2000FUN論壇

標題: 路邊的小唐狗 [打印本頁]

作者: 金夕雨 時間: 09-3-17 03:15 AM 標題: 路邊的小唐狗

仲記得有一日夜晚,果時深夜黎..2點幾左右啦..

我去條女間屋企,因為佢住村屋架,條路好黑,中間係馬路黎.....
只有少少暗淡既街燈照明...
果度平時好少路人,深夜更加係鬼影都冇隻,間中都會有車經過....

行左一段時間..見到對面馬路中心,有隻幾個月既唐狗仔係地爬爬下咁..
我咪行上去,睇下佢咩事lo..
見到佢只有雙手係度爬,隻腳好似斷左咁....
佢個樣好似想爬去行人路咁,爬得勁慢..停下爬下咁..

我都有養過狗..見到佢咁咪抱起佢lo....
點知見到佢個身,拉到勁長...我即刻放返低..
原黎佢下半身比車,車到d骨碎哂....

之後再抱多次,哩次好小心連埋腳一齊抱..
當時以經好夜..想帶佢去搵獸醫都唔得..只好帶埋佢去條女間屋企啦..

佢個樣好辛苦,不停咁叫....(唔知叫呀媽,定係叫我救佢)
找左個地方比佢休息,諗住聽日先帶佢去醫...

朝早啦!訓醒左一第時間咪去睇佢..但以經死左了..

我覺得一隻狗生存意志都咁強,
而好多人..好意思話唔知生存黎做咩,對自已冇信心放棄自已,
報紙上...仲有人為左白痴野就走去自殺.....
真係連小唐狗都不如...

恩..........你可以話隻狗冇腦....

咁身在非洲或者其他窮地方D人呢?真係好多窮人架..
冇衫著光脫脫,冇水沖涼洗面要用尿,冇野食成日餓餐死,有病冇得醫痛只有忍...
佢地都冇放棄過自已..
對自已冇信心覺得自已生存唔知做咩果d,換個角度諗下,你係佢地會點先..
其實好多野都應該要知足.....

真係唔滿意應該自已努力去拎,講慘大有人在.......
好多人連努力向上爬既機會都冇<====香港大把
有機會大展拳腳就盡力吧!點可以話冇信心同放棄呢...

ps:我唔係扮D咩,講出黎都可以提醒下自已...令到自已更加清楚,更加努力拎想要既野..
以上全是個人觀點的角度..

[ 本帖最後由金夕雨於 2009-3-17 07:48 AM 編輯 ]

作者: 亞夜 時間: 09-3-17 05:41 AM

樓主下次再遇到這情況可致電SPCA的救援隊

電話:27111000 是24小時服務的

雖然聽你的描述小狗應該是沒救的了  當助護的我偶然也遇上遭車禍的急症

若是醫生判定是沒救的很多時都會建議P(安樂死)了牠

因為放任由牠在瀕死狀態中痛苦爭扎數小時  那過程無疑是種折磨...

雖然我都不認為誰人有權取決定另一條生命  但那種矛盾於理性與感性中的無奈...就現實生活中的無奈...

在我眼內放棄生命的人並沒有錯  我認為沒有誰有權批判另一人的生命

個人看他們是自私的  因為他們把痛苦留給了身邊的人仍然活著的人

但對於我這打開報紙看新聞的路人有時會抽離感性的角度去看

我已經無法控制自己的生命何時開始  至少可以它決定何時終結吧

難道為了你們的對而要我勉強活下去沒有錯嗎?

P.S單純是我個人切入觀點的角度  絕不是鼓吹自殺行為

生命誠可貴,希望在轉角,明天會更好,樓蟻尚且偷生,身體髮膚受諸父母.......................(下刪500字)

作者: 金夕雨 時間: 09-3-17 07:47 AM

每個人睇法唔同,感覺唔同,反應都唔同....

我無辦法去明白佢地感受,的確永遠都只係一個路人...

仲記得有篇新聞,係講一個讀緊醫科學生,仲有半年就讀完..
佢前景真係唔錯,以後條路相信好易行..但為情去左自殺..

更加有人為左線上遊戲同親人嘈兩句,又走左去自殺...

冇錯..任何人都有權去選擇生同死..
但係我眼入面,佢地係錯左,為左D咁少GE野,真係唔值得.....

[ 本帖最後由金夕雨於 2009-3-17 08:36 AM 編輯 ]

作者: 風free 時間: 09-3-18 07:53 PM

也是一個好例子吧
其實生命可以用奇蹟來比喻沒有什麼不可能
但有些人總是認為自己跨不過沒希望
可能他們認為自己決定自己的生死總比不能決定會好吧
我跟樓主的觀點都一樣
沒有什麼是捱不過嘗試總比不嘗試會更好
昨天的事我明白也知道
明天的事天曉得不知道
確實地說我也不知道我能不能捱過未來的挑戰這我是不肯定的
但我卻認為可明天是由自己以努力去創造
沒機會沒可能這都只是想逃避的藉口而已

歡迎光臨 2000FUN論壇 (https://www.2000fun.com/)