2000FUN論壇

標題: 冇加速器你地重會唔會玩?....純粹做下資料統計 [打印本頁]

作者: 龍海 時間: 09-3-1 01:34 AM 標題: 冇加速器你地重會唔會玩?....純粹做下資料統計

投左票先睇啦@@

真係純粹統計一下
話晒對玩左石器多年....

我個人就覺得.......
唔可以賴代理衰.......人地都係要返工搵食
自己覺得慢既轉game就算啦......
雖然好失望
而我個人.....就會選擇轉game......

----以下是我自己感想-----
加速器係石器既泉源....
而且在1.0既時代已經有了
如果你地要罵d人冇加速就唔玩....
你地應該去問華義
個陣係佢地比用......
所以e+個個人都慣左用加速器
封加速器個日.........人數激減...
猩猩洞既人得返好少.....龜洞就5個人都冇....
我數字預大少少......我估e+石2係黃金時間上線既人300人都冇...
呢隻我諗只會吸引一d岩岩認識石器既人....老手就少之又少
台版又就來封測....人地個網真係好靚
我個fd講左句說話....真係好精
港版封測左好似未封測咁....台版未封測好似公測咁
人地台版個網d資料齊晒...所有地圖...村莊資料...寵物大百科....所有文字都翻譯好
港版個官網...連一張地圖都冇= =....
2kf呢度都有.......都未夠齊.....得洞穴資料比較有用
唔信呀...比個網你睇啦--------->http://www.stoneage2.com.tw/index.asp
教埋你步驟...入到去...遊戲導覽>遊戲指南
天與地既差別
我自己可能(只是可能)就會玩台版......
封加速外掛...都(可能)玩既....
至少資料比人地齊

冇玩過石1既....你唔好插
我希望聽下老手們既意見
大家都玩左好多年石器

作者: sSnAkEe 時間: 09-3-1 01:39 AM

我會玩
不過投錯左 "不會"

作者: hkg2009 時間: 09-3-1 02:50 AM

台灣個網站真係吸引好多.

香港個網站真係要加速改善. (真係似7 年8 年前 d 網站咁.)
第一下望落去感覺都相差好遠. 好難吸引到新玩家.
而且大家是否遇到有一些圖檔 load 唔到.(香港官網)

作者: yin20k 時間: 09-3-1 08:00 AM

現在封埋加速.玩既機率極低,90%個人不會玩

作者: 楊不悔 時間: 09-3-1 08:20 AM

無加速梗係唔玩啦

作者: 龍海 時間: 09-3-1 10:55 AM

嗯=.=....我諗公測d人都唔多得去邊

作者: 黑暗.... 時間: 09-3-1 11:25 AM

無加速一定玩@_@""

作者: cKonE 時間: 09-3-1 11:41 AM

冇加速真係頂唔順, 打一陣怪就想off

作者: mowing 時間: 09-3-1 11:43 AM

可能會玩既..
公測先算

作者: fei_228 時間: 09-3-1 12:58 PM

無加速先玩= =腦殘先用加速..

作者: 嗡嗡 時間: 09-3-1 01:04 PM

等咁公測全力升LV

玩封測係咁就住玩

作者: 龍海 時間: 09-3-1 01:37 PM

原帖由 fei_228 於 2009-3-1 12:58 PM 發表
無加速先玩= =腦殘先用加速..

咁玩石1個個都做左好多年腦殘啵

作者: yin20k 時間: 09-3-1 01:46 PM

原帖由 fei_228 於 2009-3-1 12:58 PM 發表
無加速先玩= =腦殘先用加速..

你個弱智仔係樂古先比人屌完,又黎2千分比人屌下先精神??

作者: cwcchk 時間: 09-3-2 11:26 AM

我會玩
我玩左石1 4年
係華義開壞左個頭姐
我都唔想石2再錯下去
難度人地去打

作者: 龍海 時間: 09-3-2 04:27 PM

原帖由 cwcchk 於 2009-3-2 11:26 AM 發表
我會玩
我玩左石1 4年
係華義開壞左個頭姐
我都唔想石2再錯下去
難度人地去打

咁個4年你有冇用加速先?...
開壞左個頭你又玩左4年既?

作者: Dy.21 時間: 09-3-2 05:34 PM

緊係玩啦..
慢慢升是一種樂趣

作者: 有女診療所 時間: 09-3-2 05:51 PM

原帖由龍海於 2009-3-2 04:27 PM 發表

咁個4年你有冇用加速先?...
開壞左個頭你又玩左4年既?

