2000FUN論壇

標題: 想成為日本手機の達人 ~ ? 先來了解使用日機前所需知 - 初心問題與購買指南 [打印本頁]

作者: 小進@nami 時間: 09-3-28 03:45 PM 標題: 想成為日本手機の達人 ~ ? 先來了解使用日機前所需知 - 初心問題與購買指南

好多時 , D朋友仔成日都話
朋友仔說道 : 「我覺得日本手機好靚呀~! 我好想轉呀~但事前有咩準備呀~?又可以係邊到買呀~!?」
仲有多多的問題~
而家就由我小進話比大家知啦 ...

初心者篇

1) 朋友仔 : 香港既機最多只有褶機 , 推機同埋轉機 , 除左呢D款 , 日系手機有無「其他款」~?
小進 : 當然有啦 , 日本比較著重手機外型同埋功能 , 除左以上3種 , 仲有
先講褶機 : 褶機の側開(例:P905i , 開後像電腦) , 褶機の90度轉(例:SH-01A , 轉後成T字) , 褶機の90度轉隱藏版(例:932SH , 同褶機の90度轉分別在於 "褶機の90度轉" 機面會有樓梯式 , 而"褶機の90度轉隱藏版" 就無 , 同普通褶機一樣) , 褶機の180度轉(例:SH-03A , 轉後可以對著鏡頭自拍及變成普通褶機のMON向面)
推機 : 推機の打橫推(例:SH-04A , 一味向上下的推機 , 就會變成左右推 , 仲有KEYBOARD版)
轉機 : 日本少在轉機方面著手 , 因為由於樣式同埋難改變機身樣子 , 所以比較少

另類日系手機款式 : 3段旋轉型機(例:N-01A , 3段即 1普通日系手機 -> 2向上一推 , 變推機 -> 3將個MON轉成90度)
仲有防水 , 去游水都拎部樣子不俗 , 顏色又SHARP , 日系手機出來聽電話 , 都真係溝死女嚕~!

當然 , 除左以上既款式 , 更加會期待日本開放其他種類及形式款上的改變

2) 朋友仔 : (手指指)就 ... 呢款啦 , 咁有咩功能架~? 香港又用唔用到架~?
小進 : 功能當然就要根據番部手機既型號啦~
不過一般黎講打出打入 , MSG SD出SD入 , 相機 , 睇片 , 聽歌 , 入SD卡都無問題 ; 電視 , CODE認証就只有日本先可以用到
而入歌就不能夠入 .MP3 , 需要轉 .ACC / .WMV , 無原因的
不過ACC聲質比MP3靚 , 配上某D機種既5.1聲道 3speaker 既喇叭 , 轉一轉享受下用電話播高清晰音樂 , 都吾錯

謎之聲 : 咁有咩特別呀~ 香港機都一樣咋啵
當然 , 好似無咩特別 , 不過基於香港限制 , 所以D功能都未能用盡
但有D手機有特別既功能 , 例如光感控制 , TOUCH , 指紋認証 , 先不論呢D可愛功能 , 淨係個樣同配置都已經夠殺食~!
本身日本手機除左著重機身樣子 , 功能都一樣著重
例如最新SH-01/3A或930SH或932SH等 , 都配置左800萬CCD PROPIX處理鏡頭 , 3.0或3.3吋MON
同時顯示1,600萬隻顏色GE高解像度FULL WVGA , 最高更加可以支援16GB microSDHC
932SH更加係AQUOS畫面
真係拎睇睇戲 , 影影相都唔會失禮你 , D女仔仲會愛上你 .... 部電話TIM!

3) 朋友仔 : 我簡好左喇 , 不過叫得做日本機 , 但日文又有中文字喎 , 咁有無得「顯示d中文」同埋「打中文」架~?
小進 : 問得好喇 , 其實如果認識/有學日文既朋友仔 , 就知道日文漢字(即大家所謂日文之中既中文字) 只有中國文字(即中文)既8成
所以日本手機就只能顯示果8成字 , 其餘就顯示唔到 , 但睇慣英介面既朋友 , 就可以使用英介面
至於打中文方面 , 就要根據番每部機既型號而定 , 由300-5000字不等 , 通常都會係常用字 , 而非常用字就吾會set入去
輸入方法同平時筆劃輸入法一樣 , (例: "三" ->按3下1 , "人" ->按3 , 4)

俗語說「有錢使得鬼推磨 , 無錢就無得磨」 , 要解決中文既辦法一樣有 , 不過就係"錢"既問題
我所講既錢 , 並唔係有錢就可以令到部機有中文
而係去買台版/大陸版既日系手機 , 不過就有型號限制(即未必多款)

謎之聲 : 話明日系機 , 都有其他版?
係呀~而家日系手機都邁向國際化 , 連apple個主席都係用日系手機架咋~!(詳情請閱"iphone在日本變成0機價の新聞")
講番上來 , 佢地既分別在於介面變番中文字 , 顯示到全部中文 , 台版及大陸版更加可以用到3G
不過價錢就好和味嚕 , 起碼都要$5000以上

4) 朋友仔 : 唔緊要啦 , 我都係打開英文 , 無相干既 , 最多打電話~! 係呢 , 咁係唔係部部機 , 個個台都用得架~? 我而家用緊「3」台既「3G」!
小進 : 呢個問題就要根據番部日系手機而定 , 首選係smartone , 次選就係peoples , csl
不建議PCCW同新世界 , 因為會經常圈外 (即OUT OF SERVICE)

但有一個壞消息~
一般學生 / 朋友都因為 3 台價錢便宜而用3 , 但實際上 , 日系手機係接近「所有型號」都用唔到3台
原因在於3台制式唔同 , 加上日機來到香港不能用3G , 只能用2G , 而3都即將改變全3G , 所以用3既朋友就無得考慮日本手機喇
3G其實是指3rd-Generation , 即第三代流動通訊技術 ,
現時3G制式分為 : W-CDMA , CDMA-2000 , TD-SCDMW , 而香港的3G服務便使用了W-CDMA制式
日機需要行駛GSM
當然 , 亦有幾款型號可以用到3 (其實只能用3不能用其他 , 不是3亡就是其他台亡!!!!)

