2000FUN論壇

標題: 對童話樂園(1/2)的感想【公佈結果】 [打印本頁]

作者: ○兔兔 時間: 09-3-7 12:13 PM 標題: 對童話樂園(1/2)的感想【公佈結果】

新版推出前哨: 暢所欲言 - 對童話樂園(1/2)的感想

新版童話推出的消息已討論了一段日子, 從集中討論區看到很多人有感想, 有意見, 亦各自發出相關的帖子。
就讓這次活動給大家一個公開平台評論吧。 :D
歡迎大家在此POST發表你個人感想，批評或讚頌無任歡迎。
但請先留意活動內容細則及所有活動規則。

活動須知:
1) 嚴禁發表粗口或人身攻擊之言論
2) 請勿過份偏激，應理性討論或分析主題

活動日期:
09年03月07日至 09年04月08日

活動內容:
1) 字數必須超過200字以上，沒有上限。
- 書面語/口話化皆可。
- 字數限制。
- 不能含有任何粗口, 或其他相關字詞。 (如諧音﹑符號)
2) 請正確地使用標點符號及分行，以方便會員觀看。
3) 在此POST回覆發表。
4) 請表明態度（支持或反對）。
5) 不接受轉貼、抄襲之內容。
6) 基本準則請參看本版版規

獎項及獎勵: (A.Card點數(60點) 由VIP會員gozilla及官方討論區管理員及版主兔兔私人贊助:D)
冠軍: 250分及 A.Card點數(60點)
亞軍: 200分及 A.Card點數(60點)
季軍: 150分及 A.Card點數(60點)
優異獎(2位): 100分

凡參加者不論名次每人加50分。

如參加者人數少於10人, 只設首3名獎項。

*所有分數將於活動完結後才結算。

評判:本版兩位版主
評分準則:
- 內容結構
- 文筆
- 童話熟悉度

遞交方式: HIDE分

**HIDE分使用教學：

[hide=987654321]　你的文章內容 [/hide]
複製代碼
注意: 本帖不接受任何非遞交作文之留言及回覆, 若發現定必刪除,
遞交作文後不接受修改, 如發現該回覆有『編輯』紀錄, 將會被取消資格。
所以請先在其他地方完成作品校對才參加:) 如有個別理由, 請個別pm本人。

其他: 活動完結後會解除HIDE文分數, 讓其他會員瀏覽, 若有任何問題請PM兩位版主。
(注意此帖不接受任何非遞文之回覆)。

所有參加者請遵循本版版規。
童話版版主擁有最終勝利決定權。
如對活動有任何疑問，請直接PM版主，於活動帖作非參賽回覆一律刪帖並不作通知。
對本活動的任何意見, 請到活動意見專區發表。

[ 本帖最後由 SIU鷹於 2009-4-13 05:04 AM 編輯 ]

作者: 錐影 時間: 09-3-7 01:23 PM

尋找月光村的感覺
現在的童話,雙經巳經是是家常便飯
高手雲集,但是逃不過追求數值的誘惑
每場的戰鬥,也只需要三秒的時間
隊長總是二話不說,而是收取費用
指頭總是長期按鍵,按鍵,再按鍵
本質也變成了一種機器,程式
開始時的童話,雙經可講是少之有少
一眾新手不斷在新手村出現,追求的只是一隻紅瓢蟲
有禮的談吐,不需金錢,也可以一起戰鬥
組隊的戰鬥,總是需要大戰一番
每人都視月光村為目標,視寶石獸為珍寵
雖然隊員會有意見不合的時候
但各位都是親手把角色培養