我想問點解冇加速會唔習慣??? 石1幾時摺定係玩私服?
隔左咁耐冇玩隻game點解仲會覺得隻game慢唔係應該係一直用緊忽然冇得郁用先會覺得慢咩?

作者: 龍海 時間: 09-3-2 06:07 PM

原帖由 有女診療所 於 2009-3-2 05:51 PM 發表

我想問點解冇加速會唔習慣??? 石1幾時摺定係玩私服?
隔左咁耐冇玩隻game點解仲會覺得隻game慢唔係應該係一直用緊忽然冇得郁用先會覺得慢咩?

呢d係佢遊戲既本質

作者: 楊不悔 時間: 09-3-2 06:33 PM

原帖由 fei_228 於 2009-3-1 12:58 PM 發表
無加速先玩= =腦殘先用加速..

你咁講就真係腦殘啦
用加速我怕你追唔到個晝面,咁你就真係殘啦
加速只係將所有野都整快d,快左反而腦殘?
你知唔知自己講緊咩啊????????

作者: sSnAkEe 時間: 09-3-2 08:42 PM

原帖由 楊不悔 於 2009-3-2 06:33 PM 發表

你咁講就真係腦殘啦
用加速我怕你追唔到個晝面,咁你就真係殘啦
加速只係將所有野都整快d,快左反而腦殘?
你知唔知自己講緊咩啊????????

你又知唔知自己講緊咩啊?????????????
楊不悔 <---有邊個唔知你係外掛支持者?
講咁多做咩
石2 冇得用外掛架喇~~
你過主啦~~

仲有...
你用加速器做咩要追畫面?
e+叫你睇動畫咩~
打怪之ma...
洗唔洗下下睇到實-.-

少少速度上ge問題都認唔到
好明顯冇最基本的適應能力...
唔係腦殘係咩?
下下要隻game就你,
唔係腦殘係咩??

都係果句~
過主啦你=]

作者: 楊不悔 時間: 09-3-2 10:34 PM

原帖由 sSnAkEe 於 2009-3-2 08:42 PM 發表

你又知唔知自己講緊咩啊?????????????
楊不悔

你真係出黎搞笑,講來講去係咁叫人唔好玩石器,人地玩唔玩關你q事咩~
仲有用加速器同睇到實個晝面有咩關係呢??同埋又關適應能力有咩關係??
唔好亂打d事出黎亂博先得假~
我係講晝面快左,睇住果時個腦用多左,估唔到你常識都無,低能~

作者: yin20k 時間: 09-3-2 10:48 PM

版主都係一9樣,靜係識講因為就封測完,所以小人online為理由
根本佢都知道玩家走既走,玩厭既玩厭,從來唔見佢講過一d負面文章,佢既角度就係樣樣都完美,只係唔面對現實既行為,自己呃自己,例如,介面唔靚,垃圾既操控...都唔會見佢有題過或同意過

請先參考19樓之說法
http://www.2000fun.com/bbs/viewt ... ;page=1#pid54888316
論點論據論證齊晒

作者: sSnAkEe 時間: 09-3-2 10:56 PM

原帖由 楊不悔 於 2009-3-2 10:34 PM 發表

你真係出黎搞笑,講來講去係咁叫人唔好玩石器,人地玩唔玩關你q事咩~
仲有用加速器同睇到實個晝面有咩關係呢??同埋又關適應能力有咩關係??
唔好亂打d事出黎亂博先得假~
我係講晝面快左,睇住果時個腦用多左,估唔到 ...

我冇叫人唔玩石2
我係叫d外掛狗唔好玩咋,,,
即係你呀...
外掛狗

咁我又想問下喇...
適應能力係講緊你地班比石1外掛寵壞ge小朋友~
人地石2 一唔比用加速同外掛你地就媽媽聲
明顯地你係適應唔到石2 ge速度?
咁你覺得同適應能力有冇關係呢?

作者: sSnAkEe 時間: 09-3-2 11:09 PM

原帖由 yin20k 於 2009-3-2 10:48 PM 發表
版主都係一9樣,靜係識講因為就封測完,所以小人online為理由
根本佢都知道玩家走既走,玩厭既玩厭,從來唔見佢講過一d負面文章,佢既角度就係樣樣都完美,只係唔面對現實既行為,自己呃自己,例如,介面唔靚,垃圾既操控...都 ...