謎之聲 : 哇 , 個香港差唔多都已經係李嘉誠架喎 , 買野都唔可以唔去百佳 , 上網唔可以唔用網上行 , 睇波更加要睇NOW , 我D同學個個都用3台 , 唔用3我可以用咩~?
其實3台係平字(指最平個PLAN) , 要用日本手機就要放棄一下喇
如果3台仲加埋d什麼什麼費 , 其實計番 , 用其他台都差吾多

5) 朋友仔 : 唔緊要唔緊要 , 我份約下個月到期 , 就轉SMARTONE啦~轉完都SMART D! (小進冷冷的視線望著) ... , 咁駛唔駛咩解LOCK架~?
小進 : 恩 , 的確需要 , 不過一般來講其實吾需要太多步驟
只係拎張解sim lock卡(需另外買 , 不過一般買電話時個價錢都已經包埋) , 放上sim卡到~
晶片位對晶片位 , 兩張一齊放入日系手機既擺sim卡位就可以 , 有d就要自己開機set台 , 有d就咁自己search就ok~!
謎之聲 : 點解之前聽人講話要剪sim卡既~? 是什麼一回事~!?
以前係需要剪卡 , 因為張解sim lock卡有粒晶片凸左出來 , 所以要剪張sim卡
其實剪張sim卡不是一件很危險的事 , 因為個位不會傷到sim卡晶片(本身張晶片就是很細的嘛!)
而係而家 , 張解sim lock卡技術發展 , 開始設計到變平平既一張a4紙厚度 , 所以而家未必一定要剪(咁價錢就一定貴d , 不過亦都無咁易圈外)

[註：本文所有權為2000fun及本人與Phonehk ps3465所有，未經2000fun及本人與Phonehk ps3465的同意而轉發，一律禁止。]

[ 本帖最後由小進@nami 於 2009-6-5 10:59 PM 編輯 ]

作者: 小進@nami 時間: 09-3-28 03:47 PM

進階者篇

1) 朋友仔 : 好野~我買左部靚靚既日本手機喇 , 但我聽人講有D唔駛貼卡貼既~? 點解~?
小進 : 果d叫做軟解機 , 軟解機係指部機本身已經解左鎖 , 好處係唔洗另加卡貼 , 就咁插入用家張Sim咭就可以用到部機 ,
包括 : 打出、打入、影相同聽歌等功能

而家市面上主要gei日本軟解機有以下四個系列：

1. EMOBILE H11T by TOSHIBA
2. SoftBank 815T, 911T, 912T, 920T同埋921T by TOSHIBA
3. SoftBank 707SCII, 同埋920SC by SAMSUNG
4. AU W64S by Sony Ericsson

2) 朋友仔 : 香港有SE , LG , NOKIA等等呢D大牌子 , 咁日本又有無架~? 同埋點解有D又SHARP果D既~?
小進 : 其實日本最大既手機牌子就係DoCoMo 同埋 Soft Bank , 其後就係AU等等 ...
SHARP其實係指「手機製造商」 , 而不是手機牌子 , 可別弄錯喔~!

3) 朋友仔 : 我買左果部係日本Soft Bank牌子既手機 , 用卡貼要有咩留意~?
小進 : Soft Bank手機一向係最為香港玩家所熟悉 , 因為一路以黎數碼通引入gei日本機一定係黎至Soft Bank
自從810SH開始 , SoftBank手機除左通話鎖仲加多加多媒體鎖 , 如果只係好似904SH咁自行加張卡貼 , 最多都只係可以解到通話鎖 , 係用唔到影相同聽歌架

解鎖需要採用多媒體卡貼 , 例如 : 台灣iNEX專用多媒體卡貼(每個型號都可能需要唔同卡貼) ,
而解除多媒體所需gei Soft Bank有效漫遊Sim咭 , 因為價錢昂貴(大約等同於兩部最新手機) ,
所以並唔係一般用家所能負擔得到架 , 而且就算係解左多媒體 , o係以下情況下都可能會自行鎖返 :

1) 校左 Master Reset
2) 校左 Offline Mode
3) 無插入/唔記得插入Sim咭 (包括您張Sim咭插得唔好)
4) 未完全熄晒機就拔左粒電池出黎
(呢個情況最多用家忽略，大都以為SoftBank logo之後畫面一黑就係熄左機 , 其實仲要等埋Please wait ... 果段行埋 , 之後畫面黑晒先至係真正熄左機架)
5) 部機無電超過兩日

呢個亦都係點解本人一向唔建議海外用家選購Soft Bank手機 ,
因為一鎖返就唯有搵返賣家用張Soft Bank有效漫遊Sim咭黎解返 ;
相反揀docomo手機就無呢個煩惱啦 , 就算無插入Sim咭都一樣可以開到機
同埋用到影相聽歌等多媒體功能

而家市面上gei SoftBank機主要係由SHARP製造

4) 朋友仔 : 好彩我係同你買 , 有咩事都可以搵你喇~哈哈! (小進又用冷冷的目光望著) , 咁DoCoMo又有咩唔同~?
小進 : docomo手機本身只有通話鎖 , 只要手機本身係支援GSM網絡制式 , 加上適當gei卡貼 ,
例如 : 市面上最穩定gei台灣iNEX專用卡貼 , 再加埋適當gei設定 , 咁o係世界各大城市 ,
就分別可以用到以下Sim咭gei打出、打入、收發SMS功能啦 :

* 香港建議用數碼通、次選為中國移通通信(PEOPLES)、CSL (one2free)又或者電訊數碼
至於PCCW或者新世界 , 本人唔建議用 , 因為會經常發生圈外情況 ; 另外 , 之前都提到 , 3台係用唔到所有最新日機架

* 台灣建議用大哥大

* 澳門建議用和記又或者數碼通2G

* 澳洲建議用Optus

* 加拿大建議用Rogers又或者Fido

* 美國建議用T-Mobile

* 英國建議用Vodafone UK又或者O2

* 國內建議用聯通

好處係可以自行換Sim咭 , 同時手機未有好似SoftBank手機加入多媒體功能鎖 ,
就算唔插入Sim咭都可以用到影相聽歌功能 , 呢個亦都係點解本人一向都建議海外用家揀docomo手機 , 而放棄SoftBank手機啦

而家市面上主要gei docomo機包括有以下特約手機製造商 :
1) by SHARP
2) by PANASONIC
3) by NEC
4) by Fujitsu
5) by SONY ERICSSON
6) by MITSUBISHI

[註：本文所有權為2000fun及本人與Phonehk ps3465所有，未經2000fun及本人與Phonehk ps3465的同意而轉發，一律禁止。]

[ 本帖最後由小進@nami 於 2009-3-28 11:39 PM 編輯 ]

作者: 小進@nami 時間: 09-3-28 05:02 PM

留帖備用

作者: 旺角槍神 時間: 09-3-28 05:23 PM

支持你

作者: 肥老鼠 時間: 09-3-28 05:36 PM

係咪有台版的日系機嫁?好似話用到日系機又3 又3G到的

作者: 小進@nami 時間: 09-3-28 05:54 PM

原帖由 肥老鼠 於 2009-3-28 05:36 PM 發表
係咪有台版的日系機嫁?好似話用到日系機又3 又3G到的

可以 , 詳情請閱初心者篇第3題

作者: altc3000 時間: 09-3-28 10:09 PM

話說有冇邊D係3台用到嫁?
我想SD MSG= =

作者: halofish1991 時間: 09-3-29 12:01 AM

P-04A同P-05A有咩大分別?