作者: 極樂 時間: 09-3-7 02:52 PM

玩左童話已經數年但眼見官方一直沒有行動加上物價驚人只有靜靜地離下,

在二月某日見到會員發佈童話樂園(1/2)的資訊並說明在3月中會推出,

我心裹極為開心,因為相信童話樂園擁有現時兩個舊SER的經驗,會

管理得更為完善和會將更美好的帶給眾玩家。我當然熱烈支持官方
有此決定。

台灣方面在二月中左右推出童話1/2我作為童話的粉絲在某年某月某日的巧合下

取得台灣童話1/2的帳號,我當然進入童話1/2看看有什麼大分別,台灣官方款待

我來自遠方的玩家,得到一隻低階經驗娃娃,裝備數值資料也有一點兒變化但

希望愈大總是令人失望愈大,一開始在新手村見的NPC比起玩家為多,看見

小貓數隻在密密耕耘,深信他們能夠成為台灣第一新人類。而金銀城也不

復以往,路人老死不相往來,一片死寂,我也不相信進入了童話1/2的第一

分流,而金銀城商場只有數十攤檔,但令我感到驚訝的是竟然見到一些珍

貴的物品,心裹亂想會不會童話1/2也重蹈覆轍,如果是的那變成開新伺服器。

在童話1/2慢遊數小時也找不出童話與童話1/2的分別,人總要生存

,決定賺一些金錢方便上路也好,賭錢也好。一於決定使用雙開相

信這樣用同樣時間來收兩倍金錢,也算是符合經濟學,作為經濟

科學生也用線上遊戲來研究經濟,感覺不錯。看見裝備多了數

項數值,一於嘗試制作武器,但令我煩躁的是一如以往到所需

地方工作和學習,但竟然失敗,於是四周打探,說不定會有新

資訊被我所發現,皇天不負有心人,在裝備店找到幾名從不

認識的NPC,當然要跟他對話吧,原來是製作裝備大師，

精鍊大師,強化大師,收費也一點不便宜,幸好有數千元

我就決定買一些竹子來製作青竹棍,嘩!!!天大的喜訊

,終於不用再掛機來製作武器了,可以省卻電腦內存了。

再不是用來製造基本產物,既可增加收入,又可省卻

轉換製作武器原料的時間。一開始物流就已經很
快爆滿了,相信香港玩家能夠聚集在一起能夠
創下佳績會更快弄得物流爆滿

對於我這個即將面臨會考的人來說算是天大的喜訊,會考完又有一個新開始,

雖然會考來臨但沒有阻隔我對童話1/2的熱誠,會考相當重要,在未來二個多

月每天都回學校補課和溫習,但我也計劃將會出門口前將工作技能的角色

好好升級,沒有金錢什麼事情也辦不了,開始萬事難,這句話我也十分認同

在台灣方面的短短幾天經驗得知要好好賺錢,否則很難升級和做買賣,

台灣方面就是有價沒市,因為大多數的人去了升級,但很小人去升級工作

技。

希望童話樂園(1/2)不似以往那麼多騙案,官方辦更多活動,把玩家的心鎖緊

而且不要出那麼多的實物包,只有愈出愈多加速童話樂園(1/2)滅亡,我認為

童話的滅亡是與官方有關,有以下原因!!

(1)不斷推出實物包,令物價不斷上升,與遊戲內所得金錢不成正比

(2)不作推出更新或是研發新系統

要留住玩家的心應該是開發更多新系統和新特色.在眾多遊戲中脫離而出

成為突出的線上遊戲。

而我亦深信官方推出童話樂園(1/2)也是想洗手革面,將以往的不良系統

和不公平除去。而且看見官方把某些職業稍為強化,改變職業能力不圴

的問題,而武器製作系統也大為改變,從此看見官方想改變,引入更多人流

在某一個MSN群裹國內玩家也對香港的童話樂園(1/2)深感興趣,看來

童話樂園(1/2)依然吸引力充足。也有不少會員查問童話與童話樂園

有什麼分別,雖然分別不大,但開新伺服器再稍加改變也把我哄得十分

開心,官方再開伺服器是一件好事。我也聽到不少會員說童話樂園

是騙錢之作,新手實物包附送一些物品影響遊戲日後發展,但我的見解

是童話樂園的虛擬金錢是等待眾玩家去取得,只在於玩家是否努力投

入遊戲,實物包只是輔助,但實力是道理和各人認同的事情,擁有實力

就可以從童話樂園裹賺回金錢,連電腦費用也可以省卻。最後我也告訴

SIU鷹取得帳號的方法,好事應該要分享,希望將台灣方面的資料帶給香

港的玩家。

希望童話樂園(1/2)推出可以將各玩家團結,玩線上遊戲也是想認識朋友

何必與其他玩家吵架,也更希望騙子減少,有不少玩家也是受騙而離開

雖然玩家有責,但騙了別人的帳號或物品,心裹過得去嗎?也更有可能

干犯罪行。希望童話樂園長存永恆,官方舉辦更多活動,玩家與官方

管理人員關係更好,才可以延續遊戲,否則管理不善玩家會傷心離開。

希望在童話樂園裹認識更多朋友。

附圖

最後祝願各會員心想事成,成績突進工作愉快

圖片附件: 123.JPG (09-3-7 02:52 PM, 134.68 KB) / 下載次數 96
https://www.2000fun.com/forum.php?mod=attachment&aid=MTQ3NjI4fDc2N2FmMWQxfDE3ODYzOTc4MTd8MA%3D%3D