事實上
你所謂的好post其實邏輯上錯誤

佢講山區同大城市通訊器材上面ge差異
問題係, 佢地兩者背後ge條件太極端
因為兩個地方差異太大, 根本唔可以作比較
而且佢同外掛有一樣最基本ge分別
就係山區人點都冇可能有電話用,
但係石2(暫不論其他game)唔用外掛ge玩家唔係佢地用唔到
只係佢地唔用
一樣野係根本不可能發生 (山區冇電話用)
一樣野係有選擇的情況下沒有發生 (石2部分玩家冇用外掛)

如果夾硬用山區同大城市作比較
其實佢只可能用泥比較兩隻唔同ge game
即係某GAME可以用外掛(大城市)
而石2 唔可以 (山區)
咁兩隻game就會有不同命運
但係比較ge結果係冇意義ge
因為兩隻唔同ge game冇必要係外掛範疇比較

所以係最基礎假設上已經出左問題
佢果篇野ge前部份已經變左垃圾

至於後半部
有關幾多人會支持外掛唔外掛
我想講ge係
e+大家都唔知ob有幾多人
事實上舊一代玩石1 ge玩家已經走左好多
取而代之係一批冇玩過阿貝ge玩家

暫時我對石2 ge前景仍然樂觀
主要係因為官方已經做左防外掛措施

其實廿唔廿三條同外掛會唔會合法化
比較上泥都十分勉強...
由於廿三條同民生有關,
但係唔用外掛打機...
係唔會死人ge...

作者: yu1gi2oh3 時間: 09-3-2 11:58 PM

原帖由 sSnAkEe 於 2009-3-2 11:09 PM 發表

事實上
你所謂的好post其實邏輯上錯誤

佢講山區同大城市通訊器材上面ge差異
問題係, 佢地兩者背後ge條件太極端
因為兩個地方差異太大, 根本唔可以作比較
而且佢同外掛有一樣最基本ge分別
就係山區人點 ...

?.? 做嘜咁鍾意攪我d回覆既你地?
不過老兄你咁有興趣討論, 咁就向交論文之餘都同你研究下啦~

嗯~感覺上~你都算乖仔喇~係咁二都叫做睇過下, 不過有d野理解錯啵。
知唔知何為邏輯? 唔明可以去睇下=> http://philosophy.hku.hk/think/logic/whatislogic.php
how logic should be properly defined is actually quite a controversial matter -> 其實點介定係好爭議
Logic is not the psychology of reasoning -> 並唔係你心理中認為係就叫logic
principles governing the validity of arguments -> 起碼要有d原則即一d結論要有特別既假設
...其你果d唔解俾你睇嚕..你自己睇吧

即係話, 當你要解釋一個邏輯上錯誤, 係需要有一d基本既假設, 而唔係每一個句子同文字去做相應既反駁, 即係唔可以沿用Popper’s Concern..因為Popper’s idea..即係嘜都靠反駁既理論係有好多問題出現...

基本上, 當時我舉通訊器材, 係建基於[通訊方式]同[現代實際情況]去做我既假設。雖然我睇得出你好想嘗試去推翻...但你缺乏左自己既假設, 即係[無立場]...
跟住到閣下所提及[兩地差異], 由於2地都共存係地球上, 同一空間, 時間, 所以..差異何在? 請閣下提供具體說明...
另外我提及一d閣下[logic]上既錯誤...我既假設建基於同時代同空間...咁點解山區一定唔用得通訊器材呢? 因為閣下用既字眼係[冇可能]..即係你所提出既係impossible...同埋可能唱山歌係人地既communication system呢? XD 唔好太睇少人地唱山歌既通訊能力, 其實古代都有[狼煙]...一樣係可以作通訊之用, 不過係好緊急先用..
同埋...請閣下專重山區居民...人地唔係一定無電話的...
有冇讀過MI? 你base case 被 break左了...下面唔洗prove落去了..
另外..想提一提, 23條哩...其實唔[只係]民生囉...主要最受關注係當中既顛覆罪及煽動叛亂罪...
你自己睇吧...唔想解釋何況因為佢關乎國法..我唔可以用一個市民既角度去解釋..一來無資格, 二來懶得打...自己睇吧=> http://www.article23.org.hk/
至於點解我又會[提及]廿三條? 主要因為我concern既係佢[立法]果一下, 大家仲記唔記得, 當日係因為政府無足夠既咨詢, 同民意調查, 而又想好草率咁立法, 引致[七一]大遊行?
最後廿三條既[立法], 記住..係講緊立法, 而家都仲係不了了之。
@@" 雖然我好歡迎大家討論, 但係哩...呢度係石器2版...其實最好都係唔好亂咁引用...一陣變到好似政府版咁就無意思了...
又或者如果你地想知多d有關既事, 又或者古代歷史政制..可以私下pm我...