SH-03A同埋以上兩種大概幾錢? 暫時最貴932SH?

另外, 係唔係讀唔到果d格仔code? (QR code)

同埋係唔係多數都係去mk先施買? 我上次去見到好多

[ 本帖最後由 halofish1991 於 2009-3-29 12:20 AM 編輯 ]

作者: 臭€屎 時間: 09-3-29 12:07 AM

原帖由 小進@nami 於 2009-3-28 03:45 PM 發表
係呀~而家日系手機都邁向國際化 , 連apple個主席都係用日系手機架咋~!(詳情請閱"iphone在日本變成0機價の新聞")

你講steve jobs?可唔可以post條link睇睇？

作者: 小進@nami 時間: 09-3-29 12:16 AM

原帖由 altc3000 於 2009-3-28 10:09 PM 發表
話說有冇邊D係3台用到嫁?
我想SD MSG= =

3台只可以用到大約10部機左右
差不多全部軟解版本(即不用解sim lock卡貼)
但有大部份都不能收發sms

作者: altc3000 時間: 09-3-29 12:20 AM

原帖由 小進@nami 於 2009-3-29 12:16 AM 發表

3台只可以用到大約10部機左右
差不多全部軟解版本(即不用解sim lock卡貼)
但有大部份都不能收發sms

咁大濟0.0
收發sms都唔得0.0

作者: 小進@nami 時間: 09-3-29 12:26 AM

原帖由 halofish1991 於 2009-3-29 12:01 AM 發表
P-04A同P-05A有咩大分別?

SH-03A同埋以上兩種大概幾錢? 暫時最貴932SH?

另外, 係唔係讀唔到果d格仔code? (QR code)

同埋係唔係多數都係去mk先施買? 我上次去見到好多

P-04A有相機(320萬) , P-05A無相機(輕D)
SH-03A而家做緊白色/粉紅色($3550) , 黑色($3600)
932SH 金色($3950) , 紫色/白色($3900)

香港未用到手機影CODE取得資料呢種功能 , 所以日系機有呢種功能係香港都用吾到
如想購買日系手機 , 可與我聯絡
請閱 : http://hk.user.auctions.yahoo.com/hk/user/ps3465
本人與YAHOO 及PHONEHK之ps3465為partner , 向我地購買會提供3日非人為損壞保障 , 3日後就會盡量協助送往日本維修
更可獲永久免費提供手機應用技術諮詢服務

作者: 小進@nami 時間: 09-3-29 12:27 AM

原帖由 臭€屎 於 2009-3-29 12:07 AM 發表

你講steve jobs?可唔可以post條link睇睇？

嘻嘻~
之前聊版有人post過~ 好似係日方果面個負責人
不過吾見左了

作者: ~車黎子 時間: 09-3-29 06:44 AM

我覺得你講得幾好..
我痕痕地想買..不過要到7月先..
同埋我係英國用架..所以冇打中文架煩惱..
我係用英國架voda~ 我係女仔..
有咩手機介紹a..?
如果我係英國用會唔會有咩要注意a..?
thx~

作者: 小進@nami 時間: 09-3-29 11:42 AM

原帖由 ~車黎子 於 2009-3-29 06:44 AM 發表
我覺得你講得幾好..
我痕痕地想買..不過要到7月先..
同埋我係英國用架..所以冇打中文架煩惱..
我係用英國架voda~ 我係女仔..
有咩手機介紹a..?
如果我係英國用會唔會有咩要注意a..?
thx~

謝謝你
其實朋友您gei情況等同進階篇第4題 (詳情可參閱)
建議使用DoCoMo牌子gei日系手機 , 同埋英國建議用Vodafone UK又或者O2電話台

女仔gei話 , 個人建議選擇SH-0XA 系列
SH-01A

SH-03A

SH-04A

SH-01A同SH-03A 個人比較推薦 , 而SH-04A就是推薦比較喜愛用PDA/KEYOARD那類

SH-01A同SH-03A功能上大致無分別 , 而特別之處有幾點
1. SH-01A個Mon.有3.3"大 , 而SH-03A只係得3.0"
2. SH-01A條天線係內置gei , SH-03A就係外置gei
3. SH-03A新增面部微笑對焦功能
4. SH-03A有觸控功能 , SH-01A就因為個設計關係 , 無加到觸控
5. SH-01A為90度轉 , SH-03A為180度轉(轉後自動開議TOUCH功能)

兩者都係800萬CCD相機模組 , 具有29mm gei廣角效果 , 搭載ProPix圖像處理器
最大支援ISO2500高感光拍攝 , 可拍攝高速移動中gei目標 , 有逆光補正機能 ,
可以長時間4秒曝光 , 用黎影夜景真係拍得住入面數碼相機
更有捕捉面部微笑對焦又或者自行對焦人臉(最多5個)
最大支援16GB microSDHC

個人比較推薦女仔用SH-03A , 因為有TOUCH功能睇相/睇片之餘
180度轉既設計可以自己同朋友仔一齊自拍 , 吾駛就位估估下 , 可以即時睇到
睇相一樣可以有IPHONE功能 , 轉啊轉 ...

作者: abq12345 時間: 09-3-29 12:09 PM

無得入歌應該點做........

作者: ~車黎子 時間: 09-3-29 12:33 PM

原帖由 小進@nami 於 2009-3-29 11:42 AM 發表

謝謝你
其實朋友您gei情況等同進階篇第4題 (詳情可參閱)
建議使用DoCoMo牌子gei日系手機 , 同埋英國建議用Vodafone UK又或者O2電話台

女仔gei話 , 個人建議選擇SH-0XA 系列
SH-01A
http:// ...

我想問佢地2 個機架價錢幾多a...?
同埋會唔會有咩功能我係用唔到架..?
好彩我係vodafone
不過我係7月先番..
果陣會唔會又有咩新機型號a..?