作者: 忠忠杯麵(忠e) 時間: 09-3-7 02:52 PM

大家好:
對童話樂園(1/2) 我個人非常支持,我自己從灰姑娘SER玩到免費的醜小鴨...
剛玩醜小鴨ser 時候,發覺到大部分人都比我高lv (因為好似青蛙王子d人仔轉哂醜小鴨)
就如新手一樣,不過,鴨SER玩家樂於助人的情況下,我升到60LV,更幸運的是,某9 LV 族大頭願意讓這位新手入族,我覺得很開心
在家族裹有講有笑,雖然現在新手不多,當中一個原因,離不開既問題 "點解d人咁高lv既?物價咁貴既?買新手包得1m5可因,一個超e都買唔到等等問題"
有位新手玩家問我"點解你會唔使錢帶人升LV既?" (我不是讚自己,同埋,我帶既月光/陽光 ,我用光c帶)"我悄過咁多人都話要收錢先帶我升LV"
我同佢講"我唔係個d勁人,我帶既普通地方" 我咁做目的都係想新手玩得開心,唔好比人錯覺諗到"低lv就冇用" "高lv恰新手等等"
灰姑娘SER 個時,姐係岩岩出童話,個時d人同我差唔多lv....5個人升月光都升得好開心,點解呢?
因為岩岩出童話,冇話邊個勁定唔勁.
如今出了童話樂園,我覺得可以不論自己之前有幾勁,幾叻,幾高lv,都是一位新手,既然新手,我相信短暫來說係一樣好事
希望第日唔會好似鴨SER咁,自己諗住自己高lv就串人等情況
不過.我玩左咁多years 我都覺得自己係一個比較好彩的新手
現在的情況就好似我由灰ser轉到鴨ser咁
我中文比較差.希望大家明白我講既野
THX ALL

作者: 〥凍◆奶茶〤× 時間: 09-3-7 04:22 PM

童話一詞  對於很多青年人來說並不陌生
它是曾經陪伴過很多朋友成長的遊戲
不知不覺間  童話的人流減少了  回流的人少了
可能是外面的Online種類特色多了

不過現在童話再次推出新版本>>  童話1/2  *童話樂園*
知道台灣會首先推出後 2話不說去參與了一份
感受初玩童話那時的樂趣!!
但不竟是台灣的伺服器  親切感不能說太多
現在香港的童話1/2  快將推出
對此舉絕對熱烈讚同  還希望更早推出呢
或者很多沒有玩台灣版本的朋友不知道
新版的童話有什麼改變
我便先說出我看到的幾項大改變
1.製造裝備的技能消失
2.僧侶一職消失
3.僧侶陪份技能由法師/光師接替
4.光師技能多元化了
5.由於製作裝備需要可因  (物品等級*100)所以裝備物價大幅上升

PS. 台版沒能解決的問題是不公平現象..魔幣抽的寵物/物品太狂野
      希望港版沒有類似情況

作者: 乂阿龍乂 時間: 09-3-7 04:40 PM

大家好，需然我現在已經無咩點玩童話，但係童話仲係桌面到仲時不時入game四圍行下，而且一直留意住童話討論區既情況，我睇到童話終於出新版本，我好開心，因為童話已家人氣一日比一日低越來越少人，我由童話新出果陣同人係屎洞升lv同埋大家搶住打屎王真係好開心，(我玩睡美人的~名叫siu龍乂z)我仲記得一開頭見到登山雪怪好得意我先開始進入童話(但後尾知道登山雪怪得個睇字十分失望)又同人去探險睇下別的地方d怪幾lv同埋得唔得意，通常我都同幾位團友去探險見到王就打稀寵就捉每次都打完先走咁升lv又同個fd一起買童錢買隻暗卡拉玩我個fd就想合隻暗貝但合唔到我見住佢合我都忍唔住笑左因為我一早叫左佢買仲好咁樣帶住隻暗卡拉行真係好帥人地都走埋我到問我放唔放@@，我當然唔放喇(到左今日隻暗卡拉仲係我身邊)，但開心既日子通常都唔耐，我地團長要去加拿大讀書解左公會，後尾我班fd又話無出新野唔玩放左ac(果陣仲要買點數先玩到)，當時我闇師都幾勁架闇術又高，我希望新版本既童話會一直出新野帶給我無限既樂趣同埋再一起去打王(有女的話玩下网戀都唔錯^^)，期代大家會玩番^^ 。thanks~~~end [/hide]

作者: LongGundam☆ 時間: 09-3-7 05:10 PM

首先我是支持童話新版的推出，原因大概有幾點：

1.新版的推出，往往都是吸引人流，而這次的更新亦都不例外的，而且童話舊版時的高峰人流亦不少，這次改版
　是可以令以往曾離開的舊玩家回流，我本人亦因此而被吸引回流的！

2.而這次更新亦在台灣版童話亦有先例，改版雖然說不上十分出色，但仍然有可取之處，我重新投入童話是因為
　它的國家保衛戰和更新可愛的寵物而吸引，亦相約數個朋友重新到童話中玩玩看，亦希望它比以前出色！

3.回想以前為什麼會離開童話呢？因為之前的考試，再加上我是很早期玩家，那時的更新沒有大改變，升等還是
　要等雙經周才去，發覺對它的熱誠開始冷卻了，放棄了一段長時間......