作者: sSnAkEe 時間: 09-3-3 12:32 AM

wow
你終於出現
咁我地討論下啦

我逐點逐點講下
首先講明先
我係一個中7學生
絕對未去到hku水平...
所以篇野我唔睇喇
廢事壞腦...
不過我估你ge意思:
do u mean that 破而不立 is not a proper way to reject a logical theory and
an assumption is needed for me to reject ur theory(ies)?
我承認我係缺乏自己既假設, 但係唔係代表無立場呢...

問題在於如何處理兩地差異 e個condition
本身其實真係冇咩差異,
不過閣下(你有見識, 禮貌d先)張其用於比喻 "外掛"
似乎有點過界
具體說明之前
交代番先,點解山區一定唔用得通訊器材呢?
係因為你係e個post一開始已經假設左山區冇得用, 並形成不公平現象
http://www.2000fun.com/bbs/viewt ... ;page=1#pid54888316
回正題,
具體說明如下
基於你係上面條link講過"中國山區又無得用"
所以我ge假設係 (原來我都有假設)
大城市 - 有先進通訊器材
中國山區 - 缺乏先進通訊器材
石2玩家 - 擁有外掛科技, 但有使用選擇權
咁睇落去...
似乎係有選擇同冇選擇方面
通訊器材理論同石2外掛理論係環境上有好多分別
其實我本身(23樓) 係想指出兩者(兩個理論)
有唔同condition
所以先令到兩者難以比較

其實古代都有[狼煙]...
但係佢同你最初ge設定"明明個人身處地球既另一端都可以即時收到通訊...而且24小時更新"
都有天壤之別
所以帶過就算

"請閣下專重山區居民...人地唔係一定無電話的..."
refer閣下原文, 係你假設的...
"但係d中國山區又無得用, 咁係咪好唔公平?"

至於立法
我所講影唔影響民生,
只係想帶出
game的官方要改game(加一個防外掛)
比
政府立法來得容易好多好多
根本唔需要所謂咨詢, 同民意調查
石2 新手寵係烏力
都冇咨詢民意吧...

好高興同你討論...
同你討論比起e幾日同 yinxxx 或者 x海果d小朋友講野
開心好多-.-
起碼有野學到...
不過古代歷史政制就免喇
我已經讀緊中史
一本"制度與學術"已經ko我
唔需要更多書本外知識

作者: yu1gi2oh3 時間: 09-3-3 01:26 AM

原帖由 sSnAkEe 於 2009-3-3 12:32 AM 發表
wow
你終於出現
咁我地討論下啦

我逐點逐點講下
首先講明先
我係一個中7學生
絕對未去到hku水平...
所以篇野我唔睇喇
廢事壞腦...
不過我估你ge意思:
do u mean that 破而不立 is not a proper way to r ...

@@" 原來你咁想我出現嫁?
- -"不過我都唔多發言..上lecture悶果陣就上黎睇下...d Prof教得好悶...好悶...好悶呀...
基本上, 我既假設係同樣地存在向同一個空間之上, 而且要同一個時代。
跟住將兩隻中既差異類比為[外掛],
丫, 不過有樣野要say sorry先, 因為我忘記左review自己前面篇回覆, 實在好耐之前既事, 憑記憶我都忘記左自己當時思維上訂立既assumption。
其實主要既key point係到底中國地區, 能唔能夠同現代社會做比較呢?

閣下既假設係:
大城市 - 有先進通訊器材
中國山區 - 缺乏先進通訊器材
咁閣下既引伸係
石2玩家 - 擁有外掛科技, 但有使用選擇權
我大概咁解釋, 有冇問題? 如果無問題即係我大概get到你既意思, right?
咁我地可以開始探討, 一下個問題既所在。

首先哩~我本身既假設係:
大城市 - 有通訊能力, 形式比較先進
中國山區 - 亦有通訊能力, 形式比較落後
咁我想引伸既係
石2玩家 - 有通訊能力, 形式可以任由玩家選擇
(正如你想用外掛又得, 唔用外掛亦得, 得左)
如果用大家都有一個common既problem就係communication既層面上去睇
其實係唔係山區/城市都唔重要, right?

至於古代既狼煙...其實如果你就番當時既人, 國家就 = 天下 = 世界
所以鋒煙一起...舉國都知道, 同時間亦有衛兵24小時把守準備...
至於點解我特別講地球既某一角落呢?
其實呢個例子既重點並唔係[地球每一個角落], 而係[24小時通訊]
= ="因為其實你用外掛同唔用外掛, 都係受限制於[石器2 伺服器之內], right?

