2000FUN論壇

標題: 各位唔好再比呢間台灣公司荼毒！！ [打印本頁]
作者: pigpigb    時間: 09-3-11 12:08 AM     標題: 各位唔好再比呢間台灣公司荼毒！！

提示: 作者被禁止或刪除 內容自動屏蔽
作者: 牙～杰仔    時間: 09-3-12 12:11 AM

原帖由 pigpigb 於 2009-3-11 12:08 AM 發表
網龍隻隻ｇａｍｅ都係爛尾，佢至在賺頭一水既錢，之後成隻ｇａｍｅ放棄，又開發另一隻出來，又呃過！！　你可以話無人叫你買點，但係佢ｄ　ｇａｍｅ唔買點同個廢人無分別，開頭好好既，比ｄ甜頭你覺得無點數都玩到， ...



唔同意樓主講法。

首先，無論任何類型的公司之成立、經營，不論公司成立為如何目的，
賺取金錢對維持經營是必需的。然而，畢竟網絡遊戲公司並非慈善機構，
並沒法單靠善長人翁的鼎力支持，向遊戲玩家徵收費用亦是絕對合理的。
而據我所知，中華網龍股份有限公司現今所推出的遊戲，多為免月費性質，
故此，購買該公司之點數卡純粹是玩家個人意願，而絕非樓主所指的欺詐。

然而，香港實行的法律制度雖未夠完善，但對於香港市民消費活動，已有足夠保障。
我建議樓主若對中華網龍股份有限公司的販賣、推銷手法有何不滿，
可以在辦公時間內致電消費者委員會（電話：(852) 29292222 ），
以進行投訴或諮詢，相信一定能夠給予閣下滿意的答案。

最後，寫了數條問題給予樓主，望樓主給予答覆。
首先，閣下所講的第一句指出「網龍隻隻ｇａｍｅ都係爛尾」，何以見得？
而「爛尾」一詞，意指哪些方面？請樓主加以解釋；
敢問樓主，在香港內有哪一間公司，是不會要求服務對像支付任何費用？
然而，閣下於文中用到「為害人間」一詞，是否意味著閣下認為中華網龍股份有限公司的經營，
危害到全球人類的健康、財產呢？若非如此，閣下會否認為如此用詞有失當之嫌？

註：本人絕非網龍職員，只是一名普通網遊人；
而回覆此帖，絕非希望引起罵戰，只想與各位進行理性討論。
作者: `﹍殘ｂ〃    時間: 09-3-12 06:51 AM

其實如果有隻GAME攪得成功=_=..佢地都唔會係咁不停攪新GAME...

隻GAME新出..好有市場..好有吸引力..玩玩下..流失玩家...公司計過數..唔應該再放咁多錢

自然被淘汰...然後再出新GAME..又有市場...

好似1個圈咁...轉完又轉~

睇開D啦...其實攪死隻GAME..唔係GM..唔係公司..係玩家...

隻GAME如果勁多人玩...公司靠呢隻GAME賺錢..有邊間公司咁笨7 會去放棄-__-''

不過如果講到...代理商冇良心的話...就見人見志...見隻GAME受歡迎..就更加食錢...

始終都係不變既定律
作者: GDO小P    時間: 09-3-12 10:01 AM

唔通又要我講三國鼎立既故事比樓主聽... 算啦已經講左好多次.... 簡短d, 我有兩個fd, 一樣係上班一族, 只係番屋企果陣有玩三鼎。佢地兩個堅持唔用真錢玩, 但係都好用心機去玩。佢地呢家有一個係10大, 另一個都有番咁上下。裝備, 武將果d, 同一般比錢既玩家差唔多, 當然唔係話可以同果d比好多錢落去玩既人比, 只係唔見得樓主所講既「同廢人一樣」。好老實講, 呢家d玩家, 好多時都唔忠心, 因為太多game出現。又唔落力去玩, 又唔花時間去研究, 咁緊係廢架, 呢d叫做「人先自廢, 要說人家廢之」。樓主係你講出呢番話之前, 試試用心諗下你花左幾多時間同心機入去玩? 係你自己廢, 定真係隻game搞到唔比錢廢? 如果真係咁, 咁你話我知我果兩個fd點解玩得咁勁?
作者: KLKL6077    時間: 09-3-12 08:13 PM

原帖由 牙～杰仔 於 2009-3-12 12:11 AM 發表

唔同意樓主講法。

首先，無論任何類型的公司之成立、經營，不論公司成立為如何目的，
賺取金錢對維持經營是必需的。然而，畢竟網絡遊戲公司並非慈善機構，
並沒法單靠善長人翁的鼎力支持，向遊戲玩家徵收費用亦是絕對合理的。
而據我所知，中華網龍股份有限公司現今所推出的遊戲，多為免月費性質，
故此，購買該公司之點數卡純粹是玩家個人意願，而絕非樓主所指的欺詐。