4.雖說這次改版未知是否台版的童話１／２，但仍希望它有幾點能做到的，新手玩遊戲要有一個支撐點，遊戲玩
　久了，玩家自然等級高了，新手團就會開始變少，要在這點上花功夫，這次就是童話新版上的考驗......以魔力
　寶貝為例，玩家到了１３０級以上，新手才剛進來，只有慢慢的單練，找錢亦困難，童話要給新手不太難起家
　的心態總是吸引新手的地方，正正就是我回流的其中之一個原因......

5.加上商城物品會否嚴重破壞遊戲平衡呢？就得要看代理了~因為商城物品正正影響遊戲平衡度，會否又像機戰
online一樣呢？港幣戰士？(即有港幣現金就能在遊戲中橫行無忌呢？商城亦是重要的一環！

　我雖然是支持遊戲的推出，亦同時要看看這遊戲從舊時變到現在的改變是怎樣呢？就要試試看了，亦希望大家
　可以開開心心暢遊童話樂園^^"

作者: 魚哥 時間: 09-3-7 05:12 PM

童話1/2的忠實fans~

本人大約六年前接觸童話吧...那時伺服器的名字好像叫國王的新衣..對吧?太久沒玩了....
在童話中認識很多人情細故...最記得的是一群新手在史洞練功.....
大家每打完一場就會問:你差多少經驗值升級..有沒有打到寶物...。很快樂。
大家都是新手不會計較物品的價值..互相幫忙..一起去解任務、捉稀寵、探險。
玩童話最開心的就是家族系統..一大群人聊天..交流心得..談笑風生．．．．．．
可是,好景不常。某日...我的朋友、網友、幫友我說要退出童話嚕....
他們都說:生活得太悶了吧...剩下我和小部份族人...
心好像停止運作、鼻也不能呼吸似的、很孤單、很寂寞。
最後..我受不了這種感覺退出了...

過了不知道多少的日子..玩過無數的網遊...都不能令『我這隻一隻小鳥停下來』
終於,某日重臨童話版時,發現童話1/2...一種強烈的『歸家』心情
雖然,聽人說是跟童1無異..可是仍帶給我一種難以形容的感覺..
終於可以體驗文學家/美食家經常說的:這種感覺非筆墨來形容。
很期待童話1/2的來臨..雖然現在每天上官網都好像是沒更新的樣子

我相信當童話1/2差不多要開幕時..會有一個颳風吹入多個網遊..
很多網遊玩家會被捲入童話1/2的熱潮
不過,我對童話1/2有少少意見:
首先是名字..怎麼變得這樣怪的

童話樂園...如果不是出現在童話交流區..會否被人以為是第2種網遊呢??
其次,到底是更新了什麼呢??要賣關子嗎??
最後,只希望童話1/2不是為賺取更多的金錢而改版吧...<---我是想說不要不斷的那些出買了就可以變的強n倍的限量包...
相信大家都很期待童話1/2吧....
在此希望各位能在童話樂園搵到自己心中的樂趣、童話
抱歉,還是想再強調一下:名字真的很怪唷

童話的忠實fans不要打我呀

作者: paakyeung 時間: 09-3-7 06:45 PM

我對童話樂園(1/2) 的感覺係會十卜的!!因為之前個d童話我都有玩的!!我開發接觸到童話的時候!我就想玩‧

我一入到就到見到好多人係到up lv!!我都不以為然地係到做任up lv !!我拿到弟一隻寵!!雖然唔可愛!王過可以幫到我打怪!!

如今出返個新童話可以引返之前沒玩的人入返玩!!!同可以正令d人!因為d人有小小唔令希望可以令d同多d活動!!
這次更新亦在台灣版童話亦有先例，改版雖然說不上十分出色不果係有可取之處!!so會令我入返去玩!!
雖說這次改版未知是否台版的童話１／２會唔會令到多d人玩@@不過就唔好係考試個d日子開game!!令到d人分心就唔好la!!
希望大家可以係今次的童話令到多d人玩la!!!