至於通訊器材理論 vs 石器2外掛理論
回應本人既假設, 主要係研究佢地既通訊形式選擇, 而同佢地既[科技]差異無嘜關係, 因為無論你個外掛點勁...來來去去都係運行石器入面既功能...無可能走出石器2呢個限制..純粹係變左自動有人做定你手動做, 但其實只係個玩既[形式]由手動->自動, 至於執行既行動既意思同功能上係不變, 我以下列出:
手動 = 用落後科技 (唱山歌, 狼煙...etc)
自動 = 用先進科技 (手機, 上網...etc)
但兩者功能相同
遊戲功能 = 通訊
呢度o唔ok?
唔ok果d..你quote番果幾段ok了...一陣好大段, 大家都睇唔切

回應閣下引用本人既假設
"但係d中國山區又無得用, 咁係咪好唔公平?"
咁你覺得公唔公平? 如果你問我, 其實佢地都已經做到通訊既功能同效果, 但用既形式唔同
相比城市既居民, 佢地其實都做通訊只係習慣選用比較先進既科技, 但其實就算落後既都有人類而家用緊...起碼大家仲係要靠把口講野

其實哩~立法呢part主要係睇佢立既係[咩法]
所以我特別拎廿三條出黎...因佢一旦成立對全香港都有影響既
引用閣下原文"石2 新手寵係烏力"
1. 石1已經係咁...基於傳統...大家無興趣理
2. 新手寵..唔要你可以捉過隻, 即係可以講無嘜影響
3. 大家公平, 無人得到利益
所以個總結先至會係[無人理佢]

而外掛
1. 石1 已經遺留既傳統 (我諗我咁講應該無人有異議吧?)
2. 官方封左你無得叫佢唔封...(雖然華義...最後因為民眾壓力而開番)
3. 其實...都算係大家公平既..你可以用你想要既形式去玩...

最後係要表明本人既立場, 我本身係石器1.0開始既化石玩家...
其實佢有冇外掛, 對我無嘜影響..一來未必有時間玩...(原因 = 秘密)
係呢度要做少少補充先, 外掛係唔係 = 加速呢?
= ="老老實實, 我認為係, 外掛...即係外來程式去使用遊戲功能丫麻...
但我點解好似好支持呢?
Sorry...我係想講用咩形式去玩, 去對待石器2..應該留番俾[市民/玩家]去選擇...而唔係強行立法...如果多數民眾真係鍾意用...咁最好都係唔好夾硬黎改, 因為玩家 = 老闆...
再者...其實我個人試玩既心得係同UFO一樣...
無外掛/加速 = no problem
但遊戲速度實在需要調整...而且d人提倡 [外掛不等於加速]
真正目的並唔係想將加速合法化...而係想講佢地想隻遊戲既節奏變得[順暢]一d...
因此如果官方真係肯聽從多數玩家既訴求, 得益既..唔會只係果小or大部份玩家...
而係[所有玩家]...
呢一樣亦係我即使無機會玩石器2...亦想盡量想大家明白既..
至於何謂理想速度? 呢個唔係今日既話題...想研究可以另外再討論
但我個人有小小心得係..至少都要多數玩家覺得[順暢]..咁就應該係差唔多夠了

作者: sSnAkEe 時間: 09-3-3 01:50 AM

@@" 原來你咁想我出現嫁?
少有大學生發言-,-
難得一見的有內容ma~~

因為你上面果d野太覆雜
我只能說一句投降
我身邊仲有司馬遷<<史記>>等緊我

不過我回應一下個總結
事實上
我同你同ufo諗法一樣
無外掛/加速 = no problem

只係有一點係我想表達
我認為玩家唔一定懂得選擇
因為, 老土d講句
石2 係玩家心中只係一小角
但係玩家係石2ge內容就係絕大部分
我知道顧客永遠是對的e個道理

反思一個問題
如果石2 真係聽現時e一班支持外掛ge人講
開放外掛
但係做壞左風氣之後
可能係幾個月, 可能係1年
現時e一批玩家拍下羅友就走左去

改變左石2風氣
又唔繼續支持
亦影響左後繼玩家對石2 的態度

對石2代理or 開發都係好大打擊
但係對e一批玩完就算ge玩家,
可能第2日已經唔記得左有件咁ge事

對遊戲本身又公平嗎?
對開發, 代理商又公平嗎?

感覺上
玩家們只會顧自己利益
有理營運公司, 工作人員的感受嗎?
人地設計一隻game可以玩到let say 1年
你用外掛, 3個月玩悶左
咁對設計者又公平嗎?