作者: 小進@nami 時間: 09-3-29 12:46 PM

原帖由 ~車黎子 於 2009-3-29 12:33 PM 發表

我想問佢地2 個機架價錢幾多a...?
同埋會唔會有咩功能我係用唔到架..?
好彩我係vodafone
不過我係7月先番..
果陣會唔會又有咩新機型號a..?

SH-01A而家做緊白色/黑色($3600) , 藍色($3750)
SH-03A而家做緊白色/粉紅色($3550) , 黑色($3600)

SH-03A網頁
http://www.nttdocomo.co.jp/product/foma/prime/sh03a/gallery.html

SH-01A網頁
http://www.nttdocomo.co.jp/product/foma/prime/sh01a/

功能方面大致上香港情況一樣 , 一般功能都用到 , 除左TV , 影code
睇片 , 影相 , 聽歌都無問題

另外款式7月當然會出新款
因為日系手機 , 比較喜歡一季季出 , 到時可能有新突破都不出奇
不過暫時來講 , 新呢幾部算是手機之王了

作者: 小進@nami 時間: 09-3-29 12:48 PM

原帖由 abq12345 於 2009-3-29 12:09 PM 發表
無得入歌應該點做........

您指哪一部型號 lol?

作者: ~車黎子 時間: 09-3-29 01:12 PM

原帖由 小進@nami 於 2009-3-29 12:46 PM 發表

SH-01A而家做緊白色/黑色($3600) , 藍色($3750)
SH-03A而家做緊白色/粉紅色($3550) , 黑色($3600)

SH-03A網頁
http://www.nttdocomo.co.jp/product/foma/prime/sh03a/gallery.html

SH-01A網頁
http:/ ...

咁我想問一下..
下一季佢幾時出新架..?
thx

作者: 小進@nami 時間: 09-3-29 02:03 PM

原帖由 ~車黎子 於 2009-3-29 01:12 PM 發表

咁我想問一下..
下一季佢幾時出新架..?
thx

暫時都未知~
其實都會慢慢出

作者: abq12345 時間: 09-3-29 02:32 PM

原帖由 小進@nami 於 2009-3-29 12:48 PM 發表

您指哪一部型號 lol?

你話日本機會得入歌......
我想問無得入機係咪姐係要買歌?
定係某D型號可以入?

作者: 小進@nami 時間: 09-3-29 02:35 PM

原帖由 abq12345 於 2009-3-29 02:32 PM 發表

你話日本機會得入歌......
我想問無得入機係咪姐係要買歌?
定係某D型號可以入?

同入mp3一樣
只不過要轉格式咁解

作者: abq12345 時間: 09-3-29 02:41 PM

原帖由 小進@nami 於 2009-3-29 02:35 PM 發表

同入mp3一樣
只不過要轉格式咁解

哦...姐係佢都有入歌既功能..只係要轉檔...
唔該晒^^

作者: frankie祺 時間: 09-3-29 04:01 PM

我想問下SH-03A 佢入面
連続待受時間23
（静止時） 3G：約 560時間2122
GSM：約 260時間2122
個3g 係咩意思?
係咪姐係呢部機行到3g??
呢部機可以用 3 台?
網址詳情: http://www.nttdocomo.co.jp/product/foma/prime/sh03a/spec.html

作者: 小進@nami 時間: 09-3-29 04:41 PM

原帖由 frankie祺 於 2009-3-29 04:01 PM 發表
我想問下SH-03A 佢入面
連続待受時間23
（静止時） 3G：約 560時間2122
GSM：約 260時間2122
個3g 係咩意思?
係咪姐係呢部機行到3g??
呢部機可以用 3 台?
網址詳情: http://www.nttdocomo.co.jp ...

日本可以~
香港不可以

原因請參閱第一頁初心者篇第4題

作者: frankie祺 時間: 09-3-30 01:36 AM

如果我只係想買黎sh-03a玩
咁我用smartone既儲值卡都得架可?
另外如果我張smartone儲值卡過左期 , 咁仲用唔用到部手機?
姐係話係咪插張smartone既sim卡入去咁就可以用到部手機架啦? ( 唔洗打出打入同sd msg)
同埋呢部機打到8成中文字嗎?
打字又係咪照用5筆?
定係用日文d 片假名之裡合埋打個中文字出黎?

作者: 小進@nami 時間: 09-3-30 02:03 AM

原帖由 frankie祺 於 2009-3-30 01:36 AM 發表
如果我只係想買黎sh-03a玩
咁我用smartone既儲值卡都得架可?
另外如果我張smartone儲值卡過左期 , 咁仲用唔用到部手機?
姐係話係咪插張smartone既sim卡入去咁就可以用到部手機架啦? ( 唔洗打出打入同sd msg)
同 ...

恩~用儲值卡可以
DoCoMo手機本身只有通話鎖 , 唔插入Sim咭都可以用到影相聽歌功能
SoftBank手機才有加入多媒體功能鎖

SIM卡與解LOCK卡貼問題請移玉步閱初心者篇第5題^~^"
(http://www.2000fun.com/bbs/viewt ... page%3D1&page=1)

SH-03A不能打到8成中文字 , 最多只有2,500個常用字
打字用平時筆劃輸入方式黎輸入 , 詳情請閱初心者篇第3題
另外如果懂日語的話 , 用日語片假名打中文也行

作者: 寒冰魔龍 時間: 09-3-31 01:19 AM

我想知日本手機 sd唔sd到 sms 同打唔打到中文字--"

作者: 小進@nami 時間: 09-3-31 10:34 AM

原帖由 寒冰魔龍 於 2009-3-31 01:19 AM 發表
我想知日本手機 sd唔sd到 sms 同打唔打到中文字--"

日本手機新機都sd到 , 舊型號就某部份~
視乎什麼型號

中文問題請閱初心者篇第3題

作者: 寒冰魔龍 時間: 09-3-31 12:03 PM

問多小小野有冇邊到買日本手機會放心好多--

作者: 小進@nami 時間: 09-3-31 09:49 PM

原帖由 寒冰魔龍 於 2009-3-31 12:03 PM 發表
問多小小野有冇邊到買日本手機會放心好多--

可pm

作者: abq12345 時間: 09-4-5 07:20 PM

最近看了幾套日劇....
一係用摺機一係用推機

個Mon又咁鬼大

真係好想買

今次一定要考好D

作者: motto021 時間: 09-4-8 05:24 AM

提示: 作者被禁止或刪除內容自動屏蔽

作者: 小進@nami 時間: 09-4-8 10:19 AM

原帖由 motto021 於 2009-4-8 05:24 AM 發表
學到好多野,好多謝你教得咁詳盡
原本仲一直煩緊歌部sh03a可唔可以係英國用到
你係唔係有鋪頭ga? 可唔可以pm我話我聽係邊
我打算7月番黎歌時去買

sh-03a英國可以用
我無鋪頭ga , 不過詳細已pm

作者: 火之鍊金術士 時間: 09-4-8 02:24 PM

有無咩機係3台用得又收/sd到 sms 最好有埋型號

另外邊度有日本機賣又比較安全信得過

作者: laulauhk 時間: 09-4-9 09:28 AM

我想問下如果圈外用iNEX便可以自動追返台??唔洗要第二部手機追台??
小弟係用people的....正想買nec的n-02a,唔知有咩注意下呢?

