2000FUN論壇

標題: 非常煩惱,關於photoshop,徵求高手教導 [打印本頁]

作者: conan6150 時間: 09-3-27 12:20 AM 標題: 非常煩惱,關於photoshop,徵求高手教導

本人第一次用photoshop試下上色
原來比我想像中要難
上色果陣又出哂界,連普通上顏色都上到出哂界
真係唔明人地可以做埋打陰影同光暗
之後我上網搵下教學
http://nightang.xanga.com/632401863/cg2594523416-315322010822530/
咁總算搵到啦
第1,佢講到要分開部份
試問我第一次用photoshop,我又點會知道點分開呢..
佢講要用到魔術棒,但係我試過,完全唔識點用
有無photoshop高手可以教下小弟點分開?
小弟真係第一次用,所以重有好多唔明白既地方,多多諒解!

作者: Barry2005 時間: 09-3-27 12:44 AM

我覺得呢種上色方法太古舊啦~而且不夠靈活~
有冇諗過兩至三個layer完成一幅畫??
怕出界?
舉個例:如果畫塑膠彩畫時畫出界，你會點??正規梗係用呢一隻色蓋返佢啦~而電腦畫點解唔可以咁做呢??
你要知道！到現實手繪，都唔會有"layer"呢樣野比你用的!!!

作者: conan6150 時間: 09-3-27 12:50 PM 標題: 回復 2# Barry2005 的帖子

咁你用photoshop上色果陣
用一個layer上色,而且重全無出界
連打光暗位都唔出界?

先唔講現實住,電腦上色還電腦上色,現實還現實住先
咁宜位大大有咩易上手既上色方法?
我睇過你既作品,你上色應該有自己既方法
咁又可唔可以介紹下呢
萬分感謝

作者: Barry2005 時間: 09-3-28 01:44 AM

原帖由 conan6150 於 2009-3-27 12:50 PM 發表
咁你用photoshop上色果陣
用一個layer上色,而且重全無出界
連打光暗位都唔出界?

先唔講現實住,電腦上色還電腦上色,現實還現實住先
咁宜位大大有咩易上手既上色方法?
我睇過你既作品,你上色應該有自己既方法
...

出界咪由得佢出界嚕，唔駛咁緊張既！(當然我都有出界既機會啦)
其實無話邊種方法一定最好，只要搵到自己覺得最舒服既上色方法就可以!咁樣上色才會有趣味！
上色來講，一幅完整既線稿都好重要，而且不容馬虎的!所以我建議你由處理線稿開始！

大體上我是會分為三層Layer上色:
Layer1=線稿
Layer2=主體(人物/物件)
Layer3=背景

詳細按我

其實2000fun有唔少教學，認真搵下就會搵到！

作者: conan6150 時間: 09-3-28 03:39 PM 標題: 回復 4# Barry2005 的帖子

多謝你既解答先!都總算有小小明白
接下來我想問既係光暗位同光暗位上色問題
我想問一下
點分辨光暗位,最想知道就係頭髮同面部光暗位,頭髮次次都係求其整幾條係有光有暗就算
但係你既作品頭髮既光暗位做得好自然,老是望落去我自己整既頭髮光暗位總係覺得kk地咁- -
至於面部光暗位真係唔多識分辨,除非有其他類似既圖做光暗位參照,
可唔可以教下我點分辨光暗位同光暗位做得自然呢?萬分感謝

至於光暗位上色方面
我睇過你既教學
http://www.2000fun.com/bbs/viewt ... &extra=page%3D1
去到第4步就睇唔明
4.上多一層色塊(陰影)----------續漸加色塊(漸變)
我就唔明白點樣整到由第4步到第5步面部既光暗位變成漸變
搞到上面色果陣同第4步果陣未做漸變既面一樣- -一個字形容"怪"
希望大大可以再解釋一下面部陰影做漸變果陣,萬分感謝

[ 本帖最後由 conan6150 於 2009-3-28 03:41 PM 編輯 ]

作者: pocketmonsters 時間: 09-3-28 04:47 PM

太古舊還可以啦~
但不夠靈活是真的~~

其實我用photoshop也是只有2~3個圖層就完成一幅作品

作者: Barry2005 時間: 09-3-28 11:30 PM

原帖由 conan6150 於 2009-3-28 03:39 PM 發表
多謝你既解答先!都總算有小小明白
接下來我想問既係光暗位同光暗位上色問題
我想問一下
點分辨光暗位,最想知道就係頭髮同面部光暗位,頭髮次次都係求其整幾條係有光有暗就算
但係你既作品頭髮既光暗位做得好自然, ...

首先，你要搞清楚，辨別光暗位，是由作者你定的，而不是我話比你聽！
你畫之前要自己心中定一個光源！怎可以加得自然，就要靠平時多觀察嚕~

講返我加光/陰影:
我都不過在基本色上加一層色塊/漸變(都係一層色蓋一層色)
而頭髮上色的原理都只是一樣，只不過技巧上的要求更高！(手決不能震)
多D畫就會追步！

作者: conan6150 時間: 09-3-28 11:56 PM 標題: 回復 7# Barry2005 的帖子

完來係咁,thx哂~

作者: ╓鋌╜ 時間: 09-3-29 01:12 AM

其實圖層小,圖層多唔代表高手與否
[hdutube]9rV8_Jiysqo&feature=related[/hdutube]
岩岩求其上youtube搵,唔知係到睇唔睇到,睇唔到ge話就直接按入youtube睇~

個人意見,有陣時d高手都會分好多圖層
咁樣光暗變化多d,同埋可以更仔細 , 因為我睇書同埋上堂老師都有講過...
係差唔多圖層到畫,可能真係當左真實畫畫咁,可以發揮你ge技巧...
但係電腦ge出現係比大家可以做得更仔細,做到一d人手現實做唔到ge野...