討論左咁耐
都係環繞外掛玩家同非外掛玩家的利益比重
係時候考慮下營運者
佢地係賺錢同時,
都係比緊服務的

ps: 自問邏輯上唔夠講-.-
   我已經冇腦去諗野喇~~
   你可以睇到我係一個ac 對幾個ac的=.=  (ac數 > 實際人數)
   e幾日不停發post=.=
   所以轉戰倫理角度出發
   同埋, pm左你
   add我msn, 有意思同你交個朋友
   hku 係我bandA 都佔左兩個位的@v@

作者: 楊不悔 時間: 09-3-3 07:12 AM

原帖由 sSnAkEe 於 2009-3-2 10:56 PM 發表

我冇叫人唔玩石2
我係叫d外掛狗唔好玩咋,,,
即係你呀...
外掛狗

咁我又想問下喇...
適應能力係講緊你地班比石1外掛寵壞ge小朋友~
人地石2 一唔比用加速同外掛你地就媽媽聲
明顯地你係適應唔到石2 ge速度 ...

你得中7.....20歲都唔知夠唔夠,就話人小朋友= =?
同埋你真係好煩,你周圍係咁回,不過講好多野完全係得個字多,
亂咁搵d野比喻,用加速既人=適應唔到?
你咁講法姐係你搭車唔行路就係腳殘??
咁你係唔係又腦殘又腳殘? 真無言0.0

[ 本帖最後由楊不悔於 2009-3-3 07:19 AM 編輯 ]

作者: 楊不悔 時間: 09-3-3 07:40 AM

原帖由 sSnAkEe 於 2009-3-3 01:50 AM 發表

感覺上
玩家們只會顧自己利益
有理營運公司, 工作人員的感受嗎?
人地設計一隻game可以玩到let say 1年
你用外掛, 3個月玩悶左
咁對設計者又公平嗎?

外掛同加速對遊戲有好處齊亦都有壞處,
你一直反加速 == 你覺得石器用左之後隻game會好快玩完?
唔會就係依個原因丫嘛 = =????
石器1同石器2我感覺唔到有好大分別,基本上都係玩埋同一樣野,只係加左有小小變化,
同埋石器時代大家玩既唔係升lv,而係玩pk,傾下計,升裝果d,
依d野有加速器基本就影響唔到,所以唔會影響遊戲壽命~
所以反而會對石器有好處~~~

你始終唔明加速外掛等等係石器既「外掛文化」,
算吧,再討論落去都無用,大家玩法唔同~
無人會反對你支持唔用外掛,,不過你都唔好迫其他人認同你既野a_a

[ 本帖最後由楊不悔於 2009-3-3 07:41 AM 編輯 ]

作者: yin20k 時間: 09-3-3 09:17 AM

原帖由 sSnAkEe 於 2009-3-2 10:56 PM 發表

我冇叫人唔玩石2
我係叫d外掛狗唔好玩咋,,,
即係你呀...
外掛狗

咁我又想問下喇...
適應能力係講緊你地班比石1外掛寵壞ge小朋友~
人地石2 一唔比用加速同外掛你地就媽媽聲
明顯地你係適應唔到石2 ge速度 ...

不要再食古不化了

好處比壞處多就要支持一下

要人地多數人去服從你小數文族,呢d行為唔係叫堅守原則,只屬無腦既行為,只活在自己的世界

作者: ling8906 時間: 09-3-3 12:54 PM

如果無加速器~我就唔會玩
打機本為娛樂~
但石器2實在太慢~我試過唔開加速器去玩~
玩唔到10分鐘就想訓~真係非常非常非常慢...
打淨一、兩隻仲要自動轉陣...真係慢到呢.......
所以我都係決定轉game...如果本身隻game既節奏ok既
根本就唔需要加速器~例如:RO, 夢之樂章, wow
而當初想玩石器2...係因為石器1..但石器2既節奏仲慢過石器1..
因為我玩石器1時係台灣server...
當時係第一次玩online game, 都未知加速器係乜..

以上係個人意見
不喜勿插

作者: 龍海 時間: 09-3-3 01:02 PM

原帖由 ling8906 於 2009-3-3 12:54 PM 發表
如果無加速器~我就唔會玩
打機本為娛樂~
但石器2實在太慢~我試過唔開加速器去玩~
玩唔到10分鐘就想訓~真係非常非常非常慢...
打淨一、兩隻仲要自動轉陣...真係慢到呢.......
所以我都係決定轉game...如果本身隻 ...

我都試過唔開加速去玩....
去龜洞打一場...5隻3X既寵...個人3X....打7隻龜...
個陣睇緊學警....賣完廣告都未打完=.=
好似以前開負速去刷雀朱個D分咁=.=

作者: cwcchk 時間: 09-3-3 01:56 PM

原帖由 ling8906 於 2009-3-3 12:54 PM 發表
如果無加速器~我就唔會玩
打機本為娛樂~
但石器2實在太慢~我試過唔開加速器去玩~
玩唔到10分鐘就想訓~真係非常非常非常慢...
打淨一、兩隻仲要自動轉陣...真係慢到呢.......
所以我都係決定轉game...如果本身隻 ...