作者: 天鳥 時間: 09-3-7 08:20 PM

我個人就覺得好無奈....
我真係諗唔明點解佢可以將一隻舊game加幾招技,
之後又出多幾隻寵,加多個系統
咁又當一隻新game出.....
咁為左咩姐?如果佢話要我地搵返童話既感覺
我會覺得:'佢膠架'

一隻game只要玩得耐左...咁就自然會有高低之分
無理由我地一世都係屎洞同月光升掛?
但佢就以一隻咁無聊既借口,去出童話1/2
我覺得我地好似變左雷西既玩具.任佢玩

作者: 女商之領導者 時間: 09-3-7 10:13 PM

本人是支持童話推出新版的@@
本人在童話一出的時候就開始玩@@
到了現在由月費制轉到商城制
而新推出的童話樂園相信跟現有的收費制度相同
而這一種收費制度..大多是由HKD戰士佔據了一個有利的搵錢機會
對一些剛剛接觸的玩家十分大公平
再者...現時的童話大都是老手
新玩家進入就會有點兒跟不上@@
而本前童話的更新都只是停留左數年之前
相信推出童話樂園必定能吸引離去的玩家
本身都有一些遊戲是以新版再出現
如魔2..石2等
而這些遊戲都吸引了不小老手玩家回歸
相信新版的童話樂園也能收得此效...
以上是本人的感想

作者: 言﹏ｏ 時間: 09-3-7 10:58 PM

*sing 咕嚕島-2-2有暗2~~~
*sing 招人幫打王~~~
* sing ..... 當時金大常出現的字句
現今?不是帶升的,便是賣寵物和放ac不想玩下去的人

家族?現在入家族為的是高級族?
當時.....即使是1,2級的族,但有很多族人陪你吹水,閒暇
比起現在的9等掛機族好得多

斷斷續續地玩了童話都有好幾年,,,,記得當初又傻又天真的我
開了法c 加的點數是力量~希望打出來的數值有點看頭

現在,聽到童話有1/2的出現
我當然十分高興,一切從新來過
屎洞組升,椰子團~咕嚕團,我十分期待著

但美中不足的是,魔$的系統在新板亦有..
但我希望可以找回當然的感覺....　

作者: heyman_1122 時間: 09-3-7 11:44 PM

反對佢開!

童話, 我由細到大都玩開
玩左4-5年有多啦, 而家都接近7年
童話, 唔似其他online咁, 節奏好快!
我鐘意佢慢慢上, 節奏都慢少少, 唔洗話2日冇玩乜都唔同晒
而家, 童話改少少野就出一個叫童話樂園,童話1/2
我覺得好無奈
唔通真係要人由頭升過!?
佢出既目的唔通係為左調整番個童話, 等d人重新升,物價重新調整!?
我諗除非一d新手先會轉去玩, 因為佢地冇野值得佢留低
但係高手們, 難道真係冇物品,冇朋友,冇家族係值得佢地留係到?

真係覺得唔應該出童話1/2, 人山人海的童話(1)唔通唔好咩!?
要分開2隻遊戲,人流更加降低!?
回想番之前既71%童話ser1,真係好爽
成個金大勁多人
賣野,收野,乜都好快搞掂
都唔明點解童話要咁樣搞法
為左d咩!?
武器發光--係唔係為左慢慢變成而家既武林群俠傳, 黃易群俠傳!?
定係幻想學園, 夢之樂章!?

一班新手們剛剛轉入黎,就要面對出新童話--1/2既大危機!?
如果人流真係大減既話,都唔知會變成點,小圈子遊戲?
係剛剛雙經升上90lv既我,終於換到第2個分算,真係好開心,係4-5年玩童話最開心既一日
唔通遲d又因為人流問題被迫要轉去1/2....

[ 本帖最後由 heyman_1122 於 2009-4-13 09:53 AM 編輯 ]

作者: zxcvzxcvb 時間: 09-3-8 10:33 AM

我十分支持囉!!因為玩左甘耐童話...
比我識左好多好多朋友/戰友..
個個到好努力甘去玩..去幫人..大家幫大家!!
而家仲出新版..我真係希望多d人玩...唔想童話變左個死城..!!
可以重見之前邊到都爆多人ga日子...

作者: 傻藍＿＊ 時間: 09-3-8 01:14 PM

最近才被通知有童話樂園的出現，
感覺，很錯愕。
我知道花無百日紅，人無再少年。
但童話是我第一個接觸的網上遊戲。
這幾年，我見證了它的興衰，目睹日漸變少的更新，看著一個個朋友離開，
然後，就這樣，被告知劇終了。
直到昨天被問起，應該說是被邀請再加入這個樂園。
我只是沉默沒有回應。
說真的，我對它不是反感，也沒有反對的意味。
如果能再次看到它的興起，自然是支持的。
然而，又如何呢？
看著它再次興盛，再逐漸被時間磨滅嗎？
這種築起後再倒下的淒涼感，自問不想再看見。
就算大家滿腔熱誠地重練，那些初入童話的新手感覺，都不會重現了。
那時候，那個最溫暖的家族，那群最有「義氣」的家人，
都隨著時間銀河的沖洗，帶著對ａｌｔａ和雷ｘ的失望逐個離開了。
人去樓空，月似當時，人似當時否？

作者: 小彤仔 時間: 09-3-8 02:18 PM

唉-.-
童2雖然有d野新出左
但系冇左僧e個職好白痴囉-__________-
有好多野都交左比npc做丫.又要用魔$.
又系重新包裝過就想推出去呃錢.操!_!
不過;去睇下新環境都好;
我敢保證d人都系貪新鮮姐._.
吾洗幾耐咪又系好似童1甘..
但系其實我好怕佢出左童1/2之後.
會刪左童1..>_<
我好吾捨得童1;
我斷斷續續叫做接觸左童話7年;
有好多回憶.我吾系好捨得:b
只系好多朋友都話會轉去玩.
不過我兩樣都會玩.
如果童1真系會刪.
我希望自己會系最後留住系童1既一群人其中1個...