作者: Ｘ～鏗 時間: 09-4-9 05:59 PM

原帖由 laulauhk 於 2009-4-9 09:28 AM 發表
我想問下如果圈外用iNEX便可以自動追返台??唔洗要第二部手機追台??
小弟係用people的....正想買nec的n-02a,唔知有咩注意下呢?

軟解版係唔會有圈外問題出現

作者: laulauhk 時間: 09-4-9 06:22 PM

原帖由 Ｘ～鏗 於 2009-4-9 05:59 PM 發表

軟解版係唔會有圈外問題出現

軟解太貴了

咁硬解點搞?

作者: 小進@nami 時間: 09-4-9 07:51 PM

原帖由 laulauhk 於 2009-4-9 06:22 PM 發表

軟解太貴了
咁硬解點搞?

軟解才不算貴呢~
硬解機才是最貴的 , 因為都是最新的 (不過3台就別望了)

硬解=加上解鎖貼
軟解=本身部機插上sim卡就可以用了 , 不用附加任何解鎖卡貼

作者: 小進@nami 時間: 09-4-9 07:55 PM

原帖由 火之鍊金術士 於 2009-4-8 02:24 PM 發表
有無咩機係3台用得又收/sd到 sms 最好有埋型號

另外邊度有日本機賣又比較安全信得過

可參看第26樓
http://www.2000fun.com/bbs/viewt ... p;extra=&page=2

不過大部份都不能收發sms , 及部份沒英文介面(只有日)
最近比較hot就 NEC N-02A , 不過無返貨 ...

購買詳情已pm

作者: `★kHbA- 時間: 09-4-11 05:16 PM

和記收發唔到sms即係冇乜用..

作者: ~車黎子 時間: 09-4-18 09:18 AM

原帖由 小進@nami 於 2009-4-8 10:19 AM 發表

sh-03a英國可以用
我無鋪頭ga , 不過詳細已pm

pm 埋我a...
我都係英國用.....
都係7月番....

作者: babyhappyhour 時間: 09-5-6 10:32 PM

突然心血來潮想換日系手機，黎左呢度睇下有咩款
一睇之下，發覺資料詳盡，相片齊、清楚

欣賞呢位疑似版主小進@nami (暫時黎講)
希望你繼續努力

作者: 小進@nami 時間: 09-5-15 03:18 AM

原帖由 babyhappyhour 於 2009-5-6 10:32 PM 發表

突然心血來潮想換日系手機，黎左呢度睇下有咩款
一睇之下，發覺資料詳盡，相片齊、清楚

欣賞呢位疑似版主小進@nami (暫時黎講)
希望你繼續努力

THANK YOU~!
另外詳情已pm

作者: laic0504 時間: 09-5-28 12:19 AM

我買左部sh03a,
甘我用左卡貼加埋張usim啦,
我用smartone既,
但吾知點解我淨系可以打出,吾可以打入牙`
人地打比我果時佢話'電話暫時未能接通',
但我明明有開,而且可以打出咖,
點解甘咖?點算?!

作者: 小進@nami 時間: 09-5-28 11:16 PM

原帖由 laic0504 於 2009-5-28 12:19 AM 發表
我買左部sh03a,
甘我用左卡貼加埋張usim啦,
我用smartone既,
但吾知點解我淨系可以打出,吾可以打入牙`
人地打比我果時佢話'電話暫時未能接通',
但我明明有開,而且可以打出咖,
點解甘咖?點算?!

邊一張sim卡?
同埋用咩plan?

作者: 多拿菲 時間: 09-6-4 07:28 AM

好欣賞版主的細心和耐性
教了我們這麼多日本機的資料
不過…小妹今朝才開始看…
有點消化不完，但手機壞了…想快點換機
所以在這裡想講出自己的要求

看看版主有什麼推介

1.我是用csl的
2.想要有紫色的機款（若不是這色也可推介）
3.相機想要500萬象數以上
4.可接收、發放繁體字
5.鈴聲大一點的（最好不用轉mp3，不過必需要轉我也會自學的。）
6.耐用一點，例如那些其他客用評價也高的呢XD
7.可私底下告訴我哪間鋪買日本手機好信譽嗎？我想到舖頭看機買機呢。
8.有藍芽、可接駁電腦呢d基本野
9.1900-3500元內有可能嗎？

要求好像多了點……希望版主別嫌小妹麻煩了啦，感謝感謝。心急人上。

[ 本帖最後由多拿菲於 2009-6-4 07:47 AM 編輯 ]

作者: 小進@nami 時間: 09-6-5 10:47 PM

原帖由 多拿菲 於 2009-6-4 07:28 AM 發表
好欣賞版主的細心和耐性
教了我們這麼多日本機的資料
不過…小妹今朝才開始看…
有點消化不完，但手機壞了…想快點換機
所以在這裡想講出自己的要求
看看版主有什麼推介

1.我是用csl的
2.想要有紫色 ...