RO,夢之同石器2 跟本就唔同類型的遊戲
可否用對比用返D同類型遊戲呢??
再加上RO 咪一樣有人用外掛 RO節奏唔慢啦

作者: ling8906 時間: 09-3-3 03:21 PM

原帖由 cwcchk 於 2009-3-3 01:56 PM 發表

RO,夢之同石器2 跟本就唔同類型的遊戲
可否用對比用返D同類型遊戲呢??
再加上RO 咪一樣有人用外掛 RO節奏唔慢啦

同石器2同類型的話...我只玩過石器1...
但石器1的節奏都快過石器2...
我依家都仲關心石器2的情況...但我應該唔會玩石器2...

咁唔只RO有外掛..好多online game都有外掛
我只係講RO個節奏唔慢...到我放返工...開隻人去組隊升lv都好刺激...
而石器2...就好似精神上"約待"我咁..所以我選擇唔玩..

作者: cwcchk 時間: 09-3-3 03:34 PM

原帖由 ling8906 於 2009-3-3 03:21 PM 發表

同石器2同類型的話...我只玩過石器1...
但石器1的節奏都快過石器2...
我依家都仲關心石器2的情況...但我應該唔會玩石器2...

咁唔只RO有外掛..好多online game都有外掛
我只係講RO個節奏唔慢...到我放返工... ...

石器1因為比人用加速
不過就唔=係石器都要有得用加速WO
石器2比起同類的遊戲其實唔慢
我都有玩過石1的

作者: iphohim 時間: 09-3-5 12:31 PM

當個個都用加速既時候~
一d 拒絕用加速既玩家就會比排斥~無人會組佢地(石1 個時已經係咁gar

)
而且加速會增加sever 既負擔~咁真係會削弱隻game既壽命(龍族就係一個好好既例子)
不過大家唔洗再嘈啦~
官方都封殺左~
想玩既公測繼續玩~唔想玩既就轉game~就係咁簡單,大家和而不同比較好~
放鬆d啦~香港人

作者: sSnAkEe 時間: 09-3-5 01:42 PM

原帖由 iphohim 於 2009-3-5 12:31 PM 發表
當個個都用加速既時候~
一d 拒絕用加速既玩家就會比排斥~無人會組佢地(石1 個時已經係咁gar )
而且加速會增加sever 既負擔~咁真係會削弱隻game既壽命(龍族就係一個好好既例子)
不過大家唔洗再嘈啦~
...

=.=
做咩無lala "和而不同"
石器傳統文化??
和在哪? 不同在哪?

問題係在於
你唔玩你ge事, 做咩要嘈嘈閉呢...?
e幾日果d所謂"罵戰"post
都係果幾個人了起ge~
但係佢地都已經唔會玩石2
咁做咩要製做風浪呢?

作者: 電子琴 時間: 09-3-5 02:05 PM

我都係會玩但投錯不會。

作者: sSnAkEe 時間: 09-3-5 05:21 PM

原帖由 楊不悔 於 2009-3-3 07:12 AM 發表

你得中7.....20歲都唔知夠唔夠,就話人小朋友= =?
同埋你真係好煩,你周圍係咁回,不過講好多野完全係得個字多,
亂咁搵d野比喻,用加速既人=適應唔到?
你咁講法姐係你搭車唔行路就係腳殘??
咁你係唔係又腦殘又腳 ...

話你小朋友係話緊你思想=.=
同實際年齡有咩關係呢...?
我係另一個post都講過
10個石2用外掛ge人, 9個都係石1用開掛
剩番果1個就係見石1果d人用所以去用
cb頭幾日, 我都見到好多安分守己ge人唔同外掛玩
如果唔係你地用加速.
佢地覺得自己升得慢,
點會爭住用加速呢?