作者: 一生不變的人 時間: 09-3-8 09:38 PM

點解我會玩番童話(童話樂園)?因我對舊童話好多回憶....同時亦對新童話充滿希望!

舊童話讓我認清楚我ge朋友....我試過借錢俾人地...佢唔肯還..唔緊要..d錢都係人地俾我姐...佢叫我幫佢算寵...我都幫佢升..

佢話用帶我升lv....都算帶過我1次升ge.....唉!呢1次俾我睇清楚佢ge為人...

舊童話亦都俾我睇清楚朋友對我ge信任...果陣時我差唔多有齊哂有玩童話ge同學ge ac....

舊童話GE時候D族人都對我好好...

上述GE回憶我希望係童話樂園可以再次見得到.....係2KF GE人有贊成都有反對童話樂園....

等小弟愚見地分析好同壞:

好,,

1.吸引新手...係舊SER到...新手AC=高LV人士分身(我都好想玩番....但係冇乜新手...)

2.物價低,,唔會俾高手壟斷

壞,,

1.玩開舊SER GE人可能因此唔玩....流失玩家

2.人流減少...多數會合SER...物價又唔知會點...快SER D人勁多錢...醜SER少D....D物價又失控....

對新童話GE期望:

舊童話出免費SER果陣勁多人(我都係果陣加入),,果陣個屎洞好多人..好開心....

仲有好多但係多數都係沒法實現- -''

作者: PC@諾 時間: 09-3-9 06:52 PM

　第一次玩果時係小學！！果時好開心因禁大個都沒打過ＯＮＬＩＮＥ　ＧＡＭＥ　之後定中有錢我先有得玩第一次玩係今我玩到唔記得做功課之後比呀媽ＢＡＮＤ左！！唔可以再打！！我就哭了！！之後日日去網吧到打！！打打下比人爆左ＡＣ！！好唔開心！！今次佢再開我一定會支持！！我今次唔係想加分係想支持！！所以打唔到３００字！！但希望你地唔好扣我分！！

作者: ramaster1 時間: 09-3-9 10:31 PM

我覺得好開心

因為有新童話玩!! 我諗新童話一定多好多新野同好好玩呢

!!! (因為我仲未玩新版) 我會call晒成班friend一齊玩

我玩新童話之後可能會少d上論壇，因為日日玩童話

我諗好多人都同我一樣呢!! 童話都算係我玩過咁多隻game之中其中一隻最好玩ge game...

作者: 夜影風 時間: 09-3-10 01:56 AM

　
小弟萬二分支持童話樂園ge出現

本人係一位老玩家
大既係4年前已經開始玩童話
果陣暗c ge 黑洞重未改強
聖光彈都係初面世

各位玩家都的確要互相組隊先升到lv

e.g.
當時法c 秒怪能力已經唔錯,但係係月光村依然要用3下大地之怨先打完...
所以果陣大家都好自然會5個玩家咁升lv

e個情況...
就係黑洞未改強之前...
亦都係我e位老手覺得童話好玩ge時候....

當黑洞改強之後
玩家開始玩自閉
唔會同人升lv
下下搵人帶升..
唔洗一陣就2轉

再之後更加有合體,金卡等等秒怪技ge出現

從此,月光村,梛島就空空如也
同樣係e個時候
我亦都退出童話

但當我聽到樂園 ge消息之後
即刻有重想玩返ge感覺

雖然佢入面ge改動的確唔多...
但係就令我有信心搵得返一齊升lv ge 感覺

初期

暗c,未有體裝,要升到夠敏出黑洞ge話...
一係唔夠血,一係唔夠智

幻c,未有其他職帶升ge時候,自己好難升上去,寵又唔太勁

老板,同幻c差唔多,2轉無人帶都好難升下

所以初初開ge時候..
應該都係法c 主流

大家都要係月光村度
3條友用大地之怨先秘到怪ge 童話

以上ge情況
我相信都會維持一段時間
回復到童話最初ge樣子
亦即係小弟最鐘意童話ge日子...

雖然e段時間總會完結
過左一陣..
帶升熱潮重現
到時又會無左一齊升lv ge日子..
但係...