先謝謝您
恩 , 先回答您的問題吧~

1.我是用csl的
A: 香港建議用數碼通、中國移動通信(PEOPLES)、CSL (one2free)又或者電訊數碼 ; 至於PCCW、新世界又或者Sunday , 都不太建議用 , 因為會經常發生圈外情況
所以CSL沒問題的

2.想要有紫色的機款（若不是這色也可推介）
A: 紫色比較少 , 不過有一部我認為最靚GE係932SH
如果而家平平地 , 女仔岩用既 , 我建議用SH-03A(180度轉MON 800萬像素有笑臉捕捉自動拍照 , 女仔可以自拍用 , 有黑白粉紅 3隻色 , 我自己都用緊 , 可參看出面的帖子)
來緊會出GE機功能都十分強大 , 不過價錢就有點貴 , 女孩子的不太建議(要不找男生送吧xD)
SH-01A都OK , 如果鍾意T字型機既話~
不過就要睇您比較用開DOCOMO機定係SOFTBANK機先
而且始終要看看對機款有什麼要求

3.相機想要500萬象數以上
A: 基本上每一部都有500萬像以上了 , 將會出的都有1000萬像
PS 注意一點 , 象素愈高=/=代表影相愈靚 , 只代表相片中有多少點
要分別靚同吾靚 , 都要看看功能 , ISO數值 , 相機鏡頭等等 ... (要自己研究/找朋友一起看看嚕)

4.可接收、發放繁體字
A: 中文字問題可以先參閱初心者篇第3題
現時的新款手機 , 一般可以打到約2500個常用字

5.鈴聲大一點的（最好不用轉mp3，不過必需要轉我也會自學的。）
A: 鈴聲這個嘛 , 日本手機不會用MP3格式的 , 一般都會用ACC (其實轉很易的嘛 , 下載個轉格式軟件 , 然後自己轉就是了)
另外就是DOCOMO機只可以用12秒人聲鈴聲 , 有限制的 , 其餘就只可以用MMF/MIDI
SOFTBANK機則無限制

6.耐用一點，例如那些其他客用評價也高的呢XD
A: UM ... 一般好好打理部電話 , 都會一直耐用嘛
來得香港賣的~ 評價都很高 , 差的都不會引進嘛xD

7.可私底下告訴我哪間鋪買日本手機好信譽嗎？我想到舖頭看機買機呢。
A: 對了 ... 偶有賣的xD
詳情可pm

8.有藍芽、可接駁電腦呢d基本野
A: 手機連去電腦這個對女生來說有點麻煩 , 有時要裝什麼什麼的
直接了當就是 ... 有什麼都放進MEMORY卡 , 用CARD READER , 沒煩惱(SD卡內的資料可以COPY過去手機MEMORY的)
藍芽只有SOFTBANK機可以用到

9.1900-3500元內有可能嗎？
A: 恩~都有 , 一般都是3500左右
這個看型號才定斷

作者: sword001 時間: 09-6-9 07:16 PM

啊..
請問咩係 (影code) ..??

作者: 小進@nami 時間: 09-6-11 12:22 AM

原帖由 sword001 於 2009-6-9 07:16 PM 發表
啊..
請問咩係 (影code) ..??

bar code , 影完之後可以連上網 , 知道該貨品價錢/資料

作者: tvb 時間: 09-6-23 07:54 AM

唔好意思...我有D野想問問..
呢個POST有講到,有幾個情況下,softbank既機會自動鎖返多媒體,好似呢個咁
3) 無插入/唔記得插入Sim咭 (包括您張Sim咭插得唔好)
但我想問,熄左機之後,先拎返張SIM咭出黎,會唔會鎖返多媒體?

作者: siuhaha 時間: 09-6-23 01:57 PM

小妹正想買日本手機之際，就遇上樓主，
實在太好了，希望樓主可以幫幫我，
推介一款合適的的手機

1.我是用3台的 (我都知是比較難一點)
2.一定要摺機，方便自拍
3.我想要影相質素好的手機
4.可接收、發放繁體字
5.鈴聲大一點的（最好不用轉mp3，不過必需要轉我也會自學的。）
6.耐用一點，例如那些其他客用評價也高的呢XD
7.可私底下告訴我哪間鋪買日本手機好信譽嗎？我想到舖頭看機買機呢。
8.有藍芽、可接駁電腦呢d基本野
9.1900-3500元內有可能嗎？

作者: 小影@mai 時間: 09-6-26 06:55 PM

你好 ,
我想問如果我轉了English Language ,
收發短訊方面還可以用中文的嗎 ?
另外 ,用Smartone的儲值卡可以用日本手機嗎 ?

作者: 小進@nami 時間: 09-6-29 09:06 PM

原帖由 小影@mai 於 2009-6-26 06:55 PM 發表
你好 ,
我想問如果我轉了English Language ,
收發短訊方面還可以用中文的嗎 ?
另外 ,用Smartone的儲值卡可以用日本手機嗎 ?

可以

作者: 小進@nami 時間: 09-6-29 09:07 PM

原帖由 tvb 於 2009-6-23 07:54 AM 發表
唔好意思...我有D野想問問..
呢個POST有講到,有幾個情況下,softbank既機會自動鎖返多媒體,好似呢個咁
3) 無插入/唔記得插入Sim咭 (包括您張Sim咭插得唔好)
但我想問,熄左機之後,先拎返張SIM咭出黎,會唔會鎖返多媒 ...

唔會 , 但要注意softbank機關完後仲有一個畫面 , 先可以拎舊電出黎

作者: cheap仔仔 時間: 09-7-4 12:31 PM

小進之前講到大陸,台版日系手機..
d款式可以係邊度睇到..多唔多?價錢係咪又係超貴?
一大堆疑問添..

主要因為係用3台..又超鍾意send 中文sms的..
不過日系手機的旋轉自拍功能真係太太吸引了..
大陸/台版就可以解決以上兩個問題?
我想買黎送比人,首選係sh-03a
不過會唔會有大陸/台版呢?而且貴好多?
還有甚麼有旋轉自拍功能的機有大陸/台版?

唔該唔該!

作者: 小進@nami 時間: 09-7-5 04:34 PM

原帖由 cheap仔仔 於 2009-7-4 12:31 PM 發表
小進之前講到大陸,台版日系手機..
d款式可以係邊度睇到..多唔多?價錢係咪又係超貴?
一大堆疑問添..

主要因為係用3台..又超鍾意send 中文sms的..
不過日系手機的旋轉自拍功能真係太太吸引了..
大陸/台版就可以 ...

可以去呢度睇
http://hk.user.auctions.yahoo.co ... p;u=:ps3465&tp=

不過一般都要$5000up~
對於用3台,3g,中文亦無任何問題
如有需要 , 可以再詳談

以及sh-03a有出國內版

作者: cheap仔仔 時間: 09-7-5 05:55 PM

原帖由 小進@nami 於 2009-7-5 04:34 PM 發表

可以去呢度睇
http://hk.user.auctions.yahoo.co ... p;u=:ps3465&tp=

不過一般都要$5000up~
對於用3台,3g,中文亦無任何問題
如有需要 , 可以再詳談

以及sh-03a有出國內版

有出國內版咁好?有興趣!!價錢大約係咩呢?
而且重有冇其他O既180旋轉o既摺蓋手機有出國內版台版?
朋友對自拍手機情有獨鍾...幾年前錯過左sharp o既sh903就搵唔倒其他了..