然而，香港實行的法律制度雖未夠完善，但對於香港市民消費活動，已有足夠保障。
我建議樓主若對中華網龍股份有限公司的販賣、推銷手法有何不滿，
可以在辦公時間內致電消費者委員會（電話：(852) 29292222 ），
以進行投訴或諮詢，相信一定能夠給予閣下滿意的答案。

最後，寫了數條問題給予樓主，望樓主給予答覆。
首先，閣下所講的第一句指出「網龍隻隻ｇａｍｅ都係爛尾」，何以見得？
而「爛尾」一詞，意指哪些方面？請樓主加以解釋；
敢問樓主，在香港內有哪一間公司，是不會要求服務對像支付任何費用？
然而，閣下於文中用到「為害人間」一詞，是否意味著閣下認為中華網龍股份有限公司的經營，
危害到全球人類的健康、財產呢？若非如此，閣下會否認為如此用詞有失當之嫌？

註：本人絕非網龍職員，只是一名普通網遊人；
而回覆此帖，絕非希望引起罵戰，只想與各位進行理性討論。


捉字塞ok wo
作者: 牙～杰仔    時間: 09-3-13 12:43 AM

原帖由 KLKL6077 於 2009-3-12 08:13 PM 發表


捉字塞ok wo



我指出既係樓主言論中既謬誤，而全文重點在於將事實以客觀角度進行分析。
如果你認為上文有「捉字塞」之嫌，我只能形容你對上文的理解只屬斷章取義、一知半解。
作者: ＦＵＮＧ    時間: 09-3-15 12:38 AM

原帖由 牙～杰仔 於 2009-3-12 12:11 AM 發表



唔同意樓主講法。

首先，無論任何類型的公司之成立、經營，不論公司成立為如何目的，
賺取金錢對維持經營是必需的。然而，畢竟網絡遊戲公司並非慈善機構，
並沒法單靠善長人翁的鼎力支持，向遊戲玩家徵收 ...



認同
其實一隻game好唔好玩個個人既定義都唔同嫁喇...
唔通我覺得跑online唔好玩,咁跑就無人玩咩...咪一樣大把人比錢買eq玩...
何謂爛尾呢-.-真係唔清楚...
好似六聖咁,,一開波個個都話正嫁,,,玩左一排d人覺得悶je嗎,
人數慢慢少,網龍咩都無做過d人就唔玩喇,唔通咁又叫爛尾?
所以,,,好玩唔好玩...又如何呢...路遙知馬力...你唔鐘意既咪唔好玩囉...
係到嘈都無用
作者: p8137440    時間: 09-3-15 02:59 PM

其實唔係錢唔錢問題。係佢Ｄ　ＧＡＭＥ頭１～２個月係咁個個禮拜都有得更新新野！

之後過左兩３個月，剩係識１個月更新１次商城野咁。。。呢Ｄ叫好既代理？

佢自己賺唔到錢，但係都有班玩家玩緊架，賺唔到錢就唔更新新任務果Ｄ？

即係叫班玩家轉ＧＡＭＥ唧，就係咁，網龍咪興玩短線囉，其實係佢自己攪到自己咁！

仲要出埋Ｄ福袋做壞市！以我所知，網龍係第１間用福袋既公司。。。正一仆街黎！

攪到而家好多ＧＡＭＥ都出福袋ＯＲ寶箱比玩家抽。。。
作者: 牙～杰仔    時間: 09-3-15 05:57 PM

原帖由 p8137440 於 2009-3-15 02:59 PM 發表
其實唔係錢唔錢問題。係佢Ｄ　ＧＡＭＥ頭１～２個月係咁個個禮拜都有得更新新野！

之後過左兩３個月，剩係識１個月更新１次商城野咁。。。呢Ｄ叫好既代理？

佢自己賺唔到錢，但係都有班玩家玩緊架，賺唔到錢就 ...




唔同意閣下講法。

首先想解釋一點，先前既討論著重係錢方面，係因為樓主指出網龍「食錢」。
然而，閣下既言論亦自相矛盾，賺錢與不更新、「福袋」種種項目實際上都會牽涉到金錢。
實際上，「福袋」的意念來自日常生活常見的抽獎，而抽獎的意思是，當參加者達成參與條件後，
便有機會得到已標明的獎項，抽獎的獎品、中獎率或抽獎方法由舉辦者設定。
另外，我認為閣下這篇發表文章有以下幾點的謬誤：

第一，現時在網絡遊戲業界中，的確有不少遊戲代理公司在虛擬寶物商城中設有類似的的抽獎項目，
但正如剛才所言，「福袋」意念來自抽獎，若果要追究是什麼因素引致以上情況出現，
相信只能說是發明抽獎的商人，而絕非閣下所言的中華網龍股份有限公司。

