簽個名落去
但我可以話比你聽
我真係好想簽 而到到現在都係

唉 時間真係過得好快
終於到左2月25日 亦即係我要走既一日
當日大家都好依依不捨地行入 "機場"
可能大家都唔知講咩好啦
所以場面極為寧靜
臨別時你我都緊緊地抱實對方
互相咁望住對方 講左聲 再見
記得你話過
【就算捱得幾辛苦捱幾耐
  但至小都係我地兩個一齊捱返黎既天地】
我真係相信呀 我好想你等我
當時既我已經全心全意咁去愛你
深愛既人 我終於要離開啦
上機之前留低左我個電話比你
希望我既一切都可由你去保管

岩岩去到 "澳洲" 開頭
你我都有保持聯絡 大家都係得閒寄下信
談天說地 都好開心
但突然間我兩個幾星期都搵你唔到
寫信比你又唔覆我 個刻我真係好擔心你
如是者又過左兩個星期
忽然有一日我收到你既回信
當時我又驚又喜咁去打開封信
但好境不常 我打開封信睇左一眼之後
我就知到我地又出現左問題了
記得你話你有一日打開左我電話黎睇
你發現左一段MSG. 而個段MSG.係我SD比小鳳既
你好嬲 好嬲 問我點解到左依個時候仲要SD個MSG.比小鳳
你仲話對我好失望 要同我分手
個一刻我真係有口難言
一直咁去搵人聯絡你 寫信比你
當時我又唔係香港 又唔知可以做得D咩
就咁過左1個月了

其實到到今時今日我都好想同你講返
個個MSG.真係冇特別意思
你同我一齊咁耐 你都知我係一個比較重感情既人
當日咁岩我表弟又係返o個到開生日PARTY
咁岩又係o個班人馬 而咁岩又係坐返o個張Table
所以我先觸景傷情 有感而發咁SD左段MSG.比小鳳
其他人唔睇唔明唔緊要 只要你睇得明就得啦
因為依個係事實 所以我亦都同你解釋過好多次
唉 一個誤會又再次令到我地分開左
我當時係 "澳洲" 並冇放棄到
不段咁寫信比你 哄你 向你解釋
但你已經再無理會我了
直到有一日 一位朋友同我講見到你拖住一個男仔
我真係唔敢相信 點解你唔肯聽我解釋
仲要咁快就同左第二個一齊 個刻我真係好心痛
不過我冇嬲 反而我一直係到諗 點樣先可以令你相信返我
可能依D就叫愛情啦

待續...
作者: 大地燒粟米    時間: 09-2-28 07:24 AM

開咁多個主題

到時都係俾人合併返 -_-

--------

回正題

睇下D 內容先
作者: __anSOn    時間: 09-2-28 07:25 AM     標題: PART. 6 (THE END)

返左香港出 "機場" 之後 第一時間打比你
話比你知返左黎 你聽到我個電話你好開心
不過你話返緊工唔得閒 遲D先再搵我
當晚我去左搵朋友飲野 奇怪地收到你個電話
你話不如黎搵我一齊飲野 我當然答好啦
已經開心到不得了 緊張心情等待著
你 終於出現了 好開心好開心咁同你傾計
好快就過左一個晚上 離開時我仲送你返屋企
兩個人慢步咁行過長長的海濱公園 有說有笑
好似返返去以前一齊咁
好耐 好耐都無同你二人世界啦
雖然我地唔係情侶 手已經無拖住
但我知道我地兩顆心依然係牽連著

唔知什麼時候 唔知什麼原因
我地又因某些事而嘈起上黎
仲令到大家再次進入冷戰狀態
今次既冷戰我地仲要搬到上FACEBOOK到
記得你毫無保留地係我FACEBOOK話我 鬧我
我當時真係好嬲 但我真係唔想同你個關係變成咁
所以我決定放下我既自尊 同你講聲 對唔住
天呀 我真係唔想咁 其實我好難受
我真係好愛你 無論點 你做D咩 都係我愛既人
我情願我自己辛苦 自己難受 我都唔想再同你鬧交
以前我地大家都會互相忍讓 互補長短
為何今日會變成這樣 我真係知錯啦

如事者又過左3月 有一日見到你MSN名好唔開心
膽粗粗地係MSN叫左你一下 @@ 居然你應左我
大家好似咩都冇發生過咁閒聊左幾句 就訓覺了
第二日 驚訝地收到你個MSG.
因為你真係好耐都冇SD過野比我了 真係好開心
內容係你話岩岩見到姨媽 姨丈係你公司到食野
你話見到佢地好開心 好掛住佢地
仲叫我得閒叫埋肥姨 同 媽咪一齊黎食野
我話好啦 跟住你仲話以前發生既所有野
已經原諒左我了 叫我得閒都搵下你
結果當晚我就等你收工 同你去左食飯了
食完飯之後你仲上左黎我屋企探媽咪同豬囡
其實個晚我真係好開心 好似以前同你一齊種感覺咁
你話我比以前成熟左 我可以答你其實 全都因為你
係你令我改變我自己 改變我既人生觀
雖然你細過我好多 但其實你係教識我最多既一個
從前係絕對冇一個可以令到我去改變既人 包括我老婆
係你 係你令我自然咁去改變左我自己

眨下眼又到左我生日啦 今年既生日係25年黎最特別既
依樣野我係 "澳洲" 同你鬧緊交既時間 我已經想咁做了
自己諗返都唔敢相信 依個就係現在既我
可能真係已經好愛你啦 所以先會咁做
生日既前一日 去左花鋪訂左一柬好令既花
上面有張卡 寫著
今晚12點我生日 我會係你屋企樓下等你返黎陪我做一樣野
之後叫左花鋪準備係第二日既下午送去你公司
然後我就去左一間專門教人整蛋糕既公司
親手整左一個愛心 生日蛋糕 比你 其實係比自己 哈哈
仲傻到係上面寫著
CAN YOU BE MY FUTURE