話你適應唔到
就係因為你地開口埋口咩"外掛文化"
講真
如果唔係你地用外掛
石1界面可以令好多
可以多元化好多

如果唔係你地用外掛
攪到wayi班技術人員要不停加lv上限
隻game可以開發到更多野

你覺得加速唔會影響遊戲壽命咩?
酷哥篇訪問大部份人都睇過
對於你地幾個支持外掛ge人泥講
你地只係睇到wayi點屈服係石1外掛玩家ge施壓
但係你地睇唔到wayi讓步對石1 以後ge發展做成幾大ge影響

酷哥都話左
就係因為成街人都係掛機
攪到不停開轉身
技術人員就係不停浪費時間係開轉身上面

另外,
就係因為石1 班外掛友
基於改靚左界面就用唔到多開同外掛做理由
反對更新石1界面
石1 先會到汁果日都係咁卡通

好多野都係因為外掛先攪到錯晒
睇酷哥篇訪問唔好斷章取義
睇晒全篇先好引用

作者: sSnAkEe 時間: 09-3-5 05:25 PM

原帖由 yin20k 於 2009-3-3 09:17 AM 發表

不要再食古不化了
好處比壞處多就要支持一下
要人地多數人去服從你小數文族,呢d行為唔係叫堅守原則,只屬無腦既行為,只活在自己的世界

好處比壞處
係你自己講架姐~
對於唔同人, 好處比壞處ge界定又唔同
你覺得用外掛多好處
但係都會有人覺得唔係

anyway, 石2 會唔會因為冇左班外掛狗就做唔住...
大家睇落去就知
暫時係度講咩多數少數都係廢話
ob都未到
咁快就知多唔多人玩?

作者: sSnAkEe 時間: 09-3-5 05:30 PM

原帖由 楊不悔 於 2009-3-3 07:40 AM 發表

外掛同加速對遊戲有好處齊亦都有壞處,
你一直反加速 == 你覺得石器用左之後隻game會好快玩完?
唔會就係依個原因丫嘛 = =????
石器1同石器2我感覺唔到有好大分別,基本上都係玩埋同一樣野,只係加左有小小變 ...

你始終都唔明
冇一隻game會因為冇外掛而生存唔到
只有係因為外掛而汁粒

石1係例外
但唔代表e個例外會帶去石2

石1要用外掛ge原因
係因為一開始wayi讓步
如果一開始佢唔係睇錢做人
佢放走左d毒血
再吸納一班唔會用外掛ge人
石1發展會健康好多

外掛文化只限於石1
石2 ec用左防外掛
立場已經好清楚
石2 唔准許用外掛
就係咁簡單

作者: ki123 時間: 09-3-5 06:23 PM

石器1的外掛傳奇
http://www.stoneage2.cn/Article_Show.asp?ArticleID=876
石1係大用外掛的人多過冇用外掛的人才有這傳奇
如果石器2本身冇外掛
加速, ai , 就沒有必要加入石2

作者: sSnAkEe 時間: 09-3-6 12:02 PM

原帖由 ki123 於 2009-3-5 06:23 PM 發表
石器1的外掛傳奇
http://www.stoneage2.cn/Article_Show.asp?ArticleID=876
石1係大用外掛的人多過冇用外掛的人才有這傳奇
如果石器2本身冇外掛
加速, ai , 就沒有必要加入石2

講得好
石1 同石2 本質的確不同

作者: 豬ccccc 時間: 09-3-7 02:18 PM

遊戲本身係呢個速度, 根本無問題, 又唔見D人玩魔力話慢.
係D人玩石1, 比華義攪到上晒腦...

最初玩石1.0, 都係呢個速度, 係之後開始變態...

作者: 浮乂竹 時間: 09-3-8 04:25 PM

你吾玩係你既事....
有外掛我會用,冇味吾用lor
就係咁簡單1件事
腦殘+手殘既人先會非用外掛不可~

作者: googlesp 時間: 09-3-9 05:48 PM

原帖由 豬ccccc 於 2009-3-7 02:18 PM 發表
遊戲本身係呢個速度, 根本無問題, 又唔見D人玩魔力話慢.
係D人玩石1, 比華義攪到上晒腦...

最初玩石1.0, 都係呢個速度, 係之後開始變態...

呵呵,!!我都係1.0玩到7.5!!! 其實無外掛既石1..根本速度仲要俾石2慢
外掛根本就唔係一個遊戲既附帶功能!只係有部份玩家標榜左石1同石2都
係要用外掛果種速度黎玩,但點解唔可以拎石2去同其他回合制既遊戲比較
下呢?慢?我唔覺!係慢都唔會慢好多..開放外掛?俾外掛製作者賺錢??遊戲
製作商整個遊戲出黎去俾你賺佢既錢?有可能嗎??始終各人口味不同!!
((我真係唔想再俾機械人控制住我..我已經被控制左6年))

作者: 王先生 時間: 09-3-10 05:06 PM

但事實上無加速就大量玩家唔玩呢個真係事實
有d人就會大條道理講自己既道理但有無人又真係諗你自己講既又係咪岩呢?又係咪一定呢?
但事實見證無加速就真係好多人唔玩

歡迎光臨 2000FUN論壇 (https://www.2000fun.com/)