第二，無論任何類型的公司之成立、經營，賺取金錢對維持經營是必需的。
然而，網絡遊戲公司亦不過是商業機構，向遊戲玩家徵收費用亦是絕對合理的。
故此，在虛擬寶物商城中加設抽獎性質的項目，只不過給予消費者多一種選擇，
從消費者角度而言是有利的，而絕非閣下所言的「做壞市」。

第三，中華網龍股份有限公司由營業至今，並未有遊戲因營利虧蝕而倒閉，
即使有時會推出伺服器合併項目，但亦只能說明它的玩家人數不足。
故此，若閣下如此指出中華網龍股份有限公司因營利虧蝕，
而不進行遊戲的更新，是沒有說服力、沒有證據的講法。

第四，閣下所言的「網龍咪興玩短線囉」是非常主觀的說法。
我不排除或會有少數的特別例子，但是事實上，
每種網絡遊戲在全新推出的一段時間內，遊戲人數必然是最高峰，
然後，因為有全新的網絡遊戲推出；或是玩家開始玩至厭悶，
自然會逐漸流失一批又一批的玩家，這是難以改變的定律。
故此，閣下所言的「網龍咪興玩短線囉」是非常主觀的說法。

最後…敬希回覆時盡量減少使用粗言穢語，
避免引致惡性罵戰，破壞良性討論。
作者: p8137440    時間: 09-3-15 06:43 PM

原帖由 牙～杰仔 於 2009-3-15 05:57 PM 發表




唔同意閣下講法。

首先想解釋一點，先前既討論著重係錢方面，係因為樓主指出網龍「食錢」。
然而，閣下既言論亦自相矛盾，賺錢與不更新、「福袋」種種項目實際上都會牽涉到金錢。
實際上，「福袋」的意 ...

唔同意閣下講法。

首先想解釋一點，先前既討論著重係錢方面，係因為樓主指出網龍「食錢」。
然而，閣下既言論亦自相矛盾，賺錢與不更新、「福袋」種種項目實際上都會牽涉到金錢。
實際上，「福袋」的意念來自日常生活常見的抽獎，而抽獎的意思是，當參加者達成參與條件後，
便有機會得到已標明的獎項，抽獎的獎品、中獎率或抽獎方法由舉辦者設定。
另外，我認為閣下這篇發表文章有以下幾點的謬誤：

第一，現時在網絡遊戲業界中，的確有不少遊戲代理公司在虛擬寶物商城中設有類似的的抽獎項目，
但正如剛才所言，「福袋」意念來自抽獎，若果要追究是什麼因素引致以上情況出現，
相信只能說是發明抽獎的商人，而絕非閣下所言的中華網龍股份有限公司。

咁網上第１個用呢個福袋黎賺錢又係咪網龍呢？佢唔用，其它代理又會跟住用既！？

第二，無論任何類型的公司之成立、經營，賺取金錢對維持經營是必需的。
然而，網絡遊戲公司亦不過是商業機構，向遊戲玩家徵收費用亦是絕對合理的。
故此，在虛擬寶物商城中加設抽獎性質的項目，只不過給予消費者多一種選擇，
從消費者角度而言是有利的，而絕非閣下所言的「做壞市」。

如上

第三，中華網龍股份有限公司由營業至今，並未有遊戲因營利虧蝕而倒閉，
即使有時會推出伺服器合併項目，但亦只能說明它的玩家人數不足。
故此，若閣下如此指出中華網龍股份有限公司因營利虧蝕，
而不進行遊戲的更新，是沒有說服力、沒有證據的講法。

我幾時有話過佢虧蝕？我話佢Ｄ　ＧＡＭＥ唔更新ＯＮＬＹ～

第四，閣下所言的「網龍咪興玩短線囉」是非常主觀的說法。
我不排除或會有少數的特別例子，但是事實上，
每種網絡遊戲在全新推出的一段時間內，遊戲人數必然是最高峰，
然後，因為有全新的網絡遊戲推出；或是玩家開始玩至厭悶，
自然會逐漸流失一批又一批的玩家，這是難以改變的定律。
故此，閣下所言的「網龍咪興玩短線囉」是非常主觀的說法。

那請你說出客觀的說法ＯＫ？

最後…敬希回覆時盡量減少使用粗言穢語，
避免引致惡性罵戰，破壞良性討論。

粗口係助語詞！講粗口唔一定引起罵戰既～！你咁幫住網龍，係咪佢派你黎？定係想博上位做版主！？
作者: 笨×炎    時間: 09-3-15 07:06 PM

其實主要佢張佢全部game抽褔袋中貴野個d機率提高番小小就已經可以引番好多玩家番黎=.=....我之前玩卡巴拉...食左500幾hkd..黃易...千幾二千蚊....'' 用黎都系抽下野呀咁..
作者: 牙～杰仔    時間: 09-3-15 11:54 PM

原帖由 p8137440 於 2009-3-15 06:43 PM 發表

唔同意閣下講法。

首先想解釋一點，先前既討論著重係錢方面，係因為樓主指出網龍「食錢」。
然而，閣下既言論亦自相矛盾，賺錢與不更新、「福袋」種種項目實際上都會牽涉到金錢。
實際上，「福袋」的意念來自 ...