作者: alanzhu 時間: 09-7-20 05:00 AM 標題: HALO~我有問題想問~

HALO~我住系NEW YORK，我想買臺SONY ERICSSON SO903iTV 同 sharp既SH903iTV，請問系NEW YORK用唔用到？
如果用到又要點做？UNLOCK 同TURBO SIM?

作者: alanzhu 時間: 09-7-20 05:01 AM 標題: HALO~我有問題想問~

HALO~我住系NEW YORK，我想買臺SONY ERICSSON SO903iTV 同 sharp既SH903iTV，請問系NEW YORK用唔用到？
如果用到又要點做？UNLOCK 同TURBO SIM?

作者: ps3465 時間: 09-7-22 12:32 AM

唔得，docomo手機由705i同埋905i系列開始先至用到架

作者: 小影@mai 時間: 09-8-1 12:46 PM

docomo好還是softbank好?
想要180度轉mon的
有甚麼好推介?

作者: 小進@nami 時間: 09-8-2 11:11 PM

原帖由 小影@mai 於 2009-8-1 12:46 PM 發表
docomo好還是softbank好?
想要180度轉mon的
有甚麼好推介?

老實說 , 真的好視乎用家習慣哪一個
頁面有比較過的

另外 , 180度轉mon 最hot的是933sh同sh-06a兩機之爭
兩者分別可參看
http://www.2000fun.com/bbs/viewt ... &extra=page%3D1

作者: ella94103 時間: 09-8-15 12:46 PM

想問下呢
HyperSIM係唔係姐係卡貼?
有左HyperSIM係唔係就可以係new york用?
同埋係唔係有左card reader就可以張手機d相放入電腦?
我想買既手機型號係sh-06a
唔該晒

作者: 小進@nami 時間: 09-8-16 12:26 AM

原帖由 ella94103 於 2009-8-15 12:46 PM 發表
想問下呢
HyperSIM係唔係姐係卡貼?
有左HyperSIM係唔係就可以係new york用?
同埋係唔係有左card reader就可以張手機d相放入電腦?
我想買既手機型號係sh-06a
唔該晒

恩~HyperSIM是卡貼
不過比較舊了~現在都是用iNEX的~

可以在new york用, 不過就要幫你set點東東
入野落電話有兩種方法
1. 用card reader入落sd卡
2.解mtp mode(可以利用usb直接由電腦連去手機, 用wmp直接入歌)

作者: ella94103 時間: 09-8-16 04:56 AM

原帖由 小進@nami 於 2009-8-16 12:26 AM 發表

恩~HyperSIM是卡貼
不過比較舊了~現在都是用iNEX的~

可以在new york用, 不過就要幫你set點東東
入野落電話有兩種方法
1. 用card reader入落sd卡
2.解mtp mode(可以利用usb直接由電腦連去手機, 用wmp直接入 ...

要set d咩野?可唔可以教我?
同埋想問下 SH-06A係NEW YORK呢邊用呢
會唔會成日圈外?
thanksssss!!!!!

[ 本帖最後由 ella94103 於 2009-8-16 06:27 AM 編輯 ]

作者: STUPID_TING_B 時間: 09-8-16 05:30 PM

我想問docomo f-01a 有冇咩特別缺點?
如果一直用開既sim卡(csl)同卡貼
但係因為轉台而有張新o既sim卡(peoples)
咁洗唔洗重新買果張卡貼
定係用返舊果張已經okay?

作者: 小進@nami 時間: 09-8-18 09:25 PM

原帖由 ella94103 於 2009-8-16 04:56 AM 發表

要set d咩野?可唔可以教我?
同埋想問下 SH-06A係NEW YORK呢邊用呢
會唔會成日圈外?
thanksssss!!!!!

可以ge, 可以係new york用, 不過就需要買另外買舊野
要買可以搵我ge, paul會逐步教埋你點set ^~^"
即使圈外左都吾怕, 同埋亦有方法解救
但# 美國建議用T-Mobile台

作者: ella94103 時間: 09-8-19 08:48 AM

原帖由 小進@nami 於 2009-8-18 09:25 PM 發表

可以ge, 可以係new york用, 不過就需要買另外買舊野
要買可以搵我ge, paul會逐步教埋你點set ^~^"
即使圈外左都吾怕, 同埋亦有方法解救
但# 美國建議用T-Mobile台

要買d咩野? 但係我依家唔係香港喎
有冇得上網買?
我係用t-mobile的.

作者: STUPID_TING_B 時間: 09-8-19 01:42 PM

>_< 點解唔RE我Post

作者: 小進@nami 時間: 09-8-20 12:59 PM

原帖由 STUPID_TING_B 於 2009-8-19 01:42 PM 發表
>_< 點解唔RE我Post

因為f-01a已經沒得買嚕~
另外docomo機可以用番舊果張iNEX

作者: 小進@nami 時間: 09-8-20 01:17 PM

原帖由 ella94103 於 2009-8-19 08:48 AM 發表

要買d咩野? 但係我依家唔係香港喎
有冇得上網買?
我係用t-mobile的.

海外要買個鎖台器
詳情可看@@"
http://www.2000fun.com/bbs/viewt ... &extra=page%3D1

作者: NatalieTea 時間: 09-9-8 03:34 AM

我買左部sh03a冇几奈,
上網睇左好多文章都唔係好識點樣入玲聲同入歌,
唔該你可唔可以詳細小小咁教下我ar? >< thx

作者: NatalieTea 時間: 09-9-8 03:53 AM

仲有戈個指紋識別功能點用? 可以係邊度用得著?

作者: Ming! 時間: 09-9-11 07:48 PM

我想問有冇3台2g用到既機
而有sms功能
可以打個型號出黎?
如果岩既話我會同fd幫親你!

作者: skani 時間: 09-9-14 01:14 AM

點樣可以入玲聲落部機到呀..?
係部機入邊要點set呀..?
同埋要用咩檔?我果部係933sh...
thankyou...

作者: 琢言眷儿 時間: 09-9-16 09:51 PM

請問咩DOCOMO手機可以3G用到
求下你講我知拜託._.