距離12點正日仲有幾個鍾
樣樣野都好順利 好快我已經收到你個MSG.
你話好SURPRISE 點解我會送花去你公司
跟住我就照我計劃繼續做 去左你屋企樓下等你
記得我去到既時候係10點鍾 個晚好凍 一個人坐係到
開頭以為你會11黠到收工返到黎 點知
等呀等 等呀等 11點 12點 都未見你既出現
咁岩乜Q打比我 知道我咁慘佢就過左黎陪我等
12點半 亦即係踏入我正日生日既時候
你終於抱著我柬花 慢慢地向我走來
我當時緊係好開心啦 你返黎啦
但同時我亦都好唔開心 因為你同左個TB一齊返黎
其實o係個一刻 你已經比左答案我了 知唔知點解呀
回想返o係我岩岩同你一齊既時候
有一日啊馬突然話o係你屋企樓下
話有野同你講 當時我同你係CWB行緊街 你問我點
我仲話咁你咪返去同佢講清楚囉 然後我送左你搭車
一齊返去 落車時我話同你一齊入去怕唔怕呀
你仲話怕咩呀 拖住入去都仲得呀 就係依件事
結果今日既佢(TB) 就係當日既我 而我就係當日既啊馬
自己生日親手整既蛋糕 送既花 同等你既時間
本應好開心 但就比佢(TB)既出現"吹萎"左
anSOn 生日快樂

同你既回憶只可以寫到依到了 好依依不捨
係回憶PART.1 - PART.6裡每樣發生既事都真係令人回味
每樣同你擁有過既回憶我都記得一清二楚
同你既情侶衣著 情侶鞋 情侶銀包 情侶火機
我都會一一把佢地保管好
可能今次PART6比較草草了事
但我真係好想可以係情人節之前打完
因為我想送依份禮物比你 希望你永遠永遠都會記得我
直到今日我都依然相信我同你依段情並唔係咁簡單既
我相信係個天比緊考驗我同地 就當我一廂情願啦
如果個天真再比多次機會我同你
我一定 一定會好好珍惜同痛錫我身邊的『李』
我會用盡我畢身既努力去保護你 愛惜你
唔會再令你失望 令你受傷
今日既我已經再唔係以前貪玩而不負責任既anSOn
我會努力裝備自己 迎接你既回來
最後係到同你講返聲 【情人節快樂】送返依樣野比你呀

─────────────────────
│我 蘇 X X 願意娶您 李 X X 為我合法太太  │
│並承諾從今以後  不論貧富與否   環境順逆 │
│生老病死 亦會永遠愛慕您 尊重您 終身不渝 │
│☆★☆★☆★☆★☆★☆★☆★☆★☆★☆★│
─────────────────────

我要全世界既人都知道
李已成為我生命中既一個諾印 世界再沒有東西可使我動瑤



多謝一直以黎支持我回憶Part.1 至 Part.6既朋友
希望我同佢既愛情故事可以 TO BE CONTINUE...
作者: __anSOn    時間: 09-2-28 07:31 AM

因為可能每一PART都有唔同既回覆
作者: 大地燒粟米    時間: 09-2-28 07:38 AM

最尾果段

應該係07 年既聖誕節 ?
作者: __anSOn    時間: 09-2-28 07:47 AM

原帖由 大地燒粟米 於 2009-2-28 07:38 發表
最尾果段

應該係07 年既聖誕節 ?

^^多謝你喔

真係睇晒喎
作者: 大地燒粟米    時間: 09-2-28 07:54 AM

睇哂啦 XDD

遲D 先俾COMMENT

上面PART 1-6

你係情人節已經送左俾個女仔?
作者: __anSOn    時間: 09-2-28 07:58 AM

原帖由 大地燒粟米 於 2009-2-28 07:54 發表
睇哂啦 XDD

遲D 先俾COMMENT

上面PART 1-6

你係情人節已經送左俾個女仔?

係喔 係FACEBOOK已經一早TAB左比佢

回憶PART. 1-PART.6 係FACEBOOK反應好所以我先POST上黎
作者: ○兔兔    時間: 09-2-28 11:24 AM

每一part有唔同既回覆可以由版友自行引用...
所以我合併晒嚕... 但係太長... 我都係訓醒先睇-___-
作者: __anSOn    時間: 09-2-28 10:12 PM

原帖由 ○兔兔 於 2009-2-28 11:24 發表
每一part有唔同既回覆可以由版友自行引用...
所以我合併晒嚕... 但係太長... 我都係訓醒先睇-___-

好呀...THZ晒
作者: ted086577    時間: 09-3-1 11:30 PM

睇晒la.內容好感人
作者: __anSOn    時間: 09-3-2 11:28 PM

原帖由 ted086577 於 2009-3-1 23:30 發表
睇晒la.內容好感人

多謝支持
作者: qq670663658    時間: 09-3-3 05:17 PM     標題: 粒叨守什夕仕

柵場之伕伕什之忸
作者: ^小仙女^    時間: 09-3-16 12:37 PM

終於睇哂
好感人既故事...但係都已成過去!
只能回味,放眼未來~
"佢"得唔到你既愛,係佢既捐失...
佢最後同左TB 一齊 ?? TB=TOM BOY 嗎?? OR 譯名??
作者: jason8669    時間: 11-11-14 02:21 AM

做做看哦，謝謝提供



歡迎光臨 2000FUN論壇 (https://www.2000fun.com/) Powered by Discuz! X1.5.1