1. 咁網上第１個用呢個福袋黎賺錢又係咪網龍呢？佢唔用，其它代理又會跟住用既！？

我係文中已經講左，福袋意念來自抽獎，所以如果你要話搞到其他game都出埋福袋既話，
係諗抽獎呢個商業手法出黎既商人，而且你咁講法係咪即係話，
得網龍d職員諗到將抽獎既意念加入商城，其他代理公司就唔可以自己諗到？
仲有，大把百貨公司有抽獎，大把飲品零食都有抽獎，係咪代表佢地抄黎抄去？

2,3. 我幾時有話過佢虧蝕？我話佢Ｄ　ＧＡＭＥ唔更新ＯＮＬＹ～

「佢自己賺唔到錢，但係都有班玩家玩緊架，賺唔到錢就唔更新新任務果Ｄ？」
如果你唔記得自己打過咩…唔該你睇多次先覆人啦

4. 那請你說出客觀的說法ＯＫ？

請問你有無睇清楚我講過咩先覆？
「我不排除或會有少數的特別例子，但是事實上，
每種網絡遊戲在全新推出的一段時間內，遊戲人數必然是最高峰，
然後，因為有全新的網絡遊戲推出；或是玩家開始玩至厭悶，
自然會逐漸流失一批又一批的玩家，這是難以改變的定律。」

5. 粗口係助語詞！講粗口唔一定引起罵戰既～！你咁幫住網龍，係咪佢派你黎？定係想博上位做版主！？

講粗口只會影響自己比人既印象，你鍾意點講咪點講囉。

唔好意思，我只係一介學生，亦都無再玩網龍任何game，
而且，你只不過係普通會員，我唔覺得覆你個帖就可以點樣「上位」，
最重要係，論壇面頁右上角有「申請版主」四隻字，
想做版主我可以去申請，即使批唔批，都絕對唔需要覆你帖先有得申請囉。
我回下帖你就話我係網龍派黎，睇黎你諗野真係幾偏激、幾主觀。:ro08:
作者: 牙～杰仔    時間: 09-3-16 12:00 AM

原帖由 ＦＵＮＧ 於 2009-3-15 12:38 AM 發表



認同
其實一隻game好唔好玩個個人既定義都唔同嫁喇...
唔通我覺得跑online唔好玩,咁跑就無人玩咩...咪一樣大把人比錢買eq玩...
何謂爛尾呢-.-真係唔清楚...
好似六聖咁,,一開波個個都話正嫁 ...


路遙知馬力~非常同意
作者: 北海道牛奶    時間: 09-3-16 09:47 AM

佢出d game隻隻都差唔多
係度呃人錢-_-
作者: 宇宙乂微塵    時間: 09-3-16 03:58 PM

最呃錢就係FUCK福
買左你就pk
越買越多.越踩越深.泥足深陷
所以打機都係適合可止
唔好同人玩身家
作者: stanley007    時間: 09-3-16 04:11 PM

我覺得都係好玩姐     買點你睇自己負唔負擔得起  識可而止就OK
作者: jzjz10686    時間: 09-3-16 04:12 PM

買同唔買100%係自己決定    有咩理由話人地呃你嫁-.-
網龍係呃人 好幾年前一早比人封鋪拾苙啦-.-仲洗你地係到嘈呀?
好心啦  呃呃呃  你係唔玩網龍搵鬼收你錢呀?-.- 唔夠錢玩就咪玩囉...
又要話人呃你    人地公司d人唔洗食飯呀?-.-
作者: tangyipwai    時間: 09-3-17 09:44 PM

牙~杰仔的辯論, 論點明確, 內容劃分清晰
雖然小弟覺得長線經營點都好過短的, 至少對玩家同代理都係好事, 所謂長搵長有
但無奈既係一隻game點都有佢發展局限, 去到一個位就難搵新卓頭吸引玩家
所以玩家先會一批一批咁流失, 情況好似97移民, 人人自危驚香港會玩完, 係種風潮
要做到唔靠卓頭花臣野都可以留住玩家, 官方的關懷和服務品質很重要
除此以外, 遊戲的平衡, 市場系統調控都是重點投放
因為市場失控, 物價等很多時是玩家放棄的原因, 至於保安更不在話下
總之, 我認為要經營網絡遊戲, 須具備的條件是要有長遠的視野, 優良的服務品質
至少要有問必答, 伺服器穩定, 經常調查玩家的意願所求, 真正了解遊戲世界面對的問題
很多玩家都會積極發言, 他們的建議正可以推動營運小組做得更好
可惜的是, 至今我仍未找到「明主」待奉, 他們都不是聰明的商人