作者: 小進@nami 時間: 09-9-17 01:10 AM

原帖由 NatalieTea 於 2009-9-8 03:34 AM 發表
我買左部sh03a冇几奈,
上網睇左好多文章都唔係好識點樣入玲聲同入歌,
唔該你可唔可以詳細小小咁教下我ar? >< thx

如有MTP MODE的話可以去看看
http://www2.u w a n t s.com/viewthread.php?tid=8288593&extra=page%3D1%26amp%3Bfilter%3Dtype%26amp%3Btypeid%3D126

作者: 小進@nami 時間: 09-9-17 01:12 AM

原帖由 NatalieTea 於 2009-9-8 03:53 AM 發表
仲有戈個指紋識別功能點用? 可以係邊度用得著?

如何設定指紋辨識功能
setting=>security=>fingerprint ID=>ok=>輸入密碼預設密碼0000
=>然後在螢幕左下角會有一個NEW,點擊鍵盤左上角鍵=>ok=>然後就是刷3次自己的指紋
=>之後edit reg name(這個就是自己打字囉你要打"我的中指" 我也沒辦法管...）=>ok

設定完指紋辨識功能後他的作用是??
setting=>security=>Lock Settings=>一共有6個選項
1. 全部都鎖 2. 鍵盤鎖 3. 功能鎖(基本上我只鎖MAIL...看人習慣囉) 4.多媒體鎖
5.IC card鎖(你鎖這做啥...把日本電車系統搬來台北再說吧)
6.多媒體自動上鎖(沒用過..不要問我..大概是用來鎖A片之類的吧...)

作者: 小進@nami 時間: 09-9-17 01:13 AM

原帖由 琢言眷儿 於 2009-9-16 09:51 PM 發表
請問咩DOCOMO手機可以3G用到
求下你講我知拜託._.

3G沒.... 一定要2G的...
而且3台只有幾部軟解機可以用到

香港建議用數碼通、中國移動通信(PEOPLES)、CSL (one2free)又或者電訊數碼 ;
至於PCCW、新世界又或者Sunday , 本人都不建議使用 , 因為會經常發生圈外情況

作者: kobeluluk 時間: 09-9-29 05:43 PM

那意ｃ小進是日本手機の達人

作者: 小進@nami 時間: 09-10-5 12:27 AM

原帖由 kobeluluk 於 09-9-29 05:43 PM 發表
那意ｃ小進是日本手機の達人

不是 lol

作者: NAOKI007 時間: 09-11-2 12:58 PM 標題: 想買部日本手機><

小進~~~~

我係香港住~但我想買部日本手機~
我想問問去旅行拎部日本手機到外國會唔會收唔到漫遊架??

Docomo好用定Softbank好用呢~

我係男仔,所以想問問你有咩好既日本手機介紹~我個人比較喜歡褶機^^

同埋我想知邊度有得買日本手機定係你會賣呢??
抱歉~問了你這麼多問題m(-_-)m

作者: burzkarry 時間: 09-12-1 12:28 PM 標題: 我想問...

我想買部SHARP 933SH,,,O係加拿大用的FIDO台...
而家我用緊IPHONE 有3G DATA PLAN上網,,,咁933SH係唔係上唔到網O家??
同埋一定要加O個張卡貼加SIM卡先至用到?? THANKS =)

作者: Siu糖Kibea 時間: 09-12-30 02:46 PM

好欣賞版主的細心和耐性
今天才開始看非常有用呢^^
小妹最近鐘情日糸機-33-
在這裡想講出自己的要求看看版主有什麼推介

1.我是用3台的(3g)
2.想要有粉紅色的機款(盡可能吧,如沒有選擇紫or紅色都可以喔)
3.相機想要300萬象數以上(其實影相不太差就可以)
4.可接收、發,繁體字sms
5.鈴聲大一點的（最好不用轉mp3，不過必需要轉我也會自學的。）
6.1500-4000元內有可能嗎？

另外想問如果買台版日糸機回港有什麼鋪頭可以幫解鎖(最好是軟解喔)
要求好像多了點……希望版主別嫌小妹麻煩了啦，感謝感謝。

作者: vfttx 時間: 10-2-4 03:45 PM

我想問~LZ知唔知道SH-08A會幾時上市?
http://www.sharp.co.jp/products/sh08a/

我想等呢部機~但又頗心急想換(部電話坏坏地~)

作者: karass 時間: 10-2-13 02:42 PM

我想問
我想買Sharp DoCoMo SH-06A /03A
諗住轉peoples
諗定咁之後有D咩必須買既野?

作者: Katsy.. 時間: 11-4-27 12:18 AM

作者: HeY‧‧‧ 時間: 11-4-27 12:19 AM

日本機係米真係咁好用呢?

作者: kt097 時間: 11-4-27 12:19 AM

原帖由 vfttx 於 10-2-4 03:45 PM 發表
我想問~LZ知唔知道SH-08A會幾時上市?
http://www.sharp.co.jp/products/sh08a/

我想等呢部機~但又頗心急想換(部電話坏坏地~)

我都想等呢部機~但又頗心急想換(部電話坏坏地~)

作者: rraayy43 時間: 11-4-27 12:19 AM

原帖由 HeY‧‧‧ 於 11-4-27 12:19 AM 發表
日本機係米真係咁好用呢?

我又要出番部WOR:smilie_:): :smilie_:):

作者: 索藍:) 時間: 11-4-27 12:19 AM

日本手機真係咁正?_?.....

作者: HeY‧‧‧ 時間: 11-4-27 12:20 AM

哇..個個咩事`..~~

作者: kt097 時間: 11-4-27 12:21 AM

原帖由 HeY‧‧‧ 於 11-4-27 12:19 AM 發表
日本機係米真係咁好用呢?

食左飯未丫

作者: rraayy43 時間: 11-4-27 12:24 AM

原帖由 索藍:) 於 11-4-27 12:19 AM 發表
日本手機真係咁正?_?.....

你最正甘多女又吾彈D泥

作者: kt097 時間: 11-4-27 12:24 AM

原帖由 索藍:) 於 11-4-27 12:19 AM 發表
日本手機真係咁正?_?.....

耐用長腿掛:smilie_:):

作者: HeY‧‧‧ 時間: 11-4-27 12:26 AM

又_佢個波???

作者: rraayy43 時間: 11-4-27 12:27 AM

原帖由 kt097 於 11-4-27 12:24 AM 發表

耐用長腿掛:smilie_:):

9吾搭8

作者: kt097 時間: 11-4-27 12:29 AM

原帖由 rraayy43 於 11-4-27 12:27 AM 發表

9吾搭8

尻UP唔洗認真

歡迎光臨 2000FUN論壇 (https://www.2000fun.com/)