童話樂園最基本能夠吸引返老手返黎...
玩返一段時間
回憶當年

對於盡量拖長"帶升熱潮" ge來臨
雷爵係有做相應ge方針

e.g.
組隊會扣exp..
e一點相信好多人會唔鐘意
但事實...
最初ge童話...
組隊係會扣exp..
只係後來改左有加成...

e+改返扣exp...
目的係為左減慢玩家自閉升lv...(自己開5個acc,一齊升,重要有加成)
咁樣..
玩家要升lv,但又無人帶..
就自然要組
exp自然少...
2轉ge路變得好長

相對地拖長左"帶升熱潮" ge來臨

所以...
童話樂園ge來臨
的確能夠令老手重玩

就如台灣ge童話1/2 標語一樣 http://fl.lager.com.tw/index/

"

找回遊戲最初之感動

實現兒時的回憶,陪你一起走過奇妙的冒險旅程

"

令老手...
搵返玩童話
一齊係月光升lv
升一個2轉acc 可能要用成個月
甚至幾個月ge感覺

我相信係童話樂園最值得面世ge理由
亦都係我返黎童話ge原因

作者: 小漓 時間: 09-3-12 02:32 PM

本人玩童話已有4年多的時間,除了電腦壞掉外沒有一刻放棄過童話。經歷過大大小小的風浪(有一年的經驗值乘倍次數太多了幾乎每天都在練等、合伺服、月費變免費)官方都是想吸引多些新手或挽留老手繼續玩這個童話。
直到現在為止已有差不多5年吧?有很多老手已經把人物升到極限,然後再開新角色又再練高等級。商場的物品例如藥物裝備等也越來越多人整到因而物價下降,變相就好像是玩來玩去都是這幾樣沒新意了,再加上官方不再更新資料片,節日活動也減少了,只是推出經驗乘倍草草了事,那就更多人離開童話。
在金商隨處可見[ 100M 大老闆帶升,有闇儀 -2 ]或是開多個視窗自我帶升,不再是以前組隊各人出一分力的升級方法了。
相對現在推出 [ 童話樂園 ] 好讓玩家從頭再來,回味過往組隊練等,互助互勉的精神。

作者: aesopi 時間: 09-3-13 10:18 PM

對e個童話1/2既睇法.我大致上都支持出e個server.因為咁樣可以令我地d玩家有返玩童話既童話(天真)樂趣.我係一個由舊童話開ser睇到佢e家既玩家...舊童話可以話係我差唔多既第一次online game.我入game第一種feel就"嘩.好多故事任務做呀.d怪好得意呀".我先有樂趣玩落去.e家既童話只係帶升.搵錢.帶升.搵錢...我一直都望童話可以重新黎過.就算真係行舊路.都可以有返一段時間去玩.我不斷轉online game.又不斷留意童話既消息.但童話只係不斷衰落去.開ser可以話係一道小小既曙光吧.起碼可以搵返d樂趣.我都希望alta可以改童話1/2 d職唔好一面倒.各職要有返各職既特色咁先岩-_-.

作者: paakyeung 時間: 09-3-15 06:29 PM

我對童話樂園(1/2) 的感覺係會十卜的!!因為之前個d童話我都有玩的!!我開發接觸到童話的時候!我就想玩‧

我一入到就到見到好多人係到up lv!!我都不以為然地係到做任up lv !!我拿到弟一隻寵!!雖然唔可愛!王過可以幫到我打怪!!

如今出返個新童話可以引返之前沒玩的人入返玩!!!同可以正令d人!因為d人有小小唔令希望可以令d同多d活動!!
這次更新亦在台灣版童話亦有先例，改版雖然說不上十分出色不果係有可取之處!!so會令我入返去玩!!
雖說這次改版未知是否台版的童話１／２會唔會令到多d人玩@@不過就唔好係考試個d日子開game!!令到d人分心就唔好la!!
希望大家可以係今次的童話令到多d人玩la!!!

重覆發帖

[ 本帖最後由 SIU鷹於 2009-4-13 04:59 AM 編輯 ]

作者: candy9605 時間: 09-3-16 11:36 AM

我覺得幾好丫..
依加好多game都可以將舊game
改版轉新game
佢地又唔會修改哂所有既野
會保留之前既風味
之前已經玩過既人又可以直此搵返之前感覺
亦可以比重玩返既人多途經選擇..
未嘗唔係一件好事
而且又可以比更多人認識..雖然係之前既game
但因為時代既變遷而絕跡太可悲啦
佢地都係大家既回憶黎..應該盡力去保留