ps. p8137440既言論有「屬於自己一套睇法」, 而且諗野都幾簡單, 破綻百出, 不過簡單係好事, 證明你仲有童真
        粗口都可以當係助語詞? 好呀! 自己係粗人就要認呀嗎! 光明正大! 你岩! 大把前途!
      博上位係好係壞見仁見智, 不過你「小人度君子之腹」就真係「度」得好揚囉, 下次換個方式, 人地會覺得你似番個有內涵的人
        例如話: 你條條都係大道理, 呢個版個版主非你莫屬啦~

[ 本帖最後由 tangyipwai 於 2009-3-17 10:02 PM 編輯 ]
作者: NDS32    時間: 09-3-17 11:16 PM

哦哦哦＠＠＠＠＠＠
作者: GDO小P    時間: 09-3-18 09:40 AM

呢個貼都有唔少人明白事理架bor@@
作者: easykill    時間: 09-3-18 03:33 PM

呀唔同意先生 人地up乜你都唔同意 人地點講點評論咪點評論囉 關你鬼事咩 你理得佢地點講 洗乜咁緊張 莫非佢搶衰呢間公司影響你呀?
何必加e句字露出你破綻呢?
[註：本人絕非網龍職員，只是一名普通網遊人；
而回覆此帖，絕非希望引起罵戰，只想與各位進行理性討論。]
咁文晝晝晒咁多時間力撐呢間公司 雖然我都唔知呢間乜公司黎 路過入黎睇下
係打機既人都唔會晒咁多時間係e到啦 除非係傻
我話知你之後回覆d乜野 你既說話手法都係唔同意開頭先嫁啦 我話知你點講 慢慢講吧 我知你打一篇野要幾粒鐘
我就係唔like某人諸多意見 咁愛管人唔同意d乜又唔同意d物 你估你講完人地會聽你話咩 老豆老母都管唔黎啦 你仲想管討論區d人 俾你管到又點 想多d人入黎你個區我睇幾難 睇你都唔係男仔黎咁鍾意管人 莫非你花名係管家婆 唔係喎up錯左 係管呢個區既婆婆先岩 係有少少串不過我冇指名道性係邊個 唔知邊個會回覆我呢 希望果個唔會係你啦 88 閃去其他online睇下 呢隻online玩家反應不太好
作者: GDO小P    時間: 09-3-19 10:31 AM

樓上果位, 我就覺得果位朋友只係睇唔過眼, 我就好認同佢既point啦。至於花多唔多時間, 我就咁睇, 好似我咁, 我係公司, 比較得閒果陣, 都會發下文, 有時都幾長下, 因為要番工, 唔可以打機麻...
作者: 牙～杰仔    時間: 09-3-20 09:23 PM

原帖由 easykill 於 2009-3-18 03:33 PM 發表
呀唔同意先生 人地up乜你都唔同意 人地點講點評論咪點評論囉 關你鬼事咩 你理得佢地點講 洗乜咁緊張 莫非佢搶衰呢間公司影響你呀?
何必加e句字露出你破綻呢?
[註：本人絕非網龍職員，只是一名普通網遊人；
而回覆 ...


憑閣下以上發言，我可以推斷閣下分析事件的角度不夠全面，思維不夠成熟，
閣下對我的批評存在很多矛盾。不過，我還是會為閣下解釋一下。

第一，正如閣下所言：「人地點講點評論咪點評論囉」，每個人有平等的自由發言權，亦有自由思想。
第二，若承閣下貴言：「係打機既人都唔會晒咁多時間係e到啦 除非係傻」，
閣下正在使用的2000FUN論壇就絕對沒有今天的成就。
第三，若果我為網龍職員，絕對沒有原因需要為身份作出隱瞞。
第四，文末加上註釋意在避免引起罵戰，表明自身意願，亦無不可吧。
第五，閣下言論存在矛盾：「你估你講完人地會聽你話咩」，若然如此，
民間無數政治論壇無需架設，而閣下亦無需回覆帖子。
然而，閣下對我的數項無理指控甚或人身攻擊，包括：
「莫非佢搶衰呢間公司影響你呀?」；「我知你打一篇野要幾粒鐘」；
「睇你都唔係男仔黎咁鍾意管人」；「係管呢個區既婆婆先岩」，
我無需作出申辨，原因：第一，這是沒質素的論題；第二，公道自在人心。

最後，敬希閣下如欲再次回覆帖子，
請寫一篇具有說服力、多角度分析事件的文章。
而若文章具有說服力，能令我了解自身論點的錯失，
我絕不會頑劣地堅持自身的錯誤論點。
進行辨論是我的興趣，這是我在此回覆的原因。
作者: 牙～杰仔    時間: 09-3-20 09:33 PM

原帖由 tangyipwai 於 2009-3-17 09:44 PM 發表
牙~杰仔的辯論, 論點明確, 內容劃分清晰
雖然小弟覺得長線經營點都好過短的, 至少對玩家同代理都係好事, 所謂長搵長有
但無奈既係一隻game點都有佢發展局限, 去到一個位就難搵新卓頭吸引玩家
所以玩家先會一批一批 ...