我唔係話得2,3圖層畫得唔仔細,不過如果圖層多ge話都有佢ge好處, 例如有陣時畫d細微道具有需要一筆畫完再擦...咁如果同其他色塊共用一個圖層就會有機會擦到其他色,之後又補色?有陣時補一下d色又唔一樣,之後e到又加多筆,果到又加多筆

又或者有時頭髮畫錯,如果係同一圖層上擦,可能會影響到畫中物件其他部位,如果有分圖層習慣會方便自己...

不過我都覺得樓主你post入邊個人上色手法的確有點死版,一光一暗,好似睇動畫果d圖咁,同埋d漸變位好有大陸feel- -我唔識點形容...
不過圖層方面我就覺得多同小其實都無咩相干,只要自己控制得好就可以

以上都係個人意見~

[ 本帖最後由 ╓鋌╜ 於 2009-3-29 01:15 AM 編輯 ]

作者: Barry2005 時間: 09-3-29 10:28 AM

其實我之前都講過，方法無話一定邊個最好，只要搵到自己適合既方法就得啦！而且我無話過越少圖層就越高手=.=

無可否認，多圖層的畫法都有佢好處！
但以我來說，圖層太多我會亂，而且有損畫畫既原意!
「電腦ge出現係比大家可以做得更仔細」但咁就可以代表手繪唔可以做到???
其實手繪要畫到電腦畫咁靚，只係技術要求要更高(當然我未做到=.=)
所以，手繪要畫到呢d級數…多數係大師級先做到!!

作者: 中華丸子 時間: 09-3-29 03:54 PM

原帖由 Barry2005 於 2009-3-28 11:30 PM 發表

首先，你要搞清楚，辨別光暗位，是由作者你定的，而不是我話比你聽！
你畫之前要自己心中定一個光源！怎可以加得自然，就要靠平時多觀察嚕~

講返我加光/陰影:
我都不過在基本色上加一層色塊/漸變(都係一層色蓋 ...

點加光暗?
可唔可以長細講講-0-
超新手=-=

作者: ╓鋌╜ 時間: 09-3-29 04:03 PM

原帖由 Barry2005 於 2009-3-29 10:28 AM 發表
「電腦ge出現係比大家可以做得更仔細」但咁就可以代表手繪唔可以做到???

的確手繪做唔到...

手繪最細得上龜筆鋼筆等等...但係你睇仔細野比著都係用放大鏡,但係電腦放大可以比我地睇得更仔細

手繪如果你完成整張圖先發現出錯,可能會補色or白油,但係電腦就可以更方便快捷,按ctrl z或者擦走去就得...

送上一張網上搵到手繪同電繪ge圖

[url=]

[/url]

[url=]

[/url]

各有各ge風味

手繪要畫到電腦畫咁靚,技術理論上係可以...但係落手果時...即使講緊舊時名畫家,玩今插畫家,都唔會比得上電腦色澤平均度,穩定度,仔細度...除非搵機械人幫你畫...
現今大家CG電腦繪圖輸出量比手繒多好多,因為電腦繒圖比手繒優勝層面的確好多
而現今需要手繪的是因為手繪"風味"

問心果句大師級模仿到電腦繪圖效果,但係佢做唔做到各種程式繒圖的效果質素?線是否每一條粗幼一致完全一筆都無錯?全張畫的色塊真的一丁點都沒有瑕疵?整潔度真的可以跟電腦媲美? 或者可能會話"係",不過其實要咁樣答的話...我都會尊重各方的意見...
但就講電腦特效,3D,濾鏡等等,手繪的確不能...連仔細度就算再仔細都比唔上電腦

其實我想講只係手繪真係做唔到電腦咁...並唔係話手繪差,2者都有佢地分別同埋風味 , 所以工作上唔同需求ge時候都會用唔同手法去畫...如果真係要拎手繪同電繪比,除左手繪"獨特風味"之外,其他大部分真係輸比電腦

所以點解除左藝術上,現今社會有好多職業都採用左電腦協助...因為電腦會更精準...無謂為嗌而嗌吧

[ 本帖最後由 ╓鋌╜ 於 2009-3-29 04:06 PM 編輯 ]

作者: conan6150 時間: 09-3-29 06:39 PM 標題: 回復 11# 中華丸子的帖子

其實我都唔多明
我都不過在基本色上加一層色塊/漸變(都係一層色蓋一層色)

一層色蓋一層色做漸變,但係我一路蓋,蓋到d色一舊舊一塊塊咁-__-
完全唔覺係做緊漸變-___-......
不過已經努力試緊!_!

歡迎光臨 2000FUN論壇 (https://www.2000fun.com/)