作者: aqwsxz 時間: 09-3-24 05:00 PM

我覺得玩童話1/2唔好雖然可以有新手玩但係老手在鴨ser同快ser玩左咁耐唔會想重新升lv 技工技等等要玩好耐同用錢玩先可以生存落去如果童話開新ser 不如把鴨ser同快ser合ser 雖然鴨仔d人會好難升番到差唔多lv 不過起碼可以唔使重升呢個都係好多老手的心聲佢地唔想玩左童話咁耐要重新玩過我都唔會童話咁其實我覺得童話1/2只係童話想搵多d錢先開新ser 記得之前我一問始玩鴨ser 都用左唔小錢最後先可以玩到唔洗用錢都可以玩落去童話1/2仲可能會令到一d鴨ser同快ser玩家流失令鴨ser同快ser死亡我始終都係唔想開童話1/2 但係我地都冇權嫁la 唉唔仲意童話1/2呀

作者: lovative008 時間: 09-3-26 12:57 AM

提示: 作者被禁止或刪除內容自動屏蔽

作者: Fire戰士 時間: 09-4-3 01:13 AM

對童話樂園(1/2)的感想
"不一樣的童話世界，不一樣的繽紛樂園，所有開心有趣、刺激暢快玩意，盡在《童話樂園》！"這是官方所講的口號.也是吸引現家的口號.相信大家都不會陌生.但是新的童話有否讓筆者有這種感覺嗎?筆者不敢久同.
在舊時的童話,因為畫面吸引.而且內容十分豐富.吸引了不少玩家.不論在掛技,捉寵,帶升等等都可以為不同類型玩家賺到金錢.在遊戲上各個職業的特性都有不同的用處.在打王.升等都要分工合作.同心協力.才能做到.相信各位舊玩家應該深深記得地下遺跡廿三的恐怖.沒有高級戰鬥娃娃的修士們還記得每天在地下室痛苦升技嗎?

在童話樂園新出的數天,官方已經出售限量包.官方明顯地開新伺的胞的不是在於玩家,而是錢.我認為官方不應該刻意出限量包來增加收入.只要是一隻好玩的線上遊戲,過了公測,還可以試試月費制.不是可以增加收入嗎?
童話樂園在新出最初短短的數天就增加魔幣系統,其實官方都是想賺多點錢而已,為什麼要新開一個伺服器增加支出呢?官方只要出一個限量包.內附分子.核心等.一定可以大賺金錢.

雖然如此,但我也希望童話樂園可以有如"鴨ser"一樣成功.令到童話的世界可以一直一直在我們的心中.

作者: qqnelson 時間: 09-4-4 11:01 PM

首先我先講一下我自己啦，我由童話一開始封測玩到而家，中間係斷過前前後後一年，但係當我重玩番之後，我覺得童話果陣吸引人之處係真係無咩既....只係我自己唔想放棄己有既，因為我係之前投入左好多時間落去。因為最後要應付我既成績同功課，被迫要放棄啦，而且當時童話既管理層，以經係完完全全放棄左隻GAME禁。每一個星期指定既雙寵/人經，為左搵錢而做既推包，魔幣等等等等既野。
到左而家，童話開新伺服器，做改革，原本我都係好好好期待嫁，但係到最後我認為童話并唔再係一種創新，有新意有見解既一種線上ONLINE GAME。我對童話樂園1/2既感想係，反對，不支持，不同意，同埋反感。眾所周知，而家既線上遊戲由於桌上電腦越黎越強，玩家要求既畫面質素都越黎越高。現在既ONLINE GAME大部份為3D，唔再係回合制。但係而家既童話，我認為係換湯唔換藥，只係係原來既2D版本做所謂既變動，加上新既精煉度，武器發光等等，但係大部份既原有資料依然無變。身為童話老手，我認為童話不再值得我地留戀。如果以街外人既身份睇，未玩過童話既人可能會話"童話好吸引",無什麼什麼新o既online game仲用緊回合制，唔好聽D講句，係節省成本，再度用低成本黎吸引新玩家，有如開鴨仔伺服器一樣，而家只係加多小小野ONLY。站係alta既立場，禁係應該既，要加上低成本高利潤，吸引玩家係必須。但係我覺得身為玩家既我地，我認為吸引力不足，一次兩次三次見人推佢又推新野，人地改革佢又改革，唔可以好似（魔Ｘ２）禁，由頭改革到尾，由2D直升上3D。我相信，如果童話樂園，什至整個童話再唔進行一次大改革，相信好難生存係呢個追求新鮮感既香港入邊。祝各位好運

以上只係個人立場

作者: SIU鷹 時間: 09-4-13 05:17 AM

暢所欲言 - 對童話樂園(1/2)的感想【公佈結果】

冠軍: #20
亞軍: #8
季軍: #3
優異獎: #15, #28

恭喜以上得獎者! 頭三名得獎者將獲版主兔兔pm通知A.Card點數(60點)的領取方法。

是次活動每名參加者可獲加50分, 字數未達下限者獲加25分。

歡迎光臨 2000FUN論壇 (https://www.2000fun.com/)