多謝讚賞! 哈哈
作者: sabin    時間: 09-3-21 07:36 PM

講咁多做咩丫
一句講哂
網龍食c去啦
作者: 陸小燕    時間: 09-3-24 02:54 AM

網虫請槍手ga?

竟然有人會幫網虫講野? 打千字文? bull crap! 我連睇都懶得睇

玩過呢2年網虫game 的人都知咩事.

用點玩唔係問題, 問題係佢根本無心搞好隻game. 用錢都玩得唔開心.

開發商唔係做善事? 洗你講咩. 又唔見外國d 公司咁? 人地係做隻game 出來搵錢. 唔係做個樣呃完掉埋唔理的. 隻隻game 得半年命, 你洗錢玩唔洗錢玩都係比佢搵笨.

[ 本帖最後由 陸小燕 於 2009-3-24 03:06 AM 編輯 ]
作者: @忘命生涯@    時間: 09-3-24 03:09 AM

話就話用吾用錢係自己既事
但如果你玩過網蟲d game,你就會知有幾吾平衡
雖然遊戲就係咁,都吾怪得晒網蟲,因為吾係正係得網蟲d game先吾平衡
但試問你又有冇試過網蟲d工作態度呢
一隻game好玩,咁洗多多少少錢都吾算係個問題
但係網蟲既工作態度就真係玩過既都清楚喇
有時件野既價值低吾低,都要睇品質
如果品質吾好,試問買完之後又點會吾後悔,吾埋怨
作者: tungching    時間: 09-3-24 03:45 PM

我純粹俾game名吸引入黎,
咁岩見到呢個post,
有感而發回應,
我冇意挑起罵戰,
有得罪之處,
請大家原諒啊^^

其實網龍代理既game唔係唔吸引,
但玩玩下真係會玩到冇心機,
更新商城佢真係有一手,
商城物品層出不窮,
仲有令人「手痕」既福袋,
其實都好明白代理要搵錢錢維持公司營運,
但係都俾番少少誠意俾玩家好嗎?
遊戲質素提升好緊要,
開放更多新元素,
遊戲至可以更耐玩,
就算叫我個個月買點卡玩都唔係問題囉,
但係d更新真係令人覺得太慢喇,
所以,
難怪會比人感覺爛尾,
因為好多人都冇耐性繼續等,
都唔知等到幾時呀!!!

老實講,
試過幾隻都係咁,
就好自然對呢間公司個名有D恐懼,
本來我對秦皇天下呢隻game好有興趣,
個故事背景我好喜歡,
可是,
入黎睇到係呢間公司代理,
咁就要抱觀望態度再諗下先~
作者: 俠三仙劍    時間: 09-3-28 03:26 AM

網虫....這代理在老玩家們都有明確的定位了

小弟玩第一隻online game就是網虫代理

事至今天8年有多....

已經決心不再在電腦上,安裝網虫代理的"任何"一款遊戲!

ps.我是大笨蛋!8年才作出這決定
作者: jzjz10686    時間: 09-3-28 04:10 AM

原帖由 陸小燕 於 2009-3-24 02:54 AM 發表
網虫請槍手ga?

竟然有人會幫網虫講野? 打千字文? bull crap! 我連睇都懶得睇

玩過呢2年網虫game 的人都知咩事.

用點玩唔係問題, 問題係佢根本無心搞好隻game. 用錢都玩得唔開心.

開發商唔係做善事? 洗 ...


人地係講道理唔係偏幫網龍囉唔該=.=
你自己中文閱讀能力差無人幫到你^^
作者: jzjz10686    時間: 09-3-28 04:14 AM

原帖由 @忘命生涯@ 於 2009-3-24 03:09 AM 發表
話就話用吾用錢係自己既事
但如果你玩過網蟲d game,你就會知有幾吾平衡
雖然遊戲就係咁,都吾怪得晒網蟲,因為吾係正係得網蟲d game先吾平衡
但試問你又有冇試過網蟲d工作態度呢
一隻game好玩,咁洗多多少少錢都吾算 ...


