2000FUN論壇

標題: 入球停不了!!等待佢入番國家隊既時刻!!!入黎支持下.. [打印本頁]

作者: ~啊火~ 時間: 09-4-2 07:25 PM 標題: 入球停不了!!等待佢入番國家隊既時刻!!!入黎支持下..

願諒我不厭其煩咁又講大哨...朗拿度!
唔知係咪我係佢fans既關係..所以好想再係到支持佢!!(最後1次==)
等佢入番國家隊先再開post傾佢!廢時成日開post''..

先睇睇佢近排入既波!!!
25/03/2009
[utube]rysu1DxgP5k[/utube]
第2球仍然有功架!
[utube]a6oDJpcRvN8[/utube]
31/03/2009
[utube]e1Zzk5kX5pc[/utube]

羅馬利奧:朗拿度應回歸國家隊

曾與朗拿度並肩作戰的巴西傳奇前鋒、綽號「獨狼」的羅馬利奧也加入了聲援R9重披巴西黃衫的陣營。

   33歲的朗拿度近期在哥連泰斯成功復出，在307分鐘比賽攻入4球，入球效率之高讓球迷和媒體感到讚歎。而相反的是在昨天淩晨，鄧加執教的巴西隊則與厄瓜多爾經歷了一場令人難堪的和局，因此在巴西國內呼籲國家隊重新啟用「外星人」朗拿度的呼聲也變得越來越大。

   其中羅馬利奧就是引人矚目的一員，该名已經退役的前巴西國腳在接受路透社記者採訪時就對自己曾經的鋒線搭檔進行了聲援。「如果朗拿度依舊能夠持續不斷地回復自己的體能狀況，我肯定會支持他(重返巴西隊)，對於即將參加世盃的巴西隊，他將是重要的一員。」

   退役後43歲的羅馬利奧在巴西的一家名為美洲的乙組球會擔任技術主管，結合自己退役前在巴西國內踢球的經歷，「獨狼」表示目前的朗拿度雖然與當年在巴塞隆拿和皇馬踢球時的「外星人」相去甚遠，但他的得分能力卻並沒有隨著年齡增大和身體的老化而發生改變。

   「當我即將退役的時候，我已經不再追求踢出漂亮足球了。我的目標只有——入球；而朗拿度也通過表現證明了這一點，他在5場比賽中已射入4球。身為球隊的前鋒就必須入球，這非常重要。」

   巴西隊目前在世盃南美區外圍賽中排名第四，11輪比賽僅有16個入球，鄧加的球隊正因為成績欠佳、場面難看而備受指責。或許「外星人」的回歸真的能夠改變球隊目前的尷尬局面。(Goal.com)

眼見近排巴西無左昔日既霸氣..
前鋒裡面又無個把握力同影響力強既球員
往往就捻起大哨....
我覺得巴西依家真係無人著得起9號!
而大哨係呢個時候真係重有能力可以入番巴西..著番起件9號!!!
我相信巴西裡面每一個球迷都等緊呢一刻..
希望鄧加快d快d做野...選佢入番隊啦...
我地大家都想睇埋佢2010世界杯就再無奢求!!
但依家最希望大哨keep住入波..到時唔選都唔得呀!!!!!加油大哨!!!!!!!!!

[ 本帖最後由 ~啊火~ 於 2009-4-2 07:27 PM 編輯 ]

作者: 芯譕２戀 時間: 09-4-2 07:27 PM

入第5球啦e家佢!!!

作者: ○※輝※§ 時間: 09-4-2 07:28 PM

入球真係停不了..

作者: 芯譕２戀 時間: 09-4-2 07:32 PM

原帖由 ○※輝※§ 於 2009-4-2 07:28 PM 發表
入球真係停不了..

但相比起佢既隊友
佢真係特別肥

作者: ~啊火~ 時間: 09-4-2 07:37 PM

原帖由 芯譕２戀 於 2009-4-2 07:32 PM 發表

但相比起佢既隊友
佢真係特別肥

我都想講一點..我地之前都成日笑佢肥..
但佢證明左肥唔係世界末日!!
佢重係OK靈活..睇佢入睇2球就知還可以啦!
可能肥重幫左佢屈身位

作者: tin~~~ 時間: 09-4-2 07:39 PM

我都想佢入選返國家隊
雖然佢冇可能再好似以前咁踢波
咁不如轉型,做好似恩沙基果隻類型應該幾岩佢

作者: 小戎道 時間: 09-4-2 07:55 PM

要入30球真係唔難對佢黎講

作者: ho! 時間: 09-4-2 08:18 PM

感動

希望真係返到國家隊..

作者: @_@豪仔@@ 時間: 09-4-2 08:33 PM

原帖由 ~啊火~ 於 2009-4-2 07:37 PM 發表

我都想講一點..我地之前都成日笑佢肥..
但佢證明左肥唔係世界末日!!
佢重係OK靈活..睇佢入睇2球就知還可以啦!
可能肥重幫左佢屈身位

但係會唔會容易D受傷

希望外星人你可以入番國家隊喇

作者: -M-i-n-g- 時間: 09-4-2 08:40 PM

原帖由 ~啊火~ 於 2009-4-2 07:37 PM 發表

我都想講一點..我地之前都成日笑佢肥..
但佢證明左肥唔係世界末日!!
佢重係OK靈活..睇佢入睇2球就知還可以啦!
可能肥重幫左佢屈身位

但係你睇返全場精華or全場既話....佢既靈活已經因為佢既體重而下降左....
而且體重令到佢起步慢左.....加上球賽級數唔同....好難比到信心國家隊領隊....
不過點都好...佢都算係有返左狀態....雖然未算好....但係比起前1-2年既真係好過冇
希望佢可以上到足球生涯既第2個高峰期啦

[ 本帖最後由 -M-i-n-g- 於 2009-4-2 08:43 PM 編輯 ]

作者: @KK@ 時間: 09-4-2 08:43 PM

球12碼好似射得有d hea - -?

作者: 蝦碌碌 時間: 09-4-2 09:22 PM

唔係抽水 =.= 三球我都唔覺有咩特別.....

第一球似插水...

第二球睇下比人入波果隊d隊員好似行行企企咁 =.=

第三球都唔見有咩特別

作者: ★闇魂☆ 時間: 09-4-2 09:29 PM

第1球個球証好型