我玩過 =.= 我都比左好多落去玩=.= 咁又點 呢個係我自己決定
而家個問題係   玩遊戲始終係個人意願 無人逼你-.-
邊有得話 "話就話用唔用錢係自己既事" =.=
事實上根本係丫嘛大佬   如果唔想比人"呃"你錢
咪玩就得囉=.=100%無人呃到你啦 講真-.-
作者: jzjz10686    時間: 09-3-28 04:25 AM

原帖由 tungching 於 2009-3-24 03:45 PM 發表
我純粹俾game名吸引入黎,
咁岩見到呢個post,
有感而發回應,
我冇意挑起罵戰,
有得罪之處,
請大家原諒啊^^

其實網龍代理既game唔係唔吸引,
但玩玩下真係會玩到冇心機,
更新商城佢真係有一手,
商城物品層出 ...



我覺得如果你要批評一隻online game   一個代理商
你應該睇埋其他game其他代理商...我知道有..但試問仲有幾多隻咁多年既舊game仲會日日同你更新...
再加上有時d game都已經更新到無得再更   始終一隻遊戲都有佢既上限...
至於你話耐玩..    金庸..吞食果d難道唔耐玩? 到左而家仲有好多人玩緊喎  
亦都證明更唔更新其實無咩影響.. 玩同唔玩始終係睇自己對隻game既興趣姐...
作者: jzjz10686    時間: 09-3-28 04:46 AM

講真 好心啦-.- 唔鍾意玩d人咪唔好玩唔好幫襯佢囉...成日係到講邊到邊到呃錢 煩唔煩d
比少少理性分析下啦唔該... 網上面本來已經係好自由既地方...你想去咩網頁就去咩網頁
你想打咩game就打咩game... 係你自己用手禁mouse禁鍵盤入game嫁-.-
究竟明唔明咩叫呃? 欺詐係犯法嫁  人地打埋消費者委員會電話出黎啦咁不滿咪打去囉-.-
仲有 請問呢個世界除左你識既人之外有幾多人會請你食免費午餐呀大佬-.-
唔收你錢唔通開左隻game之後去第二度搵錢開ser比你班網遊人呀? ..=.=

好簡單     不滿佢任何方面 : 收費 服務態度 更新速度 等等     
唔好玩!
作者: p8137440    時間: 09-3-28 09:37 PM

講真D喇!
我入黎係擺明幫佢趕客OK?
上面條友打字書面語化左就=以為自己思想成熟?唔好笑9死人喇

呢間咁既廢柴公司,用錢落去果D都係傻架喇!
一係就係剩係識問老豆老母伸手拎錢既敗家仔,唔介意既咪繼續洗錢落去囉!

今日佢出個神EQ~得1%機會中~聽日佢改左100%中都仲得丫~呢D咁既公司,更新不考慮玩家,只考慮自己利益,慢慢洗錢落去喇!
作者: hide3166    時間: 09-3-28 11:56 PM

同意.....佢D GAME十大個個玩＋万八万
食錢勁深
作者: jzjz10686    時間: 09-3-29 07:29 PM

原帖由 p8137440 於 2009-3-28 09:37 PM 發表
講真D喇!
我入黎係擺明幫佢趕客OK?
上面條友打字書面語化左就=以為自己思想成熟?唔好笑9死人喇

呢間咁既廢柴公司,用錢落去果D都係傻架喇!
一係就係剩係識問老豆老母伸手拎錢既敗家仔,唔介意既咪繼續洗錢落去囉 ...


你唔好笑9死人啦 人地用字官腔少少咋
不過好似你呢d人又真係幾難明既
文化水平低無人會怪你嫁
作者: jzjz10686    時間: 09-3-29 07:31 PM

仲有.. 趕客? 你以為自己趕到咩 你邊位呀? -.-
講幾句想人服你 最9幼稚係你囉傻仔
作者: p8137440    時間: 09-3-30 08:24 AM

原帖由 jzjz10686 於 2009-3-29 07:29 PM 發表


你唔好笑9死人啦face_l_18: 人地用字官腔少少咋
不過好似你呢d人又真係幾難明既
文化水平低無人會怪你嫁face_l_18:

用書面語說話比較高水平嗎?
那我現在是不是很高水平?
笑?我笑你無知~笑你白痴而已
用書面語便是水平高,我現在才明白!
那我現在水平是不是有所提升?
作者: pan329    時間: 09-3-30 07:30 PM     標題: 罵網虫?

我有意見想講下 ,
樓上有人說老玩家對網虫已有定位,
依個實在係一個好好的證據,
老玩家大把game玩過 ,
佢地既意見最有說服力!

而我以網虫經典online ---金庸為例 ,
一開始幾年人氣爆登,
開十幾個sever 再加2-3個分流都大把玩家
但點解玩玩下咁少人玩?
就是因為不公平囉!
福袋 , 外掛 破壞哂遊戲平衡 ,
比心機玩既都郁悶啦~
邊仲有心繼續?

而家網虫出免費game , 我只係玩過黃易 ,
又係商城 , 不斷出經驗丹 , 沖裝物品等等
真係太冇意思!
就算唔在意level,
物價波動到暈 ,
中 , 低level場又沒人 ,
簡直冇哂趣味啦  
根本冇玩家的互動 ,
公"朋"得小貓三數隻 ,
依啲就係代理既責任 , 係咪先?

文字中英交雜 , 望見諒。

ps.  我仲係喜歡月費制 , 可惜舊金庸太少人玩 , 同只係掛機 , 人手打點不復再啊!
不過alevel完會入舊金睇下 , 還是喜歡舊金
作者: 牙～杰仔    時間: 09-3-30 09:14 PM

本帖討論初期，可算是良性討論，言語之間仍說之以理，可惜事至如今，
討論已經轉變為互帶侮辱的罵戰，相信主要成因是某些會員過份著重面子，
故此會「為反駁而反駁」，實在遺背了討論的根本意義。
討論的意義是尊重別人發表意見的權利，即使認為他人提出了謬誤，有如何嚴重的錯失，
回覆時亦絕對無需用字粗劣，語帶眨義，此舉只會令人反感，
同時令討論轉變為不理性的惡性爭議。重要的是，如此一來，閣下只會自暴其短。
每人本有不同思想，但因群體生存的必需，在互相接近之下，
觀點與意見必有不同，如果不懂尊重，遇到反對或與自身觀點不合者，
就對其作人身攻擊、對其人格作出眨義，在品德層面上而言，便與畜牲無異了。
另外，解釋一點吧，運用書面語在現代青少年看來，或者彷如帶有虛偽、造作，
但希望各位明白到，即使上至各國政府，下至規模很小的公司，
在制訂、簽署各種文件的時候，用的都是書面語，由此可見，
運用書面語是尊重、莊重的表現，同時亦如某位會員所言，這是文化的表現。
故此，若然閣下認為運用書面語是造作、幼稚的表現，
那麼我只能說閣下的文化修為實在難登大雅之堂，有待改進呢。
最後交代一聲，鑑於討論已變為罵戰，令我相信繼續在本帖回覆，
同樣亦徒勞無功，況且要討論的，都已討論了。
作者: jzjz10686    時間: 09-3-30 11:06 PM

原帖由 p8137440 於 2009-3-30 08:24 AM 發表

用書面語說話比較高水平嗎?
那我現在是不是很高水平?
笑?我笑你無知~笑你白痴而已
用書面語便是水平高,我現在才明白!
那我現在水平是不是有所提升?



你d文法真係好好笑! 哈哈
讀多兩年書先出聲啦! 第一頁講既野比人打散晒  
又要死要面駁人 為反駁而反駁咪你呢種人囉  
仲有面返黎覆第三次帖  唔比個 你都唔得啦..
你慢慢死雞撐飯蓋落去啦 =D 加油呀撐住呀!!
作者: p8137440    時間: 09-3-31 07:00 AM

原帖由 jzjz10686 於 2009-3-30 11:06 PM 發表



你d文法真係好好笑! 哈哈
讀多兩年書先出聲啦! 第一頁講既野比人打散晒  
又要死要面駁人 為反駁而反駁咪你呢種人囉  
仲有面返黎覆第三次帖  唔比個 你都唔得啦..
你慢慢死雞撐飯蓋落去啦 ...

多謝你留意我回多少次帖,由此可見你係多麼的留意我
多讀兩年書?試問你的學歷程度又如何?
請問什麼是"第一頁講既野比人打散晒",這一定是學歷很高的人才能解釋,我學歷太低了,能解釋嗎?
作者: ho_waiao    時間: 09-3-31 11:54 AM

原帖由 jzjz10686 於 2009-3-30 11:06 PM 發表



你d文法真係好好笑! 哈哈
讀多兩年書先出聲啦! 第一頁講既野比人打散晒  
又要死要面駁人 為反駁而反駁咪你呢種人囉  
仲有面返黎覆第三次帖  唔比個 你都唔得啦..
你慢慢死雞撐飯蓋落去啦 ...

我覺得似係你死雞撐飯蓋多d wo~收皮喇,白痴仔,比人寸都唔知
1星垃圾會員
作者: kelvinhihi    時間: 09-3-31 04:55 PM

原帖由 陸小燕 於 2009-3-24 02:54 AM 發表
網虫請槍手ga?

竟然有人會幫網虫講野? 打千字文? bull crap! 我連睇都懶得睇

玩過呢2年網虫game 的人都知咩事.

用點玩唔係問題, 問題係佢根本無心搞好隻game. 用錢都玩得唔開心.

開發商唔係做善事? 洗 ...

認同..就算係支持網龍既..但係打既文章太似官方腔,一個學生咁好文采亦實屬小見..一d俗語都冇,好難令人相信發文者係一介學生
作者: kelvinhihi    時間: 09-3-31 05:28 PM

我覺得一隻game值唔值得放錢玩,每個人自有定論..